#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


 
يزينب      عظم الله الاجر
**************************
حسين من ودع عضيده وللمخيم من رجع
لاكته زينب حزينة شافته محني الضلع
دموعة تتجاره على خده واضح عليه منفجع
عظم الله اجرج يكلهه وعينه فاضت بالدمع
يكلهه      عفته عالشاطي لبدر
**************************************
لطمت على الراس زينب والدمع عالخد يسيل
تكلة وحدك جاي لينه وين خليت الكفيل
جر عمود الخيمه طاحت يعني يرجع مستحيل
لحرم من طاحت الخيمه كلهة ضجت بالعويل
يكلهه          عفته مرضوض الصدر
*****************************
جر عمود الخيمه بيده الخيمه طاحت عالثنين
كلها كفالج يازينب عفته لا يسره ويمين
وكع عالشاطي ابو فاظل واسهم طفاله عين
تكله خليني ارده اودعه وين طايح عفته وين
كفيلي          بعده ما ريد العمر
*********************************
الحرم بالخيمه تناطر تنتضر جيته يعود
كلهه تسال يمتة يرجع وانه مليت الوعود
عني من راح ابو فاضل راح اعيش ابلا وجود
راح اضل ابدنية ضلمه وهوا يرحل للخلود
سبيه           بعده اروحا لليسر
**************************************
كله يا زينب يخوية ابو فاظل امره حان
بنار المفارك تركنه وهوا راحل للجنان
انكسر ضهري يزينب اه من قدر الزمان
من رحل عني ابو فاضل ما بقى بعده امان
عضيدي        هيبتي من اهل القدر
***************************************
تكله ما صدك يخويه ابو فاضل عني راح
من كبل موت ابو فاضل كون ميته واستراح
بيتي بيه لجان عالي هسه بيتي اعليه طاح
وراح اعيش ابدنيه سوده وشكثر احمل جراح
بغيابه       سلمت ل الله الامر
***************************************
لخادم الحسين عباس الصالحي
23\12\2019
يهدا ثواب هذا العمل الى روح والدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(ام البنين)
كل ساعه اقره الفاتحة      يا ربي كلبي اتفرحة
تسهيل امر اقراها         لوجه الذي خلاها
تسهيل امر       تسهيل امر
********************************
حسين واخوانه بسفر من ودعوني
مو راحوا احس اخذو عيوني
خذو زينب والحرم وانه تركوني
ردت وياهم امشي وما خذوني
كلتلهم امشي بهل سفر      كالولي ضلي اعلى الاثر
هل كلمه متمناها          لوجه الذي خلاها
تسهيل امر      تسهيل امر
*******************************
سفرهم طول وما جتني اخبار
ولا حيل لبقى ولا ضلت افكار
يصبر الروح بيش لهوه محتار
تطفى شلون ناره لعايش ابنار
العايش ابوسط الجمر     شيطفي ناره لتستعر
يطفا العمر وياها          لوجه الذي خلاها
تسهيل امر        تسهيل امر
*********************************
من اطب للدار الكه بس لرسوم
افتر بيهه اضل واشتم بالهدوم
من افراكهم ضل حيلي مهدوم  
واذا ناماً افز بحلم ميشوم
احلم اهزاً بالمهد             بس هو خالي امن الولد
وامه الحزن اذاها           لوجه الذي خلاها
تسهيل امر         تسهيل امر
**************************************
احبابي لبالكلب جانو يعيشون
علي طول سفرهم ما يردون
قريت الفاتحه بلكت يرجعون
واتوسل الاهي وتجري لعيون
اتوسله ودمعي يكت          يا ربي شالو من وكت
لمتهم اشمحلاها        لوجه الذي خلا ها
تسهيل امر        تسهيل امر
******************************
كل هذا وبعد ضيم العليله
عليهه اتالم ودمعي اسيله
تنشدني واشوفنهه نحيله
يمته حسين يرجع من رحيله
مو كلي ابوي ادللي            اوصل ووديلج علي
روحي الهجر سلاها           لوجه الذي خلاها
تسهيل امر         تسهيل امر
*****************************
هل طفله بفعلهه تالم اكلوب
تدعي الله اشوف بوكت الغروب
وتفتر بالثنيه بدمع مسجوب
شمالك يا زمن وياي مكلوب
هم وحده مثلي تحيرت         من الزمان تمرمرت
قاسي الزمن وياها        لوجه الذي خلاها
تسهيل امر        تسهيل امر
************************************
لخادم الحسين عباس الصالحي
5/12/2019
يهده ثواب هذا العمل الى روح والدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


الجنان        فتحت ابوابها
**************************
حسين ؤنصاره واخوته بينهم دارلحوار
وضح حسين القضيه وكل شي قادم بنتضار
كلهم اقتل لا محال وفقط بس هذا النهار
والي يبقى يموت حتماً يمكم يضل القرار
لعداء       جردت سيوفها
******************************
بايعوا وبلا تردد وقسموا بالمستعان
بعد ما بايعو كلهم صار موعد بالجنان
الملتقى بالجنه كال انطاهم اصكوك الضمان
شافوا لجنه الوسيعه وشافو ارجاء المكان
الجنان       اتصلت انهارها
*******************************
شافو اجنان وخلود وشافو المثوه الاخير
نهار وقصور وحواري ولباساً من حرير
هناك كلماً شاف داره وشاف بالجنه الكثير
النبي يحي ليجيهه وساقي عالحوض الامير
ولملاك         ستقبلت زوارها
**************************************
عاهدو ونطوه عهدهم والعهد كلمه رجال
وجان من عنده طلبهم كبل ما يبدي النزال
كون من كبل الهواشم ننزل لسوح القتال
والله منهاب السيوف ولا نهاب من النبال
لجيوش          شما كثر اعدادها  
*********************************
وافق حسين لطلبهم دورهم اول يكون
نزلو لسوح المنايه لجن مو نزله بجنون
واحد يحشم بالاخر بالحرب يستبشرون
وين هيج اصحاب تلكه بنفسه ضحه وما يخون
الانصار       زلزلو اركانها
********************************
رفع راسه حسين بيهم شافهم قمه وفاه
بدمهم الطاهر توضت يوم عاشر كربلاء
شنو من ايمان عدهم شنو عدهم من ولاء
شيكتب التاريخ عنهم ذوله بركان العطاء
الطفوف          شرفو تاريخها  
***************************************
لخادم الحسين عباس الصالحي
6/12/2019
( يهدا ثواب هذا العمل الى روح والدي )

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بين الخيمه وبين حسين        حتارت زينب تركض وين
حسين اتوذر                نسلبت خدر
حتارت زينب تركض وين
***********************************
من حركو خيمتهه وطلعت ابيا حاله
تركض لحسين تشوفه لو لعياله
وتشوف العسكر حاطتهه والخياله
ونار شتعلت بالخيمه وبيه اطفاله
نار شتعلت بالصيوان      فرت رظعان ونسوان
حرمه شتكدر             نسلبت خدر
احترت زينب تركض وين
**************************************
ردت للخيمه بحسره وتجري المدمع
اطلع اطفاله ونسوانه وبيهن تجمع
وتحشم عباس بحسرة ها ما تسمع
انتظرك ترجع يالكافل لو ما ترجع
اتحشم كامت عباس       بالخيل اطفالك تنداس
لا تتعذر             نسلبت خدر
احتارت زينب تركض وين
**********************************
ردت زينب مذهوله بهمه ولوعه
كصدت لحسين وتسمع صوت ظلوعه
شافت خيل وعسكر كله عليه مجموعه
وشافت سحكات الحافر بيه مطبوعه
هابت زينب من الكوم       صاحت وينج ياام كلثوم
تمشي وتعثر           نسلبت خدر
حتارت زينب تركض وين
*********************************
ضلت زينب محتاره وتجري الدمعه
ركظت لحسين بهمه تريد تودعه
بس العسكر شافته عليه مجتمعه
ويطلب ماي يكلهم ظامي وهيه تسمعه
حتارت توصله بيا حال      ما متعوده بين ارجال
صعب المنظر              نسلبت خدر
احتارت زينب تركض وين
*******************************
صاحت يالكافل اكعد صرت بحيره
حركوها خيمنه وظربونه يا ابو الغيره
لا كفالي ولا اهلي وغربه الد يره
والصوب الشاطي الناظر كمنه انديره
ميت بس نكول تعود      لن نعرفك راعي لزود
ما تتأخر            نسلبت خدر
احتارت زينب تركض وين
**********************************
ما تسمع صوت اصياحي يا كفلي
اتمنه بهاي للحضه تشاهد حالي
انه لما شافو طولي وطرف اخيالي
هسه بنص الوادم صرت الموت اشوالي
خويه وياكم عندي اعتاب             عفتو زينب بين اجناب
بنصهم تفتر        نسلبت خدر
احتارت زينب تركض وين
*****************************************
لخادم الحسين عباس الصالحي
16/10/2019
(يهدا ثواب هذا العمل الى روح والدي )

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍ 2020
#الشاعر_الميرزا_محمد_الساعدي
على غرار الحمد لله والشكر



شكراً الرب السمه چي خدمتچ فاطمه
وخدم حسين امامي وخدم حسين
================≈=================
شكراً الرب السمه اليجفي عن هاي انعمه
ياحسرته اتصب دمعته

هالأمر هذا الجلي الله منطيه العلي
وبعظمته هل نعمته

الله ايحبه الماعاف حسينه متمسك ظل بالعروه ودينه
والعافه خسران دنيه وأخريه
عين الباري اتحرسه الوياهم مالحظه ولا يوم الينساهم
صدگ مينسوه يم الهاشميه

بيدي اخذ حامي الحمه چي خدمتچ فاطمه
وخدم حسين امامي وخدم حسين
================≈=================
الخدمه بيهه معبري مو مشي أجري جري
هالخدامه للنشامه

شكراً الهذا الأمر الله منطينه العمر
والخدم ياخذ وسامه

ياخذ بالجنه هناك البشره تمر اتحنيهه اچفوفه الزهره
هنياله هنياله نادوه البريه
يامحلاه الماي ابچفينه ياخذ كل تعبه هنا وسنينه
كلمن خدم مخلص وظل للزچيه

ما أهم سيف ودمه چي خدمتچ فاطمه
وخدم حسين امامي وخدم حسين
================≈=================
ياسلام الله النبي گال وفيتوا العبي
والله هنياله الخدمنه

أفتخر بيكم صرت هناك بالمحشر درت
ذوله صانوا كل علمنه

حافظ علم الله الباري يريده يصبح يم باب الحاجه عيده
ويشوف ابوفاظل ويعمل عزيه
يتمنه يبترهن چفينه من شاف الحره وشاف حسينه
لكن بلا راس يم اخته السبيه

روحي صارت عالمه چي خدمتچ فاطمه
وخدم حسين امامي وخدم حسين
================≈=================
أي وحگ حيدر علي كل همومي تنجلي
ساعة الأمشي وأزوره

دنيه مابيهه حسن چن فرس مابي رسن
والضريح اصفه من ادوره

مالكهه الدنيه الحب الساده وتبرک من يطلع بالقاده
والدعاهم مايهم كل موزميه
مأمن روحه المايترك گومه أهل البيت ايعينونه بيومه
والتركهم ما أمن صبح ومسيه

والسهم ليه ارتمه چي خدمتچ فاطمه
وخدم حسين امامي وخدم حسين
================≈=================
من صدگ تدخل عدن انته كل عقلك يجن
فاطمه وبتهه تشوفك

گتله يمعذب الگلب گلي انته اشگد صعب
حتماً الزهره تعوفك

تعوفه الزهره المايؤمن بيهه نقطه بأول راس اتخليهه
ولا تجيه ولا تنظره الزينبيه
سامحني حچايه وأرد احچيهه نفسك يالمرتد شو عاميهه
أرجع اندبهم اهل بيت الحميه

گلبي ماصابه العمه چي خدمتچ فاطمه
وخدم حسين امامي وخدم حسين
================≈================
30/3/2020 الأثنين
07712631386 واتساب
#الشاعر_الميرزا_محمد_الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍ 2020
#الشاعر_الميرزا_محمد_الساعدي
#قصيده_هوسات


(يحسين الطف هد كل حيلي)
( أنتم هيبه يرجال الطف )
================≈=================
كونك تنظر بيا حال أختك يابعد عيني
مسبيه مشت للشام راح الچان يحميني
الشمر كلساع يظربني ومسبيه يناديني

( حشمتك يالغالي الليله )
================≈=================
راجعلچ يبعد العين گليله اجاك الحيد
أجاك البالشدد معروف بهندس ظلمه چان يصيد
خل يختار ابن جوشن أقبض روحه بيش يريد

(من دون اچفوفي اقبض روحه)

================≈=================
نشمي ابن البطل عباس لا متخيب اضنوني
أعرفنك كلف وهديب بيك اليوم خيعوني
من السوط يابو الجود خويه مگطعه امتوني

(ناديته وشمرلي اعيونه)

================≈=================
ميقصر علي الكرار خله وياي خمسه احيود
حسين بأول المطلاع والعباس راعي الجود
جعفر يندب بعثمان وعبدالله ابد منعود

( نفديلچ كل المعموره )

================≈=================
تلاثين الف ذاك الجيش واحنه اتعدنه بيمينك
ساعات المنيه اثگال عدهن والله اليعينك
عدنه الموت راحة بال ماهمنه أبد دينك

( مو دين اليذبح بحسيني )

================≈=================
شكراً للأله الصان دينه بحب ابو فاضل
راعي المرجله العباس وبهايه أبد مازل
جربه الغيره ابوالنوماس حولهه غضب نازل

( بالطف صولاته معروفه )

================≈=================
23/3/2020 الأثنين
07712631386 واتساب
#الشاعر_الميرزا_محمد_الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيده كعديه

يـــا ليتنــا كنـا معـــك كــل احنــه نحچيها
لازم نفكـــر مـــن صــدگ شنهي معانيها
يلّـــي تحب حسين لازم تفكـــر زيـــن
يـــا ليتنــا كنـا معـــك كــل احنــه نحچيها

*
كلمـــه كــل جيـــل أتـــردد بالمجـــالس بالمـــأتــم
كلمه كــل خادم حجاها والنســاها شلـــون خــادم
تبين المعنى الحقيقي وكل شخص يا درب راسم
تحــوي معانــي زاهـــره لكل النفوس العامره
مـو بس حچي بالحنجره الله بالتحچيــه عالــم
لا تحچي غيــر البگلب واليرضه بي ربــك
كون التلفضه من صدگ نفس الذي ابگلبك
ميصيــر ألك گلبين لازم تفكـــر زيـــن

*

هــاي كلــمـــه للتمنـــي حســين رايــدهـــا حقيقــه
الاخو عينـــه أعلى أخيــه والصديقه يحب صديقــه
هـــذا نهـــج حسين واضــــح وكلش امبين طريقه
لا تلــبس وجـــوه شكثـر وتصـــعّب أعليك الأمر
ويــن الشبـــه وين الدرر واضـــح ويلـــمع بريقه
حسين رايـــدها البشــر كلها بــوجه واحـــد
لتصير عــابس بالحچي وبيك الشمــر گاعد
لا تصــير ذو وجهيــن لازم تفكـــر زيـــن
*
درس خلــونه نفهمـــه مـــن دروس الغاضريه
درس عــن معنى الاخــوه والصفـات الاحمديه
ضحى عبـــاس بأخــوته وبكيــانه دون اخيــه
بالطف وضع اكبر أسس للخوه ضحاها النفس
للناس صار أعظم درس للوفــه لكــــل البريه
عباس ضحى بالنفس حتى احنه نتـوحد
وهل الموقف يريده الگمر يوميه يتجدد
لجلــه نـــذر چفين لازم تفكـــر زيـــن
**
حسين راد انه الكــرامه وراد عــزه وراد دين
والله زحمه أعليــه ابچي واللطم بهاي الادين
وانــه خاين جــاري مره وانه أعـق الوالدين
لا والله سوينه الأشــد الــوالد أيضربه الــولد
أتطول لو نحچي بعـد احنه وين حسين وين
اصبح حسيني من صدگ من امشي باليريد
لـو درب الحسين اتخذ لو امشي وي أيزيد
صعبه امشي بالدربين لازم تفكـــر زيـــن
*
حسين مو لوحة تمني حسين جوهر هل الأرض
حسين مثل الشمس نوره واضح ابد ما نفترض
حسيـن إنســـانيه كلــه ورادها تصبــح فـــرض
راد المحبــه والــوفــه راد العلم والمعــرفـــه
لكل البشر تصبح صفه وعالنفس لابد ننتفض
بالعقل نسمى ونرتقــي مــا تـرتقي بغيره
دمه رسم أجمــل هــدف مـا يقبل الحيـره
يالتسعى للــدارين لازم تفكـــر زيـــن
*

لا نخلي حسين سمعه وكـل شخص يتبع يـزيده
ونقتل الثــوره العظيمه الي فــداها أبـدم وريده
أنصير مثــل الغـدر مسلم ويتموا بالطف حميـده
كون الحسيني من صدگ عــن خط آميه يفترگ
هــذا الذي يعشك صـدگ خط أبو اليمه ويريده
كـون الذي يهوى الســبط يهوى مضامينه
لجل الهدف يفدي النفس ويضحي لحسينه
يلي تريد حســين لازم تفكـــر زيـــن

*
الشاعر
موسى البديري
١٤٤٢

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
قصيدة ( يالحبايب ) لفاطمه العليله عليها السلام


يهلــي نــاويـــن السفـــر ذكــرى عـــوفولي وأثـــر
لـــو عطركم لـــو صــور يـــالحبــايـــــب
ــــــــــــــــ ♠️♠️♠️♠️♠️ ــــــــــــــ

يهلي اليسافــر للغــرب يتـــرك اثـــر لحبــابــــه
خاطـــر يسكّـــنْ لهفتــه ويخــف علــيه أمصــابـه
غيــر الهـــوى محد يجــي باچــر الــه يدگ بابــه
يبقى يتـــاني أعلــى الـــدرب بلكن تـــرد غيابــــه
الفاگـــد أحبـــاب الگلب چنه عــايش بالغــــرب
يتنظــرهــم عـالـــدرب يـــالحبــايـــــب

ــــــــــــــــ ♠️♠️♠️♠️♠️ ــــــــــــــ

عنــدي طلــب يــا والــدي أدمــوعي راح تخبــرك
انطيني خيـط أعمامتــك خاطــر أشــم بي عطــرك
أِتــوسده وروحــي تظــن يابويــه تغفــه لصــدرك
من عطــره دلالـــي يحس سيف الشمر حز نحرك
عطــره يــرسملي صـور سيفه يطگــع بالنحــر
وصــدرك اشعــر بي اثر يـــالحبــايـــــب

ــــــــــــــــ ♠️♠️♠️♠️♠️ ــــــــــــــ

يــا عمّـه يــا حيـف وأسف وجهـچ يغــيب أعلــيه
وبــاچـــر تـــروح لــكربلـــه يــــا عمتّـي الحنّــيـه
انطيني من ثوبـــچ علگ اغفــه عليـــه أشــويـــه
يا عمّه أشمّـه واعـــرفــچ رحتــي لغـــرب مسبيه
عمّــــه وبحالــچ أحـــس محاصره بجيش الرجس
والنسه أبّحـــر الشمس يـــالحبــايـــــب

ــــــــــــــــ ♠️♠️♠️♠️♠️ ــــــــــــــ

باچــر رقيه مسافــره ويبقــى الحــزن خطـــاري
وادري ابدليلـچ يستعــر ونـــارچ تشابــه نـــاري
هـــاچ الــتراچي تلوگ الچ حتــى تظـل تذكــاري
يــا خيتي أحــس يتسلبن ويبقى دمــاهن جــاري
وانظـــر ابديـــرة غــرب گاعـــده فــوگ الترب
ورد خـــــدچ ينـظـــرب يـــالحبــايـــــب

ــــــــــــــــ ♠️♠️♠️♠️♠️ ــــــــــــــ


يلّي نــويتو أعلى السفــر بالصبر يهلي ادعــولـي
لعبــدالله عوفولــي رســـم مهــد الطفـــل عوفـولي
روحي لــوّن تشتــاگ الـــه لمهــده تــروح تلـولي
ومن مهده يوگع عالارض ادري العده شذبحـولي
مـــن اصــــدن للمهـــد چنــه مذبــوح الـــولد
گلبــي مـــا يحمل بعــد يـــالحبــايـــــب

ــــــــــــــــ ♠️♠️♠️♠️♠️ ــــــــــــــ

يــا عمــي مــن گبل السفــر انظـــر علــيَّ بعينـــك
وخلّـــي يمينــي التــرتعش يـــا عمــي بين أيمينك
وباليسرى ضمني أعلى الگلب فدوه رحت لسنينك
بــاچــر أحــس عالــمشرعــه يتگطعــن چفــينـــك
ايطيحن أعلــى المشرعه اچفــوفــك المتگطعــه
هــــايـه اكبــــر فاجعــــه يـــالحبــايـــــب
ــــــــــــــــ ♠️♠️♠️♠️♠️ ــــــــــــــ
الشاعر
موسى البديري
1442



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

الحـزن ويـه الشهـر خــيم عـلى بـيـت الـنـبي مـن هــــل
شـبه غيـمـه ومطـرهـا ادمـوم چفـن زيـنـب غـده يهمـل
أنــه زينب أنــــــه زينب
**************
تصـد لهـلالـه والحـسـره خـناجـر بالچـبد تگـطــــــــع
يـريـتـك بـالسـمـه اتـگلـه تـغـيـب ولابـعـد تـطــلـــــع
بعـد د معـي عـلى خـدي ودلـيـلي أبـونتـه مايهچـــع
ولاريــح الـفـرح مـره يـمرنـي وحـزني يتـبــــــــد ل
************
يـتيـمه مـن الزغر يهلال وسواد اهـدومي خاونـي
وألي ظلعين يوم البـاب الكسرهـن مابطـل ونــــي
ورحيـل أمـي الهدم حيلي وخـوي وعـودي فارگني
صـرت أم واخـت لحسـين بگـيت وگـلـبي أمعـلعــــل
************
أنـه بعـلـم المنايا أدري الخـبر من والدي وأمـــــي
بعـدهـم گالـوا الايـام مصايـب ســود يــرمــــــنـــي
وأنه بهلتك شهر عاشور چثـيره اسهــام يلفــنــي
الحزن ومصابي يتجدد وي ضيك ياشهــر يجـــبـــل
************
وصيه الفاطمه أبگلبي احملتها من الزغـــر يابـــين
بونين وحسره اسمعها تگلي اوديعتـــج الحسـيــــن
لون شفتي العده دارت عليه وظل يديــر العـيــــن
نحره وصـدره شميهـن تـراهـو أبـــدمـه يتغـســـل
************
والچ كافل على الشاطي ذبيـــــح ويسرته ويمنــــاه
گطيعـه ولايظـل والي عنـدچ والخــــــدر بحـــمــاه
على امتونچ يلوح السوط وشمر ظعن الحرم يـبراه
عگـب ظعـن البراه عباس يــزيـنب أنـتي عالهـــزل
************
أنه الچانت مواظي البيض شبه خيمــــه وتظـلـلـــــي
وحجابي من السمه منزل ولاواحد عــرف شكلـــــي
وسف امشي بعدها ابگيد ورزايه البيــــن يبرلــــــــي
والي أخوان التخوف أبطال وتجفل الموت ماتجفـل
************
ظـلام اتهـل عـلي والـروح بـيـك امحيـره ابهمهـــــــه
اشوفن بـيك شمـر بسيـف اوداج الـديـن يخذ مهـــــــه
وشوف اظلـوع سيـد الكـون خـيل اعـداي تهشـمهــه
وشـوف ابـدور فـوگ أرماح وآيـات الكتـب تعــــــــول
************
بعد لتهـل عـلى المخلوك ولاضيك تـريـده الــــــناس
شمس كون ويشع الحسين وگمر ليل وضوه العبــاس
وكواكب عالارض تزهر الهواشم لـلوفـــه مـقيـــــاس
وأنته أظـلم رغـم ضيـك شنو عـذرك بعـد وتهــــــــل
************
لخادم خدمة الحسين ع
ابو عمار الدراجي

@adoamar


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


حــي الاكـبر يــوم هــز الــرايــــه
ايگول ابوي حسين ظمني الهايـه
*
حـي الاكبر يـوم عـل مهـره لـكــد
آنــه شبل حسين هـوس ورتـعــد
آحنه آل البيت عـدنـه مـن المهـد
الـمـوت بـلميـدان ارفـــع غـايـــه
*
الـمـوت بـلميـدان عـدنـه مفـخـره
فـرح عـدنـه يصير يـوم الزمجره
أي وحــگ عباس سبـع الگنـطـره
بـيـنـه دم كــرار يسـري اسـرايـه
**
بـيـنـه دم كـرار والحمـزه وحسن
العشگـوا البـتـار ومـلاگـه المحـن
چـم بطـل صنديـد لاگاهـم صـفـن
يصبـح ابــلا راس خـايـب رايـــه
*
خـاب رايـه الـگـال احـنـه ننـولـي
شماكـثـر هـلجيش واحـدنه علـي
عـمـي يـاعبـاس خـلـنـه نـعـتـلـي
بـلمـواضـي الگــوم ونـدك ثـايـــه

نـهض ليث الغاب لـبـى دعـوتـه
ونزل ملك المـوت سار بـحملتـه
جنح يمنه الجيش طگهه بيسرتـه
وعـلـي ردهـه اعليه كلهه ادمايه

عـلي ردهـه اعليه وينادي فرض
مـو فـرات اثنين نجـعـل بـالارض
مـن دمـه الجيمان وينه اليعترض
مـهـر أمنـه الماي بيـه نص آيــه
*

مـهـر أمنه العذب مـو ملك العبيد
انـغـيـر ابمجـراه نفـعـل مـانـريــد
حـيا عمه الگمـر من شاف بحديد
گــــاد شطـهـه وعــت المسنـايــه
**
گـاد شطهـه الگمر يم باب الخدر
وعـلي يبـره الماي وعيونه جمر
صارن من الغيض وينادي العـذر
يـاعطاشه حسين غـبـنـه هوايــه
****
لخادم خدمة الحسين ( ع )
ابو عمار الدراجي

@adoamar

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شهــر الحـزن هليــت * بيـك انفجــع كـل بيــت
اتهــل ابكــدر وهمــوم * واجـري الدمــع بدمــــوم
بيــك انفجـــع كـــل بيـــــــــــت
************
ياشهـــر بيــك الــلــه حــرم كـل قتـال اعلـه البريــــــــه
وانــزل ابمحكـم كتابـــه وبلـــغ العالــم نبيـــــــــــــــــــه
لاقتــال ولاضغينــه لادمــاء ولااذيــــــــــــــــــــــــــــــــه
ونـته لاچـم كــل موالـي بالفجيعـــه الفاطميـــــــــــــــــه
شنهــو العـذر شيفيــــد * تسفك دمه التوحيـــــــــد
بيــك الگلــب ملچـــــوم * واجــري الدمع بدمــــوم
*******
آنــــه للطـــف مــن وصلتـــه وچلچــل الليــــل اعلـــه بيتـــي
ومــن شفــت طلعـــت هلالـــك والحـــزن حـــــاط ابثنيتــــــي
اتذكــرت عــــودي اوصيتـــه ابكربلـــه هضمـــي وسبيتــــي
چنــــچ ابـــوادي غريبــــه بشهــــــر المحــــــــرم بگيتـــــــي
ريتـــــك ابـــــد ماجيــــت *اوبسمـــانـــــــه لا هليــــــت
بيـــك الحـــزن لــلــــدوم * واجـــــري الـدمـع بدمــــوم
**********
بينـــــه حاطــت هـــل الاعــــادي چــن محمــد مــو نبينــــــه
واحنــه عتـــرت طــــه تـــدري والوصي حيــــدر ولينــــــــه
فاطمــــه المظلـــومه امنــــه وللنجـــاة احنــــه السفينــــــــه
تطلـــب اديـــون السقيفــــه والاهـــل صــــاروا رهينـــــــــــه
هلالــــك عـلينــــــه جـــار * صـــرنه ابظلــم واخطــــار
عشنــه ابسگـــم وهمـــوم * واجــري الدمــــع بدمــــوم
************
عاشــر امحــرم صباحـــه روت ادمانــه الوطيـــــــــــــه
صحبـتي أولدي وخوتـي والفخـــر روح الزچيـــــــــــــه
جسمـــه المخــذم اشوفــه وراسه برماح ال أميـــــــــه
عالنهـــر طــاح الكفلنـه جــوده وچفوفــه رميـــــــــــــه
هجمــت علينــه الخيـل * واگبـل علينــه الليــــــــل
اعلينـه الرزايـه اتحـوم * واجري الدمع بدمــــــوم
*****
يامحــرم چــم مصيبــه البينــه مــرت مــن طلعتـــــــــك
ياجـــرح منهــن اذكــره وآنــه مصيوبــه وي هلتـــــــك
علــه طحنــت للضمايــر مالگينــه ادواهــا علتـــــــــــــك
اخيامـــي بالنــار اتلاهــب عالجــرى لتظــن عذرتــــــك
نمشـــي ابيســر وبگيد * ونگطــع صحاري وبيــــد
اعلينــه القـدر محتــوم * واجـري الدمـع بدمـــــوم
*********
ابمجلســـه الطاغــي شتمنــي بالعـــلن محــد يـــــــــرده
روس خوتــي البلحرايــب اصبحـت مگطــوعه عنــــــده
يــدري ماظــل النـه حامي يظهــر ابسيفـــه يصـــــــــده
امگيــده ينظــر حرايـــر بـس عليــل اوياهــا وحــــــــــده
زينـــب اخيــچ ويــــن * عنچ رحل الحســـــــــــين
وراس الكفــل مهشوم * وجـــري الدمـع بدمـــــوم
************

خادم خدمة الحسين ع
ابو عمار الدراجي
@adoamar


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


للخدمه
-------------

على الخلص حياته بخدمة العتره
تجازيه عالخدامه فاطمه الزهره

كل خادم خدم لحسين خي عونه
يصير امقدر بعين اليعرفونه
وخادم للحسين الكل يسمونه
وشانه يرتفع والوادم اتقدره

قدره يرتفع مابين كل الناس
كل خادم حقيقي يمشي رافع راس
من زود الحسين و زوده من عباس
ويصبح جاهه عالي عالي واشكبره

جاهه يصير عالي ويرتفعله شان
ويصبحله بشرف هذا الاسم عنوان
خادم وبخدمته ايحسده كل سلطان
لأن محد گدر يحصي عدد أجره

عدد أجر الخدامه ياهو يحصيها
اذا الزهراء هي مكلفه بيها
يل تخدم خدمتك يمها خليها
لأن للخادم الزهره تجي تحضره

لليخدم ابنها الزهره ماتنساه
بكل مجلس تحضره يعني هي وياه
ومن يموت خادم هـي تتلگاه
الزهره بالگبر تتكفل بأمره

هنياله الخدم وبخالص النيه
الدنيه اتردد بأسمه وطاريه
تحضره اللي مشت للشام مسبيه
اكرامـاً لخوها المنگطع نحره

الشاعر السيد رياض الرسل الجابري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


لبيك ياحسين




احنه لحسين
على الفطره عشگناه
بضمايرنه حملناه
ننادي واحسيـناه
1

بالمهد غذتنا امنا بهل محبه
ومن كبرنا ويانه زاد وكبر حبه
اعرفنه درب الخير والاصلاح دربه
وگبره للرايد يحج يصير كعبه

بدمعت العين
اسم خالد كتبناه
ابد لا مانسيناه
ننادي واحسيناه
2

حسين اسمه اتردده كل المنابر
لأن بس اتدركه وتحسه الضماير
هو مو ياهو اليجي ويصير ثائر
لازم اتحسه وتشوفه وياك حاضر

تدري بي وين
بالگلوب احنه شفناه
على عناد الميهواه
ننادي واحسيناه
3

من مشينه بدربه شفناها العقيده
شامخه وبي ثابته ورسخت اكيده
نبتعد عن دربه متصير وبعيده
شلون و النه حسين ضحه بدم وريده

بدربه ماشين
طريق الحق عرفناه
مشيـنه كلنه وياه
ننادي واحسيناه
4

نرتفع احنه بخدمته من نخدمه
ونرتقي الصرح المعالي بأعله قمه
لو نقدم اروحنا منوافي دمه
لكن احنه نرتجي من الزهره امه

نشعر بدين
عمرنه لو نطيناه
نضل للموت والله
ننادي واحسيـناه
5

هذا صوت الشيعه يهتف للمنيه
انموت احنه ومانعوف ابن الزچيه
لأن لمن طاح برض الغاضريه
انطانه من دمه النزف اشرف هويه

هالعناوين
نطتنه العزه والجاه
بختم حبه ختمناه
ننادي واحسيـناه




الشاعر السيد رياض الرسل الجابري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بسمه تعالى
المستهل –
يبوالسجاد ناسك عـــد وعـــدها - طلعت للعزه وحاجـــات عـــدها من هذا الوباء اشوكت نخلص - وانته الكل مرض دكتور مختص
وانته احسينها او انته سندها
-------------------------------------------------------
النــاس من توكــــع ابشـــده – تكــصد اعله البيـــه حمــــيــه
وبثنيــــته اتحط حملــــها – اوتحتمـــي ابـــراعي الثنـــــيه
ياحســـين احنــه ابثنــيتـــك – انحلفــك ابضلــــع الزجـــيــــه
*ناسك تمـــر بصعـب ظـــرف * اوتنخــاك يابــاب العـطــــف
* هالغـــمه رادت تنكـــشـــف * اوترجــــع أيــــام العــــزيـــه
- أيام الحضـر جاوزت حــدها - وذا بوجـوهنه بوبك تســـدها
نضيع اوغـزل خدمتنه ايتخلبص- وانته الكل مرض دكتور مختص
وانتـــــه احسينهــــا او انته سندهــــــا
------------------------------------------------------





الموت من يلفي اعـله ديـره – ايحط رعـب بكـلوب أهلـهــــا
يكعـــد ابكيفــــه ابرهـاتــه – العـــايلــه ايشـــتـت شــمـلهـــا
عشعشت (كورونه) عـدنـــه – معـضلــه اومحــــد يحلـهــــا
*ابكيفك يبوالأكبر بعــــد * مــاعـــدنه غيــرك أي سنــــد
*وانته اعرف ابحال البلـــــد * بالمحــــن تتـــبره كلــــها
**السياسي ايخاف عالثروه الجمعها*اوكل قاداته امأمنه وضعها
*من نحجي الحقيقه اركـاب تنكـص*وانته الكل مرض دكتورمختص * * وانته احسينها او انته سنـــدها
------------------------------------------------------
حســـين ها يا رحمـــــة الله ... او يا صـــلاتـــه او يا أذانه
انته لله انطيـــت كلـــشي ... او خصــــك ابهــــاي المكــــانه
طــالــت الحســــبه او محـــرم ... بيــن اهــــلاله ابسمــــانه
0 تعبـنه يحســــين الوضــــع 0 لانكــــدر انخــــالف شــــرع
0 او لا نكــــدر انأجـــل الدمـــع 0 دمــع الامكـــابر عمــــانه
*من يوم العلى الدنيه وعينه *تكتب عالصدور اجفوف ادينه
0الك يبن البتول العمر يرخص0و انته لكل مرض دكتور مختص
*او انته احسينها ...او انته سندها
-----------------------------------------------------




الخــدم صـبح او ليــل تــدعي ... حسـين ياباب الهــدايــه
هالـــوبــاء اكفينـــه شــره ... او علـكـتلــك ألـــف رايــــه
ليـــل و الدمـــام ســـاكت ... والسبــيـل انكـــطع مــــايـــه
*مــن مايـه جــنه او لانمــل * كـــالو وبــاء اوينتــقــــل 0 * لا والسبــوهـا اعلـه الهــزل * غــيرها ماعــدنه غايـه
*ليكـــولون شـــده او فرقـــتنه *والعباس ما تهــتز ثقـــتـنه
0او محد عالشعائر منا احرص 0 وانته الكل مرض دكتور مختص
*او انته احسينها ...او انته سندها
---------------------------------------------------
النـــاس فرصـــتها ابمحـــرم ... تغـــسل اذنــوب العليـــها
والتعــــظــم هالشــــــعائــر ... تعـــرف اشـــكد أجـــر بيها
ترتــقي الأسمى المـــراتب ... او تنضــج او يكــبر وعيـها
* عتـــرة الهـــادي اتعهــدت * او كـل المراجـــع أكـــدت
* هـــاي القناعــــه اتولــــدت* مــن أثــر ســـيرة نبيــــها
*ابكتاب الله الشعائر هاي رفعه *او روايات الصحاح اتكول بدعه
معقوله الروايه اتخالف النص - وانته الكل مرض دكتور مختص
• و انته احسينها او انته سندها
خادم أهل البيت عليهم السلام / ابو حيدر المجراوي /1442 هـ /2020 م

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يبو فاضل بدمعه نادت عالكفيل
يالعفتني الوحدي


(( زينب ))

وياك جبت العمر كله عودتني
ليش بين اجناب ياخويه عفتني
شلون ياعباس لو هسه شفتني
تموت ماتتحمل من تشوف متني
تدري خويه ليلي من بعدك طويل
يالعفتني الوحدي



(( العباس ))

لو چنت موجود ماچان انضربتي
الدنيه اگبلها يزينب لو زعلتي
اني لو ما انتي متخلدت قصتي
انتي امي وانتي كل دنياي واختي
وآنه يمچ اشحده يگرب واليعيل
يالعفتني الوحدي


(( زينب ))

اتخيل الصار وجره خويه عليه
من بعد أيدك حبل هسه بديه
اعليك تسألني واحس النار بيه
ابيش محتاره شجاوبها الرقيه
وآنه وحدي حرت بطفال وعليل
يالعفتني الوحدي


((العباس))

ردت ارجع گطعو يساري ويميني
احضنت جودي وبعمد شگو جبيني
وسفه حال الموت مابينچ وبيني
من اجاني السهم يختي وطفه عيني
طحت مرمي وعالترب دمي يسيل
يالعفتني الوحدي


(( زينب ))

بعد عينك كلشي ماضل بحياتي
ماتفارگني صور كل ذكرياتي
يمي ردتك يـالاخو ساعـة وفاتي
حتى انته اتغمض عيوني بمماتي
آسروني وللاسف حان الرحيل
يالعفتني الوحدي


(( عباس ))

والدي وصاني والقصه عجيبه
فوگ موتي اشعر بنار المصيبه
شلون بالطف راح تبقين وغريبه
بيچ مشغول وافكر يالحبيبه
انتي روحي يا اعز واغله خليل
يالعفتني الوحدي




الشاعر السيد رياض الرسل الجابري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
السيده زينب تخاطب النهر..


وين راح..عباس يمك يانهر ضيعته
خو ما طاح..بس كله لسه تنتظر جيته اخته

لمن اجالك مارجع
كله ترى حسينك وكع

خو ماطاح..بس كله لسه تنتظر جيته اخته


النص الاول..

كله العفتهه بغيبتك لسا بعدهه اتانيك
وياك تحجي ولو رحت وي روحهه تسولف بيك
مو خوف طفتهه الخيم خافت النار تجويك
ترسم عيون بلاسهم خاف الرسم هم ياذيك

احجيله عني و وصل الصار وياي
عباس هذا الشوفته تعادل ماي

فراكه مثل نار وشمع
مثل امي كاسرلي ضلع

لو ضاع مني اني الومك انته
بس كله لسه تنتظر جيته اخته



النص الثاني...

مو هو يتركني بغرب وابقه بهضم روحي احتار
عالكاع لو خلي اثر يمحيهه ماتبقه اثار
عشنه كلب يعشك كلب مملوح عشك الزغار
لو صوتي هو يسمعه من روحه هم يبقه يغار

لو ماتعرفه اني اوصفلك زين
اوصافه تشبه شامه بخدود حسين

كمر العشيره مهندم
مثل العطر هم ينشم

وشما اوصفه جني ما وصفته
بس كله لسه تنتظر جيته اخته



النص الثالث...

ماظنه من يمك عبر وبروجتك تبقه انفاس
ياهو التجر ريته النفس وبصفه يعبر عباس؟
بس انه لاجمني الكلب وبروحي صاير احساس
ايكلي اخوج بلايه جف وبحافر الخيل انداس


اذاني جفي..جفوف اخوي شبيهه؟؟
عيوني رفت..عينه من عاميهه؟؟


بس كلي هسه وينه
مشتاكه ابوسه بعينه

امنيتي احجيله الحجي الماكلته
بس كله لسه تنتظر جيته اخته




النص الرابع...


حسيته مايرجع لمن حاطني خيل وخيال
عباس واحد..من رحل حسيت راحولي رجال
وكطعت ظني وايست من صار بجفوفي حبال
تدنيت يم المشرعه وصار الحجي الماينكال


اعرفته مذبوح وشنو الصاير بي
لاكيت جفه الباقي وين اني الكي؟

مر بيه ولله منظر
اخوي شفته موذر

امنيتي لو من شفته ما جن شفته
بس كله لسه تنتظر جيته اخته



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

كلام مولاي ابي الفضل العباس لاخيه الحسين صلوات الله عليهم قبل الوداع




اليوم هذا اخر لقاء ابينه
وباجر العاشر نموت ثنينه

يخلص الطف..ينتهي بابشع صور
تدنه يمي...خل اشمك بالنحر

▪▪▪▪

النص الاول..

الليله اخر ليله اشوفن راسك ونحرك
باجر ال الله يرحمه تنحجي بظهرك
باجر ولا ضلع صاحي يبقه من صدرك
لكن انه ما اعوفك كبري يم كبرك

الليله لتخليني اعوفك
باجر موذر اشوفك

ياعضيدي..هذا موت ومو سفر
اتدنه يمي...خل اشمك بالنحر


▪▪▪▪

النص الثاني..

كلب ماعندي لوداعك حيل مابيه
باجر عيوني التحبهه تصير معميه
خل احضنك باجر انه جفوفي ماهيه
خويه ذبلني العطش والروح مجويه

موش موت الله متت
انه بالخيل اندست

انت عايش..واني احس ظهري انكسر
اتدنه يمي..خل اشمك بالنحر

▪▪▪▪

النص الثالث..

جتي زينب فوك نحرك لطمت وناحت
صوتهه تغير يخويه بكثر ماصاحت
تشوفهه وكبال عينك وي غرب راحت
تمشي واخوه وياهه ماكوشلون لوطاحت

تطيح خاف وتنولي
تصيح وينك كافلي

واليكفلج..كلهه مرمي عالنهر
اتدنه يمي خل اشمك بالنحر

▪▪▪▪

النص الرابع..

على خيامك خلي عينك جي حرم بيهه
زينب لوحدهه باجر جمر يجويهه
وبوسلي دمعة رقيه وسلم عليهه
ديربالك لا يجروهن تراجيهه

وخنصرك جيبه اليه
وانت هاك جفوف اديه

ولبناتك..دموعي اسويهن بحر
تدنه يمي..خل اشمك بالنحر


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#نزلة

شال بيده الرايه .... وكال بس احجايه
اله امحيها.... اله امحيها
___________________________
نزل للحومه ابو فاضل شايل بجفه العلم
اخو زينب صاح بيهم اله اموتها الزلم
كلها نادت ياابو فاضل هذا واقع لو حلم
كطع الروس بيمينه ياهو للروس اليلم

بيده دك الثايه..... وكال بس احجايه
اله امحيها.... اله امحيها
___________________________
هد عليهم مثل حيدر من يطب اعله الحرب
ناس غرباً ناس شرقاً ضيعو حته الدرب
من نزل صاحت الوادم هذا صكار العرب
هاي كلها أو ابو فاضل مايه ماضاكه وشرب

للنهر رد مايه ..... وكال بس احجايه
اله امحيها .... اله امحيها
___________________________
الناس ما شافت الكافل شافت بوجه علي
من نزل للحومه فار ودمه ضل يغلي غلي
وصل يم الماي ناده خيتي يا روحي وهلي
راح اجيب الماي الكم وانتي خويه ادللي

الماي هوه الغايه .... وكال بس حجايه
اله امحيها.... اله امحيها
___________________________
كل بشر بلحومه بيهم آخر انفاسه شهك
زلمه عاين لبو فاضل رجف وبوحده عرك
راد يبلع ريجه لكن صدله وبريجه شرك
كون اليشوف ابو فاضل شاد بزنوده علك

هوه وحده اهوايه.... وكال بس احجايه
اله امحيها .... اله امحيها
___________________________
نزل للحومه ابو فاضل ما مفكر بلعدد
ابد ما همه العمود أو أبد ما همه الزند
ناده ياهو الزلمه بيكم خل يجي عليه يهد
انه احبنه اليقابل ما احبنه اليرد

ياهو يخلف رايه ..... وكال بس احجايه
اله امحيها.... اله امحيها
___________________________

خادمكم
السيد احمد النوري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#ليلة_العاشر

عند مقتل الحسين ع جثم احد أعدائه على صدره واخذ يطعن في جسده في هذه الأثناء رئت زينب المنضر واخذت تخاطب القاتل قائلتن
.

كافي طعنات الجسم أذيته
حته ما يكدر يصد خليته
نايم ويتنفس
بطعن ما هيس
حته ما يكدر يصد خليته
__________________________
كافي لا تطعن بعد ما بيه حيل
هوه بس هلنور عندي وعكبه ليل
جسمه من طعناتك بدم ضل يسيل
ياهو احشمنه بعد عكب الكفيل

جرحه حسيته وعرفت اصوابه
بلكلب يدعي ويون لحبابه
ربي زينب احرس
بطعن ما هيس
حته ما يكدر يصد حليته
___________________________
عگب ما هشمو ضلعه البلطفوف
آل اميه اردود ردو بسيوف
جرح مو واحد وخاطر بيدي اروف
بين كل الخيل ضاع وما اشوف

للّذبح ما صار انه حسيني
ولا الخيل ادوسه گرة عيني
المفترض يتقدس
بطعن ما هيس
حته ما يكدر يصد حليته
___________________________
الرمل هب وغفه بين الجروح
حيل انه احتاريت اضلن لو اروح
خويه منانه أواسيك أو انوح
لان عني بعيد جسمك ما الوح

شفته بجفوفه النذل من لاحك
والله حسيت بألمها جراحك
اختك أو اتحسس
بطعن ما هيس
حته ما يكدر يصد خليته
___________________________
مر خريف الطف وخّذ كل الخضار
منه لا ضلت زغار ولا كبار
چنه بيها الخيم هسه بنصها نار
خويه بطراف العبي صار الشرار

ياهو عكبك خويه يحمي عيالي
والخيم بس نار بيها تلالي

ضعني ياهو اليحرس
بطعن ما هيس
حته ما يكدر يصد حليته
___________________________
كون تسمع صوتي رد ليه الجواب
زينب انه وتدري ما احمل غياب
من تركت الخيمه راسي وكلبي شاب
ليش عفت اختك رحت يم التراب

التراب شبي رحت تمشيله
الليله انه بدونك امشي الليله
لجلك انصب مجلس
بطعن ما هيس
حته ما يكدر يصد خليته
___________________________

خادم الغريب
السيد احمد النوري *

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


آهات حميدة (ع)


غريب انته غريب انته
صدگ بويه غريب انته
ــــــــــــــــــــــــــــــــــــــ
يعنبر گاعنه الخضره .. يمونس الفلح بالشم
حلاة البيت لو بالبيت .. كل العـــــائله تلتم

گالو مامتت مذبـوح بس مشمور من اسطوح
يماي الطاح واتبــدّه عطشانه عليك الروح

تجي يمته تجي يمته
يبو طـــاهر تجي يمته
ــــــــــــــــــــــــــــــــــــــ
يبويه اجنازة الوالد .. لو شافتهه الابنيّه
تحضنهه وتقبلهه .. واتغـرّگهه حنيّه

وآنه ابدفنتك ماجيت من ابعيد بس حسّيت
طوعه ياحميده اتصيح طاح العمد من البيت

ولا شفته ولا شفته
الفرح بعدك ولا شفته
ــــــــــــــــــــــــــــــــــــــ
چانت مزهريتنه .. ملتم الورد بيهه
الدنيه بويه مو حلوه .. بس انته الامحليهه

چنت ياشمعتي اتگلي ومن الصبح تضحكلي
وايصلّي وراك الخير من تتوضّه واتصلّي

جزه وكته جزه وكته
العتب بويه جزه وكته
ــــــــــــــــــــــــــــــــــــــ
آ ياچلمة شلونك .. واليمته تجي ويايوم
على كل القبور الناس .. لازم تكتب الـمرحوم

وانته ابگبـرك العنوان خل يكتبلك الدفّان
زلم ما طلعو بيومه مسلم دفنته النسوان

متت سكته متت سكته
مثل شمعه متت سكته
ــــــــــــــــــــــــــــــــــــــ
اتمنّه انسبي امن اليـــوم .. روحي اعليـك مفجوعه
اخذوني الكوفة الاحزان .. حته اتلاگه وي طوعه

واگللهه الزمن دولاب دوم ايفـرّق الاحباب
تگلي الفـرح گدامچ واگللهه الفرح جذاب

حزن عشته حزن عشته
العمر كله حزن عشته
ــــــــــــــــــــــــــــــــــــــ
حميده ازغيره عالفرگه .. يالعايفني اتوجّع
يبويه ومسحو ابراسي .. يعني الراح مايرجع

يتّمني الزمن مرتين مره من حضنّي احسين
وگلالي البگه ابراسچ ومره ابضيعة الطفلين

يجي البنته يجي البنته
مته الغــالي يجي البته


#العبدالحسيني_محمدالجماسي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA