#قصائد_شهر_محرم

عـــظم الله اجـــــــوركم

#مؤسسة_منبريات_للخطابه_الحسينيه

••••••••••••••••••••••••••

قصيده لسيده فاطمه العليله ع {{دارمي}}

----------------------------
بالضعن وين اتريد... بويه بغلاتي

عگبك يماي العين....تخلص حياتي

،،،،،،،،،،،،،،،،،،،،،،،،،،،،،،،،،،،،

لـملـم بناته وگال بويه استريحي

والمثلي صبره شلون ياروحي صيحي


للجدام ابوالسجاد قبليها طيحي


ياخذني ابوي وياه .....اتبع خواتي

،،،،،،،،،،،،،،،،،،،،،،،،،،،،،،،،،

لوحدي أضل بالدار وحشه الثنيه


معلوله بويه الروح يبن الزچيه


اسرج اروح الخيل يهل الحميه


يمك اريد الموت....وبحضن عماتي

،،،،،،،،،،،،،،،،،،،،،،،،،،،،،،،،،،،،

اندب يهل الماشين وادموعي اَهلها

ابرا الضعن وياچ ولعمتي اگلها

هالسفره خاف اطول مالي حملها

بالدمعة تعمي العين...عگبك يغاتي
،،،،،،،،،،،،،،،،،،،،،،،،،،،،

من حملت يحسين دمعي يتجاره

ادخيلك يداحي الباب يالحامي جاره

اعليك الگلب يابوي ومستعره ناره

صار الدمع مدرار ... نشفت لهاتي

،،،،،،،،،،،،،،،،،،،،،،،،،،،،،،،،،،،،،،

بس الطفل خليه وبروحي بادي

انتگابل انه وياه باسمك ننادي

لوطولت يحسين سلوت فوادي

متعوده انه عليه...يعرف صفاتي
،،،،،،،،،،،،،،،،،،،،،،،،،،،،،،،،،،،،،،،،،،

خل الطفل وياي يأنس وحشتي

بعدك اضل بضيم تگتل عبرتي

يبويه من تمشون تثگل حسرتي

اگضيها بس اهات ..بالوجنه دمعاتي


تــمـ✍ـــٰت بــعــون اللـہ
✭✭✦••┈•✭✭..✭✭✦••┈•✭
#خــــــادمة_الزهراء_ع______________________ آمٰ̲ہ ڪٰྀہٰٰٖرآر آلطۨہٰٰآئيِٰہٰ̲ھہ ❥┊⁽ ♔ ♬ ◄
───✤◐►✍◄◐✤───
#5ذوالقعده1440هـ
8/7/2019
✭✭✦••┈•✭✭..✭✭✦••┈•
❌لاإجيــز حــذف الأســم❌

•••••••••••••••••••••••••
مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A