8.مؤسسة منبريون للنساء🧿
3.91K subscribers
13 photos
2 files
10.3K links
Download Telegram
#قصائد_شهادة_ام_البنين_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

جديد :

قصيدة *[ #يالاحباب ]*
في إستشهاد السيّدة #أم_البنين عليها السلام ، 1441 هـ
___________

المستهل /

يالأحباب ..
اشحقه هجرتوا
يالأحباب ..
من بدري رحتوا
يالأحباب ..
لَيْ مارجعتوا ، يالأحباب ..


1 /

وحق أحمد ، واهو إليشهد
ترى طوّل هجركم
نِشف دمعي ، اِنكسر ضلعي
ردت بس آنه اْضمكم
اختِنق بيّه ، هوا الريّه
رِدت بس چلمه اْقلكم
اناظركم ، في عينيكم
واقللكم ( أحبكم ) !

ابد لا ..
والله ماناسيتكم
ابد لا ..
كل وگت ابچيكم
ابد لا ..
قلبي ينبض بيكم ، يالأحباب ..


2 /

ابدمع جاري ، ايقْضيْ انهاري
وابليلي اموتن
عهد چنه ، ابلِنّه
فراشي اُو ما اخونن
يمر عمري ، أيا ذُخري
إلقبري راح اروحن
تِظل حسره ، لون نظره
مَأنظركم واشوفن

البُعد طال ..
مَتردوا ليّه!
البُعد طال ..
مَترحموا بيّه
البُعد طال ..
يَأهل الحميّه ، يالأحباب ..


3 /

الهجر قاسي، بُيض راسي
مايرحم بالإحساس
يَسيّدهم ، يَقائدهم
اشلوني ابلايه عبّاس؟!
اكبرِت آني ، ظهر حاني
اُو قلبي اهوايه حسّاس
يداريني ، يحن بيني
واريده ايقلي لا باس

يالحسين ..
مشتاقه آنه
يالحسين ..
إلفاضل حنانه
يالحسين ..
ردوا أمانه! ، يالأحباب ..


4 /

انظروني ، صُفر لوني
اُو من اوقف اطيحن
يأحبابي ، ضُعف حالي
من قد ما انوحن
إلـ يحب قلبه ، ابتعب يربى
اُو بالآخر يعوفن
سهر ليله ، شِقا اسنينه
هنا لا مايشوفن

يالتراب ..
ضمه لقلبي
يالتراب ..
ذبحونه حُبي
يالتراب ..
اندِب لـ تعبي ، يالأحباب ..


5 /

خلص رحتوا ، اُو مَتردوا
عن أمكم مشيتوا
مرض عله ، اُو بچي طفله
ابقلبي خلِّفيتوا
يِهد الفراق ، اُو من اشتاق
اتخيل اجيتوا
قلب ام هاد ، يهالأجواد
عسن لا مانسيتوا

يَحلوين ..
ناموا ابتربكم
يَحلوين ..
اُو خلوها امكم
يَحلوين ..
تِحلم تضمكم ، يالأحباب .

___________

بِـ قلم /خادمة وليِّ النعمة ( قصائد وليِّ النعمة )



•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A
#قصائد_العليله

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•
*《قصيدة الى فاطمه العليله(ع)》*

*《لحن قصيدة ضلت بس صورهم للمله عمار الكناني》*
❥━──➸➽❥❂❥━──➸➽❥❂
*عافوني ابنزلهم ... اتنطر خبرهم*
*عافوني عليله...بلايه عيلة*
*ودمعي سچاب*
*دمعاتي جريه ...تترسهن اديه*
*خلوني وجفوني ... وفارگوني ...*
*بديرة اجناب*

#يبويه... عفتوني وحيدة عالدرب انوح
#يبويه... دلالي بغيابك صابته الجروح
#يبويه...وناتي وحسرتي و ذابلة الروح
#يبويه...من عني مشيتو ماگلتولي اروح
*عفتوني ومشيتو..بيه ما دريتو*
*راح الغالي مني..وبعد عني*
*وما رجع جواب*
*دمعاتي جريه تترسهن اديه*
*خلوني وجفوني...وفاركوني*
*بديرةاجناب*

❥━──➸➽❥❂❥━──➸➽❥❂

#يالاحباب...اباب الدار اناشد شابچه الادين
#يالاحباب...من يوم الرحلتو عايشة بحنين
#يالاحباب...داري وي ونيني يبچي بالانين
#يالاحباب...اگضيها الليالي ناطرة الحسين
*داري والليالي..تشكي الي جرالي*
*ضليت بحسرتي.. وي دمعتي..*
*تبچي الاحجار*
*دمعاتي جريه تترسهن ادية*
*خلوني وجفوني... وفارگوني..*
*بديرة اجناب*

❥━──➸➽❥❂❥━──➸➽❥❂

#يروحي...نوحي عالغوالي السافروبعيد
#يروحي...شما تجري دموعي ادري ما تفيد
#يروحي...ايامي الي راحت دهري ما يعيد
#يروحي...دلال اليتيمة ظل يون وحيد
*ابچي اعله الجفاني...راح و ما خذاني*
*عافوني الاحبهم...من يردهم*
*دمعي هدار*
*دمعاتي جريه...تترسهن ادية*
*خلوني وجفوني... وفارگوني...*
*بديرة اجناب*

❥━──➸➽❥❂❥━──➸➽❥❂

#يالاحنان ...من غرب ضعنكم مابي محملي
#يالاحنان...يم بابي اعاين ما يصد الي
#يالاحنان...شيعود الليالي وافرح بهلي
#يالاحنان...همي الي حملته صعبة ينجلي
*من غرب ضعنكم...وأنه اتنوع الكم*
*من سدر ضعنكم...وانا يمكم*
*جرحي ما طاب*
*دمعاتي جريه...تترسهن اديه*
*خلوني وجفوني... وفارگوني..*
*بديرة اجناب*

❥━──➸➽❥❂❥━──➸➽❥❂

#يغياب...دمع الفرگة صعبة عالوجن تسيل
#يغياب...ابقه انا وحيده والگلب عليل
#يغياب...وهموم اليتيمة گولو من يشيل
#يغياب... كل ضنتي تجوني والحمل ثگيل
*كل ضنتي تجوني..يعودون الجفوني*
*محتاجه المكم..وابقه يمكم*
*ساعة الممات*
*دمعاتي جريه تترسهن ادية*
*خلوني وجفوني.. وفارگوني*
*بديرة اجناب*

❥━──➸➽❥❂❥━──➸➽❥❂

#يعباس...يا عمي وكفيلي وحامي الضعن
#يعباس...ترضاها وحيدة بالنزل اون
#يعباس...مو گتلي تردلي وتنجلي المحن
#يعباس...تاليها رميه عالترب تون
*يا كافل ضعنه... عگبه ضل شملنه*
*ظليت بغيابه*... *بلا سحابة*
*دمعي سچاب*
*دمعاتي جريه تترسهن اديه*
*خلوني وجفوني وفارگوني بديرة اجناب*

❥━──➸➽❥❂❥━──➸➽❥❂
*بقلم ✍🏻 شاعرة اهل البيت*
*العلوية مريم النور نسألكم الدعاء الفاتحه إلى روح اختي وﻷمواتكم :🍃*

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg