#قصائد_هدم_قبور_البقيع

#عظم_الله_لكم_الاجر

#مؤسسة_منبريات_للخطابه_الحسينيه

••••••**•••**•••**
#هدم_قبور_البقيع

¶طور ليش يا زينب دمعتج سايله¶

°°°°°°°°°°°°°°°°°°°

لسان حال الزهراء ع تذهب للبقيع عند قبور اولادها المهدمة...
.....

ليش يا يمه المعالم رايحة
ماكو كبة ولا منارة لايحة
......

امكم انه الزهرة يولادي المسه
بليله الوحشه اجيت مأيسه
ردت اصد نور المناير عاكسه
لاجن الشفته علايم طايحة

.......
وينه كبر الحسن ماشوفه اندثر
و زين العباد الدموعه جن مطر
بعد ابني الباقر الشاف النحر
و صادق الخله الشريعة واضحة

.....

جيتكم و بكلبي حسرة و مؤلمة
من فعل هاي الفئات الظالمة
جي لكيت كبور كلهه مهدمة
لهالسبب جيت انصب الكم فاتحة
.......

من وصلت ارض البقيع بلوعتي
و انه اون من الضلع و مصيبتي
جن تلكتني الحبيبة بمحنتي
هاي ام الاربعة جت نايحة

...
أنّت بدمعتهه تصرخ عالوضع
شفتي شصاير عكب كسر الضلع
من هذاك اليوم كلبي منفجع
و هسه جانه المعتدي بهالفاجعة
....
و بهذيج الحاله لني بفد مرة
جتي تعثر من بعيد و حايرة
تصيح يمه وينه عنه حيدرة
هذي زينب للمصايب شارحة

๑๑๑๑๑๑๑๑๑๑๑๑๑๑๑

✍🏻ذكرى الخفاف
(23/6/2018)

(اسم المنبر: جروح الغائب)

للتواصل مع الشاعرة🌹

••••••**•••**•••**

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg