#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



دعوة من گلب لازم،،،ابـن لـمـة يـرد سالم

نـذر لـومـا علـي يـرجـع اليه

اروح اميسرة وامشي سبيه




لـوجـه الله نـذرتـه اولـيـدي مااريدة
مـثـل حـسـين ناذر خـنـصـرة البيدة
لچن حسيته ظامـي من هوى البيدة
دعـيـت ومـثـل شـاعـر لوسمع عيدة

استجاب الباري مرسالي،،،ورجع من السفرغالي

گبل لا تـنزل اچـفـوفـي اليه
اروح اميسرة وامشي سبيه

٭٭٭٭٭٭٭٭٭٭٭٭٭٭٭٭٭٭٭٭

شبيه المصطفى وليدي مثل جده
اول صـورة صـارت بالـخـلق بعده
بـــرز لـمـن بـــرز وتــگــربـو حــده
طلـع عـبـاس چـنـه لـو رفـع زنـده

لجن كثرة وغدر صارت،،،الخيل ابكل كتر دارت

ترظ جسمه ابسنابكهه اشبديه
اروح اميسـرة وامـشـي سبيـه

٭٭٭٭٭٭٭٭٭٭٭٭٭٭٭٭٭٭٭٭
دخلت الخيمه وعيوني بدت تزغر
لان حس الجفن طايح علي الأكبر
البواچي اتگلي ليلة اوليدچ امـوذر
شفت حسـين راد ايشيلة مايـگدر

دمه تارس الگصه،،،،نص شاله وبقه نصه

عمت عيني ردت گبل الرزيه
اروح اميسرة وامشي سبيه

٭٭٭٭٭٭٭٭٭٭٭٭٭٭٭٭٭٭٭٭

انـه ادري حسـين گـال وهـيج الالاام
ولـيـدچ ذاك ظـامي وروى من اسهام
ريت الشفته كون اوهام بلكي احلام
لا امـشــي سـبـيـه ولا اطــب للـشـام

حرگت ابروحي چم جمرة،،،شفت يم جثتة الزهرة

تـنـعه وتلطم ابـهـيـئة عزيه
اروح اميسرة وامشي سبيه

٭٭٭٭٭٭٭٭٭٭٭٭٭٭٭٭٭٭٭٭

مثل شمعه ابوسط روحي وطفت بهداي
تـيـهـت الـدرب ظـلـمـة وغـفـت عـيـنـاي
كـلـت اشبـيـهـه روحـي وتـاه مـني الراي
لـمـن شـــاهــــدت وردة وتــــــدور مــاي

صحت يبني العطش حاصل،،،حشم عمك الكافل

شط كامل الك ينطي هديـه
اروح اميسرة وامشي سبيه




حسين الگرغولي





▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


صحبانك وهمه الصدگ
طاحو گـبـل لا تنسحـگ
حرمـل صحبتك ياتـرف
شـمحلاتـه لمن يحـترگ




من حبيب الصحبه تبدي ومن حنانه
مـوش صـحبة هالوكت بيهه خـيـانه
مـن زهير لـحد خيامك تـلگـه عباس
خـاف تـعـثر حطلك اچفوفه ابمكانه

والـعـنده عباس الشهم
يـاصــحـبه يالـمـة زلـم
حزام الظهر من ينكسر
راسك وجسمك يفترگ

٭٭٭٭٭٭٭٭٭٭٭٭٭٭٭٭٭٭٭٭

سمـعـو بـزيـنـب بـچـت ولـد المظايف
تـحـزمـو مـن الـخـيـم حـد الصـرايـف
يخسه والله الگال زينب چانت تخاف
والـعـكـس دلالـهـه اعـلـه اخوته خايف

بـهـل حـادثـه شـاء الـقـدر
يركـظ اجـه حـافي الگـمـر
وزينب دمعهه طايح شلون
ابدمـعـتهه محـروگ العشك

٭٭٭٭٭٭٭٭٭٭٭٭٭٭٭٭٭٭٭٭

حسيـن يااجمل عـطـر ليشمه واهس
ام وهب شمته وجابت خوش فارس
مدرسة حب علمتني اليعشگـك كون
لو الـحـر ايـصـيـر لـو يـتسمـه عابس

ولـخـاطـرك الـغـي الـنـفـس
غـيـر انـتـه خـانگتك فـرس
وظلوعك المكسورة ياحيف
علـيهه السـنـابـك تـنـطـبـگ

٭٭٭٭٭٭٭٭٭٭٭٭٭٭٭٭٭٭٭٭

حسو بـجـسمك يلـمـونـه بحـصيرة
بايت اعله الگاع چي ماكـو عشيرة
اجـنـازتـك ياوسفه ماشلتهه المتون
كـون هـوسـه تصير مـو لمة زغيـرة


والموقف الكلش صعب
يشيعونك الناس الغرب
بس العليل لوحده وياك
وعـيـالك ابنص الشـبگ

٭٭٭٭٭٭٭٭٭٭٭٭٭٭٭٭٭٭٭٭


مشابـك اباخـر محـطه والنفس ذاب
هـاي اخـر لمة راحــو كــل الاحـبـاب
ساوموك اعله المناحر خاطـر تعيـش
والله صحبة ذهب لا موصحبة تراب

مــا بــدلـــو رغـــم الالـم
بس ياهو اليطفي الخيـم
فزعة شواب ونته مذبوح
الـدخـان ابـد مـايـنـشـهگ




حسين الگرغولي







▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


زينب چا وين'''''''''''''''''''' راعي الجفين
معقوله العين'''''''''''''''''''مطـفيه بسهـم


عمت عيني عليج بيوم وحدچ والغرب كثرة
الـمـعـيـش غـلاتـچ راح وافـراگه تـرك جـمرة
عـيـنـچ والـجـفن تعبان شوفچ فـاگد النظرة
عـوزه الشوف جيةعيد جايـب شيلة الزهـرة

ويردلچ شوف''''''''''''''''''''الطاحتله جفوف
ويظل يطوف'''''''''''''''''''''گــدام الـخـيــم
٭٭٭٭٭٭٭٭٭٭٭٭٭٭٭٭٭٭٭٭
شكثر يالـحـرة راحـولـچ بـيـن الـهيمـه والتربان
وبـيـن الـمشـرعه والماي وبـيـن الـمـالهـم دفـان
سـتـه لـو الــف والـفـيـن خل نفرض بني عدنان
الهظيمه موعدد يم عون راح مـلـوحـة الـخوان

الحنيه ويـاه'''''''''''''''''''راحت ويلاه
جاوين الگاه'''''''''''''''''''دلالـي انـثلم
٭٭٭٭٭٭٭٭٭٭٭٭٭٭٭٭٭٭٭٭
رزق مـن الله كل فـطرة اذا تتحجب حجايه
واذ حـرمـة تـظـم عتاب حـتـه گبال الـمـرايه
مــاعــاتـبـتـي خـوانـــچ سـمـعـتـيـهـم قرايه
الحرمة من تعاتب شيخ فشلة تعتگ الصاية

مرفوعة راس''''''''''''''''''''''اخـت الـعـبـاس
سمعو ياناس''''''''''''''''''''''' زينب بت شيم
٭٭٭٭٭٭٭٭٭٭٭٭٭٭٭٭٭٭٭٭
مـشـه للـمـشرعـه العباس حتـه يجيب شـط وياه
يـبـلــل ريــج زيــنـب راد اخـيـته وگبـل لاتنخـاه
لچن الحسين حس بظيج طاح حزامه اظن حساه
ركـظ للـمشرعـه بـعـثـرات بــاوع مــالـگـه يـمـنـاه

يحسين يصيح ''''''''''''''''''''''''يـوگـف ويطيح
مـعقولـة الريـح '''''''''''''''''''''''مطيحتلة العلم
٭٭٭٭٭٭٭٭٭٭٭٭٭٭٭٭٭٭٭٭
يـزيـنـب عـادة العـباس يفيي اعله الخيم طبعة
ويوگـف مو فرد تـعـداد يـوكـف كـل كتر سبعـة
بعمرج ماشعلتي شموع الشـمـعـه تطفه بدمعـة
اخيچ گمرة مـالت ريـف گـبـاله تخجل الشمـعة

لتشعلي شـموع'''''''''''''''''''''''' تخشخ الدموع
وحيلج موجوع'''''''''''''''''''''''لـيـهـيـج الالــم



حسين الگرغولي







▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيدة بدويه، ، ام البنين تخاطب السيده زينب،ع


لها يبنتي شدي الرحالي لها كافلچ عز الرجالي

انــه ولـدي عـيـال وبـحـيلـه گـوي

نص هاشم ولحزام نص من ابدوي


بين الطريگ وهودجچ واولاد هاشـم حاظـره
ابينانتهم فارس صبح من زغرو سبع الگنطره
عدنو مـگـاصير الحرب تـعدادهـن مـن اخـاره
لـو گنص ابطارف رمـح ميبگي روسن عـامـره

الكفيل والحرب بين الگناطر،،،الكفيل حاظر ابكل السواتر

جـفـه وغـلات حـسيـن لا مـايـلوي

نص هاشم ولحزام نص من ابدوي

٭٭٭٭٭٭٭٭٭٭٭٭٭٭٭٭٭٭٭٭


ابـكـل الـمـعـارك والـغزو الوادم غنايمهه ابعـزم
بين الذهب بين الحلي وبين اليسرگون الـهدم
حـيـرة گـبـايـل والـخـلك هاشـم ابـد ماتنـفهم
امـن اصـيارهـم ورثـرو طـبـع اله غنايمهم زلم

الرماح عندنا لا ماتسامح،،،الرماح تكشخ ابروس الذبايح

يـعـني الگمر عباس بـالـدم يـرتوي

نص هاشم ولحزام نص من ابدوي

٭٭٭٭٭٭٭٭٭٭٭٭٭٭٭٭٭٭٭٭

يازينب الگافل ربه يـم حيدر وبـيـن اصهواة
وعند الحسن گيم بـگـه ويخدر ادلال اگهواة
ماتصعب الحومه لان بـگـماطه معگود اللـوة
العـطش واشيعـني بها والكافل ايشم الـهواة

الشحيح عندنا نبت الخظاري،،،الشحيح عنبر ايطگ بالصحاري

يـذبـح مـحـرم كـون يـمـچ يلـتـوي

نص هاشم ولحزام نص من ابدوي

٭٭٭٭٭٭٭٭٭٭٭٭٭٭٭٭٭٭٭٭

صـگـر المعارك لو نزل مـيـبگـي مـصـباحن هني
دخـان الـبـراسـو ايصعـد گـطر ومطر حـار ايـغدي
تـاج الـگـبـايـل والـبـدو عـبـاسـنـا شـيـخ اعـربـي
من عمرو وصيارو صبي شايل رمح دومه اولدي

ابصباه فارس ومن النشامه،،،ابصباه ريشتو ابراسو علامه

مـن يـكـبر الـمـهـيوب في نية نوي

نص هاشم ولحزام نص من ابدوي

٭٭٭٭٭٭٭٭٭٭٭٭٭٭٭٭٭٭٭٭

زيـنـب يـعـلـوية بخت وحـچايـتي حال الدهر
للـزهرة وحسين وحـسن ناذرتـو عـبـاس الگمر
بين الحگيگه ونومتي وعيوني فاظحهه السهر
وصيوتو حارس خيمتچ ويصير الچ جربه ونهر

تراه لوسمع عطشانه زينب،،،تراه المشرعه ايسويهه ملعب

لوغـرف چـفه الماي حالف ينچوي

نص هاشم ولحزام نص من ابدوي






حسين الگرغولي







▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ياجسام،، ياگلب امك گالو طايح فـوگ الغبرة
ياجسام،،رمله بفگدك هزت خيمه لا موشجرة

مـثـلـم ياعافـيتي الراحـت
امك عگب اضلوعك طاحت




بسمارك عافيه ومحسدود بين الناس
لان خــزرات عـيـنك جـنـهـن العباس
مــرات الـگـمـر مـايـنـفـهــم لـو غـاب
يـتـحـمـل سهر مـو حگه هم حساس

گمرة طيف،،،تطلع صدفه وتطلع غيمه تسد اعيونك
گمرة طيف،،،شـافـوك بــلاحـنـه مـخـظـر ميـحنونك

كاشخ بس انجومـك ماتت
امك عگب اضلوعك طاحت

٭٭٭٭٭٭٭٭٭٭٭٭٭٭٭٭٭٭٭٭

هنـدس كل جفـن ماينفتح لـونام
هيج بلايه طولك عيني ياجـسام
ياريحته ابوك الحسن من نـشتاگ
ليش بملگه صدرك طالعتلي سهام

ريت وياك،،،يخلص عمري وينشف دمعي وتسكت روحي
ريت وياك،،،نلتم سبحه ويرجـع عـطرك يشـفي جروحي

امك وحشـه خلافـك عاشت
امك عگب اضلوعك طاحـت

٭٭٭٭٭٭٭٭٭٭٭٭٭٭٭٭٭٭٭٭

بوجودك جنت احـس روحـي اميرة
رمـلـه الـچـانت بـجـاســم چــبـيـرة
التفگد من رباهه تحسه يمكن شيخ
وانــه حسـاسـي راحـتـلـي عـشـيرة

انته رباي،،،خاف عتابي ينشف ريجك ويهد حيلي
انته رباي،،،مـن تـطـيح الـگمرة گبالي يكـشخ ليلي

مره العشرة خلافـك صـارت
امك عگب اظلوعك طاحـت

٭٭٭٭٭٭٭٭٭٭٭٭٭٭٭٭٭٭٭٭

انـه اتمنيت جـرحي ينعگد ورتاح
يجاسم ياصبح عگبك بلا مصباح
بكثر عمرك هـلاهـل لامتلك ليش
يطلع صوتي يعثر من كثر النياح

بس صياح،،،رافـگ تعبي يم تابوتك من جابوني
بس صياح،،،مستشهد عريس السادة ما هنونـي

زفــة حــافـر فــوگــك دارت
امك عگب اضلوعك طاحت

٭٭٭٭٭٭٭٭٭٭٭٭٭٭٭٭٭٭٭٭

العطش بين سواجـي بشفـتك نشفن
وحـمـامات الـمـراقد فـوگـهـن حطـن
شگد محظوظ من دفنوك يم حسين
شـفـافـك مـثـل زمـزم گـامـن يصبـن

يم حسين،،،تستاهل يـم عمك دفنك يبني الغالي
يم حسين،،،إطمن ماتعيش الغربه وراسك عالـي
طـيـور الجنه بصـفك باتـت
امك عگب ضلوعك طاحت




حسين الگرغولي







▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



نزلة ورباط اهوازي للامام العباس ع

وسع صدرك الليلة هاي الهوسه للعباس


سوالف رايـد احچيه واسولف حسچة احـساسه
عن فارس صلف وبخيت طول الحول وي ناسه
وعـن الـمـاتـعـجـبـه يگـول مـاتـنـظـم مثل راسه
تره العباس من يثور يتبخر الغيم وترعد انفاسه

تـزگـام الـحـگ بحچاياته
من يفرظ تكشخ خزراته
ماثـنـه لــسانه وظـرباته

معروفه،، معرفه،،،خزات الكافل معروفه

٭٭٭٭٭٭٭٭٭٭٭٭٭٭٭٭٭٭٭٭

زينب عطشت وصاحت نريد الماي يالعباس


الكافل چـان بالـخيمه وسـمـع زينب تـريـد الماي
تـنـده ويـن ابو الغيرة ابو فاضلنه اليصفي الراي
سـمـع بسكينـه عطشانه ورقيه تريد شط وفياي
تبختر صاح هذا اليوم اخلـي الشـط يـجي عناي

سامـع بالـمـاي ايـگـطعونه
دخـن والسـاده ايعـرفونـه
شـال الشـط مابين اعيونه

للخيمه للخيمه،،،خله الشط يوصل للخيمه

٭٭٭٭٭٭٭٭٭٭٭٭٭٭٭٭٭٭٭٭

الوادم تاهت اعليهه من حط ريشته العباس

انثلم حته الحچي المعقول واليحسب كتابه انسد
واحـد گـال الــف والـفـيـن واحــد گـال تــاه الـعـد
صـارت كـربـلة مـيدان حــتـه الـصـبح صـار اسـود
كـل هـذا الـحـچـي الـعـبـاس بـعـده ابخيمته ماهد

حط الجعبه وسج اسهامه
والسـيف مـربـع بـحـزامـه
والـنـيـة اتـبـيـن بـالـثـامه

ابريشاته ابريشاته دخان اعيونه ابريشاته

٭٭٭٭٭٭٭٭٭٭٭٭٭٭٭٭٭٭٭٭

الكافل حالف اعليه ارگاب العسكر اله اتطيح


اعياي الحومة والعباس بيـن الگنطرة والـشط
يطب ريته الـهـوى كاشـخ لمن يطلع امشـخط
نسر يستنگي وين الزين طار اهناك واهنا حط
صـاح حـسيـن يالـمـهيوب كـافـي ذب المـرقط

ريـظ هـالوادم مـشبوگـه
ورگـاب العسـكر مفتوگه
وظلوع الطاحو مدگوگه


حط بيهه حط بيهه،،، نيشان الكافل حط بيهه

٭٭٭٭٭٭٭٭٭٭٭٭٭٭٭٭٭٭٭٭

البدوي عامرة ادلالة هاية گهوت العباس


الـگـهـوة الـعـامـرة تنهاب اذا صارت ابحظن النار
شـگـلك والمـعـزب چـان يـسمونه ابو راس الحار
اعله اريحتها يـعيش حسين من الخيم لاخر جار
الـيـشـرب مـنهه نار يصير عربي وطلع يطلب ثار

تشرب طلعت كل القادة
والگمگم من عم الـسادة
والـمـگلة تـحنـت برمادة

بدلالة بدلالة،،،مبخوت اليمسح بادلالة


حسين الگرغولي





▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

طوعه تخاطب مسلم ابن عقيل ع


مسلـم لـبوتـراب عـي كـوفانها
لـعـمك علي گـوم شرد ارجالها
والحومه هاليوم كـص ذرعانها



بين االصرايف والعطر،،،،والكـوفة صـارت للغدر

سهم الخيانه ابكل ظلع،،،لاكن شفت مسلم صگر

حار الوكت يم الاللم،،،والقوس مـحـتاج السهـم

هاذه مثل شـايل لغز،،،مسلـم نـخه راعـي العلـم

بـين الـمـعـارك مابـيـن الدهـر
ماتحله اذا ما طب ليهه الگمر
يكسر ظـهـر خيلها وفرسانها

٭٭٭٭٭٭٭٭٭٭٭٭٭٭٭٭٭٭٭٭

يابـوحـمـيـدة ابـهـمـتـك، ،،اعـگـد نـوايا اعمامتك

وادم مـنـاحـرهـا رزق،،،،مـشـتـاگـه تنـطر شمرتك

انگابك وخزراتك ســوه،،،انــهــظ يـشـيـال اللــوه

يكحيل انته ابن الاصل،،،عالگوم سد خشم الهوى

يـاوارث ارمـاح افـديـك ابهلي
لوظاكت عليك بس انخه علي
عـمـك ابـوالـثـام قـالـع بـابـهـا

٭٭٭٭٭٭٭٭٭٭٭٭٭٭٭٭٭٭٭٭

قـصـر الامـارة وحـاكمه،،،لـوسـالـمـه ومـوسالمه

عاشو رعـب ظلمة كهف،،،ومسلم يحد ابصارمه

ظبط رسنها وي الفجر،،،والفرحـة شالتهه الـمهـر

مسلـم هتف بين الزلم،،،يبن الرجـس دمـك هدر

وتلعثم ايزيد گظ ريجه الصبح
وچان ابـوطاهر كاشخ بالـرمح
محله الغزو صار وي مصباحها

٭٭٭٭٭٭٭٭٭٭٭٭٭٭٭٭٭٭٭٭

رعدت ودخان السمه،،،ومـطـرت مطر لون الدمه

وتثلمت گـاع الـصبر،،،والجـيش مـصـيوب ابعمه

تسبيحهم چان الركظ،،،ويمشي عكس گام النبظ

الميدان يحله بجيته،،،ماخـذهه الـه طـول وعرظ

محتارة هالگوم شتسوي اله
يشـبه العباس لوطب كـربله
شيخ المعارك عنده اخبارها

٭٭٭٭٭٭٭٭٭٭٭٭٭٭٭٭٭٭٭٭

حـيـلـة ومكر نصبو اله، ،،، والالـف حـولـه نازلـه

سلم عله حسين وبـچـه،،،تـمنـيـت اضـل لكربـلة

شـاء الـقـدر وي الـزمـن،،،وصارت كرامات الوطن

اجمل هديه حسين الك،،تستاهل انته اكبر صحن

گـبـه ومـنارة مـسلمنه صفه
وقصر الأمارة فانوسه طفه
باب الحـوائج سـر اسـرارها




حسين الگرغولي







▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ياتظحيه ويه آلام ،،،،روحچ سبي وظيم الشام

عـگـب زيـنـب بـنـيـتـي دارج قرايه
عله حسين وعظيدة صاحب الرايه
مرات اليون مايـدري يبچي شلـون
ومـنگـد الـنـواعـي صـرتـي مـلايـه

ونچ عله المذبوح مثل الشمع صار
لمن يهيد الصوت تشب ظلمة الدار
٭٭٭٭٭٭٭٭٭٭٭٭٭٭٭٭٭٭٭٭
گظاج الشوگ حد الموت مدري البين
لشوفـة راس عـالي ومـشـرعـة جفين
شـكـثـر مـشـتاگه يـم عباس حاجيني
بعدد دمع المناحه لو جروح حـسيـن

مشتاگه يم عباس تشمين الأولاد
لو يمه ها يحسين صبيت الك زاد
٭٭٭٭٭٭٭٭٭٭٭٭٭٭٭٭٭٭٭٭
عـلـه طيف البقيع وجفنـچ الغافـي
وترافة شيلة معگودة ابخت صافـي
شهكتي كربلة ابروحـچ خيم ورمـاد
وطفل فوگ الجمر يركظ بقه حافي

من يعثر بهل گاع وحظن الرمل حار
تركظله زينب خاف ابثوبه تشب نار
٭٭٭٭٭٭٭٭٭٭٭٭٭٭٭٭٭٭٭٭
الـهـجـر مـايـرحم ويشـبـهه ظياع البير
ونـشـف حـتـه الـرذاذ الـضال يـم الزير
لــمـيـتـي دمــوعـچ وبـجـتـف مـرســال
ومشه المرسال ينحب فوگ جنح الطير

طير الصحاري شاف لمة بواچي
معناهه ذولي الگوم حافو تراچي
٭٭٭٭٭٭٭٭٭٭٭٭٭٭٭٭٭٭٭٭
اجـيـتج والدمـع كاسـر گفاي هواي
بحيث جفوفي تصفج لا اتيه الراي
هـوه الـعـاش غـربه مـايـدور عـيد
صـايم بـل بواجي شله چا بالـمـاي

گــونـك تـريـد امـراد مـن ام الـبـنـيـن
تگظيهه طرفة عين بس گلهه بحسين



حسين الگرغولي






▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


( نزله )

            بقت روحي بحنين .... انه أم البنين

             كتبت بدمعتي .... سلاماً ياحسين



______________________________


يحف بيك الكمر ... واولادي ذخر .... الك كلهم نذر .... وقليل الاربعه

لو عندي بعد .... عشرة من الولد .... الك كلهم سند .... بحين الفاجعه

وعد  بدويه ...... الولد  لو  ميه ..... الك مفديه .... وماني مانعه



           قليل وياك افدي .... فده روحي ويه ولدي


            سلوتي  وياشمعتي .... سلاماً ياحسين



________________________________


اقره البسلمه .... وتوكل للكربله .... وامان العايله .... بوجود احيودها

الشر والفادحه .... وشرور النايحه .... اقره الفاتحه  .... والي مكصودها

امك بلشدد ......  ماردت احد ..... اقراها وعد .... تشرد جنودها


         بس الفاتحه اقراها .... والي يايمه منواها


           محنتك من محنتي .... سلاماً ياحسين


__________________________________



على كلبك سلام ... ياشيخ الخيام ... وياعطر الهيام ... بظعن الشايل


الضعن والهيبه ... يشيخ النيبه .... بحلاة الشيبه .... بوجهك نازل


ضياء الرحمه .... وجمال النعمه .... بروحك نسمه .... تعدل المايل



           طالع للجل دينك ..... وماخذ كل بنينك


            تضحي يامهجتي ..... سلاماً ياحسين



___________________________________


الغيبه لاتطول .. ياسبط الرسول .. اعوذ من الخيول .. تدوس ابصدرك

الغروب لحيلي ..... يهده ويلي .... ونهاري وليلي .... اضل انتظرك

دعائي ونوحي .... الك ياروحي ... اضعونك توحي ... خطر لعمرك



       الحزن جنه الي حن  .... اعيونك ليش يبجن


            لاتزيد  كربتي ..... سلاماً ياحسين



__________________________________


يقرأن الفجر .... ويسباح العمر .... للرجعتك انتظر ... واعد ايامها

شمسنه الضاويه .... اعد بثانيه .... واضل متانيه .... تتطيح اصنامها

يزيد اكبر صنم .... بجهادك ينثلم .... اذالال الظلم ... بسيف اسلامها


      وانته اسلام دنيناي ..... صافي جنك الماي


         لاتشعل  جمرتي .... سلاماً ياحسين




الخادم : عباس محمد الحميداوي


1442.2020 محرم الحرام

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(نعي ليلة السيد باب الحوائج أم البنين الطاهره سلام الله عليها )


لسان حال أم البنين عندما سمعت بقتل ولدها الحسين ...



 اولادي  اربعه وبس بيك انه هميت

وصلاه تحميك يمه شكد اني صليت

هذا  البيت  عكبك هم  نسميه بيت








عزيز الضنه تدري ومو سهل وبلهين

لجن افديك ولدي  حتى  لو سبعين

ماصدك دليلي من كال مات حسين






وصيت ابنيني اهواي انه وصيت

وترجع كلت يمه تموت ماضنيت

رد ضعن السبايه وانته مارديت






وفه ابني الكافل لو عذب الاامك

بعدك مات ابني لو طاح كدامك

ويليل الهجر عكبه بعد ما نامك






  كلب  والده  وتنشد  عن ضناها

واضنوني بعباس عسن ماخيباها

زينب الي كفلها عسن ماضيعاها



_______________________________

 وكائنها تخاطب ابي الفضل العباس ...




شحالك على زينب حين سبوها

  وشنهو  حالتك  حين  الخذوها

عجيب شلون ترضى ايجتفوها







الاخت تنظر لخيها وتنشد اهواي

وعطشانه الحبيبه هم جبت ماي

تروت من عطشها يانظر عيناي







يكولون ابنج ظل اعل المسنايه

ولاجفين  عنده  وطاحت  الرايه

وجعفر وعون وعبدالله ضحايه





ماقصرتو ندري هواي يااولادي

ربيتي  الزهره  تكول واتنادي

ونعم منكم تكول يالبت افادي


___________________________________




 لسان حال أم البنين عندما رأت زينب ....





الكفلها شارب ابني اشلون طرت

  ميدان   وعليها   المحن  اطرت

 المصايب  لكلب   زينب  طرت

  وحيره ا  مصاب  الغاضريه






  تخلل بيت دمعي واليه رجن

وسحكن صدري مثله واليه رجن

غده الينظر  ضعنكم واليراجن

 يكول   الضعن  رد بلا  رقيه







اعيوني  ادموم صبن  لاتجفن

 الكافل  سهم بعينه  ولاجفين

 لاغسلو جسم  ابني  ولاتجفن

وضل احسين عاري اعله الوطيه







المصايب خلها توكف حد ليها

وعجب اختك غريبه ولاحد الها

تدري  بل سباها  وحادي ليها

الشمر ماخذها لديوان اميه






الخادم : عباس محمد الحميداوي


1442.2020محرم الحرام


(هذا الابيات كتبت بنيه قضاء الحوائج)

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



باب للحاجات الله انطاها .....  وخادمه لحسين هم سواها


          منزلت مريم واشد .... والله  رزاقها بعد



                   خادمه لحسين هم سواها




________________________________


هام   توأ   قد   ورد   هذا   الخبر

اليخدم  المضلوم  يربح  ماخسر

نظره   تنظرله   العزيزه  أم  الكمر

وتشفي  علته  تزيل همه شما كبر




ربك  الخالق  نعم  علاها .....  وخادمه لحسين هم سواها


       نريد من عدها المدد .... والله رازقها بعد



                 وخادمه لحسين هم سواها


_________________________________


هيه  المضحيه  الوفيه يجمال القابها

انطت الحره ولدها  لزينب ولحجابها

ودعتهم   لجن   هيه   لازمت   ابابها

انتظرت يعود الحسين وتفرح ابحبابها





تشكر الله شكثر جيه خلاها .... وخادمة لحسين هم سواها



         تضحي  باأربع  ولد  .... والله رازقها بعد



             وخادمه لحسين هم سواها



_______________________________



مثل  كل  الخدم  متحزمه  بصبر

وناذره   للحسين   كل   هذا  العمر

تفرح    بجيت   محرم   من  يمر

تريد  تبجي  تريد  تلطم  علصدر




مثل كل الخدم هم تتباها .... وخادمه لحسين هم سواها



         تطلب تضل للئبد ..... والله رازقها بعد



             وخادمه لحسين هم سواها



______________________________


دموع  الفراك المغيره كل معالمها

وحسره الشوفه لبنها هواي تالمها

راحو وشالو ضعنهم ولااحد يمها

ضلت لحيطان دار تسولف بهمها




تشكر الله علبجي خصاها .... وخادمه لحسين هم سواها


  
       تنوح للحسين الضمد .... والله رازقها بعد



                    وخادمه لحسين هم سواها



_______________________________


نعمة  الخدمه  مناها  ترضي العتره

ورضى  احسين اهمهن مغزى الفكره

يعني اذا راضي عليها راضيه الزهره

تدعي  تشملها الزجيه وياهم بنظره






رضى  الزهره  هاي  تتمناها .... وخاده لحسين هم سواها



            كل محرم تستعد ..... والله رازقها بعد



                  وخادمه لحسين هم سواها




________________________________


جلبن  بيها المصايب  من  بشر ينعاهم

وجان كل ضنها يعود الضعن وتتلكاهم

رد ضعن بيه الثكالى حسين مو وياهم

وضلت اتنوح الغيارى ومااضن تنساهم





زينب  التنعى  وهيه  وياها .... وخادمه لحسين هم سواها


           تنوحهم انطت وعد .... والله رازقها بعد



                   وخادمه لحسين هم سواها



الخادم : عباس محمد الحميداوي


1442.2020 محرم الحرام
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

 (تجليبه نزله )

كبل  لاتروح  اقره  الفاتحه واضعن

اموتن لو عفتني وخل اموت احسن



_______________________________





كلت هودج اليه انصب  كل ضني

وكلت ويه الضعن ملزوم  ياخذني

مثل طحن الرحى فركاك يطحني

ولو تتركني علتي  تزيد ويه الون





__________________________________




 هم  يحمل  دليلك  تترك  ابنيه

وتاخذ كل اهلها وتبقى بس هيه

صد وشوف حالي ونشغت البيه

بجلن حالي يكسر خاطرك بلجن






___________________________________

 

لجمني الكلب من كمتو تودعوني

وجذبت  الكلب وضليت بضنوني

 كلت  هيهات  وحدي  مايخلوني

وامشي وياهم انه وحدي ماضلن



_________________________________



تخلوني وحيده وشنهو الاسباب

اذا اني  عليله الجسم مني طاب

عكبك راح اناطر جيتك عالباب

وانظر  للدرب  كل  يوم واتمعن



_________________________________



سفركم بيه خطر  كلبي اليحاجيني

وبعد  هم  يحصل  ملاكه  وتلاكيني

يابويه  شكال  كلبك  من  تخليني

اضل  اتناك  لو  اكطع  اخبار الظن


___________________________________


اذا شديت عزمك من المدينه اتشيل

اخذني اخدم ضعنكم لو اروي الخيل

يابويه  شحال  وحدي  لو يجل اليل

  وهيهات   العيون   بفركتك   يغفن








الخادم : عباس محمد الحميداوي


1442.2020محرم الحرام


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(القصيده على لحن نار بدليلي تسعر )



   ارد اعتب وسمعوني .... شنهو السبب عفتوني


        ونتي تراها اثجيله .... بنيتك انه العليله


                     شنهو السبب عفتوني




_________________________________


كل الخلك تنشدني .... ليش انه زايد وني .... وشنهو العذر حاجيني

اتسله بدموع العين .... واتنطرك بويه احسين .... فركاكم امبجيني

بويه المرض سلاني .... ومنتظره كل اخواني .... جايمته تفرح عيني





     كتاب بدمعتي خطيت .... ومرسول الكم وديت


      من العتب عذروني .... شنهو السبب عفتوني





_________________________________



وازاني حزني وكتبيت .... وشعجب ليه ماجيت .... بعدك لبست احزاني

يحلى العتب وياكم .... وليمته اضل ارجاكم .... يل بدلت الواني

  من العله ماونينه .... ردنه الضعن يلفينه  ..... ولجلك اعيوني اتاني



  يل شلت بضعون اهلي .... يابويه هم ترجعلي


    اترجاك لاتنسوني  ....شنهو السبب عفتوني



___________________________________


الفركه الي مقسومه .... والاحزان الي مضمومه ...من الزغر واحسب ليها

لو تجي تشوف المنظر .... حالي غصن متكسر ... وروحي المرض باليها


ماينجبر كسري اشلون .... لمن عليه تردون ... ويطيب جرح البيها





      يهزني الهوه لو مرني  ..... وفركاكم معذبني


من الفركه عميه عيوني ..... وشنهو السبب عفتوني




____________________________________



الصبر ماعاناني ..... وكل الفرح عافاني .... من حملت الضعينه

   ديره ومنها الشايل ..... انته وعمي الكافل  .... جامنهو مخلينه

   انجان عله بيه ...... زادن وصارن ميه ...... يبرن لون تلفينه




       حال الرمل لو ذروه .... هذا اليفارك ابوه


    بهل الحال لاتخلوني .... شنهو السبب عفتوني




______________________________


 مافاركيت المدمع ..... لحد ما تجيني وترجع .... ياكلبي وسباحه

يايوم نكعد وياك .... ولاتضن بويه بفركاك ....  بنيتك غدت مرتاحه

سهم الهجر عاميني .... يابويه ياضي عيني .... وشوف الكلب وصياحه



        عني اسمع يكولها .... هاي الاهل عافوها


    بهذا الحجي يجرحوني .... وشنهو السبب عفتوني


________________________________



ريحة يتم تكرب ليش .... يلشوفتك بيها نعيش .... ياريت تدري بحالي

 ريحة فكد وأم ثكله .... بيها الذبح بل نبله .... بيها المهد ضل خالي


عريس جن مطبر  ..... وجن راح اخوي الاكبر .... هذا اليدور ابالي



    وريحة عبي ووجت نار .... وخد نايم برمل الحار


     ماتصيب ريت اضنوني ..... شنهو السبب عفتوني




الخادم : عباس محمد الحميداوي

1442.2020محرم الحرام

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


انه العليله ...انه العليله....انه العليله



ياتعب وجهي الفضحني العَثر بريتي النسيم
كلمه الجاوين ابوهه... موس برياكَ اليتيم
وكَفت الشباج حسرهْ تشرب بحزن الغشيم
يمته جا كَتله تردلي وكَال بويه الله كريم

ياكَلب بسك تعبنه..
شحصلت من المحنه...؟

* * *

موت ياگلبي بعذابك المن تكابر نسونه
خافو علينه نموت وتالي همه الموتونه
تيهونه وضيعونه وغربونه وماخذونه
مامصدگه وگتله گلبي يعني راحو مايجونه

ياگلب موت العوافي
لاترف وتاني كافي
* * *

ارسم جروحك يگلبي والحزن عالماي اكتبه
من كثر ماباچيه الهم خضرت بالعتبة عتبة
الدنيا ماتسوه يگلبي اليسوه بس وجه التحبه
انه ربتني المصايب والحزن بالنوح اعجبه


ون يگلبي ولاتباري
ون يمامات البراري

* * *

فراشي نار ودمعي زادي وانتضر والليل كافر
تالي حته الطيف شح وقرح ابواب المحاجر
هاي تاليتك يگلبي المن وچاليش اكابر
راح الحسين اليحبنه وطحنت ضلوعه الحوافر
خلي نفرضه فريضه
شلون تنعاف المريضة...؟
* * *

اخ ياگلبي وحسبته هاجس يگلي نساني
مو مريضه وكلشي اگدر وعلي اطيبن لوخذاني
منحني حنيت سنابل ومنجل افراگك خذاني
حسبه حسبه الليل يگضي وجزه كلشي وما جزاني

اخ ياگلبي وحسبته
يا ابو اللي يعوف بته

(علي جبر )



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


( نعي ليلة العليله سلام الله عليها)


بجن حتى الواح الباب لبجاي

وحياطين الدار ينوحن وياي

كمت انشد عنك الراح والجاي





مشدوهه وانشد ابكل الضعون

 واكول اليوم لو باجر يردون

عليك الكلب شاجر وعميه العيون





لارايه  لاحت  للضعن  لاهودج  البين الي

وانه اصبر بروحي  وارجوج اكلها اتحملي

كل يوم ادعي لجيتك ترجع ويردولي هلي


__________________________________


ما حسبينه ... تطول الفركه تدري ماحسبينه

ماخف ونينه .... كلبي من رحت ماخف ونينه

هم ترد لينه .... نتوادع بعد لو هم ترد لينه

غفله من ادينه ... شال الضعن غفله من ادينه


____________________________________

(نعي كرناوي)



منو يجيب البشاره راجع النه

 ونتلاكه  بعد ويلتم  شملنه

يايوم ويرد ضعنك با اهلنه

ويجف مجرى الدمع ويكف مسيله



الدمع على الخد يجر حسر اعلى حسره

 بويه وبلجن بل الدمع  تنطفي  الجمره

 صار  ايام  ضعنك  بلباب  انه   انطره

   وماتدري   عفت   بدارك   عليله





___________________________________





تانيت اشكثر على الباب ومامش من خبر منكم

بويه...جايمته نعوف النوح وتحضوني واحضننكم

  بويه يابويه ... شنهو الصار وعن الدار عطلكم

بويه....غايب عني صار ايام ويمته تعود لمتكم




__________________________________


كل حيطان دهري ماتجني

ومو عدله يابويه ميته جني

كلبي يكول جنك ماتجيني

وتضل ادياركم ضلمه عليه




 بيت  احزان  بنتك  مابنيته

الحزن والدمع بيّن ماني بنته

يخليني  وحيده  ماني بنته

واخذ وياه سكنه وهم رقيه



يغمض  اعيوني  اسمك وينبها

  ونار  الفركه  بيه  واني بيها

كل  الناس  تنشد  وين  ابوها

صدك خلاها بدياره الخليه








الخادم .. عباس محمد الحميداوي



1442.2020محرم الحرام

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(نزله للخدام )


             بدفترك خليني ... خادمك ياحسيني


                     خدمتك هاي ....خلها وياي





________________________________


كبل ماخدمك زغير ... وصرت بلخدمه جبير ... بخيرك


حسين ياعشك الصدك ... هل الكلب بسمك يدك ...مو غيرك


    الخدمه ايه منزله ... بهل العزاء مرتله ..... بتفسيرك


   انته تفسيرك جنان .... حسين يارمز الحنان ... اتخيلك


 
       
           شكبره بين الودام ... اسمي الك جي خادم




________________________________



انته ياسر روحي .... شنهو دمعي ونوحي .... مو كافي


المايخدمك هل العمر ... كل حياته في خسر .. ومتعافي


بزغر عمري من جنت .... للخدامه  اتحزمت ... وبشفافي


رددت كلمه عهد ... . احسين احبك للئبد ... وماوافي



            اسمك ابحساسي.... احسين ياانفاسي


         

___________________________________



حسين سواني بشر ... حسين خلاالي قدر .... وفقني


بااسمه رافع هامتي ... كون يقبل خدمتي .... ويقبلني


   بدربه لا مانبتعد .....  وانه مو خادم عبد .... يسجلني

 
  خدمته وياي اكبرت ... وروحي للخدمه انذرت ... ومتنهي



           العمر لو مو خدمته ... شنهي طعمه ولذته




________________________________


حسين يااقدس نحر ... انبذل من اجل الخدر ... ولدينك


خيميتك خيمه سعد ... رابح ابفيها الكعد .... بنص عينك


  الله الك سواني .... انخلط طين احزاني ... من طينك


 خدمتك اعظم نعم ... والربح بس الخدم .... بتعينيك




       وماطلبنه احنه الجزاء .... خدمتك هيه العطاء


_______________________________




لو خدمت اخدم صحيح ... بعينه بالك لا تطيح ... يل تخدم


   خلي نيتك بلصفاء  .....   بلا تكبر ولا رياء .... وهاك افهم


حسين جابك من العدم ... وتسجلت من الخدم ... بس اعلم


   من الدرب بالك تزل .... من الخدامه لاتمل .... وتتندم




        شرف هاي الخدمه ..... نعمه واعظم نعمه






_________________________________






شما اريد اوصف بعد ... القلم بيدي ارتعد ... ويتعذر


 القلم كلي بكلمته  ... اشلون اوصف خدمته ... مااكدر


تعذرت كل الحروف ... ومشت على الكبه تطوف... تتبشر


اجتمعن باارض الخيام .... وكتبن احسين الهيام ... الاكبر




         أدن بصحنه النداء .... حسين يارمز الفداء








الخادم ... عباس محمد الحميداوي

1442.2020محرم الحرام

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(ميمر نزله)



اشهدو أن الخدام ..... بمنظر عزيز الزهره





______________________


من هل علينا وقبل شهرك لايهل

  بلغنا  شهرك ابلا  وباء  نتوسل

يل بمجالس حزنك انته مفضل




مفضل اعليه بكل يوم .... جي الك تجري العبره



____________________



 عشرت ليالي وريت اكثر منها

جي عاشق الدمعه انه ومدمنها

وكل حاجه بلعشره تره نضمنها




لو مرض مااله اعلاج  .... بلمجلس نثق يبره




______________________




 مثل الجرت بيك ابد مامجريه

وحكها الخدم من تنصب التعزيه

انوح النحر انوح المشت مسبيه




ومحسود كلمن وياك .... بلخدمه يخلص عمره



______________________



كالو  بعد  ماكو  عزه  وتنسونه

وتدري  الشماته  سيدي  ينقدونه

توسلنه للله  تروح  هايه  كرونه





وبس ترفع النه انته الايد .... يروح الوباء بنظره



______________________



 ثابت  ولائي  وثابت  العقيده

اليجي تريده الما حضر ما تريده

بيوم  الحشر  ماتاخذ انته ابيده





يخسر بيوم الاشهاد .... ولاتحضر انته بكبره




____________________



وجه  وكفه  نحب  ايدنا ونتشكر

وعن  مجلسلك  ننمنع  لا  مانكدر

مثل الهوى الخدمه نحسها واكثر





شنهو  الهوى  اكبال  احسين .... وشنهو الدمع والطبره




______________________


ماكو مجالس كلمه تصعب وتعيل

ومعقوله  بلعشره  نعوف الزنجيل

رد كيدهم في نحرهم القال وقيل




كلمن يكول العزيات .... ماتنصب هل المره




الخادم : عباس محمد الحميداوي


1442.2020محرم الحرام

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نعي لهلال شهر محرم الحرام


_____________________________



ياهلال الحزن طول بلغياب

بيك زينب فاكده شيب وشباب

منك شكد شافت الحره مصاب




لاتهل بارض المدينه ياهلال

من تشوفك زينب اشصبح الحال

بيك راحت زينب وفوك الجمال




من تهل ياهلال شهر المحن

بيك تنعاد المصايب والحزن

لو تشوفك زينب اتصير بشجن





ياهلال ولو طلعت بهل السمه

بيك يحزن علي وتحزن فاطمه

ويبجي المهدي لجل جده دمه




ياهلال ارجوك طول بلمغيب

لو تهل وياك الحزن لازم تجيب

بيك راح الاكبر وجاسم وحبيب



ياهلال محرم ارجوك الصبر

بيك زينب فاجده كافل خدر

وبيك احسين محزوز النحر

_______________________________


وعن لسان زينب تخاطب الهلال


ايام الحزن على الحره بانت

وفوكها المصايب بيت بانت

اله بيك انسبن للحسين بنات

وخذو زينب وياهن سبيه



هلال الحزن هل بين وهلي

بيك لابكى من احد اهل لي

وبيك الدمع صبيته وهل لي

دمه مو دمع بارض الغاضريه




هلالك مو فرح لابل ألم بيه

وبيك اللا ابو يمي ولا أم بيه

رحت لحسين اجمعنه والم بيه

شلم وجروحه الف وتسعميه




الخادم : عباس محمد الحميداوي


1442.2020محرم الحرام

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ابعيني من شفتك رمية كَلبي حسيتة انكسر
اتوجهت روحي ابحزنهة تكصد الظل عل نهر


حيرة من شاهدت وضعك كلشي ماسالم شفت
أهوية الاسهام الرمية ابصدرك او انة كلت
حضري يازهرة الحزينة بلمصاب اتحيرت
عجب ياخوية الغريبة اشلون يمك ما متت
ابجسمك اخيول ال امية سحكت وتركت اثر



خذتة كلة اوياك حيلي كوة امشيلك صفيت
بعد ماخبرك علينة حايرة ابجرحك بقيت
صحت يارب البرية اتقبل القربة اودعيت
صعبة يغالي اعوفك تدري بلكوة اجيت
شدوا الحبل ابأدية وخدي بلجف انصطر


بضعن يبن امي يحدي بعدك ارجاس بحقد
اركب ابناكَة الهزيلة ولربعينك ابقة اعد
الا انذرلك حياتي بالدمع جفني يهد
بلحزن تلكاني اذكرك انحب واخمشلي خد
تطلع الحسرة بونيني انتة يانور البصر


حان المواع علينة كافي ياجرحي عتاب
حاير احساسي ويسولف ابد مايحمل غياب
غيَّمت افكاري اكولن يل خدودك عل تراب
ياصبر يجرع مصابك منة رايد شو جواب
يكدر يكابر عليهة اكبالي ذباحة يمر

الوزن : هجري

{٢٨ / ذو القعدة /١٤٤٢/ هجري }
{21/7/2020/ميلادي }
لا يجوز استعمالها بموسيقى الDJ
#الشاعر مصطفى الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


خذتي كَلبي وياج يازهرة زماني
انتي رحتي والحزن بعدج خذاني
ضلمة دنياية بغيابج ياام الحسين
وادري بلفارك حبيبة يموت مرتين
_^___________^________________


البضعة روحي وشافت اوياي الاذية
كسروا اضلوع النبي خير البرية
دفعوا الباب بحقد بس شبدية
ربي سترك شاهدت دمع الزجية
بيني وبين الغضب مشعولة نارين





من يجي الليل بقهر بعُدج عماني
فترة اغيابج طويلة وانة اتاني
مثل عطرج وين الكة ماكو ثاني
صدري يتنفس هواكم مااجاني
للأبد بجروحي اسمع صوت الونين





شاهدتهة وخلصت وياهة عمري
غسلتهة بالدمع شيحملة كسري
راحت من ايدي ومتت وزداد قهري
بكسرة الخاطر صبح بس الله يدري
غابت الزهرة وعشت لوعات البنين




شِلت لجنازة وبقت روحي الحزينة
اصعب هواية طلع فكد الحنينة
مثل وجهج وين بالدنية يجينة
ذكرة تبقة ابراسي وتخيم علينة
خوفي اتخلص حياتي واهمل العين



و البداية وياج من هجموا عليهة
ابكربلة يرجعون جرحك والي بيهة
زينب اتشاكَف صياط ابين أديهة
ريتك بذيج المصايب تعتنيهة
والجرح برض الطفوف يصير جرحين
____^_________^__________^________

كتبت بلوعة الباب
#الشاعر مصطفى_الساعدي
الوزن / الموشح التام
كتبت ب ٢٠٢٠ / ١٤٤٢
لا يجوز استعمالها ب D J

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA