#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(((الزهراء ونشر القميص) ))




ثوبك جبته من العاشر ... يحسين واويلي
بس مشگگ بالحافر ... يحسين واويلي

يل ثوبك مارد حيلي
منسيني ضلوعي وليلي

منسيني النار الشبت
وچفوف عيوني السطرت

جبت جروحك والنبله
وللمجلس جبت التله

مجروح گلبه والناس غربه
محروگ داره ومگطوع دربه

مجروح چبده وعالگاع خده
وبتراب شفته والگوم ضده

يحسين يمه
_______________
جيت الطم ضلعي وياكم...يحسين مذبوحي
وأسمع لوعة مبجاكم ...يحسين مذبوحي

بكل لطمه والطم عيني
متفرهد مني حسيني

والحافر طشر صدره
انه امه انه الزهره

وعاشور يفزز دمعي
محنيه جيت بضلعي

عاشور حزني عطشان يبني
والگاع تچوي مسموع وني

ياريت نحري ودماي تجري
والخيل تعبر وتدوس صدري

يحسين يمه
________________
نار الخيمه تجويني ..... ويلاه يزينب
وحترگت بيه سنيني .... ويلاه يزبنب

عيالك تركض مذعوره
وجمر الخيمه بياصوره

ازغار وتركض ياحاله
وتردم بيهم خياله

والمايركض للهيمه
يتچوه بنار الخيمه

بالخيل راحو يحسين ماتو
نسمات همه بالنار ذابو

يرگضون كوه ياناس بلوه
والگوم تسلب والحيل يخوه

يحسين يمه
_________________
خلوني احجي اعله عيالي ...واليل وحشه
من ضلو مامش والي .....واليل وحشه

ليل ومايرحم طفله
والخايف دمعه يهله

واليابس گلبه وشفته
عطشان ويبچي بسكته

والبي ضربه اعله خدوده
هذا مورمان زنوده

المسحوگ جدمه محروگ هدمه
المانام ليله ويصيح عمه

المطروح حاله عباس باله
ويگول ضعنه والضيم هاله

يحسين يمه
_________________
يالتبجي الليله اذكرني ..... مسطور خدي
انه الخدي اليحرگني ...... مسطور خدي

حال المهدي بهالليله
طايح ياهو يتچيله

يصرخ عماتي انسلبن
وأعله الأجساد يمرن

للعِشره هواي يحنن
ومامتعلمات يونن

ويصيح هزله شكبر العله
يحسين بويه منهو انگله

بالروح عثره وبالعين جمره
من الشيب دمعي مذبوح حسره

يحسين يمه
_________________


عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


تنويه اخواني خدام الحسين القصيده
للخدام حيدر فهد فجزاكم الله خير
ارجو الانتباه ...
(لبسو القلوب ع الدروع وأقبلو)( الانصار )




الدنيا تهتز من تلاگيهم
صحبةّ مواقف والعشگ بيهم

خادم بصف مداح ..... والعشگ منهم فاح

صحبة مواقف والعشگ بيهم

***

طشو هيل بالحومه
وعابس شگگ اهدومه
ناس بعركه مفطومه....ثلثت انعام

ربع حسين حياهم
محله الگعده وياهم
ذوله حسين حباهم ....اخوته ازلام

ذوليّ الانصار الخيم دگوها
وچفوف أميه بزود لاوها

وماهابو من ارماح
والعشگ منهم فاح

صحبة مواقف والعشگ بيهم

**************

حسين وخنگته الدمعه
شاف ووجوهم شمعه
حسين تبشر بربعه ..... التجيب الثآر

حيهم ذول وفايه
دگو بالحرب ثايه
ونشرو بالسمه رايه .... وفه الانصار

لو (ما) حسين ايگول خليها
حلفوا الدنيه بخزره نمحيها

وألي يحب يرتاح
والعشگ منهم فاح

صحبة مواقف والعشك بيهم
**************
الحومه الچانت چبيره
صارت كلش زغيره
من جاهم ابو الغيره ..... شيكض الگاع

روح بروح لاگاهم
اجه العباس حاچاهم
كلهم امحو طرواهم .... جذبهم شاع

تطلگ الحومه برگب خلوها
والروس فوگ الخيل حطوها

والشمر هيچ وطاح
والعشگ منهم فاح

صحبة مواقف والعشك بيهم
**************
جون وطبهم ابكيفه
يستنگي الزلم سيفه
نازل ياخذ بحيفه ..... ويرد العال

عابس هوس اعليها
وراد الحومه يمحيها
وزينب ياهو يسبيها .... يذبحه الگال

بالخيمه عابس واكف محزم
يعشگ طلابه التنتهي بالدم

حسين بأسمهم صاح
والعشك منهم فاح

صحبة مواقف والعشك بيهم
**************
اترخصو من ابو اليمه
وكلمن وقع بدمه
همهم صار كل همه ..... يضل وحيد

واحدهم اسد مغتاض
ركضو علمنيه اركاض
دمهم مستحه من فاض .... نزل عالجيد

فحطوّ الكوم بفخر بچوهم
بكراب سيف حسين خلوهم

روس الكفر تنزاح
والعشك منهم فاح

صحبة مواقف والعشك بيهم



الخادم
حيدر فهد

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة شور للحسين عليه السلام 1442

ياجرح السمه .. يابن فاطمه
كلبي تلجمه .. لطمات الصدُر
قرآن العشك .. صعبه نفترك
اي كلبي يدك .. دمعات وصبُر

آنه جنّيت الحرك بدموعي
فدوه لو باللطم اكسر ضلوعي
انطفت عالنحر كل شموعي
يامن ايسكت يبرد روعي
حسين ..حسين
.............
والخيل الاجت .. داست وسحكت
صدرك كسّرت .. تكلبك عالارض
من ظهرك سطع .. جم حافر طلع
داسك هم رجع .. يسحك بالفرض

طحنت اضلوعك حوافر يامه
داست اعله الصدر فوك سهامه
بي ارقيه وجم طفل وايتامه
هناك انته هناك اشوف اعمامه
حسين .. حسين
.............
تتنفس حرك .. جفنك تنطبك
جسمك ينسحك ..من اتصد الخيم
تكوم اويه الكسر .. صدرك منتثر
تشوفه بكل كتر .. بجسمك جم سهم

لو كمت طحت وتأذي سهامك
وذيج جم خيمه التشب كدامك
تركض سياط الحكت بيتامك
ويلي ابو الأكبر بعيده خيامك
حسين .. حسين
..............
صعبه حالتك .. واختك ندهتك
تدري مروتك .. ماتقبل هضم
عالتله تصد .. ندهت ماترد
بس خيل الجِرد ..تسحك كل عظم

وكفت اعله التله عرفت حالك
شافت من ابعيد شمر الجالك
بيده سيف وكام يتعنالك
زينب اتمنت تصير ابدالك
حسين .. حسين
.............
حزّو ركبتك .. كطعو دمعتك
رقية طفلتك .. إتاني تِرد
من شافت حرك .. وعيله تفترك
وصدرك ينسحك .. بحافر ينمرد

حارت من النار مدري تريدك
تبجي ما تمسح دمعهه بايدك
خافت ابونتهه هم اتزيدك
تنطي ركبتهه لونهه تفيدك
حسين .. حسين
.............
ابو مريم الاسدي ...


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

((راعي الحميه) )



راعي الحميه عباس واتعنه صوب الحومه
موگده كل هاي الناس وضلت تشيع علومه
عباس يراعي الغيره
_____________
اشرگ ضياء الساحه
واعله الحسين اوشاحه
كاتب اعله وشاحه مدد خويه العقيله
هذا الگمر ضواها
من اعتنه وطباها
گلولي هذا ياسبي وشنهي الهزيله

هذا الگمر ملهوف
شنهي الحبل بچفوف
اسمع سوالف خوف
وانه البطل موصوف

انه البطل ياناس
عالزلم شايل كاس
بالغيره بالنوماس
راعي الخيم نبراس

انه الاطگ راس براس انه الچبير أهنانه
والبي حميه وبي زود خل يطلع لمگانه

عباس يراعي الغيره
_____________
ياهو اليگرب لينه
وبضهري عود سكينه
من يشتد اوطيس الحرب ينقض عليها
زود المراجل هوه
حسين الچبير السلوه
هاي الفوارس والزلم يگطع اديها

زودي ويضي عيناي
من الشموس فياي
من گتله اجيب الماي
گلالي انت وياي

گلالي وين الگاك ياخويه اخذني وياك
گتله انه عد عيناك
عبدك أنه ولواك

بس هدني اروحن للگوم والگنطره ترد بيهم
فدوه لغلاتك ياخوي خليني بس اعميهم
عباس يراعي الغيره
_____________
من شافته اخته العوده
شدت علگ بزنوده
گلتله فوت اعله الزلم يبن الصميده
جيب النهر وي مايه ياخويه رف بالرايه
وبدربك وحود الزلم خلهم شريده

عبي الزلم بالجود
وردهم ورد اردود
اي يبن ابوي وحود
سبحه احنه يالشاهود

مايرد سالم كون
اليرد ماكو عيون
سالم يرد شلون
وانه اختك انه ام عون

كون اليرد خويه الگمر مايدري حته بروحه
مذبوحه روحه بشارتك مايدري حته بروحه
عباس يراعي الغيره
____________
متون الامامه متونه
تلصف شجاعه عيونه
نزلهم لسابع ارض من گلهم انه

انه اختي العلويه
انه امي البدويه
انه ابن المهدم حصن خيبر زمانه

من شمرتي كرار
وبجفي ذوالفقار
واليعتني يختار
لو دفن لو للنار

بالموزمه مرتاح
اكسر سيوف رماح
عباس انه الذباح
جيش وأشوفه طاح

زود واصاله ونبراس ياسلسبيل الخوه
عالي المراتب عباس ماخذ عليهم گوه
عباس يراعي الغيره
____________
رج العساچر بيده
وحرز للزجيه بجيده
ياهو الضلمها ام الحسن هالساعه اريده

باب الزجيه بابي
وضلع الزجيه مصابي
وحرب الطفوف الفاطمه والثار اعيده

ماعندي شي ممنوع الهلموزمه مزروع
ومن فاطمه مصنوع وبالضلمه اصير شموع

انه انخلقت الهاي
صنعوني اهل الراي
ومن حيدره وفاي
لازم اجيب الماي

راعي الكرامه الوفاي جاب الشريعه إيتيمه
گللها كومي امشي وياي وتبدت اعله الخيمه
عباس يراعي الغيره
_____________________
عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

لو نعيش وياك
لو نموت وياك
قرر انت وكول
واحنه عد عيناك
شهد كلمن ضميرة ... للانفاس الاخيره
احنه عد عيناك
*****************
حشمنه الوفه وجينه
فادينك يبو اسكينه ... ابمناحرنه
من صوتك وصل لينه
فاركنه اهالينه .... وتحضرنه

اشما تصعب فلا نهتم
عطشانه البواتر دم
حبك لم مشاعرنه
مثل الغيمه من تلتم

گلبه ما يحتار .... العنده هيج انصار
عدنه من نختاض .... ما يبات الثار
زلم متروسه غيره
********************
باجر كربلا تشهد
واحدنه ابألف ينعد .... بالملاگه
لو بينه العمر يمتد
زينب والله ما تصعد .... عله الناگه

ما دام النفس بينه
وبيهن حيل ايادينه
وعيونك فلا نسمح
تنزل دمعة اسكينه

للكلافه ازلام .... عندك وخدام
دمنه كون ايطيح .... ولا وتطيح اخيام
تظل زينب اميره
**************
بسمك عل المنيه انطب
ولسيوف الوغه اتمرحب .... عقيدتنه
من عندك طلب نطلب
سامحنه اعله گد الحب ..... اذا متنه

كل واحد عرف وكته
وراضين احنه بالردته
ابكل الدنيه ما نهتم
بس عدنه المهم انت

بينه كلشي ايصير .... وانت تبقه ابخير
من انموت انگول ... اعذرنه عل التقصير
اليحب هذا مصيره
******************
ما جابتنه كل غايه
كل واحد اجه ابرايه .... وبواصيره
هوه المستحه ومايه
مو عد وادم اهوايه ..... وره الغيره

المايدري العمر غيمه
مابي عل الخيم شيمه
اكو من يمتلك قيمه
واكو من ينشره ابقيمه

كل كلب يقراك .... يؤمن ابمعناك
واحنه بالأمرين .... نعترف شفناك
أبصرنه وبالبصيره
*****************
من هسه الك صمنه
وباچر نفطر ابدمنه ..... عهد بيهه
امك فاطمه وأمنه
ابهمتنه قبل همنه ..... نوافيهه

گدامك حجم نزغر
لكن عل العده نكبر
نبدي وننتهي ابهايه
دخيلك يابو الاكبر

كلشي الك عفنا .... من اجينه هنا
بس رضاك انريد ..... وامك الزهرا
قضيتنه الچبيره
*******************
الشاعر
مصطفى البديري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة الى مولاتي ام البنين سلام الله عليها
للشاعر انور الجبوري


بحلم كلبي لجمني وانتها الحيل
اضن حسين راح ابحافر الخيل
بقارورة جفوني. بعد لا ما يجوني
عرفت الصار كله بوحشت الليل
*؛****************
نايمه وكلبي لچمني واني ام
واللچم كلبي فلا يشفى ابلطم
فسرت حلمي بدمعتي والخصم
بيده راس حسين شاله يا هضم

شالو راس ابو السجاد بس ما لابس عمامه
وشفت بالروُيه شي محروك اضنهم حركو خيامه

من فزيت شفت ابكصتي اثار
اعرفت شمرو حسين بطيحته حجار
والكالت ضنوني بعد لا ما يجوني
عرفت الصار كله بوحشت الليل
؛***********************
من وكفت اني اعلى طولي كلبي حس
ضل ابو السجاد وحده بالشمس
الم صار ابصدري ونباك النفس
اضن صدر حسين طعنات انترس

امشي وبالكلب حسرات وبجبدي شعرت صواب
اضن جبدك يبو السجاد ضل بي نابت النشاب

بحضاني واحسِن چن طفل صاح
شمسوي وسهم نص ركبتي طاح
المن حبهم رووني بعد لا ما يجوني
عرفت الصار كله بوحشت الليل
******؛****************
حاولت اتغاضه حلمي بس ندم
غمضت جفني وشفت لوعة خيم
يا علي دخيلك شفت طايح علم
لان عزيز الزهره كل حيله انهدم

يمشي امحدب ومهضوم ومبين كسر ضهره
من عدها وعرفت حسين طايح عالنهر عمره

اتضح ابحلامي طاحت عالنهر عين
لاّن ايده اعلى وجهه ويمشي الحسين
الچانو عيوني بعد لا ما يجوني
عرفت الصار كله بوحشت الليل
*؛**********************
دنيا ريح و عمري احسه چن شمع
ايد بيها اتوجه واخرى اعلى الضلع
كلت خل اتوضه من هذا الدمع
رايده الربي اصلي ابهل وضع

اول ما كلت الله اكبر فاضت التربه
صحت معقوله ربي حسين صابو بالسهم كلبه

كلت ربي اخذني الطف الحيود
خليني اقدم للوفه ازنود
الما يمهم خذوني. بعد لا ما يجوني
******؛**********
من رفعت ايدي ابصلاتي للدعا
جاي اشوف ابجفي اصابع اربعا
خنصر ايدي احس ضالم وكعا
اخذ منا المحبس وما رجعه

خنصر جفي احسه طاح وخيل الهجمت اعليه
الصارن وي ابو السجاد احس الامهن بيه

احس نحري وجعني والالم زاد
اخيام الشهامه ضلت ارماد
البفيهن لكوني بعد لا ما يجوني
عرفت الصار كله بوحشة الليل
ا*********************
الشاعر
انور الجبوري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مولاتي ام البنين سلام الله عليها


ساعدني ياربي
علما نسا گلبي
خلاني جرح الروح ..... مذبوحة المذبوح
***********
من يوم ما شال الضعن وفارگ دليلي اعزازه
ابلايه روح وبس جسد. ظليت چني اجنازه
اني القويه الما أهم. للعمر من يتوازه
بس من مشه احسيني صرت. اتوچه عل العكازه

اليمشي ابشراييني
ابيضت ورا عيني
ما قصرت بالنوح .... مذبوحة المذبوح
***********
اتباوع المسره الضعن. والدمع يسري ابعيني
شما اريد اودعهم احس. دلالي ما ينطيني
يالماخذ اوياك النفس. چا المن امخليني
من كثر ما ابچي اتعبن من المسح چفيني

يارب تواسيلي
اترد الأخذ حيلي
ويشفي گلب مجروح. .... مذبوحة المذبوح
**************
راح وترك بيه جرح. لا يلتم ولا يبره
وخلاني اون و اونتي گلب الحجاره اتكسره
هوه اليفارگله محب. سولفلي بيش اتصبره
كل لحظه بالفرگه يظل يدعي الله ياخذ عمره

كل ما يمر طاري
يكبر جمر ناري
ابكل كتر عطره ايفوح ..... مذبوحة المذبوح
**************
كل ليله اشتاگ واحن للسافر وخلاني
وعل الباب اني وفاطمه. لليل نبقه انتاني
حته العَلَي سلم يرد. بسم الحسين الساني
ماريد اكلك طولت. بس الهجر اذاني
يارايح وعايف
ابگلبي جرح نازف
فدوه الك كلشي ايروح..... مذبوحة المذبوح
****************
نفس البچي ونفس القهر. والحزن ما قل عزمه
ما هامه ابروحي ابكثر. مابيك انه مهتمه
وديلي من عندك ولو. مرسال يابو اليمه
مو غايتي اقره الحجي. لا بس اريد اشتمه

بعدك ذبل شوفي
وما قل الم خوفي
للسبعه همي ايلوح ..... مذبوحة المذبوح
**********
ماضاگت اعيوني الوِسن لا والگطع بعيوني
حسبت اچم ليله وبعد. بالبچي اطيح اجفوني
تانيتك اشگد والشمس. غيرت شكلي ولوني
انت واخوانك من ترد. محتمل متعرفوني

من قهري وهمومي
متغَيره ارسومي
وعيوني دم اتفوح ..... مذبوحة المذبوح
********
ياخذني فكري الكربله واتخيل المهيوبه
وحدهه تركض بالفله. ومتحَيره ومرعوبه
وچن الحسين ابلا نحر. ومنه الهدم مسلوبه
والليل يوگع عل الحرم. والخيم ما منصوبه

وكل طفل من خوفه
ايسد عينه بچفوفه
والبچي ما مسموح ..... مذبوحة المذبوح
**********
الشاعر
مصطفى البديري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يايمه وفيتي بالغالي ضَحيتي
فدوه الي اربع رجال انطيتي
____
مادريت منين اسولف والله حيرة
يالوفية بعيني انتي شكد جبيرة
يكفي ضحيتي الي ابدر العشيرة
هذا موقف بالوفة ماصح نضيرة

تتشكرج روحي يمداوية جروحي
شكرا بكدما بالضعن تانيتي
_
يالحليبج طاهر وكلة شهامة
انتي مو البنين ام النشامة
صحتي عادي مايرجعولي بسلامة
والمهم عندي يموتون بكرامة

من رفت الراية ماخلفوا حجاية
فرحي يمن بية شكثر وصيتي
_
حاضره مسجلتج ارض الغاضرية
وية زينب جنت احس انتي سبية
عشتي عمرج هم ابية وهم وفية
انعم الله عليج ضحيتي الية

والضحة بالغالي عالي ويضل عالي
من اوسع ابواب الكلب طبيتي
_
انتي امي الثانية وام المحنة
انتي مو بدوية صرتي من اهلنة
جنة حيل ازغار وامنة مشت عنة
ومن اجيتي هواي خفتتي حزنة

يابنت نسب طاهر خل اهلج تفاخر
امن الله اِعلة هاي الودام تعليتي
__
انتي اول خادمة تحيي الشعائر
بوكت ماكو لامجالس لامنابر
وية العليلة شكثر نحتي ابكسر خاطر
مو دمع هليتي لمصابي النواضر

من بعدي شيبتي اعلية شكثر نحتي
وبداري جم مجلس لطم سويتي
____
وياي ماقصرتي عفية يالحنينة
يمي روحج فقط جسمج بالمدينة
ابو فاضل ابنج بكطعة يمينة
صاح وفيت الربة لمي الحزينة

خل يرتفع راسج ضحالي عباسج
ربيتي للطف بس زلم ربيتي
____
سيد معتز الحسيني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


لمولاي علي الاكبر ع

يستر الخيم ناوي وين يبسمه ابشفاف الحسين
يفرحت خيام العفاف يگمره ابظلام السنين
.....................
يحكل عيوني وستر عماتك
الخدر يتباها بعظم وكفاتك
يروح حسينك احلفك تاني
تروح وابقه بعذاب احزاني

ييمه يروح الزجيه
ييمه غيابك منيه
.......................
يبوالغيره يبني اشجنيت وعفتني بعذاب الغرب
اخذعيني بعدك عميت العمر یمه دونك صعب

بدليلي الحسره بجمرها تسعر
وخواتك تندب عليُ الاكبر
الوكت مايرحم رماني ابفگدك
وخذك ياروحي وكسرني بعدك

ييمه ولاني الدهر
ييمه دموع وسهر
......................
عرفت الجره يمه بيك العلامه ابملامح ابوك
يبويه علي حيلي راح دليله صرخ من ولوك

يخلي جفوفه عله گلبه وينحب
يگلي ليلى ابنه اتخضب
ركض من شافك يگوم و يعثر
وجمالك ينبي لگاه امطبر

ييمه يّحضنك صعب
ييمه مردت الگلب
......................
ييمه شكبرها الجروح شبابك اخذ مني روح
ذبل عودي يبني علي ودليلي بقه بهم ينوح

علي يوليدي عفتني بحيره
يشمعة ليلى ومحاچی الغيره
بدونك يبني اطب للكوفه
العده تاخذني بحبل مجتوفه

ييمه رحيلك مرار
ييمه سبي وانكسار
........................
الخيم يبني تبقه رماد الترب يصبح النه وساد
ابهزل تركب امك علي الهضم يبني ماله ضماد

الحرم شتسوي العده يولوهن
يلوذن بيمن لون ضربوهن
العقيله عمتك اذا شافوها
القصرهم يمه غصب يسبوها

ييمه شماته وعده
ييمه جرح ما هده

حيدرالرومي
.....................


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

لمولاي علي الاكبر عليه السلام

رحت وعيوني صوبك شابحه يبني
وعلى الغبره الگلب من فرگتك ذبني
اگوم واهوه عالغبره ..وحيده وتخنگ العبره
علي يبني علي يبني
...................
صفه هجرك الم روحي ومواجع سكنت جروحي
رحل نور الشمس يمه وضلام الدنيا يا روحي
ذبل طولي وحنه ظهري البُعد ياهيبة اخيامي
وخذت وياك صبح الله وعفتني بناري والامي

شكثر صحت اسمك ومااستمع صوتك
عليك يهون حضني وطاوعت موتك
الگلب يبني خلص صبره...وحيده وتخنك العبره
علي يبني علي يبني
.....................
اعد وتيهت بالعد حلم عندي ونطرته اشكد
اشوف ابنك حدر فيك حلم بي كل كياني انهد
وردت بيدك تغسلني وبيدك للگبر انزل
اشو عفتك على الغبره ومشيت ودمعتي تهمل

يماخذ عمري وسنيني وتركت الويل
رحيلك نار ومراكض حرم من خيل
مصابك بس الم جمره وحيده وتخنگ العبره
علي يبني علي يبني
.......................
رحت لاچن رحل كلشي الهضم دمعه مشه برمشي
بعد ذاك الخدر يمه بحبل مجتوفه كون امشي
اشاهد راسك من اعثر تدير العين الي چنك
وردت من ضيمي احشمنك وخافن يبني الچمنك

وارد اسكت واكابر والمتن دامي
صفت خيمه ابجمر من بعدك احلامي
الخرابه ووحشه الصحره وحيده وتخنگ العبره
علي يبني علي يبني
......................
بخرابه اليل لو چلچل صار الماردت يحصل
عگب طولك يبوالغيره بخدر امك عدو اتكفل
شماته وماكو كل غيره الدرب حيره بعدحيره
يغالي اعله الهزل امك تطب من ديره والديره

وسهام عيون شماتي رمت خدري
وبعد ذاك الدلال الشام اخذ عمري
صفت حسره تجر حسره وحيده وتخنگ العبره
علي يبني علي يبني
......................
عيني اعله الدرب تفتر اخاف من الهزل اعثر
وعين اعلى الرمح ضلت تشاهد راسك امطبر
حرت لابيه اشد جرحك ولا بيه احمل المنضر
كثر ماعيني تهمل دم على الناكه حزن خضر

يبعد الروح واعيوني الينطرنك
شبيدي جروحك الماترضه احضننك
كسر فكدك منو يجبره وحيده وتخنك العبره
علي يبني علي يبني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اندعي يلتم شملنا يا حمامة
يرجع الغايب علينة بالسلامة
روحي راحت
ريحة فاحت
جاي اشم بدارنا عطر الامامة
........
من رحل موكبهم اهلي وريجي مر
ضلت النسمات خنكة بلا عطر
تلوعت روحي واحس كلبي جمر
بالحزن لحظات عمري من تمر
عايشة آنة الأجلهم انتظر
او قراري
بانتظاري
وما لكيت بكل كتر منهم علامة
......
بابنا الفاتح ذراعة فشلة اسدة
لو يجي خطار الكم بيش اردة
ولو سأل عنكم غريب وحاجة عندة
واليتيم الي كصدكم حيلي هدة
راح اشرع باب داري وبيدي وردة
واعتذاري
ظلمة داري
يندك الباب واشوفنهم يتامة
..........
وحشة صارت من بعدكم هالمدينة
حتى ايات الذكر صارت حزينة
والاذان باذني صاح حسين وينة
خاف بيكم تغدر الخانت نبينة
اسم الله خاف ما بعد ترجع علينه
بهالليالي
بدون غالي
ودعتكم ما بقت عندي ابتسامة
...........
يا حمامة الفاركوني من يرجعون
تنشف الدمعة الحزينة وتضوي العيون
شكد اصيحلهم تعالوا وما يسمعون
حالتي تلجم كلبهم لو يعرفون
والله بس يردلي طارش علتي تهون
وانتظرته
يردلي يمته
اندعي بجدي النبي ودينه وقيامة
.........
يا حمامة وذكرياتي عنهم هواي
دللوني وعلموني وهمة دنياي
الفرحة من جنت بحضنهم تكبر وياي
ودعوني وفاركتهم وانتهى الراي
وفاتحة عيوني بدربهم انتظر جاي
هلبت اخبار
وكومه افكار
شكد متت وانة انتظرهم يامه يامه
........
شلون انسة بلحظة شفت الموكب يسير
بلهفة احس الروح مني والهم اتطير
صافنه بخطوة دربهم عيني واتدير
ربي انت بحالتي اعلم تلكه تدبير
مافهمت الي جرالي وشنهو الي يصير
حلم ضايع
لو هو واقع
عايشة بلوعة فكدهم بالندامه
..........
ياحمامة واندعيلي ابجاهنة وجاه
حالتي الصعبة التركني بلحظة الكاه
وارجع الحضنه حبيبه وابقه وياه
من تركني وكل نفس بالريه آه
الدمعة تلهج بويه وينك ياحسيناه
منتظرتك
انه بنتك
ارد اودع هالسهر والليل انامه
.........
احمد الصياح

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#قصائد_منبريه
#قصيدة_بحق_أبي_الفضل_العباس_ع

ليل الوداع ,,, ليل بي لحن المصيبه
والعمر ضاع ,,, والكفيل منين اجيبه
تـنـكَطع بـاجـر جفـوفه
جرحي جا بيمن اروفه
والكفيل منين اجيبه
.....................................................................
تحجي بين احساسهه وبين الالم شلون باجر لو وكَع راعي العلم
يبقه وحده حسين ابن سيد القيم وتحترك لو طاح من بعده الخيم
والـيتــامه ياهو يسكَيهه ابغيابه
من حُسامه راح أتـمــنــه الاجابه
باجر آنه اصبح غريبه والكفيل منين أجيبه
تـنـكَطع بـاجـر جفـوفه
.............................................................................
آنه زينب آنه بت حامي الدخيل باجـر ابـقـه اويـه اليتـامه والعلـيل
شلون بيه وراح أبقه بالا كفيل ويعله صوت ايتامي بالون والعويل
والارامِــل تبقه محتاره ابأمرهه
يابو فاظـل آنـه أخـتـك يـــاذخرهه
راسي حل باجر مشيبه والكفيل منين أجيبه
تـنـكَطع بـاجـر جفـوفه
...............................................................................
شلون مسبيه أروح اويه الحرم وتحترك باجر عله ايتامي الخيم
بعد عباس الكَمر راعـي الشيـَم مِثـل عيـنـه كَلبي ينصاب ابسهم
وآنه حالي ما بـعـد يحـمـل أذيه
واعله بالي راح اروح آنه سبيه
كَلبي يحتاج الطبيبه والكفيل منين أيبه
تـنـكَطع بـاجـر جفـوفه
..............................................................................
اعيوني تذبل باجر وتنزف دمع ومني باجر يكسر السوط الظلع
راح ابقه ابيا مصاب وياوضع خاف صوتي من بعدهم ينسمع
من بعدهم مايظـل عــزي ودلالي
واني بيهم راسي بيهم جان عالي
والكَلب باجر نحيبه والكفيل منين اجيبه
تـنـكَطع بـاجـر جفـوفه
...............................................................................
بيه أكبر من جرح بيمن يطيب حزني منبر والدمع صار الخطيب
راح أبقه اليا بوجي ويا نحيب شلون بيه والكَمر باجــــر يغيـــب
والكَمر جـان يمسح ادموع اليتامه
يبقه عـنـوان لو بُـرَز يـوم القيامه
أنسبي أكبر عجيبه والكفيل منين أجيبه
تـنـكَطع بـاجـر جفـوفه


ياسر العارضي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نتراكض من خيمة الخيمة.
عشنه الطف والأمه وضيمة.

شردنه من الخيم والنار مرعوبين.
أحنه أولاد مسلم نركض مضيعين

وين أهلنه.


،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،

ركظنه والجمر لسعاته بالرجلين.
ورانه الخيل تركض واحنه مختنگين.
ولا واحد يدلينة بدربنه منين.
واتلفتنه شفنه اعلرمح راسين.

راس حسين وراس الكافل.
وراس القاسم واحد شايل.

ضعنه من الحرم فرينه عطشانين.
أحنه أولاد مسلم نركض مضيعين.

وين أهلنه.

،،،،،،،،،،،،،،،٢،،،،،،،،،،،،،،،،

وين المايخاف الله الي يلزمنه.
لبن زياد يتعمد يسلمنه.
عشنه بالسجن والصوط يظلمنه.
غير الباري محد لحظه يرحمنه.

أيتام وذبحوا والدنه.
أزغار وشنهو الذنب العدنه.

حتى من منام الليل محرومين.
أحنه أولاد مسلم نركض مضيعين.
وين أهلنه.

،،،،،،،،،،،،،،،،،،،٣،،،،،،،،،،،،،،،،،،،،،،،،،،،،،،،،،،،،


نحلم بالطف وذبح الأهل والنار.
ماننسه الرضيع ونبلت الأشرار.
ولاننسه العطش وحسين ظل محتار.
ظل وحده يحامي ومابقتله أنصار.

من رد لينه بلا عباسه.
ظل بالگوه أيشم أنفاسه.

أنكسر ظهره وصبحنه كلنه مكسورين.
أحنه أولاد مسلم نركض مضيعين.

وين أهلنه.
،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،،،،

لهلنه من يودينه ويوصلنه.
نريد أنشوف أمنه وزينب تهمنه.
حميده وين أختنه الما تفارگنه.
تعودنه اعل لمتهم تعودنه

وين بيا ديره انلاگيهم.
بلكت نگدر نرحل ليهم.

شردنه من السجن ننشد أهلنه منين.
أحنه أولاد مسلم نركض مضيعين.

وين أهلنه.

،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،

طحنه بأيد ظالم گال ماهدكم
بهذا السيف أريد اليوم اذبحكم
لاتبچون لا تحچون أعذبكم.
ما أرتاح ألا أنظر يصب دمكم.

منهو المنكم أول واحد.
أگطع راسه بسيفي الحاقد.

گناله الذنب شنهوا وخزرنه بعين.
أحنه أولاد مسلم نركض مضيعين.

وين أهلنه.

،،،،،،،،،،،،،،،،،،،،،٦،،،،،،،،،،،،،،،،،،،،،،،،،،،

نبچي من الرعب والخوف يسمعنه
ماعنده ضمير بحقده يصفعنه
ماعدنه ذنب وبسيفه يذبحنه
منهلنه ماكو كل واحد يودعنه.

متنه أزغار بدار الغربه
مذبوحين بأخبث حربه.

بچه أعلينه الحجر شاهدنه مذبوحيين
أحنه أولاد مسلم نركظ. مضيعين

وين أهلنه.
،،،،،،،،،،،،،،،،،،،،،،،،،، ،،،،،،،،،،،،،،،،

حيدرموسى الرميثي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


الاكبر طاح. .. منچ راح... ياليله.
مثله منين... أحصل وين.... گليله.

اليشبه محمد منذبح.
وبصدره چم طعنت رمح.
،،،،،،،،،،،،،،١،،،،،،،،،،،،،،

طاح من المهر وگليبي طاح وياه
أركظله گمت بلكت عدل الگاه.
متوذر لگيته والعطش اذاه
وطعنه بكل مكان بجسمه يجري دماه.

ألف طبره... وألف وذره.... وألف طعنه.
اليموت أبنه. شكبر ونه... شعظم حزنه.
صارت الدنيه ابلا صبح.
،،،،،،،،،،،،،،،،،،،،،٢،،،،،،،،،،،،،،،،
.
أشچم مره متت من شفته عالغبره.
صحت بويه علي يايمه يالزهره.
الأكبر مات ماشبعان من عمره.
كسر گلبي رحيله ومحد أيجبره.

وگع ضامي.. وجسم دامي. . يريد الماي.
الشمس تچويه.. وجروح البيه.شيعدهه هواي.
طعم الحيات ابلا ملح.

،،،،،،،،،،،،،،، ،،،،،٣،،،،،،،،،،،،،،،،،،،،،،،،،،

بحصيره اگبال عيني جمعوا أوصاله.
تغير حالي كلش من شفت حاله.
اشچم شامت يگلي أني چتاله.
وچم شامت يصيح أبنك علي شماله.

وگف گلبي. وصحت ربي. يساعدني.
على الدنيه. العفا بعدك. علي يبني.
مايشفه أبد هذا الجرح.

،،،،،،،،،،،،،،،،،،،،،،،٤،،،،،،،،،،،،،،،

للخيمة اجاچ استقبلي الغالي.
المگطع أگبالچ هذا دلالي.
ونيني أعليه ماينتهي للتالي.
حسبالي يضل وياي حسبالي.

بچه العباس... والأحساس. يتعذب.
تغير لون.. ابني شلون. تصد زينب.
تنظر للأكبر منطرح.

،،،،،،، ،،،،،،،،، ٥ ،،،،،،،،،،،،،،،،،،،،،،


احچي وياه وساكت ما يحاچيني.
الچان هنا يصابحني ويمسيني.
تركني وراح للحسرات توليني.
يليله راح مني وصورته بعيني.

مشه الجده. واضل بعده. اعيش الآه.
الحگه اليوم. كلي دموم. اروح وياه.
مثل أبني واحد مايصح.

،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،


حيدر موسى الرميثي.

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ماعنده المرض صاحب ولاذمه.
ملتمين چنه وطشر اللمه.
مابيه حيل اعلسفر.
كل أهلي راحوا والگمر.
انه العليلة.
............................................١

فراگ حسين أصعب من گطع انفاس
شلون وفوگ هذا فارگت عباس.
واذا زينب مشت شلي بعد بالناس..
يضل ينزف محنه الينجرح أحساس.

يكتله الشوگ المفارگ ابو اليمه.
مثل ليله نهاره يصير هم ظلمه.

الفارگ ولي يكتله السهر.
كل أهلي راحوا والگمر.

انه العليلة.

........................................٢

لمنغات عبد الله الگلب يشتاگ.
عمت عين المرض من فارگ العشاگ..
لا أگدر أگوم ولا احرك الساگ.
وأهلي بعاد وگليبي عليهم طاگ.


أون سكته وصدى السكته شثگل همه.
مثل مسجون گلبي وفارگ الرحمه.

بعيوني مرسومه الصور.
كل اهلي راحوا والگمر.،
انه العليلة.

...............................٣

الدرب كلشي طويل النوگ تتعثر.
رقيه شلون بيها بالشمس والحر.
أعرف انه أخيتي زغيره ماتگدر.
تتذكرني هيه والهه اتذكر.


من نحر الأبو مشتاگه أشم شمه.
بي ريحت علي وعطر الزچيه أمه.
فگد الأهل يكسر ظهر.
كل أهلي راحوا والگمر.
انه العليلة.
انه العليلة.
...............................٤

أنام وأحلم بچفين مگطوعه
صحت چفوف عمي ذني مفجوعة.
طاحت رايته لو لسه مرفوعه.
اسمع طاح گالوا كسروا ظلوعه.

بسهم مصيوبه عينه وغارگ بدمه.
وأحس مكسور ظهري وظهر أبو اليمه.
بالعمد راسه من أنطبر.
كل أهلي راحوا والگمر.
انه العليلة.

...............................٥

شما اغفه ارد لاحلامي والأحزان.
أسمع صوت ناداني أنذبح عطشان.
وأشوف خيام محترگه ولهب نيران.
وصراخ أطفال ماعدعم بعد وليان.

وراس اعلرمح وظلوع متهشمه.
وثلث تيام ضل اعلترب جسمه.

واعياله ضلوا بالخطر.
كل أهلي راحوا والگمر.
انه العليلة.

..................................

حيدرموسى الرميثي.

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يشبه جده الهادي الأكبر.

....... . .................. ١

من خلصوا أنصار العتره.
أول واحد ضحه بعمره.
راد الماي وماصح گطره.

گلبه الظامي أصبح يتفطر.
يشبه جده الهادي الأكبر.

..............................٢

حسين يودعه ويشتم نحره.
ضل أيشم بي عطر الزهره.
من ايودعه ابأخر نظره.

روحه يودعهه ويتصبر.
يشبه جده الهادي الأكبر.

...................................٣

صال الأكبر واشتد حيله.
وليله أمه الضلت تدعيله.
وزينب ضل مدمعهه أتسيله.


وليله التدعيله وتتنطر.
يشبه جده الهادي الأكبر.

..................................٤

مثل الكرار أومن يحمل.
اشچم فارس چم قائد يكتل.
يكتب والتاريخ أيسجل.

يوصل يمه محد يگدر.
يشبه جده الهادي الأكبر
................................٥

أبن المايخضع للذله.
برگبهم سيف الحق سله.
ضل رافع راسه وضل يعله.

هذا الفارس يشبه.حيدر.
يشبه جده الهادي الأكبر


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،..

حيدر موسى الرميثي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



كافل زينب يابو الغيره.

.............. ..........١


جيب الماي وشرب أطفالك.
من جودك يا حامي عيالك.
وحسينك ساكن دلالك

خل زينب ماتبقى بحيره.
كافل زينب يابو الغيره.

...............................٢

بچفوفك لو شلت الراية.
عدوانك ترجف من هايه.
ايعرفونك لو گلت حچايه.

والجيش ايحير بتدبيره.
كافل زينب يابو الغيره.

................................٣

أنت القائد وأبن القائد.
يالعباس أنت أجمل واحد.
وجهك نوره أيضل الشاهد.

من نورك هل تضوي الديره.
كافل زينب يابو الغيره.

.................................٤

يافارس يوصل لحدودك.
تتحكم بالطف بزودك.
ذليت الباطل بزنودك.

سيفك خوفهم تحذيره..
كافل زينب يابو الغيره.

.................................٥

احتليت الشط يابو الخوه.
سيفك بالعدوان شسوه.
كلك غيره وزود ونخوه.

سيفك من ينطق تعبيره.


،،،،،،،،،،،،،،،،،،،،،،،،،،،،،،،،،،،،،،،


حيدر موسى الرميثي.
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اشتاگينه انزورك يالغالي.
..................... ١

اشتاگينه أنشم عطر الحظره.
مانشبع من أبن الزهره.
أنريد أنواسي الشيبة الحمره.

ذكر حسين ايضل أبالي.
اشتاگينه انزورك يالغالي
....................... ٢


للمجلس واجب من نحضر.
نبچي اعلحسين ونتذكر.
ماننسه المذبوح المنحر.

بالهم مايسكت دلالي.
اشتاگينه انزورك يالغالي
........................ ٣

باچر يشفع النه بزوده.
العباس وتسگينه زنوده
بوصط الجنة انشاهد جوده.

ودمعاتي الصبت تحلالي.
اشتاگينه انزورك يالغالي

....................... ٤


بزيارتكم نلگه الرحمه.
أهل البيت وأعظم نعمه.
من العالم تنزاح الظلمه.

يابو الأكبر أنت الوالي.
اشتاگينه انزورك يالغالي
...................... ٥

لا مانترك هاي الخدمه.
أخلاق ودين وهم حكمه.
نتعلم وتزول الأزمه.

ونورك يحسين الضوالي.
اشتاگينه انزورك يالغالي

..،،،،،،،،،،،،،،،،،،،،،،،،،،،،،،،،،،،


حيدر موسى الرميثي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مسلم هز الكوفه بعزمه.
..................... ١
صارت بالكوفة الماصارت.
وحده والاف أعليه دارت.
والعدوان بسيفه أحتارت.

جيش ايزيد أشگد ماهمه.
مسلم هز الكوفه بعزمه

.......................٢

بس طوعه وموقفها أنذكره.
ضلت وي مسلم عد أمره.
رايتهم ضلت منتصره.

وجيوش الباطل منهزمه.
مسلم هز الكوفه بعزمه

.....................٣

ثابت بفكاره وأيمانه.
ماعاف حسين وقرآنه.
للحق ضل ينزف شريانه.

من خانت بي هاي الأمه.
مسلم هز الكوفه بعزمه

....................٤


يافارس يگرب من عنده..
واليوصل يم سيفه شحده.
يا ويل الي صاروا ضده.

ماتتغير عنده الكلمة.
مسلم هز الكوفه بعزمه

.......................٥


وسفه المظلوم أيغدرونه.
أبن الأطهار يذبحونه.
ومن قصر الكوفة يطيحونه

يكتب هالتاريخ بدمه.
مسلم هز الكوفه بعزمه

........................


حيدرموسى الرميثي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA