#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اليلة العليله ع

يالساكنين ابوسط العيون
مو من عوايدكم تكطعون
شو لا رساله ولا تنشدون
ظنكم نسيتوني ظنكم نسيتوني
0000000
تانيتكم حد ماكــــــــــمت الريح إذا هب اوكع
بصوركم الشوف انكضه وتارس شليلي المدمع
اشما مرني الغروب اختنك ولروح احسن تتطلع
اضعف مـــــــــن الشعره صرت وضيم بيه اتربع

ياروحي مـــــوتي لمن تعيشين
الموت أهون من تضــــــــــلين
جا شنهي ضلتي وراح الحسين
ظنكم نسيتوني ظنكم نسيتوني
0000000
انه العليله فاطمه لمــــحد وصل يم حزني
اليليه أسير عل دمع ولدمع ياكل جفني
من فاركيتوني تــــــــــره حته الهوه فاركني
ايشيب لبعده بالمهد صار ابجــــــفاكم وني

كون الوجع ينشاف بالعين
وشوفو الوجع بيه وصل وين
من احجيلي جلمه افحط اسنين
ظنكم نسيتوني ظنكم نسيتوني
0000000
اشكبره جرحكم ماشفه ابكد الحسين واكبر
اشما غوربت شمس العصر ابريتي الهوه يتعثر
جن خيل عشره عله الصدر تسحك وعضمي اتكسر
وجن عمتي تركض حافيه ونسوان تاهت بالبر

وسفه الحراير رجبن النوك
واخ الهظيمه ابطبة السوك
حته الهوه ابساعتها مخنوك
ظنكم نسيتوني ظنكم نسيتوني
0000000
ماسلهمت عيني ونمت مشبوحه عيني عله الباب
ابحركه اشمن بالهوه بلكت عطر منكم جاب
لو ما اعزاز عله الكلب ما عاتبت هيج اعتاب
الفاكدله غالي ينعرف دمعه عله وجناته انكاب

افراكم ماحبه تدرون
صدكوني اموتن من تبعدون
جا هيج كلكم مني تمشون
ظنكم نسيتوني ظنكم نسيتوني
0000000
فركاكم يحز بالعظم والغربه تنهش بالروح
مامش ابنادم ملثي ابد كلبه انترس هم وجروح
اشكد ناح يعكوب وبجه بس مني اخذ درس النوح
ليمته انه أضل امناطره وجفني الدربكم مشبوح

ياليل طول خلكك اشواي
وهون علي مو تشد وياي
يكعد الميت صار مبجاي
ظنكم نسيتوني ظنكم نسيتوني
0000000
حسين عبد الزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اليلة الهلال

هل هلالك هل هلالك هل هلالك
ونزل دمعي الحزنك
ارزقني دمعه ارزقني دمعه ارزقني دمعه
وحركه اريدن منك
0000000
اهلالك مــــــــن شفته كلبي انمرد ونعصر
اتذكرتك وبعــــــــيني نبع الدموع انفجر
يحسين جم فارس ابجسمك انت العثر
يمــــــــعزب للباري بعيالــــــــك وبالنحر

انت غالي انت غالي انت غالي
والله حيل يحبك
بالمحنه بالمحنه بالمحنه
وماكو احن من كلبك
0000000
للخدمه حزمني وخليني اخدمك صدك
بس انت التستاهل يالغالي كل هل عشك
يحسين من اصياري كلبي ابمحبتك يدك
وما اجازي اشما اسوي يالكاضي جسمك سحك

ما اجازي ما اجازي ما اجازي
شعره من تضحيتك
اتمنه اصير اتمنه اصير اتمنه اصير
شيبه وسط الحيتك
0000000
يالدامي يالضامي ناوشني منك جرح
عيشني اه لامك يالراسك عله الرمح
نحرك للشم انت ياغالي مو للذبح
روحي اشكد اتعزك صدك ويوجه الصبح

مالي غيرك مالي غيرك مالي غيرك
انت ابوي وامي
حبك انت حبك انت انت حبك
مشه ابجسمي ودمي
0000000
ايامي وسنيني ناذرهن المنبرك
ماناسيها اعيونك حته ارجع اذكرك
يحسين نحري اتمنه يكطعونه مو منحرك
الدنيه ولبيها فدوه الكطع خنصرك


انت رحمه انت رحمه انت رحمه
يادخيل اعيونك
مثل عابس مثل عابس مثل عابس
أصبحت مجنونك
0000000
ابلا مجلس ماعيشن لا ولكمر والخدر
عاشورك يحيني ويحيني الطم الصدر
ابلا دمعه ولا مئتم جا شنهي نفعه العمر
لجلك كون من الطم بضلوعي اخلي كسر

بالمجالس بالمجالس بالمجالس
حسين زيد ادموعي
ابلطمت ايدي ابلطمت ايدي ابلطمت ايدي
كون اكسر اضلوعي
0000000

حسين عبد الزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

للخدمه مقدمه

بس بيك انـــــت مملوحه السوالف
يرافــــــــــع راسي مابين الطوايف
ياباعبد الله ياباعبد الله
0000000
من اعــــــــدن بيك اتيه ســـــــــيدي وفحط
كلي منهو اليــــــــــسوه غيرك بالكلب ينحط
كلبي طــــــــــير وتاه عشه وبضريحك حط
ابكصتك يتــــــــــمنه جان ايصير ماي الشط

يماي الله لــــــــــك عطشان جم نيل
انت الجان ذاك يخــــــــــدمه جبريل
ياباعبد الله ياباعبد الله
0000000
فاهيه ومابيها لــــــــــذه السالفه لمو بيك
تحله يحـــــسين السوالف من يمر طاريك
انه كـــــــل همي وغلاتك ياحسين ارضيك
انه احبك انـــــــه عشكك انه ميت عليك

من طبعه الكــــــــلب مايعشك اثنين
بس كلــــــــبي يحب عباس وحسين
ياباعبد الله ياباعبد الله
0000000
اهواي عد الله جبــــــــير انت يبو الاكبر
وليخدمك دخــــــــــل كلبك يانبي الخدر
حسين مــــــن عندك خذاهه ريحته العنبر
وجي خدمتك انــــــــــه بين الوادم امقدر

يالبعــــــــــيونك الله اتغزل اهواي
موحكي مـــــن اهيمن بيك مولاي
ياباعبد الله ياباعبد الله
0000000
فرص هل دنيه وفرصتك خدمت احسينك
لغير عين حسين غمها لو تصــــــــــعد عينك
بكل عزه لحــــــــــسين تلطم خلها جفينك
وكله حــــــــــط اسمي ابكتابك وي سبعينك

اليحضر بالعــــــــــزاء ودمعه منثور
حسين يكــــــله يبني اهواي مشكور
ياباعبد الله ياباعبد الله
0000000
انه لو ما هل خــــــــــدامه كلشي ما اسوه
كلبي بــــــــــس حسين يهوه وغيره مايهوه
روحي عطشانه وعطــــــــــشها بالطم تروه
حسين يالحــــــــــبك سكاني غيره ومروه

يالخدمتك ســــــــــوت صيت ليه
الــــــــــف شكـــــــرا لك يابو رقيه
ياباعبد الله ياباعبد الله
0000000
حسين عبد الزهره الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شور للحجه ع

محبوبي يامهدي محبوبي يامهدي
0000000
كل حب اشوفنه جذب بس انت الحبك صدك
حبيتك من اول نفس يامعنى الحب والعشك

حبيـــــــتك خليــــــــــتك صوره ابالي
ارخيصه هــــــــــل وادم وانت الغالي
محبوبي ومــــــــــن حكي تغزل بيك
مجنونك وعشـــــكك ثـــــــق يحلالي

هايم بيك أضل طول العمر
هايم وبس الك الطم صدر
هايم الجيتك باقي انتضر

محبوبي يامهدي محبوبي يامهدي
0000000
ماريد كلشي بهل عمر لا مال اريد ولا ضنه
رايد اشوفك لو حلم وفقني اخدمك كل سنه

امنيتي بهل ديــــــــــنه اتلاكه وياك
كل جمعه يم حسين ادريك اهناك
دورتك وتنــــــشد ودموعي اتصيح
دليني ابــــــــــيا ديــــــره وانه تعناك

وينك روحي تنــــــــــشد هايمه
وينك بـــــــــيا الأرض ويبا سمه
وينك كــــــــلي يابــــــن فاطمه

محبوبي يامهدي محبوبي يامهدي
0000000
ياسر وجـــودي بياه وكت لعيونك اعيوني تصد
تدري اليحب يبن الحسن مايهوه لو لحضه البعد

انت اول ابــــــــــنادم روحي تحبك
وضمــــــــــيتك ابكلبي ضمني ابكلبك
تعبني ابحــــــــــبك ارد اتعبلك حيل
بس انــــــــــت يالغالي راحه ابتعبك

انت كلـــــــشي بنـــــــسبه لي
انت عشــــــــــك روحي الولي
انت راحــــــــتي وشبيت علي

محبوبي يامهدي محبوبي يامهدي
0000000
تدريني ماحب البعد جا ليش كل هاذه الجفه
يعكوب مثلي ماحزن ولا دمعه مثلي يذرفه

افراكَك تعبــــــــني ارحــــــــم حالي
شيب خلـــــكي وراسي وحته خيالي
سالفتي بيك انـــــــت ياوجه حسين
محد غيرك انــــــــــت الشاده بالي

تدري روحي غـــــــيرك ماتحب
تدري بسمكر يــــــــــدك الكلب
تدري افراكَك أصعب من صعب

محبوبي يامهدي محبوبي يامهدي
00000000
يالهيبتك هيبة علي وريحتك ريحت فاطمه
كالولي شامه ابوجنتك جن كمر وبخد السمه

ليليه لعـــــــيونك ياخـــــــذني الشوك
زحمه من اعشك غيرك وانت المعشوك
اجويني ابجــــــمره من خيمات حسين
مثلك رايد كلــــــــــبي اتخلي محروك


كلبي جــــــــــوه برمــــــاد الخيم
كلبي للسبي خــــــــــل يبجي دم
كلبي ادعي ينــــــــــصاب ابسهم

محبوبي يامهدي محبوبي يامهدي
0000000
حسين عبد الزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


انه اول ابنيه فاركها ابوهه
انه اول يتيمه الوادم يسموهه
انه بت مسلم حميده
٠٠٠٠٠٠٠٠
انه اليتمها الزمن ومنها اخذ كلشي حلو
معذور لو ييجي دهر ياناس لي فارك ابو
وأنه انحرمت من الزغر من شوفت لاب ولخو
ويامنه الحلوه كضت ومادامت ايام الصحو

أحبابي الجفوني روحي عذبوهه
انه اول يتيمه الوادم يسموهه
انه بت مسلم حميده

٠٠٠٠٠٠٠٠
كون البجي يرد المشو اكضي العمر كله بجي
بس انه دون البشر بمشيي عله اجروحي انتجي
بدرب السبي كلشي اسمعت وسوالف الماتنحجي
طفله انه هضموني تره ولمن اروحن وشتجي

ليش المشو عني روحي ماخذوهه
انه اول يتيمه الوادم يسموهه
انه بت مسلم حميده
٠٠٠٠٠٠٠٠
انه الكصه وياي الدهر ماخله واحد من هلي
انه الكضه روحي الحزن وكليبي بالهم مبتلي
جم غالي اخذ مني الزمن وخله دمع دم يهلي
ولعنه محبوبه ابتعد مينام اليله ولعلي

روحي اشيصبرهه وكل اهلي جفوهه
انه اول يتيمه الوادم يسموهه
انه بت مسلم حميده

٠٠٠٠٠٠٠٠٠
من زغري انه مرمرت وبراحه ماعشت العمر
ورده انه ذبلها الضمه وغصني يبس من القهر
سومرني ياناس التعب وشط دمعي بخدودي حفر
اليل من يالفي العرب اتنامه وانه اكضي سهر

باليل الغربه انه بالهم سهروهه
انه اول يتيمه الوادم يسموهه
انه بت مسلم حميده

٠٠٠٠٠٠٠٠٠
موحكي من ابجي عمر افراك الابو كلش صعب
صبرت دمعي مايهل بس كلي شيصبر الكلب
من دون البنيات انا صبح ومسه المدمع يصب
الدار اذا مابيها ابو ماتنطب ولا اتنجهب

داري امست حزينه لمن فاركوهه
انه اول يتيمه الوادم يسموهه
انه بت مسلم حميده

حسين عبدالزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شسوي لوكتي خلاني عليله
چفي گوه خلاني اشيله
وصار المرض مرضين ... لمن عافني حسين
____________________
عافني وگمت اتوسل بموتي يجيني
اذا رايح ابويه يعني ماشي ويا حنيني
اذا ماشوفه يوميه بعد اعمي يعيني
بعد مانام بچفوف الگمر طيحن يديني

حياتي ومشو لمة اعزاز منهه
عليله طفله واتصور حزنهه
التصبرني ام البنين ... لمن عافني حسين
___________________
رسايل شوگي يا بويه شعجب ماوصلتلكم
الهوه لو حرك الباب اني احسب هذا ردكم
افگ الباب اباوع بلكي واحد جاني منكم
اخذت وياك شمس الله وگمر اخذا گمركم

صفت داري مضلمه وهم كئيبه
الحبيب يموت لو بعد حبيبه
وكسري صار كسرين ... لمن عافني حسين
__________________
عليلتكم اذا ماجيتو انتم گولو ميته
علي الاكبر عجيبه بويه ما مر اعله اخته
ماجرحك واگلك وين وعدك الوعدته
اول مره احسن گلبي بويه انته كسرته

بس اوصل گلت ارسل حبيبچ
علي الاكبر گلت هوه اليجيبچ
ومارد الي للحين ... لمن عافني حسين
_________________
الضعن لمن مشيتو ما نضرتو نقص طفله
علتي بصفحه بس لمن مشيتو جتني عله
بويه روح لختك الزم الاكبر وگله
اليعيش بلا حبايب عمره يعني يعيشه ذله

وبعد ذاك الدلال الذله اجتني
وليالي افراگ وجهك عذبتني
ماضل بيه شي زين ... لمن عافني حسين
__________________
بوگعتي من اگومن بويه اتصور وگعتك
تهمل عيني واتصور على خدك دمعتك
أمن اطيحن وانكسر عالنهر اتخيل كسرتك
اي شي بيك صاير علم عدهه بويه بنتك

شسوي من اطيحن تدري بويه
اگوم ابساع لا يوصلني اخويه
جرح چفي انترس طين ... لمن عافني حسين
_________________
خبر موتك يبويه من اجه وبذني سمعته
الوجه بثنين اديه وبالارض بويه صفعته
نبض بالعجل يوگف اني ذاك اليوم ردته
اذا راح الابو شلهه بعمرهه تبقه بنته

شسوي بعمري وانته جوه التراب
يموتي اگرب تره عافوني الاحباب
العليله ليش تبقين ... لمن عافني حسين





الشاعر غضنفر الزيداوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مقدمه الحجه ع

يامهدي ياسيدي
0000000
يالتـــــــندل ابروحي وتعرف اشبيه
رايـــــد تطـــــــهر كلــــــبي بيدك ليه
ارزقني مـــــــن حزنك يمهدي اشويه
وخليني اموت من البجي عله ارقيه

ياسيدي /ارزقني البجي/ وفقني اشوفك
تسوه العمر / يبن الحسن/ لمست جفوفك

يامهدي ياسيدي
0000000
مو كبر شيب افراك هـــــــذا ابراسك
يالشايف ابعـــــــينك ذبح كل ناسك
صاير ابكبر حسين جـــرح احساسك
ودخان خيمه تشـــــــتم وي انفاسك

دمعك جمر / تبجي العمر/ للسحكته الخيل
جفنك ذبل /همك جبل /ومهدم الحيل

يامهدي ياسيدي
0000000
شخـــــــصك قليل الــــوادم اليدعوله
أعقول البـــــــشر ياسيدي معـــــلوله
بفلان وفلان الخــــــلك مشـــــــغوله
ولرحمه مـــــــن اكلـــــــوبهم مشيوله

هاي البشر / يالمنتضر / غرگت بالذنوب
هاي ألخلك / ماتدعي الك/ ياغلى محبوب

يامهدي ياسيدي
0000000
يالمثل ليلك صـــــــار ظلم صبحك
سامحني خافـــــن بل ذنب أجرحك
مالحضه أذكـــــــر مره أنه أمفرحك
أشكبر بخته سيدي لـــــــي يلمحك

أبيض كـــــــلب/ اليمشي بدرب / ويتلاكه وياك
أبخيت وعلي / الشافك صدك /وبالوجنه باساك
0000000
ليليه شـــــــوكي يهزني لـــــــك ليليه
وســـــــهر وضـــــــل مناطرك يوميه
خلـــــصـــــت عمري انتضر منك جيه
كل يـــــــوم اكـــــــولن باجر يمر بيه

ليلليه احن/ وشتاك الك / وتمنه الاكيك
يبن الحسن/ أنه الصدك / ميت عشك بيك

يامهدي ياسيدي
0000000
سولفلي ويـــــــن اتــــروح لمن أتحير
هــــم مثل حيدر تشـــــكي همك للبير
جرحك سبي وهل جرح مولاي أجبير
المسبيه عمته اشتضن بي جرحه ازغير

زينب وسف / رگبت هزل / وطبت دواوين
بعينك شفت /ذاك الشمر / من طك الحسين

يامهدي ياسيدي
0000000
مـــــــو نزوه حزنـــــك لا عمر يالمهدي
واليليه ونـــــــك بيك للـــــطف يحدي
اوصل الكـــــــلبك يابـــــــو صالح ودي
غير الله وانـــــــت بهل حياة اشنعدي

ماعندي ابد/ غيرك سند/ ياوجه الحسين
وجهك إذا/ عني درت/ انطي الوجه ين

يامهدي ياسيدي
0000000

حسين عبد الزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


زينب هالشهر ... اتودع الخدر
اذا يوگع وليهه
الهزل متحضره ليهه
زينب هالشهر
_____________
زينب رفعت الراس وتصد لهلالك
يشهر تحاچي الحسين قريب اتطش عيالك
اخذ نحري يالهلال اذا نحره حلالك
واشوفن نار الخيام تطلع من خيالك

اخذ مني النحر ... ولا امشي بيسر
اليسر ما مر عليهه
الهزل متحضره ليهه
زينب هالشهر
_____________
اشوفن بيك الايام سريع يمر وكتهه
قبل لا نوصل اهناك مصايب حضرتهه
شسوت زينب وياك وانته واعدتهه
الشريعه و وگفت الجيش چنك عدلتهه

النهر لا يا حرام ... تبعده عالخيام
الگمر لو ما يجيهه
الهزل متحضره ليهه
زينب هالشهر
_____________
اسألك يا شهر بيش يتعوضون الخوان
الاخو للاخت مطلوب اذا بخته الدهر خان
تدري اخواني يهلال موش شلون ما چان
التصيحه زينب تشوف وجهه ينطي الوان

أمن اگولن وين ابوي ... ابشري يگلي اخوي
كلمته علي بيهه
الهزل متحضره ليهه
زينب هالشهر
______________
اركض يا شهر بيك لحد متخلص الگاع
النهار يطول والليل نشوفه يخلص بساع
ما مرت عله انسان تمرنه بيك الاوجاع
نشوف تطيح الامالك من يصير والوداع

يجي يريد الحشر ... أمن اقدمله المهر
ويهدي الله ونبيهه
الهزل متحضره ليهه
زينب هالشهر
______________
اباغت حرس بالليل واروح احضر للنحور
اخويه ما اعرفه لان بي كلشي مكسور
اگلب بي واشوفه من كل جهه مطبور
الطم وجهي اذا شوف خنصر منه مبتور

يكافل والعرش ... يحس لسه بعطش
چبدته امزگيهه
الهزل متحضره ليهه
زينب هالشهر
______________
الشمر من اسمعه يگول مر الجثث بيهم
أمن اوصل يم الخوان اذب روحي عليهم
الحادي وشمر يحچون وينه خل يجيهم
واباوع روس برماح يرفعوهه بديهم

وسفه ادخل قصر ... واني ام الخدر
واديه مگيديهه
الهزل متحضره ليهه
زينب هالشهر



الشاعر غضنفر الزيداوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شوفت اهلالك ... ياشهر ترعب
العرش بيك يطيح ... وتنسبي زينب
________________
يا شهر السمه فرغت بيك حته الله نزل
حسين جسمه يوذرونه طايح ويبقى عدل
اهنانه عزريل ايتعذر ربي لا ما احتمل
هل مهمه مستحيله اوصل والغي الاجل

ربي اتعذر .... طه ينضرني
شفته ابني يصيح ... وتنسبي زينب
________________
بيك اشوف النجم يرعب ينصدم يوگع سوه
بيك اشوف الغاضريه ينطفي بيهه الضوه
حسين جاي أمن الشريعه جدمه يعثر بالهوه
يطيح يم باب المخيم مثل ما طاح اللوه

تسأله زينب ... وين كافلنه
بي يطش الريح ... وتنسبي زينب
_________________
يا شهر بيك ابو اليمه بعلي الاكبر ينكسر
يرجع ل ليله ولحيته بيضه گد ما منقهر
أمن الدمع وجناته يرجع صايرات شگد سمر
يا كسرته بعلي الاكبر لو زمن ما تنجبر

اليشبه الخاتم ... شافه متگطع
اسهام منه يزيح ... وتنسبي زينب
_________________
القاسم بلحضة نزاله حسين بالخيمه يون
يطيح ما رايد يشوفه الغالي هذا ابن الحسن
بلحضه ونشوف المخيم بيهه يلتم الحزن
حسين يوصله ويطفي اشموعه بعيون الزمن

للخيم شاله ... وانحنه متنه
جسمه بالتشريح ... وتنسبي زينب
_________________
ليلة العاشر غريبه مطعمه بيوم الحشر
زينب تگله يخويه صدگ تتركنه الضهر
راح اصيرن خيمه فوگك بلكي ما يوصل شمر
مو مهم متني يخويه المهم عندي النحر

أمن المهر يوگع ... زينب تحضره
تعاين التذبيح ... وتنسبي زينب
________________
لا حسين ولا بو فاضل لاكو خيمه تضل ستر
باچر يعين الله زينب يوصل بسوطه الشمر
تلتفت ويضل ينادي وين گليلي المفر
يسأل اعله السوط هوه وهيه تسأل عالنهر

يا كفيل اختك ... جابو الهزل
نروح كل تسبيح ... وتنسبي زينب




الشاعر غضنفر الزيداوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ميمر
أم البنين ع



بوكت العسر كَوم وصيح ياام البنين ادخيلج
_
دنيا الألم يااهل العقل غدّاره
وكَلب البشر محّد يعرف اسراره
روحك لونها من الوكت محتاره
بس سولف لأم عباس وكَلها اعله هظمي احجيلج
___
بحركة كَلب أم الوفه ناديها
وابدمعتك بس جرّب وأدعيها
وأشما تكون الحاجه الك تكضيها
ياام الكمر صيح بصوت من همي أرد اشكيلج
_____
أحجي الألم بسوالف العالفطره
الله يحب حجي الكَلب والفقره
كَلها عليج بكربله بس نظره
يالحره ودموع العين من الهظم أبجيلج
______
الله برفيع المنزله علاها
وباب الحوائج للخلك خلاها
خايب تردك لاتضن حاشاها
كلها اعله دنيا الآهات يافاطمه أرويلج
_____
لاتخجل وذب الحوائج يمها
ودنياك بيد ام الوفه سلّمها
ورقة حياتك من تجي وتختمها
كلها زياره لحسين راح اعتني وأهديلج
_______
أم البنين ونِعم من تنخاها
لو ألها مره الفاتحه تقراها
بكل شده هي الحاضره تلكاها
شكراً ياأم الأقمار الجانو ضياء بليلج
___
بحب الحسين اعظم مثل بس هيه
وبيها الحوائج ياخلك مكَضيه
وخلتها عملة كربله محنيه
وصاحت للطفوف بصوت بالكلب خظّر ويلج
__________________
علي صابر السراي
نسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


تجليبة



نحيه شما يمر عاشورك اعلينه
ونتوضه بمدامعنه وبواجينه
----------------------------------------------
نحس بالموت لمن تخلص ايامك
وايعود العمر من نذكر خيامك
والله اكبر شرف نتسمّه خدامك
نكبر والعشك يكبر نبض بينه
------------------
العمر لحظه وتمر والدنيا خلصانه
والمامشه بدربك ضاع عنوانه
كل هاي البشر يحسين خسرانه
والويّاك فازو يا أبو سكينه
-----------------
يالغالي بحزن عاشور نبجيلك
وفوگ صدورنه تروح وترد خيلك
وسواد اهل المجالس أشبه بليلك
وجمرات العطش والآه تروينه
---------------
بلا ذكرك الدنيا ولا طعم بيها
لأن انته الصلاة اللي نصليها
علينا الموت حق اولها تاليها
وندعي الله عله دربك يخلينه
---------------
عهدنا وياك ابد مانترك مصابك
وحگ كل طعنه بيك وگطره بخضابك
وتلتم بضريحك كل سنه احبابك
وابو فاضل بجفه الماي يسكينه
-------------
عشنه بهالوطن جيه أنته موطنّه
يالبيدك النار وبيدك الجنّه
نلتذ بالدمع والأه والونه
ونواعي الفاجده بنيها نواعينه
-----------------
ابد يحسين مانترك مآتمنه
لأن لولاك لاصلينه لاصمنه
يالگلبك علينه مثل گلب امنه
وبدنيا الألم حبك يسلّينه
_______________
علي صابر السراي
نسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

كربله ياكربله




بيه تجري ويه الدمه .. والله يا ابن فاطمة
وگلبي يهتف بالضمه .. كربله يا كربله
—-
١
انته نبضي ..وانته فرضي..وانته الانفاس
انته دربي..وانته گلبي..ونبض الاحساس
شنهو عمري..وشنهو صدري..وصدرك انداس
من مصابك..من خضابك..شيّب الراس
من يحل وكت الظهر .. أذكر ارجوع المُهر
وجثتك متخذمه .. كربله يا كربله
——
٢
اشما يمر بينه الزمن واتمر السنين
كلمه وحده بهالعمر ماتصبح اثنين
مايحب هالگلب غيرك والله يحسين
لولا عاشورك تهدّم وانتها الدين
والگلب بإسمك يدگ.. والله يا فرض العشگ
وروحي تهتف خادمه .. كربله يا كربله
———-
٣
أذكر وداع الغوالي اشما لفه الليل
وينخمش گلبي من امر بچلمة الخيل
ومن يمر طاري نحر يتهدم الحيل
عيني باول حرف باسمك مدمع اتسيل
ينگطع كل الحچي.. ويرتفع صوت البچي
عيني بالطف هايمه .. كربله يا كربله
——-
٤
نستلذ وياك صرنه بدمعة الآه
والگلب يهتف على زينب أويلاه
انموت بس يبقه مصابك بينه والله
أنته دين الله الحنيف وأنته معناه
أنته باء البسمله .. آيتك طف كربله
اتنادي كل المرحمه .. كربله يا كربله
———-
٥
بگلبي وابعقلي وتعيش بروحي الطفوف
وعيني لو شافت نهر اتخيل اچفوف
طاح ابوفاضل يويلي وخيّم الخوف
وعيني غير مصيبتك ماتقبل اتشوف
غربتي من غربتك..امصيبتي اعله مصيبتك
وعيني صاباها العمه .. كربله يا كربله
———
٦
من اشاهد نار أذكر نار الخيام
وماتفارگني المناحه وركض الايتام
آه من نوگ الهزيله وذيچ الآلام
لكن المحنه الچبيرة غربة الشام
ماكو سبع الگنطره..والعقيله محيره
والخرايب خاتمه .. كربله يا كربله
_________________
علي صابر السراي
نسألكم الدعاء


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


الإمام الحجة عج




مدري اندبك .. مدري احشمك
يا بو صالح .. بقت يمك
وآنه أدري .. اشكبره همك
_.._.._.._.._
يا امامي يا حبيبي يا امل كل دنيتي
والله عشت الدنيا غربه وانته تعلم حالتي
أبين أهلي وبين اخوتي وأصدقائي وعيلتي
وآنه احس بالغربه موطن وأستلذ بوحشتي
يا بو صالح .. بيمن ابدي
ابين اهلي .. وعشت وحدي
بيك اشعر .. بيّه هظمك
_.._.._.._.._
عايش بهمّي وحسرتي ومالي بالدنيا وطن
والجريح يعيش خايف يلچم صوابه الزمن
بغابه يا مولاي عايش وانته لعيوني وسن
بعالم الدنيا وجودي لخاطرك يبن الحسن
آنه عندي .. الله وانته
وآنه أخجل .. من اليمته
ومن اعاتب .. أدري ألمك
_.._.._.._.._
يا بصيرة گلبي انته ومهجتي ونور البصر
انته آخر رحمه لله عالأرض يالمنتظر
گلبي آثارك تبعها وعايش ايامي سفر
اعليك مثل امك الزهره گلبي مولاي انعصر
يا حبيبي .. الدنيا شدّه
أُمنيتي اشوفك .. مرّه وحده
ونفس واحد .. كون اشمك
_.._.._.._.._
ادري بهمومك چبيره وأدري بيك شگد ألم
واعرف النار البگلبك مثل نيران الخيم
وادري حالك حال زينب من تجر ذاك السهم
وظهرك المكسور كسرة ابو فاضل عالعلم
لچن عبدك .. آنه اسيرك
يا امامي .. شعندي غيرك
عمري كلّه .. وروحي اسلمك
_.._.._.._.._
حالة ( الحبّاب ) حالي متاني جيتك بالدمع
خلصت اسنيني أناطر وانته التطلع النبع
نبع رحمة الله كلها اليروي ويغير الوضع
وحتى اموت لگلبي كافي بس ألم كسر الضلع
وما اسولف .. عالحوافر
ولا اگلك .. عالمناحر
وادري بالطف .. ويه دمك
_.._.._.._.._
أدري اعذبك بس اعذبك لأن ما بيه احتمل
اوياك ارد ابچي اعله زينب من مشت فوگ الهزل
تدري يا نسل الغوالب شدّو ايديها بحبل
و اوكبت عالتل يويلي واعتنه وطگها النذل
هسه نرجع .. للبدايه
ردت احشمك .. عندي غايه
عالمصايب .. ردت اكلمك
_.._.._.._..________________

علي صابر السراي
(اسالكم الدعاء)

م/الحبّاب:- الراهب الذي كلن ينتظر نبي آخر الزمان او وصيهُ ليكتشف النبع لكي يؤمن به ويكون في ركابه وان هذا النبع من انهار الجنة ومكانه حالياً في جامع براثا

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

القاسم ع



أئذنلي يعماه.. بگلبي جمرة الآه
أِرحل للمنيه.. ارد افدي الزجيه
_
الگلب محتار.. العطش چن نار.. ومرار الغاضريه
الخيم آهات.. الحچي دمعات.. وعليّ تنظر رقيه
اعاين للعطاشى وتجري دمعاتي
واسمع بالخيم آهات عماتي
من نار الدليل أشعَلت شمعاتي
گبل الرزيه
حچي المنفجع ويل.. وترعب ركضة الخيل
خل عينك عليه.. ارد افدي الزچيه
_
تلوج الروح.. المعاره جروح.. او ولا واحد يعينك
غريب اتصيح.. الدموع اتسيح.. وتصد للخيمه عينك
تجول او تلعب أو تسحگ الخياله
والطف تچوي نار الموگد ارماله
ومن حر الهجير شمصعب الحاله
وانه اسمع ونينك
هيه الدنيه لحظات.. تخلص بالجراحات
حسرات واذيه.. ارد افدي الزجيه

حياتي اثنين.. گمر وحسين.. او ولا اريد السلامه
العمر ترحال.. غريب الحال.. معاناة او ملامه
العمر ما يسوه دمعه اطيح من غالي
وحال المنذبح عالنص مثل حالي
واتعثر گمت من امشي بخيالي
وخايف عالامامه
ليش أتدير العيون.. يالساكن بالضنون
يالشايل قضيه.. ارد افدي الزچيه
_
الگلب ملچوم.. الحياة هموم.. بهالدنيه الغريبه
ونين اطفال.. واحس آجال.. تگرّب بالمصيبه
يقرأن المصيبه اترتل اطفوفك
يالزينب تصلي وتقره بحروفك
غريب بكربله يا ريت ما اشوفك
وجمر الطف لهيبه
تدري بگلبي حساس.. مثل الغالي عباس
وستر الهاشميه.. ارد افدي الزچيه

بضميري ارماح.. اريد ارتاح.. واردلك نحري دامي
يَعم حزنان.. يَعم عطشان.. على گلبك سلامي
اريد ارتاح من هذا العمر كافي
وادعني ينهر الغيره يا صافي
خليني احس بگلبك الدافي
احبك يا امامي
ماخذ حبك وياي.. وشارب غيرتك ماي
وايماني هويه.. ارد افدي الزچيه

يروح الروح.. تريد اتروح.. يبو طول المناره
اخاف عليك.. الحرب تاذيك.. وتطيح بهالمعاره
يعمي اقراك ما بين الحرب آيه
وباسمك يا غريب شمحله الحچايه
اذا دامي ارجعت غطيني بالرايه
بچف تاج الغياره
خل تاخذني السهام.. ولا عماتي تنظام
ولا ترحل سبيه.. اريد افدي الزجيه
________________________
علي صابر السراي
نسألكم الدعاء


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مسلم ع



خالقي يعلم .. بالجرح والهم .. بعدك اتيتم .. يبويه
بالجفن زمزم .. ودمعي يتكلم .. گلبي يتألم .. يبويه
______________
حچي الغربه الأكيده..حچت دمعة حميده..الابو گلبي يريده..تصيح
الهجر قصه اليمه..وصرت بعدك يتيمه..انمسح راسي هظيمه..تصيح

شيحمل هجرك .. ابقه انتظرك .. والدمعه جريه
گلبي يحبك .. عيني بدربك .. بس اصفك بديه
اسهر ليلي .. واندب ويلي .. لو ترجع اليه

فدوه لاحساسك .. فدوه لانفاسك .. كون احب راسك .. يبويه
رويحتي تريدك .. اشتم اوريدك .. كون احب ايدك .. يبويه
______________
اذكرك وانته ناسي .. واحط ايدي اعله راسي .. الزمن يابويه قاسي .. عذاب
اوديلك عتابي .. برسايل من عذابي .. رسَم هجرك مصابي .. عذاب

شرد احجيلك .. شرد اشكيلك .. والحسره چبيره
ابقه اتأمل .. ما اتحمل .. والغربه خطيره
والله اتحسر .. من اتذكر .. النظره الاخيره

اعلم بحالك .. وينه مرسالك .. أرضى بخيالك .. يبويه
للعتب تسمع .. وادري ماترجع .. شيمسح المدمع .. يبويه
______________
ولا يرحم زماني .. الصبر هدّم كياني ..على جمرك اتاني .. تعود
حلم اغفه ويجيني .. اشوفك وانته عيني .. ونذر انذر سنيني .. تعود

افتح عيني .. وما تلفيني .. وتموت الأمالي
دمعه بدمعه .. وشمعه بشمعه .. شيخلص الليالي
اي مشتاگه .. وطال فراگه .. واعله گليبي غالي

فدوه لحروفك .. ولمسة اجفوفك .. صعبه ما اشوفك .. يبويه
اسال اشلونك .. ميته من دونك .. فدوه لعيونك .. يبويه
______________
تره الحاله رهيبه .. تره بنيتك غريبه .. تره فراگك مصيبه .. جروح
سِفِر هجرك قريته .. وأله الحق نخيته .. بمزاميرك دعيته .. جروح

المدمع من دم .. لا مايرحم .. يادعوة صلاتي
بهجرك شحچي .. اصفن وابچي .. واظلمّت حياتي
حيل اتعذب .. بُعدك يصعب .. وابگلبك غلاتي

عميه يايوسف .. والوضع مؤسف .. ونورك المسعف .. يبويه
طايحه ابّيرك .. واليمر غيرك .. مو تعابيرك .. يبويه
______________
يَسر گلبي وهيامي .. ولا تسمع كلامي .. هجر عيني منامي .. غريب
تره فراگك اذيه .. وحك سكنه ورقيه .. وبقه أبن الزجيه .. غريب

يادلّالي .. أرحم حالي .. واذكرني برساله
ماكلمتك .. وانه ابنيتك .. هاذي موعداله
لا تلچمني .. واتيتمني .. ياوحي الجلاله

الكوفه لو اندل .. ميته بس اعدل .. وبالعجل أرحل .. يبويه
ياهظم أحمل .. والبلا ينزل .. والجفن يهمل .. يبويه
______________
أواخر هالملامه .. أگلك بالسلامه .. وعلن عمري انعدامه .. أموت
انكسر عمري جناحه .. الگلب تنزف جراحه .. تسليني المناحه .. أموت

آخر لوعه .. من المفجوعه .. ونختمها الروايه
آخر حسره .. وآخر عبره .. واتلگه المنايه
آخر چلمه .. لجفني ودمَه .. ونرجع للبدايه

شحالتي بعدك .. ميته من بُعدك .. انتظر وعدك .. يبويه
فرگتك تلچم .. وصورتك أرسم .. أبتدي واختم .. يبويه
__________
علي صابر السراي
نسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


زينبي أحساسي والنفس عباسي
.......................................
بالديره زينبي السيره راسي ينكط غيره
والحسين ايماني
وابعيني وابضمير حسيني وفاطمي بتكويني
وفاطمه بوجداني
كلماتي زينب وحسراتي صرختي وآهاتي
ولوعتي وأحزاني
بجروحي وابقرارة روحي وابونيني ونوحي
زينب او أشجاني
بنبضي وبأنفاسي والنفس عباسي
...................................
أقوالي وصفنتي وأفعالي لابواليمه الغالي
وللطفوف الحيره
ماابالي لوحجت عذالي الداني يحسد عالي
وبالي لا ما اديره
محبوبي يمحي كل ذنوبي فجري ويه غروبي
اسمه جن تكبيره
أحجيها والسمع يوعيها الماتحبه شبيها
ماتعرف الغيره
الغيره هاي بناسي والنفس عباسي
.................................
لاموني ورافضي سموني وعالجزع ذموني
حبي صعبه اسراره
بالدمعه جبت عمرك تنعه هذا حبك بدعه
ربك انت حجاره
عاذركم لأن تافه حبكم حسين جيه ماعدكم
وما بصرتو انواره
خلوني التبجي هيه عيوني بصدري ادك شوفوني
وكلبي تلهب ناره
حسيني رافع راسي والنفس عباسي
..................................
مربيني والدي موصيني حسيني روحي وديني
وكل فرض صليته
لا ثاني يشركه بوجداني وخدمته عنواني
وحته روحي انطيته
أي خادم خلها تحجي الوادم خل يلوم اللايم
هايم وحبيته
أيامي وسجدتي واصيامي كلها لاجل الدامي
وبالمهد حاجيته
زينبي من ساسي والنفس عباسي
....................................
للحره ويه أمها الزهره عمري ناذر نذره
هنه سر دعواتي
بالعبره ياسراج العتره نظره منج نظره
وخدمتج غاياتي
سجليني لخدمتج وفقيني خادمج خليني
أنتي سر آياتي
طمنيني كونج اتقبليني يادليلي وعيني
حلوه الج عبراتي
ياقدس أقداسي والنفس عباسي
.......................................
علي صابر السراي
نسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مجموعة ابوذيات على لسان السيده زينب (ع) أهدي ثوابها للمرحوم ابو خالد الچريخي


يـخـويـة الـشـامـت بـعـيـنـه.. صدالي
واصيح وصوتي ضـل يرجع.. صدالي
جـم ســوط الـشـمـر مـتـنـي.. صدالي

تــعــال وشــوف تـلــگــه آثـــار بــيــه

                     *----------------*---------------*

مـصـايـب خـلـصـن بـطـفـكـم.. وينشد
بـــديـــه الــحــبــل يـتــخـلــه.. وينشد
يـــزيـــد بـحـــالــي يـستـهــزء.. وينشد

زيــنــب ويـــن ويـــعــايـــن عـــلــيــــه

                     *----------------*---------------*

اجـيـت وكـلـبـي مـن الـخـوف.. لاعيب
وكـــف والــبــيــرغ بـيــمــنــاه.. لاعيب
كـلـت أخــبــر أبـــو الـنـومـاس.. لاعيب

خـفـت لايــزعــل الــكــافــل عــلــيـــــه

                     *----------------*---------------*

أهـــزن بـالــجــســد ضـنـيـت.. بـيـروح
وخلص عمري يخوية جـروح.. بـيـروح
يـمـلـك الـمـوت هـاك الـنـفـس.. بـيـروح

الـجـسـد عــبــاس لا تــرجـــع عــلـــيــه

                     *----------------*---------------*

✍بقلم خادم الحسين ع
الشاعر رعد الجريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

آه واويلاه واويلاه عماتي
_______________
المهدي يصرخ صوت بالآهات واللوعه
محني والجفين كوه اتعين بضلوعه
والجفون اتسيل جمرة ويل بدموعه
يصيح عالعمات ياهالناس دمعاتي
_______
ياطفوف النوح والمأساة والحيره
اتوذرو ياحيف أهل الزود والغيره
موقف الخوان يصعب حيل تصويره
وتشبه الأيتام عالغالين صرخاتي
__________
بعد ابو النوماس ضعنه اتصيح يسكينه
طاحن اعله الكاع يم الماي جفينه
والسهم مكسور ياويلا بنص عينه
من عكب عباس ضعنه وهاي مأساتي
__________
طاح ابو السجاد لمن طاح عباسه
والشمر أحاه دون احساس حز راسه
وجم فرس عالكاع رض ضلوع من داسه
بزينب الجلمات وانه النوح جلماتي
________
هجمت اهل الخيل والخيمات حركوها
وتركض النسوان والأيتام سحكوها
وعالمتن بالسوط أخت حسين ضربوها
ألطم اعله الراس والعمات ويلاتي
___________
وسفه اخت عباس شمر البين طكاها
ويم ابو السجاد بين الناس جراها
ومهجة الزهراء والله وحيف سباها
ومثل ضعن البين مسبيات حسراتي
______________
كوه للشامات مجتوفات جابوهن
وطبن الديوان والظلام شافوهن
وفرجه بين الناس ياويلاه سووهن
وعبرة المجروح والمذبوح عبراتي
______
علي صابر السراي
نسألكم الدعاء


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


واحد محرم



// واحد محرم //

يالله ياكلبي استعد للحسره والهم
خل نواسي فاطمه بواحد محرم
........................................
ياكلب يالماشفت بالدنيا راحه
أستعد كرب تره فرض المناحه
هذا كلب ام الحسن تنزف جراحه
والدهر تترامه نبلاته ورماحه
والدمع من الجفن لازم يهل دم
خل نواسي فاطمه بواحد محرم
.................................
اليوم أول يوم من شهر الأذيه
يالله خل ننصب عزاءات الزجيه
تحدث بطف كربله أعظم رزيه
آه وا ويلاه من الغاضريه
الحجر من ذيج المصايب هم تكلم
خل نواسي فاطمه بواحد محرم
................................
عرف العالم مدى عظم المصيبه
بليلته المصيوب مايكطع نحيبه
جم حبيب السافر او وادع حبيبه
وجم غريب بدمعته يناغي الغريبه
احساس ماعنده اللي كلبه ما تألم
خل نواسي فاطمه بواحد محرم
.................................
الليله أول ليله للهم والبواجي
هذا شهر التنذبح بيه الزواجي
بعد 9 ايام واتروح المحاجي
ومن رقيه من يسلبون التراجي
وعالحراير من يحركون المخيم
خل نواسي فاطمه بواحد محرم
..................................
تنفجع حته السمه بهاي الليالي
والمآتم تنصب فوك العوالي
عالهجير امطشره اشلاء الغوالي
وفاطمه اتكول اللطم وينه وقرالي
واوكف بيوم الحشر للسوه مأتم
خل نواسي فاطمه بواحد محرم
.................................
والله حيره الغاضريه والله حيره
توكع الوفايه بيها الكلها غيره
وبعد ذيج العزه تتسلب أميره
وعالهزل زينب يكودوها أسيره
وجم جسد طاهر عله الرمضه ايتخذم
خل نواسي فاطمه بواحد محرم
.................................
فاطمه تندب يمن تسمع كلامي
بدفتر الخدام سجلت الأسامي
وللمجالس والخدم أبعث سلامي
ويمن هنياله اليموت وصدره دامي
حسين عاللطامه من دم نحره سلم
خل نواسي فاطمه بواحد محرم
.......................................
علي صابر السراي
نسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


خليني اذوب بعالمك
وللموت اضلن خادمك
ما تسوه ايام العمر .. لوما حضوري بمأتمك

*---------------------*--------------------*

بعالم خدمتك سيدي العاشگ يبين احساسه
الحسره تحرگله الگلب وحر الحزن بنفاسه
لاماني المتيّه الدرب وجمر العشگ ماداسه
ليش اليسولف بالعشگ اتلومه اهله وناسه

ما ريده حُبك يندفن
حبيتك وأهوه الحزن
يادرسي يمته اتعلمك
*-------------------*--------------------*

ادموعي ناذرهن نذر وبكل وكت مسموحه
گالو عليه أجننت يبچي ويأذي بروحه
گلتلهم اعشگ خدمته هالخدمه بيهه املوحه
ابكيفه يحچي الماعرف كلمن علي بجروحه

تحلالي ساعات الدمع
القاري يقره واستمع
گلبي ابد ماتيمك
*--------------------*--------------------*

طعم الخدامه ابمجلسك بس اليذوب ايضوگه
بنفاسي احس أتشاركت ونبض الكلب وعروگه
البايكهن افراحه الدمع ايقدر الحنين وشوگه
حقه المتيّم يفتخر ويذكر أسم معشوگه

الروحي ما أنطي العذر
لازم ادكن عالصدر
افعالي كلهه أتألمك
*------------------*--------------------*

الماعنده عشره ويالحزن بس الفرح موضوعه
الچاويته نيران الخيم يبچي وتهل ادموعه
عالم خدمتك يختلف أيميز الخدم باللوعه
يرتاح اليدگ الصدر ويترك أثر بضلوعه

أشكّر واقره الحمد
المجلسك دوم استعد
ما أبچي والعن ظالمك
*------------------*--------------------*

يتفنن بحبه المُحب كلمن ثبتله اسلوبه
واحد يسولف بالدمع واحد يشگك ثوبه
محتار اليحبك بقه وانته الصدگ محبوبه
وفقته يحظر مجلسك ويستغفر اعله اذنوبه

متوفق الچفه يدگ
ومتحسس احساس العشگ
مابيه نار امخيمك
*------------------*------------------*

أيمرني طرواك وأفز وصرخ يمُلا عيده
أسمك رسمته بناظري وغيرك ابد ماريده
ملگت شعوري محبتك وهوه الاسير اشبيده
أتعيد الناس ابفرح وانه المجالس عيده

سالفتي سلّاب ورمح
أذكر وانزف جرح
أبقه بنظرهن راسمك
*-----------------*------------------*


✍بقلم خادم الحسين// ع//
الشاعر رعد الجريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA