#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

الهي مسّني الضر كَال آيوب
وعمن مِنْ الفراكَ عيون يعقوب
عشتهن ذني الثنين .. من فاركَني الحسين
****(١)*************
أنه اليوجعني هواي اداويمن
اعزاز جروحي اطيبمن واخليمن
غيرك ياهو يسمعني واحاجيمن
وراك الما بجن جا يبجن اعليمن

تدري انته الفراكَ يذبل العيون
كلشي يهون لكن فكَدك شلون
كَمت ما اشوف بالعين .. من فاركَني الحسين
****(٢)*************
تره اليوجع ابنيتك انته تندله
اخذ عافيتي مني فكَدك شخله
الطيف الما اشوفك بي صدك خله
بعين الضيع اهله النوم ما يحله

أنه الحرمت عليها نومت الليل
عليله ومن اشوفك يرجع الحيل
متت يا روحي مرتين .. من فاركَني الحسين
****(٣)*************
بعدني متانيه طيوفك تمر عيني
وبعدني المغرب من يمر يبجيني
وبعدها ام البنين امشي وتدليني
بعدك كل طعم ما بيهن سنيني

لهسه أدعي بصلاتي وكت الغروب
دعاء فاكَد احبابه وحيل متعوب
عاش وياي الونين .. من فاركَني الحسين
****(٤)*************
بعدني احلم اشوفك هم الك جيه
واجيك اركض يبويه بيه ما بيه
اعله هودجها ترد زينب العلويه
واكَول الحمد لله موش مسبيه

ويجي عبد الله سالم والعطش مات
والأكبر يحمي خدر الفاطميات
نجرح دلالي جرحين .. من فاركَني الحسين
****(٥)*************
اجه الناعي واحس جروحي لجمتني
ما حاجي واعرف احجايته تغثني
ذبحو والدج هالكلمه ذبحتني
شما اريد امشي ام الاربعه تردني

كَطعو خنصره وسلبوها الثياب
عزيزج فاطمه نام اعله التراب
هلج ضلو مطاعين .. من فاركَني الحسين
****************
خادم الحسين عليه السلام
ملا حازم البزوني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


عن الخدامه ابد ميمنعونه
هاي السنه نستقبل احنه ضعونه
كل الشفه بضعن السره
حته الدوه لازم سره

عن الخدامه وشي مقدس احجي
الزهره تحضر بلعزئ اتضل تبجي
مجلس تطبله الزهره منهو اليحجي.
ايروح المرض لو نعه الناعي ونبجي

نكسر خشم الكال ابتعدوا
… .
نخدم ونطلم والعزئ انطشه بهيل
عابس يوزع والخدم صيح الويل
والرايه تدخل بلعزى اتضل اتميل
جنه ابو فاضل توزع بس حيل

والرايه الضلت مرفوعه
… .
حته الحجر يبجي وينوح ابابك
اليوم كله اتجمعت احبابك
امنيتي بس اوصل واشوف اعتابك
احنه النشافي الناس بس بترابك

ترابه يوخر كل العله
…
شباج ابو فاضل دوه ياهلناس
بس اكصد انته واطلب من العباس
بس لا تحلفه بزينب بنص الناس
صوتك. تنصي خاف يغضب عباس

بس حلفه بأخته العلويه
… .
زينب تعلم بلشرف والراده
وهيه الي حجبت هلخدر والقاده
بنت الكفو الماينسون افعاله
تبقى عله خشم الزلم وبجاله

ولو تذكر زينب تتوضه
… .
الحسين باب الله واله الرحمه
من تكصد الشباج تلكه امه
تسجل اسماء الي اجوه بهمه
والمايجي شطبته من الخدمه

خدامج. للموت وياكم
…
وين الي سد شباج داحي هلباب
شحجي وشسولف ماتفيد الاعتاب
لو يملك اشويه عقل شال الباب
حيدر مضيف ومايرد الاحباب

واتفضلوا بمضيف حسيني
…
شيخ العشيره واكف بين الناس
يرحب بزواره ويحضر بلياس
رايد تعرفه بوسط كل هاي الناس
بس نادي يازينب تلاكي العباس

شيخ بمهده وموش بتالي
… .

الشاعر مجتبئ الدفاعي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ودعتهم غالي غالي وجنت منتضره التعاي
عزاز المطوح ضعنهم راحو وما ضلي راي
دمعي يجرح بالجفون☆عالمشو ماضن يجون
غالي غالي
___________________________________
(1)
راحو وضليت اسولف ويه الدموع شكثر
من كثرماحار دمعي حتى ضل يجوي الجمر
والله يافركت رقيه وسكنه جن حافر مهر
داسني وضليت الوعن وختنك خنكة كبر
☆☆☆☆☆☆☆☆
دمعه تسبك دمعه ضلن والمصيبه بلا امل
حتى ما كالو نجيلج وانتضر جيت الاهل عيني تربي اعله الضعون☆عالمشو ماضن يجون
غالي غالي
___________________________________
(2)
راحو وصارت سلوتي الونه والهم والقهر
يا ضوه اليترس عيونه كلي المفارك كمر
عمي راح وما خذاني أبالي جنت ارسم صور
سوه نعيش العمر كله وما يفركنه الدهر
☆☆☆☆☆☆☆☆
ضاعت احلامي وتبدن واليلمهن مايرد
ومنجل فراكه يتطاول كام بيامي يحصد
لعمري يدنه السكون☆عالمشو ماضن يجون
غالي غالي
___________________________________
(3)
راحو وضليت اعاني العله صارت علتين
عله تاكل عمري غفله وعله فاركت الحسين
بويه ردلي وخل اشبكك يختلف شبك الحنين
الكعده لو لحضه بجوارك ما ابدلها بستين
☆☆☆☆☆☆☆☆
والله مشتاكه اردشمك من لحيتك واطمئن
وبيه عازه ولهفه بيويه لطولك وذاك الحضن
بابا شتفيد العيون☆عالمشو ماضن يجون
غالي غالي
___________________________________


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيده لدفن جسد الامام الحسين عليه السلام 2020

سليل المصطفه الهادي شهيد الغاضريه
صريع بلا دفـن دامي عله تراب الوطيه
صحت بويه وشبگته
شلت جسمه ودفنته
شهيد الغاضريه. شهيد الغاضريه
.......................

بلا دفــن ظل عله الارض. تسفي الرياح بنحره
مطبوگ صدره عله الظهر. بالخيل سحگو صدره
الـف وتسعـمـيّــة جــرح. مابين طعنه وطبره
ردّيـت مـن درب السبـي. ادفن حبيب الزهره

بحصيره لملمت جسمه توذر قطعه قطعه
احوم ودمعتي بعينـي ادوّر عـن اصبعه
الگبر بيـدي حفــرته
شلت جسمه ودفنته
شهيد الغاضريه. شهيد الغاضريه
....................

شحال اليشاهد والده بحرّ الشمس جثمانه
آنه العليــل المنفـجــع فـاگـــد هله وخوانه
شاهدت جثّة والـــدي. سابحه بدم شــريـانه
وعضائه كلـها مگطّعَـه. هـذا العشـت بحضـانه

أنه السجّـــاد بچفوفي. شلت جثّة حبيبي
ابويه الاغله من روحي ادفـنّـنـه بنحيبي
عله التربـــــان شفته
شلت جسمه ودفنته
شهيد الغاضريه. شهيد الغاضريه
....................

خلّيت جسمــه باللحِـد. وتمددت وي جسمه
ماعنده راس امن النحر. ودّعــت ابويه بشَمّه
يحسين بويه بفـرگتك. دنياي وحشه وظلمه
گد ما بچيت عله النحر نحره انغسل من دمه

صحت ياربي ساعدني ابويه شلون ادفنه
عجيبه ومانفذ صبري أنه السـجّـــاد ابنه
أنه المـايــوم عفتـه
شلت جسمه ودفنته
شهيد الغاضريه. شهيد الغاضريه
....................

لن صوت من جوف النحر السجاد يبني يگلّي
لا تنسه يبني عله الصدر. يوليدي وسّد طفلي
عبدالله عطشان انذبح وبالدم تخضّب مثلي
وسده عله صدري ياعلي يبرد دليــله اليغلي

الرضيع بصدره وسّدتّه مثل ماراد منّي
دفنت حسين بچفوفي. يويلي وزاد ونّي
ترابه بأيـــدي هلّتـه
شلت جسمه ودفنته
شهيد الغاضريه. شهيد الغاضريه
....................

من بعد دفنة والدي. ادفنت الصحابه الاطهار
واولاد عمي وخّوتي وجملة عمامي الابرار
وعالمشرعه عمي الگمر. شبل الأمين الكرار
بيدي حفرت گبر الوفي واريته عمّي المغوار

رجعت لعمّتي زينب بچت لمن لگتني
ابوك حسين يوليدي دفنته سائلتني.؟؟
صحت امرچ سمعته
شلت جسمه ودفنته
شهيد الغاضريه. شهيد الغاضريه

سيد زيد الفحام

___________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ




▪️مؤسسة منبريون للالحان رقم 1قصيدة رئيسية ليلة الوحشة 2020

ياعلي. ليش ما تحضر اليه
ياعلي مو بعيده الغاضريه
ياعلي راحو خواني منديه

وحشه يابويه وخطر
ليلة الحادي عشر
.......................

حاضر الشدات تحضر لليندبك
ماتعوفه بهمّه حاير هذا دأبك
عجب ماتحضر لزينب من تطلبك
ماتجي تشوف الجره بعزاز گلبك
يالطويت بمعجزه لسلمان دربك
ليش ما تحضر لبوالسجاد جنبك

ياعلي. حرگو علينه خيمنه
ياعلي بلاذنب ذبحو زلمنه
ياعلي بس علي السجاد يمنه

بالمرض ظهره نكسر
ليلة الحادي عشر
..........................


عيلتك يابالحسن صعبه وهضيمه
عالتراب الحار نمنه وگاع هيمه
كل خيمنه احترگت وماعدنه خيمه
بس حرم وايتام ظلت ياحريمه
چم يتيم الماغفت عينه ويتيمه
الليل مظلم يرعب بخوفه ونسيمه

ياعلي ليلة الوحشه علينه
ياعلي ننخه بسمك ماتجينه
ياعلي ولية يابويه انولينه

مارحم بينه الدهر
ليلة الحادي عشر
.....................

احضر وشوف الجره بهاي المسيه
ذاك اخويه حسين ذبحوه ال اميه
بويه داست صدره خيل الاعوجيه
گطّعوا جسمه وتوذر عالوطيه
وراسه من فوگ الرمح ينظر اليه
يگلي يازينب احفظيلي رقيه

ياعلي فرّت ادوّر ابوها
ياعلي ال اميه عذبوها
ياعلي عالتراچي وسلبوها

لسّه بالطفله الاثر
ليلة الحادي عشر
........................

لو گلت عباس ابني الغالي وينه
عالنهر يابالحسن صابوا جبينه
بويه گطعو يسرته وگطعو يمينه
بلا چفوف وبالسهم مطفيه عينه
منهو من بعد الگمر ينغر علينه
بس علي السجاد بويه مچتفينه

ياعلي دلهم الليل بضلامه
ياعلي بعازتك هاي اليتامه
ياعلي مابعد تحصل سلامه

بيها آلام وقهر
ليلة الحادي عشر
......................

الليله ظلمه وموحشه وردناك يمنه
تحرس الايتام وتخفف ألمنه
خيمه ماعدنه بعباتك بويه لمنه
والله من الخوف عالتربان نمنه
من حنان حسين يابويه انحرمنه
هوه ذبحوه ياعلي واحنا نظلمنه

ياعلي نادتك تسمع رقيه
ياعلي والحرم صاحن سويه
ياعلي كافي نتحمّل اذيه

نبچي بدموع السهر
ليلة الحادي عشر
.....................

من جهة وادي الغري حيدر اجاهن
زينب وكل الحرم يبچن لگاهن
سلم عليهن علي وگطعن بچاهن
امّنن من سمعن بحيدر لفاهن
لا تخافن يابناتي كلماهن
بليلة الوحشه حضر حيدر حماهن

ياعلي شاهد بعينك وضعنه
ياعلي عكب اخوتي الليله ضعنه
ياعلي يجري ماينشف دمعنه

لا خيام ولا گمر
ليلة الحادي عشر

سيد زيد الفحام

__________________________
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



مسير السبايا الى الكوفة 2020


ها يخوي عالهزل اختك مشت مچتوفه
ها يخوي شلون لو مرّونه سوگ الكوفه
اشد من سهم المنية
نظرة الشامت علية
ها يخوي ها يخوي
.................................

يابوفاضل ما اريد اجرح شعورك
والنعم ما قصّرت اديت دورك
لكن اسمحلي يمن مايطفه نورك
اشكي همي ومن عله الناگه ازورك

يالكفيل. المن اشكي يابوفاضل حالي
يالكفيل. ترضه من بعدك شمر يبرالي
اكلف واعظم اذية
نظرة الشامت علية
ها يخوي ها يخوي
...............................

ارد اخبرك يابوفاضل سلبوني
بالحبل عباس بعدك چتفوني
خويه لبن زياد للكوفه خذوني
عالهزل بغياب طولك طلّعوني

مادريت. زينـب بيـاحـــال ياواليــهه
مادريت. تشگف سياط الشمر بيديهه
مثل بسمار الزچية
نظرة الشامت علية
ها يخوي ها يخوي
...............................

من مشه ظعن السبي مر عالشريعه
خويه من عالناگه شاهدت الفجيعه
راسك المصيوب وچفوفك گطيعه
دمعي سال وضاگت بعيني الوسيعه

لا تگول اختي عافتني ونست ايامي
لا تگول بالغصب عنك رحت بآلامي
ماطفت جمرتها بية
نظرة الشامت علية
ها يخوي ها يخوي
...............................

صعبه ياعباس امشي بلا كفاله
بناگه هزله تميل وي ميل الثكاله
والشمر ياخويه يجرحني بسؤاله
وين كافل خدرج وراعي البساله

دمعي سال اسمع واسكت يراعي الغيره
دمعي سال بيش اجاوب يابوفاضل حيره
تبقه چويتها خفية
نظرة الشامت علية
ها يخوي ها يخوي
...............................

من وصلنه الكوفه ياعباس متنه
كلـها تـتـفـــرّج علينه وشتّمتنه
بالحجاره الناس خويه ستقبلتنه
ابشـع حچـايـات مُـرّه سَمّعتنه

ياعجيب. زينب الماچـانـو يعرفوها
ياعجيب هسه كل الوادم يشوفوها
تعتقـدنـي خارجية
نظرة الشامت علية
ها يخوي ها يخوي
...............................

هذا ياخويه الخفت منّه وعرفته
مجلس ابن زياد بالكوفه دخلته
خويه فرحان اللعين هواي شفته
وبية يتشمّت يبوالغيره سمعته

مات اخوچ. هذا راسه البالطشت گدامي
مات اخوچ اليوم احله واغله كل ايامي
شبيدي ياخويه سبية
نظرة الشامت علية
ها يخوي ها يخوي

سيد زيد الفحام
__________________________
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#نزلة ليوم العاشر من محرم الحرام 2020

ظلمونه ظلمونه ذبحو زلمنه
سلبونه سلبونه حرگو خيمنه
......................

وينك.. بويه ياوالينه.. ماتجي تحامينه.. بلا ولي ظلينه
بويه يوم العاشر
ريتك.. تطفي نار خيامي.. ستعرت بأيتامي.. والشمر گدامي
ما رحمنه الكافر
سوطه.. يضرب عله متوني.. ياعلي وشتموني.. بخوتي فجعوني
يمي ريتك حاضر
شوفه.. حسينك مگطعينه.. عالثره مسلبينه..صدره أمهشمينه
بويه رَضّه الحافر

أذّونه أذّونه محد رحمنه
سلبونه سلبونه حرگو خيمنه
......................

حيره.. گلي من يبرالي.. لااخو لا والي.. من يلم اطفالي
ياعلي سحگوها
بويه.. والكفلنه بزوده.. گطّعوها زنوده.. بالسهم ممروده
عينه من صابوها
طايح.. عالنهر كفّالي.. من يحامي عيالي.. مادريت بحالي
خيمتي حركوها
ويلي..چم طفل چم طفله.. ضاع ما اندلّه.. ماكو والي انسأله
والحرم سلبوها

هضمونه هضمونه ترضه انشتمنه
سلبونه سلبونه حرگو خيمنه
.....................

فرّت.. عيلتك بالهيمه.. ما بقت كل خيمه.. العاشر وكل ضيمه
عـــذّبانه هوايه
تقبل.. بالحبل چتفونه.. نبچي دم خلّونه.. لليسر يردونه
بويه ترضه بهايه
زينب.. اني بنتك اني.. من عكب ولياني.. بولية السفياني
راح راعي الرايه
وحدي.. احضر وساعدني.. والتعب ضاهدني.. ماكو من يفگدني
بس عليل ويايه

طشّونه طشّونه منهو اليلمنه
سلبونه سلبونه حرگو خيمنه
.....................

رتك.. بالطفوف ويانه.. ياعجب تنسانه.. چم شمر اذانه
ماكو من يحمينه
احضر.. سلّبونه عداكم.. والحرم بحماكم.. نصرخ وننخاكم
عالارض فرّينه
ضعنه.. بويه من يجمعنه.. والولي ودّعنه.. صحنه ما يسمعنه
دامي وموذرينه
افزع.. بويه لا تتأخر.. بعازتك ياحيدر.. عالهضم ما نگدر
وانت تعلم بينه

جرحونه جرحونه يتجاره دمنه
سلبونه سلبونه حرگو خيمنه
.....................

تدري.. اخوتي ذبحوهم.. بويه ما دفنوهم.. عالثره خلوهم
بس جثث مسلوبه
صحنه.. منهو النه الليله.. حارس عله العيله.. لا گمر لا حيله
والحرم مرعوبه
ردنه.. بويه ما تتعذّر.. تحرس انت الخدّر.. والمخاوف تكثر
ليله ما محسوبه
تبچي.. هاليتامه تريدك.. عليها تمسح بيدك.. من مصاب اوليدك
بالگلب مصيوبه

يسبونه يسبونه. وسفه انظلمنه
سلبونه سلبونه حرگو خيمنه

سيد زيد الفحام
2020
___________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مقدمة مجلس ليلة الوحشة 2020

وينه وينه جسمك الصاير وذر
وينه وينه اسأل وگلبي انفطر
ياحبيبي ياحسين
نور عيني ياحسين
........................

بليلة الوحشه يبواليمه اعتنيتك
بيده خذني الشوگ ياخويه واجيتك
لا تگول اختي نستني ما نسيتك
خويه وبياحال عالغبره لگيتك

ماعرفتك من شفت جسمك صحت
ماعرفتك اشبگ جروحك طحت
دامي مگطوع الوتين
نور عيني ياحسين
.......................

اصاير بحالك صحت صوتي تسمعه
بالسيوف مگطعينك قطعه قطعه
حرت جسمك ياحبيبي شلون اجمعه
چفك المگطوع اصبعه وين اصبعه

هذا جسمك بي الف طعنه وجرح
هذا جسمك وراسك انشال برمح
ياأبو الگلب الحنين
نور عيني ياحسين
.......................

شسون بصدرك حوافر خيل اميه
صدرك وظهرك تلاگن عالوطيه
انطبگن من الدوس يبن امي سويه
ضلوعك انهشمن مثل ضلع الزچيه

والحوافر مردن جروحك مرد
والحوافر. داسن وشلعن جلد
عالارض طايح رهين
نور عيني ياحسين
.......................

جيت احرسك خويه وجروحك اشدهن
عالرمــل نـامــن بنـــاتـك نيّمتهــن
لا تظـن يحسين بالظلمه عفتـهــن
اختي ام كلثوم والسجـــاد يمـهــن

مو بديه گلبي عتني وليك اجيت
مو بديه وعتذر لو ما رضيت
احنا بعدك ضايعين
نور عيني ياحسين
.......................

خويه بس هالليله يمك باجر انروح
عالهزل نطلع سبايه ونشبع جروح
گلبي ممرود عله جسمك يبقه مطروح
ابقه يمك كل حياتي ريت مسموح

جيت اودعك. من گبل يوم السبي
جيت اودعك يحدي بينه الناصبي
بالحبال مچتفين
نور عيني ياحسين
.......................

آني ياخويه وخواتك نمشي عالنوگ
من بعدكم مو بكيفي يلوگ ميلوگ
خويه والاعظم مصيبه طبّت السوگ
گلبي ما يحمل شماته بنار محروگ

كل عتابي عالوگع يم النهر
كل عتابي يدري عذبني الدهر
حايره وگلبي حزين
نور عيني ياحسين

سيد زيد الفحام

__________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#يوم العاشر بعد مقتل الحسين عليه السلام
لسان حال السيده زينب عليها السلام 2020

هجمت الخيل الخيل ياگمر هاشم
حرگو علينه الخيم
وسلّبو كل الحرم
من طحت طاح الحيل ياگمر هاشم
...................

من طحت عالمشرعه/وگطعو الچفين/حيلي هدمته
من بعد ساعه انذبح/عالوطيّه حسين / وذّرو جثته
آل امية عله الخيم/هجموا الصوبين / حالي ماشفته

مو وكت نومك ليش عالنهر نايم
ترضه يسلبنه الشمر
ويضرب اطفالك زجر
وچم شمر بينه يعيل. ياگمر هاشم
..........................

حيره خويه تحيرت/بين خيل ونار/ بيّة چَويتها
اطفي نيران الخيم/ لو إلِمّ زغار / الخيل داستها
وبالحرم عندك علم/تسلب الأشرار / عيني شافتها

ظهُر عاشر عاشور وأسوء القادم
كل خيمنه تسلّبت
واليتامه اطشّرت
وقادم علينه الليل ياگمر هاشم
......................

فرت اطفال وحرم/من عذاب الگَوم/طرّت الهيمه
وين نمشي لياكتر/بس جثث ودموم/مابقت خيمه
ليش ياراعي العلم/ طايح ومتگوم/للعدو وضيمه

عايف اختك عباس. بولية الظالم
تحيّــــــرت يابالفضـل
احمي چم طفله وطفل
اصرخ ودمعي يسيل. ياگمر هاشم
.........................

من عله التل اوچبِت/وصحت ياكفّال/ألحگ علينه
سَلّبو كلشي العده /اسرع بالهحال /خويه وحمينه
ياگمر تقبل صدگ / ننچتف بحبال /ما تحاچينه

كل فرد بينه انصاب ما طلع سالم
يالغفيت عله النهر
من يرد عنّا الخطر
تسمع صياح اعويل. ياگمر هاشم
........................

چم طفل خويه انسحگ/وچم يتيم المات/من ألم خوفه
وينه حمّاي الظعن / تسمع الاصوات / ليك ملهوفه
وسفه عباس انچتل /شتنفع الوسفات/طاحن چفوفه

ما يرد العباس صاحت الوادم
يا اهل بيت النبي
إلا ناخذكم سبي
ليله يمكم ونشيل. ياگمر هاشم
........................

احنه گرب المشرعه/مچتّفين انصيح/خويه چتفونه
والسياط امن الشمر/ عالمتن تجريح/ما يرحمونه
الليل چلچل ياگمر/بياعذاب انطيح/ما يعوفونه

عالثره الليله انام والدمع ساجم
للسبي جابو هزل
وچتفو العيله بحبل
ما بقه بس اعليل. ياگمر هاشم

لحن القصيده // سدو الماي الماي

#سيد_زيد_الفحام

___________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نزله ليلة العاشر 2020

مصيبه مصيبه صبح باجر مصيبه
غريبه غريبه منو اليرحم غريبه
...................

ليلة وداع ودمع صعبه هاي الليله
حرت بيمن ابتدي يازمن وشكيله
حسين خوفي ينجرح لو ردت احچيله
لو اروحن للگمر للكفلني ابحيله

عجيبه عجيبه صُبر گلبي عجيبه
غريبه غريبه منو اليرحم غريبه
.................

زينب وگلبي انجرح خايفه عله خواني
حسين بس هوه بقه منين اجيبن ثاني
شاهر سيوفه اجه العسكر السفياني
ضد خوتي بكربله تجمّعت عدواني

كتيبه كتيبه اجت تتبع كتيبه
غريبه غريبه منو اليرحم غريبه
.................

گتله يبن امي صدك باجر يفجعوني
ليش تبقه بكربله بينه رد يعيوني
گلّي يازينب ردت يختي بس منعوني
يختي ودعيني تره باجر يذبحوني

خضيبه خضيبه تظل جثتي خضيبه
غريبه غريبه منو اليرحم غريبه
.................

ريت يوم الفاجعه لا يطر مصباحه
ولااشوف ابن النبي منخضب بجراحه
ليلة العاشر ألم بيها ما مرتاحه
حسين باجر ينذبح ويني وين الراحه

سليبه سليبه. اخاف امشي سليبه
غريبه غريبه منو اليرحم غريبه
.................

من كثر خوفي رحت للكفيل الغالي
ها يبوفاضل صحت هالله هالله بحالي
لو عفتني بكربله گلي من يبرالي
تقبل بهذا الحچي امشي وي چتالي

لهيبه لهيبه گلب يسعر لهيبه
غريبه غريبه منو اليرحم غريبه
.................

آني يازينب اخوچ اني راعي الغيره
امني وعيونچ ابد ما تلوحچ حيره
جيش اميه ينخسف سطره مني زغيره
عهدي يازينب الچ عالنهر تفسيره

اجيبه اجيبه نهر يمچ اجيبه
غريبه غريبه منو اليرحم غريبه

سيد زيد الفحام
__________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



قصيده رئيسية ليلة العاشر 2020


بليل الوداع الونّه والآه
والغالي يم الغالي تلگاه
الليله الاخيره
صابتني حيره
والغالي يم الغالي تلگاه
....................

هذه ليله وتختلف عن الليالي
بيها آلام وجرح فگد الغوالي
بيها توديع الامام القدره عالي
بيها يبقه للصبح مشغول بالي

ليلة حزن ومصاب وجروح
حتى الكواكب تبچي وتنوح
آنه الاميره
صابتني حيره
والغالي يم الغالي تلگاه
..................

بخيمة الاكبر علي اسمع بواچي
صوت ليله الوالده تبچي وتحاچي
الوالده تگله عله ابنها بهمها تاچي
شلون اودعك گلّي ياحلو المحاچي

اسمع تگلّه ياعلي وين
رايد تذبني ياضوه العين
ماعدها غيره
صابتني حيره
والغالي يم الغالي تلگاه
..................

بخيمة القاسم سمعت الونّه چنها
هذه رمله تودع القاسم ابنها
طفّت شموع العرس وشتد حزنها
تگلّه يبني حنّتك بالدم اظنها

باجر تزفّك خيل وسيوف
مو حِنّه دم يحنّي لچفوف
محنه وچبيره
صابتني حيره
والغالي يم الغالي تلگاه
..................

والرباب اسمعها وي عبدالله تقره
يُمّه گلبي شلون بمصابك اصبره
تبوسه بشفافه وتشم بدموع نحره
باجر يصيبه العطش مايلگه گطره

حتى الرضيع يصير قربان
بسهم المنيه يموت عطشان
ماصح نظيره
صابتني حيره
والغالي يم الغالي تلگاه
..................

لخيمة حسين اعتنيت ودمعي يجري
آنه زينب بالمصايب محني ظهري
شلون اودعه وباچر يذبحونه ادري
ريت اموت وللصبح مايبقه عمري

ولاشوف اخويه حسين ياناس
وجسمه الشريف بخيل ينداس
وطلع اسيره
صابتني حيره
والغالي يم الغالي تلگاه
..................

لخيمة العباس اگصد ارد شوفه
شلون لو عالمشرعه گطعو چفوفه
والله من طاري الشريعه بية خوفه
يعني يوگع كافلي وخدري يعوفه

من يوگع العباس احتار
احمي الحرم لو اخمد النار
بدر العشيره
صابتني حيره
والغالي يم الغالي تلگاه

سيد زيد الفحام
____________________________
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



قصائد ليلة الوداع 👇👇

مقدمة مجلس ليلة الوداع 2020

وداع وداع يخواني هاي الليله ودعوني
وداع وداع لو طر صبح باجر تعوفوني
................

ليلة العاشر اشد كل الليالي
ليلة التودع هاي ويالغوالي
ها يخوتي غيركم آنه شبقالي
شلون لو باجر بقيت بلايه والي

ضياع ضياع. لو رحتو باجر والله يسبوني
وداع وداع لو طر صبح باجر تعوفوني
................

آنه اختكم يخوتي سوولي چاره
الموت اهون من فگدكم يالغياره
گلبي يرجف يخوتي وماتطفه ناره
ريت هــذا الليـل ما يطلـع نهــاره

اموت اموت. اتمنّه والله ولايسلبوني
وداع وداع لو طر صبح باجر تعوفوني
................

خويه يحسين ابقه هاي الليله يمي
يابقيّــــة والـــــــدي والزهـره امي
من اشوفك ينجلي وينـــــزاح همي
اقترب يوم المصيبه وصار حتمي

تشوف تشوف گطعة وريدك باجر عيوني
وداع وداع لو طر صبح باجر تعوفوني
................

خويه ياعباس انت تكفّلتني
بهيبه وبعز يابوفاضل من جبتني
شلون لو باجر رحت عني وعفتني
تذكر بيوم الجبتني وعاهدتني

كفيل كفيل من الوطن متكفل ظعوني
وداع وداع لو طر صبح باجر تعوفوني
................

تبچي يم خوتها زينب صبّروها
بليلة العاشر اختهم ودعــــوها
باليتامه وبالفـواطم كلّفــــوها
هذه آخر ليلة منها يفـارگـــــوها

تصيح تصيح صارت صدك باجر تخلوني
وداع وداع لو طر صبح باجر تعوفوني
................

ودّعتهم زينب وداع المنيه
وعرفت يموتون بسيوف ال اميه
من تطيح اخوانها شبول الحميه
حسّبت بحسابها تطلع سبيه

عذاب عذاب درب السبي مايرحم متوني
وداع وداع لو طر صبح باجر تعوفوني

#سيد زيد الفحام

_______________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة رئيسية للرضيع ع 2020

بعيد الماي بيد المايرحمون
ونشف ماي الدمع ماظل بلعيون
منين اسگيك. يبني
ويلي عليك يبني
.............................

تصيح امن العطش متفطره شفاك يعبدالله شبديه
ييُمّه الماي كلّه بوليــة اعــــــداك يمنعوه ال اميه
چوت گلبك ييُمّه جمرة ضمــــــاك ورياح الغاضريه
خذاك حسين مني وروحي ويّــاك خفت منّ المنيه

تصيح بحضن ابوك حسين عطشان
رجف گلبي وصحت ياگلبي غلطان
من يرويك يبني
ويلي عليك يبني
.........................

رجع للخيمه ابوك حسين حزنان يصب دمعه عله دمعه
صوتك ماكو يبني وانت ضمآن ولاواحــــد يسمعه
گلت يمكن شربت الماي شبعان. ينــام وما امنعـــه
صحت يحسين وين وليدي لهفان. گلبي يريــــد نبعه

رفع ثوبه الغريب حسين شفتك
يعبدالله السـهم گاطـــع رگبتك
ومـأذّيـــــك يبني
ويلي عليك يبني
.........................

حضنتك يُمّه وانت بحضني مذبوح. اشم نحرك يغالي
تگطّــع گلبي يبني وطلعــــت الروح بعد يُمّه شبقالي
رضيع بطول جسمـك دمك يفــــوح شنو ذنبك سؤالي
يعبدالله وعفتني بديــرة جــــــروح. يحال الضيم حالي

ألوليلك تحب كلمة دللّــــــــــول
لچن موغافي انت بهاي مچتول
جرح البيك يبني
ويلي عليك يبني
..............................

يريت الصاب نحرك صاب نحري متت مثلك عساني
اهز مهدك وشوف دمـــاك تجري. سهم نحرك سباني
چنت محلاك من تغفه عله حجري وغطيك بحناني
يعبدالله وبعــــد ما ريــــــد عمري اخذ عمرك زماني

تموت الوالـــده لو مات ابنها
حزن يعگوب مايوصل حزنها
شلون ارثيك يبني
ويلي عليك يبني
............................

ينور العين بيش تشوف عيني طفت من فارگتني
نگطع حبل الوصل بينك وبيني ييُمّه وشيّبتني
چوت گلبي ونزف جمرة حنيني يريتك ماعفتني
صدك بتـــراب تغفه وما تجيني ابد ما عوّدتني

الرمل حار وترف خدك يچوّيك
وذا يدخل جـرح نحـرك يأذّيـك
لا يچويك يبني
ويلي عليك يبني
........................

عساني لكربله يوليدي لاجيت ولاتعطش يگلبي
رحت عطشان ميت ليش رديت. ييُمّه وراح تعبي
يعبدالله لضحكتك حيل حنيت يروحي ونور دربي
اخبرك للحزن والنوح ظليت. صحت بالله حسبي

الك زاد اشتياقي ودر حليبك
ردت تشبگني وتفز من مغيبك
ارد ارضيك يبني
ويلي عليك. يبني

سيد زيد الفحام

__________________________


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة في رثاء عبد الله الرضيع عليه السلام


حزني ... يبني
عبدالله يُمّه يالرحت مني.


عگب التعب ورباي يبني ودلالي
تالي بسهم مذبوح عبدالله تالي
بمهدك اهز ظليت والمهد خالي
حته المهد بجفاك يبچي عله حالي
ونّي .... سلّني
عبدالله يُمه يالرحت مني



ماتدري بيه شصار من شفت سهمك
حز نحرك وخلّاك يتجاره دمك
عبدالله يالمذبوح لصدري اضمك
من نحرك المذبوح اشهگ وشمك
عمري ... صبري
عبدالله يُمه يالرحت مني



ستّشر عمرك چان بالغاضريه
ضامي وطلبت الماي من آل اميّه
بدال العذب يسگوك سهم المنيه
عبدالله يُمّه وحيف رحت من اديه
دامي ... ضامي
عبدالله يُمّه يالرحت مني



بعـدك ييُمّه زغير مو گد الجروح
تالي بسهم غدار ترجعلي مذبوح
ابچي وانوح عليك وشينفع النوح
بين الحزن والآه تتركني وتروح
والي ... غالي
عبدالله يُمّه يالرحت مني



خالي المهد بجفاك وصرخ دللول
عبدالله شنهو الصار يوليدي مچتول
ما سمعك ولا شوف يايُمّه معقول ؟
اتمنّه اموت وياك ياعمري لا طّول
شعندي ... وحّـدي
عبدالله يُمّه يالرحت مني



حار التراب عليك يايُمّه يچويك
لحضن امك ارجع نام ماتسمع شبيك
خوفي التراب يلوح جرحك يأذّيك
عبدالله يُمّه هواي متلهّفه عليك
روحي ... نوحي
عبدالله يُمّه يالرحت مني

خادم عبدالله الرضيع عليه السلام
سيد زيد الفحام
________________________________


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مقدمة مجلس لعبدالله الرضيع ع 2020

يعبدالله بمصابك سهم نحرك ذبحني
....................

يوردة روحي يبني العطشوها هواي
سگوها بدم وريدك ما سگوها بماي
يعبدالله انذهلت ومابقالي راي
اعيش شلون يُمّه وانت مو وياي

صحت يبني وحبيبي سهم نحرك ذبحني
......................

رضيع وماشربت الماي يمدلّل
وعِودك ليش يُمّه امن الضمه يذبل
ذنبك شنهو چان ويالعده اسئل
الطفل واجب يرحموه يُمّه مو يُقتل

يذبحونك عجيبه. سهم نحرك ذبحني
.....................

ابوك حسين جابك سابح بدمك
شلتك بين اديخ ابچي وشتمّك
عفه گلبي اليدگ ماطاح گلب امك
ذبيح ومن رگبتك طلّعت سهمك

طعن گلبي وفجعني. سهم نحرك ذبحني
.....................

يطلبك حرمله ابّيش وگطع نحرك
شقساوة گلبه ماحن ورحم عمرك
يعبدالله ورماك وسلّمت امرك
شربت ادماك يبني ومابرد صدرك

يروحي وكل حياتي. سهم نحرك ذبحني
........................

تتلوح رگبتك والنحر مذبوح
مثل نحرك نزف گلب امك المجروح
جسمك بين اديه بلا نبض لا روح
احاچيك بنياحي ومانفعني النوح

يوردة امنياتي سهم نحرك ذبحني
.........................

صدگ ما تغفه بيدي وتغفه بترابك
يچويك التراب ويلچم صوابك
يكفيك العطش وصواب نِبشّابك
يعبدالله العمر ما يسوه بغيابك

تعال اغفه عله گلبي سهم نحرك ذبحني

سيد زيد الفحام

__________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصائد ليلة عبدالله الرضيع عليه السلام


#نعي لعبدالله الرضيع 2020.

عبدالله ياروح الزچيه
عطشان وتفرفح بديه
امن الماي منعوك ال اميه
حسّيت بسهام المنيه
يسگوك موت الناصبيه
وتروح ماترجع عليه

لمن خذاك حسين مني
ضنون النوايب حاوطنّي
گلبي انعصر وستاء ظنّي
وجمرات صرخاتك چونّي

لحظات لن حسين جابك
مذبوح ومخضّبه ثيابك
سهم الغدر عطشان صابك


من شفتك بهالحال يبني
سهمك جرح گلبي وضهدني
حيلي انهدم وزداد حزني
عبدالله وصوابك فجعني


الماي موجود الطلبته
ذبحوك ضامي وماشربته
هذا الحفت منه وعرفته
بدم منحرك راسي خضبته
والموت من بعدك طلبته

#سيد #زيد #الفحام
_____________________


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزله للقاسم ع 2020

وينه اليمس حسين يا آل اميه
وبن الحسن موجود بالغاضريه
.................

ابن الحسن ياناس والقاسم اسمي
ربّاني عالكلفات من عزمه عزمي
وصاني بالطف كون اوگفله عمّي
لازم اوفي اليوم عهد الوصيه
.................

اوگف لبوالسجاد وگفت عضيده
ويله اليمسّه بسوء اگطع وريده
لو ينحجب بالغيم اوصل وصيده
والمايصدگ هاي خل يدنه ليه
..................

آنه الفتى المغوار وينه الينازل
وارث شجاعه وزود منّ ابوفاضل
متهمني لا والله هاي الجحافل
دون الحبيب حسين اهوى المنيه
.............

سيف الحسن معروف لابد تذكروه
بالقاسم ابنه اليوم كلكم تشوفوه
غالي الثمن بالموت لازم تدفعوه
ثار الحسن وحسين يرجع بديه
................

ما همني بالميدان يكثر عددكم
بالسيف احز الروس وسحگ جثثكم
يامن غدرتو حسين حالف اذلكم
قوة علي وعباس موجوده بيه
................

ماعوف ابوالسجاد عمي وامامي
واجب انصره اليوم اوفي بكلامي
ذاخرني ابوي لهاي آخذ وسامي
بالطف اسمعه وياي سلّم عليه
................

للغالي فدوه يروح عمري وشبابي
يايُمّه لا تبچين فرحي بمصابي
آنه النصرت حسين والدم خضابي
وتخلّد اسمي وياه روح الزچيه

#سيد #زيد #الفحام

________________________


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مقدمة مجلس للقاسم ع 2020

من ادين الحسن يبني لأيدك
تنصر حسين بدماك يريدك
هاي الوصية هاي الوصية
..................

يجاسم يبني ياروحي ونظر عيني
وصيّة امن الحسن مابينك وبيني
كتب بيها اريد ابني يوافيني
وينصر بالطفوف حسين يرضيني

والدك وصّه بوصية قراها
يبني جاسم وفتهم معناها
هاي الوصية هاي الوصية
................

وصّاني الحسن يبني وغمض عينه
وصيتي بكربله لجاسم تجهزينه
يقاتل دون ابو الأكبر تشجعينه
يصير ابدالي ابني ولا تمنعينه

هاي ينبي كربله وحان الوعد
گوم ونصر عمك وفّي العهد
هاي الوصية هاي الوصية
.................

يعرّيس الهواشم بالحرب عرسك
مو ثوب العرس ثوب الحرب لبسك
تتحنّه بدماك وتنكسف شمسك
يجاسم گوم قدّم للحسن نفسك

صوت عمك صاح هل من ناصر
صيح لبّيك يعمٌي وحاضر
هاي الوصية هاي الوصية
....................

شباب بأوّل سنينك يبعد امك
يوردة عمري تزهي بروحي وشتمّك
تمنّيت اگضي كل باقي العمر يمّك
لچن واجب تضحّي بكربله لعمّك

روح يبن الحسن انت بداله
لا تعوف حسين يبني بحاله
هاي الوصية هاي الوصية
...............

جاسم گلها يُمّه سمعاً وطاعه
انفّذها الوصيّة وحانت الساعه
اصير بدال ابويه وشايل اطباعه
عمي حسين انصره والزم ذراعه

يُمّه عد عينچ امر امريني
روحي يُمّه ودمي فدوه لديني
هاي الوصية هاي الوصية
.................

لبس درع الحسن وتقلّد بسيفه
نزل من آل امية ياخذ بحيفه
هذا ابن الحسن يامعركة تخيفه
يختار اليريده ويضرب بكيفه

جندل الفرسان وتحدّاها
والنعم ابن الحسن ادّاها
هاي الوصية هاي الوصية

#سيد #زيد #الفحام
______________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيدة كعدية في مصاب القاسم عليه السلام 2020
جواب قصيدة( يمه ذكريني)

ياضوه عيوني عمري من بعدك عذاب
لا تـظـن اهنـه ونسه ايّـام المصـــاب
امك يجاسم ما يرحموها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
............

اسمعت جاسم وصيتك گطعت گلبي الوصيه
ياحبيب امك يغالي. يعني رايح هاي هيه
ياصبر ينفعني گلي لو رحت يبني امن اديه
جاسم يسبّاح الگلب
مو تدري بفراگك صعب
تتركني بديار الغرب
ما يرحمون ال اميه

هاك اخذ گلبي درعك بسوح القتال
خل يصوبونه وللخيم سالم تعال
فدوتك روحي خل يصوبوبها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........

لا تظن انساك يبني شما شفت شبان بعدك
يا شباب الما تهنّه وبالعطش ممرود چبدك
منهو مثلك بالبريه واحمد المختار جدك
وارث ابوك المؤتمن
وجهك مثل وجه الحسن
ما انصف وياك الزمن
يمشي يالمحبوب ضدك

شفكّرت بيّة ياثمر تعبـي وربـاي
يابــدر ليلي ظلمه من بعدك سماي
زهرة سنيني لا يگطعوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........

حسّبت جاسم ييُمّه للعرس بيدي ازفّك
مو اودعك للمنيه وبالسيوف يصير حتفك
مو بدم چفك يجاسم ردت حنّه تلوح چفك
ياوسفه ماصار الحلم
للموت اشوفك محتزم
بثوب الشهاده مبتسم
حايره بياحال اوصفك

بالحرب عرسك تنزَف ابّين السيوف
يبني مو حنّه بدمك تحنّي الچفوف
انذبح دونك لو يقبلوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........

گلها يايُمّه اعــذرينـي ادري ما تنسيني ادري
حسين عمي بلا مناصر. لو تركته شنهو عذري
والحسن وصّه بوصيته افدي للمظلوم عمري
مأجوره يُمّه عله التعب
موقفچ تاريخ انكتب
ربّيتي ورباچ انحسب
يُمّه عند الزهره ابشري

رايـح بدمي انصر حسين الغريب
قدوتي الأكبر ارجـع مـوذّر خضيب
قصتي احچيها لليسمعوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........

والنعم منك يجاسم يبني ما امنع جهودك
والحسن وصّاك يبني نفّـذ شما راد عَودك
ضحّي للمظلوم دمك. ونذخر لليوم زودك
مكتوب اشوفك تنذبح
راسك اشوفه عله الرمح
وبجرح نحرك انجرح
روح وفّيله بعهودك

آنه وي زينب انسبي بيد الطغاة
احسب لموتي بعدك شتسوه الحياة
امك تندبك من يضربوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب
..........

لا تعوف حسين يبني واجب تنصره وتعينه
عاين وشوف ال امية بالسيوف محاوطينه
روح قاتل دونه يبني ولا تفكّر بعد بينه
گاللهه ابشري وشبگته
للحرب راح بلامته
لحسين ضحّه برگبته
جاسم وماعاف دينه

وذٌروا جسمه دون ابواليمّه الشهيد
للخيم جابه. مخضّب بدم الوريد
امه وتودعه خل يعوفوها
للسبي بعدك اگطع دروب الغياب
لا تـظـن اهنـه ونسه ايّـام المصـــاب

#سيد_زيد_الفحام
__________________________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



#نعي للقاسم عليه السلام 2020.

ليش اعداك يجسام ذبحوك
بسيوف ونبل ورماح زفوك
بدال الحنّه من ادماك حنوك
بثياب العرس مذبوح خلوك
شاب ومن لذيذ العيش حرموك


أنه البرباك ساهرت الليالي
جاسم ياضوه عيوني ودلالي
عرسك والفرح چان عله بالي
ازفك بيدي من تكبر يغالي
تالي بكربله ذبحوك تالي
يبني وضيّعت حلمي وحلالي


امك مادريت الصار بيه
عسن لا جيت لرض الغاضريه
ولاشوفك ذبيح عله الوطيه
من دم رگبتك حنّيت اديه
گبلك ريت وافتني المنيه
يُمّه ولاترد مذبوح اليه

سيد زيد الفحام

________________________
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA