#قصائد_محرم_1440

عَِظٌـمِ أٍلٍَلــَه لْڪْمْ آلْآجــْرْ

#مؤسسة_منبريات_للخطابه_والالحان

↝-﹏-﹏-﹏-﹏🏴﹏-﹏-﹏-﹏-↜

#محرم_1440هـ #2018م
#لحن (مسلم الكعبي) *الليلة اول نايبة*

#مقدمات_عزاء
#الليلة_الأولى (هلالية)

*اول ايام الحزن هل اعلة زينب*

الليلة شافته الهلال وهملت العين
تنظر لكافلها نظرة ونظرة لحسين
آه يهلال الحزن يالبيك الونين
ابهَلتك يرحون من عندي عزيزين
*اول ايام الحزن هل اعلة زينب*

الليلة زينب حَملت وية ضعنها
عافت الدار وأرض جدها ووطنها
لارض الاطفوف ارحلت هي وحزنها
اتحَسب ايام التجي لي يألمنها
*اول ايام الحزن هل اعلة زينب*
★★========★★========★★
#الليلة_الثانية (النزول في كربلاء)

*بني هاشم نزلوا ابكربله الليلة*

بيها وصلوا هالضيوف من المدينة
گام كافل هالحرم حامي الضعينة
هسة ينصب لاخته خيمتها بأيدينة
و عـالنهر تـالي تشوفـه امهشمينة
*بني هاشم نزلوا ابكربله الليلة*

بهالأرض الحسين أوچب حط رحاله
صاح للكافل وزينب وي عياله
هالأرض غايتنة من رب الجلاله
بالخطر حست گرب بنت الرساله
*بني هاشم نزلوا ابكربله الليلة*
★★========★★========★★
#الليلة_الثالثة (فاطمة العليلة)

*الليلة ثالث نذكر مصاب العليلة*

هل دمعتك الها وانخاها بأبوها
وبمصاب الطفل عبدالله أخوها
حاشه والله ماتخيب النخوها
يمها أبچي واذكر الراحوا جفوها
*الليلة ثالث نذكر مصاب العليلة*

راحوا وعافوها لا منهم خبر
ابدارها ظلت حزينة و تنتظر
وبفراش الآجل لاجت تحتظر
تريد ابوها يمها يوصل للگبر
*الليلة ثالث نذكر مصاب العليلة*
★★========★★========★★
#الليلة_الرابعة (أم البنين)

*الليلة واسيها بدمعتك لام البنين*

ضحت اولاد اربعة من أجل اخوهم
أربـع اقـمار بشجاعـة وصفوهم
عظم الله اجرچ بولدچ ذَبحوهم
وگفوا بوجه العدا بشيمة أبوهم
*الليلة واسيها بدمعتك لام البنين*

خدمت اولاد الزچية ووفت الهم
وفت اوصية الزهرة وصارت أمهم
من مشوا عنها بگت تنطر ضعنهم
تـالي اتجرح گلبها من غصصهم
*الليلة واسيها بدمعتك لام البنين*
★★========★★========★★
#الليلة_الخامسة (مسلم ابن عقيل)

*لمسلم بهم وحزن نبچي اعلة حاله*

الليلة غدروه العده وشاعت اخباره
الليلة خلي دموعنة اعليه ايتجاره
ينشمر يا حيف من قصر الأماره
وحده بالغربة صفى بعدت اسفاره
*لمسلم بهم وحزن نبچي اعلة حاله*

عيوني للكوفة تهل ادموع من دم
تنادي وبحسرة حزن ويلاه يمسلم
مارجع لحسين يخبره وبقى بالهم
راح مــا يــرجع بعد لاطفاله يَتم
*لمسلم بهم وحزن نبچي اعلة حاله*

تـــمــت بــعــون اللــه
23/6/2018

✍🏻 #ولائـية_وافتـخر (دعـاء العـامـري)
❌لاإجيـــز حــذف الأســم❌
✅إجير للأخوة الرواديد بعدم ذكر أسمي
★★=

↝-﹏-﹏-﹏-﹏🏴﹏-﹏-﹏-﹏-↜

↜مؤسسة منبريون لنشر القصائد النسائيه👇
https://telegram.me/ahmed_alziwar17

↜اكبر ڪـــــــروب لتلحين القصائد 👇


https://tttttt.me/joinchat/Dw92DkJZ4ttQ4WU4c815pw