#قصائد_شهادة_فاطمه_الزهراء_ع

#عظم_الله_لكم_الاجر

#مؤسسة_منبريات_للخطابه_الحسينيه
•••߷•߷•߷•߷•••

بهدوة الليل مر خيالج
جايب وياه كل حنانج

طيفج اجاني ييمه يحمل اماني ييمه
____________
اول امنيه اتهمني
ريت الدنيا تاخذني
اعيش ابمكبره اقبل
ولا بيت الخذج مني

وحشة البيت جنها مئتم
والهوه البي كوه ينشم

شلون بزماني ييمه يحمل اماني ييمه
_____________
ياحلم الصعب ذكره
يا سجادة الفقره
كون الباب مدفوعه
عليه وبيه جم سطره

والدمه يسيل مني ريته
ومحسن ايعيش ابقضيته

ويمج يعاني ييمه يحمل اماني ييمه
_______________
ياحضن السمه الدافي
يا كوثر علي الصافي
تعيش الورده من عطرج
ويمج جم نجم غافي

يغفه التراب جوه جدمج
والهوه يعيش من يشمج

يموت بثواني ييمه يحمل اماني ييمه
________________
بحلم يا يمه يوميه
اشوفج وانتي محنيه
انوح الكسرة ضلوعج
تكليلي انتي مسبيه

همج ايصير كله يمي
وانه اريدن ريحة امي

فراكج عماني ييمه يحمل اماني ييمه
_________________
افراكج بالكلب شايط
البيت اصراخ ومعايط
من يوم النزف دمج
لهسه مصخم الحايط

يكزبر الحيل من اصده
ويكتل الباب من اسده

الموت اشتهاني ييمه يحمل اماني
__________________

#سيد_محسن_الجابري

•••߷•߷•߷•߷•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الكاظم_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

ابيات نعي للامام موسى بن جعفر عليه السلام

واجب مو دمع دم تجري لعيون
عله المات بغرب مسموم مسجون
مگيد بالحديد بسجن هارون
چبده مگطع ومتغير اللون

هذا الكاظم المختار جده
سَمّه السندي ويلي وذاب چبده
بطامورة سجن مسموم وحده
ميت لا اهل لا ناس عنده

موسى الكاظم المعروف اسمه
مسموم بنعش ينشال جسمه
مگيد بالحديد يسيل دمه
هارون بحقد ياناس سَمّه

#سيد زيد الفحام
__________________

•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الكاظم_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

في رثاء الامام موسى بن جعفر عليه السلام

شما صعبت عليك وقست اكثر
باب الحوائج موسى بن جعفر
بدمعاتك احچيها
كل حاجه يگضيها
باب الحوائج موسى بن جعفر.
.........

موسى بن جعفر نسل سيد البريه
من علي ومن فاطمه الزهره الزچيه
وارث علوم الامامه الحيدريه
ختاره رب الكون بسراره الخفيه
عنده تنحل اعظم واصعب قضيه
ما يخيب اليعتني للكاظميه

عنده الله جاه المصطفه جاهه
بيده الحوائج الله خلّاهه
والفُقره ينطيها
كل حاجه يگضيها
باب الحوائج موسى بن جعفر
.........

انت يالعندك مرض يصعب شفائه
تلگه عند الكاظم الطاهر دوائه
بدمعتك مد ايدك واطلب عطائه
ما يرد ايدك يوافيك بوفائه
يدعي الله الكاظم وتشفه بدعائه
معجزاته هواي معروف بسخائه

مجاني منّه تاخذ الوصفه
صدگني وباسرع وقت تشفه
كل عِلّه يشفيها
كل حاجه يگضيها
باب الحوائج موسى بن جعفر
.........

وانت يالهمك جبل من كثر لديون
اگصد لموسى بن جعفر وطلب العون
الزم الشباچ وذرف دمع العيون
گلّه يامولاي آني بدَيَني مسجون
يقضي دَيَنك صدگ وهالامر مضمون
انشد الزوار عنّه واليخدمون

موسى بن جعفر يعلم بسرّك
يجلي الهموم الجاثمه بصدرك
ديونك يصفّيها
كل حاجه يگضيها
باب الحوائج موسى بن جعفر
.........

الرايد الذرية جَرّب كل الاشياء
ايّس وماكو نتيجه امن الاطبّاء
لموسى بن جعفر يروح ومايظل داء
مو ابن واحد يرزقه الباري ابناء
جرّبوها هواي ناس وشاعت انباء
الكاظم بأمر الله يرزق كلشي لو شاء

وينه التمنّه وراد ذريّه ؟
بموسى بن جعفر هاي مگضيّه
لا ينشغل بيها
كل حاجه يگضيها
باب الحوائج موسى بن جعفر
.........

الله خصّه بهالمعاجز والكرامات
من كثر ما شاف موسى بعمره مأسات
بسجن هارون اللعين سنين مُرّات
مرّن عليه بالسجن آلام واهات
ما طلع منّ السجن مسموم من مات
في سبيل الله تحمّل هالمعانات

صابر بقه وخلصت معاناته
سنين السجن رفعن مقاماته
عوّض مآسيها
كل حاجه يگضيها
باب الحوائج موسى بن جعفر
............

هذا مرقد موسى بن جعفر مزاره
يضوي بعيون النجم نور المناره
وينه هارون اللعين وافتخاره ؟
وينه قصره بياكتر صار اندثاره
خل يجي يشوف السجين الچان جاره
ياهو اكثر بالشرف نال انتصاره

هذا الامام بمرقده الطاهر
يشفي المريض وينجد الحاير
والشيعه يحميها
كل حاجه يگضيها
باب الحوائج موسى بن جعفر

#سيد زيد الفحام


•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الكاظم_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

في رثاء الامام موسى بن جعفر عليه السلام

شما صعبت عليك وقست اكثر
باب الحوائج موسى بن جعفر
بدمعاتك احچيها
كل حاجه يگضيها
باب الحوائج موسى بن جعفر.
.........

موسى بن جعفر نسل سيد البريه
من علي ومن فاطمه الزهره الزچيه
وارث علوم الامامه الحيدريه
ختاره رب الكون بسراره الخفيه
عنده تنحل اعظم واصعب قضيه
ما يخيب اليعتني للكاظميه

عنده الله جاه المصطفه جاهه
بيده الحوائج الله خلّاهه
والفُقره ينطيها
كل حاجه يگضيها
باب الحوائج موسى بن جعفر
.........

انت يالعندك مرض يصعب شفائه
تلگه عند الكاظم الطاهر دوائه
بدمعتك مد ايدك واطلب عطائه
ما يرد ايدك يوافيك بوفائه
يدعي الله الكاظم وتشفه بدعائه
معجزاته هواي معروف بسخائه

مجاني منّه تاخذ الوصفه
صدگني وباسرع وقت تشفه
كل عِلّه يشفيها
كل حاجه يگضيها
باب الحوائج موسى بن جعفر
.........

وانت يالهمك جبل من كثر لديون
اگصد لموسى بن جعفر وطلب العون
الزم الشباچ وذرف دمع العيون
گلّه يامولاي آني بدَيَني مسجون
يقضي دَيَنك صدگ وهالامر مضمون
انشد الزوار عنّه واليخدمون

موسى بن جعفر يعلم بسرّك
يجلي الهموم الجاثمه بصدرك
ديونك يصفّيها
كل حاجه يگضيها
باب الحوائج موسى بن جعفر
.........

الرايد الذرية جَرّب كل الاشياء
ايّس وماكو نتيجه امن الاطبّاء
لموسى بن جعفر يروح ومايظل داء
مو ابن واحد يرزقه الباري ابناء
جرّبوها هواي ناس وشاعت انباء
الكاظم بأمر الله يرزق كلشي لو شاء

وينه التمنّه وراد ذريّه ؟
بموسى بن جعفر هاي مگضيّه
لا ينشغل بيها
كل حاجه يگضيها
باب الحوائج موسى بن جعفر
.........

الله خصّه بهالمعاجز والكرامات
من كثر ما شاف موسى بعمره مأسات
بسجن هارون اللعين سنين مُرّات
مرّن عليه بالسجن آلام واهات
ما طلع منّ السجن مسموم من مات
في سبيل الله تحمّل هالمعانات

صابر بقه وخلصت معاناته
سنين السجن رفعن مقاماته
عوّض مآسيها
كل حاجه يگضيها
باب الحوائج موسى بن جعفر
............

هذا مرقد موسى بن جعفر مزاره
يضوي بعيون النجم نور المناره
وينه هارون اللعين وافتخاره ؟
وينه قصره بياكتر صار اندثاره
خل يجي يشوف السجين الچان جاره
ياهو اكثر بالشرف نال انتصاره

هذا الامام بمرقده الطاهر
يشفي المريض وينجد الحاير
والشيعه يحميها
كل حاجه يگضيها
باب الحوائج موسى بن جعفر

#سيد زيد الفحام


•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الكاظم_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

بين جبرائيل عليه السلام والامام موسى بن جعفر عليه السلام.

نزل وحي الله سلّم
على موسى وتألّم
يشوفه مگيّد وتنزف جراحه
............

نزل وحي الله من سابع سماوات
نزل يحمل سلام الله وتحيّات
على موسى بن جعفر طيّب الذات
يخفف بالسجن عنّه المعانات
يشوف الكاظم برغم الجراحات
يقيم بليله ونهاره الصلوات

على الكاظم نزوله
بسلام الله ورسوله
فرش جبريل للكاظم جناحه
.............

سجد جبريل وي موسى بسجوده
تعجّب من صبر موسى وصموده
بسجن هارون كل عمره ووجِوده
يعذبه السنّدي ويشدّد قيوده
ولامرّه اشتكه لخصمه وجنوده
يصبر عاهد الباري بعهوده

رغم قيده وعذابه
أسد والكل تهابه
بسجن تحت الارض ليله وصباحه
..............

نزل جبريل من الله برحمّته
يئانس موسى ويعينه بغربّته
يگلّه سيدي الباري بعَظمّته
عليك يسلّم الخالق سمعته
بزمانك انت بس انت العرفته
بقيودك وبسجن اظلم عبدتّه

نجحت بامتحانك
رفع خالقنه شانك
لأن طبعك تميّز بالسماحه
...............

بعثني الخالق لأمرك اطيعه
فقط أئمرني يانسل الوديعه
قصر هارون اشيله امن الوسيعه
وخسفه بالأرض وهدم صنيعه
اذل هارون بفعاله الشنيعه
لعين وحرّف بحكم الشريعه

فقط أئمر يموسى
قصر هارون ادوسه
ملكني الخالق جنوده ورياحه
..............

مثل موسى النبي ادعي بدعائك
يموسى الكاظم وارفع بلائك
خسف قارون اعيده وشفي دائك
تذل هارون ودّوسه بحذائك
بمثل هارون ما ينفع وفائك
حقود وظالم ويسفك دمائك

ردت منك اشاره
اطم قصر الاماره
لجل كل دم بلا حق استباحه
.............

أنه الحجة وحبيب الله وّليّه
يجبريل الوحي احمل اذيه
مثل جدي النبي سيد البريه
أنه الرحمه الچبيره الاحمديه
سجن هارون ميّ يأثر عليه
اذا ريد الفرج ارفع اديه

إلهي بحالي اعلم
بعد ماداعي اغتم
أنه بذكر الله بس صدري انشراحه

#سيد زيد الفحام


•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الكاظم_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

قصيدة ( ميمر ) في رثاء الإمام موسى بن جعفر عليه السلام


يالحـايـر بهـمّـك روح. لـلـكـاظـم ودگ بـابـه
اطلب الحاجه وأنخاه. من تسجد عله عتابه
*

موسى بن جعفر يعتذر لا هيهات
مشهور عنّه بچفّه ينطي الحاجات
طوف بضريحه واجري يمّه الدمعات
گلّه اعتنيتك وانت راعي الكلفات

لمّـن تـكـضّ الشبــــاچ. خل دمعتك سچّــابه
اطلب الحاجه وأنخاه. من تسجد عله عتابه
*

يالحاير بهمّك بعد لا تحتار
للكاظم اگصد وي وفود الزوّار
هذا الكريم المايرد الخطار
سولف بگلبك وي امامك بالصار

يفزعلك بيوم الضيج. يجلي الحزن وسبابه
اطلب الحاجه وأنخاه. من تسجد عله عتابه
*

لمّن تطب لحضرته مدله الأيد
بمّه الزچية حلفه وطلب شتريد
تشعر بگلبك يبرد وناره تهيد
ادركني يامولاي كرّرها وعيد

يسمـع كـلامـك مولاك. لا ما يمنعه اترابه
اطلب الحاجه وأنخاه. من تسجد عله عتابه
*

موسى بن جعفر بالشدايد معروف
ملهوف زوره ومايرد الملهوف
من بابه للشبّاچ اوصّله زحوف
قبّل ضريحه وگوم بدموعك طوف

يگضيلك الحاجه بساع لا ما يرد احبابه
اطلب الحاجه وأنخاه. من تسجد عله عتابه
*

يالتشكي من علّه ومرض أتعنّاه
شد بيرغ الكاظم بچفّك ونخاه
لمن ترد بيك المرض ما تلگاه
چم واحد الگبلك عليل وشافاه

هوه الطبيب يداويك. لمن تون لمصابه
اطلب الحاجه وأنخاه. من تسجد عله عتابه
*

موسى بن جعفر بالشدد يحمينه
خدامه احنا وبالحشر ينجينه
من ماي كوثرهم غداً يروينه
للجنة بيده الكاظم يودّينه

كاتب اسامي الخدام. كل الخدم بكتابه
اطلب الحاجه وأنخاه. من تسجد عله عتابه

#سيد زيد الفحام


•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_ميلاد_ابطال_كربلاء

#متباركين_ياشيعة_علي

#مؤسسة_منبريات_للخطابه_الحسينيه
•••°🌹°•°🌹°•°!🌹°•°🌹°•••

"متى ترانا ونراك "


مهدينه يامهدينه. مهدينه يامهدينه
.......

يالمهدي مو كافي الهجر مر بينه
طوّل غيابك يالحبيب علينه
يمته الوعد ونشوفك
راية نصر بچفوفك
تفتر عكسنه الايام
ما بينه نحمل آلام
يبن الحجج دنيانه عگبك ظلمه
يمته الفرج بيدك امرنه نسلمه
نار الهجر ما تخمد وتچوينه
طوّل غيابك يالحبيب علينه
..........

بخمسطعش شعبان نفرح جينه
طوّل غيابك يالحبيب علينه
اجمل فرح ميلاك
شفنه الهنه باعيادك
كل شيعي بسمك فرحان
خلينه ننسه الاحزان
ما مبتعد گلب اليحبك بيتك
ننثر ورد. ربّتنه انسانيتك
ورود المحبّه بمولدك طشّينه
طوّل غيابك يالحبيب علينه
...........

يوسفنا انت وننتظر رد لينه
طوّل غيابك يالحبيب علينه
گمنه بغيابك نحلم
ريحة قميصك نشتم.
واحدنه يعگوبك صار
ضاعت علينه الاخبار
ماظل صبر. يالمهدي ارحم ربعك
راح العمر. نتمنّه مره انسمعك
ساعي البريد بكل وكت ودينه
طوّل غيابك يالحبيب علينه
.............

يبن الوديعه لوجهك اشتاگينه
طوّل غيابك يالحبيب علينه
ردنه لغيابك تفسير
سامحنه عن اي تقصير
عجّل ظهورك مولاي
ماظل امل لا ظل راي
نتوسّلك تظهر يمهدي العتره
نرسل الك دمع الموالي وجمره
نحسب ثواني وعدك متانينه
طوّل غيابك يالحبيب علينه

#سيد زيد الفحام
١٢ شعبان الخير ١٤٤١هـ
________________

•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_ميلاد_ابطال_كربلاء

#متباركين_ياشيعة_علي

#مؤسسة_منبريات_للخطابه_الحسينيه
•••°🌹°•°🌹°•°!🌹°•°🌹°•••

متى ترانا ونراك

( شوق اللقاء)

مدري شكتبلك يمهدي بمولدك
امبارك اكتب لو الباري يساعدك
انت ما تفرح اظن لا مستحيل
مصوب بطاها النبي لحد والدك
الناس تفرح لو عليها العيد فات
وانت بالاعياد تبچي لوحّدك
شمعه اشعل حرت لو انصب عزاء
خاف تزعل لو نجيك انعايدك
انت وينك سيدي ويّن السرور
شايل الاحزان كلها ابمفردك
سيدي يالمهدي ياروح البتول
بليلة الميلاد جينه اناشدك
نخفف الآلام بالمولد نريد
وندعي الله يعجلنه ابموعدك
لاشك بدعوتنه گلبك يستراح
الغايه هايه ومو شرطنه انشاهدك

#سيد زيد الفحام
١٣ شعبان الخير ١٤٤١هـ
_____________
•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_ميلاد_ابطال_كربلاء

#متباركين_ياشيعة_علي

#مؤسسة_منبريات_للخطابه_الحسينيه
•••°🌹°•°🌹°•°!🌹°•°🌹°•••

موال في مولد الإمام محمد بن الحسن المهدي عليه السلام

من هل علينه واجه جاب الفرح شعبان
نور الإمام المنتظـر بخمسطعش شعبان
ضـوّاها ارض وسمـه نور الولـي شعبان
مـولـد المهـدي المنتظر باقة ورد وديت
للمهـدي ولعتـرة علـي مـنّ الزغـر وديت
يظهـر وشـوفن هيبتـه ياهالخلگ وديت
نصيـن گلبـي موشعب صـارن اله شعبان

خادم الإمام المهدي عليه السلام
#سيد زيد الفحام

•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_عيد_الغدير

#مـوسسة_منبريات_للخطابه_الحسينيه

ꨄ🌹عيـــــــد اللــــه الأكــــــبر🌹ꨄ

ꨄ🌹ꨄ🌹ꨄ🌹ꨄ🌹ꨄ

قصيده لعيد الغدير

يوم الغديـر اليوم وقّعنه
بس للوصي الكرار بايعنه
موروثه من طه
كلمة وحچيناهه
بس للوصي الكرار بايعنه
........

تحچي الروايه وعدنه مصدرها
بثمنطعش ذوالحجه نـذكــــرها
لمّـن رفــع طه النبـي بيــــده
ايــد الوصي الكـــرار كــــــررها

( مَن كنتُ مولاه علي مولاهُ )
( هــذا اللــذي انـبـئــي اللهُ )
بالـذّر سمعناهه
كلمة وحچيناهه
بس للوصي الكرار بايعنه
........

مـنّ الله نـزلـت آيـة العـالي
عالمصطفه وبالموقف الحالي
معنـــــاها انصب منبر لحيدر
ونصّب علي من بعدك الوالي

كل الصحابه الحاضره تشوفه
شال ايد ابوالحسنين بچفوفه
ما ننسه معناهه
كلمة وحچيناهه
بس للوصي الكرار بايعنه
........

صـار اختيــــار الخالق الأكبر
دون الصحابه كلها بس حيدر
غصبــاً عله المايقبل ويبغض
حيـدر ولينـــه يبقه للمحشـر

موتوا بحقدكم يالتعادونه
حيدر امير وما تـنـزلـونه
ياما كتبنـــــاهه
كلمة وحچيناهه
بس للوصي الكرار بايعنه
........

احنه الأجينه الليله يم بابه
شيعة عـلي الكــرار وحبابه
جبنه الورود انهنّي ونبـايع
نسجـد شُكـر للباري بعتـابه

ننصب محــافـل نعلن البيعه
بعد النبي بس حيدر انطيعه
من حقنه نتباهه
كلمة وحچيناهه
بس للوصي الكرار بايعنه
........

بيعة شـرف للـوالي بيعتنه
بيوم الغدير الفرحه فرحتنه
وقّعنه بالـدم حيـدر الوالي
تنصيبـه فرحه اليـوم لمّتنه

شيعة علي الكرار مسروره
والبهجة والافراح منشوره
بالـدم طبعناهه
كلمة وحچيناهه
بس للوصي الكرار بايعنه

#سيد_زيد_الفحام
4/8/2020


ꨄ🌹ꨄ🌹ꨄ🌹ꨄ🌹ꨄ🌹ꨄ

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_السبي

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

جروح السبي


يا عباس زينب يسّروها
_

ريت تشوف مهضومه العقيله
يا عباس زينب يسّروها
تمشي شلون عالناگه الهزيله
يا عباس زينب يسّروها
سلها البين وجروح الثگيله
يا عباس زينب يسّروها

لرض الشام من بعدك خذوها
يا عباس زينـب يسّــــــــروها


زينب هاي انت الدلّلتهه
يا عباس زينب يسّروها
بحال الضيم ياريتك شفتهه
يا عباس زينب يسّروها
للشمّات يالكافل عفتهه
يا عباس زينب يسّروها

تدري بهاي بعدك چتّفوها
يا عباس زينب يسّـــروها


زينب هاي ياراعي الحميه
يا عباس زينب يسّروها
تبقه شلون مابين آل اميه
يا عباس زينب يسّروها
ترضه تصير بعدك خارجيه
يا عباس زينب يسّروها

بسوگ الناس بعدك مرّروها
يا عباس زينب يسّــــــروها
_

شلون تروح من يمك اسيره
يا عباس زينب يسّروها
هاي الچانت بعهدك اميره
يا عباس زينب يسّروها
ويّه اعداك بدروب الخطيره
يا عباس زينب يسّروها

هواي هواي زينب عذبوها
يا عباس زينب يسّــروها
__

ترضه شلون تدخل للدواوين
يا عباس زينب يسّروها
مچتوفات زينب والنساوين
يا عباس زينب يسّروها
وابن زياد شابح ليهه بالعين
يا عباس زينب يسّروها

بالديوان تقبل وگّفــوها
يا عباس زينب يسّروها

#سيد_زيد_الفحام
2020


•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_السبي

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

نعي: زينب والعباس وطريق السبي

زينب صدت وشافت وليها
راسه عله الرمح ينظر عليها
زينب عالهـزل ومچتّفيــها
من گيد الحبل مجروحه اديها
تعتب والگمر يسمع حچيها

يعباس بيدك من جبتني
بالعـز والـدلال ودلّلتني
وسفه وحيف يالكافل عفتني
ريتك ياگمر هاشم شفتني
لرض الشام عدوانك خذتني
آنه مخدره وبعدك سبتني

چنت طول العمر خويه كفيلاي
ابـد ما قصّـرت ادري كفيلاي
ردت عبـاس بس انت كفيلاي
رضيت شلون تحدي بيه


يون گلبي وصحت اكثر بعد ون
ابو الغيـره تـرك زينب بعد ون
بعـد ويـن الخـدر خويه بعد ون
متت انت ومشت زينب سبيه

#سيد زيد الفحام

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_الامام_السجاد_ع

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

عليلٌ صـبـرُهُ قد فـاقَ أيوب
وفي الدمعِ عليٌ زادَ يعقوب
بكا دهراً طويلا .. لقد ماتَ عليلا
وفي الدمعِ عليٌ زادَ يعقوب
*************
ما أقارن في كلامي .. الكل نبي جُل احترامي
ردت اوضح حزن امامي ... اشلونه صبره
شگد همل يعقوب دمعه.. وچان يدري لِبنَه رجعه
راسه ماواحد يرفعه .. وگطع نحره

علي أهـلـه ضـحـايه وشافـهـم بالعين
علي عاين شمر ثنّه اعله صدر حسين
علي اعيونه اعله عـمّـه امگطّع الچفّين
علي الـعـايـن عياله بالـسـبـي ماشين

عليٌ قد رأى طفلاً صريعا
عليٌ قد رأى رأساً قطيعا
رأى صبراً جميلا .. لقد مات عليلا
وفي الدمعِ عليٌ زادَ يعقوب
*************
للنبي تقديري عالي .. بس اجت صوره اعله بالي
ابكربلا يسرح خيالي .. ودمعي جاري
صَبُر ايوب اعله راسي .. أعترفله وماني ناسي
ردت اقيس ومن قياسي .. بگلبي ناري

العليل اشكبره صبره ويدري بس ربّه
العليل يـشـوف ذبحة والـده صعبه
العليل اشـلـون صـابـر لثنعش ضربه
العليل الـسـهـم يـنـظـر نابـت بگلبه

عليٌ دمعُهُ للناسِ يحكي
لصبرِ قـلـبِـهِ أيـوبُ يبكي
يُرى ايضاً قتيلا .. لقد مات عليلا
وفي الدمعِ عليٌ زادَ يعقوب
*************
بالكلام القصد واضح .. استغفر الله وماهو جارح..
وادري بالباري يسامح .. عنده سهله
حِزَن يعقوب اعله ابنه .. وصُبَر ايوب اعله حزنه..
اثنينهن ما عادلنه .. الذبحوا اهله

الله يعين گلبه اشگد حمل لوعات
الله يساعده عالحسره والآهات
شلون اليـنـظـر العماته مسبيات
علي السجاد زين ابكربله مامات
..................
عليٌ صــبــرُهُ كــان فـريـدا
بدربِ الشامِ قد سارَ وحيدا
يسيرُ لا ذليلا .. لقد مات عليلا
وفي الدمعِ عليٌ زادَ يعقوب
*************
قصة الطف ماكو منها .. حرمه شافت ذبح ابنها..
وزينب اوحيده ابضعنها .. ابغير والي
ماكو ماي وگاع صحره.. امن العطش بالگلب جمره تمشي خطوه وخطوه عثره .. راس عالي

زين العابدين انهدم منه الحيل
يون وينوح وحده من يجن الليل
يشوف بصدر ابوه ركاض ذيچ الخيل
حگه ايگضي عمره والدموع اتسيل
.....................
سبيٌّ هاشميٌّ كيف يُعقَل
غريبٌ عـلـويٌّ كيف يُقتَل
قضى عمراً ثقيلا .. لقد مات عليلا
وفي الدمعِ عليٌ زادَ يعقوب
*************
عاش عمره وچان وحده .. ودمعه مافارگله خدّه..
چان رابي الحزن عنده .. اوياه يحچي
الزاد لو گدامه شافه .. ايبللّه ابدمع الوسافه ..
الماي لو لامس اشفافه .. ابحسره يبچي

عالسجاد مـرت أصـعـب الايام
شاف اشچم مصيبه وشاف حرگ اخيام
چان من الحوافر يخشى عالايتام
وچلمات الشماته اتگول چن سهام

اميرُ الحزنِ في ارضِ البكاءِ
غزيرُ الدمعِ مـحـرابُ العزاءِ
من الهمِّ نحيلا .. لقد مات عليلا
وفي الدمعِ عليٌ زادَ يعقوب
*************
#سيد علي المدني

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_أربعين_الامام_الحسين_ع

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

شيعه وفّايه. جينه مشايه
نرفع الرايه. كربله الغايه
حُسين حُسين
حُسين حُسين
..............

للحبيب حسين مشايه اعتنينه
ركض نركض مو مشي واللهفه بينه
كل موالي لكربله مشتد حنينه
لكعبة العشّاگ لـبّـيـنــه وسعينه
حُسين. حُسين.
حُسين. حُسين
خل يشوف الشاك بينه هذا زحف الشيعه
كل محب لحسين وقّع عالنحر توقيعه
ما نعوف حسين نقسم للمنيّه انطيعه
خل تشوف الناس حبنه للحُسين انذيعه

معتنين لكربله وي مسير القافله
للظعن نستقبله. والمدامع هامله
ظعن الحسين

المهدي ويّانه. وعينه ترعانه
نرفع الرايه. كربله الغايه
حُسين. حُسين
حُسين. حُسين
...............................................

احنه زوّار الذبيح ابن الزچيه
عالجدم مشايه نتحدّه المنيه
خل يشوف العالم ويقره القضيه
هالملايين الأجت للغاضريه
حُسين. حُسين
حُسين. حُسين
بربعين حسين جينه مستحيل انعوفه
كعبة الأحرار گبره معتنين انطوفه
نواسي زينب والسبايا من اجت ملهوفه
تگلّه يبن امّي حبيبي حالي ريت اتشوفه

زينب وكل الحرم. رجعت بذاك الألم
والمدامع تجري دم. تشتكي لراعي العلم
ومرّه لحسين

نواسي دمعتها. احنه شيعتها
نرفع الرايه. كربله الغايه
حُسين. حُسين
حُسين. حُسين
.............................................

تخدم بطول الدرب أهل المواكب
تحدّت بخدمتها لحسين المصاعب
خدمة الزوّار صارت عدها واجب
ما تهاب الموت لا تخشه النواصب
حُسين. حُسين
حُسين. حُسين
هذا عشگ الرافضيه للحسين الغالي
زغار وكبار عتنينه بالخطر منبالي
هذا ممشانه وعشگنه مستمر للتالي
نفدي ارواح ومناحر للحبيب الوالي

والإمام المنتظر. بالمشي ويانه حضر
والعشگ بينه كبر. كربلاء المستقر
دولة حسين

تحضر الزهره. وندخل الحضره
نرفع الرايه. كربله الغايه
حُسين. حُسين
حُسين. حُسين

#سيد زيد الفحام

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_أربعين_الامام_الحسين_ع

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

زيارة الأربعين

انتظرناكم وجيتو. على الموعد وفيتو
لبواليمّه مشيتو يزوار. يزوار
.........

نصبناها المواكب ياهلا بيكم
فرشناها ابمحبتنه عله طاريكم
يزوار الحُسين انصيح شرفونا
يظل تقصير عدنا ومانوافيكم
تضيفونا تشرفونا
خدم الكم تعرفونا

يهنياله العزمكم بذل جهده وخدمكم
وسط گلبه يضمكم. يزوار. يزوار
................

هلا وميّة هلا كل خطوه تمشوها
يطب الخير كل ديره التطبّوها
يزوار الحُسين انريدكم يمنه
ولو بس ليله وحده يمنه خلوها
أنّتلگاكم يحيّاكم
بفخر صحنه. علي وياكم

هلا بيكم وصلتو. عساكم ما تعبتو
عله الموقف ثبتّو. يزوار. يزوار
................

گطعتوها المسافه وجيتو للمحبوب
اليحب يوصل حبيبه وماتمنعه دروب
تعبتو هواي بس شفتو التعب راحه
لأن عند الله تدرونه اجر محسوب
لبواليمه التعب رحمه
زيارتكم صدك نعمه

لبوالأكبر مشيكم. ترف رايه بأديكم
سلام الله عليكم يزوار. يزوار
....................

عفتو دياركم لحسين مشّايه
اجيتو وياهلا بيكم يوفّايه
محبتكم لبوالسجاد جابتكم
تواسون العقيله زينب بهايه
تواسوها تذكروها
اخت عباس توافوها

كرامتكم جليله تواسون العقيله
اجل وعظم وسيله. يزوار يزوار
.......................

عشگناها الزيارة الاربعينيه
لأن بيها الزچيه تمشي محنيّه
تشارك بالمشي وتحيّي بالزوار
يزوار الحوائج كلها مگضيّه
كرم كلهه. وعد. الهه
اساميكم. تسجلهه

تعرفون الزچيه. تسلمكم هديه
الوعد بالغاضريه. يزوار يزوار

#سيد زيد الفحام
2020

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_شهادة_سبع_الدجيل

#عظم_الله_لكم_الاجر

#مؤسسة_منبريات_للخطابه_الحسينيه

𖤛 𖥟𖤛 𖥟𖤛 𖥟𖤛 𖥟

قصيده في رثاء سيد محمّد سبع الدجيل عليه السلام

سبع الدجيل اتحبك الناس
باب الحوائج مثل عباس
نبع الكرامات
تنسانه هيهات
باب الحوائج مثل عباس
.................

يالربيت ابيت اشرف كل بيوتات العرب
من نسل طه مُحمَّد اطهر واشرف نسب
من علي الهادي وعلومه وارث علوم وادب
سيد محمّد اعـــذره يعجز ال عنّك كتَب

بيده الامام الهادي ربّاك
غيره وعلم وخلاق غذّاك
ياطيّب الذات
تنسانه هيهات
باب الحوائج مثل عباس
.................

راسخ الايمان بالله صاحب الگلب السليم
سيد محمّد طريقك عالصراط المستقيم
عالم وزاهد مجاهد مؤمن وداعي وحكيم
للحسن تدري الامامه قانع بهاي وعليم

منك تهاب وترجف اعداك
هيبة مُحَمَّد چانت وياك
نور السموات
تنسانه هيهات
باب الحوائج مثل عباس
.................

تشبه العباس كلّك. هاشمي وبيك الفخر
بالشجاعه وبالوسامه وطلعتك نفس الصور
مثل ما لحسين بالطف لحظه ماعافه الگمر
للحسن ماعفته لحظه سيفه وحزام الظهر

مدح الامام العسكري بيك
يرفع مقامك من يساويك
تقره الروايات
تنسانه هيهات
باب الحوائج مثل عباس
.................

وي علي الهادي واخوك. الحسن بالغربه عشت
الهادي ودّاك ابمَهَمّه. نفذت امره ورحت
عيون عدوانك تتبعك. بين اديها من طحت
غدرتك مولاي لاشك سيدي بسمّهم متت

لاشك بني العباس سمّوك
بديرة بلد مولاي قتلوك
والضحّه مامات
تنسانه هيهات
باب الحوائج مثل عباس
.................

هذا قبرك صار جنة بكل زمن بي نحتمي
تحمي زوارك تحبهم. انت يا نسل النبي
صاحب الشاره بعطائك تروي كل واحد ضَمي
باب للحاجات بابك سيدي يابن علي

احبابك احنا بصحنك انطوف
تشفي العلل بعيونّه انشوف
تعله الصلوات
تنسانه هيهات
باب الحوائج مثل عباس
.................

سيد محمّد نعرفك. ما ترد ضيفك مُحال
من يجي ابابك تشوفه اهلا تگلّه تعال
من تشوف بعينه دمعه عالبقه بحرّ الرمال
حاجته تنطيها بيده. گبل لا يبدي السؤال

تفزعله من يذكرلك حسين
دين وتردله بساعته الدين
بحر الفيوضات
تنسانه هيهات
باب الحوائج مثل عباس

#سيد_زيد_الفحام

𖤛 𖥟𖤛 𖥟𖤛 𖥟𖤛 𖥟

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_شهادة_سبع_الدجيل

#عظم_الله_لكم_الاجر

#مؤسسة_منبريات_للخطابه_الحسينيه

𖤛 𖥟𖤛 𖥟𖤛 𖥟𖤛 𖥟

قصيده في رثاء سيد محمّد سبع الدجيل عليه السلام

سبع الدجيل اتحبك الناس
باب الحوائج مثل عباس
نبع الكرامات
تنسانه هيهات
باب الحوائج مثل عباس
.................

يالربيت ابيت اشرف كل بيوتات العرب
من نسل طه مُحمَّد اطهر واشرف نسب
من علي الهادي وعلومه وارث علوم وادب
سيد محمّد اعـــذره يعجز ال عنّك كتَب

بيده الامام الهادي ربّاك
غيره وعلم وخلاق غذّاك
ياطيّب الذات
تنسانه هيهات
باب الحوائج مثل عباس
.................

راسخ الايمان بالله صاحب الگلب السليم
سيد محمّد طريقك عالصراط المستقيم
عالم وزاهد مجاهد مؤمن وداعي وحكيم
للحسن تدري الامامه قانع بهاي وعليم

منك تهاب وترجف اعداك
هيبة مُحَمَّد چانت وياك
نور السموات
تنسانه هيهات
باب الحوائج مثل عباس
.................

تشبه العباس كلّك. هاشمي وبيك الفخر
بالشجاعه وبالوسامه وطلعتك نفس الصور
مثل ما لحسين بالطف لحظه ماعافه الگمر
للحسن ماعفته لحظه سيفه وحزام الظهر

مدح الامام العسكري بيك
يرفع مقامك من يساويك
تقره الروايات
تنسانه هيهات
باب الحوائج مثل عباس
.................

وي علي الهادي واخوك. الحسن بالغربه عشت
الهادي ودّاك ابمَهَمّه. نفذت امره ورحت
عيون عدوانك تتبعك. بين اديها من طحت
غدرتك مولاي لاشك سيدي بسمّهم متت

لاشك بني العباس سمّوك
بديرة بلد مولاي قتلوك
والضحّه مامات
تنسانه هيهات
باب الحوائج مثل عباس
.................

هذا قبرك صار جنة بكل زمن بي نحتمي
تحمي زوارك تحبهم. انت يا نسل النبي
صاحب الشاره بعطائك تروي كل واحد ضَمي
باب للحاجات بابك سيدي يابن علي

احبابك احنا بصحنك انطوف
تشفي العلل بعيونّه انشوف
تعله الصلوات
تنسانه هيهات
باب الحوائج مثل عباس
.................

سيد محمّد نعرفك. ما ترد ضيفك مُحال
من يجي ابابك تشوفه اهلا تگلّه تعال
من تشوف بعينه دمعه عالبقه بحرّ الرمال
حاجته تنطيها بيده. گبل لا يبدي السؤال

تفزعله من يذكرلك حسين
دين وتردله بساعته الدين
بحر الفيوضات
تنسانه هيهات
باب الحوائج مثل عباس

#سيد_زيد_الفحام

𖤛 𖥟𖤛 𖥟𖤛 𖥟𖤛 𖥟

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#مواليد_شهر_شعبان

#كل_عام_وانتم_بخير

#مؤسسة_منبريات_للخطابه_الحسينيه

🪵🌸𖧷🌸𖧷🌸𖧷🌸🍃

هوسات لمولد الإمام الحسين عليه السلام

وجه حسين اشرق ثالث بشعبان
شعشع بالمدينه ونوّر الاكـــــوان
بحجر الزهره امه محور الايمان

(( والهادي ستبشر من شافه ))
..............

الليله الزهــره والـكــرار فرحانيـن
بحسين الحبيب وماكو مثل حسين
يسطـع بالـمـهــد ما بينــها ومابين

(( حيدر ، والزهره توليله ))
...............

سُبحـانه الإله شـأبــدع وصوّر
انزل كل جماله بوجه أبوالأكبر
يوسف من جماله اتحيّر وكبّـر

(( نور الله يشع بوجناته ))
................

احنه عله العهد يحسين متمسكين
ننصب محفلك كل عام متعودين
نفـرح بالولاده وبيك مجنونيـن

(( يحسين بحبك ربّونه))
................

عله اعناد النواصب واليبغضون
نحبك سيدي حب عابس وجون
الليله بمولدك خلهم يموتون

(( عدوانك ماتو هالليله))

#سيد_زيد_الفحام
________________________________



𖤛 𖥟𖤛 𖥟𖤛 𖥟𖤛 𖥟

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#مواليد_شهر_شعبان

#كل_عام_وانتم_بخير

#مؤسسة_منبريات_للخطابه_الحسينيه

🪵🌸𖧷🌸𖧷🌸𖧷🌸🍃

مولد الامام الحسين عليه السلام

يحسين يحسين انت الحبيب الغالي
يحسين يحسين يالنوّرت دلّالي
...........

حبك سكن وسط الگلب نبض الگلب بسمك
خليني عبـدك سيــدي جنّة عــدن يمك
عند الله مرضي ومنسعد تقديره ليخدمك
يكفيني خير بدنيتي تراب اليمس جدمك

مولاي مولاي خلّيتك ابّالي
يحسين يحسين يالنوّرت دلّالي
...........

بميلادك الليله انشرح گلبي وعلن سرّه
ولساني يلهج سيدي بسمك يبوالعتره
ابعث تهاني للنبي ولفاطمه الزهره
افرح وبارك حيدره وبصمله بالعشره

فرحان فرحان بايعته للتالي.
يحسين يحسين يالنوّرت دلّالي
...........

يحسين الك كلّي مُلك ما امتلك نفسي
خالقني الله لخدمتك يالخدمتك انسي
ياخامس اصحاب العبه ذكرك ذكُر قُدسي
گلبي عله شاطي محبّتك صبح ومسه يرسي

بالله بالله. اسمك يضل عالي.
يحسين يحسين يالنوّرت دلّالي
...........

غصباً على كل ناصبي ننصبلك المحفل
عيد الروافض مولدك وبحضرتك اجمل
ميهمنه حچي الناصبي والفرحه خل تكمل
خلهــم يمـوتـون العـده أئـمـرنه ودّلّل

نهواك نهواك. يالوجهك يلالي
يحسين يحسين يالنوّرت دلّالي
...........

لوما هواك وخدمتك ما عيشن سنيني
عهد الخدامه للحشر ما بينك وبيني
والليله ليلة مولدك سهرانه الك عيني.
شاعلّك شموع الفرح يادنيتي وديني

ويّاك ويّاك كلماتك گبالي
يحسين يحسين يالنوّرت دلّالي

#سيد_زيد_الفحام
__________________________




𖤛 𖥟𖤛 𖥟𖤛 𖥟𖤛 𖥟

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#مواليد_شهر_شعبان

#كل_عام_وانتم_بخير

#مؤسسة_منبريات_للخطابه_الحسينيه

🪵🌸𖧷🌸𖧷🌸𖧷🌸🍃

ميلاد حبيب القلوب الإمام الحسين عليه السلام

اغله امن الهوى عيشني حبك
عفوك والسماحه وطيب گلبك
محلاهن صفاتك
يحسين وحياتك
اغله امن الهوى عيشني حبك
.................

ظلمه الدنيا من دونك
فدوه عيوني لعيونك
هنيال اليحبونك. فازو بالكرامه

لوما انت ما اسوه
غيرك گلبي مايهوه
حبك بالگلب ضوّه. يابدر الامامه

يحسين العشگ بس بيك يحله
يرخص كلشي لجلك وانت تغله
جنّة بذكرياتك
يحسين وحياتك
اغله امن الهوى عيشني حبك
.................

ضوّه الدنيا ميلادك
گلبي بفرحة اعيادك
يقره الليله بمجادك. وبعثلك سلامي

مولاي شكثر غالي
بس بيك انشغل بالي
خادم وبقه للتالي. لعيونك امامي

عبدك آنه لا تعتقني لحظه
گلبي بلا هواك يموت نبضه
مرخوص لغلاتك
يحسين وحياتك
اغله امن الهوى عيشني حبك
.................

جيت لمولدك اني
يلهج بسمك الساني
غيرك ما احب ثاني مالكني بحنينك

اوفي بحبي وعهودي
شايل باقة ورودي
اتباركلك بزودي. وبغض مبغضينك

ابعثلك يبواليمه التهاني
لاشك تسمع وتنظر مكاني
مجنون بحلاتك
يحسين وحياتك
اغله امن الهوى عيشني حبك
.................

غصباً عاليعادوني
افرح ما يمنعوني
موتو يالتلوموني فرحان بحبيبي

حسين وما احب غيره
عايش عمري من خيره
مجنون بتصاويره محبوبي وطبيبي

اتنفّس هوى حسين واشمّه
افديله العمر كلّه واخدمه
غطيني بعباتك
يحسين وحياتك
اغله امن الهوى عيشني حبك
.................

الليله الزهره فرحانه
بيك وتحضر ويانه
بالمولد يمولانه. وتسجل اسامي

كلمن يفرح وياها
تكتب اسمه يم طه
خادم بسمه تتباها. تشفعله وتحامي

حگهه بمولدك فرحانه امك
الله الشرّفك وختار اسمك
مرضاته برضاتك
يحسين وحياتك
اغله امن الهوى عيشني حبك

#سيد_زيد_الفحام
______________________________


𖤛 𖥟𖤛 𖥟𖤛 𖥟𖤛 𖥟

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg