#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ

لسان حال الطفله العليله :
******

حُسين .. حُسين
* * *
عيني ربيه بقت صوب الدرب
وهوه شيهوده اذا حن الكلــب
أكعـــــد وامل وأرد للدار اطب
كل مغربيه يهل دمعي ويصب
هلال ..
يوميه أتاني هلاله اتنطـــره
وأكضي نهاري أنتظار امرمره
وليليــــه اسهر وانـــام امكدره
حُسين .. حُسين
* * *
كل ليله اكعد إله أيـــــام أعد
جنت آنه أمني النفس سالم يرد
جسمي بغيابــــه ذبل ذبلت ورد
ما طب يشافي ترى جـرح البُعد
تعال ..
ياموت أخذني أريدن شوفته
مشتاكه لمسة حنانه وشبكته
مشتاكه ابوسه واشمن ريحته
حُسين .. حُسين
* * *
شلي بعيوني بعد مات الضوه
كلشي برحيله ذبل حتى الهوه
دهري جرحني بجرح ماله دوه
صفحة حياتي انتهت عمري انطوه
محال ..
بعده أشوفن راحــــــه بدنيتي
امصيبه جبيره عظيمه امصيبتي
بس المنيــــــــه تطيب علتــــي
حُسين .. حُسين
* * *
كافي يكلبــــي نبض المن تدك
أشما روحي أكثر تضل آنه أحترك
كلما أجــر النفس بيــــه أختنك
أنسـه خضار الغصن مات العرك
جمال ..
ماهو جمال الوجود البيه عشت
اليعنيلي كلشي رحل وآنــه متت
غاب وغيابـــــه كتلنـــي وشيبت
حُسين .. حُسين
* * *
بالدنيه وآهس بعد ما ظل ألي
راح الّي گلي شكثــــــــر تدللي
الخيمه العلينه مشت راح الولي
حسين بمماته أنتهوا ماتوا هلي
دلال ..
جنت بوجوده أميره مدللـــه
وهسه يتيمه بقيت امعلعلـــه
وامنين اجتني مصايب كربله
حُسين .. حُسين
* * *
                       سلام المشعل

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ

#قصائد_العليله_ع
#الليله_الثالثه

يا حسين اوداعتـــك مابيه فــرگاك
بالضعن خليني اروحــن بويه وياك
____
يالعشــت دوم ابدلالك اغفه بحضانك جنت
من نويـت اتروح بويه الدنيا بعيوني طفت
ما كلت بنتي عليله اشـــلون لو عــنها رحت
راح اگضي الليل ونه وگول من هـسه متت
ميته روحي ابفرگتك ما اكدر انساك
بالضعن خليـًـــني اروحن بويه وياك
___
اسرج الخيل ابضعنكم بويــه اشيلنه الطفل
راح تاخذ كل خــــواتي وانه ما لاگيلي حل
تاكل ابروحـي المواجع والدمـــع يبقه يـهل
وانه أحــسك ما تردلي وفرگتـك بيها زعـل
راح اضـــل ابحسرتي اتناك وارجاك
بالضعن خليـًـــني اروحن بويه وياك
__
يا صدى ابروحـي اسمعــــه والدج لا ما يرد
يعني من هسه استعدي مايرد ضــعن الورد
كون اموتن هســـه احسن بعد شيضلي بعد
هل سفر مابيه رجــــعه والمن اعيوني تصد
عمري ورده وذبـــلت ذبلها مـجــفاك
بالضعن خليـًـــني اروحن بويه وياك
__
مومريضه واگدر امشي انتَ بس گلي تعاي
مااتعبك يكفي شوفك يابعدشوفي وضواي
شوفتك يحسين هيه سلـــوتي بويه ودواي
باجر اعطش شــوف بويه ماريدن بعد ماي
بعد شــــــيصبرني بويه ووين الگاك
بالضعن خليـًـــني اروحن بويه وياك
_
باجر الليل اشيخلصه والعـــــليله ابلايه ابو
عني لو راحت اضعونك بعد لعـــــيوني منو
اخ يا ليلي وغربتـــــي والأهــــل عني حدو
رايحين وحالي يكلف ويلي يحبابي المـشو
روحي كلها اترد اذا مر بيــها طرواك
بالضعن خليـًـــني اروحن بويه وياك

_
المقصر خادم الحسين ع ناجي ابو كيان الصالحي ونسالكم الدعاء لي ولوالدي ٢٠٢٣

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
#قصائد_العليله_ع
#الليله_الثالثه


موش اولامي الفراگ
موش اولامي الفراگ


____

ليلي وغربة أحزاني. بويه انخطفت الواني
يالجافيني يالمبعد بــــعدك فاطمه اتعاني
ما بيه هجر تـــدري هُــجرك يذبح بعمري
ماعندي صــبر بويه يمشي اوياك كل صبري
موش اولامي الفراگ
موش اولامي الفراگ
___

مو عله الهجر علتي بويـــه ارحم ابونتي
وين اصبر بعد عينك صعبه تنفهم قصتي
نبضت روحي والعشره. روحي احتاجتك حضره
يا بعد الگلب انته مــــــــنك شافيه النضره
موش اولامي الفراگ
موش اولامي الفراگ
__

بويه وسارت اضعونك. وانظر منخطف لونك
شو حسيت يا بويه. عطـــــشان ويذبحونك
ماشـــي للذبح جنك يعذيـــبي الـهوه منك
گلبي اعليك ناغزني. ما ترجــــــــع اعرفنك
موش اولامي الفراگ
موش اولامي الفراگ
____

روحي الفرگه تجويها. ناري مـــــن يطفيها
واعيوني بعد طولك. بــــويه البچي يعميها
هجرك ماله كل جاره كلبــــــــي تستعر ناره
انه الروحي يحسيني ضلـــت بويه محتاره
موش اولامي الفراگ
موش اولامي الفراگ
__

من هسه طلع شيبي. بويـــه وزايد انحيبي
يا روحي بعد خلج ايســـي روحـي اطيبي
راح اليفهم اعيونج. راحــــت كلمة اشلونج
من هسه الحمل يثكل اهلــج من يعوفونج
موش اولامي الفراگ.
موش اولامي الفراگ
__
الخادم المقصر ناجي ابو كيان الصالحي ونسالكم الدعاء لي ولوالدي ٢٠٢٣


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ

مقدمات الليالي (الليله الثالثه)

من عاشور ثالث ليله ▪️من عاشور ثالث ليله
________
اليوم اعله العليله الدمعه نجريها
عافوها اهلها وراح واليها
راح الجان تارس بيتها اعليها
جان حسين خيمه وتستضل بيها

من عاشور ثالث ليله ▪️من عاشور ثالث ليله
________
تتنطر ابوها يرجع لداره
اشو طالت سفرته وگطعت اخباره
منتظره اشوكت تلفيها البشاره
ماتدري بذبحهم هوه وانصاره

من عاشور ثالث ليله ▪️من عاشور ثالث ليله
________
من تشتم عطرهم تذكر الفرگه
جانت من ابوها تنتظر شبگه
راحو كل هلج ماكو بعد ملگه
حياتج راح تخلص بس بجي وخنگه

من عاشور ثالث ليله ▪️من عاشور ثالث ليله
________
✍️احمد علي البغدادي
محرم الحرام 1445 هـ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
#قصائد_منبريه
#محرم_١٤٤٥
ليلة فاطمه العليله (ع)
اساسيه

جرح العمر فكَد الاحباب
ماضل صبر يالهوه الهاب
جيب من عدهم خبر
والله مو راح النظر
ماضل صبر ماضل صبر
..............
كل مسيه اكعد واعاتب بلكي يا أهلي تعودون
ابجاه كلمن عنده ادعي جاه يحبابي تردون
خاطر الله العنده خاطر كَلبي عدكم لاتموتون
كل هوه ياخذ عتابي ما أضنكم ما تسمعون
يدري الهوه شهكتي موت
وانتم دوه جرحي اله صوت
خجل من دمعي المطر
والله مو راح النظر
ماضل صبر ماضل صبر
..............
موجرح واحد واطيبه كَد عدد خطواتي بالبيت
رايحه البابه ورجوعي جن جمر اسحك تجويت
جن احس ابروحي ديره من البواجي ابلا توابيت
المثلي كون ابحظن ابوهه مو على فراكَه تربيت
وي الاهل يحله الوكت
هسه الاجل دمعي يكت
اثنينه ابنفس الخطر
والله مو راح النظر
ماضل صبر ماضل صبر
..............
بكل صلاه دمعي ودعائي ربي يامن خالق الروح
ربي ما تاخذهه مني والله مو مليت الجروح
لشوكت وي صبري اعاني طير جني ابعشه مذبوح
من الزغر واني العليله والتمامه حملي مطروح
ياما حجي وي النسيم
اشبع بجي وجسمي سقيم
والنِفَس بيه احتظر
والله مو راح النظر
ماضل صبر ماضل صبر
.............
كَلبي نار من المصايب وانتظر طارشهم هواي
مثل ضامي ابكاع صحره من السمه يتنطر الماي
عتبة الباب الهضمتي شما اجيهه تبجي وياي
تنسحن روحي الفكَدهم بالبواجي اطحن اجلاي
واذرف دمه لا مو دمع
هالمظلمه تذوب الشمع
دمي عالوجنه عبر
والله مو راح النظر
ماضل صبر ماضل صبر
.............
بلكت يعودون وارجع كل وكت وياهم اكعد
هوه اذا مو يمي هُمه نارهُم بفادي تمرد
كل فرد من عدهم اشتم عطره كَبله يمي يكَصد
لو اخذهم موت مني بكل جزء من روحي يرقد
ريح العِلل هجر الاهل
كون الاجل صار ابعَجَل
لاشمسهم لاقمر
والله مو راح النظر
ماضل صبر ماضل صبر

الشاعر
ياسر العارضي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ


قصيدة ( وديلي عباس )

ليلة فاطمه العليله (ع)

لسان حال العليله وهي تخاطب اباها الحسين (ع)

ـــــــــــــــــــــــــــــــــــــــــــــــــــــــــــــــ


ياهيبة الناس ... مخنوگه الانفاس  ...  وديلي عباس   
                           ياهيبة الناس

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


من مشيتو روحي راحت تمشي ويه القافله
جسمي باقي بالمدينه و روحي ويه العـائلـه
تمشي ضلت وي رقيه گطـعت ادروب الفلـه
اهنانه أنـه ياحبيبي و روحي گصدت كربله

بضلوعي حسرات  ..  بعيوني جمرات 
يا طيب الساس  ...  وديلي عباس


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


مـرت ايـام و ليالـي و انتظـر منكـم خبــر
وينه الاكبر گتلي يرجع وينه عباس الگمر
خل يجيني عمي هسه انه بويه في خطر
گلبي مـا حسه يدگ وما احس عندي نظر

يا بويه تانيت   ..  من عمري مليت
ألطملك الراس  ..  وديلي عباس


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


يالعفتني چي عليله بويه سهله عل المرض
هسه ميته مـو نحيله مابقه بجسمي نبـض
الصبر يبـچي بقـالي والدمع يسكت رفـض
شَيِبت گلبي الليالي والحزن فرض انفرض

ما منك اخبار  ..  و انتظرك ابنار
يالعطرك الياس  ..  وديلي عباس


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


وين اروحن يا ملاذي داري تخنگ كل مسه
تنحب الحيطان اسمع و انه نصهن جـالسـه
ليـش احـس الگاع تهتـز چنهه دم امترسـه
و لـو يصير انهار انظر چنهه صحره يابسـه

فهمني واشصار  ..  تبچيلك الدار
كاتلني وسواس  ..  وديلي عباس


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


طلعت ام عباس تركض من لفه اعلينه بِشر
واركضت بويه وراهه وألطمت حيل الصدر
من شفت الضعون ردت متربه بحبل اليسر
دورت خـوله و رقـيه مـا شفـت إلهـن ذِكــر

عاينت العيال  ..  ماشفت الرجال
حيرت الاحساس  .. وديلي عباس


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كلمات ؛  حيدر العمار الخزعلي
.
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
نعي يوم الثالث العليله
****
جنت فرحانه ومحضره هدومي
شو محد اجاني وكال كومي
يبويه اجبال ما تحمل اهمومي
مدري اشلون يخلص راح يومي


اكفكف دمعتي وعيني اعله الضعون
وانه اتفكر وهمه يحملون
كلتلهم يهلنه موش تبطون
يبويه ويه العليله لا تكطعون

روحي تعذبت والبال محتار
وما تنطب بدونك صارت الدار
تعال وشوف بيه اشصار ما صار
كطعتو ياهلي وما منكم اخبار

كون الصار بيك ايصير. بعداك
ويحيف الزمن عني بعيد بعداك
يبويه ما يجيني النوم بعداك
اون والناس كلها تون عليه

ضعف شوفي واحس النضر. رجبي
وصار الحيل عكب المشو رجبي
اشو محد يكلي وياي رجبي
ولا واحد سأل منهم عليه

عله حالي ينوح الكصب وناي
حمام الدوح ما ون مثل وناي
هلي عافوني ياهل الناس وانه
اصبر بالروح الترك بيه


الشاعر
تحسين الخفاجي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
فاطمة العليله.ع.❤️

فاطمه من الحزن شيب راسها

لا حسين الرد ولا عباسها

.......

العليله تنتظر جيت الظعن

وبس حراير ردن لذاك الوطن

تسأل اعله حسين وحسين انطحن

الظيم من غرب احسن جاسها

....

وين ابوي ارد ابوسه بركبته

والله ارتاح من اشمن ريحته

تكلها ابوج الخيل كلها داسته

الخيل ما هزاها والله احساسها

....

وين عمي تصيح ما بينله اثر

وزينب تكلها صريع اعله النهر

وضهر ابوج بفركته شفته انكسر

راح الكل الزلم خلاسها

....

بحزن صاحت بله فهمني السبب

شنهي صار بكربله وليش التعب

العدنه والما عدنه بخيمنه انهب

الحافر جم طفل النه داسها

....


علي الاكبر وينه جا وين الطفل

والرباب تكلها صابو بالنبل

وليله كالت ابني لا ما ظل عدل

من المصايب احس شيب راسها

.....

وين اختي رقيه صاحت معوله

هاي اختي الترفه حيل مدلله

اخ شمسويه بظعنكم كربله

بالطشت خلصت اخير انفاسها

...
صاحت بحر الجمر جنت انتظر

وزينب تكلها سحكنه اعله الجمر

والله عذبنه تره ذاك اليسر

أنه أخت كل الزلم خلاسها

...

عمه شو بثيابجن ريحه حرك

الله شاء هناك عمه نفترك

ظهر ابوج وصدره شفته منطبك

واحنه هاي الدنيه اصلاً ساسها

....
منتظر صالح الكعبي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
يلماخذ كل اهلي وياك تانيني
______
انه العليله والمرض ماذيني _
يلماخذ كل اهلي وياك تانيني

يابويه ليش بغربتي اتخليني
يلماخذ كل اهلي وياك تانيني

بس رد عليه بويه بس حاجيني
يلماخذ كل اهلي وياك تانيني

يابويه اموت امن البعد تدريني
يلماخذ كل اهلي وياك تانيني

ماخذ روحي ياضعن الطف
______
يابويه اطيبن بس اشم الرايه
يلماخذ كل اهلي وياك تانيني

حضرو مچاني بهالهوادج هايه
يلماخذ كل اهلي وياك تانيني

وياك اخذني افرشلك امصلايه
يلماخذ كل اهلي وياك تانيني

موتدري بويه بالابو وفيايه
يلماخذ كل اهلي وياك تانيني

بويه اخذوني والموت اهون
______
خليلي عبدالله يخفف نوحي
يلماخذ كل اهلي وياك تانيني

بلكت يبويه شويه تشفه اجروحي
يلماخذ كل اهلي وياك تانيني

هذا الضعن يابويه ماخذ روحي
يلماخذ كل اهلي وياك تانيني

بويه ردتها ماردت مذبوحي
يلماخذ كل اهلي وياك تانيني

تبجي اعيوني عالماردو

______
موگتلي اوديلج علي جاوينه
يلماخذ كل اهلي وياك تانيني

معقوله بويه ابلا ابو ضلينه
يلماخذ كل اهلي وياك تانيني

اشلون المفارگ بويه تغمض عينه
يلماخذ كل اهلي وياك تانيني

تخلص يبويه بس بواجي اسنينه
يلماخذ كل اهلي وياك تانيني

بچت عيني يافرگتكم
_______
يابويه ريتك لوتشاهد حالي
يلماخذ كل اهلي وياك تانيني

طفله وغريبه وضلت ابلا والي
يلماخذ كل اهلي وياك تانيني

يوميه اناطر يمته يلفي الغالي
يلماخذ كل اهلي وياك تانيني

هالمر شهر بس انه ماكو اهلالي
يلماخذ كل اهلي وياك تانيني

والخلانه چا يمته يرد
_______
✍️احمد علي البغدادي
محرم الحرام 1445 هـ


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــفاطمه العليله......


اذا كاتبلـــــــــي ربي
اشوفك وانسه تعبي
يضل امـــتاني گلبي
مامـــــرتاح
واذا مامـــــــنهه رده
اموت ابدمعي گعده
يحيلي شلون اشـده
وحيلك راح
شكو خبر مر عله سمعي
دمع بعد ذب عله دمـعي
اون الك ون انه طــبعي
بويه حسين
وديلي مرســــال    ايسولفلي عنك
هذا الهوى امنين    بيه ريحه منـك

مسافه اشگد طويله
نطرتك ليــــــله ليله
ترا عيون العلــــــيله
شبعن ماي
بچي ويافرگت اهلي
اشيضل بعيوني گلي
نسيت شلونه شـكلي
صار اهواي
وجع حزن شل ترا حـــالي
حچي امس ضل عله بالي
گلت ارد لچ هايـــــــــغالي
بويه حسين
من گتلي لليــــــوم    والچلمــه تابوت
رحت انته يحسين    مدري انه للموت

المريض المــاله وادم
حرام ابليـــــــله نايم
خذو عنـــي الفواطم
الديره ابعيد
يريت ايصــــــح بديه
ومرض ماضـــل عليه
اروح ابچــــــف رقيه
ايد ابـــــــأيد
اخت واحب وي كل خواتي
رحت انه هــــم امنيــــــاتي
صحت ورا رد ياغــــــــلاتي
بويه حسين
ودعني بســــكوت   ماشال العيون
مكسور الحســــين   ويميل المتون

ضعن راح اشحـــلاته
اخو امــــــدلل خواته
عله الهـــــــودج بناته
ومغربــــات
مشن ويه الكفلــــــهن
ابو فاضل حمــه الهن
امان الله ابخيـــــمهن
مكفــــولات
طلع ضـــعن بيه احله زلمه
گمر واخو وعم كافل اسمه
وصل بعـــد لا بالـــــي يمه
بويه حسين
شمس الضهر هاي   وحر الصحاري
وين الضعن صــار   شيطفــي ناري

على ابواب المـــــدينه
شكو امســــافر يجينه
ننـــشده اعله الضعينه
شلونه حسين
ترد نوگ اشكـــــــثرها
واهلنه ماكــــــو اثرها
صدگ ضايــــع خبرها
زينب ويـــن
صدگ بعد ما يلفــــــي ضعنه
صدگ حلم راح نلگه ســــكنه
صدگ خدر ضاع يعني ضعنه
بويه حسين
لو ماتجي النــــوگ   صوب المدينه
معناها الحســـــين    راح امن ادينه

خادم القصيده
شاكر الصيمري



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ

عمه زينب _ بهودجج صعديني
حته امشي _ ومحد ايحاجيني
ابقه ماعندي كلب
ما اتعبج بالدرب
//////////////////////////
يم حجي الذهب يجري الدمع فظه
احط ايدي اعله كلبي يخفك ابنبضه
شكد حاجيت ابوي وامشي ما يرضه
يفاجئني الظعن ماادري يالحظه

يقدرج اهواي _ الج يمه احجايه
تمشي يحسين _ العليله اويايه
شلون اضلن بالغرب
ما اتعبج بالدرب
//////////////////////////
كليله العليله حظرت كلشي
شعجب بس انه كال ويانه ماتمشي
اول شيبه طلعت من البجي برمشي
إذا ازت الظعن معناهه ازت نعشي

ماكو غيرج _ انتي التحليهه
والعليله _ بحظنج اتكعديهه
للخيم اتمنه اطب
ما اتعبج بالدرب
//////////////////////////
كلت خاف الظعن من يغبش بسكته
يم العتبه عمه افراشي فارشته
وجبت عبدالله يمي بحظني نومته
اراوي اهلي عبد متعلق بااخته

نايم وفز _ وبالنحر شميته
ماي بارد _ ارتاح من انطيته
فراك عبدالله صعب
ما اتعبج بالدرب
//////////////////////////
بعد ما ظل وكت وتراقب اعيوني
لبست أعبيتي واتانيهم يصيحوني
كوديني من اديه وخل يشوفوني
يعمه بناكتج خلي يصعدوني

اطيب علتي _ لو مشيت وياكم
خاف اغمض _ وعيني ماتلكاكم
بعتبت الباب انصلب
ما اتعبج بالدرب
//////////////////////////
كدام الظعن متقصده اتمشه
من هسه ودليلي ذبحته الوحشه
عله الطلعه سمعت اتفقو الغبشه
ومن باجر افراشي محد تفرشه

سكنه باليل _ تكعد اتسليني
من ابرد تحس _ تركض تغطيني
تصدلي والمدمع يصب
ما اتعبج بالدرب
//////////////////////////
ابوس ايدج يعمه هوايه محتاره
بروح امج سويلي فرد جاره
ابوي ايريد اضل الوحدي بداره
فراك الغالي كلبي ينجوي بناره

لحل وصلنه _ بي قنعت شويه
من وعدني _ الأكبر ايرد ليه
خايفه من الحرب
ما اتعبج بالدرب
//////////////////////////
تمت _ علاء الزيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
(((((((نزله )))))))

صوت الهجر بذني همس يالاحباب
ماضل الج بس النفس يالاحباب
/////////////////////////
عفتوني جرح _ وفركاكم ملح
ويلجمني السهر
شوفتكم دوه _ يالرحتو سوه
طولتو السفر
انه العليله من احجي مجبوره
عالاقل يهلي سيرو تسيوره
كل ساعه ارسم للظعن صوره
الملجومه مثلي وتبجي معذوره

ليش الفرج عني انحبس يالاحباب
ماضل الج بس النفس يالاحباب
/////////////////////////
لاكاني الحزن _ ماعنده حظن
وزاعلني الفرح
ماعدكم علم _ عندي جم حلم
بالعتبه انذبح
ولا ضحكه مرت يهلي بشفافي
كافي تعالو من الهجر كافي
صدكوني اتلكه الظعن حافي
تنامون ليل وجفني ما غافي

راسي بعد شيب انترس يالاحباب
ماضل الج بس النفس يالاحباب
/////////////////////////
يوميه العصر _ بالباب انتظر
واكشخ بالدمع
تاخرتو اشعجب _ وضحولي السبب
يمته ننجمع
ظل بالي يمكم وانتو البالي
جنه هجركم ما اله تالي
هاي المصيبه التعبت حالي
ماكو بضعنكم راح مو غالي

بكلبي الهجر سهمه انغرس يالاحباب
ماضل الج بس النفس يالاحباب
/////////////////////////
كل غايب رجع _ ومن اهله شبع
وانه محيره
بيت بلا اهل _ اسمعو بلا زعل
جنه المكبره
مشتاكه الكم والله مشتاكه
شيجيبه طول يوم الملاكه
عبدالله موتني تره افراكه
وامنيتي اصعد هودج الناكه

طفله ولاجن كلبي حس يالاحباب
ماضل الج بس النفس يالاحباب
/////////////////////////
ياحظن الابو _ مثله وين اكو
مشتاكه اله
حجاياته الذهب _ تنسيني التعب
ويشبكني بهله
فراك الحنين الهدل امتوني
ياساعه مدري يعمن اعيوني
شكلي اعله موده تغير ولوني
ودوني اشوف حسين ودوني

فراك الابو حافر فرس يالاحباب
ماضل الج بس النفس يالاحباب
/////////////////////////
ريشه بنص هوه _ كون النينوى
ياخذني القدر
الكعده البل الخيم _ تنسيني الالم
انه اسعد بشر
بدمعاتي اكتب كمت اساميكم
يمكن اطيبن من الاكيكم
تفكرون بيه وفكرت بيكم
صوركم اطلعهه واحاجيكم

بدمعاتي مو جفي انترس يالاحباب
ماضل الج بس النفس يالاحباب
/////////////////////////

تمت ____ علاء الزيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
ليلة العليله ع


سافر ضعنهم.. ياروحي احبابج.. وشيحمل امصابج.. سافر ضعنهم
طول هجرهم.. ماادري عنهم.. راح انتضرهم
...........................

بدمعت عيوني.. ابجي لهلي وناسي.. وتختنك انفاسي.. يا كسرتي
راحوا الجانو..للگلب نبضاته.. وللوجه ضحكاته
ياغربتي
دارهم خاللي.. بالهضم جواني.. وصار بيت احزني
ياحسرتي
فاطمه اني.. انخطف وجهي ولوني.. من يگلي شلوني
ياهضمتي

مجروحه اني.. وجروحي تاذيني.. ياهو اليداويني.. مجروحه اني
عيني الصورهم.. ماادري عنهم.. راح انتضرهم
...................

وين ابو الغير.. كلبي هسه ايريده.. ايخلي ايدي بئيده.. مايجيني
الكمر عمي.. كون اشوف اعيونه.. أسأل اني شلونه .. من حنيني
يمي شيجيبه.. الشوك ياكل بيه.. وين ابو الحنيه.. يعتنيني
برايته الخضره.. ايضمني بين احضانه.. الشوفته لهفانه.. والله عيني

عباس اعرفه.. دمه وسره بدمي.. وبروحه شال اسمي.. عباس اعرفه
شيرد كمرهم.. ماادري عنهم.. راح انتضرهم
.......................

خذو عبد الله.. ومشت كل ضحكاته.. وراحت امناغاته.. من اديه
مهده كدامي.. بدمعي لوهزيته.. خالي من جوريته.. هاي اذيه
صورته بعيني.. ياحلات عيونه.. مدلل ايسمونه.. الهاشميه
طير من جنه.. امن النده هواي اترف.. عبد مايتوصف.. بالبريه

مشتاكه اشوفه.. وبحضني انومنه.. ليش انحرم منه.. مشتاكه اشوفه
اني بذكرهم.. ماادري عنهم.. راح انتضرهم
.................

شصاير بحالي.. من بعد خواني.. هل زمن اذاني.. من خذاهم
عمري ضيعته..ماكو شمعه بداري.. ضلمه ليلي نهاري.. من جفاهم
كل امل عندي.. مات وسط عيوني.. وگلبي من عافوني.. مانساهم
ياصبر ينفع.. وهمه جانوا صبري.. وهل زمن ماادري.. حارباهم

بعدوا عليه.. ومكسوره بجفاهم.. شيرده ملگاهم.. بعدوا عليه
عيني الدربهم .. ماادري عنهم.. راح انتضرهم
..........................

اسهر بحزني.. وبهضم اتذكر.. هنا اخوي الاكبر.. يمي كاعد
وتنزل دموعي.. يمي جانو كلهم.. وهسه ماضل منهم.. حته واحد
احله ايامي.. من اطب اعليهم.. علحنان البيهم.. گلبي شاهد
بالبشر ماكو.. مثل گلبي وضيمه.. راحوا أهل الشيمه.. كلبي فاكد

شيرد شملهم.. احجي بدمع عيني.. جانو ضوه سنيني.. شيرد شملهم
حزني الغربهم .. ماادري عنهم.. راح انتضرهم
........................

حايره اسئلمن.. عن ابوي أسبابه .. ليش طال غيابه.. ومااجاني
بلهفه ياروحي.. ردت ويا امشي.. ويبس دمعي برمشي.. وماخذاني
ضلي ملجومه.. الدنيه غربه بدونه.. كون اشوف عيونه.. المانساني
هذا مرسالي.. وي نسيم العالي.. ايخبر ابو الغالي.. ابقه اتاني

لآخر حياتي.. حسين الشغل بالي.. اتنطر الغالي.. لآخر حياتي
هاي انه بتهم .. ماادري عنهم.. راح انتضرهم


محمد هادي العقابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــلسان حال عليلة الحسين ع

لوعه وافراك ومرض دار وخلية
وبيه شوك لكربله ولاختي رقية

انه العليله .. انه العليله

~~

يالعفتني .. أخذ كلبي وَيَاك مايكدر يعوفك
يالعفتني .. لسه بثيابي بعد ريحة جفوفك
يالعفتني .. حيّل آذاني البعد يا يوم اشوفك

حسرتي بكلبي ،،،، ودمعه بعيوني
ليش وياكم ،،،، ما خذيتوني

دمعه وآهات وبواجي شكثر بيه
وبيه شوك لكربله ولختي رقيه
~~~~~
بويه وينك .. يالرحت وَيَاك روحي جا خذتها
بويه وينك .. ليش بديار الغرب بتك عفتها
بويه وينك .. يا بعد كـلب العـليله الـفاركتها

حيّل مشتاكه ،،،، لشوفة احبابي
ليش عفتوني ،،،، بوني وعتابي

والله مشتاكه اشوفنكم سويه
وبيه شوك لكربله ولختي رقيه
~~
والله صعبه .. ساعده الله ليفكد اعزازه بثواني
والله صعبه .. بعينه كلشي ايموت وتعيش الاماني
والله صعبه .. كلها عافتني وصحت اه يا زماني

عمتي شافتني ،،،، بحسرتي وعلتي
كالت أخذوهم ،،،، بس بقيتي انتي

رت اموت وما اشوفن هالمسيه
وبيه شوك لكربله ولختي رقيه
~~
حالي بعدك .. مثل حال الشمعه من يخلص دمعها
حالي بعدك .. مثل ذيج التشكي بس محد سمعها
حالي بعدك .. جني ورده ذابله و يقهر و ضعها

اصرخ احضرني ،،،، بويه حاجيني
كلي من بعدك ،،،،، من يحاميني

انه بغيابك تره شفت الاذيه
وبيه شوك لكربله ولختي رقيه
~~
من رحلتو .. علتي زادت والكسر بان بخيالي
من رحلتو .. ودعت عمري وكمت انعه اليالي
من رحلتو .. راحت اسنيني بسفر كل الغوالي

فزت جروحي ،،،، وعيني هماله
مكيده بهمي ،،،، واشرح الحاله

حالتي مو حاله يالرحتو من اديه
وبيه شوك لكربله ولختي رقيه
~~~
#سيد_محسن_الجابري
#ونسألكم_الدعاء



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــمقدمه 2023
ليلة الثالث من محرم

ثالث مسه ابشهر الدمع
مــن فاطمه يلچم ضلع
هم تدري يحسين

هاي اليله اتعــــــذبت بيهه العليله
عنها ضـــــعنك يالابو اعلن رحيله
افراكم يحنــي الظهر مابيها حيله
عن مرضها ياهو بعــــدك تشتكيله
محــتاره ضلت فاطمه
اتشوف المنازل مظلمه
هم تدري يحسين
°°°°°°°°°°°°°°°°°

والله يوجعها رحيــــــــلك مو مرضها
فراگ حضنك مثل رض الخيل رضها
الچــــــــانت اتصليك غايب يافرضها
ادموعـها الجيت الاهل نذرت تفضها
من خـيم اعليها الحزن
انحنت جن عود بغصن
هم تدري يحسين
°°°°°°°°°°°°°°°°

✍الخادم
كامل السعيدي



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ

فاطمه العليله


عافونه حتى انحس صدك بحساس اليعوفونه
شمينه بجفاهم هوى مو مثل اليشمونه
العاشك الضل ينتظر معشوكه
نفسه مات ابريته المخنوكه
الجانو ايفرحونه شوبجونه
@@@@@@@@@@@@
ملينه
وين الله كون وسالمين ايردهم
اي والله
لاينمل ولا ينشبع من عدهم
ياروحي وشبيد القدر ماخذهم
يسوى العمر والتنتظرواحدهم
افراكهم يبس ابكلبي اعروكه
ضعن وين الغالي سارت نوكه
لو هسه ردو ماضن ايعرفونه
الجانو ايفرحونه شوبجونه
@@@@@@@@@@@@
كلولي
الكلبه يعطش بيمن اترونه
فهموني
ليش النحبهم ننتظر خلونه
لا واقع و لا بل حلم مرونه
جانو ابلمتهم هلي يونسونه
سافرو وين العزيز وغالي
بيتهم يانس منهم خالي
اظلم بقى بجيتهم ايضونه
الجانو ايفرحونه شوبجونه
@@@@@@@@@@@@@@
كلوله
اعيوني ضلت عل دروب اتناطر
دلالي
ون ابقهر من كثر ما ضل صابر
كلش صعب ياناس كسر الخاطر
والأصعب اليبقى وحبيبه يسافر
وين اليبشرني بيهم وينه
الفارك اعزاز اشيغمض عينه
المثلي ماضن ينسي وينسونه
الجانو ايفرحونه شوبجونه
@@@@@@@@@@@@
خلونه
واليبقى وحده اتكاثرت شماته
يابويه
ون كلبي وانت التفتهم وناته
عبدالله مشتاكه اسمع امناغاته
ينطيني كل العافيه بضحكاته
ياحلات اسوالف امناغاتك
اشتاك كلبي الك والعماتك
بين المرض والشوك احس مسجونه
الجانو ايفرحونه شوبجونه
@@@@@@@@@@@@@
ياروحي
اعتبروني خيمه وبالظعن خلوها
خلوني
اجروحي تنزف وين اليضمدوها
امكم اوبتكم فاطمه عفتوها
يمته العليله وياكم اتجمعوها
اخباركم مكطوعه شو فهموني
عايزه انه دموع وتبجوني
ماريداموت ونعشي متحضرونه
الجانو ايفرحونه شو بجونه
محمودرحيل

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
#فاطمة

محد گدر يوصف وضعها
تتنفس وتـــلجم ضـــلعها
ماتدري يا صفحه وجعها
من السطرة لسه العين حمره...

وتسولف الصار :: ام الحسن و اتسولف الصار.
بضلوعي الاگصار :: صار الكسر بضلوعي الاگصار
من حرگو الدار :: ابنـي احترگ من حرگو الدار

مكسور ماتگدر تشيل ايد شكثر آه
والينجرح ياوادم ايريد الابو وياه
المكسور مابي يشبگ الريح الوجع حاد
وحسين ياهو ايشبگه ياهوه ايتلگاه
0000000000000000000000000
مكسوره والمكسور حگه
كون الهوه اماطل يشهگه
وحيدر يگلها بلايه فرگه
ما احمل فراگج يزهرة...

تخليني بالدار :: عندج گلب تخليني بالدار
لطفالي الازغار :: ياهو اليضل لطفالي الازغار
گلبي شتعل نار :: يم الحسن گلبي شتعل نار

ضلبت وحدي بوحشة الدار ومنو وياي
عن ولدج شيخفيها الدموع البجي هواي
يم الحسن گوميلي مكسور الضهر حيل
ضليت احشم بلمشه ايعاوني و الجاي
0000000000000000000000000
يم زينب الوادم يضحكون
راحت تموت امج يگولون
يحجون مدري شكثر يحجون
ومدنگه يمهم بجي الحرة..

ما ادري يالون :: لوني نخطف ما ادري يالون
كثره اليضحون :: واني بدمع كثره اليضحكون
راح اعمي العيون :: ماضل صبر راح اعمي العيون

ماعايزه اشلاع الگلب دوم الوكت دار
يم بابـــج ابجي وباجر اركض اني بــنار
ادري الشماته تريدني هواي الدمع كون
محتاره هسه وگلبي باجر يمه يحتار
0000000000000000000000000
من غمضت عين الحنينه
حيد نگع من گد ونينه
ومن يوگف ايتجيي حسينه
والگاع عدله ويمشي عثره..

ضل يصفگ الايد :: ويعض صبع ضل يصفگ الايد
ما يدري شيريد :: منه الوكت مايدري شيريد
شيوصلّله ابعيد. :: للمغتسل شيوصلّله ابعيد

شيوگفه اذا من يوگف يطيح ويتجووه
حيد جبير وگام يمها ايصيح يابوووه
وزينب تگل لخوتها خاف اتوته الدموع
لايبجي يم نعش امي غاد ابعيد خلووه
0000000000000000000000000
علي ميران


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ

❇️ قصائد استشهاد #سيدة_نساء_العالمين مولاتنا #فاطمة #الزهراء عليها السلام

#كعده


أيُ خطبٍ هشَّمَ الصدرَ الحزينْ * فعلى ما يَرتمي رأسُ الحسينْ
الچان يروي حسين من حبه وحنانه * لو يصيبه بغدر بسمار الخيانه
فعلى ما يرتمي رأسُ الحسينْ
----------
آه يا نار الاحزان البل گلب ظلت مسعره
وذوبت احشاي بلهبهه وتركت ابكل گلب جمره
وغدت تتصاعد بصدري بلوعته وصارت تصهره
بالضلع آلامي زادت من ضلع فاطمه الزهره
يا غائراً صدرَ الطَّهورِ أما ترى
قد عادَ قلبُ الدينِ ينزفُ أبْحُرا
والوحيُ يُخفِقُ قادِمَيهِ مُعفَّرا
قُلْ للمغيَّبِ تَحتَ أطباقِ الثَرى
إنْ كنتَ تسمعُ صرختي ونِدائِيا
قد هوى العرشُ على مَهوى الضلوعْ * وغدا الكونُ دماءً ودموعْ
كسِر ضلعِ الطاهرة صوَّب كيانه * لو يصيبه بغدر بسمار الخيانه
فعلى ما يرتمي رأس الحسين
------------
الكون من دم يهل دمعه وروحه غابت عن وعيهه
بيوم جار اعلى الوديعه الطاغي وتجاسر عليهه
بل غدر صوّب ضلعهه وطاح محسن بين اديهه
وحسّـت بقسوة دهرهه من عگب فرگة وليهه
غابَ الامينُ فكُلُّ عَبدٍ أنكَدِ
يَنهى ويأمُرُ ما يَشاءُ ويَعتدي
وحشا البتولِ بلهفةٍ وتردُدِ
قد كنتُ ذاتَ حِمًى بظِلِ مُحمدِ
لا أخشَى مِن ضَيمٍ وكانَ حِمًى لِيا
أيُّها السالبُ للطُهرِ حِمى * قد تركتَ الارضَ من دونِ سَمَا
افجعِت گلب الطُهُر يا سالب أمانه * لو يصيبه بغدر بسمار الخيانه
فعلى ما يرتمي رأسُ الحسين
----------
غاب سيد الرسل واضحت تعاني آلام الرزية
جمر نار افراگ ابوهه ولوعته وجور الرعية
تنظر لحملات حيدر امچتفه بگيد الوصية
والهه من كثر المصايب لاحت ارسوم المنية
شنَّتْ على تلك الحزينةِ شنَّها
زُمَرُ الضَلالِ فلم يُراعوا سِنَّها
تُومي شَجاً والدمعُ خيَّبَ ظنَّها
صُبَّتْ عَليَّ مَصائبٌ لو أنَّها
صُبَّتْ على الأيامِ صِرنَ لياليا
حمَلَتْ من دهرِها ما لا يُطاقْ * وسَقاها كأسُهُ مُرَّ المَذاقْ
والتهب دلالهه بجمرة احزانه * لو يصيبه بغدر بسمار الخيانه
فعلى ما يرتمي رأسُ الحسين
-------------
والتهب گلب الوديعة ومن مرار الصبر عانت
عاشت ابدار الاحزان وهل الاحزان عليهه بانت
ذايبه بنار المصيبه فگدت البحماه چانت
وحين حضرتهه المنيه والاجل ساعاته حانت
ناحَ الحَمامُ بحَيرةٍ وتوجُسِ
ولهُ الكَمائمُ في رؤىً وتفرُسِ
بِلِسانِ فاطمةٍ لكلِ الأنفسِ
فلأجعلنَّ الحزنَ بعدَكَ مُؤنسِي
ولأجعلنَّ الدمعَ فيكَ وِشاحِيا
بعدَ ذاكَ الهمِّ والحزنِ الطويلْ * شدَّتْ الزهراءُ للموتِ الرحيلْ
ارتاح گلب البضعه من لوعة زمانه * لو يصيبه بغدر بسمار الخيانه
فعلى ما يرتمي رأسُ الحسين
-------------
الفصيح للشاعر #زهير_الكاظمي
الشعبي للشاعر #عقيل_الكاظمي / بغداد

مدونتي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ

❇️ قصائد استشهاد #سيدة_نساء_العالمين مولاتنا #فاطمة #الزهراء عليها السلام

امتك حارت يعزهه بدايهه * وگادهه لدرب الوهم حدايهه
——————
الجهل عمّ اعلى امتك داءه الخبيث
بالضلاله تاهت وعَزّ المغيث
أتعب الهه اجدامهه السير الحثيث
وصفت يل غايب بحيره وتايهه
——————-
ظاميه ابظلمه وشربهه امن العذاب
تركض بلهفه لعد صوب السراب
لا شمس تضوي دربهه ولا سحاب
يمطر اعليهه العذب من مايهه
———————
تيّهت فرع الديانه والاصول
ما تميز الشرك من دين الرسول
تخف رجليهه على حس الطبول
اوتهز خاصرهه اعلى دگة نايهه
———————
والصحيح الملتزم دينه ابورع
ما اله صوت بوسط هل مجتمع
ولو حصل واعظ لهل وادم نفع
تريده ينقاد لفكرهه ورايهه
———————-
اشكثر راحت ناس ونرضت صدور
حَرْكت من الناس عل مبدأ شعور
صفه بكل مليون ما يحصل غيور
لسچة اخطار العدل مشايهه
————————
چم صدر چم ضلع بهمومه انعصر
بعد ما نحلم يمر بينه الظفر
منهو لجل الدين يتحمل خطر
وللجنان برگبته شرّايهه
———————-
وظلت العين اعلى دربك شابحه
وللمدامع بانتظارك سافحه
نشكي شفرات الزمان الجارحه
ونشتكي اسهامه وظلم رمّايهه
——————-
عهد عدنه اوياك ما يوم انفصل
عهد بدمانه وجوارحنه اتّصل
المهج عطشانه ومثيلك ما حِصَل
غير شخصيك سيدي روّايهه
——————-
گلوبنه التهواك غطّتهه الذنوب
ونحجبنه عنك ابكثر العيوب
لچن ثمرة نصرتك داخل گلوب
ناضجه وچف يمنتك جنّايهه
——————-
جروحنه تبقه اعلى دربك ساهره
وكل صدر طاح وضلوع امكسره
يذكّرنه ابكسر ضلع الطاهره
الزهره المگيّد عزم حمايهه
——————-
ونندبك للثار يا صحب الثار
ابچفك الطاهر تجرّد ذو الفقار
بثاركم تعلم اعداكم والانصار
والسور تشهد وتشهد آيهه
——————-
#عقيل_الكاظمي / #بغداد

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ

❇️ قصائد استشهاد #سيدة_نساء_العالمين مولاتنا #فاطمة #الزهراء عليها السلام



يا كافل ثار الزهره
ضلع امك تدري بكسره
------------
يل صُبحك غابت شمسه
شما دهرك جار ويقسه
تتذكّرهه و ما تنسه
وما تخمد ذيچ الجمره
-------------
انت التدري بقصّتهه
ابگلبك عاشت لوعتهه
تصحه بصدرك حسرتهه
وبجفنك تُغفه الجمره
-------------
نيران الباب الشبت
ما بين حشاك التهبت
وكل دمعه امن امّك صبت
تعلن بجروحك ثوره
-----------
بجروحك ينهض سيفك
يل ما تسكت عن حيفك
المحسن ما فارگ طيفك
وبضلعك ذيچ العصره
------------
حزنك عاش بأفكارك
تسعر ما تخمد نارك
انهض واشهِر بتارك
وغيظَك عل باطل فَجره
------------
عل باطل فجّر غيظك
واروي الآمال بفيضك
ما تحتاج لتحريضك
انت بثاراتك أدره
------------
عقيل الكاظمي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi