#قصائد_محرم الحرام ع
باجر من يطيح حسين    وين حسين دليني

——————————



/تحضيرات #محرم_الحرام_١٤٤٥

قصيدة بحق الحزينه مولاتي فاطمة العليلة ع



.              درب الــوداع بــفــاطـمـه شسوه  
               فــوگ الـمـرض خــلاهــا تـتـلـوه

آه يـالـعـليـلـه ويـامـعـانـاتـچ   للـمــوت ماكـفـيـتـي دمعاتچ

                           *---------------*---------------*

     يــاهــو المثلها بهـالعمر     يتركونــه اهــلــه بعلته          
     يودعه ابـوه اغله البشر     وحــتــه امه هم تاركته
     كــل البگــدهــا والاقــل     من عـدهـا راحوا سكته
     عــافــوهــا كلهم للألـــم     عــمــتــهــا زيـنـب حـته

                 حيرتها صـارت مـن مشوا حيره  
                 نــاظــرهــا حـارت المن تــديـره

للعرش وصلت چنها ونـاتـچ   للـمــوت ماكـفـيـتـي دمعاتچ

                           *---------------*---------------*

    طفله شتعرف من السفر     ياناس حـتــه وتــصــبــر
    تــبــرد ألــمــهـم بيا حزن     وجيت الكافــل تــنــطــر
    تركت نضرها اعله الدرب     وتــنــشــد عليها الي مــر
    ما شايف اهـلي وبالظعن     مــهــد الــرضــيـع المزهر

                  كــل اليــگـلــهــا الظـعـن مامرنه  
                  هـــواي بــگــلبــهــا تكبر الـونــه

مـــارحـتـي مـثـل اخـيّـاتــچ   للـمــوت ماكـفـيـتـي دمعاتچ

                           *---------------*---------------*

     محتاره تصبر چـدتـچ     لـو تـنـتحب واتصبرچ
     متحيره هــم ام الگمر     بهم الي عدها وعندچ
     حسين راح ومــاتــرك     غــيــر الدمـوع بخدچ
     وبس شوفته يافاطمه     مولاتي بـس تضمدچ

                 خــلاچ بين الحــسـره والحسبه  
                 وفـرگت هـلــچ عالبال ممحسبه

فــارگـتـي حـتـه لــعـبــاتــچ   للـمــوت ماكـفـيـتـي دمعاتچ

                           *---------------*---------------*

     يــالــيــلـچ المايـنـتـهـي      إلا بــمــنــاحــه ودمــعه
     وهوه العمر دون حسين     يافاطمه شــيــجــرعــه
     مـتوقعه كلشي وسفرته     لــيــهــســه مــا متوقعه
     ســهــم الفـراگ البالگلب     ياچــف يــجـي ويطلعه

                 بسهــم الـــوداع گليبچ تــصـوب  
                 وللموت صرتي من جفوچ اگرب

بالطف رقيه مثل شـوغـاتـچ   للـمــوت ماكـفـيـتـي دمعاتچ

                           *---------------*---------------*

     كــلـمــا تطبگين الچفن     الــهــم صـور وبـكـثـرة
     مرسـوم كلشي بناظرچ     مــولاتــي كــل العـتـرة
     من مهد عبد الله الطفل     لـحـسـيـن شبل الزهرة
     يالشايله بگلبچ حــچـي      مـدري شـكـثـر للـحـرة

                  شيجيبهم الــهــم آه يـاحـزنــچ  
                  يـردون كــلــهــم هـذا كل ضنچ

مـحـد نـشـوف بگد معاناتـچ   للـمــوت ماكـفـيـتـي دمعاتچ

                           *---------------*---------------*

✍️ خادم الحسين ع
الشاعر ضياء الكناني


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy