#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


موشح

وباء كورونا
الشاعر الشيخ/عبدالامير الكعبي
رقم الهاتف /07801473208


الموت سل سيفه ابمرض كورونه
المات من عدنا هله ايعوفونه
احضرنا ياعلي. احضرنا ياعلي
~~~~
الناس تنخى اتصيح ياحامي الدخيل
الحمل يثگل عالعباد او ضل يميل
ابجاهك ادعي ياعلي او جاه الكفيل
والي تدعيله سلم خيعونه
~~~~
الناس مذعوره او دخل ليهم الخوف
او دول كبرى مات منها بالألوف
الحاله كلفه او صعبت اعلينا الظروف
اوبالأكل كلمن عزل ماعونه
~~~~
أحنا ماعدنا اعتراض ابحكمته
لنا نؤمن بالجليل او قدرته
ازغار وكبار أتوجه ندبته
والعبد يدعي، او تغيب لونه
~~~~
الغوث صحنا حيث حيرنا الأمر
اوندعي، الباري لان ضاع الصبر
المرض كرونه ولا يرهم جبر
المات تحتار الذي ايدفنونه
~~~~
گوم لينا ياعلي ماكو حلول
نصبر اعلى المحنه والموقف مهول
اتجه ونخى يمولانه الرسول
الطاح متشوفه هله ايحجرونه
~~~~
ماله طب ياسيدي هذا الوباء
ندعي ربنا ابجاه ضامي كربلاء
ابجاه جده اوصفوة اصحاب الكساء
والنخاهم ماتخيب اضنونه
~~~~
الناس، طبها الياس والموقف صعب
اتخاف كلها وليدين اعلى الگلب
هالمرض شن على الأمه اكبر حرب
واليموت ابدا ولا يشيعونه
~~~~
قسا اويانه المرض مولاي، الأمير
اوبگى يابو الحسن مجهول المصير
انمد ادينا للسما او ننخى القدير
واليموت ابحفره ويذبونه
~~~~
انته يابو حسين للأمه الأمل
وانته دكتور او تشتفيها العلل
تعتنيك المرضى من كل الملل
علي حلال المحن يدرونه
~~~~
المحنه تكبر وحنا بيها نبتلي
الخوف والهم ما اضنه ينجلي
لأن كرونه بدت ترمي، صلي
اتگوم تگعد تغسل بصابونه
~~~~

الشاعر الشيخ/عبدالامير الكعبي
رقم الهاتف /07801473208

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



المستهل...


رحل عباس الجان... كفيلي وبيه امان

وانه بهاي المعارك فاركت خمس خوان


كافلي... كافلي


النص...


نخيتك بلمسيه... بليالي الفاطميه

تره خلافك يخويه الحادي يغلط بس عليه


تمنيت انته تشوف ... يلوذ شلون الخوف

نسيت انته الطفت عينك بقيت بلايه جفوف


تذكرتك يكافل ... شجاعه البل محافل

جنت بس من ذكر اسمك تخوفهه الجحافل


كافلي... كافلي


تره انته الي كفلتني ... عكب عينك عفيتني

وحك عينك يخويه الجمره بلخيمه جوتني


سكينه تريد الماي... اليتامه تريد فياي

بقينه بهيجي حاله وبلركض نركض حفاي


سوالف ويه بالي... بقيت بلايه والي

بقيت انه وحيده وبهضم سود الليالي


كافلي... كافلي


عفت بكلبي لجمه... ختفت من وجهي بسمه

وجفه العطر بثيابي البل شتياقي جنت اشمه


رجيت الهوه الهاب... رسايل مال احباب

اوديهن وكلك جرحك البيه ماطاب


صحتلك من سبونه... بمحافل طببونه

ويزيد الي شمت بينه وصحت وينك يخونه


كافلي... كافلي


يخيعوني ورحمتي... يهلن وي دمعتي

صفو حدر الثره اخوتي الي جانو كل سلوتي


يخويه ارجع علينه ... بجفاكم منهو لينه

نخبط دم بدمع خويه ابجينه


اليتامه تلوذ بليل... وانه المابيه الحيل

جرح ينزف دمه خويه عليك وروحي تسيل


كافلي... كافلي


ذكرتك من ولونه... بسناسل جتفونه

يعباس الحكنه وردلي ايامي وي ابونه


يجفني الجان ينام... بسعادة ذيج ايام

لجن هسه الجفن مايغمض وعندي انه ايتام


وحك ضلع الزجيه... وليالي الغاضريه

انه بعازه كفيلي المبتعد والوحشه بيه


كافلي... كافلي


جعفر الخويلدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مولاي ابا الفضل ع

صوت اختك يعتلي .. اليوم يومك كافلي
صاح زينب .. هالكتايب تنجلي
""""""""
سيفي بيدي امحضره .. ميمنه لو ميسره
مشرعه لو گنطره .. وگفتي وگفة نسر
والأخزره ينچفي .. والاعوفه يختفي
والاضربه ينّفي .. دومي انه المنتصر
يختي لو صارت صدگ..والله احرگهه حرگ
صاح زينب .. هالكتايب تنجلي
"""""""""""
بالحرب دوم انعرُف .. بأي مكان واي ظرف
اقطف المنحر قطُف .. سيفي حبل المشنقه
واليجيني اشيعتقد .. سالم الأهله يرد
اي يرد بس باللحد .. والمنية اتعانقه
خل يجرب اي بشر .. جثة ارده ابلا نحر
صاح زينب .. هالكتايب تنجلي
""""""""""
بكربله افتح سجل .. واكتب اسم الينكتل
وجوّه اوقّع ما أذل .. هذا توقيع الاسد
والسجل وي هالوضع .. ما اظنّه يتسع
سيفي يبلعهم بلع .. يا سجل يلحگ بعد
وبجثثهم صارمي .. يملي نهر العلگمي
صاح زينب .. هالكتايب تنجلي
"""""""""""
يختي عد عينچ تره .. وكلشي تردينه جره
والله عندي المقدره .. افني كل جيش العده
يالسكنتي ناظري .. بيدچ انتي أشّري
وبس عليه آمري .. عمري لعيونچ فده
أُمري بس يم الخدر .. سيفي وانه ننتظر
صاح زينب .. هالكتايب تنجلي
"""""""""
كربله مُلكي إلي .. واليعاند يبتلي
انه ابن حيدر علي .. خلّه يفهم مگصدي
والدي قالع حصن .. واني قالع چم متن
واليمسني يندفن .. عندي شمرت والدي
طبعي من فارس مضر..يختي هذا انه الگمر
صاح زينب .. هالكتايب تنجلي
"""""""""
يختي وبوكت الشدد .. ما يهمچ كل عدد
لو صحت حيدر مدد .. ما يظل واحد عدل
سمعي يا بت فاطمه .. صرختي بكل موزمه
يا علي حامي الحمه .. ما يظل بيهم عقل
الغاضرية تنگلب .. ومني يرجف كل گلب
صاح زينب .. هالكتايب تنجلي
"""""""""
من علامات الاجل .. لو ابو فاضل نزل
مني كل واحد جفل .. فرصة ماكو وينهزم
كلمن الـجار وطغه .. حالف ابأرض الوغه
خشمه الا امرغه .. اسحگ بجدمي الزلم
لو اطب الحومتي .. كلهه تطلب رحمتي
صاح زينب .. هالكتايب تنجلي

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

مولاي العباس ع

بين المخيم والماي .. مني ضعت وين الگاك
رايح گلت يا عباس .. الله ومحمد وياك
تروح اعله النهر
وداعاً يا گمر
""""""""
راح اودعك يا هوه الله بدونك انه اختنگ
راح اودعك وابقه اسأل ما ترد لاختك صدگ
والله ما معقولة اني اوياك تالي نفترگ
لا ولا معقولة ترضه خيمة اختك تحترگ
رايح واحس بالخيام .. من هسه اشمّن دخان
لو ما ترد يا عباس .. لا خيمة تبقه وصيوان
اموت امن القهر
وداعاً يا گمر
""""""""
والشمر ما عنده ذمة والنهر ما ينحزر
يللي ذكرك بيه عايش خوفي ليبوگه الشمر
ذِبحوا اخو زينب يگلهم لا تبقوله ذكر
وعينك الحلوة يخويه النبلة بيهه تنكسر
هو السهم من ايفوت .. بعينك يا اغله لاحباب
شنهو شيظل من العين .. بسهم المثلث تنصاب
اخذ مني النظر
وداعاً يا گمر
"""""""""
خطوة بس درب الشريعة اهوايه لكن كبّرك
صوب تنتظرك سكينة وصوب موتك ينطرك
منقهر مو خوف حاشه عطش سكنة اليقهرك
الماي ادري اتجيبه إلهه والثمن لو منحرك
عطشانة سكنة وتگول .. يا عمة شلّي بالماي
من الشمر مرعوبة .. خل عمنه يبقه وياي
نظل احنه بخطر
وداعاً يا گمر
"""""""""
بعازتك راح ابقه والله رايح ابعز الشدد
لو رفع ايده عليه الشمر انشد من بعد
ضربة متوني بسياطه صعبة والله بس لاشد
يا هو يلحگ لابو اليمه الشمر لو صدره صعد
گاعد على صدر حسين .. هالحالة بس اتصور
بيده الشمر من مگفاه .. يبدي يحز المنحر
يحز اطهر نحر
وداعاً يا گمر
"""""""""
خطوة ما چنت امشي الا استأذنك يابا الفضل
خويه سامحني دخيلك باچر امشي اعله الهزل
خويه وانه اشبيدي گلي بيدي لو حطوا حبل
وشامت ايگلي كفيلچ خل يجي چتافچ يحل
ما فارگتنه الايام .. يالـچنه روحي بروح
ادري يفارگنه الموت .. بس مو اشوفك مذبوح
عمت عين الدهر
وداعاً يا گمر
""""""""
بيا وكت زينب غريبة تمشي من درب لدرب
والله ما جتي اعله بالي فُرجة اصيرن للغرب
وبدواوين آل امية اختك امچتّفة تطب
انشتم ما ترضه خويه وبالحجارة انضرب
يگعدونه بالخرابة .. يا خويه ما تبقه اخيام
من انسبي ترضاهه .. عالناگة اختك اتنام
شيراويني القدر
وداعاً يا گمر

انيس الخفاجي الكربلائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مولاي ابا الفضل العباس ع

ليش ظهرك محني جاوب يا حسين
وين  ابو  فاضل  كفيلي   گلي  وين
"""""""
شافت  حسين  العقيلة  محني  ظهره
أيد حاط اعله الظهر وايد اعله خصره
تگله  عينك  ليش  يا  بو اليمه  حمره
لا    تگلي     كافلچ     انطاچ     عمره
ليش ساكت منك اسمع بس ونين
وين  ابو  فاضل  كفيلي  گلي  وين
""""""
زينب   اتسأله  وگلبهه  اهوايه  يرجف
ليش  اثر دم اعله  ثوبك خويه  سولف
بحضني   نيّمته  يگلهه  ودمعه  يذرف
ودم سهم عينه بقه شما مسحه ينزف
للگمر  وديني اريد انطيله عين
وين ابو فاضل كفيلي گلي وين
""""""""
هسه  ابو فاضل يخويه يعني وينه
وليش  عفته  تسأله  بنبرة  حزينه
گلهه  عفته بالسهم مصيوبه عينه
عالشريعة امگطعة ايساره ويمينه
ما أصدّگ ظل بلا يسره ويمين
وين ابو فاضل كفيلي گلي وين
""""""""
شحچي عن موته يزينب والله صعبه
جربة  المي بيده مات وضامي  گلبه
شال  مي  امن   النهر   حته   يشربه
گال   زينب   تنتظرني   بسرعة  ذبه
ادري  عباس شكثر گلبه  حنين
وين ابو فاضل كفيلي گلي وين
""""""""
والله  يا  زينب  شفت  محنة  شكبرهه
بعينه   نبلة  گلي  خويه  النبلة   جرهه
حته اشوف اختي واظل احرس خدرهه
عين  ما  تحرس  اخت  شلّي  ابنظرهه
انسبي  يعني  واظل ابلا  معين
وين ابو فاضل كفيلي گلي وين
"""""""
باخر    انفاسه    الگمر   اكد   عليه
گول  لاختي  الذمة خل تبريهه  ليه
واعتذر لي  اهواي من سكنة  ورقيه
ردت اجيب الماي بس گطعوا اديه
شيعتذرلي وهو مگطوع الادين
وين  ابو فاضل كفيلي گلي وين

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيدة للانصار رضوان الله عليهم

علمتنه فلسفة سبعينك
نموت احنه والله فدوه لعينك
""""""""
صاح عابس ببو اليمه والله جنني العشگ
واحنه صحنه يا حبيبي الكل مجانينك صدگ
وصاح عابس گلبي نبضه بسمك انت بس يدگ
واحنه صحنه گلوب عدنه وي خيامك تحترگ
الله ينسانه اذا ناسينك
نموت احنه والله فدوه لعينك
"""""""""
من حبيب اسمعنه صرخة راد يعلن موقفه
گال اهلي استبدلتهم والله بآل المصطفى
واحنه وي ابنَ مظاهر صحنه وي شيخ الوفه
يا ذبيح الله سلاماً عالجروح النازفه
فلسفتنه الـبيهه نحفظ دينك
نموت احنه والله فدوه لعينك
""""""""""
موقف الحر الرياحي والله آية واضحه
لا مصالح گال عندي ابو اليمه المصلحه
من الف عام ونحسّه چنه مات البارحه
وحنه لو متنه اعله حبك هاي موتة رابحه
بيننه عهد الرياحي وبينك
نموت احنه والله فدوه لعينك
""""""""
حيره بانصار الامامة لا ملايك لا بشر
فدوه لو وذرونه نادوا لاجل ابو اليمه وذَر
واحنه والله والله والله بهالقسم صحنه بفخر
هيچي كلنه نروح فدوه لقطرة من دم النحر
حتى ما نسوه تُرُب رجلينك
نموت احنه والله فدوه لعينك
""""""""
الحياه كلش گصيرة الفرصة لازم نقتنُص
الفرصة من سبيعنك انت لازم يكون الشخُص
احنه من ذولاك صرنه يعني ما عدنه نقُص
الشعائر حَصِنتّنه ماكو بينه نُص ونُص
تدري بارواح ومهج شارينك
نموت احنه والله فدوه لعينك
""""""""
ناده إبن القين نفسي للشهادة وطنت
وانقِتِل لو الف مرة ما أذل لاهل العنت
يا زهير انت لامامك اخلصتله وما خنت
وضّحت معنى الشهادة عاشت ايدك واحسنت
ليتنا كنا معاك انعينك
نموت احنه والله فدوه لعينك
""""""""
وبيهم الـناده ييمه انطيني سيفي ولامتي
گال تتلگاني فاطم لو اموت ابحومتي
واحنه بينه كل موالي صاح ذخري خدمتي
أخدم حسين ابعقيدة لنّه صاحب نعمتي
شما نخدمك ما نوفي دينك
نموت احنه والله فدوه لعينك

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ليلة مسلم ع

بليل الهجر وحيده
شافت حلم حميده
مچتوفه مسلم ايده
طفلة يتيمة
"""""""""
امن البچي نامت حميده ويه همهه
الليله اول ليله ابوهه ماهو يمهه
وبحلم بالكوفه شافت شي هضمهه
منذبح والدهه فزت من حلمهه
هذا الحلم فجعهه
حسين بحزن سمعهه
گام ومسح دمعهه
طفلة يتيمة
"""""""""
شافته ايصلي وتصلي الناس بعده
چان بالعشرين الف انصار عنده
واللي صلوا خلفه صارت كله ضده
ظل غريب ببين هالالاف وحده
حلمي يعم فزعني
تفسيره شنهو يعني
گلبي احس وجعني
طفلة يتيمة
""""""""""
شفت ابويه طايح بحفره چبيره
عليه ملتمه شفت وادم چثيره
عالوجوه يباوع وبعيونه حيره
لا اهل بالكوفه عنده ولا عشي
ينزف ابويه جسمه
وادم شفت تشتمه
اتمنه عيني تعمه
طفلة يتيمة
"""""""""""
مچتفه ايده وناس ترميه بالحجاره
خيّروا باثنين وانتظروا قراره
لو يعوف حسين ويعوف السفاره
لو يعدموه من على قصر الاماره
جاوبهم بعناده
حي عله الشهاده
فدوه لامامي ناده
طفلة يتيمة
""""""""""
عالقصر شفته وشفت اعظم رزيه
جثة مذبوحه ورموهه اعله الوطيه
جثة تسحلهه بحبل خيل آل اميه
امن الحلم فزيت وانه البيه بيه
يا عمي رد عليه
يرجع ابويه ليه
شو ترتجف اديه
طفلة يتيمة
""""""""
طفلة كون احلم اشوفه ليه راجع
مو اشوفه امن القصر للارض واگع
ولا اشوفه ينسحل وسط الشوارع
مو وهم حلمي تره يا عمي واقع
تبچي ودمعهه يجري
وعمهه يگلهه صُبري
صعبة الفجيعة ادري
طفلة يتيمة
""""""""
صُبري صُبري يا حميدة وشوفي باچر
مثل ابوچ ابقه وحيد ابلا مناصر
بصدري شوفي وحسبي چم حافر وحافر
اتذكريني وراسي فوگ الرمح صاير
وتذكري نايباتي
يتيتمن بناتي
وحدتهن بمماتي
طفلة يتيمة

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

مولاتي ام البنين ع

بالشدة نندبچ .. متعودين
يا باب الحوائج .. يم البنين
""""""""
بيمن بالشدايد استجيره ؟
هو باب واحد ماكو غيره
بس لله و إلچ وجهي اديره
الچبيره تصير يم بابچ صغيره
بصغيرة وچبيرة .. متقصرين
يا باب الحوائج .. يم البنين
""""""""
تره الـحِمله ثگيل ايطيح حمله
يا مولاتي والوادم تذله
الا اليگصدچ يلگاهه سهله
انتي البركة والخير كله
يالـكلچ ترافة .. وطيبة وحنين
يا باب الحوائج .. يم البنين
"""""""
مو ياهو الاگصده ادگ بابه
ببابچ ادري بس الاستجابه
بـ(آ) يحسين انخاچ ومصابه
نظرة بداعت السلبوا ثيابه
بس نظرة امشّي .. اعليچ الحسين
يا باب الحوائج .. يم البنين
""""""""
اقره الفاتحة ولو لاسمچ اهدي
سبحانه الله اي شدة تعدي
يا اغله واعز من روحي عندي
على بابچ شرف اوگف واجدي
مثلچ بلله الگه .. بهالدنيه وين
يا باب الحوائج .. يم البنين
"""""""""
اكبر نايبة چفچ يحلهه
قضاء الحاجة بيچ الله جعلهه
يعني كلمن لبابچ وصلهه
مگضية الحوائج كلهه كلهه
خلاچ الله رحمة .. للعالمين
يا باب الحوائج .. يم البنين
""""""""
يمّن للضامي عزّبتي بنينچ
عليه امفضله وبالرگبة دينچ
عني فدوه لتشيلين عينچ
بيني الله ليباعد وبينچ
ومفضله عليه .. كل هالسنين
يا باب الحوائج .. يم البنين
"""""""""
لـعنده مثلچ الله شگد يحبه
مـتمر بيه ابد اوقات صعبه
احج انه إلچ لو عندي طلبه
انتي لحاچتي مولاتي كعبه
تگضيهه بثواني .. عندي يقين
يا باب الحوائج .. يم البنين

انيس الخفاجي الكربلائي‌‌

النص المترجم: ar-ar
مولاتي ام البنين ع

بالشدة نندبچ .. متعودين
يا باب الحوائج .. يم البنين
""""""""
بيمن بالشدايد استجيره ؟
هو باب واحد ماكو غيره
بس لله و إلچ وجهي اديره
الچبيره تصير يم بابچ صغيره
بصغيرة وچبيرة .. متقصرين
يا باب الحوائج .. يم البنين
""""""""
تره الـحِمله ثگيل ايطيح حمله
يا مولاتي والوادم تذله
الا اليگصدچ يلگاهه سهله
انتي البركة والخير كله
يالـكلچ ترافة .. وطيبة وحنين
يا باب الحوائج .. يم البنين
"""""""
مو ياهو الاگصده ادگ بابه
ببابچ ادري بس الاستجابه
بـ(آ) يحسين انخاچ ومصابه
نظرة بداعت السلبوا ثيابه
بس نظرة امشّي .. اعليچ الحسين
يا باب الحوائج .. يم البنين
""""""""
اقره الفاتحة ولو لاسمچ اهدي
سبحانه الله اي شدة تعدي
يا اغله واعز من روحي عندي
على بابچ شرف اوگف واجدي
مثلچ بلله الگه .. بهالدنيه وين
يا باب الحوائج .. يم البنين
"""""""""
اكبر نايبة چفچ يحلهه
قضاء الحاجة بيچ الله جعلهه
يعني كلمن لبابچ وصلهه
مگضية الحوائج كلهه كلهه
خلاچ الله رحمة .. للعالمين
يا باب الحوائج .. يم البنين
""""""""
يمّن للضامي عزّبتي بنينچ
عليه امفضله وبالرگبة دينچ
عني فدوه لتشيلين عينچ
بيني الله ليباعد وبينچ
ومفضله عليه .. كل هالسنين
يا باب الحوائج .. يم البنين
"""""""""
لـعنده مثلچ الله شگد يحبه
مـتمر بيه ابد اوقات صعبه
احج انه إلچ لو عندي طلبه
انتي لحاچتي مولاتي كعبه
تگضيهه بثواني .. عندي يقين
يا باب الحوائج .. يم البنين

انيس الخفاجي الكربلائي‌‌


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


گعدة للخدمة الحسينية

أخدم حسين ابأمانة بكل زمان وكل مكان
ما ابالغ لو اگلك بيده مفتاح الجنان
أحضر ادروس المنابر
أحيي كل عام الشعائر
"""""""""
بكل سنة يشملني ربي ابعطفه وبنظرة رحيمه
احضر بمجلس امامي ومجلسه سوالي قيمه
برحمته خلاني احضه بخدمة حسين العظيمه
هذا الشرف ما ينوصف
الله غمرني ابهالعطف
والله الحسيني ينعرف
دوم بالفطرة السليمه
مُنيتي ثوب الخدامة كل حياتي البسه
وابقه اخدم يم حبيبي وما افارگ مجلسه
ارد اظل بهالمفاخر
احيي كل عام الشعائر
"""""""""
لو مثل ايوب تاخذ مني يا رب المغانم
ارضه بس خليني ابقه يم ابو السجاد خادم
ومني خذ مالي وبنيني بخدمته حسن الخواتم
من الولادة للگبر
بالخدمة گاضيه العمر
لله الحمد ولله الشُكر
ما عفت يوم المآتم
للذي الله يحبه الهالخدامة ايوفقه
هالعمل ربنه يسجله وبالصحيفة ايوثقه
لله هاي النعمة شاكر
احيي كل عام الشعائر
""""""""""
اقسم اعليك ابحُسينك لا ترد يا رب دعائي
عمري بالخدمة تطيله ولا تخيبلي رجائي
وخل يصيحون بمماتي هالحسيني الكربلائي
يحسين ويا حيدر مدد
من عندي هاكم هالعهد
ابقه الموالي وللأبد
بسم ابو الاكبر عزائي
لو يظل يوم بحياتي ما ابطل عادتي
اخدم احسين ويقيني خادم اعظم سادتي
ردي من يحضرني باچر
احيي كل عام الشعائر
""""""""""
للمجالس طعم ثاني ما يعوفه اللي يضوگه
وارتوي بكاس الشعائر ولدليلي اروي شوگه
لطم وتطبير وسلاسل والجمر اتحفه فوگه
ربنه الموالي ميّزه
عن الخلايگ افرزه
تلگاه حاضر كل عزه
لا برد لا حر يعوگه
ادعي لا تحرمني ربي من حبيبي وخدمته
ربي خليني ابسُفرته عايش انه ابنعمته
صرخة من جوف الضماير
احيي كل عام الشعائر
""""""""""
دمعة وحدة لو تهلهه اتخفف ابگبرك عذابك
تبكي لو تتباكه حته كلهه متسجلة ابكتابك
لا نكير ولا هو منكر يدنه من دفّنة ترابك
وبگبرك انت من تطُب
ولو هلوا اعليك الترب
مفعم ببو اليمه الگلب
شگد سهل يصبح حسابك
في جهنم سلسلتهم ناس (سبعونَ ذراع)
وانت نورك يمشي گبلك ينبعث منك شعاع
يعتلي صوت الحناجر
احيي كل عام الشعائر

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ادعي لله بشرف خدمة هالسنين
ربي إجعلني وجيهاً بالحسين
ارزقني دمعة خدمته
""""""""
للحسين اتظل حرارة وجمرة لا ما تنخمِد
ومن يجي موسم خدمته خادمه روحه ترد
اني مخلوق لخدمته الشكر لله والحمد
هو مولايَ واغاتي واني للمولى عبد
اعليه ادري هالطلب كلش چبير
تراب جدمه والله اتشرف اصير
""""""""
يللّي عد ربك وجيهاً اني متوجه إلك
عندك اجعلني وجيهاً يا حسين اتوسلك
فطرس المكسور جنحه بجاهك ايطير اسألك
وانته من جاهك نطيته ورجعت جنح الملك
لسان حالي يصيح يحسين الوجيه
بلا نظرتك انه اتيتم واتيه
""""""""""
ربي نزّل درجاتي مو مهم منصب ابد
بحبه صعد درجاتي اكثر واكثر بعد
واللي يصعد مو بزوده بزود ابو اليمه صعد
واني بيد حسين امري إلوكيل المعتمد
بسمه بالابكار اسبّح والعشي
بلا خدمته آنه شي ما اسوه شي
"""""""""
اني امنيتي الوحيدة وحلم عمري لاحلمه
كون اغمض عيني وانه لابو اليمه خادمه
الناس راح تگول عني نياله حسن الخاتمه
هالشخص خادم حسيني چان الله يرحمه
والـلِطَم خده على الخد التريب
حسين منه بالحشر كلش قريب
""""""""
امن السمه للارض ربنه ماد للوادم حبل
والـيلزمه شرط گلبه ببو اليمه متصل
هالحبل يعني الخدامة وبيه تمسك لا تزل
تريد توصل لله اخدم بالخدامة شگد سهل
اسأل الله عنه ما يبعدني يوم
والعق انه قصعته يخليني دوم
""""""""
الناس كل ظنهه الخسارة بالتجارة تنحصُر
ما دروا اكبر خسارة المـا يخدمه بالزغر
خدمة حسين الامانة والضمانة والذخر
مو چِفَن باچر خدمتك تسترك وسط الگبر
لو متت اتميّز اعله اهل الگبور
انه من اهل اللطم فوگ الصدور

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بسمه تعالى
648-القاسم بن الحسن ع
%%%%%%%%%%%%%%%%%%%%%
دمع لونه الحَمار..بالكَلب جمراتي نار
بياض بروحك و كَلبك
يدمعات الجفن صبّك
*****
عندي عالقاسم حزن بي ذكريات
بعده شاب و ماتت بروحه الحياة
ضحه روحه و مهجته بكتر الفرات
يمّه تنعه امعذبات النادبات
من يمر طاري الشباب
ما نشم ماي و تراب
نعاين ننظر ال دربك..١
********
ويلي عالتفكَد ولد تشكي الزمان
كَمت اشوفك لهفة بعيون المكان
بيه حنّية وفه و رغبة حنان
و اعرف افراكَك صعب هذا امتحان
مصعب الام الوداع
مركب و مابي شراع
قصيدة و نايبة اتكتبك.٢
***************
من اذكر ايام الزغر جنت اعتنيك
و انت من بعد الدرب تومي بأيديك
روحي ملهوفة اصبحت تنحب عليك
يالجنت عين و شفت هالدنيه بيك
بعينك الايام اشوف
هسة تارس كَلبي خوف
ونيني و حسرتي اتحبك..٣
***************
انت روحي و خيمِتي و ماي العيون
تالي خابت للأسف كلهه الظنون
خلصت باقي العمر حسرة و شجون
يرجع بسمعي الصده لن ما تجون
سافرت دنيه اللقاء
و اصعِدت صوب السماء
ونيني الخايف ايعَتبك...٤
****************
يكسر افراكَه الظهر آه يالحبيب
تخلص ايام العمر دمعة و نحيب
دهري غدار الدهر كلما يجيب
من يجي الليل انتظر صمته الرهيب
حتى اذكرك بالدموع
جمرة نار من الضلوع
منايه بخاطري اتسلبك..ه
&&&&&&&&&&&&&&
سيد حيدر العوادي
بابل الشوملي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بسمه تعالى
8-بكاء السيدة ع
++++++++++++++++++++++++++
أعاتبكم و اعاتبكم..و ارد اردود اعاتبكم
مصايبكم مصايبكم..تفِت روحي مصايبكم
شاعاتب ما نفع عَتبي
يسولف كَلبي وَي كَلبي
+++++++++++++++++++++++++++++
اعاتبكم عتاب اوداع..و اعيد امعاتبي اوياكم
و اردّن بالعتاب اردود..تمر بافكاري طَرواكم
حزن و امهامَل الدمعات..جفن عيني التعنّاكم
رمش من الدمع تعبان..الحزن عذبني بجفاكم
برمش جفني برمش جفني..شفت لون برمش جفني
كثر حزني كثر حزني..بكثر حزنك كثر حزني
و اضيعن تيّهِت دربي....1
+++++++++++++++++++++++++++
شفت من الليالي اهموم..تردني و تاخذ ايامي
صحت ما رجعوا الغِيّاب..شيردهم و النحر دامي
لَوَن منكم تجيني اطيوف..حلم يتراوه باحلامي
ضِميت و ما أريدن ماي..دليلي الشوفتك ضامي
يبو اليمّة يبو اليمّة..جمر ساعر يبو اليِمّة
متت يَمّه متت يَمّه..كَضت روحي و متت يَمّه
ألهي و خالقي حسبي....2
++++++++++++++++++++++++++++
أموتن من يمر طاريك..دليلي بحسرِته ايذكرك
أموتن من اشوف الراس..اذا ضربوني يتحرّك
تمايل راسك اعله الزّان..النسايم حرّكت شَعرك
اخاف من الرمح ياذيك..و يجِرحك أكثر بنحرك
نودعكم نودعكم..بدمع سايل نودعكم
يرجعكم يرجعكم..بعد ياهو اليرجعكم
عيوني اعله الدرب تِربي....3
++++++++++++++++++++++++++++
يعباس العلَم عالكَاع..وكَع من وكَعن اجفوفك
سهم عينك يَماي العين..أخذ يا للأسف شوفك
شفت يمك بقايه الروح..حزينة امعلعلة اتطوفك
تمرني و ترتحل بسكوت..تطوف بخاطري اطيوفك
بدرب غربة بدرب غربة..مشت روحي بدرب غربة
غدت صعبة غدت صعبة..سفِرتي شكَد غدت صعبة
هوازل بالسفر تِحبي....4
++++++++++++++++++++++++++++
لبينك بين اخوك حسين..دليلي و خاطري املوّع
اعاتب يا عتاب ايفيد..بعد من صار الموادَع
اشاهد راسك المرفوع..يشوف الحاصل و يسمع
اذا زينب تنخّت بيك..ايتَحرّك جسم الِمكَطّع
مسافاتي مسافاتي..تحن روحي بمسافاتي
معاناتي معاناتي..شكثر طالت معاناتي
مناية اتزاحمت كَربي...5
==============================
سيد حيدر العوادي
بابل الشوملي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بسمه تعالى
648-القاسم بن الحسن ع
%%%%%%%%%%%%%%%%%%%%%
دمع لونه الحَمار..بالكَلب جمراتي نار
بياض بروحك و كَلبك
يدمعات الجفن صبّك
*****
عندي عالقاسم حزن بي ذكريات
بعده شاب و ماتت بروحه الحياة
ضحه روحه و مهجته بكتر الفرات
يمّه تنعه امعذبات النادبات
من يمر طاري الشباب
ما نشم ماي و تراب
نعاين ننظر ال دربك..١
********
ويلي عالتفكَد ولد تشكي الزمان
كَمت اشوفك لهفة بعيون المكان
بيه حنّية وفه و رغبة حنان
و اعرف افراكَك صعب هذا امتحان
مصعب الام الوداع
مركب و مابي شراع
قصيدة و نايبة اتكتبك.٢
***************
من اذكر ايام الزغر جنت اعتنيك
و انت من بعد الدرب تومي بأيديك
روحي ملهوفة اصبحت تنحب عليك
يالجنت عين و شفت هالدنيه بيك
بعينك الايام اشوف
هسة تارس كَلبي خوف
ونيني و حسرتي اتحبك..٣
***************
انت روحي و خيمِتي و ماي العيون
تالي خابت للأسف كلهه الظنون
خلصت باقي العمر حسرة و شجون
يرجع بسمعي الصده لن ما تجون
سافرت دنيه اللقاء
و اصعِدت صوب السماء
ونيني الخايف ايعَتبك...٤
****************
يكسر افراكَه الظهر آه يالحبيب
تخلص ايام العمر دمعة و نحيب
دهري غدار الدهر كلما يجيب
من يجي الليل انتظر صمته الرهيب
حتى اذكرك بالدموع
جمرة نار من الضلوع
منايه بخاطري اتسلبك..ه
&&&&&&&&&&&&&&
سيد حيدر العوادي
بابل الشوملي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بسمه تعالى
281-العباس ع
**************
عالكمر صورة نهر..بالنهر صورة كمر
الشاطي ضم روحه وخجل
لو كمر يمك نزل
**********
انت هذا اعله الكمر جنك فرات
لو كمر يمك نزل شافك حياة
هذا وجهك عالكمر يغفه و يبات
لو عفت شاطي النهر من شفته مات
انت هذا بلا ضوه
لو نهر بيك ارتوه
من شرب جرفه الأجل...
**********
أنت راجع للخيم لو بس خيال
تومي جنك من بعد كتلك تعال
بلايه جربة شلون اعاود لا محال
شلون اشيل الجربة لا يمنة وشمال
عيني صوبهه السهم
شلون اعود بلا علم
يختي ما ظلج أمل.....
**********
بينك وبين النهر مات الشعاع
بينك وبين الكمر شاطي افتجاع
بيني ما بينك عهد شيلة وقناع
ضيعتني ومن ضعت كل عمري ضاع
بيني ما بينك عهد
وانت بعدك بالمهد
خوة بس ثغرك نهل...
**********
كافلي وهذا الأسم لايك عليك
روحي جانت من زغر مشغوفة بيك
بعدك بمهدك زغير وجنت اجيك
تكطع اكماطك عجب واتشيل ايديك
تومي بيدك من بعد
شلتك وروحك ترد
عفتك و بان الزعل....
**********
هسة امد ايد الأمل مامش جواب
كمت اعاتب شوغفه ومات العتاب
اسرع انهض سافر الضعن المهاب
عيني شافت عالنهر غيمة وسراب
من وصل ليك النده
يرجع اوداعك صده
شلون ابو فاضل قبل....
**********
جن اشوفك عالشمس ترسملي أيد
بيهه دم قاني ومسافات او وريد
ادري رايد تعتذر وادري شتريد
لا خدر زينب يكع تقصد أكيد
لا يسبع الكنطرة
خدري ما يوكع تره
وانه بت خير العمل....
=======÷÷÷÷÷÷÷÷=======
سيدحيدرالعوادي
بابل الشوملي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

.بسمه تعالى
575-شكوى السيدة ع..جديد ٢٠١٩
*********************
خلّ اسولفلك عليّه..و حالي وكت المغربيّة
أكَعد بجرف النهر و ايدي اعله خدّي
ما عكس وجه الكَمر جي لونه وردي
×××××××××××××××××××××××××××××
خلّ اسولفلك عذابي
هضمتي و نوح انتحابي
غربتي بليل اهدعش تشرح مراري
و هضمتي بوادي الصبر بيهه انتظاري
ليل الموادع دهر غيّب نهاري
رحلة بدروب النعي و شوك و براري
نزلت امعاتب دموعي
جمرة مشبوبة بضلوعي
كل جرح شايل جرح و اجروحي تِدّي....1
×××××××××××××××××××××××××××××
ناري من هضمة رحيلك
مدري من همي اشتكيلك
مدري من همّ الحبل ياذي اليتامة
تنحب بطول الدرب تدعي السلامة
يا غدر هذا الزمن نوح و ملامة
دارت ايامه بحقد ضدّ الأمامة
من عذابات و مآسي
منهه تنهدّ الرواسي
ما صفت بس الصور للماضي عندي...2
××××××××××××××××××××××××××××
بيني ما بينك مسافة
بيهه شهكَات ارتجافة
رجفة بوريد النحر تسعه و تجيني
رجفة من كَطع النحر زادت ونيني
طبعت ارسوم الشمس هايه بجبيني
نامت اعيون البشر و انه بحنيني
اتمر تصاوير بضميري
أمشي نادتني استِديري
من التفت صوب النهر يلجمني جبدي....3
×××××××××××××××÷××××××××××××
روحي و امرادف صبرهه
نارك التجوي بجمرهه
نارك البيّه اعتلت ترسم رجوعك
ماكو نخلة و لا حضر زارك يَسوعك
دمعي يرسم عالوجن مجره ال دموعك
شمعة ايامي انطفَت و اشعل شموعك
من عذابات التمنّي
من رحيل الدنيه عنّي
عيني بس ماي و أمل بعدك تِبَدّي.....4
×××××××××××××××××××××××××××
ما كَطع دمك مسيلة
عالرمح رسم العقيلة
بيني ما بين الرمح دمع ابتهالي
بينك و بين الدمع رمح الليالي
بهدوةْ الليل استمع صوتك تعالي
شرد اكَول و لا حجي بشفّة مقالي
من الاكَيكُم و اكَلكم
شسوّت الدنيه بأهلكم
و اشرح الام اليسر يسمعهه جَدّي.....5
===========================
سيد حيدر العوادي
بابل الشوملي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بسمه تعالى
645-شمس الحسين ع..
=============================
شمس الِحسين و ضُحاهه..و الكَمر بالطف تلاهه
سيفه بالعاشر جِلاهه..اتغشّه ليل النايبة
+++++++++++++++++++++++++++
شمس الِحسين اشرقت نور و ضياء
بس تغطت بالترب شالت دماء
من بزغ نور الكَمر شايل سِقاء
يجلي عن وجهه الكرَب صوت الوفاء
صولة حسين و عضيده..رددوا بالطف قصيدة
ينطي كل منهم وريده..حس منايه اتكاتِبه....1
++++++++++++++++++++++++++++
شمس الحسين اعتلت بالطف منار
كم نهار بلا شمس يطلع نهار
سيفه ابو فاضل جمر يجلي الغبار
رد على اخيامه الفرس بس بي حَمار
بعدت اليوم المسافة..تلّة اوداع و مخافة
يا جرح بعدك تشافه..من المصيبة الراتِبة....2
++++++++++++++++++++++++++++
بين ابو فاضل حجي و بين الحُسين
نظرة اوداع و الم بين الثنين
آنه عباسك صرت لعيوني عين
حسين ابو اليِمّة ذكر باس الأيدين
باس الِجفوف بزغرهه..يذكر بحسرة شكبرهه
زينب و دمعة صبرهه..عدهه روح امعذبة...3
++++++++++++++++++++++++++++
شاف ابو اليمّة الكَمر للخيمة جاي
رَد لبو اليمّة بحزن ناداه يهاي
أشّر على اجفون النظر جيبنّه ماي
كَلّه أسمع كم طفل ينده وراي
ودع احسين و تعنّه..من النهر بس ما تدنّه
ما شربله شوية منّة..و جبده جانت لاهِبة...4
++++++++++++++++++++++++++++
زينب بنوح و دمع تبجي بسكوت
تصرخ بصوت و نعي و ما بيهه صوت
تعتلي اصوات الصبر شايلهه موت
صفنت انسام الهوه بهيئة قنوت
غربة اوداع بحلمهه..من مشه الكافل هِدَمهه
من رحل حارس خيمهه..بهم ونين اتعاتِبه...5
=============================
سيد حيدر العوادي
بابل الشوملي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بسمه تعالى
279-ماكو راحة..السيدةع
**************
ماكو راحة..كلبي تتنازف جراحه
ماكو راحة..بناظري اوداع ومناحة
الراحة ماتت عالفرات
انشالت براس القناة
**********
ماكو راحة..وراحة الفاكد دمع
ماكو راحة..جمرة تحرك بالضلع
ماكو راحة..وعالترب جف وصبع
ماكو راحة..الوحشة من شال الشمع
بلا نهايه..غيمة تتماطر دمايه
بلا نهايه..كسرة الباب البدايه
والأمان بصفهه مات...
**********
بلا نهايه..حسرة الفاكد عمر
بلا نهايه..علة اليجرع صبر
بلا نهايه..خيمة تتناثر جمر
بلا نهايه..اليحفر الروحه الكبر
من يصبره..الفارك المحبوب غفلة
من يصبره..من يكله امودع الله
غركت بدمعي الحياة....
**********
من يصبره..اليدفن بأيده الفرح
من يصبره..وروحه توأمهه انذبح
من يصبره..ودمه عالشاطي
انسفح
من يصبره..الخاطر احلامه انجرح
يبجي سكتة..بدمعة تعميهه النواظر
يبجي سكتة..صورة اخيام ومناحر
ما حيت كاعي الموات..
**********
يبجي سكتة..ويختنك عنده النفس
يبجي سكتة..من يمر طاري الفرس
يبجي سكتة..صدري بالحسرة انترس
يبجي سكتة..والهوه الحار انحبس
انه زينب..خاطري اشتاك الرقية
انه زينب..بعيني دمعة وغاضرية
صعبة ساعات الشتات..
**********
انه زينب..هذا حالي بعاشرك
انه زينب..حمرة صورة منحرك
انه زينب..أغفه واصحه اتصورك
انه زينب..انسة ساعة اتذكرك
هذا هوه..انت راحل وابقه اتاني
هذا هوه..تسحك بروحي الثواني
وانجوي بدمع البنات...
**********
هذا هوه..رحلة اوداعك نعي
هذا هوه..قافلة وهجرة السعي
هذا هوه..بكلمة اوداع اندعي
هذا هوه..صوت اماني بسمعي
امودع الله..سفرتك موت و منايه
امودع الله..سفرتي بنوح السبايه
من ونين النادبات....
=====÷÷÷÷÷÷÷==========
سيدحيدرالعوادي
بابل الشوملي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


والله نعمة..خدمتك يابو علي
والله نعمة..بيهه نسمه ونعتلي

بيهه رفعه بهل الحياة
وباجر اتصير النجاة والله نعمه
=========================
خدمتك بيها الامان.عالسراط انته الضمان.نعمه حبك
نربح ونخسر محال.انته يل دربك دلال.جنه دربك
الخدامه شويه هاي.كون بالطف صرنه ماي.يروي كلبك

حبنه الله والك خدام لو ماحبنه ماصرنه
يوصفونه ربع الحسين لان طاهر اصل درنه

والله نعمه..من يسمونه الخدم
والله نعمه..نرفع باسمك علم

هاي من احله الصفات
وباجر تصير النجاة والله نعمه
=========================
هاي نعمه امن السماء.اغله حته امن الهواء.والله يشهد
والسالنه انكله ليش..دون حبك مانعيش..ما الك حد
تعبك البيه نستراح.جمرة بس تشفي الجراح.لا متبرد

يحسين التعب وياك راحه وبيهه ما نتعب
خدمه تفرح الزهراء شنهو البيهه ماينحب

والله نعمه..من نفرح فاطمة
والله نعمه..نزلت النه امن السمه

حبك وعشك صلاة
وباجر تصير النجاة والله نعمه
=============================
جنه مابيهه نقاش.والله يحسين ابلاش.وانته غالي
الثمن نبقه احنه ناس.لا خشم نرفع ل راس.مانغالي
كون صافين الضمير.محد يصيح جبير.. واني عالي

ربعك لازم يصيرون منك سيدي شويه
محد يعله عالثاني وانته تجازي عالنيه

والله نعمه..لمن نخدمك صدك
والله نعمه..ننجمع ما نفترك

حته ما نصبح شتات
و باجر تصير النجاة والله نعمه
=============================
حسين يمك مانحير..واحنه نعرف بالمصير..تالي نربح
خيمتك اليطبها فاز..وانته تنطينه الجواز..والله نفرح
انته مولاي الملاذ..بدربك البيه جنه هاذ..اليمشي يفلح

ظلمه وبس طريقك خير نور ويجلي كل ظلمه
كل خدمه اويه غيرك ذل ورفعه لاجلك الخدمه

والله نعمه.. لو عبيدك ننحسب
والله نعمه..نعطش نشوفك عذب

ياعشك حد الممات
وباجر تصير النجاة والله نعمه
============================
باجر ابيوم الحساب..احنه منخاف العذاب..انته يمنه
نطمأن وما نخاف..نحمل اكلوب النضاف..تدري جنه
باجر الخادم ينول..الشفاعه امن البتول.بيهه املنه

باجر امك الزهراء تشفع للجره الدمعه
والما يخدمك يحسين باجر كلشي مينفعه

والله نعمه...منها ما يوجد بعد
والله نعمه. .لليوفيلك عهد

الك حلوة التضحيات
وباجر تصير النجاة والله نعمه
======================حسين المحامي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ادعي لله بشرف خدمة هالسنين
ربي إجعلني وجيهاً بالحسين
ارزقني دمعة خدمته
""""""""
للحسين اتظل حرارة وجمرة لا ما تنخمِد
ومن يجي موسم خدمته خادمه روحه ترد
اني مخلوق لخدمته الشكر لله والحمد
هو مولايَ واغاتي واني للمولى عبد
اعليه ادري هالطلب كلش چبير
تراب جدمه والله اتشرف اصير
""""""""
يللّي عد ربك وجيهاً اني متوجه إلك
عندك اجعلني وجيهاً يا حسين اتوسلك
فطرس المكسور جنحه بجاهك ايطير اسألك
وانته من جاهك نطيته ورجعت جنح الملك
لسان حالي يصيح يحسين الوجيه
بلا نظرتك انه اتيتم واتيه
""""""""""
ربي نزّل درجاتي مو مهم منصب ابد
بحبه صعد درجاتي اكثر واكثر بعد
واللي يصعد مو بزوده بزود ابو اليمه صعد
واني بيد حسين امري إلوكيل المعتمد
بسمه بالابكار اسبّح والعشي
بلا خدمته آنه شي ما اسوه شي
"""""""""
اني امنيتي الوحيدة وحلم عمري لاحلمه
كون اغمض عيني وانه لابو اليمه خادمه
الناس راح تگول عني نياله حسن الخاتمه
هالشخص خادم حسيني چان الله يرحمه
والـلِطَم خده على الخد التريب
حسين منه بالحشر كلش قريب
""""""""
امن السمه للارض ربنه ماد للوادم حبل
والـيلزمه شرط گلبه ببو اليمه متصل
هالحبل يعني الخدامة وبيه تمسك لا تزل
تريد توصل لله اخدم بالخدامة شگد سهل
اسأل الله عنه ما يبعدني يوم
والعق انه قصعته يخليني دوم
""""""""
الناس كل ظنهه الخسارة بالتجارة تنحصُر
ما دروا اكبر خسارة المـا يخدمه بالزغر
خدمة حسين الامانة والضمانة والذخر
مو چِفَن باچر خدمتك تسترك وسط الگبر
لو متت اتميّز اعله اهل الگبور
انه من اهل اللطم فوگ الصدور

انيس الخفاجي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


عباس من سيفه العده ايهابونه
شال النهر والشاطي فوك امتونه
يابو فاضل. يابوفاضل. يابوفاضل
*
بيده شال الرايه. الشاطي كل الغايه
زينب اخته الايه. خويه كلها ادللي
بزودي اطبن عالحرس. وعلي مااخلي نفس
خوف هالشاطي انترس بطولي شافوني علي

ارعب إبسيفي. وبكيفي. كل حيفي
غيره حيدره
كافلج نشمي. وبعزمي. متسمي
سبع الگنطره
وضح قراره وخله بيه مضمونه
شال النهر والشاطي فوك إمتونه
**
الصعبه كلش سهله. الماوصلني اوصله
بخزه قبل النبله. الا اموتنه برعب
كومي شوفي افعالي. تحجي قبل اقوالي
دوم راسي العالي. من اطبن للحرب

ياجربتي بمتني. اليوصلني. متعني
زلمتهم صدك
مايرجع براسه. وانفاسه. بكل ساسه
يرجع محترك
من خزرتي يرجع تره يتيهونه
شال النهر والشاطي فوك إمتونه
****
الشاطي فوك امتوني. فنهم ايلاگوني
ابد ميمنعوني. الا اروي اعيالي
بسيفي مااذبحهم. والله بس اخزرهم رعب ماتوا كلهم تموت كلها گبالي

أذبحهم بنظره والخزره بالقدره
قائد مايهم
يرعبهم إخيالي. بفعالي. وكبالي
ماظلت زلم
عباس اخوج وفنهم ايلاگونه
شال النهر والشاطي فوك إمتونه
****
القاده شو مذهوله. تشوف هاي الصوله
ليش متكدروله. الشمر حاچه اجنوده
من يسل بتاره. شوفوا إلكم چاره
بسيفه وبأنظاره. من يلاوي ازنوده

والصوله مشهوده. بزنوده لوعوده
مايخلف ابد
والشمر خايف. متراجف. واشايف
سطرات الاسد
يخاف الشمر لمن يصد لعيونه
شال النهر والشاطي فوك إمتونه
****
من يغث احسيني. الااذبحه بعيني
بخزره وبجفيني. بيهم املي اجهنم
الصاح وينك وينه. خل يطلع عينه
الا اطشر اسنينه. حيلي ليه يتحزم

تدريني من ازعل. مااقبل. الا بحل
اگلب نينوه
اني الحرب عيدي. شتريدي. وبأيدي
لو رف اللوه
زينب تصيح احسين الف خيعونه
شال النهر والشاطي فوك إمتونه
****
تمت ولله الحمد/ المقصر مع الحسين
علي النائلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA