#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

غريبة .. زينب يا غريبة
غريبة .. زينب يا غريبة
_^
عباس الاجيت وياك غثاني صدك فرگاك
يبو عيون اليحبها الليل .. اختك تاهت ابلياك
ارجع يل خنگت الضيم .. ترجع هيبتي بممشاك
انت الماي واحنة الطوس ..ما يعطش ترة البحماك

غريبة .. زينب يا غريبة
غريبة .. زينب يا غريبة
___
اضب اعصابتي اعله الراس . وايفلها الهظم عباس
عيني الجنت تارسها.. عگبك بالدمع تنجاس
يجرني الضيم يم الليل ... ومراكض علينة الناس
يواهس گلبي المتانيك .. اَخذني بصفنته الوهواس

غريبة .. زينب يا غريبة
غريبة .. زينب يا غريبة

بنات ابيوت عدك هاي .. زحمة يطيح راعيهن
نخيتك والنخاوي هواي .. اذبهن لو اخليهن
فدوة اندارلك عباس .. اگعد خل اوديهن
اجرهن يمي راحن غاد .. تَشوّر باليغث بيهن

غريبة .. زينب يا غريبة
غريبة .. زينب يا غريبة
___
يعباس الخدر ما طاح .. بس راعي الخدر طايح
عگب ذاك الهدوء البيك .. نگعْت بهوسة الصايح
عمة شوفي واحس ظليت .. الجاي اعله الخيم رايح
الما لايح اخيالك دوم .. هسه بريشتك لايح

غريبة .. زينب يا غريبة
غريبة .. زينب يا غريبة
_
يخال ابني السهر كتّال .. يكتل هيبة عيوني
الهظم واللچمة عدهم ايد .. يجيبوني ويردوني
يلما غاث خلگي بيوم .. اگبالك شو يغثوني
يعباس الحچي المضموم .. ترة الكتلوك شتموني

غريبة .. زينب يا غريبة
غريبة .. زينب يا غريبة
__
اجيك استورحنك ماي .. بس اتعطّش الهيمة
عطاشة وادري لو انخاك .. يمنه اتحّول الغيمة
تلفلف رمشي ع الدمعات .. وبثوبي رسم ضيمة
جر حسين گلبي وياه .. من جر خشبة الخيمة

غريبة .. زينب يا غريبة
غريبة .. زينب يا غريبة
___
علي هادي الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

        (نزله  قويه )
ليث وزعل يوم الحـــرب ساعة نزاله
حتى الزعل راعي العلم بألطف حلاله

 نادتك   ام البنين
يمه ضحي للحسين

                  ساعة نزاله    
************************
يلله يبني صول بيهم  يلله خليهم  عدم
اردا شوفك يبني بيدك تكلب الطف
ياشهم
انت  راضع  بس كرامه جابتك حره  ونعم
يبني قدم حتى جفك لو سكط منك  علم

يمك الجيش استحه
راح   يقره   الفاتحه

ماضكت ماي  المعين
يمه ضحي للحسين
************************
ما شربت الماي ادري  والله وفاي الكمر
ابني عالغيره شراره مات من خوفه  النهر
نزل  بيهم صاح  حيدر  تيهت وين المفر

انت بس اسمك مراجل خزرته طاح الشمر

اله  كاع  الطف  تميل
راح    اوزعهم   سبيل

تعتني   ليث  العرين
يمه ضحي  للحسين
************************
يمه  شوفهم  مراجل  علي يوم الزنجره
راح  ابجيهم  وخلص دفن يوم  الاخره
الشرد  منهم  تورط  شوف سبع الكنطره
الشمر  بيدي احوله ثايه  يصبحلك
مره

اني    قتال   العرب
راح اسويكم حطب

افني كاع الطف سنين
يمه  ضحي  للحسين
************************
يبني ياعباس سيفك صول بجيها الزلم
انت هذاالجيش يمك راح يصبحلك
خدم
نزل  عليهم  حسابه ما يظل  واحد
سلم
من  بدر وحنين  فارس طير اركاب
الخصم

حكه   يتفاخر  يصول
من علي فحل الفحول

سيفه يذبح  اربعين
************************

يبني ياعباس اعرفك غيرتك تبجي  الالوف
جان يرضع بس مراجل امي متنسيه  بسيوف

جانت  اتكلي  اريدك تنطي لحسين الجفوف
ما تخلي  الرايه  توكع  انت صكار  الطفوف

يمشي بالحومه كفاح
ما يهم   رفع  السلاح

انت نصر الله المبين
يمه ضحي  للحسين

************************
يوسف الفتلاوي  خادم  ام  البنين  ع


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اشوفك دمعتي وظلوعي محنيه
بغيابك جن قريت الفاتحه عليه

عله حبك هذا ديني
نطيت اربع بنيني
************************
انه ام البنين الاربع اقمار بالطف اني
ضحيت
وكولن يمه اه يحسين بالروح خافن
ما انه جازيت
كون وياك بالطف احضر هناك يالغالي تمنيت
وصيرن بالخيم دمعات الايتام ماظن انه وفيت

وفيت اربع بنيني واطلب امرادي
وخافن قصرت بالفديه اولادي

بعد تعرف حنيني
نطيت اربع بنيني
*************************
وصيت الكمر لعيونك يروح وكولن بيك رجواي
اريد الكافل الطف يحجي بي زود بيده العلكمي جاي
انه ام الوفه وربيت اساطير ونظر للوفه بهاي
كص ايده الكمر وزود معروف والله ما شرب ماي

وصيت الكمر يايمه عد عينك
ييمه تروح انت فدوه لحسينك

السهم وافيته عيني
نطيت اربع بنيني
*************************
نذر عندي واشوفك انه البيت اطش روحي هديه
يبو السجاد فدوه العمر لو راح بس ترجع عليه
اطب لدار والكه الدار زعلان اخلاف ابن الزجيه
راحو اربعتهم بالطف اقمار يوم الغاظريه

دمع عيني نذرته وياهم احجيلك
يبو اليمه دخيلك جرحي يشكيلك

جرح كلبي ونيني
نطيت اربع بنيني
*************************
يارب السمه ادعوك ورجوك ترجع كل
بنيني
يا علام بيك الأمل مضمون مو ذايب
حنيني
لو منهم خبر يلفيني لو طيف اعدن كل سنيني
ما تنشف بعد دمعات العيون لايهدئ ونيني

يبو اليمه انشدك تدري بحالي
الهجر يذبح دليلي وغير احوالي

ولا طيفك يجيني
نطيت اربع بنيني
*************************
يادار الاحبهم مايرجعون اظل معاتبه الدار
ليش انه الاودهم مايردون ماوصلتني االاخبار
لو بيدي اروح الكربله حسين وطفي بالخيم نار
يازينب اشوفن صايره شلون اشسوت بيها الاقدار

عالتل .. اوجبت وسمعهه بالونه
تكول حسين خويه شلون اشوفنه

يزينب كل انيني
نطيت اربع بنيني
*************************
انه ام البنين الطاهره وشوف دمعاتي
المصابك
ما اكدر بعد اتحمل افراك من اذكر غيابك
شاهد صورتك والكاها بالدار وعيوني
عله بابك
اقره الفاتحه بدموع المصاب يالوعة عذابك

الجرح لا واحد ولا اعدن العشره
اشوف الف وتسعمية طعن ظهره

لطمت اني جبيني
نطيت اربع بنيني
************************
تمت بعون الله
خادمكم .....يوسف الفتلاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ادري بسفركم...قصه طويله
ادري بسفركم....ذبح العليله
والفاكد احباب
يحلاله العتاب
*********************
ادري راحو...مني كلهم ليش ما بين خبرهم
شنو صاير....كلبي حيره والدمع بلل صورهم
دنيا سوده..راح عمري اعيوني ظلت تنتظرهم
ريجي يابس..والمسافه عطشت روحي بهجرهم

بالزهره ارجوك...خذني بمتاعك
بالزهره ارجوك.....يكتل وداعك
مكتوبه الاسباب
يحلاله العتاب
********************
انت بيه...اني أشعر كل وكت انت بصلاتي
هواي اشوفك بالحلم راسم نحر ذبح أمنياتي
والله صعبه ..اني اعيش بلا ابو معدومه ذاتي
ها وداعا..من رحيله الفاتحه اقره الحياتي

قصة عذابي..مقسومه الدموع
قصة عذابي....محنيه الظلوع

صارولي غياب
********************
ضاع حلمي ..هاي اول مره بي من ودعوني
كلشي جائز....خاف احبابي بخطر
يمكن نسوني
روحي ذبلت جنهه وركه من الغصن لو ناشدوني
جني صحره..بلايه غيمه والمطر ما مر ظنوني

اتوقع الموت..من تمشي الضعون
اتوقع الموت.......لو ما يرجعون

حتى الكلب ذاب
*********************
كتله اروحن...بويه وياكم صدك خليني اسافر
بويه وحدي..شلون اظل من دونكم يابويه باجر
يموت بيه...كلشي من هجرك صفت حتى المشاعر
ترضه بنتك..تعيش غربه عالبعد
مكسوره خاطر

بالعتبه ظليت..وابدي استخاره
بالعتبه ظليت.....بلكت بشاره

ايطمني الاطياب
*********************
خبر ملفت...الرسايل ليش توصل كلها حمره
أردا اشمك....هذا يوسف لو ابوي حسين نحره
صرت اشوفك..عالترب طايح لكيته ومحني ظهره
خيول عميه....تسحك بحافر يويلي شلون صدره

لحظات الوداع....عبدالله اريده
لحظات الوداع... ..اشتم وريده
لوجازي الصواب
يحلاله العتاب
*********************
تمت بعون الله
خادمكم.... يوسف الفتلاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ننتظر   عاشور   بستقباله
دمعة المهدي صفت هماله

ذبلت اعيون النظر
بين  اهلال  الشهر
************************ ياشهر عاشور تدري اتحضرت كبل الدمع
لا تهل عاشور ريتك راح جم مره انفجع
مره  ادري عالشريعه  ومره  مكسور
الظلع
مره اشوف ارماد خيمه احتركت
بهذا الوضع

اعيون دم  المهدي تبجي اليله
يصير مثل الزهره دمعه يسيله

والدمه بعينه  نهر
بين  اهلال الشهر
************************
هلال  محني شبيك كلي بلله جاوب ياشهر
شفنه بيك  احنه  العجايب جسدت اعظم صور
شفنه  مشهد  للمراجل  غيره عباس الكمر
شفنه صبر  حسين   محني  شلون مكسور الظهر

هنا  يتيمه  طلعت  بلايه  وعي
من سمعهه المهدي زادت بالنعي

ونكسر منه الظهر
بين  اهلال  الشهر
***********************
هلت  انواع  الرزايا  لوحه رسمت
بالسمه
بعينك اتشوف المقاتل شاب يتحنه بدمه
زفتك  للحومه  صارت   ناتج اكبر
ملحمه
كامت وحنت  ابنهه  هناكه حضرت
فاطمه

يندب ويبجي صباح وكل مسه
تشهد بجرحه  اليالي   ولا نسه

يلجم اجروحه الكمر 
***********************
استقبلت شهرك محرم حضرت دمعه وعزاء
والملايك يمنه نزلت  توشحت ثوب الولاء
حضرت دمعي وجيتك صحت حي عالبكاء
بس اريد اشبع مجالس  يسمع المهدي  النداء

ما هدء ونك  يبو صالح عجيب
بعينه ينظرجم نحر دامي وخضيب

شيب وعمرك كصر
 بين   اهلال الشهر
************************
ليش شهرك بس مدامع هذاعطشان النهر
شفت نهر  العكلمي وحسين مكسور الظهر
الورد  عطشان اظنه يذبل وصحره
المطر
أيست صوب الشريعه راجع وخالي
المهر

عالشريعه  المهدي دمعاته تسيل
ينظر   بعينه السهم وين  الكفيل

ياسمه رسمت قدر
بين  اهلال   الشهر
**********************
يوسف   الفتلاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بالدموع........انتظر ترجع ألي
والجروح......فركتك يابو علي
بلياك.........انحسب ماتو هلي
حسيناه.........حسيناه
********************
اني ميته اخلاف عينك ما اعيش ابدونك
بيتي وحشه بلايه شمعه ماكو بيها اعيونك
ام البنين وتكلمك حسين يمه اشلونك
حسين كل عمري وحياتي خايفه يذبحونك

اناديك.....يبني ريت اكبالي
والفراك........تشعر ابدلالي
حسيناه....تدري حبك منهلي
********************
بيك اتوضه من اسولف وانت كل انفاسي
من اشوفك يمي كاعد ينحيلك راسي
اني ام حسين اسمي تشعر بحساسي
والكمر لزهره نذري قدمت عباسي

يوافيك.......كلبي يمك عاده
يحاجيك...يعتني عله امراده
حسيناه...ينذبح عمري وعلي
********************
اني اول وحده افدي مهجتي كدامك
وشكبر حظي من اشوفك لو ختم لي بهامك
عاشرت حسره اليالي ظلمه دون ايامك
جن حلم جاي عله داري عايشه
بحلامك

يدنياي...ليش يتجاره الدمع
والفراك....ينحني مني الظلع
حسيناه ..همي بسمك ينجلي
********************
خلفت عباس لجلك عهد بيني وبينه
المشرعه امعزب عليهه ايوزع بجفينه
شال بيده الماي وكبل هاج عمي سكينه
ماشربت الماي ادري خاف كبل احسينه

بالعتاب........ليش نايم عالنهر
والجفوف..تبجي ظلت عالكمر
حسيناه.....خاف زينب تنولي
*******************
هاك عبدالله وتشوفه بيده شال الحومه
جنه عباس بطباعه غيرته المرسومه
الليل يشهدلك مراجل بيها شع اعلومه
كاتب ببنحره حسيني هذا وعده ويومه

اويلاه.....لو طحت راح الأمل
والظنون.....تنذبح فكد الاهل
حسيناه..شلون اجاوب سائلي
********************
جعفر بكل المواقف اخذ دور اوصيتي
اني ربيته عله صدري الله يعلم
نيتي
كلشي بيك حسين صاير يافخر تربيتي
يمه ترفع راسي يمه خبر
جايب صيتي

يالاحباب.....عهدي وياكم دمه
واذا طاح ...يمه تحضر فاطمه
حسيناه......راية الحق معتلي
********************
يلله ياعثمان دورك يا ملاذ اسنيني
بيضت وجهي وعرفك ماتعوف احسيني
عهد خليته واذكرك وانت ما ناسيني
كلت هاك حسين عمري وانت ياضي عيني
اواسيك......وانت تسمع ونتي
اوافيك.....والله انه ومهجتي
حسيناه.....جرحي بعدك ينملي
********************
تمت بعون الله
خادمكم .....يوسف الفتلاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



حميده بهالمسيه
ردت يابويه جيه
...............ماتدري الاخبار
...............بالكوفه الاشرار
***********************
ابويه   كالو   امسافر
يردلج  ها عكب باجر
اشوفك يمتى يمهاجر.......تجيني

يمسلم حالتي صعبه
عشت ايامي بالغربه
اتيه  بالدرب  حسبه.........تجيني

اجيك  بيا  وضع
رهم   بيه  الدمع
عله فكدك انفجع
بعد محني الظلع

........الخبر يابويه جاوين
.........يكلي  بويه  بعدين

معروفه الاخطار
بالكوفه  الاشرار
************************
عجيبه دمعتي بعيني
يبويه ضاعت  اسنيني
بحنانك تدري  ناسيني.... اريدك

عزيزه ابنيتك  شمعه
اجيك  وانكلب دمعه
اليسافر بويه شيرجعه.......اريدك

يجن   ليل  الحزن
وانه  بروحي  اون
الفكد غالي اشتظن
غريبه...... بهالوطن
.        
.........يبويه بهمي ناديت
......الجرح وظلمه بالبيت

مشبوحه  الانظار
************************
 ردت يابويه  بهمومي
تعاين  لوحة  انجومي
تكلي ابنيتي  ها كومي......تعالي

اشوفن رايته  وعزمه
يموت  اكبالك  الزلمه
ردت اسمعهه هالكلمه........تعالي

اجيك... بيا جرح
ذبح روحي الصبح
القصر عالي شيصح
وانه بكلبي رمح

........جذب ما صدك البين
........اخذاك بدمعة العين

حسراتي منشار
بالكوفه الاشرار
************************
حزينه وخابت امالي
اموت بحسرة الوالي
سبيه   مارحم حالي............عجيبه

يبويه ...يمتى نتلاكه
اصيحن والله  مشتاكه
الجرح  يذبحني بفراكه.......عجيبه

انرسم وجهك كمر
عطش شوك النهر
اجيت القي النظر
صحت مسلم فخر

........ ...شفت الموت مرتين
..........هجرنه وذيج السنين

ماظلت افكار
************************
يتيمه وتمسح ابراسي
عليه  ضاكت  انفاسي
اظنك تدري بحساسي ......يتيمه

خبر..... ما منك اتوقع
تطيح من القصر اسمع
مصيبه وجسمك اتكطع.......يتيمه

طفه بليلي الضوه
حلم وسفه انطوه
خنك صدري الهوه
الظهر  مني  التوه

صحت ياعمي يحسين
دموعي  تجري  بالعين

موجوده   الاثار
بالكوفه  الاشرار
************************
تمت بعون الله 
،،،،،،،،،،،،،،،،،،،،،،،،،،،،،،،،
يوسف  الفتلاوي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


واهس  المجالس
وانه جني  عابس
............اعترف   جنوني
هيبت    النوارس
************************
اني   مجنون   بعشك  هاي  المأتم
والله وشمحلاته اذاكل عمري خادم
اني  متعود   علامه  بصدري  لاطم
 تعيش كل  عمرك  ملك للجنه قادم

اشعر السعاده
موتتي  ولاده
........اعترف جنوني
هيبتة  النوارس
************************
خدمتك يحسين صارت بيها برهان
وشريد  اليخدمك  كل عمره ربحان
ماعليه  اشكال عني  افلان  وافلان
المهم  راضي انت عني عندي ايمان

اسكن   المأتم
بالخدامه هايم
.......اعترف جنوني
هيبت النوارس
************************
من ابو سجاد خيري  وهذا صيتي
وانه من  يوم المهد  تعرفهه نيتي
لو كرب  مني الاجل  ساعة منيتي
ابني باجر كتله تخدم سر وصيتي

 عالم الحداثه
يبني عالوراثه
........اعترف جنوني
هيبت النوارس
************************
حسين لو تنظر عليه  كلشي  ماريد
لا اريد  الدنيا  عندي  ولا  بعد  عيد
من ذنوبي  اهواي عندي رايح ابعيد
بس ابو  اليمه  يجيلك  باجر   يفيد

وقعت   عهودي
بخدمتك خلودي
........اعترف جنوني
هيبت  النوارس
************************
يصيح  يلله  تفضلو  بالجنه دارين
والعلامه  بوجنته  من دمعة العين
هناك وبيوم الحشر مسجل عناوين
تكله  اسمك منكتب خادم للحسين

انجه بجتيازي
دمعتي جوازي
...........اعترف جنوني
هيبت النوارس
************************
يوسف الفتلاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


وداعا....يافخر حمزه وعلي.  وداعا

********************
انه زينب يابو فاضل هيبتي ونوماسي
اني  اخت عباس والله ما أندك راسي
اني ابوي الفحل حيدر مشيتي وحساسي
اني بيك وانت بيه عايش  عله انفاسي

بلياك..... ..انهدم  بيتي  وهلي
********************
بالصحاري النار بيه خويه شفت
اخيامي
واني حسبالي  نخيتك   فزعتك كدامي
اطفال عندي هنانه فرت والجمر بجدامي
وانت عالشاطي اشوفك خويه طايح دامي
 
يعباس......ياكمر   بعدك   شلي
********************
الخيل هجمت خويه وينك وانه يم اعيالي
خاف حافر يكصي بيهم وانه جمع اطفالي
دهشه صارت بالمخيم  ليش مهرك خالي
الشمر يضحك  حسافه   شفته صار اكبالي

بالدموع ..عمري خلص لا  ولي
********************
راسك  مخضر مراجل عالرمح  يبرالي
بالضعن يمشي ويسولف خايف عله خيالي
غيره ودري الكافل اخته يشعر ابدلالي
ينمسح دمعي ابجفوفك وانت
ماترضالي

بالجروح .....همي  يكبر يعتلي
********************
عينك اعليه  وتعاين ما  تعيش   ابدوني
من صحتلك ماتجاوب ماسألت  اشلوني
والمصيبه  امبينه تقره   فركتك بعيوني
يابوفاضل شوف حالي ليش زركه امتوني

بالعتاب....خويه صحت اتدللي
********************
عثرت الناكه ابدموعي واستمع اهاتك
كالي اشلونج يزينب كتله  ضم دمعاتك
امتون ماظلت عليه حسره جر وناتك
صارت بسمي  الكفاله ادري كل مأساتك

بالعيون...وانه بس دمعي يهلي
********************* تمت بعون الله
 يوسف الفتلاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اليلة الإمام القاسم ع

ياحــــــلاة اعيونه
خوفي ليحسدونه
كل جمال الباري بيه ياسلام الله عليه
0000000
عليه اغار مـــــــن الهوه لو مس ثيابه
الله ليحفظك لـــــــــي ويحفظ شبابه
بني عذبـــــــني وانــــــا ارتاح ابعذابه
باجر اصــــــبغ شيبتي من دم خضابه

اهوه نســـــمه ابريتي
وعز مـــــــــن عافيتي
غالي وبروحي اشتريه ياسلام الله عليه
0000000
ابني صـــــــح شفاف وترف من الورده
لجن وكـــــــت الحرب من يوصل لحده
ابني جـــــــم نورس غفه ونام عله خده
ابني جـــــــاسم مــــــاي يم عمه ايتبده

حسين حــــــيل يحبه
ابني ابيـــــــــض كلبه
الطير ياكل من اديه ياسلام الله عليه
0000000
من صفات الـــــحسن جاسم كل صفاته
شنهي يوســـــــف حته اقيسنه ابحلاته
جاسم اغله مـــــــــن الهوه عندي غلاته
ابني مازعـــــــلني يـــــــوم ابكل حياته

اشما صحت يوليدي
يجي يقــــــبل ايدي
كلهن الزينات بيه ياسلام الله عليك
0000000
نزل عل الجــــــيش ولزم سيفه ابيمنته
الشــــــرد منه بالحـــــــــرب ياكبر بخته
ابشط مـــــــن المرهـــــف وليدي خزرته
مثل ابوه الـــــــــحسن ميثني ابضربته

غيض طك بعيونه
ابعمه يشـــــــــبهونه
ابني ياهو ليدنه ليه ياسلام الله عليه
0000000
اترخص مـــــــن حسين ابني وراح لهم
مايهمه للـــــــعدد خـــــــــل تكثر زلمهم
حلف جاسم بالـــــــــحسن لمن يطبهم
له يـــــــــوصــــــــل للسمه طفار دمهم

وحك دورت حاجبه
الجيش ابد ماعاجبه
ابخزرته يموت اليجيه ياسلام الله عليه
0000000
حسين عبد الزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

الماعرفو يعرفون
عاشكَ انا ومجنون
علي علي محبوبي علي
000000
انه عاشك بشر ماصــــــح مثله بالكَون
يخلتف عشكَي انه مو مثل اليعشكَون
طبعي ما جامــــــل الوادم بيه يدرون
انه احــــب حيدر علي وبحبه مجنون

مــــاعيشن ابلياه
من الله انه اهواه
علي علي محبوبي علي
00000
وين مثلك الكَه واحد ينكَط احساس
والله من كل كلبي احبك يابو عباس
خل يلوموني عله احبك ياعلي ناس
تصـــــعد وتنزل يحيدر وي النفاس

عايش وسط روحي
يابالــــسم جروحي
علي علي محبوبي علي
000000
انه احبك من صدك يا اغله محبوب
ياعلي انــــت حبيبي بكلبي مكتوب
مسودن بحبك علي من عنده ماتوب
جي احبك انـــــه بين الناس مهيوب

يامالك احساسي
يا اغله كل ناسي
علي علي محبوبي علي
00000
العشك بس الــــــــك غيرك لا مذله
المايحبك مــــــــو بشر وبعقله خله
علي المايهواك هــــــــاذا بعمره شله
واليحبك مــــــــن صدك شانه يتعله

ويه النجم يعله
خادم ابو الحمله
علي علي محبوبي علي
00000
علي اول غصـــــــبن عله المايقبلون
علي الما حبوك ماعــــــــرفو يحبون
انت الله يحبك وكلــــــــهم يعرفون
المايتبعونك علي باجـــــــر يخسرون

انت اقرب الله
انت حبيب الله
علي علي محبوبي علي
00000
الحب احس وياك بي الذه وطعم خاص
ولــــــــف هنياله اليخدمك علي بخلاص
الغالــــي انـــت ياعلي ولوادم ارخاص
يبو اتراب المايحــــــــبك بالذنب غاص

ابخيرك انا عايش
مثلك بشر مامش
علي علي محبوبي علي
00000 000
حسين عبد الزهره الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


انت الماخذ كلبي
شلون اوصفلك حبي
يانور انت ابدربي
ياحيدر ياحيدر
0000000
انت اول من حبيتك وبنص كلبي ضميتك
غالي وبالروح اشريتك حيدر حيدر.
بايعتك يابو حسيني وما احب غيرك تدريني
بس انت التارس عيني حيدر حيدر

بايعتك من زغري
ونطيتك كل عمري
حبك بالدم يجري
ياحيدر ياحيدر
0000000
يانسمه وروحي اتشمك مطبوع أبعيني رسمك
يمشي وي دم صار اسمك حيدر حيدر
اشما كتبو مي وصفونك نورس يغفه عله اجفونك
انه اليعشكها اعيونك حيدر حيدر

محتار انه ابوصفك
يالشاملني ابعطفك
رحمة الله ابجفك
ياحيدر ياحيدر
0000000
بسمك من لولتلي امي ينزاح ابذكرك همي
حبك ضل يجري ابدمي حيدر حيدر
خليني دوم ابكربك تدري ابكلبي يحب كلبك
حالف مافارك دربك حيدر حيدر

انت الماصح ملك
وانه الطحت ابعشكك
روحي وكلبي ملكك
ياحيدر ياحيدر
0000000
حيدر يانبع الكوثر الماحب عيونك يخسر
تستاهل لجلك اسهر حيدر حيدر
اسهر وكتبلك شعري يالتسوه افديلك عمري
انت البالمحشر ذخري حيدر حيدر

بالمحشر تحضرني
وانت لتعبرني
اعرف متفشلني
ياحيدر ياحيدر
0000000
حسين عبد الزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اليلة علي الاكبر ع

علي يشبه علي في سوح النزال
علي حيدر علمه افنون القتال
علي منه ونعم علي صكار الزلم
¥¥¥¥¥¥¥
علي منه الموت يشرد لو نوه يطب للحرب
غير ابن حسين هذا لحومه يكلبها كلب
مثل عمه ابوفاظل يغلب وما ين غلب
علي الأكبر هذا والله الدخل وادم رعب

هذا ابن اليهزم وماين هزم
علي هذا الراعب اكلوب الزلم
وراس بالراس يردم علي صكار الزلم
¥¥¥¥¥¥¥
راجب الشكره اعتناهه الحومه صاحت ياهله
وللنجف هيه وزلمها منه شردتت كربله
غيض يتماطر اجاهه وطب عليهم زلزله
ابوفاظل علي هذا لو علي عقد الوله

علي لو حامي الحمه هذا الخلسها
الحومه وي ازلامها كاطع نفسها
الزلمه يكرب للخيم علي صكار الزلم
¥¥¥¥¥¥¥¥
اشمالها الرجلين بادتت ولزلم ماهي زلم
سل فقاره وعتناهم بالعدد لا مايهم
ساكهم ابن الكحيله بالحرب سوك النغم
من ابوحسنين ماخذ علي كل هذا العزم

علي لو طب للحرب شفتو اجاكم
يعني حضرو ارواحكم موت اعتناكم
وبعددكم مايهم علي صكار الزلم
¥¥¥¥¥¥¥
صاح بيهم انه الاكبر وكل زلمها اتراجفت
اتخوفج من الخوف كام ولسنتهم خورست
شهر سيفه وكط خذاهم وكلها فرت وشردتت
خيل وزلام اتراكض ولحد بيت الله اوصلت

تعب ملج من كد ماخذ ارواح
انه راح اخذ الدور وانت ارتاح
ايطشر بكيفي ويلم علي صكار الزلم
¥¥¥¥¥¥¥
غركت الحومه بجثثهم وطفح دمهم للسمه
فاضت أرض الغاضريه انترست اركاب ودمه
علي شمرت علي ماخذ من يطب للموزمه
ابد ميثني بضربته جن علي حامي الحمه

هذا ابن حسين ياهو يدنه حده
الموت خايف منه ضل لابد ابسده
للحرب طب مبتسم علي صكار الزلم
¥¥¥¥¥¥¥¥¥
حسين عبد الزهرة الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نزله للامام العباس ع

ظيك الثامك وجرد حسامك
يبوفاظل دخيلك
****
اتخيل مهرتك كوم وهجم عليهم
سل صارمك عباس موت اعتنيهم
ياغيرت الله اليوم سكت حجيهم
بسيفك يسبع الكوم كطع اديهم

وكلبها صوبين ياروح الحسين
يبوفاظل دخيلك
*
يل بالحرب معروف محد يكحمك
الموت يترايف خوف لو جابو اسمك
غيره ورجــوله وزود راضع من امك
بخزره تموت الموت لو يــــــدنه يمك

خل تسمع ناس الموت اسمه عباس
يبوفاظل دخيلك

اخذ رخصه من حسين راعي الكفاله
مغضب دخل عالجيش ينضح بساله
الله عـــــلــــى العـــــباس وعله قتاله
من شافــــــه ملج الموت ذب استقاله

ضل خايف الموت وكالاله بسكوت
يبوفاظل دخيلك
****
ادخيل الله هد عباس ياهو اليرده
وجهه يتماطــر غيض ماظنه يهده
حضـــرو اركاب ابساع سيفه بيده
اتخيل مهرتك كوم ولجيش اكصده

هد غيرت الله هد يستر الله
يبوفاظل دخيلك
*
ســـــل سيفك البتار يبن الصميده
وخـــــل الشمر يحتار هوه وعبيده
طبهم أسد غضبان شايفله صيده
سيفك صبح رادود ولطف قصيده

سل صارمك كوم وفنيهم الكوم
يبوفاظل دخيلك
*
بيك المثل مضروب يبن ام البنين
يبن الفطاحل صول وكلبها صوبين
تشهدلـــــك العباس سوح الميادين
صول وعلي وياك ويدعيلك حسين

وتدعيلك ام عون هد وكلب الكون
يبوفاظل دخيلك
*
لو حشمتني ام عــــــون غيره انه اعرك
كلــــها سراب اتصير لـــــــو بيهم ازهك
هاي الزلم هــــل يـــــوم بدماهه تغرك
يابويه من الخوف ضرس بضرس طك

وين المفر كال يشباه الرجال
يبوفاظل دخيلك

حسين عبد الزهرة الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اليلة الامام العباس ع

نار بكَلبي لامــــــو بالخيّم
وانهد حيلي من طاح العلم
الله يشهد ₩₩حيلي انهد
من طاح العلم من طاح العلم
¥¥¥¥¥¥¥
الله يشهد يا ابو فاضل روحي راحت من رحت
وصـــــــــرت مثل الطير بعدك وبغيابك فرفحت
الخيمة كضّت خـــــاصرتها والعمد طاح وطحت
وجلّب الخوف بــــــدليلي وبالمدامـــــــع جلّبت

يارب سترك شو كلبي انخمش
ونشغت روحي وكل جسمي ارتعش
الله يشهد حيلي انهد
من طاح العلم من طاح العلم
¥¥¥¥¥¥¥
اهتزت الخيمة شجاهه وكَلبي احس حيل انعصر
وباوعـــــــت لحسين شفته اجه من صوب النهر
ايكَوم وايطيح انظرنه وجـــــــدمه بالممشه ايعثر
من بعيد وصــــــاح زينب طــــــــاح عباس الكَمر

خويه لكَيته طايح كافلج
ياهو الخلافه يبره المحملج
الله يشهد حيلي انهد
من طاح العلم من طاح العلم
¥¥¥¥¥¥¥
من وصلته وشفته طايـــــح يمه كل حيلي انهدم
بصفه جــــــف طايح لكيته وطايح بكتره العلم
الكَمر من كَــــــــد ما جريم بعينه متلكَي السهم
من وكَفت اكَباله محني كَام جـــــــــدامي ابتسم

لا تهتم خويه ولا تنقهر
روحي فدوه الروحك يابدر
الله يشهد حيلي انهد
من طاح العلم من طاح العلم
¥¥¥¥¥¥¥
حسين وديني لكفـــيلي عليك امــــــي فاطمة
ارد اسولفله اعله ضيمي موش اسولف عالضمه
مـــــن وصلته انـــه واخيي وشفته جثه مخثمة
ســـــولفت بهداي كَتله لزينبك ماظــــــل حمه

اهتز جسمه كَام ورد وكَع
بس لا شافوا طولج من طلع
الله يشهد حيلي انهد
من طاح العلم من طاح العلم
¥¥¥¥¥¥
حسينك بعازت مناصـــــــر خويه محد ظل اله
ولون مات حسين كَلي مـــــــن يحامي العايلة
ريـــــــت ميته ياكفــــــيلي ولاوصلت الكربلة
كَوم يا اروح اختك اكَعد يمن بيك مـــــــدلله

اكعد شوف اشصار بزينبك
صوب كَلبي سهم الصوبك
الله يشهد حيلي انهد
من طاح العلم من طاح العلم
¥¥¥¥¥¥
حسين ردنـــــي للمـــــــخيّم لله سلمت الأمر
عالنهر يـــــــم الكفــــــــلني هناك ودعت العمر
وانت ادري اشويه باقي ويذبحك سيف الشمر
وتركض الأطفال بعدك حافية اتدوس الجمر

ونوب انه اركب على هزل
ومرك منك مجتوفه بحبل
الله يشهد حيلي انهد
من طاح العلم من طاح العلم
¥¥¥¥¥¥¥
مـــــــــن على الناكه اسلم عليك هذا اخر سلام
وعتذر منك يخويه وختـــــــصرلـــــــك بالكلام
انه مــــــا مـــــــريت ليك مندوهنه بهاي اليتام
وخاف تستورح يخويه بهدمــــي دجان الخيام

خويه اعذرني مامريت الك
ارتاح وحالي لا يشغلك
الله يشهد حيلي انهد
من طاح العلم من طاح العلم
¥¥¥¥¥¥¥
جان ياخــــــــــذ اذن منك الهوه لو طب ريتي
هسه عندك علم طكَـــــني الشمر وحرك بيتي
وبنت اخـــــــوك اتصيح عمي اتسلبت ترجيتي
وانه صـــــــــاح الشمر زينب امشي يامسبيتي

ريتك يمي من طكَني النذل
ماترضه اختك اتنجر بحبل
الله يشهد حيلي انهد
من طاح العلم من طاح العلم
0000000
حسين عبد الزهرة الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اليلة النصار ع

عشكي كل الحضه يترقه
عشك لآخر شيبه يبقه
عشك عذري عشك عذري
0000000
انه صـــــــح عمري وصل ياناس سبعين
بس احس ازغير عمري ابحب الحسين
وين اكـــــــو مثله بشر كلولي بي وين
حته اروح انطـــــيه عمري وكل السنين

حسين ماكو لي يشبه
ابكبر رحمة الله كلبه
عشك عذري عشك عذري
0000000
انه ابــــــــن ظاهر البالحب شاب هدبه
حسين حبيـــــــــته وحبن غيره صعبه
حسين بـــــس حبه الصدك ولغير جذبه
المايحـــــب حسين ميت هــــــاذا كلبه

انـــــــــه هايم ببو اليمه
حسين حبه من الله نعمه
عشك عذري عشك عذري
0000000
اشما كبرت حســـــين حبه ابكلبي يكبر
الكيت روحي انـــــــه احبه ابعالم الذر
فدوه كـــــــل جسمي لبو اليمه يتوذر
ماشفت صاحب تـــــره مثل ابو الاكبر

انه ابـــو القاسم تره اسمي
حسين عشكه مشه ابدمي
عشك عذري عشك عذري
0000000
حسين شوفــــت وجها هاي أكبر عباده
أبين ايدين حسين يامحـــــــــله الشهاده
حسين حبه ابدمـــي يمشي من الولاده
فدوه اروح انــــــه وهلي السيد الساده

امنيتي اقبلهن جفوفه
ابعين كلبي انه اشوفه
عشك عذري عشك عذري
0000000
عليه يالانـــــــــصار خلـــــــــيكم تشهدون
انه لجل حسين اضــــــحي ابذني العيون
هوه مـــــــــو بس عابس انه همه مجنون
الفخر يكفـــــــــيني انا مسلم عله ام عون

من الله هاي أعظم هديه
بـــــــــت علي تدعي ليه
عشك عذري. عشك عذري
0000000
حسين عبد الزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اليلة العليله ع

مكروه الفراك حنظل مينظاك
حن كلبي وشتاك يحبابي ليكم
****
اخ يا فركـــــــاكم الحـــــــط بيه عله
الفركـــــــه مـــــاتراد والله الفركه ذله
ابجفاكم مو دمـــــــع فص عيني هله
شنهي ضلــــــته ابدنيته لمويمه اهله

ماضن تردون ياشوف العيون
مشتاكه تدرون اسمع حجيكم
*
انه موش مــــن المرض ياهلي اعاني
افراكـــــــم يابويه هـــــــوه الموتاني
لا اني ميـــــــته ولا رحم بيه زماني
مناطره ولا طـــــــارش لمنكم اجاني

ها يهلي لاوين عن عيني ماشين
لا بيه يحسين امشي وجيكم
**
حاولت انساك بـــــــس ما اكدر انساك
مر ابد ما ينـــــــجرع يالغالي فركاك
انت تدري لحـــــــضه ماعيشن بلياك
لذه احس بسنيني لمن تكــضي وياك

يانسمة اهواي لا تكطع وياي
اعذرني اهواي من اعتب عليكم
****
انه وانت ابروح وحده ونفس واحد
عني مـــــــن تبعد اموتن الله شاهد
تدري احبك انـــــــه ما احب التباعد
يالمامش غيرك انــــــت ابكلبي كاعد

سالفتي بس بيك شاغلني طاريك
ابروحي اشريك يالروحي بيكم

اليل مـــــــن ايجوجي تلتم ذكرياتك
يلي اغلى مـــــــن الهوه صدك غلاتك
ريحة الله اشتمها مــــن اشتم عباتك
الله يهواك انـــــــت لنك طيبه ذاتك

انه العليله دم دمعي اسيله
اهمومي ثجيله وداعت عليكم
*

حسين عبد الزهره الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اليلة ام البنين

انه ام البنين الرافعه الهامه
يكفيني الفخر الحسين خدامه
دخيل اسمه دخيل اسمه
0000000
يكفيني الفــــــــــخر اخدم ابو الاكبر
ونطــــــــــيت اربعه يظحون للخدر
الماعاش الحسين ابكلبه ثق يخسر
كلــــــــــبي بلا حسين يعيش مايكدر

انه المجوي كلـــــــبي بنار خيماته
انه ولدي فــــــــــدوه لون شيباته
دخيل اسمه دخيل اسمه
0000000
انه مقــــــــــصره وي حسين صدكوني
ماوافــــــــي لو انطي ضـــــــوه عيوني
هوه يهــــــــمني مــــــو ولدي اليهموني
وعنـــــــي كــــــونه راضي الف خيعوني

انه اهواي احبه ونبضي وي نبضه
هنيالي علــــــيه حسين من يرضه
دخيل اسمه دخيل اسمه
0000000
انطيته اربــــــــــع ومستحيه من عنده
مايجـــــــــازه المــــــــجوي الرمل خده
الله اليــــــــعلم اشــــــكد روحي اتوده
وهذا الكـــــــــلب بس حسين بي وحده

حسين وهل اسم كلش على غالي
ومامٰش غيره واحد ساكن ابالي
دخيل اسمه دخيل اسمه
0000000
انه ام البنــــــــين وكــــــــــلها بيه ادره
عـــــــــدي اكبر فخر اخدم بني الزهره
نخـــــــيت الله اشكثر بدموعي الحمره
اتمنــــــيت انســـــــبي وي زينب الحره

ريت انه انسبي ودموعي مذروفه
ولا زينب تطـــــــب للشام مجتوفه
دخيل اسمه دخيل اسمه
0000000
اتمنيت انـــــــــه اروح الكربله وياهم
وفزع ماي مـــــــــن تعطش يتاماهم
ولد الزهـــــــــرة روحي اهواي تهواهم
ينـــــــــساني الله إذا فكرت انساهم

انه امعزبه الحـــــــــسين ابعز ناسي
انطـــــــيته ابوفاضل فخر نوماسي
دخيل اسمه دخيل اسمه
0000000

حسين عبد الزهره الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اليلة مسلم ع

رسالة شوك لك يحسين وديت
اشوفنك كبل مــــــــوتي تمنيت
من فوك القصر وديت العذر
سامحني يحسين
0000000
وديتــــــــلك وي الهــــــوه مرسالي
الموت مــــــــوش ابالي انت ابالي
اشما دير وجهي اتصير انت اكبالي
الموت الجل حسين يسوه وغالي

الرايد يرضي الله وينحسب زين
خل يدعيله من كل كلبه الحسين
وي وكت الفجر وديت العذر
سامحني يحسين
0000000
هنياله كلـــــمن شاف عينك مره
يحسين يالعايـــش ابكلب الزهره
انه اول الضــــــــحالك ابدم نحره
التدعيله انت اصير بخته اشكبره

عد الله انت غالي اهواي ادريك
من طيــنة علي وفاطمه مسويك
يفداك العمر وديت العذر
سامحني يحسين
0000000
يحسين هاي احجايه لك احجيها
كــــــــل الرسايــــــل لا تصدك بيها
باعت ضمايـــــــرهه الخلك تدريها
مابيها امــــــــان الكوفه لتثق بيها

صح كالولك اقــــــــبل يبن فاطم
لجن هل ناس صدك موش اوادم
تبدع بالغدر وديت العذر
سامحني يحسين
0000000
يحسين رد ضعـــــنك تره هل وادم
نيتــــــــهم ايجتــــــلوك يابن فاطم
الشيطان هل وادم علـــــــيهم حاكم
ومنتضر نحرك بالطف اشجم صارم

باجر تتذبح يحسين عطشان
وتضل نسوانكم من غير وليان
ويسبيهن الشمر وديت العذر
سامحني يحسين
0000000
خايف ومـــــن دم ضل يهل الناضر
كل خوفي يحسين عله زينب باجر
تشبع ركـــــض يحسين يوم العاشر
باجر يدوس اضلوعك اشجم حافر

باجر يترس الطــــف راح دمك
باجر ل الله توصل نشغت امك
والمدمع جمر وديت العذر
سامحني يحسين
0000000
حسين عبد الزهره الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA