#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



نزله.. ليلة الخدمة 2020

صلى الله عليك يا ابا عبدالله
______________
بدمعة ولائي./ يبدأ عزائي / بشهر المحرّم وعينك عليه
وانه عله عهدي/ بهالليله ابدي/لمصابك الطم وتشهد اديه
روحي وحياتي يحسين بخدمتك
هاي المجالس. تغمرها رحمتك
لدرب العقيده ترشدني سيرتك
روحي عله بابك مو بيدي عشگتك

صلى الله عليك يا ابا عبدالله
______________

مشتاگ اخدمك/ خليني يمك/للمجلس احضر واذكر مصابك
روحي بمحرّم/ وعيوني مأتم/بدمعاتي معتني افتحلي بابك
وفقني يحسين للخدمه والعزاء
احسبني خادم يكفيني هالعطاء
ما عندي غيرك بالشده والرخاء
گلبي ملكته. وبعيوني كربلاء


صلى الله عليك يا ابا عبدالله
_____________

بجاه العقيله/ودمع العليله/من تفتح السجل لا تنسه اسمي
عبدك دخيلك/لخاطرعليلك/وفقني خل يرد للخدمه عزمي
حبك رواني مولاي امن الزغُر
لمّن خدمتك. لجلك مو للأجُر
لا ما اعوفك اخدم طول العمُر
عهد الخدامه من مهدي للگبُر


صلى الله عليك يا ابا عبدالله
____________

هاي الشعاير/تحيي الضماير/يحفظها منبرك روح الشريعه
وانه بهيامي / عبدك امامي/ بيها التزم أنه وامرك اطيعه
لابس سوادي وتعنّه لمجلسك
يسري بدمائي حبك وتحسّسَك
ميّت بدونك. عايش اتنفسَك
عشگك حياتي. علّمني عابسك


صلى الله عليك يا ابا عبدالله
_____________

يشتد حنيني/لمجلس حسيني/يسعفني مجلسك لو روحي تشتاگ
صبح ومسيّه / يبن الزچيّه / بمصابك انشغل ما احمل فراگ
موكب عزائك تلگيني بي احن
زنجيلي بيدي. وآثاره عالمتن
وانه عله مودك ايامي بس حزن
لو يجري دمعي. لو جازع وأون


صلى الله عليك يا ابا عبدالله
_____________

حزني ودمعّتي/وجمرة لهفّتي/مواساة لفاطمه ودمعة عزاها
تحضر معانه/وتبچي بعزانه/نواسيها سيدي ونطلب رضاها
نبقه بعهدنه يحسين بكل زمن
دمعتنه تجري لدموع ام الحسن
للمهدي ندعي ايّـامه قـرّبـن
ماعدنه غيره. من يجلي هالفتن

صلى الله عليك يا ابا عبدالله

سيد زيد الفحام

________________________
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيدة ( كعده ) رساله الى بعض من يتستّر بالخدمه الحسينية لأجل مصالحهُ الدنيوية .


لو رايد صدگ تخدم امامك
تواضع وخدم الناس بمقامك
عمرك نذره للدين
يرفع جاهك حسين
تواضع وخدم الناس بمقامك
..........

يالخدمت حسين اخلُص تاخذ العز والكرامه
هذا ثوب حسين ثوبك انطي حق ثوب الخدامه
بـالـك تـرائـي بخدمّتك ما تحصل بس ندامه
باليرضي ربك اشتغل
لا تخدع الناس بفعل
لحسين تعبك ينتقل
كل عمل يُوضع امامه

لحسين العمل ربك يعرضه
لو مملي بدغش حتماً يرفضه
اخلص ولتزم زين 
يرفع جاهك حسين
تواضع وخدم الناس بمقامك
...........

محزّم ولابس سوادك تطبخ وللناس طبخك
عود ياهالناس شوفوا وتنّفخ گدام ربعك
اطّير من الفرح أكثر لو وگف واحد يمدحك
بالمظهر امبيّن محب
بس واقعك غشّ وچذب
اعظم معاصي ترتكب
وماتلوم بهاي نفسك

حگها الناس تحكم بالمظاهر
بس حسين يعلم بالسرائر
اخلص للموالين
يرفع جاهك حسين
تواضع وخدم الناس بمقامك
............

ماكل اموال اليتامه وبالربا  متـروس  جيبك
باطنك غش وخداع وتظهِر عله الناس طيبك
ناسي ربك والقيامه وشتعل  بالراس  شيبك
اصلحها نفسك ولتزم
لا تبقه غارگ بالأثِم
بالدنيا بسّك لا تهم
ولّتهي بإصلاح عيبك

شلون تريد تصبح خادم حسين
وانت بگلبك تعيش الشياطين
ميّز بين الاثنين
يرفع جاهك حسين
تواضع وخدم الناس بمقامك
............

لا تجي للخدمه وانت بالحسد متروس گلبك
تخدع الناس البريئة وتغضب المعبود ربّك
حسين ما محتاج واحد بالهواء يروح تعبك
لحسين مفتوح الدرب
عوف التكبّر والعجُب
وتواضع بصافي الگلُب
ينغفر بالتوبة ذنبك

حسين يريد واحد يخدم الناس
عنده الدين والأخلاق مقياس
عوّد گلبك اللّيِن
يرفع جاهك حسين
تواضع وخدم الناس بمقامك
..............

حسين كل خادم يشوفه ويعلم بگلبه وضميره
يا الف هنيال كلمن يخلص ويخدم اميره
بالقيامه يفوز باچر رابح ويعرف مصيره
لحسين متروك الأمُر 
هوه الّذي ينطي الأجُر 
لليخلص بهذا العمُر
مخلص وصافي السريره

لو ردنه المثل عن خوش خادم
عندك حمزه والمنظور كاظم 
اتبع ذوله لثنين
يرفع جاهك حسين
تواضع وخدم الناس بمقامك
...............

مثل جون حسين رايد خادم يحب التواضع
لونه اسود گلبه ابيض للرسول وآله تابع
حبه لهل البيت صادق مو لجل دنيا ومطامع

( بهاي المبادئ والصفه )

كلمن خدم كلمن وفه
يشفعله طه المصطفه
موقف مشرّف موقفه
وعترة نبينه توالفه
يربح بيوم القيامه بالكرامه الدائميـــــه


سيد زيد الفحام

__________________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيده كعده رداً على من يسيئون للشعائر الحسينية


هاي الشعائر حفظت الدين
واليحچي ضدها يسيئ لحسين
عزنه وكرامتنه
بس بيها رفِعتنه
واليحچي ضدها يسيئ لحسين
*

احنه عالفطره السليمه نحيي ونقيم الشعائر
حسين مصدرها واصلها وبالمجالس هوه حاضر
الشعائر هيّه تحفظ دينّه وتحيي الضماير
نعظّمها تعظيم الفرض
قدّسها ربنه بكل ارض
والما قبلها ويعترض. هذا بالدارين خاسر

عظّمها رب الكون ياناس
مثل الصلا والصوم تنقاس
حفظت عقيدتنه
بس بيها رفِعتنه
واليحچي ضدها يسيئ لحسين
*

يامن تسيئون كافي الله ما يقبل عملكم
لا تحرفون الشعائر اصحوا من غفلة جهلكم
لا تسيئون لمُحمّد يجرح المهدي فعلكم
شور التلطمونه رگص
والحاء شلتوها برخص
والاسم عدكم بي نقص يطرب السامع لطمكم

خدام ابو الاكبر تزعمون
وبمجلسه كلكم ترگصون
معروفه خدمتنه
بس بيها رفِعتنه
واليحچي ضدها يسيئ لحسين
*

كل سنه تجيبون بدعه عالشعائر من هواكم
بدعة الراب الاخيره وضّحت كل محتواكم
للغرب صرتوا البضاعه دخلوا لصفنه بگفاكم
ايد اليهودي الناصبي
بيكم رمت چبد النبي
قلّدتّوا نهج الاجنبي. وعفتوا نهج البي عزاكم

تبقه الشعائر بلسم الروح
خط احمر ومو كلشي مسموح
فهموها فكرتنه
بس بيها رفعتنه
واليحچي ضدها يسيئ لحسين
*

الغاية مو غاية حداثة نعرف الغاية الخفيّه
همهم تموت الشعائر بالسهام الطائفيّه
لأن شافوا بيها قوّة للأمامه الحيدريّه
وسفه الشباب بلا فهم
خدعوهم وصاروا طعِم
عافوا تراث اهل العِلِم. چلّبوا بالبندريّه

نهج التراث شلون عفتوه
شور الاجانب ليش جبتوه
حرّفتوا لطمتنه
بس بيها رفِعتنه
واليحچي ضدها يسيئ لحسين
*

حسين ما رايد حداثة بيها نوع امن الاغاني
تندثر بيها الشعائر تخله من كل المعاني
احنه عدنا حسين واحد ما نريد حسين ثاني
عدنا الشعائر من زمن
حمزه الزغيّر وي وطن
من يقره حمزه ومن يون. آه من غدرة زماني

خادم حقيقي وصار سلطان
لليخدم وللخدمه عنوان
علّاها رايتنه
بس بيها رفعتنه
واليحچي ضدها يسيئ لحسين
*

واجب اليخدم امامه كون ما يجرح شعوره
يخدم بأخلاص گلبه ويعترف كون بقصوره
لأن يدري حسين حاضر يحترم واجب حضوره
الخادم وفائه بدمعته
يذكر امامه ومحنته
بالخيل داسو جثّته. گبال ام عون الصبوره

عالرمح راس حسين رفعوه
وجسمه الشريف بخيل داسوه
سچّابه دمعتنه
بس بيها رفِعتنه
واليحچي ضدها يسيئ لحسين

سيد زيد الفحام

_______________________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة كعدية للخدمه 2020

يارب ديم علينه النعمه
متمسكين بهاي الخدمه
ما تفرِق عدلين اموات
يحسين انعوفك هيهات
متمسكين بهاي الخدمه
............................

بمبدأ الحب والعقيده خدمتك بيها التزمنه
غيرك بهاي المجالس ما گدر واحد يلمنه
ألمهم يحسين انت غير شخصك مايمهنه
فضلك چبير عله الخَدَم
منّك تعلّـمـنـــــه القيم
بس بيك تتصافه الذمم
بحبك الخالق رحمنه

كل خادم عندك عنوانه
يحسين وتعرف ايمانه
مو مرّه انكرر مرات
يحسين انعوفك هيهات
متمسكين بهاي الخدمه
............................

ألتزمنه بهالشعائر كل سنه نحافظ عليها
الله وصّانه بحفظها شفنه كل الخير بيها
مثل تقديس الفرائض بالحياة مقدّسيها
تبقه المجالس عامره
تنفعنه دنيا وآخره
بيها الزچيه حاضره
تكتب اسماء التجيها

كل دمعه عليكم محسوبه
للخـــادم تغفــرله ذنــوبه
صرخة وذاعتها الاصوات
يحسين انعوفك هيهات
متمسكين بهاي الخدمه
............................

سيدي يحسين تعلم شيعتك دوماً وفيه
ابد ما عفنه المجالس رغم جور الناصبيه
سجن تهجير ومذابح شفنه انواع الاذيه
يحسين ماهمنه الخطر
نخدم بقينه عله الاثر
عاشور شاهدنه وصفر
والليالي الفاطميه

چم ظالم مات ومامتنه
مرفوعه ترفرف رايتنه
والمات بحبك مامات
يحسين انعوفك هيهات
متمسكين بهاي الخدمه
............................

يختلف هالعام تدري والخطر مختلف نوعه
مرض والعالم تحيّر سيدي ونهار وضعه
انتشر هذا الوباء الـ ما گدر واحد يمنعه
يحسين يبن المصطفه
بترابك الطاهر شفه
وهذا الأمر يمك صفه
والمرض تكدر ترفعه

خدامك تگدر تحميها
ومنّ الأمراض تشافيها
يالحبّك يشفي الآفات
يحسين انعوفك هيهات
متمسكين بهاي الخدمه
............................

احنا مايمنعنه كلشي لابد انقيم المجالس
بيها نتعلم دروس تفوق منهاج المدارس
درس من جون الموالي ناخذ ومن عشگ عابس
هاي المجالس جامعه
بكل الموارد نافعه
بيها الخَدَم متولّعه
حبك الينطينه واهس

خدام انظل يابوالأكبر
منعوف المجلس والمنبر
ونردد اجمل كلمات
يحسين انعوفك هيهات
متمسكين بهاي الخدمه
............................

ياحُسين انعوف كلشي مستحيل انعوف حبك
آخره ودنيا بولائك درب رب الكون دربك
ماعلينه بغير شخصك نلتزم باللّي يعجبك
للموت نخدم منبرك
سجلنه كلنه بدفترك
هيهات ما نتعذّرك
احنه وي سلمك وحربك

منعوفك نقسم للتالي
وفّقنه انخدمك يالغالي
ونتذكّر كل المأسات
يحسين انعوفك هيهات
متمسكين بهاي الخدمه

#سيد #زيد #الفحام
_______________________


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نزله هلالية 2020

لا يامحرّم جرحك بعيني
ارحم دليلي ولا تأذّيني
..........

لمن تهل وتشوفك عيوني
تتأذه روحي وينخطف لوني
اعظم مصايب بيك راووني
اتمنّه اموت ولا تلاگيني
.......

هلالك نظرته وزادت جروحي
يالبالمصايب ذوّبت روحي
لا دمعي ينفع لا نفع نوحي
راح اليودني واليواسيني
........

لا يامحرم ارحم بحالي
بيك انذبح ابن النبي الغالي
لا ما نسيته وعايش ابّالي
جمرة مصابه تفور تچويني
........

اذكر حبيبي حسين عالغبره
بجروحه دامي منگطع نحره
بخيل وحوافر هشّمو صدره
ضحّه بحياته حته يحميني
.........

بهلالك مصاب الگمر شفته
عباس ابوالغيره الكفل اخته
گطعوا چفوفه گطّعوا جثته
عالمشرعه قرر يوافيني
.......

آنه العقيله ياشهر حزني
ام المصايب كافي تفجعني
اسمك يضلّ بگلبي يجرحني
وينه اليفرّق بينك وبيني
.......

اذكر مسيري عالهزل ونحب
مسبيه تمشي ياوسف زينب
كلما اشوفك ابچي وتعذّب
مثلك شهر ما مر عله سنيني

سيد زيد الفحام

------------------------------

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيده رئيسية هلالية 2020

ياشهر الحزن هاي لسّه جروحك وياي
يالجدّدتّ لمصاب گلبي بشوفتك ذاب.
لسّه جروحك وياي
**********

ياشهر الحزن بجروحك الروح ذابت من حزنها
شفت هلالك وهيّجت لجروح وايامك اجنّها
طبع الفاگده ما تترك النوح مايغمض جفنها
ماظل ماي وعيوني دمه تفوح آلامك عمنها

نشفت دمعة العين منّ مصيبة حسين
جرح البيّه ماطاب گلبي بشوفتك ذاب
لسّه جروحك وياي
***********

ياهي المثلي اسأل عذبوها راووها المصايب
ضامي وينذبح شافت اخوها بسيوف النواصب
ذبحوا كل خوتي وگطّعوها فرسان الغوالب
تشهد يامحرّم عالسبوها مفجوعه وتعاتب

هلالك قوس الاسهام يرمي بگلبي الالام
صواب ويلجم صواب گلبي بشوفتك ذاب
لسّه جروحك وياي
************

ما انسه المصايب والجره وياي برض الغاضريه
بحسين وبنينه شسوّت اعداي ذبحوهم سويه
عطشان انذبح ابن امي والماي بچفوف ال اميه
ياشهر الحزن المن بعد جاي ما احمل اذيه

ذبحوا كل خوتي يمته يحين موتي
صاروا تحت لتراب گلبي بشوفتك ذاب
لسّه جروحك وياي
************

بهلالك شفت چن تلهب النار حرگت كل خيمنه
وحسين انذبح بسيوف الاشرار ذبحو كل زلمنه
فرّت بالبراري زغار وكبار لا والي اليلمنه
عباس الگمر ما يدري بالصار طايح وي علمنه

راس ابن امي مرفوع شفته ولسّه مطبوع
ابّالي ولسّه ما غاب گلبي بشوفتك ذاب
لسّه جروحك وياي
*************

آنه ام الخدر زينب يعاشور يمعذّبلي حالي
بيك افگدت شمسي وكل لبدور ماظل عندي والي
شفت حسين اخويه شلون منحور هالصوره عله بالي
صدره من الحوافر حيل مكسور سلبو جسمه تالي

شلّي بعمري بجفاه أمنيتي ابقه ويّاه
راسي من القهر شاب گلبي بشوفتك ذاب
لسّه جروحك وياي

سيد زيد الفحام

------------------------------

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



بسم الله الرحمن الرحمن
اليكم منهاج العشرة من محرم الحرام لهذا العام
مع الالحان
بأمكانكم تغير اللحن حسب ما ترونه مناسبا




مقدمة مجلس هلالية لشهر محرم الحرام


عاشور شهر الحزن
عاشور. نبچي ونون

مـن يهـل اهـلالك دمـوعـي تهل
اذكر حسين وهله الخلصوا چتل
٠•••••••••••••

من اشوف اهلالك يهل بالسمه
ياشهــر عاشــور گلبـي تألّـمـه
يعني زينب تنفجع وي فاطمه
وينفجع حيدر علي وسيد الرسل
٠•••••••••••••

ياشهر عاشور بيك شچم مصاب
بيك ذبحوا چم طفل وشچم شباب
وشافوا اهل البيت انواع العذاب
وهُمّه اصل الدين والحق والعدل
٠•••••••••••••

بعاشر ايامك يشهر النايبات
ذبحوا حسين السبط يم الفرات
وهشّموا صدره بخيول العاديات
وراسه عن جسمه برمحهم ينفصل
٠•••••••••••••••

وعلي الأكبر ياشهر بيك انذبح
چم سهم مصيوب جسمه وچم رمح
دم شبيه الهادي عالغبره انسفح
وأمّه تصرخ ياعلي ضاع الأمل
٠•••••••••••••••

وجاسم العريس ياشهر الحزن
بعزّ شبابه بعده وشموعه انطفن
چفوفه مو حنّة بدماها تخضبن
عرس جاسم حلم صار وماكمل
٠••••••••••••••

وبعد نذكر بيك عباس الگمر
ياشهر عاشور طاح عله النهر
هذا سبع الگنطره وراعي الفخر
گطعوا چفوفه وعله الشاطي انچتل
٠•••••••••••••

ياشهر عاشور ودموعي جرت
وسفه زينب عالهزل بيك انسبت
ميسّره وللشام والكوفه مشت
اخت عباس وخذوها عله الهزل

خادم الإمام الحسين عليه السلام
سيد زيد الفحام
_______________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزله


شملني ... غمرني .. الحسين برحمته
نضرني ... قبلني .. عبد اني بخدمته
حسين .... واحسين
................

حياتي كلهه بيده .. احبنه واريده
اله عمري فده وروحي حبيبي وعندي غالي
يموتني زماني .... وذكر اسمه الحياني
انه العاشك ابو ارقيه وفلا غيره اعله بالي

حسين .. شبيها ماشفت
حسين .. يعيش بكل وكت

إمامي .. وأمامي .. اشوفه ومانسيته
كلامي .. وسلامي .. على شيبة لحيته
حسين ...... واحسين
.................

احير شلون اوصفه .. ولا اكدر اعرفه
شمس هوه وگمر هوه ويضوي الدنيه كلهه
صرت اني اسيره .. لئن ماعندي غيره
اصب دمعي على مصابه وتحس روحي بخجلهه

غريب .. بقه بلايه نعش
غريب .. رواني بس عطش

بحياتي .. ومماتي .. فلا انسه مصابه
كسرتي .. ودمعتي .. على السلبو ثيابه
حسين ... واحسين
.................

وسط گلبي مكانه ... عليّ فايض حنانه
ابد ماكو مثل گلبه ولا شفت بصفاته
عليّ امي حنينه .. شبها ماكو وينه
وشفت عنده المحنه أزيد فدا امي شغلاته

حنين .. رغم ما منجرح
حنين .. يداوي اكبر جرح

صفائه .. ونقائه .. فجر ويطر صباحه
وجوده .. حدوده .. فلا الهه مساحه
حسين ... واحسين
................

اروحله وازوره .. عليّ تهب عطوره
النفس هوه انه اشتمه وحلم اغفه اعله بابه
اغمض عيوني يمه .. احصل بلكي لجمه
اضل متاني زواره يسحكوني بثوابه

ثواب .. احصل من صدك
ثواب .. اله من انسحك

حبيبي .. وطبيبي .. وحياتي كلها هوه
دوائي .. وشفائي .. اضل بدونه شسوه
حسين ... واحسين
.................

ضريحه من اطوفه .. احس بيهن جفوفه
يحضنني لئن گلبي يأمن نبضه عنده
عرفت هوايه وادم .. اصبح تالي نادم
شلت من كلبي كل غالي وبقه لحسيني وحده

عجيب .. دخل وسط الگلب
عجيب .. احس ناسي غرب

ملاذي .. اودادي .. اله لاماكو ثاني
هواني .. واجاني .. وعله دربه خذاني
حسين ... واحسين
..................

اشد حزامي لازم .. رتبتي اني خادم
وتضل عيني عليه هوه وابد ماعندي ثاني
اذا انسه عشرته .. اموت بلا دمعته
حنين شكد عليّ گلبه وعن الوادم غناني

اشوف .. وسط گلبه الم
اشوف .. ولا ينسه الخدم

بحنينه .. بيمينه .. ويداريني بنضرته
جماله .. وخصاله .. احيرن لو ذكرته
حسين ... واحسين


محمد هادي العقابي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ليلة عبد الله الرضيع عليه السلام



عبد الله ابني واعرف اطباعه
عن حضني مايبعد ولاساعه
تكطعون من اكليبي سباح
تلجمونه وتلجموني لو راح
.................

اشتاكله وبحضاني نايم هالطفل
من تاخذونه شلون كلولي احتمل
لا لا تبِعدونه وتطشرون الشمل
فركت الام ويه الولد تكتل كتل

ميدان هذا الراح مايرجع
بس للزلم بي ماشفت رضع
خلو الولد بحضاني يرتاح
تلجمونه وتلجموني لو راح
.............

عبد الله رايح وادي مايرجع بعد
كل خوفي يرجع راس ماكو اعله الجسد
يالماخذين الولد شلي بالمهد
هم حضنه فارغ مثل حضني امن الولد

من اهز مهده الدمعه تغلبني
تنزل على خدودي وتعذبني
والدمع ماينگطع لو طاح
تلجمونه وتلجموني لو راح
.................

اكعد على مناغاته كل يوم الصبح
ويوميلي بيده اكماطه لمن ينفتح
لاتاخذون الولد كلبي ينجرح
گلبي يكلي وليدج ايرد منذبح

لو رد عليه وناكع بدمه
اتلاكه ويا واحچي ياكلمه
انحرم منه وعطره فواح
تلجمونه وتلجموني لو راح
..................

آنه ادري عطشان الولد مو مال الم
فوك الضمه ايزيدونه ويرونه دم
والله حلوه الكعده ويا بالخيم
لاما اريده ايصير ثالثنه السهم

شوفو ركبته شلون ذبلانه
خلوني اشمه وبيه فرحانه
كل يوم هوه العيني مصباح
تلجمونه وتلجموني لو راح
.................

وليدي رگبته تختلف عن الرگب
ترفه وبعد ماينكطع لو دمهه صب
كليبه جمر من العطش صاير حطب
شيحملهه نبلة حرمله وبتلث شُعب

اخذو گبل لايكطع انفاسه
وردو اليه ورگبته براسه
ايشربو اميه بلكي لو صاح
تلجمونه وتلجموني لو راح
.................

كلبي علمني وليدي مني يبتعد
ضليت أنه ودمعي ودليلي المنمرد
احجي ويه روحي ايرد عليّ لو مايرد
من بين اديه ايروح ويموت الورد

جابو اليه ومنخطف لونه
وناغيته مايفتحهن اعيونه
عبد الله ياخذ كل الافراح
تلجمونه وتلجموني لو راح

محمد هادي العقابي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ليلة عبدالله الرضيع عليه السلام


قطره من دمك روت ارض وسمه
يمه ياعبد الله يالميت ضمه
..................

غمضت عينك يسباح الكلب
واني عميه عيوني ماشوف الدرب
دمعتي يايمه عالوجنه تصب
على مناغاتك ترانه امعلمه
..............

وردة اسنيني ويأ جمل كل ورد
بعدك ازغيّر ييمه اعله البعد
لاتضن كلبي برحيلك ينسعد
اهمومي فوك الراس كلهه مخيّمه
..............

اتزيد الهموم من اصدن للمهد
ومااشوفن طولك وحيلي ركد
انه ام وفاكده ضحكت ولد
ابيش اخّمد نار روحي المضرمه
................

طير جنه وانحرم من شوفتك
ياهو بعد امك ينشف دمعتك
ماتروح ابالي ضلت صورتك
شنسه منك وانه بسمك هايمه
...............

يمه يالب الكلب شنهي الحصل
الماي لشفاف البرائه ماوصل
من الضمه حيلك ودلالك ذبل
شلون بعدك انه اضل متنّعّمه
..............

در حليب امك تعال بهل حضن
انته مو مالت كبر لاتندفن
حاره الرمله واخاف اعله الوجن
جسمك احرورت الكاع اتهّدّمه
...............

ما اضلن يمه بغيابك تره
مايفيد الصبر روحي امرمره
يمه ياعبد الله ابقه محّيره
شذنبك وتتروه من نحرك دمه

محمد هادي العقابي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ليلة الحادي عشر


هايخوتي ضلام الليل اجاني
هايخوتي وعاين مو مكاني

منو ايردني الدياري
وعدونه بنتضاري
................

ما ادري الدلال ايصير هم وهضم بالتالي
وين الجابني بيمناه خل ايعاين الحالي
بليل اهدعش يالخوان زينبكم بلا والي
ولتمت عليه الناس وآنه بغير كفالي

مااجاني اخوي الدكلي صدره
مااجاني وانه بدمعاتي انطره

شسولف عن مراري
وعدونه بنتضاري
..................

ادري بشيمة الطيبين ماترضه على العيله
حارسنه الشمر ترضون شيخلصهه هل ليله
ناوي اعله السبي وبالسوط يضرب بيه كل حيله
موهينه وحك عباس عيني المدمع اتسيله

ياهضيمه عكب جف الكفلني
ياهضيمه ولا واحد رحمني

افرن بالصحاري
وعدونه بنتضاري
...............

بعدكم خويه وين انام وكل الخيم حركوهه
صارت جمر فوك الكاع وهل اطفال جوّهه
وخمدت نارهه الخيمات ونار بگلبي شبوهه
اسمعهم عليّ يحجون السوك الكوفه دخلوهه

آنه زينب اطب سوك الاذيه
آنه زينب زلم تنضر عليه

ابد ماتطفه ناري
وعدونه بنتضاري
..................

باجر والنهار ايصير واعلينه الشمر قائد
والاطفال من الخوف واحد لايذ بواحد
وممنوع البجي يحسين السوط ويانه متواعد
والي ايصيح ياعباس ينطك والمتن شاهد

هذا حالي يخوتي والله حيره
هذا حالي اميرتكم اسيره

اليتاماكم اباري
وعدونه بنتضاري
................

زينب آنه بس بالبيت اسمي انجاب طاريه
حنين اصواتكم بالروح تنكط كلهه حنيه
ماحسبت هذا اليوم يندار الوكت بيه
اعداكم ضلو ايصيحون زينب هايه مسبيه

وينه ذخرج يكلولي الشماته
وينه ذخرج يجي ايخلص خواته

صعب صار اصطباري
وعدونه بنتضاري
..................

كلشي انتهه بهذا اليوم واني ايامي معدوه
تعالو وشوفو يالوليان وين الضعن مكصوده
اعاين كل درب بي نار وعساكر لازمه احدوده
زينب باجر اعله النوك اجفوفي بحبل مكيوده

باجر امشي على الناگه الهزيله
باجر امشي غريبه ودمعي اسيله

يصير اضلم نهاري
وعدونه بنتضاري


محمد هادي العقابي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ليلة علي الاكبر عليه السلام



دمعي همال...والحال...مايحمل مصابك
يبني جتال...لوطال...يالاكبر غيابك

راح اضل اصفك بديه....والاهيد
والدمع صبح ومسيه.....تره يزيد
......................

رد عليه..يمه كلي شنهو مني العطلاك
ياعزيزي..تدري بامك ابد ماتحمل جفاك
خلي بالك..لومتت يعني اموت اني وراك
المن ابقه..وشلي بعيوني اذا فكدت ضواك

تعمه العيون...وتهون...لجلك كل حياتي
كلبي محزون...وشلون...غابت امنياتي

ياهو اليهود عليه....يالوحيد
والدمع صبح ومسيه...تره ايزيد
......................

تبقه حالي..ابلا وطن يوليدي لو عني تروح
ومااهود..ياهي التفارك كلبهه وماتنوح
واحرموني..من نضرتك والعطر ذاك اليفوح
يمه كلبي..بكد جروحك ياعلي يحمل جروح

فاكده الراي..ووياي..جان ابني شحلاته
خذت دنياي..سلواي..ماكو من صفاته

حالي بعدك بالاذيه....يالبعيد
والدمع صبح ومسيه..تره ايزيد
......................

شلي بعدك..بدنيه ماترحم كلب شايل حنان
هيجي دنيه..يبني بيهه بعد ماظلي مكان
مااريدن..ابقه يمه وياك اخذني للامان
لاتخلي..الروح تتعذب بعد من هالزمان

هايمحبوب..والثوب..أسود راح البسه
كلبي مصيوب..ويلوب..ما واحد يحسه

الراح من عدهه التجيه...شنو يفيد
والدمع صبح ومسيه....تره ايزيد
.......................

جان ليلي..يبني يحله بطولك وذاك الجمال
بعيني شفتك..الي من جابوك ومخضبك دماك
شرد اسولف..عالجروح ودمك ينكط وراك
شنسه منك..سهر ليلي والتعب يمه ورباك

يبني اشم بيك..واحاجيك..وكليبي شيهوده
ياجرح بيك ..يأذيك...كلي وحته اضمده

ونتك ونه خفيه..يهل حيد
والدمع صبح ومسيه..تره ايزيد
........................

عني تمشي..يمه مافكرت بيه بهالوداع
تدري بيه..اخلاف عينك من اديه كلشي ضاع
هسه روحي..تريد يم كبرك كبر وبفرد كاع
شلون احصله..حته تهده وتستقر من الاوجاع

يبقه لدوم..مالوم...كلبي من رحيلك
هاي الهموم..كل يوم...بيهه انه اشتكيلك

والدهر مارحم بيه...شنو يريد
والدمع صبح ومسيه...تره يزيد


محمد هادي العقابي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



ليلة علي الاكبر عليه السلام


خل اودعك  بويه يالاكبر
شبگه منك  ماردت اكثر

انته عطشان  واني عطشان
مايرحمون   ذوله عدوان
......................

ياصوره من جدي النبي ومن معناه
كلما اشمك بويه اصيح آنه الله
افيش ياريحت علي ويامحلاه
اليوم امن اودعك ينترس كلبي احاه

انته تمشي   وتاخذ احلامي
وبرحيلك      تخلص ايامي

تبقه بالروح   بس الاحزان
مايرحمون    ذوله عدوان
...............
 
وجهك اذا ماشوفه شلي بدنياي
ويه النفس يابويه عايش وياي
يالاكبر وساعة تفارك عيناي
بعروكي احسنه فلا يمشي ادماي

يامعزتك       وساكن اعيوني
بلايه وجهك   ينخطف لوني

بهذا الوداع     ابقه حيران
مايرحمون      ذوله عدوان 
.............

خبرت امك تدعي الك يامهيوب
ويوصل دعاء الوالده ومامحجوب
اتمنه من تروح ترجعلي انوب
بس كون سالم يالولد ما مصيوب

شرد  اكلهه   التدعي بالخيمه
ونته ماكو     وطايح  بهيمه

اصبر شلون    هذا ميدان
مايرحمون      ذوله عدوان
...............

اخذ الگلب يالاكبر وياك وروح
بويه انه احس هالروحه متروسه جروح
ريته كبل نحرك كليبي المذبوح
ولااعتنيك والكه دمك مسفوح

ادري كلبي       اسهامه وجروحه
كثره لاكن        انته كل نوحه

يحني فركاك   والاجل حان
مايرحمون       ذوله عدوان
...............

من عيني يطفي هل زمن اجمل نور
كبل الكفيل اعليك يابويه الدور
كلنه ضحايه انصير يبني بعاشور 
طيحت ابو فاظل تره اتكّسر اضهور

الرايه بيده      ويهوه عالغبره
وبين اديّه        ينتهي عمره 

واعله عباس    گلبي لهفان
مايرحمون        ذوله عدوان
..................

يالاكبر وياك اختم بدمع العين
يالغبت عني وماكو منك يالزين
شلتك امن المصرع بذني الجفين  
ماتت اجدامي وبويه ماچني حسين

طاح گلبي     وشفته كدامي
وهوه انته        وكل كتر دامي

انته مذبوح    وعلى التربان
مايرحمون      ذوله عدوان 


محمد هادي العقابي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



ليلة علي الاكبر عليه السلام



حياتي وروحي وتطيب اجروحي
من اشوف اعيونك
علي يوليدي خذوك من ايدي
وتغير لونك
.................

وجهك الضاوي بحياتي ودنيتي.... غاب عني
وطولك الهيبه يروحي وفرحتي.... راح مني
بحزني اضلن يالولد وبحسرتي..... اعليك وني
تبقه الك عالخد ييمه دمعتي.....خاب ضني

حسبت ابالي علي تبرالي
واريدن عونك
علي يوليدي خذوك من ايدي
وتغير لونك
................

ياعلي الاكبر ييمه من غبت....نار كلبي
بعدك بعيني تراني ماشفت....اه دربي
آنه من هذا الغياب اتلوعت...موت گربي
بلا منيه الروحي اني ودعت...راح تعبي

يگرت عيني شلي بسنيني
ضياع بدونك
علي يوليدي خذوك من ايدي
وتغير لونك
................

اذكر ارباك ويهد حيلي السهر ....اه يمه
يبني يالغالي وتره گلبي انفطر....هاي لجمه
من طحت يايمه جابولي الخبر....زاد همه
ليله ابنج ودعج بارض الخطر....سال دمه

شيّخلص ليلي يماخذ حيلي
دكلي شلونك
علي يوليدي خذوك من ايدي
وتغير لونك
..................

جابك حسين وشفت ابني الورد...سال عطره
شايلك بيده ابوك اعله البُعد...مال ضهره
والشبابك يبني بعيوني اصد...راح عمره
ضهري مايحمل يالاكبر هالفكد....حان كسره

ابوك وآنه الحزن اذآنه
تغمض اجفونك
علي يوليدي خذوك من ايدي
وتغير لونك
.................

شلي بالدنيه بعد وش أنتضر ...غير نوحي
مايفيد اوياي بعدك كل صبر.....بيك روحي
رحت عني وراح وياك العمر.....ليك يوحي
ماتطيب آلآمي من هذا الهجر... و جروحي

وداعك شيبي وكسرلي كليبي
وحك اضنونك
علي يوليدي خذوك من ايدي
وتغير لونك


محمد هادي العقابي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــليلة علي الاكبر عليه السلام


يازمن وين الولد وديته
هذا الاكبر بالسهر ربيته
لاتعيشني بحزن
ابني ساكن بالجفن
يازمن وينه
.................

تجرح اكليبي بغيابه يازماني
الراح ابنهه تبقه مهضومه وتعاني
مانسيته وادري ببني مانساني
بالعزيز اليوم سهمك صوباني

هذا روحي وانته ماخذ روحي
راح اضل بعِشره آنه ونوحي
دمعي ينزل عالوجن
ابني ساكن بالجفن
يازمن وينه
.................

غيبت من عيني شمس الدنيه كلهه
اني ام وبالگلب ميت املهه
هل مصيبه المتن مايكدر حملهه
عالولد اتمنه روحي اليوم اجلهه

ما اكابر والصبر ماريده
اني اريد اوليدي والزم ايده
الشوفته كل لحضه احن
ابني ساكن بالجفن
يازمن وينه
................

تدري گلب الأم يضل ينبض حنانه
وماتمره الراحه لو ودع امانه
الضحكه جانت اني ويا كل دوانه
وهسه اصدله بدمعتي وخالي مكانه

ياعلي اندب نهاري وليلي
رايح ومن عندي ماخذ حيلي
يازمن عالغالي اون
ابني ساكن بالجفن
يازمن وينه
.................

ابني كل اطباعه ترفه وروحه حلوه
وجان كل يوم اليمر بعيوني يروه
اه ماعندي بعد بالدنيه سلوه
هل وحيد وگلبي بغيابه تجوه

شلون اعيش واكضي باقي ايامي
واني انضر علي مو كدامي
روحي مني تنسحن
ابني ساكن بالجفن
يازمن وينه
.................

طوله جان اكبالي تارس عيني هيبه
ام علي الاكبر حسافه اصبح غريبه
راح للميدان ودعي الله يجيبه
مادريت السيف صاير من نصيبه

سالم ايرد وشكثر تانيته
والتريده انته صدك سويته
تاخذ احلام الحضن
ابني ساكن بالجفن
يازمن وينه
................

حزني مايخلص يضل طول الليالي
اني ام وانته ماخذ مني غالي
شلون اخلص الدنيه وانه بهذا حالي
يازمن ماعندي غير وليدي والي

شلون اودعه وهوه ضاوي سنيني
ابني ورده وساكن بنص عيني
ذابل اصبح هل غصن
ابني ساكن بالجفن
يازمن وينه



محمد هادي العقابي




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ليلة علي الاكبر عليه السلام


شاغل فكري شمعت عمري
لونك احس مو مثل امس وجهك ذبل
..................

علي يبني ونضر عيني شيصير وياك
ابوك آنه وعِلم گلبي وشفت عيناك
دخبرني الحزن بيّن على محياك
يروح حسين ما اكدر على فركاك

فراكك تدري يكسر ضهري
حملك حمل من انسئل راح الامل
.................

اشوفنك تصد عينك على الخيمات
بعدنه بخير والحره بأمان تبات
اخياتك يالاكبر ذني مهيوبات
تره عمتك بعدنه تعاشر الحسرات

دينك رايد مثلك واحد
إحمي الخدر النه النصر ربك جعل
................

كلام هواي يابويه وصعب يالزين
لجن خليني اخبرك بالتشوفه العين
تروحون وعليّ تفزع تره الصوبين
يضل وحيد بين اعدآ ابوك حسين

موت الناصر يوم العاشر
كل صحبتي وحته اخوتي اه الكفل
................

يبويه مصاب من عنده يّشيب الراس
تشوفه عيوني وبصدري تموت انفاس
وّحكك ياعلي يبني فلا ينقاس
تطيح اجفوفه كدامي البطل عباس

وسهم بعينه ومطبرينه
حزام الضهر يم النهر ومشي بعجل
................

تضل زينب وحيده وبويه كلنه انموت
وتهل عبرات عالخوه ودمع مبخوت
تصيح اعلينه لاكن مانرد الصوت
اطيح آنه وسهم نص كلبي يبني يفوت

ويسلبوني ويذبحوني
وخيل الغدر فوك الصدر هذا الاجل
..................

يالاكبر هذا يومك ما اله تأجيل
وشوفن كل كتر دمك يضل ايسيل
عليك اني صبح يابويه جسمي انحيل
اجيك المصرعك وجدامي بيه تميل

يّطول دربي تشلع كلبي
فراك الولد هوه الاشد عند الاهل.


محمد هادي العقابي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ليلة القاسم عليه السلام


بالرويه اجاني والدي وحاجاني
بالجنه عرسك بويه بين احضاني

جسام ياماي العين   بّدماك حني الجفين
......................

يابويه جاسم هالعمر     ماتنعرف ساعاته
وصدرك الشايله گلب    ماتنظمن دكاته
لو رايد اتعيش بذكر     ماتنتهي احجاياته
درب العدل والتضحيه   باقي وترف راياته

فاني العمر يابويه لا تتمنه
عرس الشهاده ماكو اجمل منه

  منذور عمرك يالزين    جسام يانور العين
..................

ابنادم يعيش بدنيته         مره ويضل يتحسر
يوليدي من يلفي الاجل     عالرجعه ابد مايكدر
اني اريدن موتتك            مهيوبه بيك ارد افخر
عوف الزفاف وفرحتك     بالجنه يبني تبّشر

عمك إنصره بشدته والامه
طايح اريدك يالولد كدامه

ديّن وتوفيلي الديّن    جسام يانور العين
....................

راسي ترفعه لو شفت. عالرمح رافع راسك
والعمك انزفهن سوه  جروحك وكل احساسك
يوليدي وبذاك الوكت   نوما سي من نوماسك
حتلو ذبل ياس العرس .  بالجنه ورد ياسك

لامت حرب خليت الك يوليدي
وبوس ايد عمك بيهه ريحت ايدي

وخلي الجثث عالصوبين   جسام يانور العين
.....................

انزل بميدان الحرب   ورتجز وحجي بسيفك
يوليدي فز من نومتك   حقق العمك طيفك
رايد مثل جدك علي   تزعل وتاخذ حيفك
وكفه انه اريدن موتتك  وتموت كون بكيفك

يبني النزل حب الحسين بكلبه
يستانس بكل طعنه وبكل ضربه

ايعرفوهه خدام حسين    جسام يانور العين
......................

وفزيت من حلمي وبقه      صوت الابو بذاني
واحجي ويه گلبي ياگلب   من دنيتي شئتاني
من عمي انه استّذنت       محسوبه هل ثواني
بسيوف كاصدني الاجل    بطف الحزن لكاني

وعالكاع من كل كتر سايل دمي
عمري ختمته بتضحياتي العمي

ايناديني عمي بكل حين   جسام يانور العين


محمد هادي العقابي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



ليلة القاسم عليه السلام



مهيوب وشهم جاسم والنعم
حلمه ومنيته يرفض زفته
هذا ابني الاعرفه
.................

مايرد الي يچهبه ومن ابو ماخذ درس
بصدره يتلكه المنايه وشال من باله العرس

هذا ابني ونبض كلبي بدمي يسري كله طيبه
مايردلي كلمه وحده ولو ندهلي يالحبيبه

يجثي بحضرتي يطلب دعوتي
صارت رادته يرفض زفته
هذا ابني الاعرفه
.................

ما اصد عالكمر وانضر هوه بي نور الكمر
احله شي جان بحياتي الليل ويا بالسهر

من اشوفه انسه كلشي وما املن من عشرته
والسعاده البيهه چنه ياحنانه وياضحكته

روحي والهوه صارن بي سوه
ابني بطيبته يرفض زفته
هذا ابني الاعرفه
.................

ابني مايرفعهه عينه بعيني من كد الخجل
هذا طبعه واحترامه وماعرف شنهي الزعل

گلبه صافي ماي زمزم يروي گلبي ياكلامه
در ينثره من اسمعه روحي تشعر بالسلامه

ياخذ كلمتي ويحب خدمتي
طيبه احجايته يرفض زفته
هذا ابني الاعرفه
.................

كل خصال الزينه عنده ومايحب اليستغيب
جاسم الي امفرح امه هذا من الله قريب

بالعباده يدعي ربه يااللهي احفظ امي
اليل انامه وهيه تسهر الدنيه حلوه وهيه يمي

يامحله السهر ربيته وكبر
ايدي الربته يرفض زفته
هذا ابني الاعرفه
................

صار كل الما حسبته وراح كل تعب العمر
واصفك ايميني بيساري وگلبي مايحمل هجر

ردت اشوفن حنه بيده وگلبي يفرح وي فرحته
حضرتله شمعه شمعه وعجنتله بيدي حنته

ونزلت دمعتي طفو شمعتي
بروحه ومهجته يرفض زفته
هذا ابني الاعرفه
.................

لجل دينه ولجل عمه عايف امه الربته
هذا الحسين اليعوفه شلون تصبح موتته

ماتخله بوكت شده وماتهمه هالمنايه
انطه روحه للشهاده وضل يرفرف اسمه رايه

من حان القدر كلبي ماصبر
شيحمل فركته يرفض زفته
هذا ابني الاعرفه


محمد هادي العقابي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


للقاسم ع


للحرب اني انتظر    عمي ينطيني الامر
ارد ادك ساعة صفر      عالاعادي

......................

على حر من الجمر اتنطر امره
يمته يسمحلي وذب عمري إعله عمره
اني ناوي اليوم عمي اشرحله صدره
ادخل الميدان كبله وبيدي اعصره

يشوف بعيونه الزلم    شلون مني تنهزم
عندي ماضل كل صبر   عالاعادي
........................

جاسم وهذا الاسم لايك عليه
راح احصلهه الشهاده بذني اديه
احله موته تصير بأرض الغاضريه
بين ادين حسين يامحله المنيه

المن ايضل البشر....من يحس عمه بخطر
لجله يرخص هل العمر....عالاعادي
.......................

بسم عباس الكمر ابدي قتالي
ومااهمن للدمه يغير جمالي
رايد ارتاح ومماتي لجل غالي
حته الاكي والدي والراس عالي

امي وصتني بعزم....بالوصيه ملتزم
ماارد اله بنصر......عالاعادي
.....................

ارد افرّح كلب عمي وامي تنظر
وهاي خيمات الفواطم فنه اليمر
راح اسوي الماعلى كل بال يخطر
مثل جدي حيدره الي بيهم ايكر

جدي قالع خيبره...منو اليكبل ياتره
اله ارده ومنشطر....عالاعادي
......................

عمري صح ازغير وكلي رجوله
اني من بيت الوحي مابيه لوله
خل يشوفون الحرب فنه واصوله
مويجي بسبعين الف يحسبهه صوله

هاشمي يعادل الف....بالحرب ماكو عرف
الجيش ارجعه ومنكسر.....عالاعادي
.......................

ادري يلفيني الاجل عندي وصيه
للذي سهرت عمر تنطر عليه
لاتضل عينج على دربي ربيه
والفرح يايمه مالايك اليه

يمه خل نفرح سوه....ويه شيال اللوه
ونتي كلتي امن الزغر...عالاعادي



محمد هادي العقابي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ليلة القاسم عليه السلام



كل فرح يايمه ماريدك تناطر
فرحتك خلهه لشهاده يوم عاشر
لاتهم بيه وتعاني
امشي وي زينب تراني
...........................

يمه لليفرح تره تبين علامه
على دوره وجهه تلكه الابتسامه
ماتتم الفرحه اذا راحو عمامه
التحق يبني بقافلة حب النشامه


انته وي حسين روح اعله المنيه
وانه ايد بئيد امشي ويه السبيه
راضيه بقسمة زماني
امشي وي زينب تراني
...............

صح رحت يايمه ودموعي تجاره
لجن هاك استمع مني هل عباره
لاتظن انساك يالطولك مناره
بكل صلاتي الواجبه اقرالك زياره


السلام اعله الشهيد الماتحنه
زفته سيوف المنايه ووذرنه
دهري بسهامه رماني
امشي وي زينب تراني
..............

اه لو تعلم بحالي ياوليدي
ايدي كام تحكني محد بايس ايدي
احس دمي وكف مايسري بوريدي
زيدي نوحج عالولد ياروحي زيدي


بعد شتنطرين ياروحي من اذيه
عايشه لجل الولد راح من اديه
مامصدكه ابني جفاني
امشي وي زينب تراني
...................

الك صوره بالي ابد مافاركتني
اعله ضحكاتك الحلوه عودتني
تدري برباك شكثر متعوب متني
ويه روحي وبيهه احسن شاركتني


تدري ارتاح من انام وانته يمي
صار بعدك اكبر من الدنيه همي
ياهو يستاهل حناني
امشي وي زينب تراني
....................

ارد احلفك بالحليبه الي ارضعتهه
الي هم تشتاك لو امك عفتهه
تجري عيني اعليك ابد ماسكتتهه
ماتعرف امك لون هسه شفتهه


رسوم وجهي تغيرت يالولد يبني
امشي وايد اعله الظهر والظهر محني
حيلي بعدك فاركاني
امشي وي زينب تراني
..................

يمه ياجاسم سهر ليلي الك جان
بالفرح اكضي ولا همن بالاحزان
انته واحد بس اشوفك عشره خوان
يبني من كد ماتحبني وتكثر إحسان

تحسن الامك جنت يااغله محبوب
هسه مشدوهه وادور بين الدروب
راحت وياك الاماني
امشي وي زينب تراني




محمد هادي العقابي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA