#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#عندما وصلت رساله من مولانا #مسلم بن عقيل إلى #الأمام الحسين اخباره بأن الكوفه قد بايعته .. وكان في الرساله وابلغ سلامي الى ابنتي #حميده فقراءه السلام #مولانا الحسين عليه السلام الى #حميده.. فقالت حميده مخاطبه



ما تكفي هاي الرساله شنهي حاله الضل مبتعد
لا بالصدك من اجاني بطيف اتاني انطر يرد
گلبي عليه ممرود ليليه اگول يعود انطر يرد
____

رجعله مكتوب انتضر
من دمعي الأحمر خط حبر
گله تناطر جيتك ذبلت حميده
گله تموت أمن القهر
گضت لياليها سهر
ما تگدر اتوصف حزنها ارصن قصيده

يابو الصبر مات الصبر
وحالي تراده بجفاك
بالطيف ادور عن وصل
وگعد وهم ما الگاك

يا حچي يكفي واكتبه بيه اندبه ويرد الي
يكسر بگلبه ويجيني تشوفه عيني شقسم علي
دمعاتي احطها اشهود ليليه اگول يعود انطر يرد
____

گله حميده تنهظم
فراگك نحل الها العظم
حيل انهظم لو طفله تغفى بحضن ابوها
للغايب بذاك السفر
طولي انحنه حنية ظهر
بنيتك تحير اعليك ثق لو ناشدوها

لو يدري شگد ادعي اله
وجتفي من رفع ايدي مال
يرجع يشوف ابنيته
حالي تراده اليا حال

مايدري طفله وتعاني شگد تتاني يرجع حبيب
من كلشي بيها اتشافه ترد تعافه الغايب طبيب
ليليه همي يزود ليليه اگول يعود انطر يرد
____

شيوصله مكتوبي إله
واصف تعطل ما اجه
أَصف يوصل دمعي إله وي الرساله
يا مالك الينبض تعال
يابو المحنه والدلال
جفوني التطيح ابعثهن لمسلم دلاله

وبأخرها اكتبله عشك
وابعثله أمن حروف الشوك
ليش العشك أصبح حزن
وحچيِ المصيبه اليلوك

حچيِ المصايب اكتبه ليه ابعثه شنهي الغزل
گلبي التحمل نوايب شگد مصايب صاير وصل
حبل الدمع ممدود ليليه اگول يعود انطر يرد
____

مشتاگه اشمه أمن النحر
يا عمي دلالي انفطر
البنيه تدري بلا ابو يذبل عمرها
گله يرد باقرب وكت
يعگوب انه الثاني صرت
بنيتك عمر گله افگدت لا مو نضرها

طبگت رمش عمري انطبك
أمن اهدك نسيت اسنيني
بلياك يا بويه اصبحت
عن نفسي انشد ويني

بلياك من نفسي اضيعن بروحي اتيهن وحشه الفله
خاف اوصل وما تجيني يا حنيني بطف كربله
شكد ادعي بالمعبود ليليه اگول يعود انطر يرد
____

يا عمي أيس لو يرد
باب العتب ماريد اسد
لو عين تسكت گلبي شنهي إلي يصبره
يا عمي معذوره أمن اون
گلبي انترس من الحزن
كلشي صفه البيه يتانيه وينطره

البنيه تدري بلا ابو
مكسوره مابين الناس
ونعم من ما قصرت
ولا قصر عمي العباس

لاچن ابوي الأريده لزمت ايده تسوه الحياة
بلا ابو تظلم حياتي بذكرياتي لحد الممات
جفوني تغيرن سود ليليه اگول يعود أنطر يرد
__

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

              يابو الفضل     يابو الفضل
               _____

شمس وگمر   وجرح  النهر     اه يا مصايب كربله
نوح  وبجي   ومامش حجي  التحچي يجيه حرمله

صار الزمن قصه عجب    يروي على زينب
فرت  نسه  من  الخدر     وچم ظهر حدب

چم دمعه شتلنها  الحرم  تخضر  يبو  فاضل
تَفتح على  سوط  العده  من  يكرب  العايل
بكل خيمه مامش مستقر بس خيمه الكافل

وينك. جم اخ مخنوگه بصدر
وينك. عوف النهر يكسر ظهر
وينك. ترضى اروح بجف اسر   وينك

يابو الفضل    يابو الفضل
____

تاه  الخدر       وسط الجمر    فرت  فواطم  بالفله
عگب النحر     وضيم الدهر    طشت يخوي العايله

صار الشمر عگبك فحل   ويشدد  أيدينه
توسط يخوي  بخيمتك   ويزمخ عله سكينه

الجانت ترس عينك اسف تنضرهه عدوانك
نايم  يبو   زنود   السمر   ونداس   ديوانك
شد  رايتك   فوك  المتن   وفزعلي  خوانك

وينك. يابو  الوفه  ما  تنتهض
وينك. طريت طف طول بعرض
وينك. وجدمي طبع فوك الأرض   وينك

يابو الفضل    يابو الفضل
____

نار  الخيم        وراعي  العلم      لاذت بسده  رايته
حل الخسوف   طاحت جفوف    والگمر طفو گمرته

اشهك يخويه وماترد   زينب  تره  اذوهه
كسرو مراية چم نبي   اعله الشاطي خلوهه

بشهگي و زفيري أمن اختنك اشتم المشكر
چم ذكره تاخذني الك امشي  الدرب   اعثر
مابيه حيل اعله  المشي  زينب  تضن  تگدر

وينك. أمن ننشاف ياعباس اموت
وينك. ماتسمع وما  تردلي  صوت
وينك. من  يا  درب   يمك  افوت    وينك
يابو الفضل     يابو الفضل
____

سيد النهر     أجمل گمر     يشع بظلام وبالضوه
راح الخدر    وين الستر    فحطت  الوينه  بنينوه

شد  رايتك  وفزع  إلي       وشمرلي  أمتونك
بسهمك يخوي انه انصبت   چي تارسه عيونك

چي بت  حزام  وخلفت  اربع  حزم  لينه
صارو حزم نحر وظهر اعله حسين والينه
مابيه  بس  كلمة  نعم  من  تطلب  سكينه

وينك. يا خويه فَيّك ابتعد
وينك. ألجيش لضعوني استعد
وينك. حتى  المهد  صيح  مدد    وينك
يابو الفضل    يابو الفضل
___

جابو هزل    چا  ما  تهل    وينك يسايك ناگتي
جابو حبل    دمعي يهمل    بدونك اكمل قصتي

قصة  خدر  من  الزغر     حاميه إلي  والي
وطاح الخدر طيحة زند   من غمض الغالي

لأخر  نفس  لوليت  إله   والهسه  الوليله
وأمه   تكلي   كافلج    يا زينب    ادعيله
وهسه ألوليي اعله النهر نايم وأنه ابچيله

وينك. راح امشي بس كلبي يضل
وينك. غصباً  علي  هذا  الحصل
وينك. نشفلي  دمعي  هل  همل    وينك
يابو الفضل    يابو الفضل
___

حسين سعد البهادلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

دمعة رقية
رقيه انه العزيزه مصيبتي امصيبه
ادور وين ابوي شلون شجيبه

شيجيبك شلون ... يل كتلي اتهون

كل جسمك اجروح ... وﭼماله مذبوح

&&&&&& &&&&&& &&&&&&

عله صدرك احط خدي ونوح اعليك
من نحرك حضنتك كمت اقبل بيك
من شفتك بلا راس العده امخليك

متغير اللون ... ماظل الك عون
كل جسمك اجروح ... وﭼماله مذبوح
راسك عل الرمح ومخضب الشيبه

&&&&&& &&&&&& &&&&&&

ابوي اعله الرمح من راسه راووني
اريد ابقه ويبوي وما يخلوني
رحت ودموع عيني أمجرحه اجفوني

وي دمع العيون ... طاحت هل الجفون
كل جسمك اجروح ... وﭼماله مذبوح
بعد عكبك يبويه شلون الي هيبه
&&&&&& &&&&&& &&&&&&


ردت اشكيلك وما ينوصف حالي
كل ساعه وشوفن راسك اكبالي
من شفت النحر هل خابت امالي

خابت هالضنون ... وگليبي محزون
كل جسمك اجروح ... وﭼماله مذبوح
كلبي امن الحزن هل يكثر ألهيبه
&&&&&& &&&&&& &&&&&&

يبويه النوك راحت وبمحاملهه
رقيه انه العزيزه من بعد الهه
دمعات الحزن بمصابك اهملهه

بس انت بالكون ... والكوفه اتخون
كل جسمك اجروح ... وﭼماله مذبوح
جفت ايامك انت وراحت الطيبه
&&&&&& &&&&&& &&&&&&

انه الطفله الابد ماشافت الراحة
شفت راسك يبويه بايد ذباحـــة
وكلبي من المصايب تنزف اجراحه

جرحك يميمون ... لمن يسبون
كل جسمك اجروح ... وﭼماله مذبوح
ساعه فراك اعله يبويه شكد عجيبه
&&&&&& &&&&&& &&&&&&

عله جسمك يبويه الخيل هل تلعـــــب
وشفت نيران تســري بخيمتك تلهــب
من بعـدك يغالي اعله الهزل ننحــــب

تنحب بالضعون ... جي همه يحدون
كل جسمك اجروح ... وﭼماله مذبوح
يون دلالـــي محـــد يسمع انحيـــبـه
&&&&&& &&&&&& &&&&&&

كلبــي بنارك فكـدك بويه أتـجـوه
تمنـيـت السـمه فـوك الأرض تهـوه
عــدوك لا رحـم عــدهـه ولا مـروه

سوط و يضربون ... تنزف هل المتون
كل جسمك اجروح ... وﭼماله مذبوح
كطعــوا خنصرك وهـدومـك اسليـــبه

&&&&&& &&&&&& &&&&&&


كلمات خادم الحسين
الأستاذ الشاعر محمد بلبول


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يدنيه امن الوفه والفايض احساسك
گمر مختارك الله يالذهب ساسك
يبوفاضل.     يبوفاضل
****************
يجود الغيره والطولك عزم فايض
بگماطك قوانين الوفه حافض
يخوف اجيوش اميّه وموتهم قابض

مناره بالوفه اسمك يِضِل ناسك
گمر مختارك الله يالذهب ساسك
يبوفاضل يبوفاضل
*************
يعافية الولي ، والهامته اعمامه
چنت يامنبع الخوّة وضوه ايامه
يفي خدره وجفوفك خيمة اخيامه

ويضوي بكربله اعله الحره نبراسك
گمر مختارك الله يالذهب ساسك
يبوفاضل يبوفاضل
**********


اشكثر عندك حميّه يالصرت كلشي
الزينب وثرهه اتمسحه من تمشي
وگالتلك يعباسي گمر عرشي

نعمه جابك الله امهيّله انفاسك
گمر مختارك الله يالذهب ساسك
يبوفاضل يبوفاضل
****************

يقرآن الشهامه اللابس النخوّه
ايثارك عله حسينك صبح قدوه
وفعالك كثر عمرا آدم وحوّه

ونوماس العقيله اصله نوماسك
گمر مختارك الله يالذهب ساسك
يبوفاضل يبوفاضل
**************
يزرعه بگاع طيب ومنبتك طاهر
يوجه الخير بيك حسين بالعاشر
عالي الراس والخدره اوكفت ساتر

وگلبه يرتوي من يشهگ بياسك
گمر مختارك الله يالذهب ساسك
يبوفاضل يبوفاضل
*******************
حيدر جاب حيدر خيبره الساحة
ولبوفاضل علي سلمله مرواحه
الطف گال عباس انته فلاحه

ويصفيهه بنزلتك والله عباسك
گمر مختارك الله يالذهب ساسك
يبوفاضل يبوفاضل
*****************
سعفه ايصير گلب الجيش لو صخره
تتمايل اجه العباس عالمهره
جيش اگبال جيش الكافل اشكبره

يبوفاضل عليهه حيدري باسك
گمر مختارك الله يالذهب ساسك
يبوفاضل يبوفاضل
*****************

يتسبيح الشريعه المايهه احروفك
ردّت للحياه من شافت اجفوف
وچانت ليهه اماني ثانيه  اتشوفك

وترابه النهر لمّن طحت باسك
گمر مختارك الله يالذهب ساسك
يبوفاضل يبوفاضل
*****************
گلبك ناده معقولة العذب تشرب
وبالخيمه تتانيك بجمر زينب
اشمره گالك خلّي الضمه يلهب

حروف حسين كلهن عاشن براسك
گمر مختارك الله بالذهب ساسك
يبوفاضل يبوفاضل

***************
تحقق كل حلم بي تدعي بسنينك
تطيح اجفوفك ويطفي السهم عينك
وتصيح ادركني بالطف خويه لحسينك

شكرت الله يبوالغيره الجرح جاسك
گمر مختارك الله يالذهب ساسك
يبوفاضل يبوفاضل
*****************
خادم الحسين سيد سجاد العميدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

هذا مسلم لو كَمرها نشوفه
لسّه ترجف من زئيره الكوفه
ـــــــــــــــــــ
بكل عزم ... من برز ... مسلم اعله اعدانه
عالعده ... بصولته ... ضل يسرف اردانه
والخصم .. ضل يفر ...تراجعت فرسانه
مسلم ال ...ي برز ... لو كَمر عدنانه
الجيش كلّه ضل يعيش ابخوفه
لسّه ترجف من زئيره الكوفه
ـــــــــــــــــــ
ياهله .. بصولته ... والجيوش اتهابه
ترتجف .. لو ندب ... عمّه داحي ابوابه
والعده ... ما اضن ... حاسبين احسابه
بكوفته .. وفزعته ... نسمع احنه اجوابه
صولته بين الخلك معروفه
لسّه ترجف من زئيره الكوفه
ـــــــــــــ
غيرته ... وشيمته ... من علي كرارهه
تراجفت ... هالعده ... وحيل شبّت نارهه
بمرهفه ... والجمع ... لاذت بأكتارهه
من الاجل ... بالعجل.... تيّهت اخبارهه
تموت كلهه بس يشيل اجفوفه
لسّه ترجف من زئيره الكوفه
ـــــــــــــ
ياعلي ... يا ولي ... صاح صوت الوالي
للحسن ... للسبط ... والله ارخص الغالي
صورته ... محبّته ... ساكنه ابدلالي
لو متت ... هل وكت ...والله لا ما بالي
حسين عشكَي ورتّلتهه احروفه
لسّه ترجف من زئيره الكوفه
ــــــــــــــ
هوّست ... بالحرب ... انه وارث حيدر
كل شخص ... لو برز .... ليّه لا ما يكَدر
ابن ابوي ... بصولتي ... ما يضل كل منحر
والعده ... امدده ... بسيفي من تتوذّر
وذر كلهه اعله الارض مصفوفه
لسّه ترجف من زئيره الكوفه
ــــــــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#عند رجوع مولاتي زينب من السبي ذهبت إلى قبر الإمام الحسن بالبقيع لكي تخبره عما حصل وكيف ودعته وكيف عادت إليه..


تذكر يخويه وگفتي هايه
بطلعت ضعنه آيه بظهر آيه
كتلك يكونك تمشي أويايه
الحسن خويه الحسن خويه

وگتلك ضعنه گاصد الغربه
ما ادري وين وينتهي دربه
وجاني الگمر وبمتنه الجربه
الحسن خويه الحسن خويه

مشينه مشينه
اجاني الكمر گلي يختي مشينه
وبعد بي عمر ما خلص كل حچينه
ولا نگعن اثيابي إثر من بچينه

رحلنه رحلنه
بدرب ماله رجعه ويتيهه رحلنه
وشوف المنايا تسير بضعنه
الصدك گلبي يرجف عن اهلي ابتعدنه
_

ودعتك ويمك بقت روحي
وخويه العليله زادت جروحي
گلتلي عمه الغربتي نوحي
علي غربه علي غربه

ريت البقيت وما رحت عنكم
امصيبه شفت لمن رحت منكم
هم الفاني يزود عن همكم
علي غربه علي غربه

العليله العليله
تچلب بعباتي وتطيح العليله
ويظل ينحب التگصد وتشتكيله
يموت الخليل اليفارك خليله

عفتهه عفتهه
وره الناگه تبچي وتنادي عفتهه
تگطع الگلب خويه كونك شفتهه
الحمد لله يا خويه من ما خذتهه
_

سار الضعن بحسين والكافل
تعبانه راح احجيلك الحاصل
مجروحه بحسين وابو فاضل
بدرب حيره بدرب حيره

جيش الكفر بالاف حاطونه
وعن الدرب يا خويه منعونه
رعبوهن النسوان واذونه
بدرب حيره بدرب حيره

تعبنه تعبنه
بصحاري الضعن واكف هواي تعبنه
وتمنيت تشوف بعيونك وضعنه
الشمس تلهب وخويه كلش عطشنه

بخيمنه بخيمنه
البدايه اويه اخوتي بأمان بخيمنه
وبعدهم يبو القاسم احنه انسلبنه
بدرب ضيعه عگب الزلم خويه ضعنه
_

اويه ابن امي لو شفت الحرب صارت
وتجمعت كلها وعليه دارت
وبغربه زينبكم عليه حارت
وگمر منحور وگمر منحور

َوطاحت خيمنه بطيحت الوليان
وحسين من طاح انذبح عطشان
بصدره تجول الخيل والفرسان
وگمر منحور وگمر منحور

انولينه انولينه
زلمنه جفتنه وعگبها انولينه
لون تدري من ماتو شگد بجينه
يسلبون رقيه ويجرون سكينه

اجونه اجونه
بسياط وحبال وشتم خويه اجونه
بهزل غصباً وكوه عنهم خذونه
وبلا حيله صرنه الكفر من ولونه
__

چف اعله چف چتفوهن النسوان
وگالو يتاني باچر الديوان
بحيره صفينه ومالنه خوان
وتمنيتك وتمنيتك

خويه القصر بيه شفنه الف حيره
من بعد ما درنه بألف ديره
وزينب ولاها التعب وچبيره
تمنيتك تمنيتك

عليه عليه
الحسن صحتك الحك يخويه عليه
انتخيتك تحل الحبال البديه
بهظم ماتت هناك ولله رقيه

وجينه وجينه
بلا والي لا حامي هسه اجينه
ضعن خالي مفجوع رجعنه بسبينه
وداعي بدلالي وسبيه التقينه
___

حسين سعد البهادلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بيه عادتي احجي
وعيوني إله تبجي
من الطفوله اويالي
بشرياني ضل يمشي

بگد ماأحبه  اعرف انه زود يحبني
أمن اصرخ حُسين بضيجتي يرد ها يبني
عن دربي ادري شكد ملت ويعدلني

حبيبي يحسين   تيهني كلشي اوديني
حبيبي يحسين   بخيمة عزائك خليني
حبيبي يحسين
__

ضيعني بعيونك
ما اسوه من دونك
عيشني بيك ارتاح
وما خيب اضنونك

تسوه حياتي سجدتي يم اعتابك
خلينه يم خيمه عبد من خيامك
باب الله ادگه من يدك جفي ابابك

حبيبي يحسين بذنوبي وهم تقبلني
حبيبي يحسين املكني ولا تعتقني
حبيبي يحسين
__

دليني بالآمك
وامتد حذه خيامك
بلكت شرف ودوس
من تركض ايتامك

احلم تصير ابلا لهب نار العاشر
وحلم يدوس اعله الشمر ذاك الحافر
والصدرك ولا واصله ولا شي كاسر

حبيبي يحسين مصابك يحز وعذبني
حبيبي يحسين سواني غير وأدبني
حبيبي يحسين
___

اول بخت مذبوح
لذباحه ون وينوح
والوادم العشگوك
تنطيها حتى الروح

من نحرك ويبدي الكرم ينطي النعم
فاتحله گلبك من لفه ضيف السهم
بيك الله خالق رحمته يعفو الأثم

حبيبي يحسين التايه وطن تصبح اله
حبيبي يحسين بخيرك تضمه ادلله
حبيبي يحسين
___

نوفيك ما نگدر
منطينه الأكبر
ومنطينه نعمه وصيت
بركضة سبي وخدر

كل هذا تنطي لخادمك صيت وسمعه
تلمني بعزائك من اطب رزقي الدمعه
ما أوفي ولله ارقيتك سوط ولسعه

حبيبي يحسين صارت نشيد أمن اندبك
حبيبي يحسين وعيونك هواي نحبك
حبيبي يحسين
__

حسين سعد البهادلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يجسام فگدتك منو الي يسد مكانك
يجسام اناطر ترد ليه بحنانك
اباب الخيمه الازم ترجع يمه جاسم
يجسام
_

اباب الخيمه اناطر واكفه هنا
اباوع عالحسين شبيه من ناح
ذب اعمامته وانظر ركض ليش
وينك يالحسن فز گلبي من صاح
جاب وليدي للخيمه وعثر بيه
مكسور الظهر عباس چن راح

اجه مخضب بدم ابني الچنت اتانيه
واگله يجسام مايحچي أمن حاچيه
يعريس الهواشم ترجع يبني جاسم
يجسام
__

وأنه الچنت أَحسب زفتك عود
لمن ترجع الحضن امك تعود
وعزم كلمن يحبك يالوليد
گمر هاشم والأكبر همه الشهود
خل امحي الفرح من گلبي والروح
والبس عالولد اهدومي السود

بعد طولك يعريس الفرح ما إله ذكره
وتگضي كل حياتي دمع وبكلبي حسره
تنعاك الفواطم ترجع يبني جاسم
يجسام
____

المن هل شمع والحنه والياس
لدفنك تنجمع مو للفرح ناس
عگب ماجان شاهد عرسك اليوم
مو شاهد صبح جناز عباس
ثوبك هذا الأبيض وين اوديه
يالبحر الظهر بالخيل تنداس

بالطف مو الشوباش انطش دمك يتعبي
وعمك مختنك صاح قربانك يربي
مگطع بالصورام ترجع يبني جاسم
يجسام
____

وين الفاجده تتگابل اوياي
ليلى عاونيني على الشبان
على رموشه ينام اليل لو راد
هسه أبين ادي ينزف وذبلان
انطبك جفني تعب مو نوم ولله
وصرت ابچي إله بعيون عميان

سير لمك بطيف يحلا ذكرياتي
عگبك تگضي بنوح اخلصها حياتي
وگول وليدي نايم ترجع يبني جاسم
يجسام
____

يا وسفه التعب ورباي واليل
راح إلي بسنيني إله ربيت
يا ذيج اليالي المرت بساع
يا سهر السهرته شكثر لوليت
خلصت وانتهت عشرتنه بدموع
شمعة امك أمن البيت طفيت

حلم ترجع يعريس يبني ويا ضوه العين
يسباح الگلب ليك ناح أوَن الحسين
بحزني الله عالم ترجع يبني جاسم
يجسام
____

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محمّد كربله طب والحرب عيده
وتطيح بصارمه شما بعدت الصيده
علي الاكبر علي الاكبر
****************
دخل نهر  العزم والبل مناقب تل
جبير اسمه علي الاكبر محمّد هل
رعيده بطوله والله الشافه طوله انشل
صگر داخل معاره ولا آل اميّه ذل

اطفّي اليوم كل الجيش ترديده
وتطيح بصارمه شما بعدت الصيده
علي الاكبر علي الاكبر
********************
گمر ليله علي الطف زلزل الساحه
ويطشره اوصال والله صارمه اللاّحه
صاح بصوت رجّف كربله اصياحه
ويذرّي بجيشهم هالحيد مرواحه

علي الاكبر رفع موت الزلم بيده
وتطيح بصارمه شما بعدت الصيده
علي الاكبر علي الاكبر
********************

غابة كربله طبهه الشهم يزئر
واحدهم هوه يشتمه مايگدر
ومن خوفه الوجه لون الدمه احمر
علي شافوه  دخل  ويعيد اجه خيبر

صاير كلشي والله ابنزلته ايريده
وتطيح بصارمه شما بعدت الصيده
علي الاكبر علي الاكبر
*********************

جبل واگف امام اجيوشهم وحده
الاكبر ياگلب ميخاف من عنده ؟
فلّاح اليجيه بصارمه ايحصده
الزلم جدامه شردت بول الهدّه

تطشّر من نزل هالجيش تحشيده
ويطيح بصارمه شما بعدت الصيده
علي الاكبر علي الاكبر
********************

بحر بالزود الاكبر غيرته جمره
ومتهزّه البطل سبعينهم شعره
عليهم غيّم وخوفه الشهم مطره
ترسهه الگاع موته الاكبر بخزره

جبل صارت جثثهم فوگ عالبيده
وتطيح بصارمه شما بعدت الصيده
علي الاكبر علي الاكبر

********************

الكفر نهره نوه هاليوم تجفيفه
فاضت كربله من دمهم بسيفه
وخلّاها الالوف الاكبر بكيفه
وبزوده البطل منهم اخذ حيفه

وذرّهه الجيوش وهو وحّيده      او
من صغره العزم والزود بوريده
وتطيح بصارمه شما بعدت الصيده
علي الاكبر علي الاكبر
*******************
خادم الحسين سيد سجاد العميدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

            ياحسين                    ياحسين
_____________________________
       من يبدي ليل الفركه بيه كثره جروح
       وبيدي  إنه  اگلب  ذكريات   الغياب
       توجعني  نسمه  لو علي  مرت  حيل
       ويلجمني  ليليه  الهوه  يحرك  الباب

              كل ليله التجزيني إبلوه
              وتذكر  كعدتنه   الحلوه

     حسين  انت طبيبي  حبيبي  وروحي
    حسين  ودي قميصك يشفي جروحي
     حسين  ما   ترجع     وتهود     نوحي
               ياحسين                 ياحسين
_____________________________
      ليليه   اكولن   هسه   يرجع   ويعود
      واطفالك   التنشد   اكللهم    جاي
      جا ليش اموت امن القهر والحسرات
      لو واحد  گبالي  استلذ  شرب  الماي

              اتذكر مذبوح وضامي
             وتذكر  زحفك  لخيامي

      حسين  ياذكريات حياتي وعيني
     حسين  انت غرامي وكل  سنيني
      حسين  جرح وبس  انته  داويني
                ياحسين              ياحسين
_____________________________
    ورده انه وذبل حگي فارگني الماي
    عطشانه شوفك يالترويني  حساس
    حكها العليله  من  بقت  بس  تنوح
    هم مثلي فاركهه  الحسين  وعباس

          بفركاكم جا شلي بروحي
          كل ذكره  تفزز  بجروحي

     حسين  يلي ملكني   ذهلني   امامي
    حسين  حكي  اهيمن  تسوه   هيام
     حسين  بصفناتي  ودمعاتي  احلامي
             ياحسين                  ياحسين
_____________________________
     واهس حياتي منرفع فوك ارماح     
  واليفگد الغالي  يعاشر  الجروح
     وانه بحياتي عاشرت جرح اعزاز
     جرح الي بالعاشر غريب ومذبوح

          ذبحوه  وذبحوها  احلامي
          من يرفس بالگاع وضامي

    حسين  ستري وعباتي صلاتي الوالي
   حسين  ماكو   بحياتي  لمثلك   غالي
   حسين  جرح   الماغايب   عن    بالي
            ياحسين                  ياحسين
_____________________________
    لا وللي  بعده  عيني  ما شافت  نوم
     الماخله  جفني  ينطبك   نص   اليل
     راح ابقى اعيشن عالصور والتذكار
     وي كل النفس اصرخ حسين وياويل

            تطلع روحي بكلمه عاشر
            اتذكر   بحسين   الصاير

     حسين  چن ميدان  بصدرك  صاير
      حسين  فوك  الحافر  ساحك  حافر
      حسين  بالطف    امسلبينه    وحاير
              ياحسين                 ياحسين
________________________  حسين سعد البهادلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

زنجيل

يجاسم ياحلم عمري وضوه سنيني
اريد بكربله بدمّك توافينــــــــــــــي
******************
يجاسم يابعد حيلي.  شمس طولك ضوه عمري
تردّ اليوم اريدنّك.          ترباتي وتعب سهري
دمّك رخصه للغالي.      وخليه عالارض يجري
وبدّي اسنينك ابطفّك.    وعلّي هامتي وقدري

يل بجفك چنت يبني تفيّيني
اريد بكربله بدمّك توافيني

*******************
ياأخر غصن يبني           الحسن وصاني وامّنّي
جسّام بدمه طوله.              يرمله بكربله حنّي  
خل يصبح مثل تچوه.      ضهر حسينه من محني
ومن يرجع وصل جسّام.           يارمله يفرّحني

بعطرك يل جنت يوليدي ترويني
اريد بكربله بدمّك توافيني

****************** 
انه ادري بروحتك يبني.   عله دربك نضر ياسك
وشوفه يذبل بسرعه.      العده لمّن تحز راسك
وينكّع هالارض دمّك.      وهضيمه يطفي نبراسك
يالطولك عليَ خيمه           اوزودك زود عباسك

بعد عينك منو يبني يضوّيني
وريد بكربله بدمّك توافيني

*********************
شموعك تخلص بونّه          عله صينية الاآمي
  وتتاني زفّتك يمته.      وتضوّي بنجمك خيامي
اريد برجعتك يبني.       وضلام اخلافك ايامي
والسيف اليحز نحرك         يدمّي بذبحك احلامي

بهضم نوح والم فگدك يخلّيني
وريد بكربله بدمك توافيني

*****************

البسك لامتك بيدي.         ودزّنّك لعد عمّك
وتگلّه اسنيني ويامي.    يعمّي افديهن الدمّك
جيوش اعدانه امحيهه    بنزلتي اليوم ليهمّك
وگلّه امّي دزّتني.            اذا گلّك لعد امّك

درد يوليدي وبفگدك تچوّيني
واريد بكربله بدمّك تجويني
*********************

يجاسم ذخر دنياتي.      اودع ابروحتك كلشي
واصير بهيمه ايامي.       مثل طيره بلا عشي
وضل بليلي ونهاري.      دموعي امغورگه رمشي
وبات ومااِلي حامي.      ومجتوفه ابسبي امشي

بلا طولك يجاسم من يحاميني
وريد بكربله بدمّك توافيني

*****************
خادم الحسين سيد سجاد العميدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يبني علي الأكبر بعدك وحشه خيامي
—————————————
طلع البدر نشوف من وسط الخيام
علي  الأكبر  جاء  خلي  الگمر  ينام

الگمر الطالع   نور الساطع   دمعي سال بگفاه
              لعيونك يبني السلام

سلام/ياصوره طه النبي    يالطولك خيمه وعبي
ريحانة گلب الحسين
سلام/لوداعك وي لحسين   وعمك ابن ام البنين
يذبح يوليدي الحنين

طالع من الخيمه  گلبه  مفطر  ضامي
يبني علي الأكبر بعدك وحشه خيامي
————————
ليلى قمرچ هاذ تسئلني هل الناس
مبرگع وچهه بنور چن عمه العباس

الضرب حلاله  وابني خصاله   بحيدر لو وصفوه
                 لعيونك يبني السلام

سلام/لخطواتك من تنگل   لوداعك ماضل عگل
اتنطر  ليك  بهيام
سلام/لا تعطش يمه بحرب   حرز بحسين الدرب
يا اجمل شاب وامام

بسم  الله   يالأكبر   واتمشه   گدامي
يبني علي الأكبر بعدك وحشه خيامي
————————
توادع وي حسين بدموع ونضرات
وضلهم هم  تلگاه  متشابك  مرات

ودع روحه    وفز جروحه    عباس ألسانداه
              لعيونك يبني السلام

سلام/الأكبر يااوضح شمس   يبني اغلا امن النفس
ما بطل يبني الدعاء
سلام/لروحك وانفاسك علي   يابيتي وستري وهلي
ربي  ما احمل  بلاء

ربي وليدي أريده بصحواتي وبحلامي
يبني علي الأكبر بعدك وحشه اخيامي
————————
جفت روحي اعليك يا مايي ويضواي
ما  احمل  الفراك  يمه   ارجع   وياي

فراگك ليله   يموت ليله   أشكي لربي الغياب
                لعيونك يبني السلام

سلام/يالمامنك بعد اكو   يالگلك عمك كفو
من شافك فوك المهر
سلام/ريشه لبراسك امان   تارس كل بيده ومكان
يا لطالع  ذاك  الظهر

طول  يبني  غيابك  يسنيني   وأيامي
يبني علي الأكبر بعدك وحشه خيامي
————————
ذوب روحي عليك منضر من منضر
حسين بطوله  يگوم  يمشي  ويتعثر

يصرخ بويه   مدري خويه    لأكبر هل تيهيت
                 لعيونك يبني السلام

سلام/من جابك وجه الصبح   يوليدي بس منذبح
ماصدك يبني النضر
سلام/يبني من الاولياء    يمرايه للئنبياء
يا تعبي وذاك السهر

جاب حسين وليده مرمل ينزف دامي
يبني علي الأكبر بعدك  وحشه  خيامي
_

حسين سعد البهادلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

خادم صدك خادم رحل عنّه
جان بدموعه بكل عزه ايلمنه

.
.
هاي السنة منهو الينوح اعله الخيم
لو من يمر طاري السبي ايصيح بألم
راح الذي من نينوى انصاب بسهم
راح او بقه امجانه خِلي بين الخدم

نبجي بغيابه بلوعة وبحسرة
جان بوجوده النه سمه او كمره

.
.
ما مثله واحد يا خلك أبيض قلُب
يا وسفه ضحكاته يغطيها التُرب
ذاك العِيونه الكربلا بحسرة تصب
واليجزع بجلمة خدر تحدي غرُب

متروس غيره اعله الخيم قلبه
وبعيونه صورة جثة متسلبه

.
.
.
الي بسمارة راسم احجاية هلا
يركض لربعه اشما تصير أي مشكله
جلمة أخو والله فقط إتلوك اله
ماخذ صفات الخوه من طف كربله

بروحه يضحي الناسه والربعه
يفزع كبل ما واحد ايفزعه
.
.
.
كلش غيور او دمعته معنى العشك
يصرخ يزينب من يمر طاري السحك
ايضيع كلشي او ينعرف بيه الصدك
ما غثله واحد قلبه بس طيبة يدك

حتى الغرب هم تمدح اوصافه
شمحلى الهلا او طيبتها بشفافه

.
.
.
وجه الحبيب اشلون عنه ينكطع
ذوّب دليل احبابه جن ذوبت شمع
راح او ترك بينه ضحكته والدمع
ذاك الذي دومه ينوح اعله الضلع

ناذر حياته وقف للزهرة
يبجي الكسرها والدمه السطرة
.
.
فاضل عباس الخزاعي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

صلى الله عليك يا كربلا
.
.
.
يا كربلاء ... مالك شعوري او لا شعوري الطف
او جرح الخيام الهل قلب شرّف
والله التجرحه كربلا ينظف

ساكن قلبي... حب ذيج الخيام
ساكن قلبي... محبوبي الذبيج
ساكن قلبي... او دمعي او روحي شام
كل صرخاتي .. للدامي الطريح

صلى الله عليك يا كربلا
.
.
.
جرح الحسين... جنَّنّي وِلْكيت العقل جذبه
يعرف جِنوني إِلّي عشك قلبه
رايدله توفيق او دمع حبه

من اعشكته... دلاني الحياة
من اعشكته...سواني الأمير
من اعشكته... ما خفت الممات
معشوكي ..صرت القلبه أسير

صلى الله عليك يا كربلا
.
.
.
جف الكفيل ... علمني معنى الحب دموع او هَم
العاشك يِذوب بطاري الِمْخيّم
او ينصب وسط روحه عزه او مأتم


آنه الضامي ... باني بقلبي بيت
آنه الضامي ... بنفاسي يدور
آنه الضامي... سوه الاسمي صيت
كل وجداني بِمْحَبْتَه فخور

صلى الله عليك يا كربلا
.
.
.
عشك الخيام ... من زغري عزّب والله بل رية
هو الأخذ قلبي او حِدَه بيّه
صوب الثكالى او دمعة اِرْقيّة

خيمة زينب ... جرح الروحي هاي
خيمة زينب ... من عدها الهموم
خيمة زينب... ديره بلايه راي
بنت الزهرة.. اعليها الشر يحوم

صلى الله عليك يا كربلا
.
.

فاضل عباس الخزاعي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

فاطمه يا فاطمه مدّيت الج جفوفي
فاطمه وبدفترج سجليلي كل حروفي
تبقى هل علامه ... بدفتر الخدامه
ـــــــــــــــــ
يالزجيه ارد احلفج بالغريبه
لمّي دمعي اليجري عالخد للمصيبه
عللخيّم يافاطمه ناري لهيبه
والطم امن اسمع مشت زينب سليبه
كل وكت انصب عزا لحسينج ورقيّه
كل وكت حيل انكسر كسرة اخو اعله اخيّه
وحزني للنشامه ... بدفتر الخدامه
ـــــــــــــــــ
لا تحرميني خدمتج يالزجيه
وخلّي احضر كل وكت هاي العزيّه
بيّه ما تشفى جروح الغاضريه
وريت سحكَت صدري خيل الاعوجيه
خادمج هذا العمل اشرف عمل يفاطم
خادمج عالي الشأن من يحضر المأتم
ويلطم اعله هامه ... بدفتر الخدامه
ـــــــــــــــــ
سجلي اسمي حتى افخر بالقيامه
يكَولي هذا اليجري دمعه لجل امامه
بكوثرج تسكَيني وي اهل الخدامه
رغم هذا وارفض بشفتي ابتسامه
من اصد ضلعج يصب اذكر جرح عذابج
من اصد جمره يمر جمر البقى اعله بابج
ابجي بالقيامه ... بدفتر الخدامه
ـــــــــــــــــ
حاربوني جيفن احضر بالمجالس
وليش اضلّن ثوب الاسود آنه لابس
مادروا علّمني شوكَ اجنونه عابس
والمجالس هي صارتلي مدارس
بلا عزا لو مر وكت اندم عليه حريمه
بلا عزا يوم اليمر والله صدكَ هظيمه
وابقى بالملامه .... بدفتر الخدامه
ــــــــــــــــ
للعقيله وللمخيم يجري دمعي
وعالعليله بكل مسيه ابقى انعي
وللتهشّم ضلعه فدوه اكسرله ضلعي
بكل عزيه ها يفاطم ونّي اسمعي
عالنهر طاح الكمر يم رايته الحزينه
عالنهر زينب مشت وتخبّره انسبينه
عالجرف منامه ..... بدفتر الخدامه
ـــــــــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

خويه جيتك للنهر--------------كلي وينك يالكمر
دنيه ليل وما اشوف ........ وحدي بالحومه اطوف
كلي وينك يالكمر
,,,,,,,,,,,,,,,,,,,,,,
ياكفيلي خويه اجيتك انته وين ابيامجان
دمعي يجري حاير امري بيه هالخان الزمان
انهض وعاين لحالي ياوفي الكلك حنان
لا حمه ولاعندي والي بعدك ولا ضل امان
خويه ودموعي تهلي
جيت الك يا كافلي
غربه وشكد بيهه خوف.......... وحدي بالحومه اطوف
كلي وينك يالكمر
سسسسسسسسسسسسسسسسسسسسسسسسسسسسسس
يالرحت صوب الشريعه وطولت وانه برجاك
ردلي مايك مااريده رايد ه رفت لواك
حركو اخيامي ابغيابك الجانت ابهيبه ابحماك
وزينبك امسة اسيره وتدري ماعندي سواك
لو تشوف اللي جره
خويه سبع الكنطره
وانه مجتوفه الجفوف --------- وحدي بالحومه اطوف
كلي وينك يالكمر
سسسسسسسسسسسسسسسسسسسسسسسسسسسسسس
من وكع دامي عضيدك ناده يالكافل تعا ل
لا تضل عند الشريعه للصبر ماضل مجال
عني رد اخيول اميه صيحته تهد الجبال
يالمصابك حزلي ظهري كلي ترجع لو محال
عشرة اخيول الكفر
سحكن اضلوعه شكثر
هشمن صدره العطوف\\ وحدي بالحومه اطوف
كلي وينك يالكمر
سسسسسسسسسسسسسسسسسسسسسسسسسسسسس
سكنه تسئلني ورقيه عمه شو جل الظلام
عمنه عمه مااجانه ولافزع يطفي الخيام
هم يرد ونشوفه نوبه لو على الدنيه السلام
نبكه بالغربه ويتامه اتلاوذ املاوذ حمام
فاركانه ومارجع
عمنه خافنه وكع
اتوذر بحد السيوف \\وحدي بالحومه اطوف
كلي وينك يالكمر
سسسسسسسسسسسسسسسسسسسسسسسسسسسسس
اعثر واوكع وكومن والدمع عالخد يسيل
ونخه ياليل النوايب طول بعمرك يليل
لوطلع صبحك تراني للغرب مرغومه اشيل
خوتي تبقه على الترايب وانه روح اعله الهزيل
من تصبح امتحن
ظمني ياليل الحزن
ارحم ابهاي الضروف----------- وحدي بالحومه اطوف
كلي وينك يالكمر
سسسسسسسسسسسسسسسسسسسسسسسسسسسس
من وصلتك للشريعه شيبت كبل المشيب
شفتك اعله الغبره طايح مكطع جفوف وسليب
صحت ياخويه عذرتك بالبواجي وبالنحيب
حدي بس هالليله يمك باجر امشي اويه الغريب
راح اشيلن رايتك
وما اذل وداعتك
انه خت حامي الطفوف -------- وحدي بالحومه اطوف
كلي وينك يالكمر

الشاعر الحسيني رحيم عشبان السماوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يقرآن الحزن والنّوح 
دفنتي بكربلاءچ روح
ورحتي اعله الهزل تابوت
وكل لحضه يجيچ الموت
يا زينب يازينب
******************

يدنيه امن الهضم روحج    بحر دمعه جرت عينچ
عليمن ؟ من صعدتي التل.وشمر صاعد عله حسينج
يحزّ امن الگفه نحره.       وركضتيله ضوه اسنينج
من شفتي وذر صاير ؟         وترجف ليچ جفينچ
 
وال أكثر ذبحلج حيل
من سحگوه بعشرة خيل
كل واحد يهزّ الگاع
من ثگله طحلّه اضلاع
يازينب  يازينب
*****************

ركضتي وين يازينب.    وتچوّي گاعهه الهيمه
بعد ماوذّروا فجرج          وماضلّت الچ خيمه
وطفتي ابّحر الاآمج.     وطلب عذرج ابو الشيمه
يعينچ الله ياحرّه       حملتي الطف ، جبل ضيمه

من هجمت عليچ الناس
وحرگوا خيمتج ارجاس
مشيتي المن جمر لحساس او انفاس
لخيّج لو لبو النوماس
يا زينب يازينب
*****************

يزينب نار دلّالج.         وگعدتي بصحرة لهابه
وتغطيتي برماد اخيام.     وعباتج ناگعه اترابه
كل لحضة سكوت ايصيح   اه ياحسين ومصابه
گلبج وال شمر حضرّ         حبلج والسبي ارچابه

گعدتي بشمس ماكو اخيام
من تچوي تطخ اعضام
حمم دمعج، سكوتج اه
عشتي اسنين بالويلاه
يازينب. يازينب
***************

صعدتي الناگه مهضومه.   بدمع عينج عله الكافل
تگلّيله وجمر حجيچ            دباوعني يبوفاضل
ركبت وبالحبل ايدي.       وعله جفني الدمع هامل
وعله العاشت وسط عينك. الشمر ياخويه متحامل

تچوّه بحجيچ الكفّال
من گتّيله بيدي احبال
وشمر ينضرني ياعباس
وشوف اختك ولوهه ارجاس
يا زينب يازينب

***************

ولحد موتج بقت زينب    كلمة سوط الچ تجرح
بكل ضربه لان شفتي        الشمر بمتونج اليذبح
وتسدّين بألم عينج.         الگلب بالضربه يتفرفح
اويلي المتن ملّ السوط      وازرگ بالضرب اصبح  

اشكد حسين چان ايشوط؟
من ينضر يضربچ سوط
وبرمحه يجري ادموع
منّ ايلوح سوط اضلوع
يا زينب يازينب
*****************

هضيمه يا إخت عباس   عله الناگه دخلتي الشام
تناضرلج عيون اسيوف.    وتدنگين بأثرهه الهام
مسبيّه الف ياحيف.             وغرگانه ابّحر الاام
يشتمون الاجانب بيچ     ودليلج ويلي نار اخيام

تحمّلتي حچي الشمّات
وسهام بگلبچ الضحكات
گالوا عيد عدهه الگوم
اجت زينب سبيّه اليوم
يا زينب يازينب
*******************

گعدتي بالخرابه اشلون.   يزينب ونتي اخت حسين
اسيره وياكتر هالراس       تديرّينه شمر تلگين
ومن تنضر عليج الگوم.      يدّخن صاحب الجفين
ويگلّج كافي يازينب         تاذّيني لمّن تبچين
                                           او   اذا

خرابه وناس كلهه اجناب
وخشنه الگاع ، وبلا باب
وال أنضار تعمي اعيون
واليبچي اكثر ايضربون
يا زينب يا زينب
***************
خادم الحسين سيد سجاد العميدي
     ( بأمكانك ترك نص)


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بعيوني مذبوح الصبح... اوليدي غابش للذبح
متواعد ابني اويه السحك.. او راسم وكفته اعله الرمح

علي اوليدي..علي اوليدي
.
.

بأول خطوته امن الخيم ... غابت شمس عمري او طفت
وانترست الدنيا حزن... ودموعي بعيوني حجت
مد عمره وي طول الترب...اسنينه من ايدي انجفت
يبست جبتّه امن العطش... خشبه بْشمس وتيبّست

شمعة عيوني او بهجتي
راح او تركني بْلوعتي

سافر على جنح السيف
مني انفكد مثل الطيف

علي اوليدي...علي اوليدي
.
.
.
غصّت دمعتي بشوفته... امن الخيمة للعسكر طلع
راكب على بساط الذبح... وبيمينه بتّاره لمع
سولف منايه بطلعته...او فقاره من الدم شبع
هالدنيا طلكها او مشه...قانع حبيبي او مارجع

طلكها والمعنى دسم
ايلاكي جده مبتسم

وبفرحه راح اعله الموت
وعيونه تحجي بلا صوت

علي اوليدي...علي اوليدي
.
.
.
وي عشكه متواعد علي... فك الصدر من عصر أمس
ادري الحبيب اويه اليحب... يحجي بهداوه وِبْهمس
لاجنه محبوبه عكس... اصوات طلّع بالرفس
طك ضلعه للخيمه وصل... اوبثنين اذاني رَن ترس

اتمنيت احس بلّي يحس
وتكلّب بْعين الشمس

بضلوعي ريت الآلام
او وي روحه هالروح اتنام

علي اوليدي... علي اوليدي
.
.
.
من زغره من يرسم علي...يرسم رمح ويفيضه دم
وبْطرفه راس بلا جسد..وكباله يرسم بس خيم
ويكتب اسمها رسمته... هالموته بس لاهل القيم
واسم الله اكلّلّه اوْلِدي... او هسا تحقق ما رسم

هالموته راد امن الزغر
عاشكها والله اشكثر

واني بوداعه بلا روح
كلشي بغياب ابني اجروح

علي اوليدي...علي اوليدي
.
.
.

اتبده طوله اعله الرمل.. ماي او ضوه او ياس او وطن
ما ظل كتر منه سلم...مثل الورد صدره انطحن
وسفه الي يشبه للنبي ... اسنينه بالحافر طفن
عطره تطشر بالهوى... وبنينوى قلبي انسحن

آخر محطات السفر
ابني انذبح يم النهر

ما بلل اشفافه الماي
وبروحي مفكود الراي

علي اوليدي..علي اوليدي
.
.
.
فاضل عباس الخزاعي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#برنامج_محرم_الحرام_1442ه‍ 2020
#الشاعر_الميرزا_محمد_الساعدي
گعديه



طف كربله سر الكون حاضر مأسيه
لوما جلوس التوراة هالنعمه مجفيه
يا سر أله الرحمه نتشكر الهالنعمه
حاضر مآسيه
===============≈===================
كربله من اتلث محاور نگدر نسولف عليهه
أغلب الوادم تعرف حسين بس لطمه شبديهه
فوگ ماتتخيل انته كربله والصار بيهه
عمي الزچيه حاضره
بنت الرسول القادره
بزينب تجلت كوثره
وصارت الحومه بأديهه

حضرت جميع الأملاك طف صادق النيه
شافت إمام الأكوان گطعوا محاچيه
ثارت منار الحكمه نتشكر الهالنعمه
حاظر مآسيه
===============≈===================
فوگ عقلي القاصر انه زينب وعفتهه كعبه
الصار والداير عليهه ماتحمله الا صلبه
مايهمهه ايزيد بنتك حيدر ولاهمهه حزبه
حملت دواليب الزمن
واشجره اعليهه من المحن
حره ويوصفهه وطن
ويرثي عبدالرضا غربه

زينب ياغريبه الله اشمصيبه
وجهچ يازينب وين مذبوح اخوچ حسين
والجثه سليبه الله اشمصيبه
===============≈===================
جالسه اتصلي وتنوح العرش داسوه الشفيه
حاضر الصادق يويلي وشاف خيل الأعوجيه
ساحگه صدره يعالم هذا يوم الغاضريه
نازل غده چنه رعد
أصدق ابوموسى الوعد
كل المدن صرهه وحشد
گال أگلبهه المسيه

فاتح جميع الأفلاك چي عمته مسبيه
راد القيامه الحر صاح هالليله محميه
ماشاف بالطف زلمه نتشكر الهالنعمه
حاضر مأسيه
===============≈===================
محور الزهره التجلّت بالعفيفه الهاشميه
الكل عمل عدهه درايه الگعده ماصارت أذيه
والله لو واگفه زينب ماتظل كل آل اميه
گاصد أجه بلهفه الأمل
والصادق ايگله العجل
ياجدي أمحي الماخجل
عجل بيوم المنيه

عدنه تره شيعه حيود وزلام حشديه
يابن محمد هالروح خل تبقه مرضيه
رجع حجاب الحشمه نتشكر الهالنعمه
حاظر مأسيه
===============≈===================
أخرت بنت الزچيه بهالحدث يوم القيامه
چان صارت مغريبه وماتظل بالطف علامه
وچان مامولوده هاي الشيعه لوقايم حسامه
ثارت ملائكة السمه
بالأرض صارت ملحمه
قام العزاء حامي الحمه
ويقره أيام بسلامه

أيام أيام هاي الدنيه أيام
يوم الأهل يحمونه يوم العده يسلبونه
هاي الدنيه أيام
===============≈===================
29/5/2020 الجمعه
07712631386 واتساب للألحان
#الشاعر_الميرزا_محمد_الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#برنامج_محرم_الحرام_1442ه‍ 2020
#الشاعر_الميرزا_محمد_الساعدي
نزله للقاسم



كل جيش اميه بيومه صاح الغوث بالحومه
===============≈===================
طب أسد وارتعد كلمن ايعاديهم
كالحسن بالمحن راوه اليواليهم
چن علي يالولي من بده ايحاچيهم
كل نذل هالجثل يحرگ ابطاريهم

كلمن گرب لعلومه صاح الغوث بالحومه
================≈==================
طر فجر عالمهر والأمل بچفوفه
صاح أبد واستعد صيحته المعروفه
هاشمي عالمي كوكب المچتوفه
ما أمل أي حمل تشهد المصفوفه

ياهو الدنه المرسومه صاح الغوث بالحومه
===============≈===================
عدتي اوصيتي نفذتهه الليله
ياعلم بالحلم چن أشم بالشيله
فاطمه عازمه تحضر اتحنيله
بمأتمه ملحمه لن بدت تنعيله

واليگصد المعصومه صاح الغوث بالحومه
===============≈===================
من دخل هالفحل رجف الخياله
مابقت وانحنت كلهه يم اخياله
عالعهد ضل امد سر علي يبراله
هذا در من صدر مكرم العياله

والعرفته مصدومه صاح الغوث بالحومه
================≈==================
ياسبب منه هب كافل المحتاره
چن علي يعتلي شن عليهم غاره
من هتف وارتجف مامش الهم چاره
چف حمه بس دمه خله بيهم شاره

من غيضه شگ اهدومه صاح الغوث بالحومه
===============≈===================
يانجم هالأسم قدوه للوالكم
حاجته دعوته تنگضي بطرواكم
للأبد من حد ماخذ المنواكم
عازمه راسمه هالخلگ وياكم

بسيفه الرگب محسومه صاح الغوث بالحومه
===============≈===================
25/7/2020 السبت
07712631386 واتساب للألحان
#الشاعر_الميرزا_محمد_الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA