#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نزله للعباس ع

عطشـت اعيالـه وتشـب نيـرانها
ويـن أبـو فـاضل گمـر عدنانـها

**************

الارض ترجف ظلت الجيش انذهل
گـالـوا الزلزال حـــل بيـنه ونــــزل
هــذا بـن حـيــدر علــي ذاك الفحل
تنهزم  كل الكتايب من تشوفه اقبل

يســلــب الارواح مــن ابــدانــهـا

***************

ما يبالي الموت  متهمه  الحيـاة
حاطته العـدوان مـن كل الجهات
بكل عزيمه وزود يوصل وبثبات
يملي جوده بماي من نهر الفرات

خـله سيـفه أيـطبـر بعـدوانــها

*************

ضيعـت درب المفـر ذيـج الالـوف
الموت الاحمر شافو بيوم الطفوف
 بكل صلابه البطل فرقها الصفوف
شگ طريق المشرعه رغم الانوف

وكـفـو مـن عبـاس رافـع شانـهـا

************

هـم يوصـل المـاي لسكـيـنه الكفيـل
يطـفي نـار التسـعـر بگلـب العليـل
الجربه تارسه ورجف حتى النخيل
 بالغدر صابوا اجفوفك يالاصيل

الكـوفـه مـعـروفه الغـدر عنوانها

*************
 
بسـاحة الطـف كطعـوا أركـان الفخر
طاحـن اجفوفـك يبـن فـارس مضـر
بطيـحـت العبـاس والسبـعة عشـر
بين اعله حسين مكسور الظهر

يـــوم عاشـر غـدرو بشـبـانـها

*************

بقـت زينـب هايـمه عـله المشـرعه
مـن درت بجـفـوف اخـوه امگطـعه
ســهــم البـعيـنه تــريــد اتـطـلـعــه
طاح  كافل  زينب  وطاحت  معه

وخــده امـوسد علـى كـثــبـانــهـا

**************

نادتـه والحيـل مـن عـدهـا انهـدم
وحيل  مابيه تصيح  من  الالم
الصاب عينك ريته صايبني السهم
 طاح سور البيت من طاح العلم

بسهـم عينـك زودت احـزانـهـا

*************

گعـد يمه احسيـن يمسحله التــراب
يكله اخويه ادريك ما تحمل اعتاب
من وصيـة سكنـه وعُظم المصاب
واعـدته وتـنـتـظر عـذب الشـراب
 
هـل عطاشا اعيـالـك ورضعـانها 

***************

شلـون عـل الغبـره اشوفنك طريح
تثغـب اعيالك بجـي أوون ونويح
عـل المخيـم خويه لو هجمو شصيح
 كوم اوكف لختك  وبالك  تطيح

جنهه زيـنـب ضيـعـت خوانـهـا

***************

             نسالكم الدعاء             
الأستاذ الشاعر محمد بلبول العكيلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


روحي ماتحمل وداعه،،، خلني يم حسين ساعه
بالله ياحادي الابل،،، زينب ودمعي يهل
خلني يم حسين ساعه
،،،،،،،
خلني ويه ابن امي خلني من زمانك ساعه وحده
بلكي من يدريني يمه تنتبه روحه اوانشده
ياجرح ماذيه اشوفه امسح ادمومه اواشده
هيه ليله وطر صبحهه ومن بعد ما ابقه عنده
منه اريد اترس عيوني
من گبل لا يبعدوني
بعد مايلتم شمل،،، زينب ودمعي يهل
خلني يم حسين ساعه
،،،،،،
ساعه ويه حسين خلني،،،بيدي انشف سيل دمه
عن شفاه وعن عيونه، ،وصدره المرضوض المه
اهوايه داسنه الحوافر،، خذمنه خذمه خذمه
ارد احط خدي اعله خده،، وشمة افراگ ارد شمة
روحي ماضل حيل بيهه،، والشماته اسمع حجيهه
هايه اخت اللي انجتل،،،زينب ودمعي يهل
خلني يم حسين ساعه
،،،،،،،
حسين وانه عشنه خوه،، كل عمرنه مفترگنه
ونعم معنى الاخوه،، گلبه يتفايض محنه
اشلون اعوفنه اواروحن،، محنتي مامنهه محنه
امشي عنه ويبقه هوه،، ريت اموت ولمشي عنه
اشكد نخيت ايجيني موتي
من هظمتي ابعالي صوتي
ولمشي عنه اعله الهزل،، زينب ودمعي يهل
خلني يم حسين ساعه
،،،،،،،
من عسن لا طال عمري،، ولا شفت هاي المصيبه
عالرمال ابن امي مرمي،، امخضب اهدومه سليبه
وانه ناري جن خيامي،، ابگلبي تتوجر لهيبه
حسين ابمصابه رماني،، ابحيره مهظومه وغريبه
واجفه بين العساكر،،وكفتي تكسر خواطر
جفوفي مجتوفه ابحبل،، زينب ودمعي يهل
خلني يم حسين ساعه
،،،،،،،
خل اصيح ابعالي صوتي يمه يالزهره الزجيه
حسين هذا الغالي عندج،، منذبح بالغاصريه
يمه عنه راح اروحن ،، للسبي لديار اميه
حظري يمه يالحبيبه ،، يعينه الله ابهالرزيه
يمه نصبيله عزيه،،، كل صباح وكل مسيه
مصيبته اتهدم جبل ،، زينب ودمعي يهل
خلني ويم حسين ساعه
،،،،،،

الشاعر الحسيني رحيم عشبان السماوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



(نزال بدوي)

ياهلا بشيخ العرب.... بدر العشيره


موت وصياح وردم دنيا شبلاها
تاه اليدور المفر من لولحاها
عباس وطب عالشريعه وكابلاها
والحومه بيد الكمر صارت زغيره.....

ياهلا بشيخ العرب.... بدر العشيره

__________________________


شيخ وتنومس فخر وخته تشوفه
ترعب طبول الحرب طكت جفوفه
والي يكابل غضنفر ما يعوفه
بصوابه سبع الزلم.. وجها يديره

ياهلا بشيخ العرب... بدر العشيره

__________________________

ياهلا بشيخ العرب وبكل صفاته
طشر دلال المضيف وذب عباته
بيرغ رسول الله بيده ويا حلاته
. للخيمه نهر الفرات يكول اديره.....

ياهلا بشيخ العرب.... بدر العشيره


__________________________


ياسايج الموت كرب لليتامى
يومك يبن حيدره يوم القيامه
من عكبك اعلى النهر نقرى السلامه
عكبك يكافل ضعن زينب اسيره....

ياهلا بشيخ العرب.. بدر العشيرة


__________________________



ياجميل العين رد ثار السبايا
وطرك بيديك الخلك مثل المنايا
لو طحت عكبك اضل ابلايه رايه
باجر يمشوني عكبك ديره ديره....

ياهلا بشيخ العرب.. بدر العشيرة


__________________________

السيد احمد الاعرجي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



هوسات في شجاعة علي الاكبر عليه السلام :
* * *

علي مفخر للشهامــه والعزم والزود
علي صياد الرجال وفارس ومشهود
بطل صنديد الحرايب ماتهمه حشود
ضرغام ويرهب بتاره
 
* * *
 
ركب مغضب يهز الكاع من شاف الفزع جرار
حمل وأنذهلت الفرسان جن شمرة علي الكرار
فر الكـــوم شبل حسين مهول بالحرب من غار
وحتارت بيه كاع الحومه
 
* * *
 
بنهار العاشر بعاشور عملــه وباث سواها
وياهو اليكوه هالمغوار نجل المرتضى وطاها
تردم غدت جالغربان حين الحــــوم يعلاها
ضاكوه المر من بتاره

* * *
 
أهتزت ساحة الميدان سردال أوكف بيها
الموت المر طعم ملكاه الاكبر ذل معاليها
تتناثر زلم وخيول تشرد لو دنـــــــه ليها
يوم الطف خيبر عاداها
 
* * *
 
الاكبر من نهض للكوم طفح طوفان صبــره وفاض
تروط الكاع ترتج خوف ماجت من غضب وأغتـاض
صرخ صرخة أبوالحملات صاحوا موت هذا وهاض
والكون أظلم بهل الكوفه
 
* * *
                                                 سلام المشعل
 

👇 رابط قناة التلگرام الخاصة


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


لمولاتي فاطمه العليله س

راح الضعن..ومدللتكم ضلت بهضيمه
راح الضعن..والعيشه بخلافك تره اليمه
راح الضعن..وانه اعطشت شوفتكم الكريمه

زمان تعبني
بعذاب عيشني
البعد روعني
الهجر فرهدني

يابويه بجفاك صعبه ليلي انامه
والغربه بعدك صارت الي حمامه
وانته اعرف شلون بحال اليتامه
لو جل الغروب تخنكني ابتسامه

راح الضعن..والغربه يابويه ولتني
راح الضعن..والحسره يابويه كلتني
راح الضعن..والونه دكت بابي واجتني

راح الضعن..راح الضعن

دلال ابجيله
كفيل احجيله
اتاني اليله
يرد واشكيله

ياعمي وشلون عفتوني بغربتي
ياهو الالي هنا لوكبرت وحشتي
ياهوه اليطفي ياعمي جمرتي
تسعر تره النار وبكليبي حسرتي

راح الضعن..وانه انتضر واحد يصيح اليه
راح الضعن..راحو اخوتي وهم خذو رقيه
راح الضعن..انه بقيت لوحدي اصفك بديه

راح الضعن..راح الضعن

حيات ماتسوه
واعيشن كوه
رحل ماهوه
ابوي النخوه

اليبقه يتاني انفاسه تخنكه
الفاركله غالي لوعاته تحركه
يثكل تره عليه الهوه اليشهكه
يضل تاني مرسال من اليعشكه

راح الضعن..وانه بدمعتي غركت اديه
راح الضعن..وتكبر حسرته الي بعد اخيه
راح الضعن..ونار الهجر مابيه كل حميه

راح الضعن..راح الضعن

خيام احتركت
عفاف انسلبت
عيال اجوت
عيون اطفت

يابويه اشوفن عماتي سبايه
الناكه هزله وماكوه وياه رايه
عبدالله مذبوح عطشان ع مايه
وعين الكفل ذيج تطفيه المنايه

راح الضعن..وضليت اتاني رايته ترد عليه
راح الضعن..وردتلي زينب عمتي وصفيه
راح الضعن..رد الضعن بس بويه ماهيه رقيه

راح الضعن..راح الضعن



محمد تقي الزاملي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مشوا عني الاحبهم وابعد الحادي
بكت روحي الحزينه تبجي وتنادي
واتوسل يهالماشين وانشدهم سفركم وين
---------------------------------------------------
مشو عني وبكت ديرانهم ضلمه
بكيت اصحه وانام واكعد بهضمه
لا جلمة يبويه اسمع ولا عمه
وكلساع الهوه يزيد الگلب لجمه
ومنتظره يجيني البين وانشدهم سفركم وين
----------------------------------------------------
عليله و وحدي بالبيت خلوني
ومن كد البواجي راحت عيوني
لا عبدالله يمي واليونسوني
واخاف من السفر والبعد ينسوني
وبس اصفج بالايدين وانشدهم سفركم وين
--------------------------------------------------
صعدوا بالمحامل واكطع الحداي
ومحد عد يمنتي وفارغه يسراي
كلت ياروحي يله خل نطش الماي
هلبت وره مده ولن سفرهم جاي
واكحل بيهم العينين وانشدهم سفركم وين


جن الليل وحدي بيت الاحزان
لايمي ابو ولا يمي خوان
تفز الروح لمن تسمع اذان
وامد سجادته وافرش الديوان
وماكو بيتي مصلين وانشدهم سفركم وين
-----------------------------------------------------------
اتذكر ايامي الچانت وياهم
ياذاك الشمل ياحلو محجاهم
حياتي مو حياتي عگب عيناهم
ولون انسه الهوه هيهات انساهم
ذوله الهسه والبعدين وانشدهم سفركم وين
---------------------------------------------------------------
امل جان الامل شوفتهم معودين
واسمع عله الباب صياح المهلين
عاد حسين عاد حسين عاد حسين
واشمه بمنحره واشبك بصدره سنين
وبشوفه اكحل العين وانشدهم سفركم وين
---------------------------------------------------------------
لجن مو مثل حسبي مشت هالايام
من رد ابن حذلم ينعه ب الالام
يدك عله الصدر ويذب ثره عله الهام
يهل حسين جسم حسين عاري عله الرمل نام
ايسي ولا تتانين وانشدهم سفركم وين
سعد رحيم العبادي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عليله...بداري وحدي ضليت
عليله...راحو واضلم البيت
عليله...وانه بحسره ونيت
عليله

يابويه بلفركه اختنك وفراكك بكلبي بده
من يعطش يموت الورد وانتم سوالفكم نده
الدنيه ضاكت من رحت يابويه وفراكك غده
ينهش بلضلوع وصبح حجي اليمر كله رده

غريبه..بلباب انتضر جيتك
غريبه..شو ماتضكر بنيتك
غريبه..الوحشه طبت لبيتك
عليله

من بيتي سافر والدي ودلالي بلفركه نمرد
كلبي نعصر من فركته وماضنه لدياره يرد
الحنيه راحت وي هلي والضيم بيه منفرد
معروفه من يذبل غصن ماتبقه ريحه للورد

وحيده..راحو كل هلي عني
وحيده..بقيت بلوعتي ووني
وحيده..ابقه بغربتي جني
عليله

متعوده اشوفك كل صبح وتمر عليه عمتي
ماادري ابقه بلغرب وتبقه الي بس حسرتي
يابويه لو طال الهجر منهو اليسكت عبرتي
عبدالله خليلي ذخر بويه يسدلي وحشتي

عجيبه..شالت كل الضعون
عجيبه..ضلت تجري العيون
عجيبه..اضل بغربتي شلون
عليله

من رحتو زاعلني الهوه والحضه اعدنه بشهر
عشت انه لوعات والم وعيوني شبعانه سهر
تعبانه روحي من البجي مابيه حيل ع القهر
انرسمن بخدي اثر وادموعي صارلك نهر

مصيبه..راحو اهلي اليوم
مصيبه..بدمعاتي اجري دموم
مصيبه..عاشر غربتي البوم


محمد تقي الزاملي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نلتقي ابيوم الحشر والحكم الحسين

يلّي حــاربت الشعائر بطل احسلّك
والله أيــامك قلــيله تنتـــــهي وتهلك
احنه تاريخك نعرفه واصلك وفصلك
گلّي شجّاوب محمد لمــــــــن ايسألك
للقـيامه انتظر والحكم الحسين

هاذي اصوات النشاز ابڪل سنه تطلع
ڪلها تتفلسف علينه واحنه مـــا نخضع
امن الاخير اني اسولف والجواب اسمع
مــــا نعوف حســـين والله وخلي نتگطع
نخسف ابحبه الصدر والحكم الحسين
####
انته كل عقـــــلك نجـوز ونترك القامه
والله ڪل مصــباح عاشر نطبر الهامه
تدري من احنه ابمهدنه صـرنه خدّامه
وانته بالعـــــادانه تعـــــرف عدد ايامه
حاله من حال الشمر والحكم الحسين

اشگد طواغي اعلينه مروا رادوا انعوفه
هوه غير حسين ڪعبه وكل سنه انطوفه
اي وحگ العالشــــريعه طـــاحن اچفوفه
الگبره ازحف حتى لو عيـــناي مڪفوفه
كاتب ابأسمه العمر والحكم الحسين


غصبن اعليـكم يخـايب نبقه مشايه
وراية العــباس تبقه اترفرف الرايه
بالضمير حسين عايش وأخذ الحچايه
باچر امن الڪوثر ايشربنه من مايه
يالتعادينه صبر والحكم الحسين

دينڪم اخذوه الڪم واليه عوفوني
انه مجنــون واحبن ڪلش اجنوني
ابحب ابو الاكبر تراهم اهلي ربوني
امتيم وعــــاشگ تراني لا تلوموني
ننتظر بشره الفجر والحكم الحسين

وليد المندلاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(نزله للعباس ع)
-----
حالف اله افنيهه       كربله وما بيهه
انه ابو فاضل          انه ابو فاضل
**************************
اقسم بربي تعاله الواحد الفرد العلي
كربله اكلبهه بهلهه من بعد اذن الولي
سيف ما سلا عليهه بس اصيح اتزلزلي
غيره الكرار عندي وزودي من حيدر علي
للحرب راعيهه      كربله وما بيهه
انه ابو فاضل      انه ابو فاضل
***************************
اليوم اميه وجيش اميه حسابي وياهم شديد
كربله بجفي المهه بيه اسوي شما اريد
بضربه امحيهه باسرها كربله وزمره يزيد
واوصل لقصره وادوسه خاف حسباله بعيد
الشام اوصل ليهه     كربله وما بيهه
انه ابو فاضل    انه ابو فاضل
*****************************
بالكتاب اقسم يزينب قسماً بنزله
حسين لو يسمح اليه اله افني كربله
بس نويت على المعارك قره سيفي الزلزله
والرمح سجيل يمطر بس قرات البسمله
بس نويت عليهه       كربله وما بيهه
انه ابو فاضل     انه ابو فاضل
*****************************
زينب وداعت عيونج لايهمج هل سواد
العدد لاما يهم شما كثروشمهما زاد
انه عباسج يزينب اله احصدهم حصاد
بس لمع سيفي ابيميني هتزت السبع الشداد
بظربة ما ثنيهة    كربلة وما بيهة
انه ابو فاضل      انة ابو فاضل
*********************************
شما يريد حسين مني حاضر ويامر امر
لو يريد الشمر مني هسه اكص راس الشمر
يخسه بوجودي اليصلة الهواء بس بيه يمر
عمري اقدمنه لحبيبي شكو اغله من العمر
روحي اله افديهه       كربلة ومابيهه
انه ابو فاضل      انه ابو فاضل
*************************************
زينب اتكسرين ضهري خويه كافي امن النحيب
خوفج اعلى حسين بعدي لا يظل بالطف قريب
وخوفج ادوسه الحوافر باجر وشيبه خضيب
وخوفج يكطعون اصبعه والجسد عاري وسليب
هذا امر باريهه      كربله وما بيهه
انه ابو فاظل       انه ابو فاظل
*******************************
للشاعر عباس الصالحي  
19/9/2018
(يهدا ثواب هذا العمل الى روح والدي )
 


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ثوب المفارِگ حزن               ودنياته تابوت
وگلبه يابس چن غصن   كل نبضه بي موت او
روحه نسمه بلا وطن.       وكل شهگه بي موت

عايش يضل بالنّوح       والفرگه تچوي الروح

***************                

عايش بديرة حزن          دمعته امفيظه الجفن 
                     الخلّه دفاّن
الفرگه ثوب المنذبح      وكلهه ساعاته جرح
              بگلبه نيران او غصنه ذبلان


وبروحه تاكل كل وكت.              وحشة خليله
الياخذ اعز ناسه الگبر                   مايبقه حيله   
والفرگه مزروعه بهضم.               جمره بدليله  

بذكره   يبقه يلّچم        وبحزنه مذبوح
وصورته حتّه بحلم       عن باله متروح
  او
بگلبه يرسم صورته      ويچوي ذكراه
الفرگه تسلب راحته       ويألمه ملگاه

بسيف الالم مذبوح
والفركه تچوي الروح

***********************
عايش بهيمه وغرب.      الدافن اعزاز الگلب
                                او المفترگ عنه محب
          صاحبه النّوح

الكلبه بالفرگه انسحن.      وضايع بعينه وطن
             باقي بي روح؟

يگضي العمر لابس جرح.          مكسور الجناح
وچن ورده بالصحره انزرع.     العنّه المحب راح
وفراگه حد اليوم الجفن.           بدلّاله ذبّاح
                                          او اموجّر انياح

عمره كلّه طعمه مر.       وللفرحه سد باب
وللمنيّه ينتضر                 الفارگ ا حباب

طول العمر مجروح.        والفرگه نار الروح

*********************

هوّ والميّت سوه   الغايب العينه ضوه
            ويشهگ بآه

ماي عينه كالحمم. عايش بروج الالم
وصعبه ينساه

تسبيحة الروح الهضم.       الغارگ بالفراگ
الضاعت حلاته بالترب.        و الخلّه مشتاگ
والكون من عنّه ابتعد.           ابناضره ضاگ

عايش ابير القهر        ومعاشر ادموع
الفارگ اعزاز العمر    وللموت مفجوع

دمعه يضل مسفوح
والفرگه تچوي بروح

*********************
التنضره امحدّب رمش.       طير ومظيّعله عش
                   فاگد احباب
غيّم اعليه الشجن.      خلّه من عينه ضعن
                اتغطه بتراب

ينطر رجعته وماير د.            وتبدّه چن ماي
وطول العمر عايش ضمه دافلّه روّاي
والخل تموّت فرگته.               الطّبعه وفّاي
                            

كالسمه ايعيش العمر   امضيعه اهلال
الرايح العينه نضر.        مذبوح بالبال

من عطره همّ ايفوح
الفرگه تچوي بروح

********************
بكربله أفجع صور           الفرگه صارت عالنهر
               بين الاخوان
بچّت اعيون النهر.            حسين طايحله گمر
              الكلشي اله چان

افراگ الاخو يچوي والعضم      وشصار بحسين
ابعينه من شاف الكفل.          بلايا جفين
وشاف المثلّث للاخو       طافي اله العين

عالشريعه انفطر    دلّال الحسين
من وگع يم النهر   اهلال السنين

صعبه الخيامه ايروح
والفرگه جمره بروح
**********************

ماشبع منّه شبگ         حسين گلبه محترگ
                     راح عبّاس
باس جفّينه بألم.          ولو يحرّكله السهم
يذبح احساس


عالمشرعه حيله وذر. ضل يندب آلان
ضهري انكسر وحدي صرت. بالغربه حيران
ماعندي اخو الضهري ضهر مابين عداوان

بدّه حيله اوودعه       الغالي عباس
ورجع لخته بمدمعه. . ومدنّگ الراس

عاف الاخو مطروح
والفرگه تچوي الروح

********************
خادم الحسين سيد سجاد العميدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

للحسين بالعمــــر ضحينــــــه
.............................

هذا وهمان اليفكر ما نسوي قرايـــــــه
انت هم فديوم سامع نهر زاعل مايـــه
الگال ما نحظر مجالس خله هو ورايه
هي هاي الدنيا كلها الخاطرة مسويـــه

هويناه والله يعلــــم بينــــــه
للحسين بالعمــــر ضحينــــــه
.............................

مثل عند الناس كلها الوادم يعرفونــــــه
مو ابو الحكمه المجرب چانو يسألونـــه
كربله لكلمن مريض ترابها يوصفونــــــه
التطيب الأعمى حتمن هم تطيب كرونه

من الأمراض مجلسه يشافينه
للحسين بالعمــــر ضحينــــــه
.............................

حسين نتنفس محبتك لا تضن نشتم هوه
الما يشم من كربلائك هو و الميت ســــوه
بعالم الذر وهوينه وصرنه نعشگ نينــــوه
يا مرض يمنعنه وانت ندري بترابـك دوه

بالاخطار ابد ما همينــــــــــــه
للحسين بالعمــــر ضحينــــــه
.............................

تريدنا نقيم المجالس فاطمة توصينه
حسين ما نگدر نعوفه بمجلسه تربينه
أنصار يا زهراء احنا و عالعهد ضلينــه
ويا نضل ما دام لسه عرق ينبض بينه

روافض تــــدري ما ذلينـــــــه
للحسين بالعمــــر ضحينــــــه
.............................

ما نعوف الخدمة لحظه اي نضل خدامه
الما نذر لحسين عمره شنو نفع أيامــــــه
الفكر نعوف المجالس عايش باوهامــــه
وإحنا من هسه للعاشر حضرينه القامــه

قهرناه كلمـــــن يعادينــــــــــه
للحسين بالعمــــر ضحينــــــه
.............................







✍ حسين الفيصلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزله للحسين
**السيد
هادي الموسوي الناصري

كلا معناهه قسم..؟..ماگلت عمرك نعم
(نبقه خدامك نعم.؟.نبقه خدام)
***********
ياسين مرجـان إوفجــــر
ابهـــاي السور نــذكـرهــا
يحسين لا… مــاتنمحــي
ذكرك يظــــل مصدرهـــا
يالجبهتك وجـــه الشمس
كــــــــل عاشــر اتعبرهــا
شتظن محبتك تنتـهـــي
ابكل مجلس اونذكرهـــا

إي وحك راعي العلم..؟..ماگلت عمرك نعم

(نبقه خدامك نعم..؟..نبقه خدام)
**************
يالتحوي آيات العشك
رب العلى أمنـزلهـــــا
حسين يادمعة حــزن
كــــــل عاشر انسبلها
وابمنحرك كل القصص
ثغــر العطش رتـلهــا
مشكلتي وياك ابتدت
يحسين يمّــك حلها

طايح ابكلبك سهم..؟..ماكلت عمرك نعم
(نبقه خدامك نعم.؟.نبقه خدام)
**************
يالراسك ابصهوة رمح
يقـــره الكهف والتوبـه
واحدنه عريان إنتخـه
منــــك يطالب ثوبــــه
مشتاكه هالوادم الـــك
واحد يحب محبوبـــه
يطلب ملابس خدمتك
ويصيح آخـــر نــوبـــه

ثوبك إعلينه رهَـم..؟..ماكلت عمرك نعم

(نبقه خادمك نعم..؟..نبقه خدام)
***************
احدى العجايب للزمن
عايش حسين اويانه
هـــــوّه شفيع الاخره
نور اوهوى ابدنيانه
ننساك احنا اونفترك
ماأظن ابـد ينسانـــه

تقسم أبرب القلم..؟..ماكلت عمرك نعم

( نبقه خدامك نعم.؟. نبقه خدام)
**************
يالتـقـــره آيـــات الكهــف
اترتـــل اشفاف النمحـر
صارت ادمومك چن قـلــم
عالسيف ضامي اتصبّر
چــــم نبي هاليمك سجـد
يدعي ابدعاءالمضطــر
وايصيح يحسين اشعجب
عالومله ضامي امعفر

دمك ايخط بالقيم..؟..ماكلت عمرك نعم
(نبقه خدامك نعم.؟.نبقه خدام)
*************
يالرايتك بيـضـه تـظـل
طــول الـزمن نرفعهـــا
بچفوف ابوفاضل بقت
انبتـرن فـــلا رجعــهــا
لمّـن يجينه المنتـظــر
عيسى النبي يدفعهــا
ابثاراتك إينادي يظل
كـــل البشر يسمعهــا

تهزم افكار إووهم..؟..ماكلت عمرك نعم
(نبقه خدامك نعم..؟..نبقه خدام)
***************
الحمد لله رب العالمين
ديــوان
دموع الهاشميات
الجزء الرابع


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ردات حُسينيه لموكب اللطم لشهر محرم الحرام 1442 هجري – 2020 م
لشعراء من خدمة أهل البيت ع

اليوم الأول اللوحة الأولى تجديد الولاء والعهد الشاعر / سيد علي الصرخي


أتحـــدونـــه وگـــالوا هــالعام مـوكب متقيمون
بگلــوب العشـــاگ أحسين ﭼنهــم مـــا يدرون
بــالتفجيــر أتحدينه ويم حسين أتعنينه
شنهو المــرض شنهـو الموت جينه أو واسينه
مــوتـوا مـوتـوا بحقـدكـم

اليوم الأول اللوحة الثانيه تجديد الولاء والعهد الشاعر / سيد علي الصرخي

العــالـــم خـــل يسمــع هالصوت من المواكب
نصــدح بـــأسم أحسيــــن نصيح دوم ونطالب
ننشد بأسمه الحـريه ضـــد هاي الحراميه
ونحـــاكـــم بـالحـق أنـريــد كل مجرم غاصب
مــوتـوا مـوتـوا بحقـدكـم
*************************
5

اليوم الخامس اللوحة الأولى القــاسم ع الشاعر / سيد علي الصرخي

بالحــومـــه القاسم ميهاب عدوانه وخصمه
من حيدر جده الكرار كــل زوده وعـــزمه
بشسع نعــالــه يحقــرهـم
وبسيفــه البــاشط كـرهم
وشحــده اليــدنـــه الجَّســام ويمــر من يمه

اليوم الخامس اللوحة الثانيه القــاسم ع الشاعر / سيد علي الصرخي

للقــاسم نعلگ الشمـــوع ونـــواســـي أمـه
هــالشبل الضحــه أبـــروحه وافداهه لعمه
أوصيـــة الحسـن نفــذهه
وبالحـومـه بـدمـه خطهه
وصــارت مشعـل للثــوار تنطيهــم همــه

*********************************************************
6

اليوم السادس اللوحة الأولى العبــاس ع الشاعر / سيد علي الصرخي

شــوفـوا الگمَــر راكب مُهـــر بيـــده حُســامه
طب لحــومتـــه وأبـــلامتــــه وارجز كـلامه
صــاح أعلــه الشمر جــاي
أبجـــودي أتـــرس المـــاي
وينـه اليعترض واليفتـــرض هـــذا انـه أمامه

اليوم السادس اللوحة الثانيه العبــاس ع الشاعر / سيد علي الصرخي

مـن فوگ المُهر اصـــدر أمَر اخَلوا الشـريعه
جــــاي بجربتي وعــد ﭼلمتي اروي الـوديعه
عهـــــــد ولازم أوفيـــــه
گلب سكينــــه ارويــــــه
واروي كل طفل دمعـــه يهل وأحسين أطيعه

**********************************************************
7

اليوم السابع اللوحة الأولى علي الأكبر ع الشاعر / أبــو باقر الساعدي

شمس نــور الأكبــر بــــوادي ىـــالطفوف
والعمـــاه إبليس مـــا يگــــــدر يشـــــوف
صـاح صــوت امــن النحر
دمـــه عــالسيف انتصــر
مـــا تهمـــه أجيــوشهــم لـــو بــالألـــوف

اليوم السابع اللوحة الثانيه علي الأكبر ع الشاعــر / أبــو باقر الساعدي

مـــا يهــاب الأكبــر جيـــــوش وسيــــوف
كتب مـــن دمـــه علـــي هـــاي الحــروف
كلمــــن يحـب الحسيــــن
مـــا يــوالـــي الظـــالمين
ألمـــا يعــرف أيفــوج يغـــرگ بالجروف

**********************************************************
8

اليوم الثامن اللوحة الأولى الرضيع ع الشاعر / صفاء الدراجي

عبــــد الله سهمـــك يبنـــي
مــن صـــوّبك صــوبنـــي
شفتك تــديـر العين ليــه ولبوك حسين
يــالمصـــرعـــك شيبنـــي

اليوم الثامن اللوحة الثانية الرضيع ع الشاعر / صفاء الدراجي

يمــــه العطش خـــلانــــي
استشهد ويـــه أخــــوانــي
ست أشهـر ومظلوم ومن العذب محروم
سهـــم الغــــدر فطمــانــي

**********************************************************
9

اليوم التاسع اللوحة الأولى المقتل الشاعر / صفاء الدراجي

گلب الخيــــــم يتـﭼـــــــوه
يسمــع معــاتب خــــــــوه
زينب واخـــوهـــه حسين
بـــــالخيــــم مجتمعيـن
جمعـــــة مــــوادع بلـــوه

اليوم التاسع اللوحة الثانيه المقتل الشاعر / صفاء الدراجي

لــو يطـــر بــاﭼـر صبحه
بگلبــي تمـوت الفــرحــه
بـــاﭼـــر تشـــوف العيـن
فـــوگ التُــــراب حسيـن
وكـــل أخـــوتــي منذبحه
**********************************************************
10

اليوم العاشر اللوحة الأولى ليلة الوحشه الشاعـر / سيد علي الصرخي

الليله وحشــه ومظلمــــه يـــــا دار الأحبــــاب
شبــوهـــا نـــار الضـارمــه أبـــوسط الإطناب
غــــاب الگمــر بسمــانـه
وعبــاس هــم مــا جــانه
ويلي أعله زينب والــدمـع مــن عدها سـﭼـاب

اليوم العاشر اللوحة الثانيه ليلة الوحشه الشاعـر / سيد علي الصرخي

الليلــــه ليلـــه مــــوحشـــه عگب الميـــاميــن
كـل أخــوتــي راحـــوا ﭼتــل ويــاهــم أحسين
أطفــــال ظلت بـــالخيَّــم
وعليل يشكي أمــن ألألــم
وحُــرمــه آنـــه والله لوحدي وما عندي أم

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#برنامج_محرم_الحرام_1442ه‍ 2020
#الشاعر_الميرزا_محمد_الساعدي
#نعي_للأخ


راح من اديه الأخو ياناس هالراح من اديه
غصبن عليه أظل الطم عمر غصبن عليه
گالوا سبيه انه بعد الأخو گالو سبيه
اعزاز ليه راحوا من اديه اعزاز ليه

صاحب الدار غرب يالحبايب صاحب الدار
يگوم ويطيح اخوي انظر لحاله ايگوم ويطيح
چنه ايصيح تعالي يالحبيبه چنه ايصيح
يالبعيدين يالبعيدين دلونه عليكم يالبعيدين

مسبيه للشام يريدونچ تره مسبيه للشام
ناس ظلام أحذريهم يخيتي ناس ظلام
أنتي الأعلام الهالنهضه الشريفه انتي الاعلام
وين مدفون دليني اعله گبرك وين مدفون

===============≈===================
6/5/2020 الأربعاء
#الشاعر_الميرزا_محمد_الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


رديت بطريجي اخطنه وماشيه
واعثر ساعة النخوه ...وماشيه
تنيت وكون اخيالك ...وماشيه
طول بطول وتكحل ابضيه
★★★
بشر روح الهلي وخبرهم ابلواي
رديت بيتم ما عندي خلان
وكول ابعالي صوتك راح الحسين
انه الرديت خالي وحملي ثكلان
كلي اعتب عليمن وانه مجروح
ابشرك يابشر ماظلي خوان
ازامط يابشر بل جان وياي
هسه ارجع وفكري صور والوان
نزعت احزام ظهري بحلك الدموم
ومارجفت اجفونه وكال خجلان
اصرخ يابشر بالموته مو موت
كل لحظه يموت وشايل اجفان
كل وذره لحم صارت بالكبور
تابوت اصبحت بس جوه تربان
انه الشكبنت والعزه للشدات
تاليه ارجعت يابشر خسران
رحت بدروب بس اكلوب الدموم
ماشفنه الكتب ولاشفنه بستان
بس ريحه غدر تتواكد الناس
وحتى اكلوبهم بالحقد مليان
جبنه الخير كله الكاع ونفوس
علا وكت النبي جان اله تعبان
لافزت النخوه وزماط اليهلون
ولاعركت الكصه وخجل انسان
اذكر جدي حيدر كلبه مهموم
علا ناس الوفه ما عده ذبلان
بنصاف الليالي يدكدك ابيوت
ولا انسان باجر يبقه جوعان
ولاجبدت يتيم ايلوحه العوز
الفقير العد علي اينام مليان

أّبِوِ حٌَّسيِّنِ أّلَفِّضّلَيِّ

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ميمر       للخدمه      زيد الشمري 


كلبي يدك           اجمل عشك 

أسمع آه يحسين اتصيح           كل دكه من دكاته 

_____ 

حبك فرض من الزغر      مربيه 

مره بيك الطعنه أحس    ومر بيه 

وعيني المحرم تنتضر      مربيه  


تسمع لطم         بي تنهضم 

من تسمع القاري اعليك         تبجي وتبجي أبياته 

____ 

حبك فرض عدنه وصبح    من على 

وانته الدوه الكلمن شكى    من عله  

وآل اميه اليوم الحشر      منعوله 


ربي انتقم       من الظلم 

حسين وكطع نحره وصبغ       ابدمه الطاهر الشيباته 

_____ 

الدنيا ابلا حسين اشيسوه    عالمها 

حبك الوادمنه  درس          علمها 

ايضل ايرفرف طول العمر   علمها 


وكل الدول           بي تنذهل 

ترفع علم من عاشور          لمن يجي بحسراته 

______ 

من زغري لآل المصطفى    آني اهوى  

وعالخدمه هيهات آني ازل   آني اهوى  

حسين العشك صار الكلب    آني اهوه 


صاغ الكلب           بيده بذهب 

ويترصع بحب اهل البيت       طول العمر بآهاته 

______ 

للشاعر زيد الشمري 

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ياعلي دمعتي مو غاليه
ياعلي بخدي ترضه جاريه
تبجي واتنوح لمصاب ياذخر يابو الشباب
ياعلي

يمه لو نيتك تجافي لا تجافيني
تدري عكبك يالولد حمره عيني
انت يازهرة سنيني اوكل سنيني
لشوفتك جانت امل تروي حنيني
من يدك بابي الحزن ابكلبي اهات التون
خضرة كاع الوجن من عفتني.
شيبت تدري انه اكبرت ميت سنه من عفتني
~~
ماتجي امك اني او حايره
ماتجي اعيوني ذني امساهره
اسهر او اكتب عتاب ياذخر يابو الشباب
ياعلي

احسب انجوم السمه وي دمعتي
شحسب اونار الهجر تاكل مهجتي
اوعطب اكليبي بعد بكد حركتي
احترك او اطفي ترى بكل حسرتي
حركتك شيب او دمع واني مكسورة ظلع
او وني دومه منسمع ياغلاتي.
ابتسم واوكع جرح هاي روحي التنذبح ياغلاتي

بس اهم تبقى روحك سالمه
بس اهم هايه روحي الغانمه
تفرح بيوم الصعاب ياذخر يابوالشباب
ياعلي
~~~~
يمه فرعون استعد يهجم علينه
او اني وي عمتك بعد شنهو بدينه
هيه تصرخ يابوفاضل وي سكينه
او اني اصيحن ياعلي ماتجينه
صوتي دوى بالطفوف سمعته كل الالوف
واني مابيه اشوف انه اخاف
الشمر يمه وراي يظرب بسوطه كفاي انه اخاف

من خفت الزمت طرف العباء
من خفت وحشه صارت كربلاء
خوفي كله عالحجاب ياذخر يابوالشباب
ياعلي
~
هايه خيمتنه التضمنه هايه تلهب
بيش اطفيها يروحي اوروحي تنحب
همه حركوها واشوفن ظهري حدب
اركضت اله واجتني يمه زينب
خافت اعليه احترك اوكلبي بالخيمه يدك
اوتالي عنه افترك صعبه اني
الطم او ابجي اوصيح. هبي طفيها يريح صعبه اني

ماشفت. روحي يمه اتوجرت
ماشفت. بحركه هيه اتشاهدت
كمت اطفي بالتراب. ياذخر يابوالشباب
ياعلي
~~~
عالهزل باجر تشاهد يمه اسيره
اني سبيه اصبحت لا مو اميره
هاذا همي من اشوفه من يجيره
احسين ابوك المنذبح يبجي حيره
بالرمح راسه ارتفع هيبه كدامي طلع
يمه لخواته فزع. ايراوي راسه
مارضه الشامت يشوف خدر الهاشم تطوف ايراوي راسه
~
اني انظر يمه روس اوعاليها
اني انظر اعرفت مو راضيها
سولفت بدم الخضاب. ياذخر يابوالشباب
ياعلي
~~~


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ياعلي دمعتي مو غاليه
ياعلي بخدي ترضه جاريه
تبجي واتنوح لمصاب ياذخر يابو الشباب
ياعلي

يمه لو نيتك تجافي لا تجافيني
تدري عكبك يالولد حمره عيني
انت يازهرة سنيني اوكل سنيني
لشوفتك جانت امل تروي حنيني
من يدك بابي الحزن ابكلبي اهات التون
خضرة كاع الوجن من عفتني.
شيبت تدري انه اكبرت ميت سنه من عفتني
~~
ماتجي امك اني او حايره
ماتجي اعيوني ذني امساهره
اسهر او اكتب عتاب ياذخر يابو الشباب
ياعلي

احسب انجوم السمه وي دمعتي
شحسب اونار الهجر تاكل مهجتي
اوعطب اكليبي بعد بكد حركتي
احترك او اطفي ترى بكل حسرتي
حركتك شيب او دمع واني مكسورة ظلع
او وني دومه منسمع ياغلاتي.
ابتسم واوكع جرح هاي روحي التنذبح ياغلاتي

بس اهم تبقى روحك سالمه
بس اهم هايه روحي الغانمه
تفرح بيوم الصعاب ياذخر يابوالشباب
ياعلي
~~~~
يمه فرعون استعد يهجم علينه
او اني وي عمتك بعد شنهو بدينه
هيه تصرخ يابوفاضل وي سكينه
او اني اصيحن ياعلي ماتجينه
صوتي دوى بالطفوف سمعته كل الالوف
واني مابيه اشوف انه اخاف
الشمر يمه وراي يظرب بسوطه كفاي انه اخاف

من خفت الزمت طرف العباء
من خفت وحشه صارت كربلاء
خوفي كله عالحجاب ياذخر يابوالشباب
ياعلي
~
هايه خيمتنه التضمنه هايه تلهب
بيش اطفيها يروحي اوروحي تنحب
همه حركوها واشوفن ظهري حدب
اركضت اله واجتني يمه زينب
خافت اعليه احترك اوكلبي بالخيمه يدك
اوتالي عنه افترك صعبه اني
الطم او ابجي اوصيح. هبي طفيها يريح صعبه اني

ماشفت. روحي يمه اتوجرت
ماشفت. بحركه هيه اتشاهدت
كمت اطفي بالتراب. ياذخر يابوالشباب
ياعلي
~~~
عالهزل باجر تشاهد يمه اسيره
اني سبيه اصبحت لا مو اميره
هاذا همي من اشوفه من يجيره
احسين ابوك المنذبح يبجي حيره
بالرمح راسه ارتفع هيبه كدامي طلع
يمه لخواته فزع. ايراوي راسه
مارضه الشامت يشوف خدر الهاشم تطوف ايراوي راسه
~
اني انظر يمه روس اوعاليها
اني انظر اعرفت مو راضيها
سولفت بدم الخضاب. ياذخر يابوالشباب
ياعلي
~~~
القيصر حسنين المحنه

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نعي حدي وداع السيدة زينب مع ابو الفضل العباس عليهما السلام..جديد
========================
السيدة زينب عليها السلام

يا راچب المهر الهدة وهونك يوالي
تدريها نيران الگلب شبت يغالي
يا لما مثيلك بالوفة ارحم بحالي
تدري بوداعك ينهدم سور العلية
=====================
العباس عليه السلام

ياخيتي ما ظل صبر وبگلبي نيران
تشكي نسانة من العطش اوياها رضعان
يا ريحت امي أو والدي يا ام الاحزان
هذا آخر اوداع واظل فوكَ الوطية
=====================
السيدة زينب عليها السلام

فراكَ يخي يحني الظهر يالغالي ميهون
ما ودي بالطف نفتركَ تتركني شلون
من زغر شلتك بالگلب وبنص العيون
عنك فلا ودي ابتعد ونبگه سوية
=====================
العباس عليه السلام

مسحي دموعچ والدمع لا لا تصبيه
بالهوني صبتيه الگلب الدمعة تاذيه
يا خيتي ليش الخيم وجهچ تديريه
هم انه يا خيتي الهجر يصعب علية
========================
السيدة السيدة زينب عليها السلام

تگربلي اشتم ريحتك يالريحتك هيل
اعله گليبي غالي ولو غبت ما انامن الليل
دگيت الي الصدر وگلت ما واحد يعيل
ابوجهك اشوفنهن علايم للمنية
=======================
أسألكم الدعاء رائد الاسدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
بويه اترجاك لا تنساني
كلبي طارشكم يظل ايتاني
&&&
يلي واعدت وكلت بويه نعم
ارسل المرسال لو نصبو خيم
عمج العباس شيال العلم
لو علي يلفيج بويه ثاني
&&&
يلي بجفاكم بكل صوتي صحت
وعل باب الدار يابويه طحت
مثل نوح الفاكده بويه نحت
وانشلع هرش الكلب ويعاني
&&&
وانشلع هرش الكلب بويه الحنين
من صحت بالصوت اسمع ياحسين
شلون بعدك بويه اكظيها السنين
وانت يابويه الملك وجداني
&&&
انت يابويه الملك كل مهجتي
تعرف بجفاك شنهو صيحتي
وجانت بروحي وظلت منيتي
ياللي اسمك بالكلب عنواني
&&&
ياللي اسمك بالكلب طول العمر
يخفف النيران ويطفي الجمر
ادعي يابويه من ربي الصبر
ياللي بعدك والهجر اذاني
&&&
ياللي بعدك والهجر صارن سوه
يمته يلفني من عدكم هوه
حامل الرايه يبويه وي اللوه
على جناح السرعه او وداني
&&&
على جناح السرعه اريدن شوفتك
بويه محتامه جثير بنيتك
ارد اشوفن طولك وياهيبتك
وارد اشمك واخذك بااحضاني
&&&

خادم اهل البيت
الحاج ابو علي السعيدي
ارد اكله لكربله يوديني..باسم



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA