#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بالمدينه هالمسيه
جنازه من الغاضريه
@@@
الليله نكتب هالمصيبه عالدهر
بالمدينه اليوم مذبوح الگمر
ابنعش شايل حزن رايه ونهر
وذكريات البيها خيمات ونحر
...
هالنعش فوگ الوطيه
جنازه من الغاضريه
@@@
يا ارض طيبه اجاتچ نينوى
رايده اتچفن علي ابذاك اللوى
هاللي جفنه من عطاش الطف روى
وهاللي گلبه من مخيمها انچوى
...
غمضت عينه المنيه
جنازه من الغاضريه
@@@
شالوا الجثمان والمدمع يصب
چنه نحر حسين چبده منخضب
واضحه امتونه بأثر سوط الضرب
امن الطفوف امورّث اجروح الگلب

...
ساجد العتره الأبيه
جنازه من الغاضريه
@@@

مابطل منه ونينه ولا نحيبه
عاش عمره يبچي بالطف المصيبه
مابرد جسمه ابجمر گلبه ولهيبه
ميت وينعي على الشيبه الخضيبه
...
هالرزيه ابچم رزيه
جنازه من الغاضريه
@@@
الصحيفه تشهد لدمعة دعاءه
وبالطفوف شلون متخلد رجاءه
باقي يسمع عوده بالطف ونداءه
ألا من ناصر يقدملي فداءه
...
بين جيش وسمهريه
جنازه من الغاضريه
@@@
لو تسألون الجسد ليكم تكلم
بهالنعش مجمل قضايها محرم
من ذبايح لي صدر دامي تهشم
وضعن لعزاز الذي بيسره تقدم
...
بهالنعش دمعة رقيه
جنازه من الغاضريه
@@@
علي احمد الحمود
١١-٩-٢٠٢٠
شهادة السجاد ع

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

لا عالبال ولاعالخاطر // ظهر ارموشي المدمع كاسر
بويه صرت بفراكك خيال
بويه بطيف لعيوني تعال
///////////////////////////////////
جنت لازمني مثل سبحت صلاتك
وتارس البيت بظحكتك ياحلاتك
واهس الدنيه انكسر هسه بمماتك
كمت اكرهه كلمة الباقي بحياتك

انته ابالي كاعد كعده // فوك اصورك دمعي اتبده
بويه بعد المن انه ظال
بويه بطيف لعيوني تعال
///////////////////////////////////
ذكرياتك بويه ما الهن احساب
المغربيه اتنطرك اكعد وره الباب
يا حنين ادري يلجمك حجي العتاب
جسد باقي الروح مني جوه التراب

اغفه واصحه بعيني ارسومك// اركض واشتم عطر اهدومك
بويه راح وياك الدلاال
بويه بطيف لعيوني تعال
///////////////////////////////////
ياصدر ديواني عيني وهيبت البيت
بويه عمري مكابلك ابقه تمنيت
بغيبتك يالغالي ظايع انه حسيت
الكعدت العصريه ذيج هواي حنيت

شتسوه الدنيه بلايه حظينك//بالبيت افتر وانده وينك
بويه بحظنك الحب والجمال
بويه بطيف لعيوني تعال
///////////////////////////////////
عله ذراعك جنت انامن نومت الطير
بويه وجهك عافيه ويبشر ابخير
وكت هسه بوجهي ماظلت تعابير
مر عله السجاد يومك حنظل يصير

مشتاك انه لبوست ايدك // روحي تلوب اعليك تريدك
بويه كلمه بيهه احم سؤال
بويه بطيف لعيوني تعال
///////////////////////////////////
شلون انسه إرباك اليه وذاك تعبك
بويه احبك والله احبك والله احبك
جبت عمري برايك امشي وباليعجبك
بس بعدهه عيوني شوف شكد تطلبك

صاحب الكاك ابكل شده // مثلك ياهو مصاحب ولده
بويه جنت حال وهسه حال
بويه بطيف لعيوني تعال
///////////////////////////////////
بدمعتي اكعد واكوم بشفتي طرواك
ياحسين أمنيتي ميت كون وياك
عمه عيوني وحق شيبك يوم فركاك
لا ني عايش لاني ميت وين الكاك

بالتربه حسيت انفاسك // صاير اشبه شيبت راسك
بويه ذكرو اسمك دمعي سال
بويه بطيف لعيوني تعال
///////////////////////////////////
تمت ____ علاء الزيدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مسبــيــــات عيــــــــــنَّني.
لا يوگع طــــــــــــفل مني
و ديرن بالچــــن زين
عله ابنيات الحسين
لا يوگع طفل مني
ــــــــــــــــــــــــــــــــــــــــــــــــ ــــــــ
من كل صـوب الأحجار
تتـــگاطف عليه
و انه ابضـــبة احبــــال
مچتوفات اديه

شلون اگـــدر اشـــد حيلي و ادافـــــع عاليتامة
و الحــارس بعـــــــد سوطــه يجــرحني ابكلامه
صــــارت كــــربلة ابعــيني مثل يوم القـــيامة
و سِمَعت الصرخة من طاحت لابو سكينه العمامة

كســــــــــرت گلبي و الخاطر.
صرچة ضلــــــــــــعه بالحافر
و حرگتلي الصواوين
عله ابنيات الحسين
لا يوگع طفل مني
ــــــــــــــــــــــــــــــــــــــــــــــــ
عندي هوووايه الايــتام.
بس ما عندي خيمة
يوگع گلــــــبي عالـــگاع
من تعــــــــثر يتيمة

بدروب السبي الكافل كـــــــل شــوية اشوفه
شما ينطگ طفل تـرجع عليَّ گطعت چفوفه
بعيونه السهم يرســم صـــور تشــرح ضروفه
و راسه اعله الرمح شــايل نهر تنــزف جروفه

تعثر روحـــــــــــه بأنـــــــــــظاره
لو عاينــــــــــــلي محـــــــــــتاره
و تدَّمع گصته و العين
عله ابنيات الحســـين
لا يوگع طفل مني
ــــــــــــــــــــــــــــــــــــــــــــــــ
آ يا ضــــــــيم العيال
كلها اتصـيح عمه
و متني مـــــن الاسياط
يبس عالناگة دمه

هاجــت حســــرتي و گلبي انمـرد فوگ الهزيلة
يا طفــــل الاعــوفه و يا طـــــــــفل بـله الاشيله
چلـــمة خـــــارجية اشگد عليَّ صــــــارت ثگيلة
گمـــت اتحَــــلم اتسَمه بعــــــــد باسم العقيلة

من لوعة مُــــــــــــعاناتي
لطمن حتى دمعــــــــاتي
و انه الـطـم الخدين
عله ابنيات الحسين
لا يوگع طفل مني
ــــــــــــــــــــــــــــــــــــــــــــــــ
مــــــــن چويات الاخيام
جدمي و گلبي وَرَم
ينزل يابــــــــس السوط.
و يرجع ناگع ابدم
.
مخسوفت ظهــر محــد رگب گبلي عليها
تگزل ناگـــــــتي و انــــه تِلَوعت ابمشيها
ياهي المثلي بالشهرين مچتوفات اديها
و الشَمَاتة مدري منين تستنگي ابحچيها

حيل اتغث هالحــــــــجاية
هاي اخت الگــــــــمر هاية
احمي امنين و امنين
علـه ابنيات الحسين
لا يوگع طفل مني
ــــــــــــــــــــــــــــــــــــــــــــــــ
حميدة تراقـــــبن كون
و لِمَّن شكو شارد
و خلن سكنة بالعــــين
لا يوصـــلها واحد

صفية و خولة يالنسوان ما تحمل جِدَمهن
وحدة تشيل كل وحدة بلـكي يخف الَمهن
لتخلنهن ايسمـــــــــــعن لو واحد شتمهن
خَوفَّنه اليجي يمهـن صيحن ذاكه عمهن

ترة العباس مـــــــا يقبَل
و راسه اعله الرمح يزعَل
خليكم بعــــــــيدين
عله ابنيات الحسين
لا يوگع طفل مني
ــــــــــــــــــــــــــــــــــــــــــــــــ
ابرقيه وَصَّه الحســــــــين
لا توگع بــــــــديهم
گــــــــلي هنــــاكه بالشام
يضربوها ابعصيهم

و گلي من يذبحــــــــوني و تتسَــلب ثيابي
يختي المـاي اولــــــــهن شربيــــها ابثوابي
راسي اعله الرمـح مــــاريد تنظرله و ترابي
اعصــبي اعيونها و جُبري يا زينـب مصابي

و نزعــــــــيهــــــن تــــــراچيها
و دفعة للبَلَــــــــه انطــــــــيها
يطولن خاف الايدين
على ابنيات الحسين
لا يوگع طفل مني
ــــــــــــــــــــــــــــــــــــــــــــــــ
الحمدلله
علي حسين الكناني

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


إن چان انته والدي .. بس رد عليه
معقول بويه ماتشم .. ريحة رقيه
إلغاليه يابويه آنا الغالــــــــيه
مو هذي ايدي ابلايه چفك خاليه
ريحة رقيه . ريحة رقيه

من شفت راسك يبويه استغربيته
حيل متغير يبويه من رأيته
ألعمتي گلتلها اشو حمره لحيته
او ليش بيه ما يرحب من اجيته

چا وين يا مية هلا .. ابنتي الحبيبه
چا هيچ يتلگى المحب .. جية حبيبه
كل ثانيّه اشتاگ الك كل ثانيّه
اشگد بقيت الجيتك آنا امتانيه
ريحة رقيه . ريحة رقيه
____
استغربت لمن نظرتك محضنتني
وليش ماكضيت اديه او مابستني
أشبگك چنت إمن اشوفك عودتني
ليش هسه إمن التقينه ما شلتني

معقول ناسي ابنيتك .. يالغالي وسفه
چا وين ذيچه احچايتك .. إلبيها ادفه
الدافيه يابويه اريد الدافيه
شبگة وحده بويه منك كافيه
ريحة رقيه . ريحة رقيه
___
وين كل ذيچ الترافه او كل دلالك
وينه رمشك وينه يالغالي جمالك
إمنين اجيب آنا أبو بويه ابدالك
بعدي عنك بويه كل خوفي حلالك

إن چان غيرني السبي .. او معرفته شكلي
اعرفني بس من ريحتي .. واعرفهم اهلي
ماناسيه عطرك ابد ما ناسيه
هالدنيا لكن بويه بعدك قاسيه
ريحة رقيه . ريحة رقيه
___
وينه حضنك بويه واچفوفك الترفه
ابحضنك ارد اگعد يغالي ساعه واغفه
من چنت ابرد يبويه ابصدرك ادفه
ليش راسك لسه شو ما وگف نزفه

مشتاگ گلبي للحظن .. واغفه اعله زندك
مشتاگ فمي ايقبله .. يالغالي خدك
ماغافيه لمن رحت ما غافيه
والدنيا ضلمه بويه بعدك طافيه
ريحة رقيه . ريحة رقيه
___
يابسه شو شاهدت يابويه شفتك
إمن الگفى محزوزه يالغالي رگبتك
وين ذيچ اعيونك الحلوه او ضحكتك
ليش ماتضحك يبو اليمه الطفلتك

چا وين ضحكاتك اللي .. او ذيچ المحاچي
معقول بذني ماشفت .. بويه التراچي
ياعافيه الضلت بعد ياعافيه
وناتي بعدك بويه لتظن خافيه
ريحة رقيه . ريحة رقيه
___
بويه معقوله ولا شاهدت اديه
إمن السياط امورمه او ماتن سويه
او ماشفتها اشفافي بس متيبسه هيه
الماي بعدك ما روت منه رقيه

معقول ماشفت الصبع .. محروگ صبعي
معقول ماشفت الصدر .. مكسور ضلعي
مو حافيه ليك اركضت مو حافيه
بابويه من الطف اجيتك لافيه
ريحة رقيه . ريحة رقيه

حيدر الحلفي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نزله

بسفينةِ الخــدمة صعدوا يالخَدَم
نوصل لابو اليمة صعدوا يالخَدَم
بســـــــم الله مسراهه
و الزهـــــــــرة ترعاهه
صعدوا يالخَدَم
ــــــــــــــــــــــــــــــــــــــــ ــــــــ
يله يا ولد الزچية. خلــــــي نوگف بالسَره
حتى نركب بالسفينة الچنها خيمة امبخره
بينه تبحر بالمـــــــدامع و الاجر عالطاهره
اليصعد الها ابصافي نيه فاز دنية و اخِره

من نرفع الـــــونة. تِسرِع بالمشي
تاخذنه للــــــجنة تسرع بالمشي
بالدمعة مجـــــراها
و الــــــزهره ترعاها
صعدوا يالخَدَم
ــــــــــــــــــــــــــــــــــــــــ
مو سفــــــر عادي نسافر. لازم انسافر نَحيب
تلتحق هاي السفينة يَخوِتي ابضعن الغريب
بيها متـــولي القيادة عابس و جون و حبيب
الله باركــــهه و رسوله خدمة حسين الحبيب

خلونه خـــــلونه. نصعد بالعجل
نعمتها مضمونه. نصعد بالعجل
حيدرنه يحــــــــماها
و الزهره تــــــــرعاها
صعدوا يالخَدَم
ــــــــــــــــــــــــــــــــــــــــ
هيه هاي الـــــــوصه بيها ربنه بايات الكتاب
نقره لــــــو نكتب قصيدة لو نوزع مي ثواب
الــف هنياله التِعنه و شـــارك ابهذا المصاب
و النصب مجلـس عزية رفَــع عن الزهرة باب

تتنــــــور ايامه بالخدمة المُحب
و يتمم إسلامه بالخدمة المُحب
جدامــــــــه يلگاها
و الزهـــــره ترعاها
صعدوا يالخَدَم
ــــــــــــــــــــــــــــــــــــــــ
خدمة حــــــسين العظيمة تريد إخلاص و دمِع
شكبره حظه اليبقه بيهه و حافظ اعليهه السبِع
احله من الجـــــــــــــــــــنة هيه تقتنع ما تقتنع
يدخللها البي علامة خسفة كــــــون اعله الضلع

جنتنه مليانة. بالحظ و البخت
دخلوها وَيانه. بالحظ و البخت
شوفوها محــــــــلاها
و الزهرة ترعــــــــاها
صعدوا يالخَدَم
ــــــــــــــــــــــــــــــــــــــــ
نوصل هناك و نواسي بت حروف البسمله
و الزچية الزهره تهــــتف يا هلا و مية هلا
نلگه چف عباس يمسح فوگ روس العايلة
و زينب الحـــــــره تنادي كــــربله يا كربله

بالحرگة و الوعة. نهديها الدمع
مولاتي موجوعة. نهديها الدمع
نتعـــــاون اوياها
و الزهــره ترعاها
صعدوا يالخَدَم
ــــــــــــــــــــــــــــــــــــــــ
الحمدلله
علي حسين الكناني

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

زينب. ع. تخاطب الحادي

يالحادي وين ابظعني اسوك
مالومه تدري وكلبي محروك
كامت علينه. تبجي. النوك يالحادي

------------
كل خطوه من تمشي جرح. يالحادي بهمومي انذبح
فاركت اخوتي
كل ذكرياتي عله النهر. بعيوني ظلت بس صور
وتمنه موتي
والحرم من كثر السبي. يمشن متربات العبي
مبحوح صوتي
درب اليسر هم وتعب. وعيوني شافت ياعجب
جانو سلوتي

يالحادي رخي منيدي الحبال
تدري انه ماظل عندي كفال
ألمن اسولف وشكي. الحال. يالحادي

--------------
عثرات من نمشي الدرب. والتمشي ويانه غرب
وي راس الحسين
نسوان كل احنه سوه. يخجلن لون هب الهوه
ماعدنه امعين
هاي التنوح عله الولد. وتصيح شيرده بعد
طشرنه البين
حسرات وهموم وبجي. ماينسمع صوت الحجي
والدمعه بالعين

يمكن ظعنه كاصد الشام
اشلون اروح ابرفحت ايتام
انه جرح وتلجمه. اليام. يالحادي

--------------
بعيده مسافات الدرب. نسولن ممشاهن صعب
والنوك هزله
وكدامي شيال الرمح. وصديت راس المنذبح
خلالي عله
انظر اعيونه تلتفت. يتفكد اظعونه. شفت
ويعاين اهله
ابروحي حسرات اليسر. ودري بعد ماكو عذر
خافن ازعله

حراس يمي وسمع اصياح
وروس اصدن فوك الرماح
وبكلبي ظلت بس الجراح. يالحادي

---------------
نسوان حافظه البخت. كل وحده من عدهن عمت
يبجن خواتي
طفله روقيه مدلله. مالومه. حيل. امعلعله
مجلبه بعباتي
طول الوكت تبجي وتون. مابطل ادموع الجفن
يبست لهاتي
وحسين ظل عله الترب. وحنه مشينه ويه الغرب
هو حياتي

عيون الشماته بصدري اسهام
سوت. بحالي هاي. اليام
حرمه وصفيت ابين ظلام. يالحادي

----------------
ياروحي موتي منل قهر. لروس اصدن بالنظر
من تمشي الظعون
ظليت ماعندي ستر. راح انسلب مني الخدر
وصياط المتون
لشام اطب بعيلتي. المن اسولف. محنتي
كلهم يكرهون
منين اجتني كربله. محتاره انه بعائله
وطفال يبجون

نسوان احنه بين الغراب
نامت رقيه فوك التراب
وانه الدمع بعيوني سجاب يالحادي

-----------------
الخادم
رحيم الصالحي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


في حق زينب. ع

يحادي ألظعون
اخافن يسمعون
بجينه ويفزون. يحادي

------------
خفف شويه يحادي من. مشينه
ومرهه صوب العلكمي هاي الظعينه
خافن يفزون لو سمعو. بجينه
همه ما يدرون. يالحادي مشينه
الحسرات بينه تنسمع
نودعهم احنه بالدمع
وياهم بعد ماننجمع. اهل الحميه

عله النوك وصدهم
اخوتي. شيردهم
صعب حيل بعدهم. عله النوك

--------------
حنان يالحادي اخوتي وهل غيره
بيه مايدرون راح امشي اسيره
عفته نايم علترب بدر العشيره
وانه جنت ابجاله مهيوبه وميره
مدللات وهل مشن
علينه المصايب روحن
يالحادي اعيوني عمن. من فاركتهم

عفتهم شبديه
وروحن سبيه
تمنيت المنيه. عفتهم

--------------
خل تودعهم يحادي هاي اليتام
احنه راح انروح عنهم نمشي لشام
تلجم اجروح البكلبي. هاي اليام
والله ماعندي كلب يتحمل الام
فركتهم بكلبي جرح
مذبوح بعيوني الصبح
وياهم اتمنه. انذبح. وخلص يحادي

ينوحن. حرمنه
بواجي شبعنه
بالعيون. دمعنه. ينوحن

---------------
حتى لو عنهم مشينه وسارت النوك
ادري كلب الكافل عله ايتامه محروك
براظه يالحادي علكيفك بظعن سوك
يزعل العباس لمن. تحجي. الحلوك
خليته نايم علنهر
ومصيبته كسرت ظهر
بعيوني صوبني الدهر. لمن هوه وطاح

الكفلني اشوفه
ودليلي يطوفه
يحادي اعوفه. الكفلني

--------------
النوك من تمشه. احسه تمرد الروح
شلون عن اعزاز كلبي نمشي ونروح
عفت اخوي حسين فوك الغبره مطروح
مسلبينه عله التراب. ودامي مذبوح
وراس اشوفه علرمح
ابن امي عطشان انذبح
يالحادي كلبي انجرح. يومن مشينه

المسافات بعيده
تون حيل حميده
ابوهه شيعيده. المسافات

----------------
الخادم
رحيم الصالحي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يم منحرك قصة ابتدت وفوك الرمح ياما انقرت
تحجيها جمرات الخيم قصة عشك لا منتهت
...........................................................
يالتارس الدنيه عشك يكسرلك الحافر ضلع
واطشرت مثل الضوة واتلملمت مثل الشمع
قصة ابتدت من النحر من زينب التهمل دمع
ترنيمت آيات الجرح ـــــ يالمرتفع فوك الرمح
تحجيها جمرات الخيم قصة عشك لا منتهت
............................................................
تكبيرة احرام اليحب من يبتدي فرض العشك
نبضاته ما تصبح اله يحسين الك نبض اليدك
و(الشفعِ) و(الوترِ) اصبحت وياك ابد ما تفترك
سبع المثاني بعاشرك ـــــ وي (قل هو) ايصب منحرك
تحجيها جمرات الخيم قصة عشك لا منتهت
..........................................................................
مايك تبده اعله البشر وانته المتت بس بعطش
بين السيوف اطشرت وما لمك بجفه النعش
يموزع اجروحك ورد اصدق عشك ما بيه دغش
ما يوصل الوصفك عقل ــــــــ ومنك ابد ياهو اليمل
تحجيها جمرات الخيم قصة عشك لا منتهت
....................................................................
عابس هتف يوم الحرب جنني حبك يا ترف
واليكطع اجفوفه العشك هذا العشك هم ينوصف
والقصة ظلت عالزمن تحجيها روجات الجرف
جن يختلف حب السمه ـــــ لجل التحب تمطر دمه
تحجيها جمرات الخيم قصة عشك لا منتهت
................................................................
يحسين الك دمع اليصب كلما خلص رد وابتده
والينطر اهلاك يحن حنت طفل للوالده
بشوك الورد يشتاك الك من يبتعد عنه النده
والقصه تبدي من المهد ـــــــــــــ بيها انكتب اشرف عهد
تحجيها جمرات الخيم قصة عشك لا منتهت

.........................................................................
علي صادق المجراوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


$30 ابحبك انجنينه -- او بربعينك جينه
------------------------

1) تدري يحسين ابعشكنه - مو مثل كل عاشك
ذبنه يالغالي ابمحبتك - مو طبعنه انفارك
احنه عشاك الحضرتك ---- و العشك للتالي
والف هنياله التقبله ---- خادمك يالغالي

$ هالدرب ماشينه ------- او ابد ماملينه
ابحبك انجنينه ------ او بربعينك جينه
-------------------------

2) يلي حافر داس صدرك --- والله ماناسينك
أزحوف نتعنه الضريح -- وانته شوف ابعينك
اوجن نحس بعدك يغالي - بينه يسحك حافر
اوبالضلوع اتبات جمره --- من مصاب العاشر

$ سيدي اتعنينه ---- وحك دمع اسكينه
ابحبك انجنينه --- او بربعينك جينيه
------------------------

3) والله كل زاير تعنه ------- يبجي دم الليله
ماشي يتلكه السبيه ----- اويبجي وي العيله
الليله متعنيه اليتامه --- اوصعب كسر الخاطر
الهذا يحسين اليحبك ------ بربعينك حاضر

$ والحزن غاطينه -- والدمع يجوينه
ابحبك انجنينه --- وبربعينك جينه
------------------------

4) كلشي ميهمنه وحكك -------- لأن انته اويانه
اوموكبك يحسين صدك ---- بالهله اتلكانه
بربعينك دوم عامر ----- يفخر ابزوارك
اوخادمك يوم اربعينك ------- رحب ابخطارك

$ الزاير امضيفينه -- يلي ماناسينه
ابحبك انجنينه -- وبربعينك جينه
----------------------

5 ) انزورك اونكصد امامي -- انزور راعي الرايه
اونحيي بالليل المجالس --- من تصير اقرايه
اونخدم الناس التزورك -- من جميع العالم
وانه اتشرف امامي ----- الك أصبح خادم

$ لليجي اتلكينه ---- شما يريد انطينه
ابحبك انجنينه --- وبربعينك جينه

-----------------------
لخادم اهل البيت ع/ أبو أحمد



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ان شاء الله يزول الوباء وتطلع المشايه
ان شاء الله انطب كربلاء وبيها نرفع رايه
ان شاء الله نزور الحسين ان شاء الله
....................................................
جفوف كطعو ما رجعنه هوايه ما منعونه
نمشي يحســـين ونجيلك لو الف كورونه
احنه نتمنه الشــــــهاده عالدرب يدرونه
والجنون البينه يشــــبه عابس اويه جنونه
احنه وي زينب عهدنه والها ننطي حجايه
ان شاء الله انطب كربلاء وبيها نرفع رايه
ان شاء الله نزور الحسين ان شاء الله
................................................
كالو الصاحب تعرفه من تشوف افعاله
والمرض عدنه تفاهه لو حضر تجواله
نسرج الغيم ونشوفك هالزلم خياله
واليحب حسين يمشي وفاطمه تبراله
تنشر الثوب بسماها من نقيم اقرايه
ان شاء الله انطب كربلاء وبيها نرفع رايه
ان شاء الله نزور الحسين ان شاء الله
.............................................................
احنه ربتنه المنايا الخوف ما مر بينه
يا عشك يلحك عشكنه حسين من حبينه
احنه عشاق الشهاده اعليها التربينه
حسين ضحه بكل شي انه واحنه هم ضحينه
حسين غايتنه واملنه وتنعرف كل غايه
ان شاء الله انطب كربلاء وبيها نرفع رايه
ان شاء الله نزور الحسين ان شاء الله
.................................................
نعدل المايل عرفنه من تميل حموله
يا مرض يمنعنه عنك هايه مو معقوله
نمشي لو تمطر شظايا للكمر كلوله
واليزور حسين يسمع زيارتك مقبوله
باجر انشد الروايه وبالمشي عنايه
ان شاء الله انطب كربلاء وبيها نرفع رايه
ان شاء الله نزور الحسين ان شاء الله
.............................................................
حسين رحمة اوصى بيها الباري في قرانه
اليشكر النعمه يزيده وهاي من احسانه
الخطوة للزاير اجرها بالالف مولانه
احنه مو نمشي ابوحدنه المهدي يمشي ويانه
وي دمانه حسين يسري واحنه اله وفايه
ان شاء الله انطب كربلاء وبيها نرفع رايه
ان شاء الله نزور الحسين ان شاء الله

...................
نسالكم الدعاء
علي صادق المجراوي
6|9|2020

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بالنعش شالوك وعيونك تهل
ولسه حمرة الايد من شد الحبل
ياللي عمرك خلَّص بدمعة ونحيب
أمتونك من السوط زركه وما تطيب
يبو الباقر ~ يبو الباقر
......................................................
يا علي اليفكدله غالي يمشي مكسور الضهر
مرت ايام وليالي وانته كسرك منجبر
أبردت الميمون خالي يصهل ويمك عثر
بعينك تشاهد شمرهم لمن ايحز النحر
تنظر اعله حسين حزو ركبته
والخيول تشوف لمن داسته
هذا جرحك ياعلي الاصبح عجيب
متونك من السوط زركه وما تطيب
يبو الباقر ~ يبو الباقر
..................................................
غسلوك ولسه ايدك زركة من شد الحبل
وطبعة اسياط اعله ضهرك باقيه اليوم الغُسل
ولسه دمعه تباري خدك جنها عمتك عالهزل
مو نعش لامو جنازه هذا طف الينحمل
كربله تنشال كلها بهلنعش
وجن حزنها انعاد وي ليل اهدعش
واللي يفكد غالي ميفيده الطبيب
متونك من السوط زركه وما تطيب
يبو الباقر ~ يبو الباقر
.............................................
امغسل ولساته دمعك دمعة الفاكد ابو
واهلك الراحو ضحايا وينه اليشيعك منو
بارد التابوت يبقه الميت بحاجة دفو
وحشه تصبح كل جنازة الما طلع بيها اخو
ما وراه انياح تابوتك علي
والتحمله اجناب ما شالك ولي
ياعلي السجاد كل عمرك غريب
متونك من السوط زركه وما تطيب
يبو الباقر ~ يبو الباقر
.........................................................
يا علي الليله اتشيع ويه نعشك كربله
والتزتك بس سبايا جم يتيمه وارمله
مابقت عدهن مدامع والعيون اموشله
غربه التشيل الجنازة يعني ماتو كل هله
غربه بالتابوت واغرب موتتك
جن سهم مسموم يكطع جبدتك
ماهدت نارك ولا هاد اللهيب
متونك من السوط زركه وما تطيب
يبو الباقر ~ يبو الباقر
...................................................
يا نعش شايل جروحك وهنه يدن ماشفن
بكلبك اخيام بجمرهن جن دمعتك ما طفن
شيّعك صوت السبايا الجنهن اليوم انسبن
وصرخت التفكد كفاله راح حداي الضعن
راح ابو الاحزان مايرجع بعد
والكرم يا ناس هاليوم انفكد
الباقي بالدمعات لايام المشيب
متونك من السوط زركه وما تطيب
يبو الباقر ~ يبو الباقر
................................................ ..........
نسالكم الدعاء
علي صادق المجراوي
12|9|2020

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


فارگينه ابهل سنه اعزاز…… واليموت ابلايه جناز

مو هله الميت يشيعونه….. وغربه يحسين اليدفنونه

اشهالمصيبة. اشهالمصيبة

★★★★★★★★★


ياحُسين الدنيا وحشه. وظاگت اعلينا الوطيه

وينه وينه يروح منه……. اتخطفه من عدنه المنيه

ترست الگاع الجنايز……. وشَيعيــــــــنه المغربيه

والمنيه امسيرة عدنه…… والعزيه ابصف عزيه



من البچي ماظلت اعيون…. والعزيز ابگبرة مدفون

والتراب امكحل اعيونه….. وغربه يحسين اليدفنونه

اشهالمصيبة. اشهالمصيبة

★★★★★★★★★


هل وباء مر اعله ناسك …… ياحُسين ابجاه عابس

ارفع ايدك لله گله… .عينك اعله اهل مجالس

امتنعت الوادم تسلم….. وخايفه من المُلامس

المحبسك يبن الوديعه…. رايح انثوب محابس



اليلبس المحبس يناديك…. انطيب يحسين ونجي ليك

والله بس انتم تطيبونه….. ….. وغربه يحسين اليدفنونه

اشهالمصيبة. اشهالمصيبة

★★★★★★★★★


محد ايلحگ يودع…… اهله واصحابه وبنينه

محد من اهله ايغسله…. ومحد ايغمضله عينه

مو هله اتشيل الجنازه…… وتبچي كل ناسه الحنينه

لا اخوا ايشمه وايشيعه …… والله يحسين ابتلينه


اشعدها وي صحباني الگاع….. مني تاخذ بس الاسباع

وچم عريس ابدم يحنونه….. وغربه يحسين اليدفنونه

اشهالمصيبة. اشهالمصيبة

★★★★★★★★★

المن اعلينا امنه تعبت….. وربت وگامت تساهر

كبرتنه وبينه فرحت….. وتالي اخذتنا المگابر

نرفض التابوت خشبه… .. انفصله كون من المنابر

حته من ايمر محرم… ..بالگبر نحيي الشعائر


حته لو ياكلنه الدود…… نبچي من نسمع الرادود

نقره والمجلس يوثقونه….. وغربه يحسين اليدفنونه

اشهالمصيبة. اشهالمصيبة

★★★★★★★★★


انت اقرب واحد النه… .. وحاسبينك من اهلنه

انسولف اوياك ابصراحه…. انت ابونا وانت املنه

گبل لا نحچي ونگلك… ..تفتهم شنهي ابگلبنه

ياحُسين احنه نحبك ….. وانت هم نعرف تحبنه


مانعوفك لا خر انفاس… اي وحگ راية العباس💔

وندري انتم ماتعوفونه…. ….. وغربه يحسين اليدفنونه

اشهالمصيبة. اشهالمصيبة

★★★★★★★★★


ابجاه ابو فاضل نگلك… ..حسين وفقنه الخدمتك

صاحبينه اهواي وادم…. لچن ماكوا من صحبتك

نعشگ الغربه ونحبها….. حتى ماننسه غربتك

بينك ومابين اخيك… . دوم نحچي ابطاري اختك



ليش اختكم تالي للليل….. امچتفه وفوگ المهازيل

ابكل وكت انتم تبچونه…… ….. وغربه يحسين اليدفنونه

اشهالمصيبة. اشهالمصيبة

★★★★★★★★★






ــــــــــــــــــــــــــــــــــــــــــــــــــــــــــــ

ماجد حبيب الخيكَاني
2020/9/1ونسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

&(31) مجانين ▪︎▪︎ وحك راعي الرايه
ملايين ▪︎ ▪︎ جينه الك مشايه
الغيره تنبض بينه -- بربعينك جينه -- مجانين
----،،،،،،،،،،،،--،---،،،،،،،،،،---------------------،--،،،،،،،،


1) تدري العشك بينه -- ينبض يبو أسكينه -- وسط الكلب
غالي اوتظل غالي -- وارحم يهل الوالي -- دمع اليصب
نذكر دمع زينب --- من ظلت ابحيره ----- بارض الغرب
اونتذكر ايتامك ---- بارض الغرب بعدك --- من تنضرب
& نجي انزور▪︎▪︎واحنه اهل احجايه
اوبالنحور ▪︎▪︎انظل الك وفايه
اوعالمشي اتربينه ▪︎▪︎او بربعينك جينه -- مجامين
-----------------------------------------------

2) جنه اوتظل جنه -- جبنه الدرب ونه --- اونبجي ابدمع
دمع الوفه انسيله -- اوشهكتنه هالليله --- تكسر ضلع
منهو المثل قصتك - خل يحجي وحجيله - عن الوضع
ياهو الفده ابروحه -- اوعاف أبغرب أخته - مثل الشمع
& يوفاي ▪︎▪︎ ابكل سنه ممشانه
يمولاي ▪︎▪︎ابهل الدرب تلكانه
& همنه ترضه اعلينه ▪︎▪︎ اوبربعينك جينه -- مجانين
----------------------------------------------

3) كلمن اجه ابجرحه -- يابو الوفه ايزورك -- اويقره أبالم
ابدرب السبي الليله -- نذكر دمع زينب ----- اودمع الحرم
صدك فلا انعوفك --- اوما لحظه ناسينك ---- نقسم قسم
اويالغالي هالليله ---- يتلكه بضيوفك --------- راعي العلم
& هالصفوف ▪︎▪︎ نهر جن ممشاها
للطفوف ▪︎▪︎ ابكل زمن مسراها
& نظره يابو أسكينه ▪︎▪︎اوبربعينك جينه --- مجانين
--------------------------------------------





4) وي الخدم ردنه -- اتسجلنه هل الليله -- باجمل صفه
اوتقبلنه خدامك -- من نوصل انزورك --- يابو الوفه
كل زاير ابدربك --- يابو علي ليله ----- ماظن غفه
اودربك يبو اليمه --- ابيوم اربعينيتك ----- شنوصفه
& هالانصار ▪︎▪︎ الضدها يوكف واهم
هالانصار ▪︎▪︎ سيف بيد القائم
& رغم اليعادينه ▪︎▪︎بربعينك جينه --- مجانين


---------------------------------------------


5) دربك فلا أنمله -- ايهون التعب كله ---- اوكل الجره
اتعلمنه من عندك -- اوعلمنه ابو الغيره -- العل كنطره
تعرفنه هالدنيه ---- واعله المنيه احنه ---- نوكف سره
نوكف عل الساتر -- عالميمنه انقاتل ---- او عالميسره
& عناوين ▪︎▪︎ ابكل فنون الغيره
اوبراكين ▪︎▪︎ اوكل زمان انديره
& اوياهو اليلاكينه ▪︎▪︎ بربعينك جينه --- مجانين
--------------------------------------------
لخادم اهل البيت ع / أبو أحمد المجراوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ابدرب السبي انباگ العمر… يا دنيا شنسه من الشمر


احبال اليسر بديه…. وجدامي طگ رُقــيه


يا دنيا شنسه من الشمر

★★★★★★★★★


عمري خلص گيد وسبي وتنزف جراحه

واگــبالــــي تركض عمتي ومامستراحه

يمـــــي الشمر ويطگ رُقية ابكل وكاحه

گمت وطحت وام الخدر شعبت مناحه



گـــدلها شيفيد الدمع…. ذابـــــت رُقيه وي الشمع

گربت ألي المنيه….. …. وجدامي طگ رُقيه


يا دنيا شنسه من الشمر

★★★★★★★★★


ياهــــــو الگدر مثلي ونظر مذبح عمامه

وياهو الحمل سبي النسه وحرگة خيامه

احــــنــه السلامه وتالي ماشفنه السلامة

وننطـــي اليـــتامه وللأسف صرنا يتامه


اتكفلنا چم طفله وطفل…. واطفالي تالي اعله الهزل


ادموع الهظم سريه ….. وجدامي طگ رُقيه


يا دنيا شنسه من الشمر

★★★★★★★★★


ذبحــوا زلمــنا ونامــوا ابسـوح المنايــه

وزينب واهلها ابياذنـــب طلعوا سبايــه

استگوه الشمر حگه لأن ماعــدنا رايــه

بـــس عمتي وظمت رُقــــيه باالعبايــه



غثني الشمر من ابتسَم … وگلالي اخت راعي العَلَم

فوگ الهزل سبيه….. …. وجدامي طگ رُقيه



يا دنيا شنسه من الشمر

★★★★★★★★★


عگـــب المعــــــزه يــادهر مذبوحـــه ناسي

وهم مثل گلب حسين هيچي انصبـغ راسي

دَمعـــــة رُقــــــــــيه بَچَت اعــيون الرواسي

واللـــه يــــا دنـــيا فــلا لَحظــه انـــه ناسي


گيد وهزل درب السبي … ومحترگه نسوان وعبي

وشسوه سوطه بيه…. …. وجدامي طگ رُقيه


يا دنيا شنسه من الشمر

★★★★★★★★★



گتلـــهـــا ياعمـــــي السبي وياچ ميلوگ

احجابچ رُقيه المفترَض يتــوزع اعلوگ

بعدچ زغيره وحلوه عوفي عشرة النوگ

وشفت الشمر منچ تراچي اتعمــد ايبوگ



جَــر أذنچ ودَمــچ جَرة….. وصحتي يسبع الگنطرة

مَحد فزَع أليه….. …. وجدامي طگ رُقيه

يا دنيا شنسه من الشمر

★★★★★★★★★


يوگع طفل وحمي طفل والحومه ظلمه

وزينــــب تنادي اعله الهزل لَحگي ييمه

فــــــوگ الترب ذبحوا گمرنا وابو اليمه

وحسين خظب لحيته من فيــض دَمـــه


يافاطمه امروتچ بَـــعَــد…والخيل سحگة عاالجَسَد

مايعرف الخطية…… وجدامي طگ رُقيه



يا دنيا شنسه من الشمر

★★★★★★★★★



انـــه العليل وعَمي طاح اگبالي اشوفه

وشفـــت الشمر يم النهر گطع أچفوفه

عريس جاســم زفته ابكشخت سيوفه

وعبدالله نـــــــام وأمــه ماتقــبل تعوفه



وتنادي ليله ابلا وعي.… عالأكبر ايــــلوگ النعي

لو أقره اله لَطميه….. …. وجدامي طگ رُقيه



يا دنيا شنسه من الشمر

★★★★★★★★★







ــــــــــــــــــــــــــــــــــــــــــــــــــــــ

ماجد حبيب الخيگاني

2020/9/3ونسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ياالمهدي لو تطفي الخيَم… لو تركض اطلع السَهم

مرعوبه الايتام… ماتگدر اتنام

محترگه الخيام… يابو صالح..

                       ★★★★★★★★★★

ياالمهدي اركض للنهر واتلاحگ ابماي

محترگه الخيام العَجَل وينك يمولاي

حَر الظهاري والشمس ماخلت افياي

وبالهيمه تركض عَمتك زينب بلا راي

متوجها زينب للنهر…. وحسين مكسور الظهر

ظهرك بله احزام … ماتگدر اتنام

محترگه الخيام… يابو صالح..

                       ★★★★★★★★★★

لا فرحــه تمــت بالخــيم لا علگو اشموع

وجاسم مناحه ابزفــته وچكليت الادموع

بالحنه ياالمهدي صفَــت مَحنـــيه الاضلوع

وگلب الرباب ابهالمسه اعله ابنيها مَفجوع

ماتدري گلب امه انشلَع…. وعبدالله ظامي ومارظع

مذبوحه الاحلام…. ماتگدر اتنام

محترگه الخيام… يابو صالح..

                       ★★★★★★★★★★

سكــنه لَـعد عمها اعتنَة بدمـوع الاحساس

وصاحـــت يشـــيال العـلـم وينك يعـــباس

تــرظـــه الورد ياباالفضل بالخيمه ينداس

يمته يجي المهدي ويحن ويروي الانفاس

يم عمها سِكنه وذِكرتك… فَـتها العطش وانتضرتك

ذِبحتها ألليام…. ماتگدر اتنام

محترگه الخيام… يابو صالح..

                       ★★★★★★★★★★

فاض الصبر يبن الحسن وبعينك اتشوف

فوگ الهزل چف عمتك بالحبل مچتوف

شمتاني تشرَب بالدمه ليهسه الاسيوف

وعشنه مثل زينـب ترة خوف ابأثر خوف

ابكل شبر صارت كربله … وچم طفل ذابح حرمله

شمسويه الاسهام….  ماتگدر اتنام

محترگه الخيام… يابو صالح..

                       ★★★★★★★★★★

شمسويه بيكم كـــربــله يبن الميامين

حَگك لون تبچي دمه مَذبوح الحسـين

حِرگة دليلك والعبي نار 🔥 الصواوين

وعباس ابو الغيرة الگمر گطعوله چَفين


عالشاطي منتظرك ترة… باالرايه  سبع الگنطرة

منتضرك اعوام…..ماتگدر اتنام

محترگه الخيام… يابو صالح..

                       ★★★★★★★★★★

ياالمهدي گوم ابدمعتك هاي المسيه

وبيدك تنشف من تجي دمعة رُقـــيه

بحرگ الخيم ركظٱ سوه باالغاضريه

وگامٱ سبيه اتچلب ابهـــدم السبــيه

ابهيمه ويركظن عاالجمر ….. لاحگهن ابسوطه الشمر

يالمهدي محتام….ماتگدر اتنام

محترگه الخيام… يابو صالح

                       ★★★★★★★★★★

ماتدري شمسوي الشمر بگلوب الاطفال

ولِـيــله على الأكبــر يظل مدمعها همال

من شفت زينـب عالهزل چا گلبك اشگال

يمته تجي وبيدك تحل من چفها الاحبال

ماظنها تقبل غيرتَك…. والشمر يضرب عَمتَك

حَگك  مَـتلام….… ماتگدر اتنام

محترگه الخيام… يابو صالح..

                       ★★★★★★★★★★

يالمهدي گوم اشمنتضر طـــول ظهورك

ظلمه السمه يبن الحسن ومظيعه نورك

يمـــته تـــــــزور ابـكربـله تلفي ونزورك

وتگصد لبو فاضل مشي شنهي شعورك



رايـــة مُحمد رايتك…..  والسمه اتصلي ابخيمتك

وجروحك احرام…..…ماتگدر اتنام

محترگه الخيام… يابو صالح..

                       ★★★★★★★★★★




ـــــــــــــــــــــــــــــــــــــــــــــــــــــــ
ماجد حبيب الخيكَاني

2019
2020/8/24ونسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

غريب..بس مالكني
غريب..وامدللني
غريب..حيل ايحبني..وامرتبني حسين

مالكني من اول نفس واجروحك اتدلي اليحب
مقربني اكثر من سهم فاتحله صدرك گتله طب

بهيمه ضعنك راح...يضامي
وراسك اعله ارماح..يضامي
حتى انه ارتاح..يضامي
حسين.....حسين
..................
أمير..جثته سليبه
امير..شيبه تريبه
امير..اخته غريبه.. والله عجيبه حسين

حاشيته راحت عالهزل وايضل غريب ابلا نعش
من طوله والحد طوله ماي والهاته نشفت بالعطش

اچفوفه تسع اعيون..حبيبي
يضمه بالله اشلون..حبيبي
منطي للطف لون..حبيبي
حسين....حسين
..........................
هواك..ديرة ملگه
هواك..خيمه تحرگه
هواك..خيل اتعشگه.. بصدره تسحگه حسين

بملوحة الله اجروحك اتلگت حوافرهم هله
والخنجر ايجدي بخت والخنصر ارفعته اله

يالبقيت اوحيد..يغالي
احتازو وشلت ايد..يغالي
وطمعو اعله وريد.. يغالي
حسين...حسين
..........................
ذبيح..گلبه اشكبره
ذبيح..يهوه الفقره
ذبيح..خظّر نحره.. جوري بصحره حسين

الما شافك ايقونة عشگ ما يفهم ابحچي الصبح
شيباتك اتوزع ضوه وما يگدر ايلمهه الرمح

حتى وانته راس..اشوفه
تنگط اباحساس..اشوفه
يطش عشگ عالناس..اشوفه
حسين......حسين
........................
سلام..بطفك شفنه
سلام..خيمه ايلمنه
سلام..كلما تهنه..عشكه يردنه حسين

مشبعنه فيّ وبالشمس جسمك سليب اعله الترب
منطينه خيمات اوطن واختك سبيه بالغرب

عشتك اغلا انسان..جروحه
تشبّع العطشان..جروحه
يا ضوه الحيران..جروحه
حسين...حسين



علاء المياحي
الفاتحه لروح والدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

إِذَا رُقـــيه سُئِلَــتْ… …. بِــــأَيِّ ذَنــــــبٍ قُتِلَتْ


واحُسيناه….. واحُسيناه

★★★★★★★★★


وگف جبريل اعله جرحـه ونــــــاده

ابياذنــب مـــــات ابنـــيـة الســــاده

تنسبـــي زحمــــه واهـــله القـــــاده

وعـــيــب يتهـنــه يزيــــد ابــــزاده



إِذَا الْخيامُ سُعِّرَتْ .. …. بِـــأَيِّ ذَنـــــبٍ قُتِلَتْ


واحُسيناه….. واحُسيناه

★★★★★★★★★


كتبت ابدمعتها أجــمل ســـورة

ورتلاها الموت بــبــشع صـــورة

چَن حمامه وبالجــنـح مكسورة

هوت يـَــم حسين بس معــذورة




ابدمْ الحُسين خُضبَت….. …. بِــأَيِّ ذَنــــبٍ قُتِلَتْ


واحُسيناه….. واحُسيناه

★★★★★★★★★


ازغيرة بس شلعت دليل الناگه

من تـــــون لحسينها المشتاگه

اتگله بويــه اشوكت چا نتلاگه

الأبوا يذبــح بنته سهم افراگه




إن العُيون فُجرت…… …. بِـــأَيِّ ذَنــــبٍ قُتِلَتْ



واحُسيناه….. واحُسيناه

★★★★★★★★★


صاحت اوصلت يزيد الصايحه

وگال اسمع طفله تبچي ونايحه

نعم گالوا يايــــــزيـــــد البارحه

هاي بنت حسين نصـبت فاتحه




إِذَا اليتامى انكَدَرَتْ ….. …. بِـــأَيِّ ذَنـــــبٍ قُتِلَتْ



واحُسيناه….. واحُسيناه

★★★★★★★★★


گــال اخذوا راس ابوها الهيبه

وخل رُقيه اتبوس هاي الشيبه

اتموت بنت حسين من الريبه

وعلى زينب هم تطيح امصيبه




إن العقيله انكسَرَت….. …. بِــــأَيِّ ذَنـــــبٍ قُتِلَتْ


واحُسيناه….. واحُسيناه

★★★★★★★★★




جابوا الراس وهوت يم راسه

اتگله عگــبك خَدي مَحد باسه

المثل ابوي الهوه احتاج انفاسه

الغالي من يمشي يمَــوت ناسه





إِذَا الْجِبَالُ سُيِّرَتْ…… بِـــأَيِّ ذَنـــــبٍ قُتِلَتْ



واحُسيناه….. واحُسيناه

★★★★★★★★★


هـــذا ابوها اشگطع بيـنه وبـــيــنــها

شمته وبسرعـــه غمظـت عـيــــنــــها

ماتـت الطفله اعـله راس احسيـــنـها

وردة 🌹 بنت حســــين ومعطشينها




هَذِي الورودِ عُطِشَتْ …… بِـــأَيِّ ذَنـــــبٍ قُتِلَتْ



واحُسيناه….. واحُسيناه


★★★★★★★★★






ـــــــــــــــــــــــــــــــــــــــــــــــــــ
ماجد حبيب الخيگاني
2020/9/13ونسألكم الدعاء


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

افرش مُْصَلاك… لو اگعد انعاك


امصلايتك بديه…. ارحم گلب رُقية


بويه يحسين…. بويه يحسين

★★★★★★★★★★


أذن المغرب واجيتك… بويه عالغبرة لگيتك

ظني نايم عالترايب…. ياحبيبي وگعديتك



صار وكت المغربيه واذن اذان الحزن

ليش نايم ياحبيبي وانــه اسمعنك تون

انه بنتك وانته تدري البوستك يوميه احن

بويه من تدعي ابصلاتك تنفتح بوب السجن




بويه اشحلاتك…. كمل صلاتك



يالغافي بالثنيه….. ارحم گلب رقية

★★★★★★★★★★


كل فرض متعلمه اشوفك…اتصلي وبدموعي اطوفك

بويه من تكمل صلاتك…ابقه يمك مااعوفك



من تخلص من صلاتك انه اصيرآ مسبحة

وچل حمامه ابوسط چفك بويه اطيح امفرفحة

ياهي مثلي بالمعارة اتشوف ابوها وامذبحة

وياهي مثلي من الطفوله عشة عمري امجرحة



اتموت النواطير….. وتبچي العصافير


عالشجرة كل مسيه…. .. ارحم گلب رُقية



★★★★★★★★★★

ادري ماعندك أميه …. اتوظه من دمعة رقية

صعبه تتيم بالتراب… وجايبه ادموعي بدية



الورده حيل اتغار منك شافتك كلش ترف

الورده گالت هذا أبيچ گلت أي گالت عرف

عمت عيني ياحبيبي ويالسهم عينك ترف

وفاجأتني حين شفتك للخيم راجع زحف



شيبك تخظب…. وما تدري زَينَب


ما تدري هالوفيه…. ارحم گلب رقية

★★★★★★★★★★


شگگت گلبي ابنضرتك… وحافيه للطف حِظرتك

ابوجهك الدم وبلحيتك … بويه مااعرف حضرتك


اشگد حلو وجهك يبويه ليش بالدم انترَس

الهوه چان ايجدي منك هسه محتاج النفَس

بــيدك اتأشـــــر علـــيه وانـــه حسبالي خرَس

وشفت باقي فوگ صدرك بويه اثر حافر فرَس



ابصدرك يمدلول… . شمسويه الخيول


يرويحت الزچيه… ارحم گلب رقية

★★★★★★★★★★


ليش تبچي ودمعك ايسيل…. وچلچل اعله ابنيتك اليل

تيهت خيمتنه واشلون…من عساها ابذمةالخيل



انــــه هاي انـــــه العزيزة تيهت واشلون أرد

خاف انام اليله يمك وادري يكتلني البرد

بويه مااندل خيمنه وشبگ اعيوني البُعد

ترفه اديه وابحبلهم خايفه ايموت الورد





اعيونك وسيعات…. وبيها السهم بات



امروتك يبو الحنــيه…. ارحم گلب رُقــــــية

★★★★★★★★★★


شفتك ودوهني وضعك… ومحبسك ماكوا بصبعك


الموت اشوفه من اشوفن… طبع حافر فوگ ضلعك


ماتلوگ اعليك هــايـــه بويــــه نـايــم عالترب

وسفه يالعايف رُقيه تبچي مابــــــين الغرب

انـــه اخاف من الحمامة وهسه برماد الحرب

انترس هدمي وبلكي اشوفن عمتي ابنص الدرب




اتگلي تعالي…… واذكر دلالي

بنتك تـرة خطية… ارحم گلب رقية

★★★★★★★★★★


ـــــــــــــــــــــــــــــــــــــــــــــــــ
ماجد حبيب الخيگاني
2020/8/13ونسألكم الدعاء


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

حسيناه ...حسيناه .....حسيناه .....حسيناه

ويلاه من الالم
ويلاه صدره انهشم
ويلاه نحره انگطع
ويلاه بشفافه دم

ويلاه رضه الفرس
ويلاه مابي نفس
ويلاه لمن وگع
ويلاه شوغه انترس

حسيناه ...حسيناه .....حسيناه .....حسيناه

ويلاه نار وجمر
ويلاه ضاع الخدر
ويلاه مامش خيم
ويلاه جاي الاسر

ويلاه ماضل حمه
ويلاه سوط ودمه
ويلاه سبو علي
ويلاه سب فاطمه

حسيناه ...حسيناه .....حسيناه .....حسيناه

ويلاه زينب تون
ويلاه راح المتن
ويلاه ازرگ غده
ويلاه محد يحن

ويلاه نادت هلي
ويلاه دمعي ايهلي
ويلاه محد فزع
ويلاه يا كافلي

حسيناه ...حسيناه .....حسيناه .....حسيناه

ويلاه اتسلبت
ويلاه واتعذبت
ويلاه خدري انسلب
ويلاه كلشي شفت

ويلاه يل علنهر
ويلاه ضهري انكسر
ويلاه واعله الحرم
ويلاه خصمك جسر
حسيناه ...حسيناه .....حسيناه .....حسيناه

ويلاه وجهي انعرف
ويلاه طولي انكشف
ويلاه واني بنت
ويلاه شيخ السلف

ويلاه سكنه هوت
ويلاه چنها انچوت
ويلاه رقيه اضن
ويلاه بالطف خوت

حسيناه ...حسيناه .....حسيناه .....حسيناه

ويلاه بيهن حرت
ويلاه واتعثرت
ويلاه اگصد لمن
ويلاه انحب صرت

ويلاه صحت بقهر
ويلاه وين الگمر
ويلاه ودوني اله
ويلاه اشكي القهر

حسيناه ...حسيناه .....حسيناه .....حسيناه

ويلاه يابو الفضل
ويلاه جابو حبل
ويلاه انهض يخي
ويلاه عرجه الهزل

ويلاه خافن اگع
ويلاه گلبي انشلع
ويلاه من السبي
ويلاه نفسي انگطع

حسيناه ...حسيناه .....حسيناه .....حسيناه

_____________________________


ابو فاطمة الطائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_السبي_1442

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

خيال… والشهامه اعله طوله
خيال… ماخذ اعله الــرجوله
خيال... قاسم وكـض لجمهه
خيال...عالمهر ســــوه جوله
نجل الحسن شايل
غيرة ابـــــو فاضل
من دورت عــيونه
گالو گـــــــمر نازل
فارس بفارس طبگ... غيرة من گـصته عرگ
والعرضله بالحـــرب... راسه جدامه انسحگ


حياه... عمه من شـــد عليهم
حياه... گطّع بســــيفه اديهم
حياه... ورد عليـــــه بالتحيه
حياه... وضاگت الدنيا بيهم
يازود ابو اســــكينه
محد لــــــوه ايمينه
عبّــــــرهم الشاطي
شي طمهه بالطينه
صارو اگباله سعف... الگام والگاعد رجف
سيفه بركان ونزل... للسمه دخّــــن الطف



مهيوب... وجهه وارث عــــمامه
مهيوب... شايل احـــــلا جهامه
مهيوب... والله يســــطر جماله
مهيوب... من زعل ذب لثــــامه
شد رايــــــة الساده
وايخبل اعـــــــناده
جاسم اخــــذ حيفه
واتعله عــــــــالقاده
هاجت وطگهه الرعد... بيهم الخيّــــــــر لبد
للحسين اتوجــــــهو... صاحو ادخيلك مدد


عالموت... من نزل ركضـــــــــاها
عالموت... عطشــــت ودم رواها
عالموت... سبحه ويفــــرها بيده
عالموت... لاخر الطف حـــــواها
وجه العدو صـــــــوفر
من جاسم اتخــــوصر
شاب ويشـــــــــوفونه
بالحومه اخـــذ كوسر
امجرب بيوم العـرك... يفرك الـوادم فرك
يخنگ بريته الهــوى...لا يهـــاب ويندرك


عالخيل… هد مهرته وفــــــناها
عالخيل... اترجل وطــب وراها
عالخيل... من ضهرها شــــمرها
عالخيل... دگ زلمهه وســــباها
مايسرج اكــــــحيله
الموگـــدهه يمشيله
شما زادو اگــــــباله
رد الهـــــــم ابحيله
عالزلم حيل انحـدر... كربله طر بيهه طر
هوس ابنص الحرب... هاشمي ومانگـدر

خادم القصيده
شاكر الصيمري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA