#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(القمر و وفائهِ)


حارس الدره الفريده
الخيمه من نضراته متروسه حنان
يقفل الخيمه اعله أيده
ويرد يفتحها بمفاتيح الجنان
عيلته تمشي بوريده
بكربله العباس سيد للامان
وچلمةّ لسانه الوحيده
بالگمر يختي اذا ردتي مكان

مابين النجوم انصبلج عروش
واخلي اهل السمه تخدمج يختي
يابعد الگلب زينب والهروش
أسمج أبد مافارگ صفنتي

شرفتيني من صاير كفيلچ
كفيلچ آنه بس اصرخ دخيلچ... يازينب دخيلج
___________________
مرتدي ثوب الكفاله
من السمه يوصل لبو فاضل سلام
هواي فرحانه عياله
وي شراب الماي شربهم هيام
شگد جميل وياجماله
بالشكل بالمرجله بالاحترام
من يسولف يادلاله
تصفن بوجه السوالف والكلام

مجروح وكلامه يعدل المات
يسكت لو يطب ابين الگبور
امر مرسول من گلب السماوات
كل الكون للعباس منذور

يزينب ياضواي آنه خليلچ
كفيلج انه بس اصرخ دخيلج.. يازينب دخيلج
____________________
ابو فاضل هيبة الله
والسجود بعتبته احله السجود
عالگمر والعرش صلى
والدليل إيذب جفوف من الزنود
يلله ياعباس يلله
انته عالزايد صرت تعله وتزود
انته كافل خدر الله
يامفاتيح التفك عسر القيود

جبار ويهد اعله اليعيلون
ونسايم لليشمه بوكت الغروب
عم الساده عطاي اليطلبون
حنين وبي حميه واغله محبوب

يگل الزينب بعيني اشيلج
كفيلج انه بس اصرخ دخيلج... يازينب دخيلج
__________________
الكون وبأيده اشاره
ملك والدنيه عبيده بلا مجال
شيخ من صلب الكباره
لوتريد الگبه ميردلك سؤال
دخيله ياراعي المناره
اتحرزت بترابه وتراب العيال
گاضي شدات الحياره
انطيني لمصابك دمعتي واحله حال

اريد بمجلسك ماتسكت العين
كون الدمعه فوگ عيوني تندار
كون اطيح روحي بطاري الحسين
واشرد بالصحاري بطاريّ النار

يدمعةّ روحي للكافل اسيلچ
كفيلج انه بس اصرخ دخيلج.. يازينب دخيلج
____________________
عله متونه شگد مراتب
والتحايه من الزغير من الجبير
تنحني الطوله الشوارب
والعساكر تنحني لبن الأمير
داثر بجفه الكتايب
بالنسق هم الذبح هم المصير
حضنو صدور الترايب
الفارس من ايشوفه مايكدر يدير

عالم بالحرب بيده المنايه
رجال الزلم زود وفخامه
مندهشين هاي شلون رايه
بضهره ترفرف الزينب علامه

جنها تكول يازينب نجيلج
كفيلج انه بس اصرخ دخيلج... يازينب دخيلج
____________________



عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(((عاشق في الشدائد)))
((((مسلم ابن عقيل)))




تذكرتك بأول جرح يا شاغل البال
لمن بگيت الوحدي بحمولي الأثگال
مشاني عشگك والدمع ما يقبل يهيد
بين الأزقه وصورتك بحوالي تنگال

تذكرتك بأول عطش بسود الليالي
چانت دمعتي بخاطري ويكلف سؤالي
لمن شفت طوعه وگلت رايدلي بس ماي
من المستحه حتى الهوى يمر من خلالي

جابتلي ماي وحالي بلا عذر
گلتلي امشي ابابي شتنتضر
وأنه وغربتي وخلگي المنچوي
نار بدليلي أواگف أعله الجمر

وامسلما .............وامسلما
............................................
لمن درت آنه منو بغربه وتوازيت
فرشت گلبها الخطوتي وفتحتلي البيت
بس أنه مو جرحي الغرب ولا جرحي الأنصار
جرحي انته جايب عايله بهاي انه هميت

سبحتك بفرض العشگ وكينونت الروح
أسمك أگوله والعطر وي الهوى يفوح
وتخيل ضعونك أجت ودگيت الأخيام
وحتى الخيال المنرسم هم يبچي وينوح

نمت بجراحي ونومي الماحله
عشت بهيامك چلمه وبلا وله
شفتك وحيد بناضري بالحرب
وشفت الخيام وعيله ياكربله
.......................................
جرحي يالحسين بكبر جرح المسافات
همي الغربتك سيدي والكوفه شمات
جرح العشگ ما ينحمل ينزل دمع حار
ويچوي صفنتي وخاطري وبوجنتي ايبات

الودو رسايل سيدي جذابه الحروف
الكتبو ألك كلهم غدر كل هاي الألوف
سدو درب جرح وضعن وآنه انزف اشواگ
صرت آنه دنيه من العشگ سيف وبچي وخوف

صوره بخيالي وما أضنن وهم
كافل ضعينه وبيده دگ الخيم
ورتب مضيفه ودلته من الحسن
ومن شيمته الانصار تاخذ شيم

............................................
يا روحي اسئلج بالغرب چا وين تردين
خطوةّ حذر خطوةّ جرح وتتلفت العين
وي روحي اسولف قصتي والطولك اشتاگ
مو غربتي هيه المهم كل همي لحسين

همي وجرعته بصفنتي وجروحي وياي
عطشان بس الشوفتك ومخنوگه عيناي
الماي گلبي المابرد وأكبالي الجيوش
سالت دمعتي مو دمع سالت عطش ماي

وأستوحدوني وآنه ياغربتي
وصرت بخيالي هاجس بصفنتي
شفتك وحيد وطايح عالثرى
بهاي وجروحي سابگت دمعتي

.......................
من أصعدتْ فوگ القصر وروحي وحيده
وديت ألك شمةّ نضر بصفنه بعيده
شفتك بضعنك بس دمع عينك سؤالات
وللمحمل عيوني مشن شبگن حميده

صارت يتيمه ومادرت مشمور من فوگ
شال إيده ابو اليمه وأمر خل توگف النوگ
الكوفه غدرت بالثقه مسلم على ارماح
وبحبال جرو جثته من سوگ للسوگ

خويه الگمر لجيش خل يستعد
وصارت قريبه كربله وخل نعد
دفعو الروح من القصر للارض
فارگنه مسلم ابد يرجع بعد


عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

دمعة محرم
******* السيـــــد
هـــــادي الموسوي الناصري
(07804322001)
رجال الخدمه تعلم..؟..بدت خدمة محرم
نـحَضّر دمعة العين..؟..شرفنه إبخدمة حسين
بدت خدمة محرم
****************
إليّـــه أعلام عندي للسنين إتعود
كمــت بيهن أحضّر واحدٍ مفكود
أتذكّر طرف شديته ظــل معگود
سئلت إلوالده گالت اظن موجود

علم عالدار أرفعه..؟..شعاري إعليه أطبعه
يلوح أبكل إلسنين..؟..شرفنه إبخدمة حسين
بدت خدمة محرم
****************
وقف لأجلــك ثـواب ادموعــــي أسبلهن
گلت عنـــــد إلمجالس گـــــون أودعهن
إبوسط طاسة إلمدامع گاصـــد أجمعهن
إبسبيل حسين صوب إلمرضى أوزعهن

وأكلهم هذا خيره..؟..هديه إمن الأسيره
هدتهن زينب إلحين..؟..شرفنه إبخدمة حسين
بدت خدمة محرم
****************
كـــــل عاشور أســوّي إبداري قرايه
وأظـــل اجمع لأجلهه فلوسي اهوايه
وإذا....ماتكفي أبيعن ثوبي وآلصايه
ولا......أدري إبجهالي تجمع إويايه

صدگ خلّوني أبچي..؟..سكوت إودمعي يحچي
فضل منهم عَلَي دَيَن..؟..شرفنه إبخدمة حسين
بدت خدمة محرم
****************
ماشوفك عطش بعيوني اشوفك ماي
تسيل ادموعي زينب عالخدود اوياي
أشكثر ساموا خدمتك(آنه الك)شرّاي
عليك أم البنين إقــبـــل خدمتي هـاي

يالمغركني فضلك..؟..تظن فديوم أملك
اللطم عالخد نياشين..؟..شوفنه إبخدمة حسين
بدت خدمة محرم
****************
إشكثر بالليل أحسك إنـــــت تبچيني
إبخدمتي إشگد كرامه اوخير منطيني
أحس بالماي مــــن اشـــــرب تلاكيني
مثل ملكة حبيب إوغايـــــب إبعيني

إبحلم وأطلب جوابك..؟..أنه أستجدي إعله بابك
حچوا گالوا مجانين..؟..شرفنه إبخدمة حسين
بدت خدمة محرم
****************
إذا.. تطردني أروحـن وأكصد البابك
وأطالب بالدمع مـــن يجري لمصابك
أنه إلبخلاصي عاري وألـبــس ثيابك
أريد أبكبـــري تحسبني مـــن أحبابك

ولاتحسبني عابس..؟..فقط بين المجالس
إلك تشبع بچي إلعين..؟..شرفنه إبخدمة حسين
بدت خدمة محرم
****************
الحمدلله رب العالمين
ديوان
دموع الهاشميات
الجزء الرابع


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ابلا لطم بلا دموع
هذا العمر هضيمه
ابلا جمر ابلا خشوع
روحي بهجر يتيمه

هذا محرم جرحه اگبالي
وهاي الدموع بخدي تلالي
تامرني روحي ودمعةّ عيني
ابچي اعله غالي وانت الغالي

غالي وانعاك يحسين وياك
ماعوفك لا ومگدر انساك

يا .... ياحسين
_______
حسرتي عبرتي
كل ماألي الأمامي
لطمتي زيازتي
المعشوگي والغرامي

ناصب عزائي اباب جروحي
محجوزه روحي الدمعي ونوحي
ماعندي غيره وابچي لغيره
مالك هيامي ومالك روحي

ماأدري أوين والدنيه منين
ماأعرف ناس اعرف الحسين

يا.... ياحسين
____________
ياحسين كلي عين
بس للخيم دمعتي
بالشجون يالحنون
وأقبل ردت خدمتي

لا سامح الله وما تقبلها
هم تبقى عيني دمعه تهلها
وافني حياتي وماريد اسمي
تقبلها احبك ماتقبلها

متهمني الناس ياتاج الراس
ويهمني يشوف حالي العباس

يا....ياحسين
_________
بلا سؤال والحبال
ماترحم الاميره
هذا جيش ويلي ليش
زينب علي اسيره

ماأنسه زينب من تتلوه
أتشاهد قميصه انشگ بحذوه
وصاحت يخويه الدنيا شبيها
عگبك يخويه لا متسوه

اتولاني الليل من شفت الخيل
وبالخيمه النار وانه بلا حيل

يا....ياحسين
________
ماتشوف والطفوف
خيل وزلم سلابه
هيه خيل وهيه ويل
وماسولفت بعتابه

زينب چبيره وگوه تباوع
تشاهد ضعنها بهيمه وضايع
سوط وملامه وشامت يضحك
وجفن العقيله بحزنه ودامع

بالهم تنوح بگلب المجروح
وتخلي اسباع وكافل مذبوح

يا..... ياحسين
______



عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

أميرات بهوادج من اجينه
بعشگنه نسولف وتمشي الضعينه
لو نَوخْ رچبنه ونزلونه
اخواني تگول اميرتنه سَكينه

ننزل من مضاعنه
وعلينه حسين يدنه
يفك ذرعانه ويلمنه ..... حنين

يشيل اختي الزغيرونه
ويغطيها بدفو متونه
ابوي تخبل عيونه .. ....حنين

بچفه الكله حنيه .... نشرب ماي
ابكلماته الالاهيه .....،نشرب ماي

آنه سَكينه وقصتي
تسولفها الكم دمعتي .... آنه سكينه
*
يوزعْ عينه والبسمه بچلمته
بس مرات اشوفنه بصفته
ويمسح دمعته ويگول الفراگ
العليله يگول ويكَتمْ عبرته

اذا ليل العشگ غَيَمْ
يسْدر بيده المخيم
متيم نَوم متيم ..... حسين

ونحس بروحه ويانه
وتظل عيونه سهرانه
ونسمع يتلو قرآنه .... حسين

هواي إيكرر بآيه ... خويه ام عون
باچر ماتظل رايه ... خويه ام عون

والچلمه تلزم ونتي
تسولفها الكم دمعتي .... آنه سكينه
****
نسمع نشغه من عمتي الاميره
وتظل أعيونه بالشوف حيره
نسكت والدمع يبدي السوالف
نسمع مفرده ايگلها أسيره

مانعرف أسر حته
نگوم ونگعد بسكته
وتبده الماي من وكته .... حنين

يرد ويشوفنه أنباوع
مثل البالغرب ضايع
ونحس أبوالدي إيوادع .... حنين

يطرق رآسه بالدمعه .... وحسرةْ آه
شَيَبْ والدي بسرعه ... وحسرةْ آه

ما تنكتم يا عبرتي
تسولفها الكم دمعتي ..... آنه سكينه
*
العاشر كَسَر أگلوب الهواشم
ابن ريع الندى مذبوح جاسم
وتولانه العطش من راح عباس
درينه بروحته مايرد سالم

عيون حسين مشبوحه
الدمعه اطيح مذبوحه
گوه مچلب بروحه .... حسين

نشوف مخالفه اجدامه
بين الگمر وخيامه
چبيره هواي آلامه .... حسين

صوت يصيحله ادركني ... وهوه إيطيح
سهم فرگاك ضاهدني ... وهوه إيطيح

هايه سوالف عيلتي
تسولفها الكم دمعتي ... آنه سكينه
****
طحنه بلاشعور أعله الوطيه
ومن رد المهر طحنه سويه
من رد المهر خالي علينه
ركضنه ومادرينه بيا نويه

ركضنه بهمه لنفاسه
نريد ألحگ براسه
بس تالي الشمر جاسه .... حنين

مالحگنه بالمره
خيل وبالدرب عثره
ألتفتنه وخيمه مستعره .... حنين

خيمنه وفدوه لعيونك .... وفدوه تروح
بس لا ينخطف لونك ... وفدوه تروح

ودرب السبي بي محنتي
تسولفها الكم دمعتي ....... آنه سكينه

عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

خليني بلوحه من اطفوفك
اتعايش والهج بحروفك
يل ما ادري شكد معروفك ... يحسين

قدستك بس انته وحبك
وماخليت انسان بجنبك
مارافضني وفاتح گلبك ... يحسين

يالمنسيني روحي وجاي احاچيك
قصدي من السهر يحسين اواسيك
يريت أسهامك بگلبي ولا بيك

نارك چَوت النار
على الخيمات محتار
وتسمع صرخت ازغار

تسمع لسعةْ السوط
وضعنك صار مربوط
وغديت برمح محطوط

حسين اااااه
حسين اااااه
****
راسك يعثر نضره بنضره
كل ما تعثر بت الزهره
واسمك يطلع وي الحسره .... يحسين

اسمك بالصوت المتكسر
مطَشر ضعنك مطَشر
حال عيالك خويه إيحير ..... يحسين

تسمع صوت أخيتك ألحگ تصيح
ابسط شي چواني مگابل الريح
والأعظم عالوجه يحسين ونطيح

صوت العيله مبحوح
عطش والسوط والنوح
وسمعو بيك مذبوح

أبوي الحگ علينه
النار تريد أدينه
وغصب بويه أنچوينه
****
مشتاگين النبرت صوتك
مشتاگين الذيج مروتك
مدهوشين وشافو موتك .... يحسين

مامتعوين اعله الهيمه
ولا نار ولا حرگ الخيمه
ويتيمه ولاذت بيتيمه .......يحسين

هاجس خوف يرعب ونچفه الحيل
الزغير إيطيح لاچن مالگه شيل
تحصد بالضلوع حوافر الخيل

ملاحم جيش هداد
ولا للخيل رداد
وروحه ورده تنعاد

اليظل بالخيمه محروگ
اليطلع صار مسحوگ
اليركض يعني مخنوگ
****
وباتو ليل بضلمه ودامس
ومو عباس الواگف حارس
ولا جون ولا واگف عابس ..... يحسين

تسمع حتى الخوف البيهم
مانامو دمعه التطويهم
خوف وچويات برجليهم ..... يحسين

اليريد إينام يذكر هوه عطشان
يظل ليل اهدعش يتلوه سهران
وعمتهم ألف يعگوب حيران

تنَومْ هذا وتگوم
وترد وعيونها تحوم
وركن الحيل مهدوم

يمته اتسكن العين
وهيّ مشتاگه لحسين
تريد أتگله ميتين
***
باچر حتى النوگ تناطر
مسبيه ويازينب باچر
وحتى الروس وياچ تسافر ...... يحسين

حتى الهزله تون الونچ
وهمومچ باچر يردنچ
وحبالچ هم إيماشنچ ...... يحسين

المايلزم الهزله إيطيح ويلات
وثمن كل دمعه طگات وشتيمات
اليصد عالروس يعني بحسرته مات

رمله تصيح جسام
وليلى بگلب محتام
وزينب طبت الشام

المامشيوف ويلوگ
السبايا طبن السوگ
وراس حسين مطگوگ



عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


حكاية الوفاء ... وقصة الجمال
قالت أيا حسين ... نترككم محال


سلسلة احداث النبي واقوالة
ماكفتك بل كررتها افعالة
أول أسير بشوكَة عذب حالة
نار السرية بجمرتة الفتالة

بثغرهِ الوجود .. مصادر الكمال
قالت أيا حسين ... نترككم محال
،،،،،،،،،، ،،،،،،،،،،،،،،،

بذيج الخيوط الترتفع للعالي
تتناقل امحبة حسين الغالي
نجمة وجودة بكل زمان تلالي
من الله انتة يا حسين الوالي

تنبض بالقلوب ... ارجوحة الوصال
قالت أيا حسين ... نترككم محال
،،،،،،،،،، ،،،،،،،،،،،،،،،

تيار حبك ينتقل من كيفة
حكَ صاح عابس هالعكشك ماعيفة
يالما غبت عن بالة حته بطيفة
ماشفت فارس حارب بلا سيفة

فذا هوة الجنون.. بهيئة اعتدال
قالت أيا حسين ... نترككم محال
،،،،،،،،،، ،،،،،،،،،،،،،،،

يالباحر بسدح الكلب تذكارك
ولايذ جنحها لوچبت بكتارك
كلها بوجودك سيدي تتبارك
ماريد ابعد بالعمر عن دارك

لبابة الهموم .. للقلب قد تطال
قالت أيا حسين ... نترككم محال
،،،،،،،،،، ،،،،،،،،،،،،،،،

انت النفس مولاي ونته المهجة
بالدنية غيرك سيدي شنترجة
انتة مجير التاه ونتة الملجة
شكبان كلبي ابثايتك يتوجة

لو تأتك الهضاب.. لو تنطق الرمال
قالت أيا حسين ... نترككم محال
،،،،،،،،،، ،،،،،،،،،،،،،،،
مهودر الهويشم

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

الله يحب الحسين....... حتى يعوضه بالدين
يرفع دينه بالرأس.........حتى يزيد الحساس

عكب حسين دمعي الحين كل ساعه يتبده
وانا بروح كله جروح والدمعه اعله خده
كل الطاح يمه رتاح يتباه وي جده
لمن طاح ظهر حسين مايل جنه عضده

يعضيدي وكعت وين
يابن امي اني الحسين
رمز الخوه عباس
حتى يزيد الحساس
.............. .............. ................. ....
اول مره اشوف حسين هيج ابوجه شده
بلايه عيون يمته تهون وجماله اعله زنده
جرحك بيه شيخ جروح ياهو الكال اضمده
جن فركاك كومه سنين موش دكول مده

الساعه هواي عنك
مني وانا منك
منك فايح الياس
حتى يزيد الحساس
........................................................
طولك لاك هلتفصال زينب هيه كده
هل تفضل بيه خيال زينب تمشي سده
كله تهاب هذا الشاب الله يعده جنده
الغيره البيه منه وليه هيج الكصته تنده

بشد لخوه لحزام
حتى تبين الازلام
الله ختاره نوماس
حتى يزيد الحساس
.............................................................
شد الحيل باخته وكال اه يلوديعه
مو زلزال مدري شصار من طب الشريعه
ابن أدلال يكرم زين من عينه الوسيعه
هل كرار ضنو هذا بالضربه السريعه

يا ولاء بنص بلاء
وانت سيد كربلاء
يحجي بزودك الطاس
حتى يزيد الحساس



التمس منكم الدعاء لوالدتي وموتاي.
سيد سيف الهاشمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اشهد يسيف الموت انا مسلم انا
راح افني هذا الجيش انا مسلم انا
1
رايد اتفنن يسيف الموت انا بهل حرب
مثل ملك الموت بين الجيش ياسيفي اطب
الكوفه راح ادبچ عليها اله اگلبها گلب

انا الوصي حيدر ... وعليه من يگدر

هل يوم اعيدن خيبر انا مسلم انا
2
اليوم يوم الاخره بطولي اريد اتمثله
سورة التوبه يسيفي انا دون البسمله
يا علي راح انا اصيحن ونته اقره الزلزله

ارد اخذ بحيفي ... اشهدلي ياسيفي

كلها بخزرتي تموت انا مسلم انا
3
اخطف ارواح الزلم ياسيف اريد ابيمنتي
احضه بيهم انا وحدي هذي چانت منيتي
ارد اصفنهم سوه وارسم عليهم ضحكتي

انا انفرد بيهم ... ونته انزل اعليهم

وتالي بنزولك صيح انا مسلم انا
4
الكوفه ما تكفيني كون الكوفه گد هاي الارض
بكيفي اتبختر اريدن اشطر بطول وعرض
حرورة العباس بيه براسي مو گلبي النبظ

والغيره لبراسي ... تصرخ يعباسي

انا الگمر عباس انا مسلم انا
5
هل عدد كلش قليل وما يكفيني عدد
بالغمد يا سيف اظمك بلكي يلفوني بعد
من شهرتك صف الاول باخر العسكر لبد

موت الحمر اني ... منهو اللي يدناني

محد گدر يجبلني انا مسلم انا
6
كله خرست وانا مهري لسه بعده ما صهل
اليوم اهد قصر الاماره والامير انا اجل
ما اتوبن من ذبحهم لا وحگ عمي الفحل

افني القصر وحدي ... عزم الوصي عندي
بسمي تصير الكوفه انا مسلم انا

الشاعر اياد الديراوي




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يامفخرة بني كــــــــــلاب
بجاه السمه الفوك التراب
لبسيني أَطهر الثيــــــــاب…… .  ثوب الخدامه


بجاه الوهبتيله الضنه.    الكلهم شبه من حمزه
فصليلي يانهر الوفه         بيدج ثياب العزّه
للخدمه بيهن كشختي. وبالمجلس اوكف همزه
وعليج زينب والعلم.      عبّاس خلّي ايطرزه

ياهيبتي واصبح جبير
من البس اثياب الامير
وبيهه اشم اَحله عبير…….  ثوب الخدامه
************

اوداعة  ضواج العل نهر   لبعينه ضيّف نبله
لو خيط من هذا اللبس    الغيره ابد ما يحله
ابملك ابن داوود ابد          يمّ الكمر ما بدله
والّبس هالثوب وخدِم   الشاطي الامان ايوصله

تاخذ بخت من في السماء
يالحره من ثوب العزاء
واللابسه ناگع وفاء……….  ثوب الخدامه
***************

من بيته اليلبسه وطلع.    يمشي بالشارع هيبه
وتنضرله املاك السمه       المن فاطمه تنصيبه
بالحشمه ينگط كالمطر      وناگع حميّه وطيبه
والله يحبّه فاطمه.             للخدمه منَ اتْجيبه

واليدخل ابفي السلام
ايامه ماتصبح ضلام
يتعطر بريح الخيام
وبريحه يرتاح الحمام……..  ثوب الخدامه
**************


امنيتي البسه بهل عمر  وبالخدمه اصبح ورگه
ومبّخر بريح الخيم         ثوب الينگّط حرگه
وتحبّه فاطم هاللبس.      اليروي الگلب بشهگه
لو ذِب الاسود والكمر      روحي احس مختنگه

لوما البسه همومي جيش
وبلايا الاسود مااعيش
وقماشه ترفه جنهه ريش…… . ثوب الخدامه
***************

يامنجم الغيره لون.    اُبجرحه يرجع فطرس
يتشافه لو مسحه فقط     بجناحه ثوب المجلس
ثوب الخدامه اللابسه.      بالهيئه يطلع مشمس
ينگط عطر من فاطمه.     الاسود حلاته الملبس

بثوب المجالس شي عجيب
ال اي مرض هوّ الطبيب
ماسح عليه بيده الغريب……..  ثوب الخدامه
****************

اِبقارب الخدمه الصعد.  او لبس ثوب احرامه
دنيا وحشر اسمه ملك    و  تصبح ربيع ايامه
واليدخل المجلس عدن      يلزم بديّه احلامه
الجلبابه اسود معتلي       وقدره نجم بالهامه

يوم الحشر ضمن الشهود
عاليخدم ويحفر خدود
بالدمعه ثوب الكلّه زود……  ثوب الخدامه
**************
خادِم الحسين سيد سجاد العميدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


خلّي نتوجه لرب العالمين
هالسنه خل نندعي يامؤمنين
ربي أهدي كلوبنه بجاه الحسين

* * *
 
خل نصفي كلوبنه وندعي دعاء
ونطلب التوفيق من رب السمــاء
بكلب مخلص كون نحضر بالعزاء
ونبتعـد عن المظاهر والريــــــاء
 
هالسنه خل تختلف عن السنين
هالسنه خل نندعي يامؤمنيـــــن
 
* * *
 
هالسنه من هل محرم ياشباب
لابد أحنه نستعد نحسب حساب
ترى لو قصرنه بحياء المصاب
فاطمه باجر تعاتبنه عتـــــاب
 
الزهره قدوه تريدنه للمسلمين
هالسنه خل نندعي يامؤمنيـــن
 
* * *
 
كون أحنه نصلح أنفسنه ونتوب
ومانفضل المستحب اعلى الوجوب
أنقرر امن اليوم منسوي ذنـــوب
ونتجه لله ونصفي القلــــــــوب
 
بلكت يسجلنه ويه المتقيــن
هالسنه خل نندعي يامؤمنين
 
* * *
 
الناس من حسبونه من ربع الحسين
لابد أحنه كل شخص يترس العيـن
كون مابينه عوج مابينه شيـــــن
ودوم نمشي بالستر ونسوي زين
 
كون نثبت صدك احنه أهل دين
هالسنــــه خل نندعي يامؤمنين
 
* * *
 
كون من تشوفنه الوادم تكول
صدك ذولي تربية ابن الرسول
هاي ناس التبعت أبناء البتــــول
ناس خيره ورزنه من أصل وأصول
 
كلهم أخلاق وديانه ومحسنين
هالسنـــه خل نندعي يامؤمنين
 
* * *
 
أحنه كون نعوف زلات اللســـان
كل عمرنه نعيشه بالحب والامان
كون كلشي نعوفه لو صار الاذان
ومانفرط بالصـلاه لو مهما كان
 
أحنه عدنه قدوه زين العابدين
هالسنه خل نندعي يامؤمنين
 
* * *
 
هواي بيها الريح لو مالت تميل
والحسيني هوه هوه يظل ثكيل
مهما تشتد يصبر وصبره جميل
ذهب صافي معدنه معدن أصيل
 
ومن صفاته أنسان موثوق وأمين
هالسنـــــه خل نندعي يامؤمنين
 
* * *
                                               سلام المشعل



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اليوم ياطوعه الحساب
سيفي عطشان الرگاب
وبيدي اَگطع هالسليل
آنه مسلم بن عقيل
***********-****

بسم الله اَنزل وبسم اَحله معشوگ
اليوم ياطوعه اَبرد گلبي محروگ
وترجع انفاسه برگبهم سيفي مخنوگ
هالنسل يگطر خيانه ومن الاعروك

اليوم اگطعه بهالنزال
ولو گلت كلمه محال
ترجع واِسم الكفيل
آنه مسلم بن عقيل
*************

الجيش تحت اِجدامي يصبح مثل التراب
اليوم وبسيفي الارض افرشهه برگاب
الدمه ايغطي الارض والقالع الباب
وبخزرته الصگر حيله ايطيح الغراب

بسيفي لو آن الاوان
الكوفه كلهه بخبر كان
تصبح وحامي الدخيل
آنه مسلم بن عقيل
*****************

آنه متگبّع حميّه  اوراضع الزود
والكرب حدّي يطوعه ايصير محصود
الغابه توگع خوف من الاسد موجود
وللغدر هاليوم والله ينكسر عود

والدمه ايغرك التراب
وبنزلتي امطر عذاب
من الانزع بيّه حيل
آنه مسلم بن عقيل
***************

الجبل لو نضر تلّه اتهبط الراس
وال اخزره ايصير گوه ايجر الانفاس
ترعد الگاع بنضرتي وتنملي الناس
خوف چي بيّه عطر من زود عباس

بهيبتي حتّه السيوف
اتگوم ترجف بالجفوف
وينزل اعله الكوفه ويل
آنه مسلم بن عقيل
***************

راح اخلّي الكوفه اسمهه شاطي الادموم
وكتب بتاريخ سيفي ذلّة الگوم
والقصر امني يطوعه هدمه محتوم
وآنه تربات الامير وهذا معلوم

والبشاره لل امير
القصر هسه يصير
اتراب و الكوفه تميل
آنه مسلم بن عقيل
**************

ماتهز من طولي ذرّه هاي الالاف
اليوم انشف ارواحهم ياطوعه الاجلاف
الخوف ياكل روحه كلمن خزرتي شاف
انه مسلم سيفي يكسر عين الاسياف

سيفي يحجي بس كلام
وماتضل بذرة حرام
گال وعيون الخليل
آنه مسلم بن عقيل
***************

احسب ال هذا النزال ابطول السنين
اليوم ابدي ايامي كلهه لجل الحسين
واشگد تمنّيت ابوگعتي يمسح العين
وانه عندي عيد لجله ذبحي والبين

اشلون باچر بالطفوف
وحده مابين الالوف
اتدوس بيّه اتمنّه خيل
آنه مسلم بن عقيل
**************
خادم الحسين سيد سجاد العميدي

(بأمكانك ترك نص)


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

طاح النّجم   من السّمه  بالكوفه
ومنيته چانت غالي گلبه إيشوفه

ومنّ القصر اَبعث جلمتين
سلّم عله محبوبه الحسين
******************

بدرب الشهاده اوّل علم
                                      طاح وبعث وي النسم
احروف يگطر منهه دم. 
                                سلّم عله الساكن بالانفاس

الكوفه البدّمه ارتوت
                                    من السمه شمس وهوت
ومنيته من اتعطّشت  
                            النحره كل اِسيوف الارجاس

بجفه الترف يمسح عله گصته وعله العين
ويشم عطر ياس وفخر غاليّه الحسين
مثل الولد وبن الاخو والينطي جفين

الينگط عزم والغيره صارت ثوبه
وماعز ابد دمّه عله محبوبه
مسلم لمن ذبحوله الاسنين
سلّم عله محبوبه الحسين
****************

حيل النبي من السطح       طاح وتهدّم ونذبح
الچان لحسينه جنح   والد حميده النّاگع احساس

ال بسمه يغرگ كل وصف
                                    يضوي الارض منّه حرف
بالغيره منجم والعطف
                            والكوفه بي متوشحه بالياس

من فاطمه ثوب السفاره امگدر اعليه
لمّن عطش دينه الشهم گال الا ارويه
المتگبّعه بحقد وغدر ياوسفه تطفيه

اوّل شهيد من الضعن بو طاهر
وشگد تمنّه ايحضره يوم العاشر
ينضر عليه وتدمع العين
وسلّم عله محبوبه الحسين
***************
الموش طاهر مرضعه
                                    عنده الخيانه امشرّعه
اِبماي زمزم نگّعه.     ماينضف وبي شائبه الساس


تامرنه گالوله امر 
                                  عدهم وجه ثاني الغدر
ينطونه لو طه الضهر 
                              و حتماً يضيع اليترك الماس


منزوع من گصته البخت غارگ بل هموم
وبلا بصيره بناضره متگومه الغيوم
الماسلك درب الصدگ والحق شمس دوم


روحه الذي بثوب الغدر متگبعه
موطاهر ومايفترگ عن طبعه
مسلم قبل لاياخذه البين
سلّم عله محبوبه الحسين
*************

الشيطان چان او يالنفس
                                       ايگلهه ميفيدچ شمس
الذاك الصنم روحي همس
                              بنص الصلاه للمملي اضغان

كلهه الالوف بلا وفه
                             الصاحب امس هسه انچفه
والصوت من خلفه اختفه.
                                 مسلم بقه بالكوفه حيران


ضلو معاه مو وحّده يم مايه طالوت
بسّ السفير الوحّده من گابل الموت
بين المحاري بلا اهل مايندل اِيفوت


برض الغرب وبلا اهل وحّيده
حتّه العذب بالكوفه حسره بأيده
وكال العلم الاف امس وين
وسلّم على محبوبه الحسين
****************


بس موقف وصارت نجم
                                     طوعه الروّت نهر العزم
ومن سألته عن الاسم      
                             مسلم انه بن عمّي الحسين


گاللهه وبهذا الفعل
                                  من صارت المسلم كفل
يم فاطمه صعدت جبل. 
                                والشربه يمهه تسوه نهرين

صارت مثل بالغيره طوعه ومن الاعلام
نوره بوجهه اصبح لمن فك ليهه الالثام
وتبّخرت من روّته من عطر الاخيام


تاريخ صارت والوفه امن وشموعه
ومحبوبة ام حسين صارت طوعه

ولمّن روه من مايهه الزّين
سلّم عله محبوبه الحسين
****************

اشحالك يبو اليمه غداً
                                   بس عينك اتضل للضعن
لا لكبر ولبن الحسن 
                                 ولا يبقه ليك الحيل عباس

ابكربله الناصر يشح
                                    وحدك تضل اوتنذبح
تاجك يرفعونه برمح.  
                               عرشك يغالي بخيل ينداس


باچر تهج منّ الخيم كل المداليل
ويتبده بعدك للعقيله بالضهر حيل
وعله خدر الله يصير الساتر الليل

يوم الطفوف اشگد تمنّه ايحضره
وساتر يگف لخيام روح الزهره
وعله القصر صله رگعتين
وسلّم عله محبوبه الحسين
****************
خادم الحسين سيد سجاد العميدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شلّي بالماي.  خلني ضامي ونار الانفاس
شلّي بالماي.    وطولك اليرويني عبّاس

يالهوه معتازك اِرجع
ياگمر لا روحي تطلع
شلي بالماي
**************

العطش خل گلبي ياكل وإنته لتروح
وتدري محتاجك بعدني روح للروح
وتسگي دلالي امن اليّه طولك اِيلوح
وردلي لاتفتح عليّه باب الجروح

خويه عباس.   جمري يهفت لمّن اِتعود
خويه عباس.   ومن غبت طولي صبح عود
والگلب لو رحت تفجع
ياگمر لا روحي تطلع
شلي بالماي
*********

عالتّحب اِنطاك گلبك هاگد اِشلون
خويه تتاخر عليّه وميل العيون
عالدرب ودعي هواك ايهب الي كون
والحرم موماي طولك خويه يردون

بعدك الروح.  شلبه خويه وطولك ابعيد
بعدك الروح.   غير تنضر ليك متريد

والعيون اعليك تدمع
ياگمر لا روحي تطلع
شلّي بالماي
******

من اجينه النهر شفته حيل عطشان
خاف منّي ياخذك عباس وال آن
اِنكسر ضهري اصيح وگلبي حيران
بطيحتك تهدملي خويه الحيلي اركان

والنهر خاف    ضامي لحروفك ينوماس
والنهر خاف.     ايبدي منّي عطرك الياس
والهضم بگليبي تزرع
ياگمر لاروحي تطلع
شلّي بالماي
*******

مالي حيل انضر عليك وصاير اوصال
ودمّي تشرب ريت قبلك هاي الرمال
وعالنهر لو جيتك ادفن كل الامال
ياخضار الروح بعدك ياهو كفّال

ياگمر ليش. اتعيف اخيك گلبه ملهوب
ياگمر ليش.  تدري بيك حسين مهيوب

نوحي ريتك خويه تسمع
ياگمر لاروحي تطلع
شلي بالماي
******

اثنين آنه الوادم ايشوفوني ويّاك
وياغربتي  من يغيب اعليّه ملگاك
احزام ويدي اليمنه اليّه الله خلاك
ونذبح ونداس خيل آنه بليّاك

بعدك اشلون.    للضهر يل چنت الحزام
بعدك اشلون.    ايصير جسمي ساحة اسهام
والخيول بصدري تطبع
ياگمر لاروحي تطلع
شلي بالماي
************

اخذ روحي وعيني خويه وخذ جفين
وردلي بس امن النهر ياروح الحسين
وتنتضر زينب رجعتك شوف للعين
والخدر خيمه ويحرسه بعدك امنين

غيرك امنين.   حارس الخدري يعباس
غيرك امنين.    هيبه اليّه ورفعة الراس
من اشوفك هيبه انگع
ياگمر لاروحي تطلع
شلّي بالماي
***

الشّمر متحامل اعله خيامك هواي
ابنار يحرگهه ويصير الضعني حدّاي
الحره تركب عالهزل صعبه يوفّاي
وتمشي اسيره الرايح ايناضره والجاي

بيك شيصير.     عالتّحبك منّ الگماط
بيك شيصير.    من يضربوهه بالسياط
زينبك ياهو الهه يفزع
ياكمر لا روحي تطلع
شلّي بالماي
************
خادم الحسين سيد سجاد العميدي

  ( بأمكانك ترك نص)

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

للسمه باوعت بعيوني البچي
والكمر نضراته متروسه حچي

صرتي احس گلّي وحيده
طاح ضلّج ياحميده
****************

بليل يشبه عمري وآنه ادموعي تسبيح
بلايا ضلّي وچنّي سعفه والهضم ريح
باوعت شمعة سمائي والحچي اِيطيح
گلّي حيلج خسف طوله وياهلي اِيصيح

روحي مشتاگه هواكم والگلب
عايش ابذكراكم بدار الغرب
ويِمّه يتمنّه عضيده
طاح ضلّج ياحميده
*****************

العطش كسّر عود گلبه وصحره الشفوف
وهيل دنياتج حميده اتبدّه بسيوف
ومن شفت حاله صحت وبگلبي جم اوف
وچانت امنيته الاخيره طولج اِيشوف

حسره صار الماي ويلي المهجته
وطوعه خلف الله عليهه روته
والاهل عنّه بعيده
طاح ضلّج ياحميده
***************

اِبشمعتج هالمسيّه جيت اواسيچ
وسامحيني ادري حزنج يكثر اِعليچ
ادري چنتي بوسط جفنه فارشه وبيچ
عاشت ايام الترافه او يل يفيّچ

راح ابوج الضحگته الريتچ هوه
وطگّت اجروحج لمن غاب الضوه
وسفه گلبج راح عيده
طاح ضلّج ياحميده
************

ياگمر حجيك فجعني الروحي ذبّاح
راح اگل الگلبي لا تنتضر مصباح
صاحب  الضيم المسه وزاعلهه الافراح
عرش روحي وضوه ايامي بالغرب طاح

بالغرب بدّوا سنينه خيمتي
وراح اضل اليوم موتي بلچمتي
وذبحوا العشتي بوريده
طاح ضلّج ياحميده
**************

جفني متعوده اغمضه وعله جف ريش
بغار هم الدنيا ابوه الفاگده ايعيش
من حنانه بنفس يچوي يادهر ليش
احرمتني من اساله والالم جيش

رافگت دمعاتي وبديرة حزن
گلبي عايش راح من عنده الوطن
مسلمج جتفوله ايده
طاح ضلج ياحميده
*************

ياكمر آنه واخوتي اوّل ايتام
صرنه من غيّم علينه شمس الايام
والدهر ماندري اِنّه بكربله اِشضام
اه يالكوفه الخذت من عدنه الاحلام

اِيعيش بالحسره الطفوا منّه حلم
وموتي شفته امن البست ثوب اليتم

مايجي الگلبچ يريده
طاح ضلج ياحميده
***************

انسبي آنه واخوتي وننگع اجروح
والنجوم اتطيح باچر بالدمه اتفوح
والشمس منّ الگفه مسلوب مذبوح
يبقه وحنه ننجتف  عالهزّل انروح

والخيام ارماد تصبح بالحرگ
وبالحبل ياوسفه جفّي بنشبگ
وينسلب عمّي اعله بيده
طاح ضلج ياحميده
**************
خادم الحسين سيد سجاد العميدي

(بأمكانك ترك نص)


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يافيَ خدر آل النبي.     بالرايه إكفلني
ودعيلي بيدك فاطمه.    خادم تسجّلني

إختملي عبّاس الهويّه
سميني خادم للزجيّه
************

ياعش النجوم   إدعيلي هاليوم
بجاه الچنت خيمه عليه وإخته ضواهه

يم الزجيّه يبن الوفيّه
تحسبني خادم بالعزه ونجمه بسماهه

الخدمه نوماس   وتدري يعباس
إيحبّه الله الزهره ال اتضلّه ابلواهه


بلاخدمة حسين     يالواهب ايدين
چني اِبكهف وشيجرع اِسنيني وضماهه


يالبيك گضاهه الشمس  كل عمره متحزم
شمس الاماني بهل عمر    يم فاطمه اخدم

وعليك زينب وي رقيّه
سميني خادم للزجيّه
*****************

اِيأمّن الطير    ويعيش بالخير
من يدخل العشّه وترد انفاسه خضره

وترجع الي الروح  وتطيب الجروح
بس من عزه الزهراء اشم بروحي عطره

عشنه العزه صار
ازغار واكبار
وبدخلته غصني احس روتّه مطره

العين النبي اعليه
والزهره تضويه
اطهر بقاع الله العزه وشكبره قدره


وبساعه فجريّه اندعي     بس باللطم يگضي
عمري وابد ماينحسب      يوم البلاه يمضي

يهوه الكلب بس العزيه
وسميني خادم للزجيه
*********


يانهر الاحساس   الخدمه نوماس
خيمه واذا ماتدخللهه الروح اسيره

ومايحله بالعين        بس خادم للحسين
صيته جبل  هذا الاسم محله عبيره

والماخدم تاه     ويموت بضماه
يابس گلب مامرتوي بمجلس اميره
                          او حروفه فقيره

والزهره تحميه. عين السمه اعليه
الخادم وثاني اسم  فخر العشيره

شنهو المِلِك ويّه الخِدم.         ال النبي انقيسه
الياخذ بخت من ملبسه           يتمنّه لو عيسه        
عباس الك مديت اديّه
سميني خادم للزجيّه
*-********

يل كافل خيام
ابدي اَحسب ايام
بعمري لمن اَنضر اِجه هلاله محرّم
  يالغيرتك نيل       والضلّت بليل
بالماتم اول سحكّه  احس كلبي تيمم

واسمع حچي الروح  لو گد عمر نوح
بالمجلس ابقه وماامل وبأيدي ألطم

غارگ بل هموم
يالكافل انجوم. 
وروحي تضل ورگه خريف بلايا ماتم


واليدخل بضل العزه     اتبركعه ابحشمه
وبغيره چي يم فاطمه خادم صبح اسمه

بداعة خيام الغاضريّه
سميني خادم للزجيه
*********

عشت وتربيّت           ماعندي بس بيت 
يالكافل ومنّ الصغر بيتي العزيّه
ترتاح الانفاس          عافيتي عبّاس
لمّن ادگ بالماتم  بصدري اديّه

ملهوف لحسين      ابچي فراتين
ينعه لون ناعي وذكر اِسم السبيّه

والگلبه محروگ   عالصعدت النوگ
بالحشمه والغيره بحر كلّه حميّه

بخير العزه آنه عشت.       بي اسكن اتمنّه
والمجلس بهاي الارض.      ياباالفضل جنّه

وصار اَحله من بيتي اليّه
سميني خادم للزجيّه
     **********
خادم الحسين سيد سجاد العميدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ماخاف.......... الموت باجر لو يمر
ماخاف..... من ظلمه لاوحشت گبر
ماخاف .....اسمي انه خادم بالحشر
ماخاف
************

لموتي ماحسب وفكر خالي بالي ومطمئن
واثق ومتيقن اني عليه محبوبي يحن
الوگف كل عمري اليه سند بيام المحن
يعوفي بگبري ومماتي لاوحگه مااظن

هيهات ....... ينساني ويدير النضر
هيهات.. ..... يتركني وحدي بالگبر
هيهات ..........حنين وگلبه ينكسر

من يجيني الموت باجر واخر انفاس ونبض
مايضيع الحجي مني ومااخاف ولااغض
عمري كله بأسمه ألهج وبسمه مايثگل لفض
ابقه بحروفه اردد لمن روحي تنقبض



اهواه ........ سودني وياه العشگ
اهواه ......... عاهته ابد مانفترگ
اهوه ...... بطن امي واكتبله شعر

لحدي موظلومه ينور لحدي متروس بشمع
والدمع لحسين يضوي غاد يضويلي الدمع
وانه لجله رخيص دمعي جنت ابجيله وجزع
ومايضيج عليه لحدي لحدي لللطمه وسع

وهناك ......... بالگبر مجلس للذكر
وهناك ......... مابطل بلطم الصدر
وهناك ........موظلمه يضولي الگبر

من يجني الملك باجر يگلي اكتب بالعجل
خادم اكتب بالصحيفه ولطمي ودموعي عمل
ولو يناشدني ع عمري بيش خلص ورتحل
بالمجالس عمري خلص هاذه ردي للسأل

ماراح ....... عمري انه خلصته لطم
ماراح ....... وبروحي محترگه خيم
ماراح .............ولوبيدي اداين عمر

ماتطوگني ذنوبي ع المتن ماكو ثگل
مااشيل اجبال لاكن راح اشيلن بس سهل
شايل ع متوني عاده دوم زنجيل وطبل
ألطم ع حسين عمري من زغر وانه طفل

گضيت ........... ايام عمري بخدمته
گضيت ...... دمعي عله اخته وعيلته
گضيت .......... ايامي عاشور وصفر


دوم احضر للمجالس عليها دوم مواضب
مستحب عد غيري يمگن وانه أگولن واجب
ع الساراط يگود ايدي الضامي ظل ماشارب
ابيته جنت احضر وجيله وغاد بيه يطالب

وحسين ........ ماينسه يوفي بالعهد
وحسين ........ بالحشر يوگفلك سند
وحسين ......... بسمه انادي بالحشر



علي مظلوم الجناحي




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


موهاي ارسومه ماضيعنه وصار گبالي
موهاي ارسومه مايتضيع وجه الغالي
وين الضحگه الفوگ اشفاه
ماگام بوجهي بملگاه
موهاي ارسومه
*********

اجذب اعيوني اصدگهن انته هذا موانته
العطر هوه لجن حيره ولاجني گبل شفته
معقوله اضيع ارسوم وجه ألانه حافظته
اضيع وجهي يمكن يوم وجه عيوني راسمته

مايخفه عليه انه اخته وامه الربيته
مايخفه عليه بس عطره الهب وشميته
وين اجفوفه وين الوه
ماگام بوجهي بملگاه


اخوي ينومس بطوله راسه بالسمه الغالي
اصدگ اعيوني ذاك الحيد راسه ع الرمح تالي
وافرض لوصدگ عباس هذا الصاير اگبالي
الظهر عباس وجه ينور بدر بربعطش عالي

بدر يضويلي ماغاب ومايخسف نوره
بدر يضويلي شوصل هل النبله المكسوره
شوصلها النبله لعيناه
ماگام بوجهي بملگاه


گبل ماتغمض اجفوني ابد ماتغمض اجفونه
وهسه اگباله معقوله ويغمض كافلي اعيونه
گبل ماصيحه ووصله يوگف منخطف لونه
ابو مبسم يرد الروح هذا مكسره اسنونه

موهاي اشفافه بيهن دم وذبلانات
موهاي اشفافه بحافر يمكن مسحوگات
هاي اثار السحگه هناه
ماگام بوجهي بملگاه


يمكن عيني بيها ارماد وتيه مااصد دربي
بس مغمضه اشوفنه موبعيوني انه بگلبي
انه عباس حافظته من اول مازحف يحبي
اعرفه كافلي بمگفاه مويم عيني لاگربي

لسه ع الشيله عطره اشتمه وبيها انفاسه
لسه ع الشيله ع الرمح الواگف موراسه
ماطول عني بفرگاه
ماگام بوجهي بملگاه


تذبل شفته العطشان ويذبل جسمه بهمومه
وملامح وجه تتغير بس ماتنمحي ارسومه
تضيعه من تعوفه اسنين مايتضيع بيومه
وگمر عباس اعرفنه حتلو غابت انجومه

لوضاع عليه مو عطشان وظلمت ليل
لوضاع عليه لازم داست وجه الخيل
كل عمري وعيشلي هناه
ماگام بوجهي بملگاه

حسن يوسف يوصفونه ويم عباس ماينقاس
شلون اقنع وقنع العين هذا ع الرمح عباس
ملامح وجه موهيه البوصفه تحير الناس
موهوه اگولن لا وهوه يگلي بيه احساس

محتار وحيره امشي بعيني لوبحساسي
محتاره وحيره عيناي تضيع عباسي
معقوله تغير محياه
ماگام بوجهي بملگاه


علي مظلوم الجناحي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


عاشگ ذايب بشوگي وحبه يسري بعروگي
مالك روحي واحساسي عاشگ
**************

لاموني جه بيه سولفت وشحصلت سألوني
گالو تحبه وجاوبت انطيه والله اعيوني
مجنون گالو بالعشگ گلتلهم اهوه اجنوني
كلمن بعشگه يبتلي وبعشگي انه خلوني

اعقل انه بجنوني خلي شما يسموني
وعقلي ماترگ راسي عاشگ

گالولي وصفنه اليحب والعشگ بالله شلونه
گلت انه اضيعن وانتهي لودار عني عيونه
كلش قليله لوگلت محبوبي انه مجنونه
انه انطي عمري ودنيتي للراحو يزورونه

بگلبي كاتب احروفه بروحي شايل اطفوفه
جنه ينادي عباسي عاشگ

محبوبي احله من الصدگ حنيه تارس گلبه
والمايشوفه بلابصر ومسكين جه ماحبه
لورايد الجنه صدگ الجنه والله بگربه
الدنيه لوضدي صفت مازل انه عن دربه

الشافه بگلبه وعيونه يصبح والله مجنونه
حبه بالگلب راسي عاشگ

گالولي محبوبك حزن مخليك دوم بعبره
مادرو مفهوم العشگ العشگ طعمه بمره
الوصل لورته حلو كون بجمر تنتضره
والليل ينمل لوغده لوعاش بس بگمره

دمعت عيني يستاهل رحمه من السمه نازل
رحمه والزمن قاسي عاشگ

گالولي بسك ماتمل طول العمر تنعيله
لوبيدي ادين عمر وي يعمري انه وابجيله
مااعتني لغيره ابد وبحالي يوم اشكيله
للغالي مايغله الدمع وكل العمر انطيله

الدنيه لوصفت ضدي وابقه بالغرب وحدي
اقبل كونه بحساسي عاشگ

من زغيري بيه تولعت اتذكره وانسه اسمي
اسمه حنين وبيه دفو اكثر واحن من امي
تسبيحه بشفافي الحرف لفضه يخفف همي
لومااشوفه بالداخلي هذا البصر ثق معمي

حبه بلبن راضع بدونه منتهي وضايع
ثابت بالعشگ ساسي عاشگ

ماألگه مثله بالارض وشلون احبن ثاني
دورولي واحد يشبه وماذكر ابد بلساني
حنين ومايگطع حته من ازل يرعاني
گلبه جبير ومايمل دوم انسه ماينساني

بوجهي مايسد بابه فاتح گلبه للحبابه
هوه دنيتي وناسي عاشگ


علي مظلوم الجناحي




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



عاشگ ذايب بشوگي وحبه يسري بعروگي
مالك روحي واحساسي عاشگ
**************

لاموني جه بيه سولفت وشحصلت سألوني
گالو تحبه وجاوبت انطيه والله اعيوني
مجنون گالو بالعشگ گلتلهم اهوه اجنوني
كلمن بعشگه يبتلي وبعشگي انه خلوني

اعقل انه بجنوني خلي شما يسموني
وعقلي ماترگ راسي عاشگ

گالولي وصفنه اليحب والعشگ بالله شلونه
گلت انه اضيعن وانتهي لودار عني عيونه
كلش قليله لوگلت محبوبي انه مجنونه
انه انطي عمري ودنيتي للراحو يزورونه

بگلبي كاتب احروفه بروحي شايل اطفوفه
جنه ينادي عباسي عاشگ

محبوبي احله من الصدگ حنيه تارس گلبه
والمايشوفه بلابصر ومسكين جه ماحبه
لورايد الجنه صدگ الجنه والله بگربه
الدنيه لوضدي صفت مازل انه عن دربه

الشافه بگلبه وعيونه يصبح والله مجنونه
حبه بالگلب راسي عاشگ

گالولي محبوبك حزن مخليك دوم بعبره
مادرو مفهوم العشگ العشگ طعمه بمره
الوصل لورته حلو كون بجمر تنتضره
والليل ينمل لوغده لوعاش بس بگمره

دمعت عيني يستاهل رحمه من السمه نازل
رحمه والزمن قاسي عاشگ

گالولي بسك ماتمل طول العمر تنعيله
لوبيدي ادين عمر وي يعمري انه وابجيله
مااعتني لغيره ابد وبحالي يوم اشكيله
للغالي مايغله الدمع وكل العمر انطيله

الدنيه لوصفت ضدي وابقه بالغرب وحدي
اقبل كونه بحساسي عاشگ

من زغيري بيه تولعت اتذكره وانسه اسمي
اسمه حنين وبيه دفو اكثر واحن من امي
تسبيحه بشفافي الحرف لفضه يخفف همي
لومااشوفه بالداخلي هذا البصر ثق معمي

حبه بلبن راضع بدونه منتهي وضايع
ثابت بالعشگ ساسي عاشگ

ماألگه مثله بالارض وشلون احبن ثاني
دورولي واحد يشبه وماذكر ابد بلساني
حنين ومايگطع حته من ازل يرعاني
گلبه جبير ومايمل دوم انسه ماينساني

بوجهي مايسد بابه فاتح گلبه للحبابه
هوه دنيتي وناسي عاشگ


علي مظلوم الجناحي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA