#قصائد_شهر_محـــــــــــــرم_1439

ٱلَنٌےـٱشّےـر ٱحًےـمِےـدُ ٱلَزٍوٱر

🏴؏ــظـم الله اجــورڰــم 🏴

🏴 🏴 🏴



لما طلب احدهم فاطمة بنت الحسين ع كخادمة له في مجلس يزيد لع...
كأني بها ....

#شعبي
لاذت ابعمتها من الخوف
من كثر الهلع ماگدرت اتشوف
وزين العابدين الچان مچتوف
اجاها بدمعة فوگ الخد جرية
................

يگلها خويه لاتخافي...
#فراق
لاتخافي...محد ايجس شعرة منچ
لاتخافي...روحي واعيوني فدنچ
لاتخافي...ادموع عينچ هالعمنچ

...............

تگله ..
#بويه_يابويه
خويه ياخويه للوطن حنيت
رايدة الساعه ارجع آنه البيت

خويه ذلوني ابمجلس الشامات
سايله اعيوني بين هالشمات
جدي حامي الجار صاحب الحملات
ابهالخرابه اگعد آنه والعمات

خويه كل امصاب مااله اهتميت
بس ينعتوني خادمة تأذيت

رايدة الساعة ارجع آنه البيت


#أما_حال_سيدتنا_ومولاتنا_زينب_ع
فكأني بها وقد حضنت ابنة اخيها وأدارت بوجهها نحو المدينة مخاطبة جدها رسول الله صلى الله عليه وآله

#تگله
#لفى_عاشور
يجدي يارسول الله...ماظل كل صبر بيه
هذوله الگوم آذونه...بناتك ترضه مسبية؟

كل شي مايجي عالبال...بينه فعلته الكفار
يجدي وهم وصل بيهم...طلبوا فاطمة الفجار
بنت احسين هالشامي...رايد يشتريها وجار
علينه هو والطاغي...يزيد واشر اعليه

اه ياجداه...آه ياجداه...آه ياجداه اه

رجفت فاطمة امن الخوف...تريد احسين ماتلگاه
وعلى اخوهه العليل ابصوت...يملاه القهر والآه
صاحت خويه ياسجاد...يصح لهذا مايبغاه؟
طمنها العليل وصار...خيمة اعليهه واعليه ...

آه ياجداه...آه ياجداه...آه ياجداه .اه

يجدي چم جرح أظهر...كثرة اجروح اخفيهه.
بحرم واطفال مشدوهه...چم من ثكلى اداريهه
جفني النوم ماشافاه...عيلة ابرگبتي احميهه.
نحرس آنه والسجاد...ويبچي للجره اعليه

✍زينب الخفاجي.

‏ ➖➖➖➖➖➖➖➖➖➖➖➖

________

✿مؤسسة منبريون لنشر القصائد النسائيه✿
https://telegram.me/ahmed_alziwar17

✿اكبر كروب لتلحين القصائد ✿

https://tttttt.me/joinchat/AAAAAD-z2IUAWBHIfQbyCg

#قصائد_شهر_محرم

عـــظم الله اجـــــــوركم

#مؤسسة_منبريات_للخطابه_الحسينيه

••••••••••••••••••••••••••

#قصيده الهلاهل..علي طور باسم كربلايي قصيده روحي


روحي أتحضري يالله للقهر
روحي تحيرت آنه بهالشهر
روحي ينكطع لحسين النحر
اه يروحي اه يروحي
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الليله من شفنه الهلال تألمينه آه يروحي
جني أشوفنكم ضحايا وأنسبينه آه يروحي
وحركوا علينه الخيم وتروعينه وتروعينه آه يروحي

#وأنته..يخويه شوفن جثتك ما بيها راس
#وأنته..منكسر ظهرك من وكع عباس
#وأنته..بكربله زينب تمشي ويه أرجاس
آه يروحي آه يروحي
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ابقی وحدی ودمعتی تجري عله خدی .اه یروحي
وانه غريبه امحيره واصفك بيدي .اه یروحی
كربله عن ولدي واخوتي تفاركني اه یروحی

#ابچی..وحدی غریبه بلفله
#ابچی..والمدامع هامله
#ابچی..متحيره بلعايله ....
اه ياروحی

✍ #علويه ام فاضل
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
باجر امشي سبيه وانته اعوفك وانته اعوفك ٠اه يروحي
حسين خويه العده ما خلوني اشوفك آه يروحي
شلون اصبر ورقيه تريد شوفك آه يروحي

#خويه .. باجر رقيه تنسبي
#خويه ..وتحترك يحسين العبي
#خويه ..شلون يولينه الاجنبي ٠٠٠٠
اه يا روحي

✍ #ايمان ناصر الزهيري
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
نومه الخوه عالترب وآنه غريبه آه يروحي
والراح مني يا زمن كلي شيجيبه آه يروحي
من بعد ذاك الخدر مسبيه وغريبه آه يروحي

# اصرخ .. وانه نادي ياهلي
# اصرخ ..الحكني يابويه ياعلي
# اصرخ .. تقبلون زينب تنولي
اه يا روحي

✍# ام مهدي الفرطوسيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
زينب ام الخدر شلون أمشي سبيه آه يروحي
وعيني تربي عالاخو طايح رميه آه يروحي
هاي أطفال وحرم تلوذ بيه آه يروحي
صحت يا بويه علي أحظر أليه آه يروحي

#بويه .. الحك الزينب يالولي
#بويه .. مسبيه يحديها أجنبي
#بويه .. وشلون ترضه يا علي
آه يروحي آه يروحي

✍ #أزهار جبار الجياشي
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

تمت بعون الله تعالى

بـ✍ــاقـ✍ــلام خـادمـات أهل البيت ع

•••••••••••••••••••••••••
مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A