#قصائد_شهر_محـــــــــــــرم_1439

ٱلَنٌےـٱشّےـر ٱحًےـمِےـدُ ٱلَزٍوٱر

🏴؏ــظـم الله اجــورڰــم 🏴

✿ ✿ ✿ ✿ ✿ ✿ ✿ ✿ ✿


⬛️◾️▪️⚫️﷽⚫️▪️◾️⬛️
.

•●•● *(قصيدة لطمية و نعي ؛ تورمت مثلچ)* ●•●•
.
☜الطور ؛ بوزن *البحر الطويل*
يقرأ بأطوار #النعي ، ك ؛
1 التغريد الحزين
2 و لفى عاشور
3 آنه اللي شفت نارين
4 يا تالي هلي يحسين
5 يا سلاب تاج حسين
6 من دارت عليه القوم
*و تقرأ بأطوار #اللطمية ، مثل :
1 أنه بقلبي چبيرة النار
2 مثل طبع النسر طبعي
3 يا لرايح تزور حسين
4 و الشوط الكربلائي و النزلة
5 يحسين ابضمايرنا
6 يا سلاب تاج حسين
*او الطور #الفارسي الحزين؛
1 صداي پاي يار مهربان - جواد مقدم
.
و ممكن أن يقرأ بألحان مختلفة أخرى ، كأطوار الفزاعية و المربوعة .
.
▼△▼△▼△▼△▼△▼△▼

لسان حال السيدة رقية عليها السلام مع جدتها الزهراء عليها السلام




ييمه من سطر خدي الشمر ، اتذكرت خدچ
وَجِنتي اتورمت مثلچ ، بده همنه من الضَدِچ



إذا يالزهره بشبابچ تِحملتي ضرب خصمچ
أنه عمري ثلاث اسنين همي صار من همچ
ضربني چم عدو يمه ، جره دمي مثل دمچ
صرت وحدي وسط أزلام ، چن اتخيلچ وحدچ



و إذا سقطوا الطفل منچ ، أنه طيحوني بالصحره
مثل متنچ مثل ايدچ ، متوني و ايدي هم حمره
و أنه رجليني متورمه ، و أحس إعظامي متكسره
سمعت اسكينه اتگلي ، تصبري و انتخي ابجدچ



ورثت امصابچ ابكبره ، ولكن زادت آلامي
إذا حرگوا عليچ الباب أنه حرگوا لي إخيامي
تيتمتي و أنه ايتيمه ، بلا ناصر و لا امحامي
سبيه و العدو اينادي قتلنالچ نجم سعدچ



إذا قنفذ تعدى اعليچ ، أنه چم طاغي ظالمني
من الدمعه و من الصرخه من الون وسفه حارمني
شنو ذنبي و يقيدني ، ييمه ابظلمه هاضمني
يريتچ شفتي أحوالي ، يريتچ گمتي من لحدچ



إذا فــقــد الأبـــو أذّاچ ، ولــكن مَنــقِــطَــع راسه
و لا شفتي على الارماح ، رمحه كاتم أنفاسه
أنه بويه ابطشت ايزيد ، يقرع ثغره و اضراسه
متت من هل ألم يمه و تمنيت اندفن عندچ

.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
____

✿مؤسسة منبريون لنشر القصائد النسائيه✿
https://telegram.me/ahmed_alziwar17

✿اكبر كروب لتلحين القصائد ✿

https://tttttt.me/joinchat/AAAAAD-z2IUAWBHIfQbyCg