#قصائد_مواليد_شعبان_متباركين_بولادة_اقمار_ال_محمد_ص

——————————



☘مواليد شعبان ☘


شعبان شعبان... نورنه بنواره
شعبان شعبان...جابلنه البشاره
بشهر الكرم والمكرمه
نهني الزجيه فاطمه
🎀🎀🎀🎀🎀

بهذا الشهر أقمار اجت نورت الكونين
اول ولاده توسمت دنيانه بحسين
ثاني ولاده للكمر بيه فرحه العين
وثالثهم الساجد علي  ابن الميامين

شعبان شعبان.. يامحله هالجيه
شعبان شعبان.. نورنه ابضيه
بشهر الكرم والمكرمه
نهني الزجيه فاطمه
#ام عمار الصائغ
🎀🎀🎀🎀

أبضيه لاح اعله البشر باجمل كواكب
اولهم حسين البزخ ضوه السحائب
الثاني ظم نور الكــمر جذره ابو طالب
الثالث الساجد اجه بعلمه العجائب

شعبان شعبان..ننشرله الزينه
شعبان شعبان..نقدم تهانينه
بشهر الكرم والمكرمه
نهني الزجيه فاطمه
#ام احمد العبوديه زبير
🎀🎀🎀🎀🎀🎀

جينه نهني فاطمه ام الائمه
بهاي الولاده الغانمه محله اللمه
معلم نزل ياهلخلگ  محد يعلمه
ندعيله كون بكل وكت  ربي يسلمه

شعبان شعبان.. تكتمل فرحتنه
شعبان شعبان .. يامحله لمتنه
بشهر الكرم والمكرمه
نهني الزچيه فاطمه
✍☘️ام فراس الساعدي☘
🎀🎀🎀🎀🎀🎀

نقيم المواليد بفرح نعلكها الشموع
ونبدل الحزن بضحك ننساها الدموع
هليله ياليله فخر تلتم الجموع
نحي امر بيت النبي والفرح مشروع
شعبان شعبان... بلفرح نتراضه
شعبان شعبان ... للحزن نتغاضه
بشهر الكرم والمكرمه
نهني الزجيه فاطمه
#طالبه الزهراء
🎀🎀🎀🎀🎀🎀
تمت القصيده
باقلام شاعرات رابطه
نائبه الحسين عليه السلام
ـــــــــــــــــــــــــــــــــــــــــــــــــــــــــــــــ
انشر

———————-
مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy