2.مؤسسة منبريون لنشر القصائد🧿

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

ــــــــــــــــــــــــــــــــــــــــــــــــــــــــ

عليله وماسكن نوحي -- تعال اسمع صدى جروحي
بويه احلفك بالضلع -- فدوه لحساسي استمع
......................
غافيه ابرحمة عباتك. ابلهفة امتاني الصبح
مادريت الليل غفله. يخطف الجف السمح
اسمع من بعيد صاحو. يلله حيي اعله الجرح
خايفه باجر يجوني. راس مرفوع برمح
انادي وما يحاجيني -- اصدله ودمعتي بعيني
بويه اخذني وي الجمع -- فدوه لحساسي استمع
...........................
يزهي جان الدار بويه. لان صوتك ينسمع
يلجنتك كلشي بحياتي. سالفه وضحكه ودمع
ريحة من اهلي اشمهه. بيك يل طولك نبع
روح ماعندي ابغيابك . ذايبه مثل الشمع
ينسمة كل هوه بريتي -- شسوي ابكل ضوه ابيتي
يكفي نورك من يشع -- فدوه لحساسي استمع
......................
يلخذت وياك كلشي. الذكره والحب والوطن
بس جسد خليت عندي. بروحتك ريته اندفن
حتى جلمة بويه صارت. ذكره من ذاك الزمن
كمت اسلي جروح كلبي. بيـــهه لو مره نسن
ريت الماخذ انفاسك -- خذاني وحطني يم راسك
عندي ما ضل بس دمع -- فدوه لحساسي استمع
...........................
بويه من شفته ضعنكم. شايل وعيني وراه
جن اسمعه يصيح باجر. علنهر غافي لواه
كمت اشم بانفاس عمتي.ريح كلبي مانساه
صوره وي كل شمه اشمهه. راسمه ابنص عمتي اه
سهم جن ذابح المنحر -- واثر شفه غزاهه الحر
داري وحشه ابلانفع -- فدوه لحساسي استمع
..........................
بويه يابويه الليالي. تاكل بروحي اكل
من كثر ما كابلته. مني كامت هم تمل
تنخه يطلع فجر باجر. بلكي وي فجره شمل
لو الف باجر يمرني. حزني ابد ما ينحمل
وداعك مااله رجعه -- وكلبي بهايه شيقنعه
راحو وما يقتنع -- فدوه لحساسي استمع

خادم اهل البيت خالد العلمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA