#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


عبدالله الرضيع ع



نايم يالولد طولك نص مهد يابدر السعد
بنحرك يصلي السهم
.........................................
أتذكر بيك ايام اتناغيني وجرحي اينام
واغفه اعله صوتك روحي بسكوتك تهم
أنفاس أحساس
ويتمنه رمشي كدامي تمشي حلم
صوتك تغريدة طير يالوجهك آية خير
بكل الليالي عطرك يغالي أشم
جلمات آيات
منك تجيني وانته حسيني العلم
ياوجه الكمر تعبني السهر شيريد القدر
بمهدك يراويني دم
......................................
يبني التانيته اسنين بجاه الزهره وبحسين
أرزقني ربي ويتمنه كلبي طلب
أحتار وازغار
كدامي تركض واكليبي ينبض تعب
وادعيت وشلت الراس ربي بجاه العباس
برد غليلي كلشي بدليلي انسلب
واهداك وانطاك
لامك يروحي وسكنت جروحي عجب
أفرح وانتظر صيارك يابدر ما أدري العمر
يفجعني تالي بألم
...................................
6 اشهر 6 ارماح بكليبي المايرتاح
كلت انه سهله وصابوني نبلة بعد
وادموع واشموع
وانه بجفوفي يذبل يخوفي الورد
تانيتك يوم بيوم أحسب كل ليله انجوم
كلت امنياتي وحشة حياتي ترد
تهليل ترتيل
ياليزهي نوره أقراله سوره الحمد
تانيتك صبح يالطولك جرح تالي تنذبح
ودمك يسح بالخيم
....................................
وديتك وي مولاي يسكونك عود الماي
كلبك نحيبه جبدك لهيبه لمه
عطشان لهفان
وانجومي غارت والشربه صارت دمه
لؤلؤ لو نحرك هاذ والكون بمهدك لاذ
جنت انه اكلك وابعيني ضلك سمه
ياسور يانور
يوميه اطوفك والما يشوفك عمه
تارسني ضوه أشتمك هوه تالي بنينوه
كلشي بحياتي انعدم
...................................
شيصبرني اعله الآه فكدك مفجع والله
دمعة ونيني تشرح حنيني عمر
أشتاك وافراك
يسبيلي حالي وانته اعله بالي تمر
مايوصل عيني النوم ميفارك عمري الصوم
عيني ترابي أكلي وشرابي الصبر
أحتار والنار
تسعر يويلي واشعر دليلي جمر
نوحي وعبرتي وني ودمعتي جرحي وغربتي
والدنيا بعدك ألم
....................................
راحت كلها الشبان طاحت كلها الوليان
كل النشامه وبس اليتامه صفت
أحباب وامصاب
حسره اعله حسره وكمره اعله كمره طفت
حسيت بعمرك راح لحظة ما عمك طاح
وشفت المنيه للغاضريه لفت
عامود والجود
ودمعه يهله وابعينه نبله غفت
طاح بحيرته وغص بحسرته وزينب نادته
وينك يراعي العلم
........................................
علي صابر السراي
نسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

مجموعة ابوذيات على لسان السيده زينب (ع) أهدي ثوابها للمرحوم ابو خالد الچريخي


يـخـويـة الـشـامـت بـعـيـنـه.. صدالي
واصيح وصوتي ضـل يرجع.. صدالي
جـم ســوط الـشـمـر مـتـنـي.. صدالي

تــعــال وشــوف تـلــگــه آثـــار بــيــه

                     *----------------*---------------*

مـصـايـب خـلـصـن بـطـفـكـم.. وينشد
بـــديـــه الــحــبــل يـتــخـلــه.. وينشد
يـــزيـــد بـحـــالــي يـستـهــزء.. وينشد

زيــنــب ويـــن ويـــعــايـــن عـــلــيــــه

                     *----------------*---------------*

اجـيـت وكـلـبـي مـن الـخـوف.. لاعيب
وكـــف والــبــيــرغ بـيــمــنــاه.. لاعيب
كـلـت أخــبــر أبـــو الـنـومـاس.. لاعيب

خـفـت لايــزعــل الــكــافــل عــلــيـــــه

                     *----------------*---------------*

أهـــزن بـالــجــســد ضـنـيـت.. بـيـروح
وخلص عمري يخوية جـروح.. بـيـروح
يـمـلـك الـمـوت هـاك الـنـفـس.. بـيـروح

الـجـسـد عــبــاس لا تــرجـــع عــلـــيــه

                     *----------------*---------------*

✍بقلم خادم الحسين ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

دار الزمن بية والشمر ليلية يشتمله علوية
وينك يعباس وينك يعباس
...............................................

اسمع يشتمك يالگمر ويگلي وينه
بعينچ يزينب شاهدي خدرچ سبينه
فزعي كفيلچ بالعلم بلگت يجينه
گلالي ضل بكربله وصوبنه عينه

يتبختر بسيفه ويشتم بگيفه جار واخذ حيفه
وينك يعباس وينك يعباس
.............................................

ايدي بعباتي مچلبه وبمتوني جمره
ردتك يراعي المرجله لحالي تنظره
بعيني اصدن للحرم و بگلبي حسره
عمداً ايجيبه الشمر واسمك يذكره

رايد يبچينه ويعذب اسكينه ما تلحك علينه
وينك يعباس وينك يعباس
.......................................

متحيره خويه بغربتي ودمعي ايتلاله
گلولي كفالچ مشه و عاف الكفاله
گلتلهم ابقى مخدره و جيت بدلاله
چان ابوجوده امضلل الطول وخياله

عيوني اهملهه خصمك شكللهه حملتك دحملهه
وينك يعباس وينك يعباس
........................................

ما گطعت الروح الامل ترجى بعدهه
زينب يشيال العلم ضلت وحدهه
اذكر تباري الناگتي وبيدك تشدهه
هسه صارت ياهو أيگوم ويصدهه

چفك يحاميهه واتكفلت بيهه تتركه تاليهه
وينك يعباس وينك يعباس
.........................................

خويه بخرابه مگيده بين الشماته
والمثلك شلون العده تنظر خواته
چنت اشوفنك علي وتحمل صفاته
ادري يالغالي الخدر عندك غلاته

تدريني مهضومه وجروحي ملجومه يافارس الحومه
وينك يعباس وينك يعباس
..........................................

دمعاتي شاهدهه الشمر تصعب عليه
والاصعب يطگني النذل واشكف بديه
خوفي السياط التجي توصل رقيه
طفله بسنين الورد و مچلبه بيه

عدمن اخليهه زغيره تدريهه ريتك تحاميهه
وينك يعباس وينك يعباس

========================
✍ بقلم خادم الحسين ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(ياكربله)
ميمر



صـوتـي أعـتـلـه بـيــن الــمـــلــــه
راح الــــخـــــدر يـــاكـــــربـــلــــه

وآنه الگبل ماينشاف طــولــي وچنت مصيونه

*------------------*-----------------*

لرضچ أجيت وهالارض عادتني
اليوم الزچيه أمصيبتچ عادتني
خليني اضل بدمعتي عادتني

أبقه انتظر حد الفجر
بلكي الاجل يلفي العمر

شلون اعيش بدنياي وخدري العده ايشوفونه

*-----------------*------------------*

خدري انسلب من سلّبو ولياني
الراح أيتشفه بحالتي ولياني
حرمه وعليه الحاقده ولياني

حقلي العتب شفت العجب
أبقه بيسر هذا انكتب

ماحسّبت يوم بهاي متني ابدمه ايصبغونه

*------------------*-----------------*

ياكربله جرحچ جرح كفالي
ريت النظر كبل الجره كفالي
بيچ انگطع چفه الشهم كفالي

وفّه ونعم ذخري الشهم
بزود الگمر عندچ عِلم

كفالي نعمه الكفال رخصلي ضي عيونه

*------------------*-----------------*

لو أدري هيچ بتربتچ ما يلهه
شاب الدليل وبالصبر مايلهه
راح اليعدل بالشدد مايلهه

برضچ هوه راعي اللوه
چف وعَلم طاحن سوه

شتمتني عگبه الارجاس وضعني اصبحو يحدونه

*-------------------*-----------------*

أمسه المسه وانه بدمع مسبيه
اذاني حيل وهالجرح مسبيه
راحو أخوتي وصبحت مسبيه

راح الشمل مال الحمل
كلهه اخوتي خلصت جتل

أتمنيته لافيني الموت أويه اخوتي مدفونه

*-----------------*------------------*

أنه العقيله والزمن جر بيهه
ساعت منيتي أويه أخوتي جربيهه
مچتوفه أيدي والشمر جر بيهه

تصعب علي مشدوده أدي
بين الزلم وينك يخي

ناديت أخوي العباس ودري السهم بعيونه

*-------------------*----------------*

✍بقلم خادم الحسين //ع//
الشاعر رعد الجريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


. . . بـعـيـنـي راسـمـتـك رسـم
فــدوه اروح لــهــالإســــم

يـبـنـي جــســام يـبـنـي جــســام

                   *----------------*---------------*

جيتك بحسرة عذابي وعندي كلمـه
بعدك زغير واكـولـن ابنــــي زلـمـــه
سألت روحي ودمـوعـي بهل المهمه
غالـــــي كاللي ولكن اغـلــى عـمـــه

حايره بموقف صعب مـو سهل كسر الكلب

                   *----------------*---------------*

هذا الحسين بدمائك يمه انـصــره
شاهدت حاله واجيتك كلي عبــره
واكـف وينظر خيمنه يحير امـــره
كله ترخصلك حياتي روح اخـبـره

بزودك اتذكره الحسن شاركه بكــــل المحن

                   *----------------*---------------*

صـح احسن للمنايـــه بيدي اقدمك
وانت ريحانة حياتي الجنت اشمك
يبني أتحزم واريدن يقوه عـزمـــك
اكشخ بثوب الشهاده وافدي عـمـك

خـابـت احـلام الـعمـر ادعـي لامـك بالـصـبـر

                   *----------------*---------------*

ادري يـولـيـدي بغيابـك راح اعـانـي
بعدك كبالي ودمع فيّض مكـانــــــي
فجئة خـابت ضنتي وذيج الامـانـي
عايشه بنشوة أمـل والطـف اجـانـي

يـجـرح اوداع الــولـد غـيـرك شـعـنـدي بعـد

                   *----------------*---------------*

لايــك السيــف ليمينك مــــن لزمتــه
كلبي مسحور واحس اكثر سحرتــــه
هيبت وشخص الحسن بالطف ذكرته
ذكرى خليت بخيالــــــي وراح انتـــه

لحضه وامك تنـفجـع تمشي ويضل الـدمـع

                   *----------------*---------------*

من اقصر للزجيه شـنـهـي عـــــــذري
انصر حسينك يغالي وطفي جمـــري
بلكت الموت بوداعك يلفي عـمــــري
تخلص ادموعي لشبابك وانت تـدري

اذكـــر ايــام الــســهـر احــفــر بـخـدي نــهــر

                   *----------------*---------------*

✍بقلم خادم الحسين ع
الشاعر رعد الجريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


هوسات


مـجـالــسـنــه تـضـل لـلـمــوت والـمـنـبـر
الـمـاعــنــده عـقـيـده لايـجـي ويـحـضـر
الـشـعـائـر والـلـطـم يـانـاس خـط احـمـر

( وكـل عـام انـعـاهـد نـحـيّـهــه )

                  *----------------*---------------*

أحـنــه اهـل الـتـحـضّـر مــوش رجـعـيـه
أهـــل غـيـره وشـجـاعـه وروح ثــوريــه
شـيـعــه ولـلـمـمـات انـضـل حـسـيـنـيــه

( والـعـاده احـسـيـن ايـعـاديـنـه )

                  *----------------*---------------*

مـتـهـمـنـه الـعـــواذل والـقـلـت والـقـال
شيعه ورافـضـه والماضي نفس الـحـال
تـضـل بـسـم الحـسـين اتــردد الاجـيـال

( بـايـعـنـه حــســيــن وخـدامـه )

                 *----------------*---------------*

✍بقلم خادم الحسين ع
الشاعر رعد الجريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


عشق المجالس



بالـمـجـالـس كــون اخلصنه الـعـمـر
بالـمـجـالـس رحـمـة وإحـيـاء الأمـر

عـــن صــادق الأئـمـة بالـدمعه تنزل رحـمـة

               *----------------*---------------*

يا فـضـيـل الـصـادق يـكـلـه احـبــهـه
رحــــم الله الـحـيـاهــه والـنـصـبـهــه
بـالـمـدامـع فـاطـمـه يـــبـــرد گـلـبـهـه
هـذا الـيـخـفـف مـصـايـبـهـه ولـهبـهـه

والــزچــيــه تـــرفـع اسـمـاء ورتــب
والــزچــيــه الحاضر بخطهه انكتب

هـاي المجالس نعـمه بالدمعه تنزل رحـمـه

               *----------------*---------------*

افهم المضمـون و اسـمـع هـالـروايـه
وابـقـه لـتـعـوف المجالس لـلـنـهـايـه
بــالـعـزاء وبـالـشــعـائــر نــزلـت ايــه
يعـنـي عــنــوان الـتـشـيـع والهـدايــه

بــالأدلــــــــه تلكه مـشـروع البچـي
بــالأدلــــــــه لا يـهــمـك كــل حچي

اسمع كلامي وقـيـمه بالـدمعه تنزل رحـمـه

               *----------------*---------------*

يــدعــي للخـدام جـعـفـر مـــو قليله
ودعوة المـعـصـوم تـرجـع مستحيله
اعـــرف بـدمـعـات جـفـنـك وبمسيله
تــواسي لـدمـوع الزچيـه والعـقـيـلـه

هـالـمــدامـع هـايه عـنـوان الشـرف
هـالـمــدامـع بـيـهـن الشيعي انعرف

يـقـدم لـجـلـهـن دمـه بالـدمعه تنزل رحـمـه

               *----------------*---------------*

تنزل الامـلاك تــتـبـاهـه بــعــطـرهــه
وتحضر الـزهـره الزچيه للـحـضـرهـه
تـشاهــد الـدمـعـات وتشاهد اجـرهـه
والتسجل اسـمـه عظيمه وشـكبـرهـه

مـو عـجـيبه فاطمـه تسجل الـدمـع
مـو عجيـبـه يــقـره مـله وتـسـتـمـع

والزهره تكتب اسمـه بالدمعه تنزل رحـمــه

               *----------------*---------------*

اليبـچي للـمـظلـوم وينـزل دمـعــتـه
مــا تـضيـع وفاطـمـه تــرفـع رتـبـتـه
والــخــدم لــحسيـن تتقبل خـدمـتـه
والـدعاء للصادق يشـمـلـه بـرحـمـتـه

أكــــداهــــه دعــوه تـقـبل لـلـخـدم
أكــــداهــــه نـنـعـذر لـو نـبـچـي دم

معنى الدعاء افتهمهه بالدمعه تنزل رحـمــه

               *----------------*---------------*

بالمـجـالـس تـنـذكـر قــصـه بألـمــهــه
تبتدي بمـأسات والحـركـوا خـيـمـهــه
وريحة الــدخـان بــالمـأتـم تـشـمــهــه
هذا معناهه المـجـالـس وافـتـهـمــهــه

لـلـعـقـيـلـــه قـصـه بـالـون تـنـشـرح
لـلـعـقـيـلـــه خــلـي جفنك يـنـجـرح

عالـدمعه جفنك علمه بالـدمعه تنزل رحـمـه

               *----------------*---------------*

✍بقلم خادم الحسين ع
الشاعر رعد الجريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ابو ذيه

مـثـل حـن الـثـكـالـه حسين.. حناه
وظـهـره بـيـوم فـگـد الگـمـر.. حناه
شـيـبـه بـدم عـزيـز الــــروح.. حناه

ويـگـلـه شـلـون بـسـكـيـنـه ورقـيـه

                    *----------------*---------------*

✍بقلم خادم الحسين ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

موشح على طريقة التراث الاصيل



زينب الحره نـعـت عـبـاسـهـه
طاح ابو الحملات رفعت راسهه

                    *----------------*---------------*

شافت حسين بحزن محني الظهر
سألته ودمع الجفن مثل المطر
كلهـه بالعباس خـانـانـي الـدهـر

عـالنـهـر مطـروح بين ارجاسهه

                    *----------------*---------------*

كلهه ابو السجاد شحچيلچ بعد
يعتذر مهضوم ماوفـه الـوعد
غمّضت عينه وگعته ومـاگعد

ردت گبله الروح تگضي انفاسهه

                    *----------------*---------------*

خويه يازينب شوصّف حـالته
دامي عباس وعمد شك هامته
صوبت گلبي السهام الصابته

راح عنوان الشجاعه وباسهه

                    *----------------*---------------*

لطمت اعله الراس بـت خير المله
ضلت ادمـوع المحاجر سـايـلـه
صاحت بصوت الحزنى يا كربله

امن الگمر هاليوم گطعة ياسهه

                    *----------------*---------------*

تنتظر چانت يجيهه بجوده
والگمر بالماي يوفي وعوده
مادرت تالي تـطـيح ازنـوده

اليوم ياحـاله تصد نوماسهه

                    *----------------*---------------*

گـبـل تـتـأمـل يـرد محبوبهه
والحـرايـر بـيـده يروي گلوبهه
تعتب ومـحـد سمع معتوبهه

وين صگار العده وخـلاسـهـه

                    *----------------*---------------*

✍بقلم خادم الحسين ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(حي ابو فاضل)


حـي أبـو فـاضـل يحيه جـفـوفـه
مثل ملك الموت خصمه اتشوفـه

                   *----------------*---------------*

كـال اخلي الحومـه بيهم تنخسف
أنه واحد همه بالسبعين الف
بكيفه سيفه بالحرب يطوي ويلف

حملته حـمـلـة علي معروفه

                   *----------------*---------------*

مثل ملك الموت يرهب لو نزل
من يصول ايصول كدامه الاجل
رجّف الفرسان چن خير العمل

و الشواهد كربله و طفوفه

                   *----------------*---------------*

ماجت أويه اجدامه اركان الارض
وكام وحده يصول بالطول وعرض
صاح اريـد الماي وينه اليعترض

بصيحه وحده انخلسوا امْنِ الخوفه

                   *----------------*---------------*

لزم بتاره وطلق حبل المهر
وشّوف العدوان نجمات الظهر
يفتخر حقه البطل من يفتخر

البرزله ابلايه راس يعوفه

                   *----------------*---------------*

العلم ويه الهوه بچفه اعتلـه
يعني وينه البيه شجاعه ينزّلـه
الف حياه الگمر ضـل حامله

أسمه هز جيش العده وصفوفه

                   *----------------*---------------*

ايصيح اني ابن علي وصاحو علي
داخت اجيوش العده بشبه الولي
كلهه خرسه بس صرخته التعتلي

بحر زود وغركـوا اعله اجروفه

                   *----------------*---------------*

✍بقلم خادم الحسين ع
الشاعر رعد الجريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


لسان حال مسلم بن عقيل((ع))


ســفــيــر حــســيــن آنـــه وأمــنــيــاتــي
أقــدم تــضــحــيــه لــزيــنــب حــيــاتــي

لـــچـــن دور السفاره عَلي صار اختياره

*----------------*---------------*

ابــاري لــبــت عـــلـــي اتــمـــنـــه آنـــــه
أمــانــه امــن الــوصــي ونـعـم الامـانــه
لـجـل هــذا الــخــدر تــرخــص دمــانــه
اذا مـــســلـــم واذا حـــامـــل لــــوانــــه

أرخـصـلــهــه الــحـــيــاة ومـــا أبــالـــي
وأغــطــي اخـيـالــهـه بـزودي وخـيـالـي

السفر تدري بقراره علي صار اختياره

*----------------*---------------*

عــلـَـي دور الــســفــر مــاكــو بـــديـــلــه
ابـعـدت عـنـهـه ابـعـذر تــدري الـعـقـيـلـه
وسـام اعـلـه الصـدر ماصـحـلـي اشـيـلــه
لاسـم زيـنـب فــده نـحـري ومــسـيلـه

لـــون مـوجـود والـحـره تـنـادي
أحـــدّن صارمي بروس الاعادي

تـچوّي البُعد نـــاره علي صار اخـتياره

*----------------*---------------*

ردت عــمـــري اقــدمــــه الــهــه هــديـّـه
ومـثـل عـبــاس اضــحــي اثـنـيـن اديـّــه
لـچـن شـــــاء الــقــدر تــصــعــب عـلـيـّـه
وسـفـرْتـي اعـلـه الغـرب مـامـنـهـه جـيــّه

ابـحـسـرتـي ولـلـخــدر دلالـي هـايـم
الـموتي بــالــســفــر بــانــت عــلايـم

الغرب مُــر انـتضاره علي صار اختياره

*----------------*---------------*

لــون بــيــدي الامـــر والـلــه اعـتـنـيـهـه
واكــص چـفــه الــذي يـجـسـر عـلـيـهــه
ابـن عـمـهـه وعـلّـي يـصـعـب سـبـيـهـــه
ألـــم زادت غُـــرُبْــتــي الآنــــه بــيــهــــه

بــعـيـده الــدار بـالـغـربـه الـرهـيـبـه
شـيرجعني واحـامـي اعـلـه النجيبه

واخط بالطف عباره علي صار اختياره

*----------------*---------------*

الــدمـه سـعـره سـهـل يـرخـص لـجـلـهـه
فـخـر هــاشــم نــعــم يـا فـخـر اهــلـهــه
أمــل مـوتـي ســوه ويـــه الــكــفــلــهـــه
وفــرد حـمـلــه أنــه وهــوه انــحــمـلـهـه

امـنـيـتـي يـصـير للحومه رجــوعـي
وتِـشوف الخـيـل تسحك عالضلوعي

الغدر كشّف ستاره علي صار اختياره

*----------------*---------------*

✍بقلم خـــادم الـحـسـيـن ع
الشاعر رعد الجـريـخـي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يـگـولـون بــقــه يـــم الـنــهــر
يـگـولـون نـسـه اخـتـه الگـمـر

*---------------*---------------*

أخــبـرك يــجــرح اهــواي
كــلام الـتــمــشــي ويــاي
اجــيــتــك تــايــه الـــراي
يـخـوي انـتـــه الــشــهــم

أريـــدك تــتــرك الــنــــوم
اعــرفــك انـتـه جــيــدوم
احـلـفـك يـالـگـمـر گــــوم
صــعــب حـچّـي الـــزلـــم

گـوم يـاعـبـاس لـيـث الـموزمه
روحي مشتاگه واجيتك هايمه

يـگـولـون صـعـب هـذا الـخـبـر

*---------------*---------------*

حــلالـي ابـنـومـك الـنـوح
يـخـويـه وگـلـبي مجروح
بـقـيـت مـحـيـره الــــروح
جّـــرح گـــلـــبـــي نــــزف

چــنــت امــخــدره ويــاك
مـشـيـت بـولـيــــة اعـداك
اريــدن ابــچــي وانــعــاك
عــســن شــوفــي انـتـلـف

بالحزن والضيم اجيت الكـربـلـه
بـچـفـك الـهـودج الـزمـه ونـزلـه

يـگـولـون هــوه وچـفــه انـبـتـر

*---------------*---------------*

دگـوم وشـيـل الـچـفـوف
يـراعـي الغــيـره معـروف
انـظـر اخـتـك وشــــــوف
بـــعـــد بـــيـــك الأمــــــل

خـصـمـك خـل يـشوفـون
تـنـشـف دمـــع الـعــيــون
تـنـزّل هــــاي الــضـعــون
يــبــن خـــيـــر الــعــمـــل

يـالچـنـت كفالـه وانته التحرسه
چـذّبـيـت الـگـالـوا الكافل نـسـه

يـگـولـون حـچـي مــــر وعــبــر

*----------*----------*

اقـصـلـك روحــة الــشــام
سـبـيـه امــدنّـگــه الــهــام
تـــدّور اعــلــيــه الايــتــام
وأنـــــه ابـعـيـنـي الــدمــع

دلـيـلـي اتـحـمـل اجــــراح
بــعــد شــيــرجــع الــــراح
امـــوتـــن يـمــتـه وارتــاح
صــــرت مــثــل الــشــمــع

لوعاني الشام من عگبك تره
دخلت الديوان گبلي يا مـره

يگولون مــره وتمشي ابسفر

*---------------*---------------*

اخـــوي وتــبــقــه كــفــال
عـفـتـنـي وشـيـب الـحـال
نـخـيـتـك نـخـوة ارجـــال
يــــمــــن كــلــك مــــجـــد

چـانـت ســفــرتــي بـعـيــد
دخلـت الـمـجـلـس ايـزيــد
يـگـلـي عـــافــچ الــحــيــد
گــــــــــــلــــــــــت لازم ارد

اشتكيلك حيل اذتني العـده
اسمع ايشتمون وأنه امگيده

يـگـولـون عـلـى النوم انجبر

*---------------*---------------*

الـحـزن صـارالـي جـلـبـاب
انــوحــن والـگـلـب شــاب
عــلــيـــه طــال الاغـيــاب
اشـبـقــه غــيــر الــبــچــي

عـفـتـنـي والـخـدر ضـــاع
وسـف يـمـرجـف الاسـباع
تــضـل امــوسّــد الــگـــاع
جــرح روحــي الـحــچــي

ما يلوگ النوم يم المشـرعـه
والچفن وياك يچي ابمدمعه

يـگولـون غـفـه احزام الظهر

*---------------*---------------*

✍ بقلم خادم الحسين ع
الشاعر رعد الچريخي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(جاسم و الاكبر)


جـــاســــم والاكــــبـــــر بــــالــــحـــــرب
جــــاســــم والاكـــبـــــر

* * *

عــــلــــي الأكـــبـــر چـــنـــه حـــيـدر جــــــــاســــــم يـــمـــثــل الـــگـــمــر
طــبــــوا بـــســــــوح الـــمـــعــــــارك صـــــــــــــــوروا اروع صـــــــــــــــور
طـــشـــروا كـــــــل الـــكـــتـــايــــــب
تــــيـّــهـــت حـــــتـــــى الــــمــــفــــر
عــــادوا أمــــجــــاد الـــصـــمــــيـــده
يـــــاهـــــــو يــگـــــربــــهــــم گـــــدر

خــــلـّـــدوا طـــــــــف كـــــربـــــلــــه
أهـــــل غـــــيــــره ومــــــرجـــــلـــــه

مــــحــــــد تــــــعـــــذر وارتـــــجـــف
مــــحـــــــد تــــــــعــــــــذر

* * *

صــالـــو اعـــلـــه اهــــل الــضــغـايـــن
بـــيـــهـــم الــــــــــزود اعـــــتـــــلــــــه
أســـــــد واحـــــــدهـــــــم تــــمـــثــــل
يــــــــا شـــــــجـــــــاع يـــنــــازلــــــــه
هـــــــزّوا الــجـــيـــش بـــشـــجـــاعـــه بـــــالــــعـــــزم والــــمــــــرجـــــلــــــــه
خــــطــــــوّا الـــمـــــيـــــدان كــــلــــــه والـــــرمــــــــاح مــــچــــلــــچــــلــــــه

مـــنـــهـــم الــــجـــيـــش انــــذعـــــــر
بـــخــوفـــه كـــــل واحــــد شــــعـــــر

يــــاهـــو الـــتـــجـــاســـر عـــالــخــيــم
يـــــاهـــــو الـــتـــجـــاســـر

* * *

خــــــلــوا بـــــــروس الاعـــــــــادي
الــــــگـــــاع مـــــــــن دم ارتـــــــوت
بـــيــــهـــم الامــــثـــــــال تـــضـــرب والـــــمــــعــــانــــي اتـــــجــــســـدت
يــــــــوم غــــــــاروا بـــالـــمـــراجـــل
حــــيــــل هـــالـــصـــولـــــه حـــلـــت
ضــاكــت الـوســعـــه بــخــصــمــهــم والـــجـــــيــــــوش اتــــــزلـــــزلـــــت

ذولــــه فـــــرســــــان الـــــــشـــــــدد
مــــــــا يــــهـــــمـــــون الــــــعـــــــدد

الــــخـــــــنـــــدق تــــكـــــرر عـــالـــعـــده
الـــخـــــنـــــدق تــــكـــــرر

* * *

جـــــــنـــــدلـــــــوا كــــل الأعـــــــادي
صــــبــــغــــوا الـــحـــومــــه بـــدمـــه
هـــــاي حــــمـــــلات اورثـــــــوهــــــه
امــن الــفــحـــل حــامـــي الـــحـــمـــه
واحــــد يـــــطـــــشـّــــرهـــــه مــــــرّه
او واحـــــد يــــلــــم صـــــــــارمـــــــه
عـــلـــي الأكـــبـــر وابـــــن عـــــمــــــه
لــــيـــــوث يــــــــوم الـــــمـــــوزمــــه

احـــــيــــــود مـــــنــــبــــع لـلـــعـــزم
جـــندلـــــوا خـــــيـــــــل وزلـــــــــم

لا مــــــا تـــــغـــــيـّــــر هــــالــــنـــهـــج
لا مـــــــا تـــــــغـــــــيـّـــــر

* * *

هـــــذا كــــــــض الــــمـــيــــمــــنــــه
وذاك كــــــــض الـــــمـــــيـــــســـــره
ذهـــلـــوا صـــفــوف الـــعـــســـاكـــر والـــــعــــقـــــــــول مـــــحـــــيــّــــره
حـــــكــمـــوا بـــيـــهـــه الـــصـــوارم والـــــكــــفـــــــر لــــزمـــــت ســـــره
مــــثــــل مـــوقـــفـــهـــم تــــخــــلــد
أبــــــــد مــــــــا صـــــــار وجـــــــره

بــــيـــهـــــم الــــطــــف انــــخــــتــم
ذولـــــه عــــنـــــــوان الــــشـــــيـــــم

الـــــــهــــــم تـــــذكـــــــر يــالــتـحب
الـــــــهـــــــم تـــــــذكـــــــر

* * *

✍بقلم خــادم الــحــســيــن ع
الشاعر رعـــد الــجـــريـــخــــي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlAَ

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يازينب


أخوتي مــا دروا بيه.. ويو يــاي
عگبهم كــــل المخيم.. ويو وياي
تمنيت الكفل خـدري.. ويو وياي

يطفي بــجــوده نــيــران العليــه

*---------------*---------------*
✍ بقلم خادم الحسين ع
الشاعر رعد الچريخي

المعاني
1* يأتون لمكاني
2* اشتعل المخيم بالنار
3* أتى معي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نعي بحق ابناء مسلم بن عقيل //ع//



يوم الهجمت العسكر
ودخان الخيم مضلم
تهدم الحيل حالتهـم
وحتارو ولد مسلــم

فرو من صهيل الخيل
وين الوجه مـا يدرون
واحد چلّــــب بــــواحد
وبين الخيم يفتـــــرون

بعد مــا أيســو كلش
بدمعهم نحـرو البيده
الچبير يجر بالزغيّـر
واخوه مچلب ابئيده

خمدت لوعة العسكـــر
ولهبت لوعة الغربــــه
صعب تتوصف الحاله
اليتيم وينجرح گلبـــه

عليهم چلت الحسرات
من خيم ضلام الليـــل
اشلون تغمض عيونـه
اليذّكر هجوم الخيـــل

بدموع الحزن ضلـــــو
ولا واحد اليرعــــــاهم
بعد كل الهضم والضيم
قصة الحارث ويــــاهم

كسرو خاطر السجان
لمـن سمــــع قصتهم
لچن شلفايده الاقـــدار
بيد الحــــارث انطتهم

گلوله النبي المختـار
مبعوث البشر جدنـه
ارحمنه لصغر سنّـه
واطلق قيدنه وهدنه

عليهم ما عطف گلبه
ومثل البشر ماچنـــه
كلهم انتم اختــــــــــارو
الاول ياهو اذبحنــــه

الچبير ايكله يـــا ظالم
بالاول اني اذبحنــــــي
ما اگدر تصد عينــــي
اخوي بذبحه تجرحني

صاح الاصغر بلوعـــه
ومدامع بالوجن حــــدر
تخسر أخره ودنيــــــه
وخصمك فاطمة وحيدر

مصيبتهم تشيب الراس
الغيور اتجرح عيونـــه
اليتيم الوادم اتكرمـــــه
وحرمت يتمه مصيونـه

بيهم ما جرت عــاده
يويلي وحالة مختلفـه
جرحهم للمات ايعيش
بينه وما ابد يشفـــــه
.............


ابوذيات

گالوله يحارث عــــوف.. يدنه
يتامه والنبي المختــــار .. يدنه
شهر سيفه و عليهم گام.. يدنه

و بيهم عاد يوم الغاضرية

÷÷÷÷÷÷÷÷÷

الحارث رد جرح مسلم.. وعاده
ودليلي غيب افراحــــه.. وعاده
يوادم ما جرت سنـــــه.. وعاده

ذبحهم و الجثث ضلت رميه

÷÷÷÷÷÷÷÷÷÷÷÷

روحي الحزن عاشرهه.. وجاهه
وفگدهم نــــار البگلبــي.. وجاهه
الباري بحكمتـه انطاهم.. وجاهه

و عليهم هلت ادموع البريه

÷÷÷÷÷÷÷÷÷

✍ بقلم خادم الحسين ع
الشاعر رعد الچريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#رساله


جودر بروحي الهضم       بدمعي يتوضه الحلم
      صوت الدموع.              طگ بالضلوع
                     يا شيعتي   يا شيعتي
************
بيه حسره من البعد هزت كياني
سنين عايش وحدي بس محد اجاني
انه مهديكم يشيعه الكم اتاني
جن عليل لوحده وضليت اعاني

الفرج ربي يعجله
بيه دارت كربلا
گلبي  مفجوع.     طك بالضلوع
*****************
ها يشيعه والدمع يبجي اعله حالي
وبدعاء الفرج اكضيها الليالي
تهب علي نسمه هوه من اسمع موالي
يقره اللهم عجل وانبرالي

الحجه انه ابن الحسن
احضر الكم بالمحن
حتى للجوع.      طگ بالضلوع
**************
يمته اكحل شيبي ولسامره اكصد
روحي شابت من زغرها بلايه موعد
عمر بس ضيم ومآسي انه احصد
مثل اليفارك ضناه وبعد ميرد

لحزني ما يرهم حجي
شيب جفوني البجي
دمعي مسموع        طك بالضلوع
**************
الغربه من تشتاك للما يعتنونك
ولا سمعت بيوم جلمات الشلونك
زحمه من تذكرهم ومايذكرونك
وانت ليهم تنتظر حتى عيونك

هواي تعبني الهجر
صرت ايه للصبر
الشوگ موضوع. طگ بالضلوع
*******
انه وي روحي نتعاون عالمصيبه
بيه جم ويلاه للجثه السليبه
الدموع البيه فد حاله عجيبه
ياهو بيكم عمته مسبيه وغريبه

الشاف لوعه نينوه
يختنك من الهوه
ونحر مگطوع.      طك بالضلوع
***************

خادم الحسين
الشاعر شاكر محمود

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#رساله


مدرسه الحسين اخلاق
                        هالمدرسه تربينه
****************
من الطف رساله لكل شخص بالخدمه
و أول أبنادم انه كون افتهمه
صك الخدم مو كل شخص يستلمه

الخدمه نعمه وهنيال   
كلمن خدم  لحسيبنه
********
لتصير درهم تحجي بوجوه اثنين
وبالغيبه تاكل وادمك جن ميتين
وخل نيتك انت بلون شيبات حسين
 
تاج الخدامه التوفيق
والعبره  تخنك عينه

****************
خلك زغير بعين كل الوادم
ام الحسن تنطيك رتبه خادم
اكشخ بحزن المنه شيّ ما سالم.

تصير بزمانك سلطان 
والناس كلمن دينه
***********
لترائي بالخدمه وتشوفك هالناس
الدمعه الصدك كطره بجفوف العباس
آفه الرياء وبيها روحك تنداس

مثل الحشر درب حسين       
ويله اليزل بسنينه
**************
ابجي بمحرم والطم اعله حسينك
لو لا عزائك جا تموت سنينك
غفران ذنبك والله دمعه عينك

مقياس رزقك الدموع
بالقارعه تروينه

************
ابنادم يموت وبس تعيش الذكره
تاليها يرجع للتراب بگبره
مثل البخور يموت ونشم عطره

انذر حياتك لحسين       
وللكافل وجفينه
*************

خادم الحسين
الشاعر شاكر محمود


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


من هيمه وترابه لضعون وخرابه
رحله عذاب وبرزخ جروح
تمنيت بالطف انه مذبوح
العليل العليل
***************
شفت اعظم مشاهد بالحزن وحدي
عليل وبيه حسره فارس وجندي
من كطعو المنحر صحت يامهدي
يا سر الزجيه ودمعتي بخدي

كل دمعي و ونيني للراح ما يجيني
سبط النبي بالهيمه مطروح
تمنيت بالطف انه مذبوح
**************
بالوحشه حرت والموقف شكبره
اطفي خيامي لو اعاين على الحره
لو خنصر ابوي الضاع بالصحره
جان الطف حلم بس محد يفسره

عطشانه اليتامه للمحشر علامه
طف البواجي وطف الجروح
تمنيت بالطف انه مذبوح
****************
مشه بينه الضعن بس ما توادعنه
مثل المؤمن الفارگ هوه الجنه
دارت عيني صوب المنكطع ونه
وجان الموت منوه شكثر اتمنه

عالنوگ الغريبه يا عظم المصيبه
عماتي ترسن گلبي جروح
تمنيت بالطف انه مذبوح
****************
وصلنه الكوفه واويلاه يالكوفه
عشت حزن الحرم من محد يطوفه
خدر بيت الامير الوادم تشوفه
بحيث الدمعه حتى بحبل مجتوفه

بالكوفه الشماته والليل ما اباته
بس طوعه تتلاگنه بالنوح.
تمنيت بالطف انه مذبوح
*****************
وبدرب السبي شاهدنا جم شده
من تطيح طفله الضعن يتعده
درب بس شوك يدمي وما شفت ورده
ما تغفه العيون من الحزن رمده

جم ليله ودمعتي ما تنشف عبرتي
من روحي رادت تطلع الروح
تمنيت بالطف انه مذبوح
****************
بالشام النوايب تمشي ويانه
عيد وللخرابه الدهر مشانه
وموت يتاني اخيتي المشت تعبانه
جنت مسجد نبي ومهدمه اركانه

غربه وموش اهلنه ولا ريحه وطننه
والهاشميه بصوت مبحوح
تمنيت بالطف انه مذبوح
****************

خادم الحسين
الشاعر شاكر محمود

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يا وحي العشگ والدمعه الصدگ
بنار مخيمك. خليني احترگ
*************
ذاري الصحاري وخوف البراري تشعلي ناري كربله
صوت المصيبه الراحت غريبه گلبي ونحيبه كربله
ارزقني الدمع مولاي والنوح
واموت بمجلسك ما اريدها الروح
لو عمري يصير بگد عمر نوح
ابجي عليك واصرخ اه يمذبوح

ياذيني النحر على طول الدهر
بجمرات الحزن خليني احترگ
*************
لوعه مصابك ما تطفه نارك ارزقني ثارك للوعد
كل الرزايا وضيم السبايا ذيج المنايا للوعد
يا قرأن حزني حروفك الماي
بسملة الكتاب بعازه فياي
ما سحكن عليك الخيل بهداي
جنت انت الوحيد وهم الهواي

من جال العدو ما يمك اخو
لمحبس خنصرك خليني احترگ
************
المأتم حياتي صومي وصلاتي كون ومماتي سيدي
حزني لغربتك ولمن نظرتك ذبلانه شفتك سيدي
عاري اعله الثره بس ما مش ثياب
وجروحك عدد ايات الكتاب
من طحنو ضلوعك تذكر الباب
لو يلجم جروحك ذاك التراب

تراب الصحره حار وبخايمك زغار
من يعطش طفل خليني احترگ
***********
دمعي ونحيبي اه يا طبيبي اه يا حبيبي للخيم
مالك مهجتي وشوغه حسرتي تدري بدمعتي للخيم
ابن اشرف نسل نسل الامامه
نايم بالفلا وبلا عمامه
كون الليل يكضي وما انامه
بس انحب على اهات اليتامه

يا وجه الصبح راسك عالرمح
بيه الكم شجن خليني احترگ
**********
الكم ونيني وعمري وسنيني بالطف يقيني لو جرح
ابجي لعيالك مدري لخيامك مدري لساهمك لو جرح
كون من البواجي تطيح العيون
واجزع باللطم بدروب الضعون
زراگ متوني فدوه لذيج المتون
بصرخاتي اواسي زينب ام عون

لأم عون الحزن وعبراتي التحن
لدروب الضعن خليني احترگ
***********
خادم الحسين
الشاعر شاكر محمود

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يمته الفرج يبن الحجج يمهدي
سنين الصبر وحشه عمر يمهدي
في نينوى ام ذي طوى يمهدي
******
جم شام بينه وكربله وغربه حرم مسبيه
ولوعه رقيه اعله الهزل يا لوعه العلويه
شفنه بجفاك اجم شمر وجم حرمله يوميه
مولاي يا نبض الكلب. يمته الوعد والجيه

عليك السبي وال النبي يمولاي
شوگ الكلب نار وحرب يمولاي
لك النوى ام ذي طوى يمهدي
******
مولاي مو تدري الهجر دمعه وبواجي وحرگه
وانت أدره بسنين البعد يالمنذبح بالفرگه
يالمهدي عاشورك دهر والثار رايد حگه
دين الاسلام بغيبتك جندي وبعازة درگه

يبن الحسن تدري الزمن تعبّنه
صرخة الم والما رحم تعبّنه
الدين هوى ام ذي طوى يمهدي
******
ليليه يتوضه المحب بماي العهد والندبه
ويصلي قربه لجيتك من دموعه طين التربه
يا اغلى واغلى من النفس والناس كلمن دربه
جا يمته نسمع بالوعد المهدي ظهر بالكعبه

من تستند الكعبة تصد لعيونك
حتى السمه تبجي دمه لعيونك
ليل انطوى ام ذي طوى يمهدي
******
ضعنه بدرابين الوكت مثل الضعن بالصحره
والليل برزخ للحزن مولاي يبن الزهره
هالدنيا ما ترحم ابد رادتنه منكم نبره
ادركنا يأبن العسكري لخاطر دموع العتره

وجه الصبح مثل الرمح بغيابك
ليل البعد حفره لحد بغيابك
الموت سوى ام ذي طوى يمهدي
******
يالمهدي بس انت الأمل بسنينه انت الشمعه
قربان فدوه لطلعتك انطينه الحنين بربعه
نبجي لغربتك سيدي يالعايش ويه الدمعه
وصرختنا يالمهدي الك نشفت ريج السبعه

صوت الدمع للمنفجع عباده
ليك السهر يالمنتظر عباده
والمحتوى ام ذي طوى يمهدي
******

خادم اهل البيت
الشاعر شاكر محمود


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA