#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


كون مسلم بالطفوف ويه ابو اليمه حضر
وسوه نزلو للقتال مسلم ويمه الگمر
جان مظلت عساكر
********

نفرض فرض مسلم عدل والسيف ماحز نحره
ولكربله وياهم اجه ويه الكمر شد ظهره
ونزلو سوه للمعركه مسلم وراعي الگمره

تصور منهو النازل مسلم ويه الكافل
ياهو الراح يقاتل ياعسكر
أله من يطبوها بس ساعه يصفوها
والحومه يسوها جن محشر

واحد يسكت الجيوش شلون لوطبو سوه
ينعلن يوم الحساب ونفخت الصور اللوه
يبقه ملك الموت حاير
*********

مسلم والعباس الگمر بالحومه والجيش يشوف
جاه شردت اخيول وزلم وگلوب توگع وسيوف
يلگون موته بلاطعن يلگون موته من الخوف

حته الظل ماشارد حيله يخونه وگاعد
يابس دمه وجامد يشفونه
تغير وجه ولونه تسمع طگ سنونه
بس ادير اعيونه يلگونه

اليصد عباس اجاه يموت حيله ومايفر
ومسلم يشوفه وراه بيده يحفرله گبر
يموت مرعوب ويكابر
*********

من ينذكر اسم الگمر يخوف تره الزلمه الحيد
ولودخل ميدان الگمر لاركضه لاشرده تفيد
ونوب طب ومحتزم وي مسلم وايد بأيد

الجيش وكل اعداده يضيع عليه مشراده
وتختل روس القاده يضموها
اللحگ خلص روحه الشرده هناه مسموحه
تسمع خايف نوحه يسمعوها

عار لليشرد گبل وهسه لازلمه الشرد
واليفر من خوفه گام ليهم بجدمه يرد
الخوف شوف عيونه ساطر
********

مسلم يكض الميسره وعباس ع اليمنه يدير
ومن الصفر يبدي العدد وعزريل يرفع تقرير
باب لجهنم ينصب بالحومه مفتوح يصير

يصير الموت مغالب مسلم گام يعاتب
رايد حصه يطالب يشكيله
مسلم گال بهيده كضه عباس من ايده
يخلي جنود ايريده يخليله

گله موكلهم عليك خويه سبع الگنطره
جاه اظل انطر وراك بلكي واحد تعبره
اظل بالحومه اناطر
*******

لونزلو الحومه سوه وتحزمو الها حزام
حته الگصب يفزع يهد وياهم يصير اسهام
ويرتفع بس صوت البجي ويسمعه حته بالشام

الكافل ياخذ حيفه حاصل حل تنضيفه
يذري الروس بسيفه يصفيها
ومسلم من ذراها طشها ورد لماها
الروس عليه دناها يعدبيها

يگله مسلم لاتعد انه لجلك ماطگ
انه لوحدي اصول اطبگ بسيفي طبگ
والاريد يصير صاير
***********

يجسمون جيش المعركه يجسمونه بالطف اثنين
ويتغالبون عله الرگب ياهو اليخلص السبعين
ياهو اسرع ايطيح ألف ويرجع يسولف لحسين

كون حسين يشاهد بطرف الخيمه وكاعد
ياهو اكثر ياواحد ذلاهم
سكته تصير الوسعه صوت الريج تسمعه
ياهو اسرع بالرجعه حياهم

ياهو خلص حصته بساعه سكتها ورجع
وياهو ظل صوت الونين من حملته ينسمع
ياهو رد وگال حاضر
********

يلغون مجراه النهر وللخيمه مجراه يدير
وعبدالله يشرب لوعطش بكاروكه جواه يصير
ويتفرع بكل الخيم ويتعذر من التقصير


اجروفه تصير الخيمه وتشبع حته الهيمه
وتاخذ منه الغيمه يوزعونه
يوصل كل شفايف امر ومنهو يخالف
محد يضمه وخايف يسگونه

يصير كل ماي الفرات بأمر عباس الگمر
ومسلم يوزع ثواب وخيمته بصف النهر
وترتوي حته الضماير


علي مظلوم الجناحي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ودعت اخوي عله النهر لودعاني
ليش احس شوكلشي ميت بيه اني
بزنودي شو احس بألم
بعيوني لوعينه السهم
شوميت اني
***********

راح للماي وانه بهداي
تخوصرت حسيت جن ظهري انكسر
حيلي شوراح بداخلي صياح
راح مايرجع بعد ليه الگمر

گمت اشد حزام ظهري ويرخه الاحزام
وگامت عيوني تهل ونضر للخيام
لازم اصفاحي واحس مطعون بسهام
واسكت شما اصد زينب وخفي الألام

شما يبعد يزود الألم وتوجه حيلي
وكل خطوه اصيحن ياعلي ولزم دليلي
والدمع ظل مايلزم
بعيوني لوعينه السهم
شوميت اني

يرفرف ألواه وعيني وياه
شما يميل تميل روحي تريد تطلع
گمت احس نار حدر الگصار
واحجي وي روحي وگلها هسه يرجع

حيرتي حيره وگمت افرگ بديه
الدنيه صارت جن لحد ضاگت عليه
منين مادير الوجه موت ومنيه
اصعب من الموت ثاري العافه اخيه

يموت سكته الراح من عنده عضيد
وحشته وحشت گبر ويظل وحيد
بلحظه حيله ينهدم
بعينه لو عيني السهم
شوميت اني


غاب ع العين حزام الحسين
وانه خايف جنت من نهر الفرات
وسمعت صوت بنبرت الموت
خويه ادركني لاجن كل حيلي مات

بخطوت المحتار امشي والنفس ظاگ
موش للملگه احس امشي للفراگ
وصلت يم عباس لنه حاضن الراگ
خويه گلي وانه الها اهواي مشتاگ

حاطه بحضني وبقيت بحيره يمه
ألجم اجروح اخاف من ارد اضمه
راسم بصفه خيم
بعيني لوعينه السهم
شوميت اني

وحدي رديت شلون رديت
لااخو لاحيل مكسور وحيد
طاح عباس وصاحت الناس
بيمن تزامط بعد طاح العضيد

امشي والخطوات تعثر بيه كسره
الب شدد ويروح اخيه يحني ظهره
شحجي ويزينب وزينب بيها جمره
شلون اگلها كافلج انطاج عمره

كون من تسألني ماتنزل دموع
ويمها ألم طولي ولا اكض الضلوع
ولو برسومي انرسم
بعيني لوعينه السهم
شوميت اني

الموت اناديه مايجي شبيه
انه من طرت الفجر كل ساعه اموت
كلها راحت وستراحت
مثل جناز اصبحت بحبابي زاتوت

موتي اول تالي ونلم بحصيره
ونسحگ بالخيل اقبل بالظهيره
لجن زينب تنسبي زينب جبيره
وتدخل الكوفه اسيره ومو اميره

خل ترضني خيولهم ودوس بيه
ولاتطب زينب ابد ديون اميه
اظل يوميه انلجم
بعيني لوعينه السهم
شوميت اني


علي مظلوم الجناحي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


لمته ترد مات الورد
وبجفاك دلالي انمرد
بعيوني مامر النوم
والموت حيل اشوالي
***********

روحي تون والونه بس ردتها
والروح لوطلعت صعب ردتها
شوفت عيونك بس فقط رادتها

ظلمه الظهر گمت انعصر
صح عدله لجني بگبر
مثل الگبر ضيم جفاك
واللحد يتراوالي
************

ماباقي لمك من رحت حاللها
فرگتك صعبه وماكو ابد حاللها
جروح البعد مو بالعمر حاللها

اللحظه بعمر لمن تمر
تسعر وماتبرد جمر
لايرهم اوياها اخياط
مايشفه جرح الغالي
********

اسألمن انه بغيبتك ونشدمن
ونعوف گلي ياجرح ونشدمن
لوتدري حالي بغيبتك ونشدمن

بطور البجي مات الحجي
ماامشي صرت أله انتجي
والوني ون حته الطوف
وحته العدو ونالي
*******

حادي الضعن لمن حده ودارها
جن نار تسعر بالگلب دارها
وحشه ومظلمه من رحت دارها

الراحو هله بلوه ابتله
شما يكتم بونه عله
والفارگت مثل حسين
الموت اول تالي
******

مثل السهم روحي البعد صابها
ولم الوكت كل نايبه وصابها
عيوني احس جاري الجفن صابها

عيوني انعمن مضيعه وطن
والفارگ احباب يحن
عليك اسأل الراح ورجع
مامش خبر ردالي
**********

غير الحزن محد وصل طابلها
والعله زادت مانفع طابلها
عندك عليله بسفرتك طابلها

تبجي وتون تگلي الضعن
لمته يرد لرض الوطن
گالالي اوديلج علي
ولهسه ماودالي


علي مظلوم الجناحي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نلطم وننصب عزاء. لويحل اعظم وباء
المجالس هيه رحمه وينرفع بيها البلاء
*
واجب انقيم الشعائر او واجب اندگ الصدور
الدنيه ظلمه ابلا مجالس والمجالس هيه نور
شلون ماننصب عزائه الرَخّص الدِينه النحور
واخـــته لـيــهسه غـريـــبه ودَم ابــو صـالـح يــفـــور

باچر يهل الهِلال. ومانواسيها مُحال
الزهره من تنشر قميصه ابدمّه بعنان السماء
****
بكل ارض ننصب عزائه ونلطم اعله الضل سليب
حسين حُبه بدمنه ساري اي وحگ خده التريب
شـلـون تــقـنعها الــعوابس هالـسنه ماكـو نـحــيب
فشله من امه الزچيه حسين هم يرجع غريب

قسم بالسبعه الشِداد. والرفعها بلا عِماد
امنيتي بالمجلس اموت. وهذا موگد الوفاء
****
كون اموت وهذا حلمي بيوم عاشور المُصاب
والــتـقي ويـه حـبـيـبي (امـطـــبَّر )ودمـي خـضـاب
بالــحـشر باچــــر تـِــنادي الــزهـره بـيــديها الـكـــتاب
تنادي كلمن چان حاضر فشله لوعندي غياب

شراح اگولن ياجواب. لوطلع عندي غياب
الوباء يمنعني فشله. وماحضرت آنه العزاء
*****
شلون اعوفه وهذا خيري كــله من چف الامام
انطــاني بيت وسِـتَر اهـلي بـيـوم حرگـوله الـخِــيام
شـلـون انام وتــغـفه عـيني واخـــته بالـبر مـاتــنـام
راحــــت ابــناگـــه هــــــزيله وگـيـّداها ابـــــــن الــــــــحـرام

راحت بنوگ الهزيل. وسفه دمعتها تسيل
بت علي حامي الحميه. . تروح ويه الادعياء
******
شلون مااحضر عزائه وبِذْني (هل ناصر)يصيح
الوحـده ومـحد فـزعــله وطــاح بالــحــومه ذبــيــــــح
وتركض ابنــيّــته رقــيه دگــوم چــم مـرّه. وتـطــيح
والـخيام ارمـاد صـارت شـلـون اهـدء واستــريح

بعيني مرسومه الطفوف. وغيرها لامااشوف
هذا حال العاشقين. مُحرم وطف كربلاء
******
عمار حسن الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(كأني بمولاي صاحب الزمان( عج) يبعث رساله الينا ويقول)

ليليه آنه ادوّر … وين اكو مأتم
المصيبة كربله دمعاتي من دم
انه اجروحي نديّه احضر كل عزيه.
*
يالتنشد عليه ورايد اخباري
احضر بالعزاء امگابل القاري
يـمك آنه بــس انـتـه ولا داري
والمجلس انصبه آنه بقراري

واحد واحد الخدام اعرفكم
واليخدم صدگ اعلى مراتبكم
والينشد عليه. احضر كل عزيه
***
يالرايد شوفتي وتقره دُعائي
وتِريد اتصير جندي في لوائي
اذا فعلاً الي …… انته فدائي
اريدك كون ماتترك عزائي

اشما تحضر مجالس يمي تقرب
واذّكر الضامي اشما عذب تشرب
عطشان ابورقيه. احضر كل عزيه
***
انه اباب المجالس واگف امتاني
اسجل اسمائكم واحد وره الثاني
واذا ماكو حضور ..… اتزيد احزاني
من ناس اشكثر ..… ليهسه اعاني

يبعدون وعليّ بيدي اجيبنهم
المجالس باب رحمه وخير الهم
تُوّصلهم اليه. احضر كل عزيه
****
والينـشد عليه ورايد احـوالي
عبدالله برمح ضل ايتراوالي
ونياگ الهزايل صارن اخيالي
والتل والعطش سكنن ابالي

مصايب كربله بس بيهن احچي
ونهار وليل من دم ..… آنه ابچي
انه ادموعي جريه احضر كل عزيه

****
الــيـبچــيـني دِمه ويـهــيّـج آلامـي
مذبوح جدي من الگفه وضامي
وضل اعله الترب مشمور دامي
وعقيلتنه تِنادي احترگن اخيامي

ولافزاع اجاها ...وطفّه الامخيم
ويلاه اعله عمـتي منـين تسلم
مشت عمتي سبيه. احضر كل عزيه
**
اليـواسيـني يريد اعله المـصايـب
يقره الناحيه ويشوفني شكاتب
عـمامي وجدي ضلو عالتـرايـب
والـعيله انسـبت واطـب خـرايب

راحن للسبي.......ونياگهن هزّل
اعلينه اصعب مِن شِدة المقتل
انه مهدي الزچيه. احضر كل عزيه
****
تمت القصيده برعاية المولى صاحب العصر والزمان عجل الله تعالى فرجه الشريف
عمار حسن الدراجي ......

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


امتانيه يرجع ضواها ضلت العين
منين اجيب الفارگاها انشـد منين
يومي گاضيته نحيب. من فجر حد المغيب
امتانيه. امتانيه
****"**********
امتانيه ترجعلي يمته... العمر سكته
يخلص ابساع
خاف اموت وماتجيني... وياحنيني
يهزني كلساع

مشتاگه الك.. وتدري باليشتاگ مايسكت ونينه
مشتاگه الك.. وتدري اليفارگ ابد ماتغفه عينه

بويه چا يمته تجون. راح تعمه هالعيون
حيل عذبني الحنين. ها يبو گلب الحنون

امگابله الباب واتاني دگت الباب
امناطره اتلـگه غالـي من الغياب
هذا حالي يالحبيب من فجر حد المغيب
امتانيه امتانيه
********
الطير لو مايلگه عشّه.... يشوف نعشه
ويبقى حزنان
وچان عشّي بويه حضنك. ومن احضنك.
ينطيني امان

آنه بنتك... نبض گلبي ودمي كله اليسري بيه
آنه بنتك...مـن عـفتـني ادري بالك ضل عليه

بلحضة العني مشيت. صرت ميته ومادريت
شلون من بعدك اعيش. الفاتحه الروحي قريت

الدنيا مـاريـدنها والله التـاخذ اعـزاز
شلي بيها الخذت مني دوم اله اعتاز
موتي انتضره قريب. من فجر حد المغيب
اماتنيه. امتانيه
**
امتانيه وانطر خبرهم... وين حدهم
يمته يجون
اعزاز كـلهم فارگـتهم.... وياعطرهم
تارس الكون

احباب الي... مشو عني ومن مشو وگفت حياتي
احباب الي... من فارگوني فارگت كل أمنياتي

من بعدهم وين اروح. منترس گلبي جروح
الليل يخلص ما انام. الليل گاضيته انوح

طـبع اليـفـارگ ابـد مايـعـرف النـوم
ماتغمض عينه لحضه الشابع اهموم
اجروحي بعده ماتطيب. من فجر حد المغيب
امتانيه. امتانيه
****
امتانيه وامـنيتي هـيه..... يردون اليه
الچانو ضواي
وافـتح البـاب ابئديه..... والرقيه. انطيها ماي

اعزاز عندي... واعز من روحي لچنهم فارگوني
اعزاز عندي... وليش الاعزاز الاحبهم عذبوني
حيل غـدار الزمـان. ابد مابي كل امان
ثاري متعود يخون. وفارگاني اويه الحنان

راحـو وعـافـولي ذكرى اتعذب الروح
حسين ضل ابداري عطره بعده اليفوح
موحش امچانه وكئيب. من فجر حد المغيب
امتانيه. امتانيه
******
ابلا ابو ولا اخوَه صعبه.... انعيش غربه
ابأي مكان
افـراگكم يـعـني انـتكـسّر.... وانتحسّر.
اعله الاخوان

مَرني حلم..... والحلم انطاني شفته اشكم علامه
مَرني حلم.... چنه مذبوح الولي وحگرو خيامه

كل خيامه امحرگات. وإله بالهيمه بنات
شفت فوگ التله حرمه. اتنادي احنه امخدرات

بعد ماحـرگو خيّمهن جابو احبال
التمو اعليهن شفتهن بين الارجال
وعالرمح راس الغريب. من فجر حد المغيب
امتانيه. امتانيه
***********
عمار حسن الدراجي....

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

انين العليله.

راحو هلي وضليت. الوحدي بالبيت
لا رقيه ولا سَكينه وكل خواتي
ويه الضعن كلشي مشه حته امنياتي
حته امنياتي
*
سار الضعن سار. وبروحي شبت نار
نار المصايب. وجرح النوايب الفگد الحبايب تبچي تضل الدار
ويلي.. راحو اعزاز اعله گلبي ومااجوني
ويلي.. ريت ميته ولامشو عني وجفوني

ويلي.. بعيني اشاهدهم مشو ذيچ المسيه
ويلي.. والـيفارگله مـحب ايـتـاني الـمـنيه

عينه تضل عالباب. كلمن فگدله احباب
وانه افگدت اهلي وبعد شلي بحياتي
ويه الضعن كلشي مشه حته امنياتي
حته امنياتي
****
صاح الگلب صاح. من والدي راح
راح ابقه اناطر. جبر الخواطر وهاي النواضر ابشوفته ترتاح

عيني. ماتشاهد بس صوركم تدري بيها
عيني. راح تعمه وما اضن تلحگ عليها

عيني. عبدالله ماتحمل تره ساعه الغيابه
عيني. فدوه تروح المهده وگماطه وثيابه

عنكم ردت اخبار. طارش يجي لدار
گد مااسولف وحدّي نشفت لهاتي
ويه الضعن كلشي مشه حته امنياتي
حته امنياتي
****
طال البُعد طال. اعليه ماضل حال
الفگد الغوالي. عضمي يلالي. وحدي ولحالي. واهمومي اثگال

روحي ابيش اصبرها انه عالفارگوها
روحي. طفله والطفله شكثر تهوه ابوها

روحي. تنشدني وين الچانو السلوه اليه
روحي اضن تتركني وتهج للغاضريه

طال الصدى يحسين. عني رحت چاوين
بويه تعال ابداعت ارقيه وغلاتي
ويه الضعن كلشي مشه حته امنياتي
حته امنياتي
**
ذاب الگلب ذاب. من فگد الاحباب
عابت زماني. طگني ورماني. چم دوب اتاني ومجابله الباب

ادعي. ونخه جدي المرتضى ايردون اليه
ادعي."أمّن يجيبو"كل فجر بثنين اديه

ادعي. ترجع رقيه بالضعن مثل الاميره
ادعي. كل مغربيه ودمعتي تنزل چبيره

ودموعي تنزل نار. ياروحي مدري اصار
ارجف اضل وتغطه من خوفي بعباتي
ويه الضعن كلشي مشه حته امنياتي
حته امنياتي
**
منين ايتني منين. تبعد علي يحسين
خالي مچانك. استورح حنانك. ضايع امانك ياضوه كل عين

بويه. امجابله اهدومك وون بويه بحجرتك
بويه. امساهره ودمعي يصب ونطر رجعتك

بويه. الوادم مشيت الغالي ابدن مايثمنوه
بويه. خاف عطشان وعليك الماي منعوه

ويويعني مگفاي. شما جابليت الماي
تاخذني حسباتي واتيه ابنايباتي
ويه الضعن كلشي مشه حته امنياتي
حته امنياتي
*
هاج الجرح هاج. يانصرة المحتاج
آخر كلامي. ابعث سلامي. لهلي وعمامي
ياوالدي التاج

أرسل مكتوبي هذا بالدمع بويه كتبته
أرسل. منك خبر بلچن ترد والله نطرته

أرسل. ويه كل طير اليمر من داري طاير
ارسل. ضوه عيني ودليلي وروحي باچر

اتمنه روحي اتصير. طيره وتجيك اطير
اوصل الك يابويه اضل ادعي بصلاتي
ويه الضعن كلشي مشه حته امنياتي
حته امنياتي
******
الشاعر عمار حسن الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


انين العليله.

راحو هلي وضليت. الوحدي بالبيت
لا رقيه ولا سَكينه وكل خواتي
ويه الضعن كلشي مشه حته امنياتي
حته امنياتي
*
سار الضعن سار. وبروحي شبت نار
نار المصايب. وجرح النوايب الفگد الحبايب تبچي تضل الدار
ويلي.. راحو اعزاز اعله گلبي ومااجوني
ويلي.. ريت ميته ولامشو عني وجفوني

ويلي.. بعيني اشاهدهم مشو ذيچ المسيه
ويلي.. والـيفارگله مـحب ايـتـاني الـمـنيه

عينه تضل عالباب. كلمن فگدله احباب
وانه افگدت اهلي وبعد شلي بحياتي
ويه الضعن كلشي مشه حته امنياتي
حته امنياتي
****
صاح الگلب صاح. من والدي راح
راح ابقه اناطر. جبر الخواطر وهاي النواضر ابشوفته ترتاح

عيني. ماتشاهد بس صوركم تدري بيها
عيني. راح تعمه وما اضن تلحگ عليها

عيني. عبدالله ماتحمل تره ساعه الغيابه
عيني. فدوه تروح المهده وگماطه وثيابه

عنكم ردت اخبار. طارش يجي لدار
گد مااسولف وحدّي نشفت لهاتي
ويه الضعن كلشي مشه حته امنياتي
حته امنياتي
****
طال البُعد طال. اعليه ماضل حال
الفگد الغوالي. عضمي يلالي. وحدي ولحالي. واهمومي اثگال

روحي ابيش اصبرها انه عالفارگوها
روحي. طفله والطفله شكثر تهوه ابوها

روحي. تنشدني وين الچانو السلوه اليه
روحي اضن تتركني وتهج للغاضريه

طال الصدى يحسين. عني رحت چاوين
بويه تعال ابداعت ارقيه وغلاتي
ويه الضعن كلشي مشه حته امنياتي
حته امنياتي
**
ذاب الگلب ذاب. من فگد الاحباب
عابت زماني. طگني ورماني. چم دوب اتاني ومجابله الباب

ادعي. ونخه جدي المرتضى ايردون اليه
ادعي."أمّن يجيبو"كل فجر بثنين اديه

ادعي. ترجع رقيه بالضعن مثل الاميره
ادعي. كل مغربيه ودمعتي تنزل چبيره

ودموعي تنزل نار. ياروحي مدري اصار
ارجف اضل وتغطه من خوفي بعباتي
ويه الضعن كلشي مشه حته امنياتي
حته امنياتي
**
منين ايتني منين. تبعد علي يحسين
خالي مچانك. استورح حنانك. ضايع امانك ياضوه كل عين

بويه. امجابله اهدومك وون بويه بحجرتك
بويه. امساهره ودمعي يصب ونطر رجعتك

بويه. الوادم مشيت الغالي ابدن مايثمنوه
بويه. خاف عطشان وعليك الماي منعوه

ويويعني مگفاي. شما جابليت الماي
تاخذني حسباتي واتيه ابنايباتي
ويه الضعن كلشي مشه حته امنياتي
حته امنياتي
*
هاج الجرح هاج. يانصرة المحتاج
آخر كلامي. ابعث سلامي. لهلي وعمامي
ياوالدي التاج

أرسل مكتوبي هذا بالدمع بويه كتبته
أرسل. منك خبر بلچن ترد والله نطرته

أرسل. ويه كل طير اليمر من داري طاير
ارسل. ضوه عيني ودليلي وروحي باچر

اتمنه روحي اتصير. طيره وتجيك اطير
اوصل الك يابويه اضل ادعي بصلاتي
ويه الضعن كلشي مشه حته امنياتي
حته امنياتي
******
الشاعر عمار حسن الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(أدب الامام العباس ع)
------------------
غيــرة العـباس مضرب للمثل
مِثل ابوفاضل اخو لاماحصل
ينشد الاكبر عله اعيون الحُسين
هنه يالون وينشده بكل خجل
ماشايل راسه المولاه
محـد سـوّاها السـواه
ماناضـر بعيون اخوه
والـكافل شـيال الـواه

ابو فاضل.... رب الادب والـزود
ابوفاضل.... مـثله فـلا مـوجـود
ابوفاضل.... راعي الكرم والجود
ابوفاضل دخيلك....
*
هوّه دستور الوفه بچفوفه خط
وللـعـطاشـه بكربله چفـينه شط
مـاتگـمّط بالـمـهد واگماطه چان
بـراية الـكــرار والـخـوّه تـگـمّـط
عـالِـم واعـلــومـه نـُبـراس
ويگوطر وجدانه احساس
الفـقره يـسمـونـه الحـنـين
وبالحومه يسمونه العباس

ابوفاضل... خالق الحب والحنان
ابوفاضل... بذكره نشعـر بالامان
ابوفاضل... مـن عـجـائب الزمان
ابوفاضل دخيلك

بالامـبـارز مـحــد اگــبـالـه وگـــف
خزر مـالـك مالـك الاشــتـر رجــف
گلب ماچنت اهيّس الـي مـوجــود
من خزرني يگول احس بگلبي رف
بخزراته اطيح الفرسان
ومبريّد حيل الشـجعان
تـتـعثر فـرسـان وخـيل
من يطب وسط الميدان

ابوفاضل... عـلـي چـنّـه بالـحــروب
ابوفاضل... لحسين كشاف الكروب
ابوفاضل... هـوّه معشوق الـقلـوب
ابوفاضل دخيلك
**
مــن لـگـمر احنه تعلمنه العشگ
وبـفـضـل امّه گلـبنه يـحـتـرگ
إقـره الفاتحه الـروح ام الـبنـين
اعيون من ادموع بعيونك تطگ
انخاها من تدخل عزاء
اتصـير اگـبالك كـربلاء
الطاهر ايشوف الحُسين
ويشوف سلطان الوفاء

ابوفاضل... طهّر روحي والفؤاد
ابوفاضل... كـون مـاذب السـواد
ابوفاضل... انـته عـطـاي الـمُـراد
ابوفاضل دخيلك
****
من گُـمـرنه كــون نــتـعلـم ادب
ونفتخر خدام موشرط الحـسَب
من الانصار اشكثر چـانـو عبـيد
وبـدفتر الـزهره اسمـهم إنكـتب
والشاهد عابِس وجون
چـانو مـن سـود اللـون
جون إگباله ابيض صار
وعابس اصبح مجنون

ابوفاضل... إخوَّتي ايگلهم چان
ابوفاضل... رافـع الــهـم الـشـان
ابوفاضل... شـد عـزم للـمـيـدان
اابوفاضل... دخيلك
***

عمار حسن الدراجي.....


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يبو فاضل. يادخيل عيونك
*
يازود وفعل. ياراعي الفضل
يانبع الكرم. مشيني عدل
روّاي الحرم. حماي الخيم
ياغيرة علي. يالاسمك علم

ياراهب. ياغالب. يامالك الحرب
ياقاهر. ياضاهر. عالكافر رعب
يبو فاضل يادخيل عيونك
*****
ياهيبه وشهم. ياشيخ الزلم
ياليث الحرب. عباس الاسم
لحسينك اخو. نعمين وكفو
يارب الوفـه. سلطان البدو

ياعالِم. يادايم. ماميت ابد
احبابك بترابك. تشفه ياضمد
يبو فاضل. يادخيل عيونك
*******
ياكشخت علي. ياواضح جلي
بالليل الگمر. بنورك ينجلي
ياچنك شمس. تفسيرك نحس
تخافك الخلگ. من جن وإنس

ياواضح. يافاضح. شمر وحرمله
عنوانك. ميدانك. رب المرجله
يبو فاضل. يادخيل عيونك
****
ادخيلك ياسبع. يالچفك نبع
لحسينك ضهر. ولزينب ضلع
حماي الخدر. ياسور وستر
ياچف حيدره. ثگيله بالصطر

ياشامخ يافاضخ. هامات الكفر
ياعابد. يامارد. ولشافك يفر
يبو فاضل. يادخيل عيونك
*********
يالطولك بحر. ولشافه انسحر
جمالك ياكمر. الاول عالبشر
اميري ياملَك. عبدك وسألَك
اريدن اخدمك. اخذ روحي الك

مشيني. وخليني. يم بابك عبد
مسكينك. وبعينك. تنضرلي اود
يبو فاضل. يادخيل عيونك
********
ارزقني ازيارتك. واطوف بحضرتك
تدريني انه. هواي امحبتك
نبضاتي تدگ. عباسي العشگ
حسيني بالدمه. يجري بكل عرگ

معشوگي. بعروگي . ابوكم حيدره
بحساسي. بنفاسي. سبع الگنطره

يبو فاضل. يادخيل عيونك
****
يافارس مضر. ياضي النضر
يكزبر الجلد لواسمك حضر
بالطف من رحت. عالحومه صحت
طاحت الارض. وانته ماطحت

يافارس. ياواهس. ابو اليمه چنت
بطفوفك. معروفك. للخوّه صنت
يبو فاضل. يادخيل عيونك
****
عمار حسن الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(موشح للية العاشر)

شلون حالچ من اجه وكت الضهر
وللمـخيم مـن رجـع خـالي المـهر
********
شلون حالچ من سمعتي هالخبر
صاحو حـسينچ گطعـناله النحـر
ها يزينب صـدره بالخـيل انكسر

الخيل صعدت فوگ الحسين الطهر
شلـون حـالچ مـن اجه وكت الضهر
*******
شلـون حـالچ ها يبت سـيد الرسل
شفتي اخوج ارماح متروس ونبل
حسين طايح والـشمر وسفه عدل

والاعـمـامه هوّسـت بـيهـا الـكـفر
شلون حالچ من اجه وكت الضهر
*******
شلـون حـالــچ والــطـبل بـذنـج يـدگ
شفتي اخوچ حسين مات من السحگ
ولـخـــيام اگـــبال عـــيــنـچ تـحـتـرگ

وكل بنـات حسين داسن عالجمر
شلون حالچ من اجه وكت الضهر
********
شلـون حالچ من اجو يم خيمتج
بين ناس انجاس صـارت عفـتج
حرمه انتي وذَبّحـوا كـل اخـوِّتچ

وصرتي بين اسياط وعياط وزجر
شلـون حـالچ من اجه وكت الضهر
********
شلون حالچ والشمر جاب الهزل
وشدو ايـدين الـفـواطـم بالحبل
ويـن نـمـتن لـيلـچـن لـمـن يچل

النـوگ صـارن للـحـرم تالي سـتر
شلون حالچ من اجه وكت الضهر
*********
شلون حالچ من اجه ليل اهدعش
والـعـزيـز حسـين ضـل بـلا نـعـش
چم گـلب علـويه هالليـله انخـمش

وجـم متن بالسـوط ويلي منهطر
شلون حالچ من اجه وكت الضهر
*********
شلـون حـالچ مابـگه عـندج حمه
عمـت عيني اعلـيچ يابت فاطمه
اتنوح لمصابج بگـت ارض وسمه

شلـون زيـنب تـمـشي تالي لليسر
شلون حالچ من اجه وكت الضهر
**********
عمار حسن الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

سلام الله عليك بحرگ الخيام
يبو گلب الحنين البي سهم نام
*****
سلام الله عليك بكثر الاجروح
يبو جروح الچثيره ونحر مذبوح
وعليك تحوم زينب وانته مطروح

وتشوفك ياحبيبي امترّس اسهام
سلام الله عليك بحرگ الخيام
*****
سلام الله عليك بگلب مفجوع
الـعينك عالخيم وتهل الدموع
وعله خنصر يمينك واعله الضلوع

بحوافر خيلهم كسرولك اعظام
سلام الله عليك بحرگ الخيام

*********
سلام الله عليك بگد الگلوب
النجرحت عليك وضلت تلوب
نايم عالثره وعالوجه مگلوب

وعليك الگوم كلها محزمه حزام
سلام الله عليك بحرگ الخيام
*******
سلام الله عليك بچفك الكون
ورضيت بخيلهم فوگك يسحگون
عليك اشكثر يرحون ويردون

وبقيت اعله الترب مطروح ايام
سلام الله عليك بحرگ الخيام
******
سلام الله عليك ابدمع نهران
يمك ماي ويذبحوك عطشان
عمت عني عليك شلون عريان

يعوفونك عالترب جدام الايتام
سلام الله عليك بحرگ الخيام
****
سلام الله عليك بگد الايام
مشت بيها العقيله وطبت الشام
ورقيه بالخرابه شافت احلام

فزّت واعله ايدك رادت اتنام
سلام الله عليك بحرگ الخيام
****
سلام الله عليك بگد الارماد
من حرگ المخيم والضعن باد
بلا رايه الوطنكم بالحزن عاد

نسوان الاجت مذبوحه الازلام
سلام الله عليك بحرگ خيام
****
عمار حسن الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يالنايم بطول النهر جاوبني يحزام الضهر.
من ينكسر ضهري گول انگطع نحري
*
جاوبني يـحزام الضـهر يالبيك انه حيلي اشـد
اعليمن بعد آنه انتچي وبيمن بعد خويه اهد
يالتارس خيامي ضوى بياعذر اجاوب من ارد
من نومتك راح السهـم يگــطع الي هرش الچبد

يالصووبت چبدي بسهم والحيل ياخويه انهدم
من طيحتك تدري گول انگطع نحري
*****
فگد الاخو ماينحمل مو كل اخو مثلك يصح
يالشوفتك چانت دوى وتشافي اليه كل جـرح
عباس كل عمرك الي تفييلي من شمس الصبح
ياهـــو اليـفيـيلي بــعـد وكـت الـضـهر مـن انذبح

اتفييلي چنت برايتك. وتباها آنه بهيبتك
من ينسحگ صدري گول انگطع نحري
**
يالي اكسرت عظم الضهروالحيل من دونك رخي
ياهـو الاحـشـمنّه بـعد دونك انه ابياهو انتخي
ياخويه من يوم الصرت ماگتلي فد مرّه (اخي)
وكل عمرك اتلبي طلب زينب چنت الها سِخي
بالخيمه زينب تنتضر. وشراح اگولن ياعذر
ولومانفع عذري. گول انگطع نحري

*
الوحّدي وشلون ارد دونك يشيال اللوى
بالخيمه زينب تنتضر تدعي نرد ليها سوه
عباس گوم الخاطري بعيوني مو مات الضوى
وانته هواي البيك اشم وبنومتك ماشم هوى

ضليت انه بين العدو. الوحّدي من دون اخو
ولو بيّنت كسري. گول انگطع نحري
***
عيون الشماته تصد الي فرحانه اشوفنها العده
ياخويه سَمعُوني حچي باقي الحُسين الوحده
يمرجف العسكر چنت من طيحتك توّه هده
وانه انكسر من الضهر واتشمتو اهل الرده

راح ارد كلي حزن . اكض خاصرتي واون
ودموعي من تجري. گول انگطع نحري
*
عمار حسن الدراجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(للناحيه) رحت وقريت اشصار بيك
حين الهويت من المهرخيل اعتنت ليك

وطئتك ونته جريح. گبل لاتوگع ذبيح
عينك اتصد للخيام. دگوم چم مره وتطيح
حُسين... يااباعبد الله. حُسين... يااباعبد الله
*
ابحر الضهر ياسيدي وحيل العطش اذاك
وماي العذب بيد الكفر محد اجه وانطاك
ولدك ذبايح عالترب ونصاب راعي الواك
لاحامي ضل اعله الخيم وتحاصرت بِعداك

ادير الوجه صوب الخيم تحجبهن الخيل
وكثرت جراحك ونهدم من عندك الحيل

للخيمتك رايد تروح. الف وتسع ميه الجروح
تزحف ودمك يسيل. دمك الطاهر سفوح
حُسين... يااباعبد الله. حُسين... يااباعبد الله
**
مشغول بالك عالخيم وبيك الجروح هواي
والينجرح ويصب دمه يـعطش يريد الماي
بروحك تـنازع وحـدك فـوگ الترب مـولاي
مجهول قدرك ياوسف مـحـد سـمـعلك راي

فوگك گعد شمر الخنه ومجرد السيف
وزينب تشاهد مصرعك باليقضه مو طيف

﴿مرضيه} نفسك للسماء. عرّجت كلها دِماء
والاخذ روحك حُسين خالقك نفسه أشاء
حُسين... يااباعبد الله. حُسين... يااباعبد الله
****
جسمه بقه فوگ الثره وراسه برمح رفعوه
وثوبه تفرهد والجسد عاري الجسد خلـوه
صدره انطبع ويه الضهر من كثر ماسحگوه
ضلوعه ترست نينوى وحته اصبعه گطعوه

يگول العليل آنه استمع تكسير الاضلوع
وانضر على عمتي وصب جمرات الادموع

لن صارت الدنيا ظلام. وصلو احدود الخيام
هجمت اعلينه الخيول. حرگو ابيوت الامام
حُسين... يااباعبد الله. حُسين... يااباعبد الله
**
هجمو عله اخيام الخدر والخيم مابيها باب
فرهدو كلشي بخيمنه وعالمهد عـين الرباب
طشن بوادي المـنايه والامان اصـبح سراب
لا امان الـ ﴿آل طه} امـكشره اعليها الذياب

مِن الخيم طلعن ركض من شبو النار
وزيـنب تـنـادي ياعلي احـضر يـكـرار

النسوه طلعن مُعولات. صارخات ولاطمات
لا گمرهن لا حُـسـين. بس صهيل العاديات
حُسين... يااباعبد الله. حُسين... يااباعبد الله
****
طلعت الاتيام تركض وتتجه ماتدري وين
النار والخيل اشكثر واسياط تتلوّ الادين
نَضرت الشمات الها امضه من ذبح الحُسين
الـيمد ايـده تشـگفه شلون بلّي ايمدله عين

لن چلجل اللـيـل وصفن ماعـدهن اخيام
بالهيمه زينب والخدر ماتگدر اتنام

هاي المصيبه ياناس حطّو عليهن حراس
كفار تالي ايحرسون. بعد الكلفلهن عباس
حُسين... يااباعبد الله. حُسين... يااباعبد الله
***
ليل اهدعش كلش صعب وحدهن العلويات
وبالهيمه ماعدهن خيم كل الخيم محترگات
ايخلصن الليل ابرعب بالغربه ما متعودات
چانن اميرات الخلگ تالي اصبحن مسبيات

اعله الهزايل صَعدّو مچتوفه الاتيام
للكوفه يـحديها ويرد ياخذها للشام

عن الاوطان اتـنزحون . بيد الكفر تنساقون
وگبالكم تمشي الروس. ايعينچ الله يام عون
حُسين... يااباعبد الله. حُسين... يااباعبد الله
***
عمار حسن الدراجي
....

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(ان الامام الحُسين ع اخذَ بثأره وذاقَ العدى سيفهِ حر نارهِ وبقيَّ ثأرهُ مُعلّقٌ في السماء حتى يضهر القائم المهدي ع الحُسين ثأر الله )


حُسين ثار الله. حُسين ثارالله
طـلع مـن خيـمـته مولاي عطشان
ركض للحومه ياخذ ثار الاخوان
فقاره بيمينه..... حُسين اباعبدالله
ومعصّب جبينه....حُسين اباعبدالله
شَدحيله علـيهـم بس حيل تـعـبان
طـلع مـن خيـمـته مولاي عطشان
حُسين ثار الله. حُسين ثارالله

****
رغم ذاكه العطش والضّهر مكسور
فـاگــد انصاره وبنينه بضُهر عاشور
وعباس واخوته چانو اربع ابدور
دخل ميدانه يرعد والجروح اتفور

طبها ونار بعيونه. فنهم لو يلاگون
اسد وتمركز الحومه. ابن حيدر يعرفون

خبطها وضل يصفي العده بالكيف
هـاذا يمـوت خزره وذاكـه بالسـيف
ياهو اليعتنيله.... حُسين اباعبدالله
ومـجـمّـر دليله.... حُسين اباعبدالله
حسين وبالحرب يدرونه سلطان
طـلع مـن خـيمته مــولاي عطشان
حُسين ثار الله. حُسين ثارالله
****
خطب خطبه عضيمه وهز الاكوان
گلهم لاتگولو حسين اجه عطشان
وضهره منكسر مذبوحه اله اخوان
الزلمه خل يجي وخل نفتح الميدان

شيخ وشاخ بالساحه طاح الجيش بصياحه
سوگ الغنم ساگاهم. ماشافو ابد راحه

يـگـطـع ارگاب ضل بيهم وئدين
ويگلهم ثاري هذا ولام الابنين
الثار ابسع يجيبه.........حسين. اباعبدالله
ومن يغضب مصيبه .....حسين اباعبدالله
ومن كثر الغضب يتصاعد الدخان
طـلع مـن خيـمته مـولاي عطشان
حُسين ثار الله. حُسين ثارالله
****
بخاچيته تّحزّم والگلب شب نار
ثارات عنده اشلون ايهود عالثار
ثارات اخوته وهم بعد يثأر للانصار
اعليهم ابن حيـدر دخل شـاهر الفقار

اجاهم والله جـيّــه. عزيز امه الزچيه
اخذ ثارات اخوته. صنديد ابو رقيه
رقيه تـنـتضره بگت مابين الاخـيام
يرد الها ابوها بحضنه تِريد اتنام
وباله ضل عليها...حسين اباعبدالله
ومايگدر يجيها......حسين اباعبدالله
هد حيله العطش وتحاصره عدوان
طـلع مـن خيـمته مـولاي عطشان
حُسين ثار الله. حُسين ثارالله
****
هد حـيله العطش وانوى عله الماي
كشف عن الشريعه حسين مولاي
شال الماي بيده وبـس اجاه عنّاي
واحد گله حرگو خيمتك هاي

يدرونه لَوّن تروّى اعليهم زود يتگوّى
نيتهم يخدعونه. يعرفونه ابو نخوّى

رمه ماي الشريعه وصُفگ بالايد
لِگـد مـيمونه واسـرع عالخـيام يـريد
وارتاح من شافاها......حسين اباعبدالله
رد وبضهره خلّاها........حسين اباعبد الله
استرجع الله ورجع للحومه زعلان
طـلع مـن خيـمته مـولاي عطشان
حُسين ثار الله. حُسين ثارالله
****
رد للحومه واسهام العده رشگوه
سهم گطّع چبدته وبالحجر طگوه
وگع من مُهرته وبالخيل سحگوه
وقميصه بالحوافر ياخلگ شگوه

وگع گلب الزچيه. وضاعت كل معانيه.
عمت عيني حبيبي. بنفسه يشرب اميّه

خذوها اعمامته وبيها يهوسون
الصواينه مشو گصدو يحرگون
لخوها تريد توصلّه......حسين اباعبدالله
زينب صعدت التلّه.....حسين اباعبدالله.
تگله خويه اجونه وحرگو الصيوان
طـلع مـن خيـمته مـولاي عطشان
حُسين ثار الله. حُسين ثارالله
****
عمار حسن الدراجي ..


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(مولاتي زينب تكشو المها لكافلها العباس ع )

ياهو الينوّخ ناگتي وياهو يرچبني
ياخويه شنهي حالتي فگدك يعذني
مكفوله اصبح كافله. زينب انه المدلله
ياهو الينوّخ ناگتي وياهو يرچبني
**
عباس ماشم الهوى وانته هَواي الريتي
ومات بعيوني الضوى. يل چنت عافيتي

ابدونك الدنيا ظلام. اعليه حرگوها الخيام
عباس الحگلي تعال. يردوني امشي للشام

بعد المهابه والخدر. مسبيه تاليتي
اگبالي يوگف الشمر ويگلي مسبيتي
بلا اخوه عنكم راحله. زينب انه المدلله
ياهو الينوخ ناگتي وياهو الرچبني
***
چاوينه شَيّال اللوه. ينـادوني ودموعي تهلي
مات فارس نينوى. مامات اصيحن كافلي

گتلهم الكافل يعود. گالو انصاب ابعمود
شلون يرجعلچ اخوج. وهوه مگطوع الزنود

اختنگت الروح ودرت. وچهي بحسرتي
ماريد اشوفنهم ردت. اجري دمعتي
ادموعي بعدك هامله. زينب انه المدلله
ياهو الينوخ ناگتي وياهو اليرچبني
**
مـحـتاره ياخــويه صـرت. بين العده وجروحي
الصوبك يعباسي درت. وچهي واصبن نوحي

ضلينه خويه نسوان. وتحيط بينه العدوان
عالجمر دسنه حفاي. ونشوف بس الدخان

اتعثر بجثت علي. الاكبر واطيحن
وينك يبو فاضل الي الحك اصيحن
اگبالي يوگف حرمله. زينب انه المدلله
ياهو الينوخ ناگتي وياهو اليرچبني
****
اسكينه تصرخ عمّتي. ولزمت طرف عباتي
وكلهن اجن لعبيّــتـي. يـتـصـارخن بناتي

ضليت احامي عالبنات. من السياط ملوّعات
ماينحمل ضرب السوط. عباس شبعن طگات

علويه وسفه تنضرب.صعبه وهضيه
ونايم ابوهن عالترب.ماشم نسـيمه
حسين ابو چلمة هلا. زينب انه المدلله
ياهو الينوّخ ناگتي وياهو اليرچبني
**
من طيحتك فوگ النهر. تدري اجره لحسينك
شايب رجعلي والضهر. مكسور يحچي بعينك

شايب اجاني الحسين. من شافك ابلاچفين
سمعته وحده ويگول. شلون السهم طفه العين
حسين ضل بلا اخو بالحومه يردونه
ضل وحده مابين العدو ويدير بعيونه
ميمونه قدمته اله. زينب انه المدلله
ياهو الينوّخ ناگتي وياهو اليرچبني
***
راح وبعد كلشي انتهه. خويه انذبح والينه
والـعسكـر اعـلـينه رهه. محد بگه يحامينه

جابو هزايل النوگ. واعلينه ابد لا متلوگ
وابلا هـوادج انـروح. وباچر يدخلونه بسوگ

لشام خـويه لو رحـت امـشـي بِـِلا راي
وياسامح الله لوطحت من ناگتي هاي
جابولي ناگه امهزّله. زينب انه المدلله
ياهو الينوّخ ناگتي وياهو اليرچبني
***
عمار حسن الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(الشجاعه والجمال يجتمعان في عليٍّ الاكبر ع )

ياحِسنه وجماله. علي الاكبر
راهب الخيّاله. علي الاكبر
****
ياحسنه وجماله ونور البخده
معانيه وصفاته المصطفى جده
شجاعة حيدره واليوصله اشحده
لويزعل دخيله محد ايرده
اليگوطر بساله. علي الاكبر
ياحِسنه وجماله. علي الاكبر
**
طلع من خيمته ويشعشع بنوره
ودّع امه ليله وينتضر دوره
كاشخ للحرب چن عنده تسيوره
يسير عالزلم بيهم يذب يوره
يتبختر بنزاله. علي الاكبر
ياحسنه وجماله. علي الاكبر
*
صطراته ثجيله بچفه من يصطر
طب يرعد عليهم موت ضل يمطر
ابن غانم يتاني ضل علي ينطر
اخذ راسه واجه لحسين دم يگطر

بيده الراس شاله. علي الاكبر
ياحسنه وجماله. علي الاكبر
**
رد اعله الحرب والغيض بعيونه
طب وشعره يتناثر عله امتونه
اجاهم اسد غاضب يحمي لضعون
شردو من زئيره وما يلاگونه

غضنفر بقتاله. علي الاكبر
ياحسنه وجماله. علي الاكبر
***
طبها ابن العزيز ودمّه يتفاور
خله الروس فوگ النخل تطاير
كتايب ابكتايب كلها تتكاور
كوّرها علي وضل بيها يتسامر

حيدر بخصاله. علي الاكبر
ياحسنه وجماله. علي الاكبر
***
طباها علي واغلق منافذها
ثغره للزلم ماخله ابد عدها
تشرد الكتايب بس علي يردها
يلاگيها ويگطّع كل سواعدها
الخيل والخيّاله. علي الاكبر
ياحسنه وجماله. علي الاكبر
*****
عمارحسن الدراجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(عندما دخل العباس( ع) الى الميدان ماذا فعل ؟)

يشرب گهوه فوگ المهره
هز فنيانه وشد الخضره
*
هز فنيانه وطب اعليها
حالف هاليوم يراويها
موت الاحمر هاي الساعه
وبسيفه الباشط يفنيها

متحزم طب الميدانه
چي گالو زينب عطشانه
امدخن من جدمه الراسه
ذب السيف وكف اردانه

ويعارج بيده وبالشگره
هز فنيانه وشد الخضره
*
بنصهم واگف يشرب گهوه
يضحك والوادم تتلوّه
كلها تنشد عن هالفارس
من طوله عرفو ياهوّه

ومن الرايه البيده صاحو
هذا العباس ولن طاحو
يبسو من سمعو بِسمه
من الطف لِجهنم راحو

ولن تسمع صوت من الابره
هز فنيانه وشد الخضره
*
گلهم آنه الكافل اختي
تُعرفوني الماثني بطگتي
ياهو المانع ماي اعليها
خل يطلع طگت حوصلتي

گلهم آنه ابن الصفّاها
طب حدر الگاع وطفّاها
الجن والناس ايعرفونه
للحومه ما إطّه اگفاها

دخن راسه وعينه جمره
هز فنيانه وشد الخضره
*
دخن راسه عنده اطلابه
والحومه بچفه لعابه
وين الزلمه البيكم يطلع
دخن سيفه اوج عطابه

صارت كلشي عكس اگباله
شاف الخيل اعله الخيّاله
ويخُم فارس حوگ ايريده
ومابيهم واحد يحلاله

وتخوصر ليها وذب حصره
هز فنيانه وشد الخضره
*
متخوصر واگف بالحومه
خيل وخيّاله مهزومه
ياهو اليگرب يگطع راسه
ومن دمهم يمسح بهدومه

دمهم يابس من صيحاته
واطير الروس الخيماته
ومن گد مايذبح بيهم
سيفه اتثلم من صطراته

ويـمد چفه ويعصر عشره
هز فنيانه وشد الخضره
*
اغتاض العباس ايعرفونه
شافو دخان البمتونه
يازلمه اليگرب لخياله
وبگصته شافوها اعيونه

واليشرد هاذ اكبر زلمه
من چف عباس وميلزمه
والشارد يتنومس بيها
ويگلهم ماانسه النعمه

يعرفون الكافل بالصطره
واليشرد عباس ايعذره
هز فنيانه وشد الخضره
***
عمار حسن الدراجي .....

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(مراجل لقمر العشيره بالنبط البَدَوي )


الخيل عيّت ونمَحَت جِيمانَها
حين ابو فاضل دخل ميدانَها
الگوم……ضلت تَرتَعد.
للموت صارت تَستـعد
حين ابو فاضل دخل ميدانَها
****
اسرع من الريحِ طَب لَعماگّها
ومن عِيّايَ الخيل طَفّه اشراگّها
اتخلبُصت زلمَ الحرب بِشباگّها
وتِركض ابلاروس فوگ اعـنـاگّها

ألجيش بصياحه انهدم. .
جيمان .....تَردِم بَالجيّم
الخيل غارت ونْرَمت فُرسانـَها
حين ابو فاضل دخل ميدانَها
*
زَلزَلت هل ارضي گال شمالَها
مـادره الـعـسـكر (إيّــه) زِلـزالـَها
ابسَـبّاگـة ألـريحِ دَخـل خَـيّالَـها
ومثلَه دگ الـوَتد دگ اريالَها

لحسين .ينحر بالزلم
ألحيد..ضل بيهم يلم
ومن كركـش الـرايه بِـزغ دخـانَها
حين ابوفاضل دخل ميدامنَها
***
إمجمر العَينِ وَسرَح بِطراگّها
مِثلَ سوگَ الغَنم حينَ الساگّها
چيف ماتــهلـع واعباسن لاگّها
ومن الرييف الساگ تَردم ساگّها

الراس طار امنالجسم.
عالساگ .يِنشد ألجِدم
مادرت وينَ اصبحت سيگانَها
حين ابوفاضل دخل ميدانَها
*
العَرب دومِن تَهوى اصيادّها
صيدتن سهله وتَهد بجيادّها
وبوفاضل يختلف لًحيادّها
ياخذَ الراسِ الگُوي من اسيادّها

العباس فاريهم فَري.
ريّال نشمي وحَيّدَري
ألمـرايل ( هُو) يضَل عِنوانَها
حين ابو فاضل دخل ميدانَها
*****
إزلِمَه نَشمي وعالخيم حَمّايّها
كافلن والعطشى (هُو) روّايـّهـا
من گصد صوب الشريعه المايّها
طاحت الشجعاني واطوّى اروايّها

رايات ..كَسرها وطُوىٰ. .
والواه يخفگ بالهوى
طافَتَ الحومه بدِمه شجعانَها
حين ابوفاضل دخل ميدانَها
**
عزالله ويش الّـي حِصل وصّابَها
الفِوارِس بُگت تَرمي اثيابَها
من حرّي عباسِن يَفور اترابـَها
زلمتن والكونه هو طلابَها
لَـــشّام..... رايدها تِرد
بَالسَيفِ رَكْضها طَرد
امطاردن لَشامي رد رعيانها
حين ابوضافل دخل ميدانها

عمار حسن الدراجي...


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA