#قصائد_شهادة_الامام_السجاد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#_ليلة_العليل ( عليه السلام)
#_السلام_على_سيد_الساجدين
#_أعظم_الله_لنا_ولكم_الأجر
___________________________

وين كبرك وينه هالعده امهدمينه
يا مظلـوم يا مظلـوم

*______________***********

هالعده هـدموها اويه الترب خلوها
حضرتك مولانـه أبـد مـا صـانـوهـا

هالأعـادي بالحشر
مـا يفـيدنهم عـذر
يا مظلوم يا مظلوم

*______________**********

منهجي وعنواني مـا أحـبـن ثـاني
مـن اذكـرك كـلبي تزود بيه أحزاني

كـلبي لجلك دامي
يالمـتت هم ظامي
يا مظلوم يا مظلوم

***____________**********

بالحديد امكيد مـا يرحـمه أحد
مستعر هالليله كـلبي لا ما يبرد

بالحزن والدمعه
شيعتك منفجعه
يا مظلوم يا مظلوم

***____________**********

كـلبي لجله تـهدم يكظي عمره بالسم
الليله احنه ننصب لـلـعـلـيـل الــمـأتـم

أبـد مـا نـنسـاكم
دوم عالي الواكم
يا مظلوم يا مظلوم

****__________************

باللطم والحسره نجري هاي العبره
ريـتك اتسجـلنـه انـت يـبن الزهره

مـن عبيدك احنه
يا امامي احسبنه
يا مظلوم يا مظلوم

***___________***********

بثارك احنه نطالب وبظهور الغايب
ريت كون اوياكم سيدي ونحارب

يمته يظهر ليهم
هالعده اويفنيهم
يا مظلوم يا مظلوم

****____________**********
ونسألكم الدعاء
لخادم أهل البيت(ع): علي فائز الخفاجي
#_محرم_الحرام
#_1442
ياحسين
احنه غير حسين ماعدنه وسيله

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_السجاد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


لاماكفتهم كربلــه عدواني
سمو أمامي وهيجو أحزاني
ظل ينعه الكلب ماهاد      
من سمو علي السجاد
لاماكفتهم كربلــــه عدواني 
***** * *
 أنــه بيــــه جرح والجرح ياذيني    
من عاشور والهاليوم
بعد ماكول عالدمعــــــــه تسليني    
لن ماتنفع الملجوم
أحس جمرة حسرتي بصدري تجويني    
شينفع علة المهموم
عجيبـــه هالزمن كل يوم يرميني    
ميهـزه العتب واللوم
أهل الرجس بالطف أمس جرحوني
واليـــــــوم سمو مهجتي وفجعوني
حجم جرحي أخذ يزداد      
من سمو علي السجاد
لاماكفتهــــم كربلـــــه عدوانــــــــي
***** * *
وآلفت المناحه وغدت مكصودي  
أمن مصيبة حبيبي حسين
بعده مانشف دمعي علـى خدودي  
أثــر تارك مسيل العين
أذا ما أبجي آنــه شينفـع أوجودي  
ألأمامي أشلــع الجفنين
يردفلي غـــده لمــن ذبــل عودي  
صدعنـي ودهاني البين
جف المنيــه مني أخذ دلاّلي
غالي أنذبح واليوم سمو غالي
وي دهري العتب مافاد    
من سمو علي السجاد
لاماكفتهم كربلــــــــه عدواني
***** * *
أريد ألطم وانادي نايبـــــــه عندي  
ياكلمــــة صبر روحي
اليــوم الســم أحســه يكطّع بجبدي  
شهكت هالمسه روحي
لوماسال دمعـــي يعاتبـــــــه خدي  
يريـد أدموع لجروحي
أشما انوحن اشوف النوح مايجدي  
أحس مقصـــر بنوحي
صكني وفجعني هالزمان الغادر
اليوم بمصاب الولــــي بوالباقر
فجعني الجور والالحاد    
من سمو علي السجاد
لاماكفتهم كربلـــــــــه عدواني
***** * *
محنته يالمحب ماتنوصف صعبه  
من كادوه لرض الشام
بعده يسيل ياشيعــــه نزف كلبــه  
مايشفـه بمرور أعوام
أسيــــر مكيد وعدوانــه أتضربه  
بسياط أتولتــــه ظلاّم
بيده جامعـــــه ويتعثــــر بدربــه  
وآليتـه غصص وآلآم
تاليها أتبـــاع الرجس عملوها
وحشاشته بسم الحقد كطعوها
رزيه وصابت العباد    
من سمو علي السجاد
لاماكفتهم كربلـــــــه عدواني
***** * *
زيــن العابدين بياذنب سمــــــوه  
أهل الحقــد والطغيان
يلــوج ويلتــوي من الالـــم خلوه  
تعذب حجــة الرحمن
كلب الباقـــرأبهالنايبـــه صدعوه  
وخلـو عيلتـه أبأحزان
كل شيعي ومحب هذا المسه فجعوه  
جند المرأه والشيطان
مسموم متعذب رحـل ياشيعه
وشحال أهلـه الحظروا بتوديعه
أتجدد عـــزه الاسياد      
من سمو علي السجاد
لاماكفتهـــم كربلــــــه عدواني
***** * *
بقو ولد الوديعــه فاطمـه الزهره  
تبغضهـــم أعــــداء الله
وبقت شر الخليقه أمعاديه العتره  
والسجاد نفـــس أعــداه
الحقد متجذر وهالناصبه أتظهره  
وأحنه أبهالعصر شفناه
أتعنــوا للبقيـــع وهدّمـوا كبــــره  
ظنـــوا شيعتــــه تنساه
لابد يجي يوم ونصول أعليها
وغصبن عليهم كبتـــه نبنيها
لابـــد مرقـــده ينعاد      
من سمو علي السجاد
لاماكفتهم كربلــــــه عدواني
***** * *
                            ســلام المشــعل


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_السجاد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(( قصيدة مناجاة المسبيه ))
***************************

يالراد يوسف من مغيبه
لدرب السبي عباس جيبه

مثل يعقوب النبي
عيوني بيضهه البجي

خضرت بالروح شيبه


*******************


ياربي احلفك بالذي
اختاريته عالوادم نبي
خلصني من هذا السبي رجعلي عباس
مهضومه يارب السمه
ومتوني تتكاطر دمه
ابأمي انه احلفك فاطمه رجعلي عباس
انفاسي احسنهه جمر
وجروحي تتنازف صبر
شلون انه يحديني الشمر رجعلي عباس

يمنجي الخليل من اللهب
نجيني هد حيلي التعب

درب السبي ماينحمل
وجفوفي ورمهه الحبل


سالفتي للسامع عجيبه
خضرت بالروح شيبه


**********************


ربي انه بت حيدر علي
صعبه كلش انسبي
ادعيك وانه بمحملي رجعلي عباس
درب اليسر مر وكلف
ولحادي كلبه مايرف
جدي النبي شلون انجتف رجعلي عباس
يارب عباتي تغيرت
مو سوده لابيضه صفت
من جر اليتامه شيبت رجعلي عباس


يمرهي داوود اعله جالوت
وصل لذن عباس هل صوت


ياربي كله ام الخدر
اسروهه خولي والشمر


والجرح ميت طبيبه
خضرت بالروح شيبه


**********************


ياربي والله اتمرمرت
والشفته مثلي ماشفت
ياربي حكي لو صحت رجعلي عباس
ايضربونه وعيوني تهل
وطك الظلم ماينحمل
بذيالي جم حرمه وطفل رجعلي عباس
بيت الحزن بيه انبنه
كل يوم اعدنه بسنه
ومن الهضم ضهري انحنه رجعلي عباس


يل واعدت موسى بنجاته
رد للكمر يارب حياته

ويشوف زينب باليسر
حارك عبايتهه الشمر

ياربي بس كونك تجيبه
خضرت بالروح شيبه


***************************


ياربي لا اخ لا حمه
وحشة الوالي اكبر ضمه
ادعيك ونضر للسمه رجعلي عباس
امشي انه محنية ضهر
ودموعي ترسن جم نهر
مهضومه وتنفس قهر رجعلي عباس
اشما اصد الكه رمح
فوكاه والي منذبح
وهالموقف ايزيد القهر رجعلي عباس


يالخلصت نوح بسفينه
رد روح اخوي وخل يجينه


لتكعده بس كله همس
زينب خذوهه من امس


من نحره يصرخ يا حبيبه
خضرت بالروح شيبه


*************************


كل ما اعاين عالضعن
هيهات اكولن يازمن
جدهن محمد ونسبن رجعلي عباس
ذبلتهن سياط الغرب
صارن زرك من الضرب
يدعن بقن طول الدرب رجعلي عباس
من تصد لينه الخلك
صدري ياربي اختنك
باب امي جن توه احترك رجعلي عباس


يلي ارفعت من عيسى الروح
شافيلي عباس من الجروح


خلي يجيني لمحملي
وبيده ياخذني لهلي


دعوة مره حره وغريبه
خضرت بالروح شيبه


***********************


كلمات
الشيخ حيدر الكعبي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_السجاد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة للإمام السجاد عليه الإمام الباقر عليه السلام ينعى والده..... جديد محرم ١٤٤٢

انـــحب واجري عيني وما اگطع ونيني
روحي اعله الابو تذوب رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون ساكن وسط العيون
بوية بغيـــبتك دوم اتچوة بحــــنيني
__________________
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب عن عيني الابو غاب
آه ياوكت الغروب ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك احبابك تناديك
نعقد مجلس انياح انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح يسوة الونة والنوح
أظل مطلوب الك دين ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم انه بعازتك دوم
عشرة ابطول السنين بين الهم وبيني
--------------------------------------------
أسألكم الدعاء رائد الاسدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


وداعا كربلــــه اشســويتي بيه
وداعا ياجــــــــــروح الغاضريه
وداعا راح اشوف اهلـــي المسيه
وداعا وداعا
.........................................
بشتياقي للاهل ... منتظر بس الاجــــل
ردت اموت وألتقي ويه الغوالـــــــــي

عايش المن والحزن يرمينــــي بسهام
ماشفت عگب الأهل بس جـــور الايام
آنه كل جرة نفس أتنفــــــــــــــس آلآم
عاشت اوياي المصيبه وحرگ الاخيام

نهاري عاشر وذيـــــــج المصيبــــــه
أون بالليـــــــل زينب ياغريبــــــــــــه
وداعا أسمـــــــع من الهاشميــــــــــــه
وداعا وداعا
...........................................

للجرح ماصح دوه آني والميت ســــوه
يادوه الينفــــــــــــع للاجروحه مصايــــب

بس جسد ضليت عايــــش هاي الاسنيــــن
اني ميت قبل هاي الموتـــــــــــه مرتيــــن
مــره حين الگطعو العباس چفيـــــــــــــن
وثانـــــــــي مره متت لمن طاح الحسيـــن

متت من مات عمي اعله الشريعــــــــــــه
ومتت من وگـــــــع محبوب الوديعــــــــه
وداعا صحــــــــــــت يا أهل الحميــــــــــه
وداعا وداعا
..............................................
الموت أصبح مطلبي ولا معانات السبي
شاب گلبـــــــــي امن المصايب والمعانات

والله معذور اليعـــــــــاتب بيـــــــــه ويلوم
ياعلــــــــي السجاد كافـــــــــي من الهموم
مادرو بالينجرح مايعــــــــــــرف النـــــوم
ماابطل من ونينـــــــــي وابقـــــــــه ملچوم

ابجراحات السبي خلصـــــــــت حياتــــــي
أنه اتمنيت ويه اهلــــــــــــي مماتــــــــــي
وداعا لاشفــــــــت حــــــــال السبيـــــــــه
وداعا وداعا
...........................................

راح اروح ابحسرتي.. وجرح گلبي وجمرتي
ولوعتي المامنهـــــــــه لوعه ابكل الاكوان

رايح ابشكوه وعذاب الرب الاربــــــــــاب
والظلمنه خل يتانــــــي يوم الحســـــــــــاب
ال اميه الضلمت العتره والكتـــــــــــــــاب
الله لا يرضه عله السببلي الامصــــــــــــــاب

عدو الله وعــــــــــــــدوي عذبانـــــــــــــي
يسمم چبدتي وخلانــــــــــــــــي اعانــــــــي
وداعا والرحيـــــــــــــــل ابهل المسيـــــــه
وداعا وداعا
.................................................
يالحسرتك دايمه ... مثل حسرة فاطمــــــــــه

لامقام ولامناره الگبــــــرك انــــــــــشوف
فوگ ماملجوم من الغاضريـــــــــــــــــــــه
حتى گبرك ماسلم من ا ل اميــــــــــــــــــه
لعنـــــــــــة الله ياعلــــــــــــــي عالناصبيه
لعنــــــــــــه منا لحد ماترضـــــــه الزچيه

نواســــــــــــي فاطمه الليله ابمصــــــــابك
حزن ودموع خلينـــــــــــه اعلــــــــه بابك
وداعا حضرتك وحشــــــــــــه وخليــــــــه
وداعا وداعا
..............................................
السيد علي الموسوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شور
سيده زينب ع لسان الحال

اه يحسين يبن امي //// اه يحسين يبن امي
؟؟؟؟؟؟
يلتلكوك بلمامش هله وياك
رغم خيل وسحك بس حلو ملكاك
تموت انته علمود الوادم تعيش
يبن امي بعدنه  ابعازه اهواك

لمتنه انتهت////وحزاني بدت
اه يحسين يبن امي
؟؟؟؟
خيل وزلم ظلت تركض عليك
تريد تكوم خويه وحيل مابيك
كلما كمت من امجانك اطيح
غميج صواب سهمك ما يخليك

ياونس الدرب///ماضلي كلب
اه يحسين يبن امي
؟؟؟؟؟؟؟؟؟
يبو طول الحلو مو وسفه تنداس
ميت وما خلص جسمك من الناس
يابس ريجك من العطش ياحيف
ماعافوك حت اباخر انفاس

من عندك شلم//ياشيخ الزلم

؟؟؟؟
رد يحسين جلمه خاطر ارتاح
صوتي من البجي يبن امي هل راح
دم نحرك يخويه تارس الكاع
زينب ياهو لج شيخ الزلم طاح

يفديك العمر ///ما ضلي صبر
اه يحسين يبن امي
؟؟؟؟؟؟؟؟
المن اضاله ابزينب الروح
اموت اوياك احسن خويه ماروح
متعوده ويطولك امشي يحسين
كلي شلون اعوفك ونته مجروح

صدرك للعشك//مو مالت سحك
اه يحسين يبن امي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


أبـيات نـعي
خـطاب ألـسـيـدة زيـنب﴿ع﴾

أذكر أبـيوم أركـبت نوگ ألـهـزال
أبـكربله حين ألضعن شد ألـرحال
عفت أخـوي حسـين نايم علرمـال
و أرحلت من يمه مچـتوفه أبحبال
صوت أسمعه يرجع ألكافل مـحال

أبـوذيـة
ألدهر قَـیّم علي ما ضن يصـحـلي
بعـيده أهـلي و لا كافل يصـحـلي
سمعت ألصـوت لن واحد يصـحـلي
لَـحَـدّ ألـشــام أگـودنـچ سـبـیـه

حـسـيـن ألـفـرحـانـي
■ ■ ■ ■ ■ ■ ■ ■ ■ ■ا

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيدة ( آه يا جابر ) من وزن الموشح

آه يـــا جــابــر تنــاشــد عـالجـــره
منين اسـولف والله روحـي مّحيره
*
منين أبـديلك واسولف يــا مصـاب
مــن مصــايـب كــربله دلالـي ذاب
عن أبــوي حسين لــو عن الشباب
اجســوم ظلت مــن دمـاهـا أمعفره

*
أرد اسولفلك علــى حسين شسده
بعــد ذبحــه داستـه أخيـول العـده
وجثتــه ظلت عالـرمـال أمــوسده
بعــد مــــا گطعــت أميــه منحــره

*
آه يــا جابــر بعــد عيني شتشـوف
عالشريعه الگمر مگطوع الچفوف
قِبلِــه صــايــر للنــبال وللسيـــوف
وجثتــه عالشــاطــي بگت متوذره
*
أهنــاه يجابر طـاح الأكبر عالتـراب
وجاسم ابكتـره دماه أصبح خضـاب
يا مصــاب الطفل مـــا مثلـه مصاب
آه يــــا نبلـــة ضــمـــاه امـــوجــره

*

آه يـــا جــابــر شسـولــف يــا الــم
يــوم شــبت نــارهم وســـط الخـّيم
عمي بالطف هجـتْ أطفــال وحـرم
وين تشرد والطفـــوف أمحـاصـره

*
آه يــا سهـم ألــي صــوّب مهجتّــي
يمْ يــزيــد بحســره وگفــت عمّــتي
شلــون يــا جــابـر أبطــل دمعـتّــي
وگلب زينــب نــار تلهــب مسعـره

*
آه يــا شــام الشمــاتــه وحســرتّــه
تبقى حــد المــوت تسعـــر جمـرتّـه
يا مصاب احچيــه روحـي الشـافـتّه
عن رقيه أمصــاب مــا مثلـه جــره

*

آه يــا جابــر جمــر مـــا أظـن يهيد
روس فوگ أرمــاح وبأيدي الحديد
ابتشر يـا وسفــه وشمّت بينـا يزيد
تظـــل جمـــراتـي لحّــدْ الاخــــره

*
الشاعر
موسى البديري
محرم 1442 هجريه

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يلله يشبان .. جاسم يمشيكم
وي صوت الآذان .. حط ايده بيديكم
وي كل طفل تمشي رقية .. يزوار
واللي تعب تنطي هدية .. يزوار
جاسم يمشيكم

قد حانت الرحله يشبان استعــــــدوا
ودعوا اهلكم هالمسه او كل باب سدوا
وي جاسم الأغله حبيب ابلهفه اگصدوا
واعله الزند راية ابو النوماس شدوا

كل خطوه عباس .. يتمشه وياكم
يتلگه بالناس .. واينادي حياكم
واينادي جيبولي ادية .. يزوار
واللي تعب تنطي هدية .. يزوار
جاسم يمشيكم
____________
طول الدرب جاسم يجي صدگوني يمكم
اشما تيهيتوا بالدرب جاسم يلمكم
انسوها امكم رمله راح اتصير امكم
والدكم ايصير الحسن واحسين عمكم

انسوها لاصحاب .. وانسوا اهاليكم
بن داحي الباب .. يصبح أبو ليكم
يصبح لقبكم حيدرية .. يزوار
واللي تعب تنطي هدية .. يزوار
جاسم يمشيكم
____________
تلزم رقية كل طفل متعني مشاي
بيديها هيه اتوكله واتشربه الماي
واتگله يلله الوالدي گوم امشي وياي
عدت ليالي ابغيبته مشتاگه اله اهواي

ظل النه چم يوم .. وانعاين الگبه
خل نترك النوم .. وانباوع الدربه
والكربله ندخل سوية .. يزوار
واللي تعب تنطي هدية .. يزوار
جاسم يمشيكم
_____________
وي كل مره تتمشه لابد ام البنيــــن
واتنادي ها يزايره لا لا تتعبيــــــــن
رخصي الجدم يـمّ الولد لعيون الحسين
مو مره وحده بالسنه خل نمشي مرتين

لمن تطيحين .. واتصادفچ عثره
نادي ام الحسين .. واتگومچ الزهره
اتگومكم الزهره الزچية .. يزوار
واللي تعب تنطي هدية .. يزوار
جاسم يمشيكم
____________
يمشي حبيب اويه الذي امشيبه لحيته
لبن الزچية ايوصله وايرده بيتـــــــه
وايگله شوف اسمك يزاير سجليتـــه
وابصحن ابو السجاد بيدي علگيتــــه

كل شايب او شاب .. آنه الأسجلهم
لو زحمه بالباب .. لازم ادخلهـــم
اليحبي حبي شلته ابأدية .. يزوار
واللي تعب تنطي هدية .. يزوار
جاسم يمشيكم
_____________
والشايل الراية الإمام المهدي وياه
لو بس تعب عنه العلم مهدينه شالاه
الزاير يگله هالدرب لجلك مشينــاه
يمته يمهدي الطلعتك يأذنلك اللـــه

حان الوعد حان .. گَله يخادمنه
نطروني بمكان .. بي ريحة اخيمنه
بي ريحه من الهاشمية .. يزوار
واللي تعب تنطي هدية .. يزوار
جاسم يمشيكم

حيدر الحلفي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


الدرب ياعمه تعبني،،وظهر النوك دولبني
شمااغفه يطكني السوط ،بيش السوط طالبني
،،،،،،،،،،،،،،،،،،،1،،،،،،،،،،،،،،
ذاك البيده سوط هناك يركض ليه اجه وطكني
جرني بلارحم عمه و من فوك الهزل ذبني
انه شكتله ردت الماي ماسبيته ويسبني
بت حسين موتي يصيح موتي وهوه يجلدني
ثبت فوك الرمح راسه ،وعليه يدير نظراته
ابوي بضعنه وحساسه ،حاسبهن ابنياته
ليش وما مايكلمني
،،،،،،،،،،،،،،،،،،،2،،،،،،،،،،،،،،،،،
ضلمه الوحدي وفزيت عمه وماتت احلامي
عمه وطيحت الناكه يمكن كاسره اعضامي
انه شمااكوم ارد اوكع دم يصبن اجدامي
اتلفت يمين ايسار وحدي بهيمت الامي
راس حسين من يثبت ،ضاعت لازم بنيه
عمه ومن ضربني السوط، ماادري انغمه عليه
يعمه واعرف الذبني
،،،،،،،،،،،،،،،،،،،3،،،،،،،،،،،،،،،،،،،
جيه اون علئ ابوي حسن كال الشمر كتلوهه
بس يتحرك العسكر من الناكه اشمروهه
بس حسين ابوي وياي راسه يصيح عوفوهه
هاي مدللة كلبي ماي شويه شربوهه
كابلني زجر شيريد ،بس فهميني ياعمتي
يفتش كتله ماعندي ،تراجي ماكو مثل اختي
يجرهن حتئ من اذني
،،،،،،،،،،،،،،،،،،،4،،،،،،،،،،،،،،،،،،،،،،،،،،،
يعمه ومن طحت علشوك لسه مجلب بهدمي
تعاي وصيحي لسكينه طلعوا الشوك من جسمي
رادوا ضلعي يتكسر جيه هم فاطمه اسمي
شديني بحبل وياج اقبل ضلي بس يمي
وي اجفوفج الميتات خليهم يجتفوني
ودون ارقيه ياعمه خليهم يضربوني
زغيره وحزني شيبني
،،،،،،،،،،،،،،،،،،،5،،،،،،،،،،،،،،،،،
مايوصل لديج الدم يل بحبال مجتوفه
ليش بحجر تتلكاج هاي الناس بلكوفه
ياام طول الي ماينشاف هسه الوادم اتشوفه
ودعتي علئ جرف الماي كافل خدرج اجفوفه
شيب دم ابوي حسين من عاين علئ احوالج
وسفه ويالغرب تمشين عمه ابلايه كفالج
وظهرج شو صفه محني
،،،،،،،،،،،،،،،،،،،6،،،،،،،،،،،،،،،،،،
وينج انتي والديوان وعيون الغرب نتظر
ويمج علرمح عباس خوه من الرمح يكطر
مومر السبي اجرعتي اجرعتي مر المر
راس الكمر بس هزي مروه علئ السبي يمطر
عمه علئ الرمح ويدور ،راسه الكافل علينه
ينظر للحبل كلساع ،وياشر سهم عينه
شوفه هواي عذبني
،،،،،،،،،،،،،،،،،،،،،،،،،،،،،،،،،،
بشار السامي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

الشّعَائِر هَيَ سِرُ الخَلقِ بل هيَ البِدايةْ

الشّعَائِر و بِها الإسَلامُ صَارتْ لهُ رَايةْ

____________________________

أيُّها النّاسُ أعلمُوا أنَّ الشّعائِرْ

كَشَفَت مَا كانَ يُخفَى في السّرائِرْ

حَاربُوها جَهرةً أهلُ الكَبائِرْ

قَد دَروا يُولدُ مِنها كُلُّ ثَائِرْ

الشّعائِر قِبلةُ الأحرَارِ قُرآنُ الهَدايةْ

الشّعَائِر هَيَ سِرُ الخَلقِ بل هيَ البِدايةْ
__________________________

ثبّتتْ دَيناً سَماويَّ الحَقِيقةْ

ثَورةٌ مِن كَربلا كَانتْ عَرِيقةْ

أصبحَ المَرءُ بِها يَهوَى طَريقَهْ

أيُ عَيشٍ دُونَها لا لن نَطِيقَهْ

الشّعائِر خلّدتْنا أبداً حتّى النّهايِة

الشّعَائِر هَيَ سِرُ الخَلقِ بل هيَ البِدايةْ
________________________

شِيعةٌ كم ظلمُونَا لن نُسَاوِمْ

أبصُرِ التَاريخَ شَاهِدْ مَن يُقاوِمْ

دَمُنا حطّمَ أنواعَ المَظالِمْ

عِندَهُم مَن ؟ عِندَنا حَيدرُ فَاطِمْ !

الشّعائِر** حِكمةُ اللهِ و للإنسانِ آيةْ

الشّعَائِر هَيَ سِرُ الخَلقِ بل هيَ البِدايةْ
_______________________________

أهلُ بَيتِ اللهِ في سَاعةِ حَشرِي

شُفَعائي مِن ذنُوبِي حَينَ قَبرِي

سَأرِيهُمْ دَمعتِي كفّي وصَدرِي

وَأرَى الجَنةَ الكُبرى ذَاكَ أجرِي

الشّعائِر مَن نَسَاها ضاعَ في دَربِ الغَواية

الشّعَائِر هَيَ سِرُ الخَلقِ بل هيَ البِدايةْ
______________________________
يَا إلهي دُمْ جُنونَ العَاشقِينا

كيفَ نَحيا دُونَ أن نَبكي حُسِينا ؟

دَعوتِي يا رَبِّ أَدعَوكَ حَزِينا

كُنْ مُعيناً كَي أزورَ الأربعِينا

يَا حُسينٌ سوفَ نأتيكَ جُمُوعاً تلكَ غَايةْ

الشّعَائِر ** هَيَ سِرُ الخَلقِ بل هيَ البِدايةْ
__________________________

علي حبيب الشابي
محرم 1442


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
مـنـهـاج مـحـرم الحــرام 1442 هـ

بـراس الـﮔـمــر يـبـتـعــدون
وإيرد لأخـوه مـدري شـلون
فـوﮔ الــرمـاح وبــس روس
لـــكـــن ولا يــفــتـــرقــــون

فـوﮔ الـرماح وحَـيروهـم...فرصة أمـفَـارَﮔ مـا نـطوهـم
كـلمـا يـبعـدون الـروس...ايرجعون وامـشـابـﮔ لـﮔـوهـم
وراس الـﮔـمر كلمن يقَـدمَه...ﮔـدام أبـو الـيـمــه يـنَـدمَــه
يمـشي بظهـر رمـح حسين...لـو يحـتـرﮔ ﭽـفــه اليلـزمـه
وحـسين كل واحد يبعـده...عن راس أخوه لو خطوه وحده
يـطلب سـماحـه بـﮔـدمـا...تـتـثلـم اﭽـفـوفــه ويِـرده

واحـد لأخـوه يمشـي افـيــاي
والـثــانـي خـده يـبــخ مـــاي
يـمـشـــون صـح مـذبـوحيـن
لــــكـــن ولا يــفــتـــرقــــون
ــــــــــــــــــــــــــــــــــــــ1ـــــــــــــــــــــــــــــــــــــــــ

حسـين الحجر هَـشَم جـبيـنه...وعباس غطه السهـم عينـه
وبارمـاحهـم صار إحسـاس... ﮔـدمـا سوالـفـهـم حِـنِـينه
وزينـب تجي بكل ليله يمهم...ويمـسح يحاول ﭽـفهـا دمهم
الدم يابس ومامش ماي...وتـﮔضي الوكت تبـﭽﻲ وتشمهم
ومن ترجع ابريتهـا عنـبـر...ولـن الشمر تلـﮔـاه تِـحَـضَـر
شـاعـلَّـه خـيمــه ودخـان...بـس حـتى يقهـر زينب أكـثـر


ومـتــوهـــم إهــوه الـدخـــان
مـا يـمــحـي عـطـر الإخــوان
مسبـيـه واهـمه اعـلـه ارماح
لــــكـــن ولا يــفــتـــرقــــون
ــــــــــــــــــــــــــــــــــــــ2ـــــــــــــــــــــــــــــــــــــــــ

كـلمـا تِعـدوَّ نهــر يـجـري...راس الحسيـن أيـﮔـله تــدري
زيـن وظـهــر مـاكـو هـنا...ﭽـﺎ هم تِـرِد تكـسرلي ظهري
ولـو شاف نخله ايباوعلها...لعبـاس مامـش ﭽـف يـﮔـلهـا
لــســه إوراﭺ يـلـبــدون...مـن كـثــر مـــا فـرســان ذلـهــا
لـكـن أنـه الماذيـنـي لـسه...مـن ﮔـال خـويـه وراح حِـسـه
اتمـنيـت وأسمعهـا هواي...بـس راس واشـتـاﮔـلهـا هـسـه

كـلــمــة الخــويــه الـتـنـﮔـال
مـــن الـﮔــمـــــر راحـــة بــال
ويـمـشــون وابـلايــه أرواح
لــكـــن ولا يــفــــتـــرقــــون
ـــــــــــــــــــــــــــــــــــــ3ــــــــــــــــــــــــــــــــــــــــــ

راس السبط من خَذَه الراهب...عباس يعلم بس يراقب
ومـن رَد لــﮔـاه فـوﮔ الـﮔـاع...مـشتـاﮔـلـك يا خويه كاتـب
فـراﮔـك عليه هـوايـه لـيلـه...الصبرني إجت يمي العقـيله
بس خـويـه هيه مـن الضيـم...مثل الرمـح صارت نحيله
اتـكابـر إجـت ﮔـوه ابمـشـيـهـا...آه الحـبـل شـمـسـوي بـيهـا
وبـالحــبـل ريـحــة دخــان...خويه ابكثر حِرﮔـة بـﭽـيهـا


وﮔـضَـوَهـا ليـله إبلا صـوت
وكـلـمـا تـبـاوعــلـه اتـمــوت
وبـيـنـاتـهــم واﮔــف مـــوت
لــكـــن ولا يــفــتـــرقــــون
ــــــــــــــــــــــــــــــــــــــ4ـــــــــــــــــــــــــــــــــــــــــ

ﭽـم يـوم مر اعلـه المنيـه...وما مشو خطـوه إلا وسويـه
وفــوﮔ الـرمــاح إيــدورون...عـالسـلــب تـرﭽـيــة رقـيـه
ومن طفل يوﮔـع كلشي يسكت...وكل رمح فوﮔ الأرض يثبت
والصـوت بـس للسجاد...وباقي الـلسن بالجيش تصمت
ويمشـون من ينهض الواﮔـع...والشمر مـذلول ويبـاوع
يـعـرف اذا عـاف أطـفـال...يلـﮔﻪ الـﮔمر بس راس فازع

بــس راس لــكـــن يــــدروه
خـزراتـه تـســـطـر الاوجــوه
مـيـتـيـــن وازغــــار اكــبــار
لــكـــن ولا يــفــــتـــرقــــون
ـــــــــــــــــــــــــــــــــــــ5ــــــــــــــــــــــــــــــــــــــــــ

بالقصر ذاك اشـﮔـد مواقف...وايزيد خَلَـص وكته خايف
وانذعر من شاف حسيـن...راس بطشت بس ﭽﺎن واﮔـف
بـالـخـيزرانـه ولاح شفـته...والـﮔـمر طفحت غيظ ﮔصتـه
وبــخـزره مـــن الـعـبـاس...مـثـل الخـرز طَـشَـر سلطتـه
وايـزيد مـنـهــا وتـاه أمـره...وبالصـيـد مـا تَـيَّــه بصحـره
مــن طَـبَــة الــروس وتـاه...مو صحـره المتـيهتـه خـزره

ﭽـﺎ هِـــوه يـبـقــى العـبــاس
راس بـجـسـد أو بــس راس
وطـف وسبـي وقصر إيزيـد
لــكـــن ولا يــفـــتـــرقــــون
ــــــــــــــــــــــــــــــــــــــ6ـــــــــــــــــــــــــــــــــــــــــ

أحمد البصراوي العبادي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


علي يامحلئ اسمك شاغل البال
بس وكت الصدك مولاي ينكال
يالامدوخ الدنيه ابصيتگ الفوگ
ابطلاگك الهه شافت هيه الاذلال
يروح الدين ياجف الله حياك
القلع باب الكفر عالراس ينشال
فدوه انته الك كل شيعتك هاي
بزرهه اتنذره الك ماتبخل المال
الحال ابلا ولايه الشك يمر بي
البيعة الغديرية اتغير الحال
الموگدهه وتصدر فارغ اهواي
الله مايريده الصار حيال
النيه امبينه مثل النور بالعين
الماواله علي لعن الله بس نال

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


أمشيت مذبوح مجروح عليهن
كسري ما طاب من يوم مشيهن
بدرب الطويل فوك الهزيل وأني عليل
---------------------------------------------------
مشيت مذبوح ومشيت المنكوب ذبحوله عشيره
شفت بالعين عمتي المهيوبه والجانت أميره

طلعت وطلعن وياهه حرمنه
اني وسط أخيامنه وحركوا خيمنه
ندبن وصاحن علي بويه أنهظمنه
أيحيرتنه عكب راعي علمنه

أمراكض أيتام جدام عيوني
بجرح الخدور للموت جووني

جرحي الثكيل فوك الهزيل وأني عليل
---------------------------------------------------
والله حيره حيرة الي شاف بعيونه خواته
جمر سحكن شنهي عمره وبعد ماتسوه حياته

جروحي كلفه الهظمهني وكتلني
وحال المدللة أشكد جرحني
وأكتم بصدري حسره الهدمني
يدرن بعلتي وما حشمني

من الأحبال شماته وحجيهم
بية لجمات يومون بديهم

ماعندي حيل فوك الهزيل واني عليل
---------------------------------------------------
والدي وحيد بستغيث الماله ناصر يا غربته
الماخذ حيل الكضه عطشان لاجن ما حضرته

اللا غسل لا جفن يامصابه
أدفن أحباب وأرد للخرابه
والدرب طال علية بعذابه
جلمة أختي جرح وينه بابه

الماله فزاع عالكاع تركته
بذني الأيدين عطشان دفنته

ئاخ الرحيل فوك الهزيل واني عليل
---------------------------------------------------
ليت أمي لم تلدني ولا أطب الديرة الشام
هالجرح هذا مايطيب وعمري لوطول ألف عام

وجم يتيمه ويتيم الدفنته
البدروب التكتله هظمته
ياضعن عفت الله وغربته
كلهه بية جروحه وحملته

لاجن الشام جتال يجرحه
جروح وجروح عمري اليذبح

خدر الكفيل فوك الهزيل وأني عليل
---------------------------------------------------
عشت ملجوم خمسه و٣٠ عام ودمعي جاري
متت مسموم وغمضيت العين واني بگلبي ناري

بغربه مجروح جبيره الهظيمه
الهاشمي ينوح نزف جرحه شيمه
شلون أنسه اليسر وأنسه ضيمه
اليالي مرن لجن ماكو خيمه

بقن بالعين للموت صورهن
عاشن وياي يجروح خدرهن

ودموعي سيل فوك الهزيل وأني عليل

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


سولفلي بالطف اشّفت
حاولت اگلك بس خفت
الجم جرح بيك
وللشام اوديك
ــــــــــــــــــــ
من ياباب اطب محتار
كل بيبانك اتصب دم
احاول كون مارد بيك
وافتح باب واتندم
ادري الباب مطلوب الكم بثار
كلما يندگ اتشب بيكم النار
اخافن من اسألك بالطف اشصار
بضلوعك سؤالي يصير بسمار

يالمحـــد بكثــــــــرك بجه
وعن دمعك الشامت حجه
ماريد أأذيك
وللشام اوديك
ــــــــــــــــــــ
ابوك بجرحه اذا مرت
نسمه ياعلي اتلجمه
واخافن الجم اجروحك
بالطف لو ذكرت اسمه
گالو من تعاين زاد لو ماي
ينزل دمعك وتتحسر اهواي
سمعته حسين ابوك يصيح عطشان
آنه امن السوالف ذابت احشاي

سولفلي من طاح الگمر
وحسين رد محني الظهر
خايف احاجيك
وللشام اوديك
ــــــــــــــــــــ
عليل بخيمتك ممدود
وابوك يدوّر الناصر
بيك اشصار من سمعيت
بصدره ايكسر الحافر
يتراولي حاير بين الاثنين
الزينب درت عين وعين لحسين
من صعدت عله التل زينب ونار
شبت بالخيم انت جنت وين

مابيك حيل اعله الركض
وتشوف الخيول اشترض
ماظل سند ليك
وللشام اوديك
ــــــــــــــــــــ
وصلت المصرع المظلوم
ماحنيت للشمه
وي زينب تلم اطفال
وابيّك محد يلمه
لمن سولفولي صحت ياويل
لاخيمه ولاحارس واجه الليل
قميص حسين بيدك جبته مولاي
لو ليك بحوافر جابته الخيل

من سلّبــــــــــو ام الحزن
سلبو قميص حسين اظن
مااعتب اعليك
وللشام اوديك
ــــــــــــــــــــ
ماريد اطلع امن الطف
سولفلي عله العاشر
مو عن كلشي سولفلي
عن اوليدك الباقر
چني اتصوره من هجمت الكوم
يركض من اجاك يطيح ويكوم
شاف الخيمه كلها احترگت اعليك
وصاح ادري الولد للضيج مضموم

جاوبني يالشـــــابع حرگ
السولفته الك صاير صدگ
خل من دمه ابجيك
وللشام اوديك
ــــــــــــــــــــ

علي محسن الزيادي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
* روى شرف الدين النجفي في كتابه تأويل الآيات : قال : قال الامام الصادق عليه السلام:" اقرأوا سورة الفجر في فرائضكم ونوافلكم فإنها سورة الحسين عليه السلام"


القصيدة لسان حال الإمام زين العابدين ع
_______________________


مُنظَرُ الظّهرِ قَد حَزَّ لِي عُمرِي

سَحقتْ خَيلُهمْ سُورةَ الفَجرِ

أصعبُ مَا أراهْ يُحزُ مِن قَفاهْ

نَحرُ أبي
______________________________

عَلِيلٌ أَنا والخُيُولَ أراها

تَرضُّ حَوافِرُها صَدرَ طَه

عَجيبٌ حُسِينٌ طَريحٌ وَراها

يَسيلُ دَمُ العَرشِ تَحتَ خَطَاها

كيفَ أَمرِي ومَن ذا أُنادِيهِ ؟
ليسَ يَجدي خُيولٌ قَسَت فيهِ

تُبصُرُني عَيناهْ يُحزُ مِن قَفاهْ

نحرُ أبي
_________________________

أبِي عِندَ ذَبحٍ لقدْ دَارَ عَينَهْ

حَنِينٌ إلَى مَن أدارَ حَنِينَهْ

تَرَاهُ يُصبّرُ حقّاً أنينَهْ

ويَذكُرُ فاطِمةً فِي المَدينةْ

يَا بَناتي وَداعاً تُرى قَالا

مَالتِ الأرضُ فيهِ دَماً سالا

الغَوثَ يا اللهْ يُحزُ مِن قَفاهْ
نحرُ أبي
____________________

أَجرُّ بِروحِي ودَائي يَجرُّ

أرَى طِفلةً مِن سِياطٍ تَفرُّ

قِيامي بِلا قِدرةٍ لا يَضرُ

قُعُودي عنِ السَّيفِ والحَربِ مرُّ

حَيرةٌ زادتِ الدّاءَ في جِسمي
صَرَخَاتٌ عَلَت قُمْ أيَا عَمّي

فالأمرُ ما أقسَاهْ يُحزُ مِن قَفاه

نحرُ أبي
______________________

تَهَاوتْ خِيامٌ بنارِ الأعادِي

وزَينبُ فِي كُلِّ صَوبٍ تُنادِي

تَلمُّ اليَتامَى تَضمُّ الأيادِي

وتَعثرُ همّاً بِجُرحِ افتِقاد

عَمّتي خَجلتِي مِنكِ تُؤذينِي
وحدَكَ اليومَ هَا أنتِ تَحمِيني

آهٍ وآهِ آه يُحزُ مِن قَفاهْ

نحرُ أبي
___________________
سُكينةُ خَولى وفُقدُ رُقيّةْ

رَبَابٌ وليلَى بنَفسِ الرّزيّةْ

ورَملةُ والعُرسُ في الغَاضريّةْ

بُدورٌ هَوَت فِي فِكاكِ المَنيّةْ

أَمِنياتٌ فَمُ المَوتِ أمحَاها
ضَحكاتٌ أمَاتَ الأسى فَاها

الحقَدُ ما أشقاهْ يُحزُ مِن قَفاهْ

نحرُ أبي
_________________________

عَلَى ضَفّةِ النّهرِ عَبّاسُ نَزفُهْ

طَريحٌ وقد أُسقطتْ مِنهُ كفُهْ

يَفيضُ بِخلقِ السّمَاحَاتِ عَطفُهْ

تَفدُى حَسيناً وقد جاءَ حَتفُهْ

دُونَ عَينٍ كُفوفٍ بَداَ الخُوةْ
صَارَ في النّاسِ مَعنىً إلى النَخوةْ

مَنَذا تُرى سِواهْ يُحزُ مِن قَفاه

نحرُ أبي
_________________________

هُناكَ بَعيداً جِراحٌ تَفجّرْ

بكَى مِنهُ جِبريلُ والعَرشُ أحمَرْ

عَلى التَلِ فاطِمةٌ جَنبَ حَيدَرْ

تَرَى أبنَها دُونَ ثَوبٍ ومَنحَرْ

فَاطِمٌ جَدّتي قِبلةَ الدّينِ
أَنَا زَينُ العُبادِ أغِيثينِي

حُسينُ في دِماهْ ** يُحزُ مِن قَفاه

نحرُ أبي
_________________________
علي حبيب الشابي
محرم 1442



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


دين الله ياعلي
واكف اعله اجتافك
بيوم انجتف علي
ذكراني اجتافك
ياحجة الله ياحجة الله
ــــــــــــــــــــ
الفرق بالادوار جان وكلكم بنفس الهدف
من محمد حد محمد ساجد الكم كل شرف
13 معصوم ربنه بيكم اعلينه لطف
طينه وحده ونور واحد بيكم الباري انعرف
نور الله ماله اخو
وكلها ترجع ليكم
ابن يورث من ابو
الله صله اعليكم
ياحجة الله ياحجة الله
ــــــــــــــــــــ
كون مامعلول بالطف حيدر الثاني صرت
شفت الاكبر من ضَرِبته الجيش صاح اتحيرت
حسين صاح يريد ناصر بويه لبّيكَ صحت
صاح عطشان وسمعته وخيل داسنّه شفت
بيك احتار الصبر
ناگتك بچّيتها
تگضي ايام العمر
بس دمع خليتها
ياحجة الله ياحجة الله
ــــــــــــــــــــ
انت وي عمّتك زينب شفتو الاصعب من صعب
ياهو اوصفنه الضلوع وياهو اوصفنه الگلب
واحد ايصبّر الثاني اعله المحن طول الدرب
ياغيور الصبر مثلك عمّته بمجلس تطب
بس حكك تفتخر
علي عندك زينب
تحجي وسكته القصر
ومنها خصمك شيّب
ياحجة الله ياحجة الله
ــــــــــــــــــــ
رغم كلما صار صابر ياعلي امبجّي الضمه
شلون عصّاتك توكفك وانت الموكف السمه
الحافظ القران يشهد لوله نورك جا عمه
ازغير گالو وبخطبتك گالو اي حامي الحمه
الذبحو عبدالله شاء
الباري مايدنونك
دين الله بكربلاء.
ماوگف من دونك
ياحجة الله ياحجة الله
ــــــــــــــــــــ
العَبره والعِبره دروسك والحزن يمك سجد
تنحب اثلاثين عام وادري حزنك ماله حد
بدمعك احييت الضماير والعبد والحر شهد
والصحيفه والرساله البيهن الباري انعبد

الگالو ذَل مادرو
ايزيدهم ذليتـــــــه
جدك حيدر نسو
حسين صيتك صيته
ياحجة الله ياحجة الله
ــــــــــــــــــــ

علي محسن الزيادي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيدة شور للامام العباس عليه السلام


علي جان الغضب ربك نزله
من يأمره النبي يفرح ياهله
الحومه ليمينه وفقاره بس اله
يعني كل حرب اليطبهه كربله

هي غيره بابنه من ينطيهه
الدنيه لو ظلمه الكمر يضويهه
بيده اولهه وبعد تاليهه
رفة الشارب تكفي اعليهه

وين شردو الكمر يلكيهم
من الرعب ركضو تره بايدهم
وين حلو لكو متانيهم
هو ينوي الموت يحسب بيهم
...........
الكمر لو خطبت تصفي جفوفه
من يهم ياجيش تبقه صفوفه
واليمينه تلوحه شنهو اتعوفه
يموت كبل السيف اي من خوفه

ميه ميه جنهم ايوديهه
الدنيه بس عباس نسر البيهه
جنهه خيبر حيدر ايرد ليهه
الباب ويه ترابهه يساويهه

كام يمشي اعله الجثث وبراحه
كافي بس عينه تصير اسلاحه
سيف نظراته ويكص اللاحه
تروح ترجع والكمر بالساحه
..........
حتى لو للسبعه شردو جاهم
نصاص كلهه للأرض ردّاهم
بالأرض والسمه هو سماهم
سيفه لجهنم زُمر وداهم

من يرد الغماد دامي سيفه
ايفصل ركاب الزلم وبكيفه
لا ابد مو طبعه يترك حيفه
الموت يمشي وياه صاير طيفه

حده لو ينزل الجف يبوسهه
سيف ماخله الجثث وي روسهه
والشرد من رعبه كام ايدوسهه
الناس من هالسيف رعب انفوسهه
..........
السبعه كلهه جن لزمهه بإيده
وماكو ركبه عن جفوفه بعيده
كافي بس يخزر منو اليريده
نسر وبكيفه ال يريد يصيده

غضب ربك لليصده ابعينه
الموت جن مكتوب فوك جبينه
سيفه عاليشرد يدور وينه
كمر ويلالي بعيون احسينه

نار تحرك لو نزل لهاّبه
والغضب بجدامه يجوي اترابه
ماسلم من سيفه كلمن صابه
زلمه يرجع كلهه دم اثيابه
..........
شال سبعه وعله سبعه اطبكهه
بآهه من صدره الطفوف احركهه
خيول بالفرسان شال ودكهه
مابكت الصفوف من طب شكهه

ريشته اهتزت كصد عسكرهم
حسّو اسماهم إنطبكت يمهم
يفرش الكاع ونواهه بدمهم
الموت صار بجفه ويوالمهم

من السمه تنظرله فاطم نظره
هلا بعباس اليفرح العتره
فوت بيهم تدعي ليك الزهره
من دماهم كاع اريدن حمره
.............
ابو مريم الاسدي ...

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يانعش من شال الأسا بالأسر والمنحر
اتدري تمشي خلفه بكسرها الكوثر
قل لجوى لم يرعوي عن حزنه الأكبر
أ ذي دموعٌ أم دمٌ بخده الأزهر
تبًا لسمٍ قاتلٍ لكبده فطّر
زين العباد قد مضى بجرحه الأحمر
...
رزايه ومعضله .. ومدامع هامله
ابنعش من كربله .. في زين لعباد
نعش جسمه رسم .. طفل ماي وسهم
وعلى الشاطي علم .. ومذبوحه لجساد
...
وويلي هالنعش رزيه
وويلي لكربله هويه
الجنازه شايله أسيه
ولوداع لمهجة الزچيه
@@@
ابومحمد .. غمض عينه وخمد هاليوم حسه
ومن جروحها .. تضل اتنوح حتى بالعلى نفسه
...
گضه وابروحه باقيه المصيبه
ولا ينسى ابد شيبه الخضيبه
وترف روحه على الخدر ولهيبه
...
شينسه والشمر دايس على صدره
شينسه وعالرمح صار الابو نحره
شينسه وعمته اخذوها متيسره
...
شايل كم أثر .. والگلب انفطر
للطاغي انأسر .. الحزن قدره
والله مو سهل .. من فوگ الهزل
والحادي العذل .. ابحبل جره
@@@
عليك وهالزمن قاسي على هَجره
تموت وكل ألم باقي على الذكره
يهالگبره بلا گبه ولا حضره .. انهدم گبره
...
الظليمه الكامله .. لعليل ابكربله
حزن يدمي الگلب .. ونينه
ضلوع امهشمه .. وگبور مهدمه
جرح طف وجرح .. مدينه
@@@
علي احمد الحمود
١٠-٩-٢٠٢٠
شهادة السجاد
بحراني

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA