#قصائد_شهادة_فاطمة_الزهراء _ع

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

بِـ طور / أمنية الحسين ملا أحمد صديق
____

جديد :

نعي *[ #يازهرا_العجل ]*
توسُّل بالسيِّدة #فاطمة_الزهراء عليها السلام، 1443 هـ .
________________

1 /

يايُمه يازهرا العجل
همومي اتراكمت ، أموري تبعثرت
ابحاجاتي للمجلس اجيت
ودموعي اتناثرت ، واياديِّه عِلت

ماعندي غيرچ أقصده وأخبره
منهو إليه ايدق يَـ يُمه صدره؟
ماحد يَـ يُمه وأقسم ابحبيبچ
المحني الظهر ويون: آه يَزهره

تعبانه يايُمه أنظري ، ليَّه وشوفي .. ليَّه وشوفي
هاذ آنه لبطول السنه ، تخدمچ حروفي .. تخدمچ حروفي

2 /

أدري امن أجيچ ابحاجتي
تعرفي بحِّتي ، وتِحنِّي الوَنِّتي
بابچ تفتحي ابكل هلا
تندهي ابنيِّتي ، اُو تقضي حاجتي

يازهرا مسحي راسي چاليتامه
وحقچ يَـ يُمه ليلي ما أنامه
داخلني خوف اُو رايده تسكنيه
وتمنِّي عالمرضى بـ أجَل سلامه

ابنيَّه ليچ اُو خادِمه ، لازم تِنظري .. لازم تِنظري!
لو أقصد الغيرچ وألوذ ، يكسرلي ظهري .. يكسرلي ظهري

3 /

تكفيني كسرات الظهر
العَليچ اتكسرن ، وعلى ضلعچ نِعن
خمسة ظهور امكسَّره
علي وأم المِحن ، وحُسين اُويا الحسن

وخامسهم المهدي البلا عمامه
الما أدري وينه مآتمه أقامه
يكفيني يُمه من الكسِر اُو قبرچ..
ما أدري وينه وما عليه علامه!

مكسور قلبچ والكسر ، وصَّل إليِّه .. وصَّل إليَّه
يكفيني كسره بالقبر ، مخفي عليَّه .. مخفي عليَّه .
ــــــــــــــــــــــــــــــــــــــــــــــــــــــــــــ

بِـ قلم / خادمة وليِّ النعمة ( قصائد وليِّ النعمة )



•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg