#قصائد_السيده_رقيه_ع

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

ها يــحسين لديــارك لفينه

!!!!!!!!!!!!!!!!!!!!!!!!!!!!!!!!

من الشام يــــــــلمذبوح ضامي
اجيت وحسره مخنوكه بكلامي
اسلم علكبر جــــــــاوب سلامي

 ما تدري يــــــــخويه اصار بينه
ها يــــــــحسين لديــارك لفيـــنه

،،،،،،،،،،،،،،،،،،،،


اجيـــت وما جبت بنتك رقيه
فوك الراس وافتـــهه المنيـه
كلب اختك حمل لوعه وأذيه

لديار الغرب وسفه انسبينه
ها يــحسين لديــــارك لفينه

،،،،،،،،،،،،


يا عبـــــاس وينك گلي موجود
عطشانه علطولك ما ردت جود
يا دمع المصايـــب أذى الخدود

ميــــت علنهر حامــي الضعينه
ها يــحسين لديـــــــــارك لفينه

،،،،،،،،،،،،،،،،،،



اريد اتعاتــــب وما ابطل عتاب
على الخلو ضعنهم بيد الاجناب 
ما صدك اخوتي أيــطمهم تراب

شكل للناس لـــــــــو رد للمدينه
 ها يـــــــــــحسين لديــارك لفينه

،،،،،،،،،،،،،،

اجيت حسين هاي أيـتامك وياي
تدور علجفوف التــرست الماي 
ندري بغيرته ما يــــنسى وفّـاي


راسه برمحه ويــــحامي علينه
ها يــحسيــــــن لديــارك لفينه

،،،،،،،،،،،،،،،،،،


حاجيني برضيعك وين مدفون
علي الاكبر وجاسم نور العيون
تغطيهم جفوفك من ينامون؟

تـدري ديار غربه ومو أمينه 
ها يــــــحسين لديــارك لفينه

   

كلمات خادم الحسين
#رعــد الفريــجي /

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg