#قصائد_محرم الحرام ع
باجر من يطيح حسين    وين حسين دليني

——————————



زلـــــزال… حملت علي الاكبر
من صال… صـوت النصر كبر
** * *
هذا ليث الموزمه.. سوه بالطف ملحمه.. سيفه ضل يگطر دمه
امن ادماهم
ضجه صارت نينوه.. ارماد طشهم بالهوه .. أظلمت وبــلا ضوه
خلاهــــــم
يبس ارياگ الزلم ... بيهم ايطش ويلم ... منــه مـا واحـد سلم
ذلاهـــــــم

بالسيف… خلص رگبـهم كر
زلـــزال… حملت علي الاكبر
*
ريح صرصر فزعته... نار كبره ابخزرته ... موت أحمر ضربته
ياويلهم
كل معسكرهم شرد… ماثبت منهم احد ... وگفته وگفت اسد
مابينهم
اگبالهم تاه المفر ... من درو سيفه انشهر … سوه من دمهم بحر
هد حيلهم

والجيش… من فزعته اتحير
زلـــــزال… حملت علي الاكبر
**
عل جحافل من يشد.. بروسهم يحصد حصد.. ذكر الگوم بأحد..
وبخيبر
بي مراجل حيدره.. وعمه سبع الگنطره.. اسد وگت الزمجره
ويتبختر
عاصفة نار ويهب.. سيفه ضل يلهب لهب.. منه كلمن يقترب
يتحــير

سجيل… يمطر على العسكر
زلــزال… حملت علـي الاكبر
**
فارس وحيد وكلف.. گابل السبعين ألف.. سوه بحر امن النزف
بطفوفه
ضهضب وهد ابزعل .. صاعقه الاكبر نزل ..موت موسيف انحمل
بچفوفه
ابينهم ضل يرتجز.. چن رعد صوته ويهز.. بكر ابـن غانـــم يفـز
من خوفه

ويگوم… مثل الاســـد يزئر
زلــزال… حملت علـي الاكبر
*
لو كشخ بمذهبه .. يبتســــم للنايبه .. يخسه جيش الناصبه
ايهز طوله
فرهه فر المسبحه.. لاچهم لوچ الرحه.. سوه بالطف مذبحه
وشهدوله
مايهم بكبر عدد.. اجموعهم صارت بدد.. يطلب امن الله لمدد
وينــوله

كـرار… وكت الحرب مافر
زلزال… حملت علـي الاكبر
**

الخادم
✍ كامل السعيدي


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————



لاتضنــــــين يزينب لاتضنـــــــين
اترك حسين وساوم اترك حسين
واللــه عمري افديه دون حسيني
وفدي عيـني اوهامتـي اوجفيني
لاتضنــــــين
***
يختي وعيونج فــلا اهتــــم لمرهم
مايقرنــي اولا يغيرنــي وعــــــدهم
لو دعو آنه ابن اخـــت اكَطـع لسنهم
آني ما عنــدي خــــوال اولا عرفهـم

مايفـرقــــون شملنه مايفـرقــــون
بيه يـــدرون يزينب بيه يـــدرون
ربــي عـــن ذاك الوعـــد يغنيني
والله عمري افديه دون حسيني
لاتضنـــــين
***
سدي أذنج يختي زينب مـن خطبهم
ما اريـد ايمـر على اسمـــاعج كذبهم
بسيفي اسـد حلوكَهم صدكَي واذلهم
ألج ضاخرني علــي مو مــــن اجلهم

صدري شب نار عليهم صدري شب نار
والصبر فــار يخويه والصبر فــــــار
هلهليلــي وعالحــرب شجعيـــني
واللــه عمري افديه دون حسيني
لاتضنيـــــن
****
لا تضنين ارحــــــل واتــرك عضيــدي
واللــه لو شمس اوقمر وضعولي بيدي
حب اخوي حسيـن دم يسري ابوريدي
دونـه اقــاتل والحرب ياخـويه عيـدي

واللـه هيهات اســاوم واللـه هيهات
شايل اثبــات وقــاوم شايل اثبــات
ما اســــاوم عالحســين اوديني
والله عمري افديه دون حسيني
لاتضنيــــــن
***
فــــوكَ المخيــم يضل باقــــي لوائي
ما اعـــــوف حسـين مااتـــرك ولائي
هوه فكري ومذهبي وديني اورجائي
عمري ابيعه وشتري حسـين ابدمائي

آنـه وفــــاي لخــوتي آنه وفـــــاي
تشهد ابهاي وكَفتـــي تشهد ابهاي
بالشجـــــاعه وبالوفه اتعرفينـــي
واللــه عمـري افديه دون حسيني
لاتضنـــــــين
***
آنه ابن سيد البشـر والحامي جـــاره
حاضر انزل للحـــرب رهـــن الاشاره
منتضر سبـط الـنبــي يعلــن قـــراره
واللـه اسحكَ روسهم وســط المعاره

وادي الطفوف اكَلبــه وادي الطفوف
اكَطــع الشوف عليـهم اكَطـع الشوف
هسه اطـــب وبعينــج اشوفيني
واللـه عمري افديه دون حسيني
لاتضنـــــــين
**
تمتلي الحــومه يزيـنب مــن جثثــهم
ألـه اخلـي السيف مايرحـــــم ركَبــهم
ساعه اطشرهـــم ابزودي ساعه المهم
الياجهه ايفــرون ياكَــــــــاع التضمهم

تترس الكَـاع جثثهم تترس الكَاع
شايل اطباع امامــــي شايل اطباع
يـا شجــــاع المنهــم ايلاكَيــــني
واللـه عمري افديه لجل حسيني
لاتضنـــــــين
***
الخادم
كامل السعيدي


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




بسم الله الرحمن الرحيم




قصيدة #العليلة
عليها السلام



تقرأ بعدة أطوار وألحان تصلح لمجالس #النساء #والرجال


يبنّيه فات العتب بس العتب بطّليه

وإلّي يغيّره الزمن والينسه هم انسيه


خلوني اتانيهم
عافوني اشبيهم

كلهم نسوني/عالفارگوني/گلبي جمر ظل بيه


شان المريضه الهنا والراحه بس إلها
عند الحبايب تظل إيشوفن مشاكلها
هاي التدگ الدوه وهاي التنگطلها

بس آنه ظل حالي
الموت إيتراوالي

أ هلي إشمروني/عالفارگوني /گلبي جمرظل بيه


يايمه گوه الِنفس يرجع على الرِيَّه
ماعندي ذرة عزم وامشي إعله رجليّه
ماگلتي ياهو البگه ايباريها البنيه
واتخلبص احسابي
من شيلة أحبابي
ليش إشمروني/عالفارگوني/گلبي جمر ظل بيه


ليليّه أصب الدمع وابچي اعله جمعتهم
ازحف زحف عالرمل وأذرع ثنيتهم
وبكل ركن بالنزل محفوره ذكرتهم
بيت الگبل زاهر
ظل يكسر الخاطر
عميت عيوني/عالفارگوني/گلبي جمر ظل بيه


المغرب ابلا رحم يلفيني بآلامه
من گد نياحي إوعلي ماشيلن الهامه
موآنه گتله الابو إخذوني خدامه
شال اوگطع بيه
ماچني البنيه
والدللوني/عالفارگوني/گلبي جمر ظل بيه


حسبالي يوم إو يرد ذاك العليه ونّي
احچي ويروحي ابقهر ليش افترگ منّي
هوه وخواتي أبتعد إوعماتي عافنّي


وگالو گمرعدنان
ايجيبچ لرض كوفان

يمته يجوني/عالفارگوني /گلبي جمر ظل بيه

معذورة يافاطمة لولمتي الوالي
ماجالچ إنتي الخبر راسه برمح عالي
حسين بظهر كربله لله انطه كل غالي

والغايب اشحاله
مات إونسه إعياله

صاح إذكروني/عالفارگوني/گلبي جمر ظل بيه

العمل مهداة إلى مقام حضرة صاحب الزمان عج
*أم علي رضا الشريفي الحسيني*

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




#هوسات#توسل #لطلب الحوائج #العليلة



وين البيها غيره وماترد طلاب
بنت حسين وياها إلي أعتاب
ادگن بابها وظليت ادگ بالباب
واگف لا أنطتني ولاسمعت إجواب

《 چايمته الباب اتفتحونه 》


يا مولاتي بابچ لا تسدينه
بوجهه الجاي ليچ اودمعته ابعينه
هم عندي واريدنچ تزيحينه
أحلفنچ بأبو السجاد وجهچج لاتديرينه

《 ريتچ فرحانه اترجعيني 》


صار اسنين ياحره ويعلويه
أحظر مجلسچ والطم يالبنيه
انعه ابصوت عالي وصافيه النيه
مابردتي گلبي وگلتي مگظيه

《 يمچ ماوصلن حاجاتي 》



أشوف الناس كلها اتگول بت إحسين
گظاية حوايج ليها متعنين
شو آنه إعله بابچ يالعليله إسنين
أنعه إوياچ لوونيتي عالزينين

《 والحالچ ابچي إوممنونه 》


توزعين الحوايج إوكلها فرحانه
وكلها إتصيح بت حسين ماقصرت ويانه
من دون الخلگ ظليت بس آنه
بيه النار واتهظم إوحيرانه

《 چاليمت چاره اتسويلي 》



العمل مهدى الى مقام حظرة صاحب الزمان عج


*تمت*

#إم علي رضا الشريفي الحسيني

نظرة ياعليلة الحسين 😭😭😭😭😭😭

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————





رويَ في يوم العاشر من محرم جاءَ الغراب الى بيت العليله وفي منقارهِ دم سيدالشهداء ع فأجابتهُ قائلةٌ
هوسه وابوذيات نعي الفاطمه العليله ع

اسولفلك سوالف عن عليله اتنوح
اعلى ابوهه الجايهه اتنشده واليروح
حط اغراب عالحايط يفت الروح
(ينغك والدم ابمنكاره)
🔹🔹🔹🔹🔹🔹🔹🔹
ابوذيات نعي للعليله ع

غراب البين  لا تنغگ ٠٠٠ علاماك
ابوك المات  وتصيح ٠٠٠ علاماك
لوعندك علوم احچي ٠٠٠ علاماك
عليله   اولا    تهيج    النار  بيه
🔹🔹🔹🔹🔹🔹🔹🔹
ابمحرم مابقت حرمه  ٠٠٠ يحرمه
يزيد  الماي عن اهلچ ٠٠٠ يحرمه
وابوج حسين ظل عاري٠٠٠يحرمه
ولعبت فوگ صدره اخيول اميه
🔹🔹🔹🔹🔹🔹🔹🔹
عليله ودهري ماخله ٠٠٠ ويهلي
عليهم صب دمع عيني ٠٠٠ ويهلي
اهناك  الكاتبو  صارو ٠٠٠ ويهلي
لو ضدهم   صفو   وي آل  اميه
🔹🔹🔹🔹🔹🔹🔹🔹
يكلهه حسين ظل باين٠٠علي هم
حته الكاتبو صارو ٠٠٠ علي هم
هلج سبعين الف دارو ٠٠٠علي هم
اشر ماخلق الله اعلى الوطيه
الجناسات 1_علي هم مهموم 2_علي هم صارو علي 3_عليهم
🔹🔹🔹🔹🔹🔹🔹🔹
حته الطير  لمصابي ٠٠٠ علي وين
ابوي اعلى الرمح راسه علي وين
اهلي ابيوم ذبحوهم ٠٠ علي وين
اخوي   اعليل   ما يحمل  اذيه
الجناسات 1_علي ون 2_ ارتفع عالرمح 3_علي السجادع
🔹🔹🔹🔹🔹🔹🔹🔹
عليل واضحه ارسومه ٠٠٠علي هم
راد ايذبحه ابن جوشن٠٠٠علي هم
تعمد يحرك الخيمه ٠٠٠ علي هم
حركهه وفرن اسكينه ورقيه
الجناسات 1_ مهموم 2_ هم راد يذبحه 3_ عليهم
🔹🔹🔹🔹🔹🔹🔹🔹
#الشكرلله خادم الزهراء ع ملا علي
#نسالكم_الدعاء
———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————



أبيات أبوذيه عن لسان فاطمه بنت الحسين
(عليهما السلام )

أريد ابدي ومعرف امنين..بدواي
عليله والطبيب احتار.. بدواي
اخلاف اهلي عليمن بعد..بدواي
وبعد ياهو الذي يكطع علينه.


هلي شالوا وخلوني ..وراهم
ودليلي امعود اعليهم..وراهم
بعد ماشوفهم يمكن.. وراهم
وبعدهم راح تلفيني المنيه ___

يظل كلبي وراكم يون..ويصح
وعودي امن المرض ميطيب..ويصح
لون يرهم اوياكم رفج..ويصح
يبويه حسين ماظل مرض بيه _

بعد ياهو العليه يكطع.ويانس
ودليلي غرب ماعاشر..ويانس
انا الظليت لايهلي...وياناس
مريضه وضاكت الديران بيه _


ملا قاسم


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




السـيـده العـلـيـلـه (عـلـيـهـا الســلام)

غـالـي يمـشـي اويـاه غـالـي
ويـاهـــو الـيـﮔــلــي تـعـالـي
يـم ضعــنهـم وآنـه أحـسـهـم
واﮔــفـــيــــن ابــاب بــالــي

هـسـه ابـوي يـصـيـح الـيــه
لــو أخــو يــرجــع عـلــيــه
مـتـانّــيــه ومـمــدوده اديــه
بــــس ولا واحــــد إجــالـي

العــنـــده عِـلـه أيـهــودونـه
وبالـيــــريــده إيـسـكــتـونـه
والإبـعـــاد اعـليـه يـجـونـه
وآنــه هـجـرونـي الغـوالـي

بالـلـه هـسـه ويـامـن أﮔـعـد
ويـا دمـع بعـيـونــي يـركـد
وآنـه أمــشـــي ومـا أوّﭽــد
هـذا طـولــي لــو خـيـالــي

عـيوني ذني بـﮔـد بـﭽـيهـن
بـاب أحـس مرسـوم بيـهـن
يمـتـه ويـفـتـحـوه عـلـيـهـن
وحـدي زحمـه بلايه والـي


أحـسـب ولـو ﮔـلـت عـاشـر
من الرقــم تـطـلـع حـوافــر
اللـه يسـتـر شنهـي صايــر
ومـحـد شصـايـر حـﭽـﺎلـي

والـلـه حــيـــرنــي زمــانـي
مدري اموتـن مدري اتانـي
وبـيـتي مو خيمه وﭽـوانـي
شـلون لـو خيـمـه شجرالـي


أحمد البصراوي العبادي

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




نزلة .... للعليلة عليهم السلام ( ميمر )


آنه العليله وأهلي راحوا عني
ظليت أون گلبي انفطر من وني
كل ضني يرجع والدي كل ضني
عالدرب انطر ظليت روحي المرض اذّاها
.................

طفله وعليله بلا اهل عافوني
مالومه وعله الدرب تربي عيوني
منتظره اهلي السافروا يلفوني
لجيّتهم احسب ايام وتصوّر ابملگـــــاها
..................

وحشه المدينه بدون ابويه الغالي
غير الألــم بغيـــابه مايبـــرالي
ذاب وتفطـّر بالمــرض دلالــي
وعيوني دمع الأحزان يا والدي اعمـــاها
................

عالدرب ظليت انتظر جيّتهم
والدي حسين وكل هلي ولمّتهم
طوّلوا غيبتهم ولاچن بتهم
آلامي وجروح البين ماواحــد الـداواها
................

طفله وبقيت بدارهم بس وحدي
غير الألم والنوح ماضل عندي
شعتب شسولف والعتب مايجدِي
صورة ابويه بعيناي كل وكت ماانســـاها
...................

جرح انتظارك سلني يابويه حسين
وين انطي وجهي والدي بعدك وين
شتنتظر بويه ولا سنة ولا سنتين
مثل الحلم صارت ليش شوفتك اتمنّـــاها

خادم فاطمة العليله عليها السلام
سيد زيد الفحام
_

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




فاطمه العليله عليها السلام

لاتخلوني وياكم اخذوني
يجرح عيوني سفركم يجرح عيوني
..............

لاتخلوني اضل بهذا حالي
لون رحتو تخيم اعليه الليالي
ويضل وسط العين بس دمعي يلالي
فاطمه انه العليله يالغوالي

امشي وياكم صعبه انساكم
بويه فركاكم اذيه يجرح عيوني
...............

اني بعيوني شفت بويه خواتي
للسفر يتحضرن واني امنياتي
وياكم امشي بغيركم شلي بحياتي
وهم مثلهن حضرت روحي وعباتي

اني متحضره وخبر منتضره
ابقه منكسره وهجركم يجرح عيوني
.................

وين اروحن من بعدكم يالحبايب
گلبي مايتحمل افراك ومصايب
يعني اذا ما امشي اضلن للنوايب
من بعدكم بويه نور البيت غايب

منهو يسمعني لوكثر وني
لاتحيرني و وداعك يجرح عيوني
...............

من يمرني الليل ما اكدر انامه
گلبي خايف ماتردون بسلامه
راح احوم بغيبتك مثل الحمامه
وهل زمن يابويه ماترحم سّهامه

يعني اضل وحدي ودمعتي بخدي
بالهضم ابدي وحزنكم يجرح عيوني
................

من بعدكم بويه مااحمل غربتي
خايفه ايطول السفر وبقه بحسرتي
روحو بويه وراح اضل اني بهضمتي
وانتضر جفك يجي اينشف دمعتي

عايشه ايامي ونته كدامي
ماتت احلامي ورحيلك يجرح عيوني
.................

كلشي ماضل عندي بالدنيه امن اهلنه
بويه تمشي وتاخذ وياك المحنه
گلبي بغيابك فلا واحد يئمنه
بعد هيهات الوكت يجمع شملنه

من تجي اخبارك انجوي بنارك
ماترد دارك وذكرك يجرح عيوني

محمد هادي العقابي

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————





نزلة ليلة العليله ع

خليني هايم بالعـــــشگ خليني
خليني وي حبي الصدگ خليني

__

خلينــي يالايم .. بهذا العشگ هايم ..
رايــك ميــعنـــيلي
مااقبل اراء
لاتــوگف ابدربي .. وتتــحكم بحــبي ..
ممــنــوع تــــتقرب
من هاي الاشياء
دستور ابواليمه .. يرضى اقترب يمه ..
ودستورك الروحك
امن الالف للياء
بحزاني واهاتي ..اتركــني وي ذاتــي ..
جو مجلس الغالي
من احلى الاجواء

خليني بحـسين احـترگ خليني
خليني وي حب الصدگ خليني



اليشكل على افعالي .. صاحب گلب خالي ..
المامنچوي گﻻبه
ليسولف اوياي
اعلنــهـــا هذا انـي .. والمـــلك وجـــداني ..
محــبوبي ابوالـيمه
ودعوتي ورجواي
مجــنونه مجــنـونه .. ومااگــدر ابــدونــه ..
اعتــرف وبـــراسي
لا مابقه راي
حسين الضوه بعيني .. وهنيالي بحسيني ..
حسدوني حسدوني
من سمعو ابهاي

وعــن دربى لاماافـترگ خليني
خليني وي حب الصدگ خليني


_

اشما تنزل ادموعي .. وتتكسر اظلوعي ..
لحــسيــن مـــاوفي
متروس تقصير
المفروض مااحچي .. اگضي العمر ابچي ..
والطم على الغالي
لحد موتي ميصير
محبوبي عالـغبره .. والخيل رض صــدره ..
گون انا هسه اعمه
وهذا اقل تقدير
شلون ابــتعد عنه .. واتخــــله عـــن وَنـــه ..
ومــقدم الاجــــلي
حتى ابنه الزغير

دلالـــي بمحـــبته يــدگ خليني
خليني وي حب الصدگ خليني

____

عايش على انفاسه .. واتنفس احساسه ..
من ابتعد عنه
روحي المن اتروح
الخلاني في خيره .. ما اگـصد الغيره ..
البيبان مسدودة
وبس بابه مفتوح
ابلا خــدمة المـنبر .. صــدگني مااگــدر ..
مــن ابتعــد عنه
شو چني مذبوح
لمن امد أيـــدي .. لحسين احس عيدي ..
بسراري ابوحنله
والغيره مابــوح

ومــن مااشــمه اخــتنگ خليني
خليني وي حب الصدگ خليني



العيشه نعم نعمه .. بس كون بالخــدمه ..
ابلا خــدمه ماتسو
هالعيشه فلسين
ابـــلا اربـــعيـــنيه .. وابـــلا ا حســـينيه ..
هــذا الـعمر ماصخ
مــن غير الحسين
شلون اگضي ايامي .. وماابچي عالضامي ..
لو ماجرى المدمع
اعميـــها هـــالعــين
من تطفي جمراتي .. اشعـــله حســـراتي ..
لو احـــترگ لــجله
مــــارجـــع الــــدين

اعليه السمه لو تنطـــبگ خليني
خليني وي حبي الصدگ خليني



ماتطــــفي نــــيرانه .. بظلـــوعي بـــركانه ..
عاشـــوره مايــــبرد
لا والله هيهات
يعيش الطبــگ بـــيه .. يــومــــه ومأســـيه ..
ابصدري اشيطفيها
مشعوله جمرات
حسين انسحگ صدره .. وضل عاري عالغبره ..
الهالموقف الدامي
تبچي السماوات
ابچيلــه كل عــــمري .. من زغـــري والكــبـــري ..
ماعــــوف وناتي
اولاعوف الاهـــات

جفني لحـد ماينــــفتگ خليني
خليني وي حب الصدگ خليني
___
حيدر تركي الكربلائي
———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————



ثكيله وصيه ام البنين للعباس
أوصيك بوصيه ،،، برض الغاضريه
عينك عل عقيله لا تمشي سبيه

أوصيك بوصيه

//////////////////////////////////

عينك عل عقيله انه امك ووصيك

تنفذلي الوصية وكلبي راضي عليك

ولوجت للمدينة لازم تفتخر بيك

بوقفتك تحجي هيه أوصيك بوصيه



اريدن لواجتني زينب رافعه الرأس

هيه امخدرتكم وتدري بيهه الناس

يمه ابكربله أنتم صيرو الهه حراس


ضحوا المنيه أوصيك بوصيه



لاتخشون كل موت لو ردتو تهجمون

يمه اربات أيدي ماريدن تخافون

اريدن بل شجاعه تضرب بيكم افنون

يمه اربات اديه أوصيك بوصيه



يعباس الوصيه كافل زينب انتة

ماضن للكفاله الوالي يعوفهه أخته

اني أمك يعباس الوفه مني رضعته


اني امك وفيه أوصيك بوصيه



يا كافل خدرهه اختك ليش تمشي

وي ناس الاجنب وظعنهه بيه تحدي

يمه ليهه ماجيت أظنك منته تدري

نايم عل وطيه أوصيك بوصيه



نايم عل وطيه واختك رايحه ابعيد

طلعت يا ابني وياك بايدك لازمه الايد

شلون تروح تقبل تدخل مجلس ايزيد

مايدري الشفيه بعملت آل أمية


لخادمه ام البنين العلوية ام جعفر
💝💝💝💝💝💝💝💝💝
الناشر // عالي مقامي
غير مبري الذمه يحذف اسم الناشر من القصيده


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————





ثكيله للمسيــر وتصلــح للنزول

رجــع العيــلـہ ،،،، رجــع العيــلـہ
آه يبن امي رجع العيـلـہ
تبقـﯽ ذليلــہ ،،، تبقـﯽ ذليلــہ
زينب عگبك ،تبقـﯽ ذليلــہ
🕊▃▃▃▃▃▃▃▃▃▃▃▃🕊
خويــہ ارجع لا تبني اخيامك
تدري اعداڪم ما يرحمون
والماي اعليك يمنعونــہ
وبڪتلك همــہ اليردون
آه يبن امي آه يبن امي
هاي السفــره سفــرہ طويلــہ
🕊▃▃▃▃▃▃▃▃▃▃▃▃🕊
سفــره موت وانتــہ التدري
مڪتوب اعليك من ازمان
واخوانك كلهــم تفڪدهم
واولادك حتـﯽ الرضعات
شيحملــہ كلبك شيحملـہ كلبك
وضيــم لوحدك انتــہ تشيلــہ
🕊▃▃▃▃▃▃▃▃▃▃▃▃🕊
ضيــم الشفتــة اللـہ يعينـك
ڪتل اخوانك والاصحاب
والاعظم منهن والاكبر شفتـہ مڪطع بلحراب
ابنك واعليك شڪـد غالي ومصابك آه يمصاب
الله يعينك الله يعينك
ابنك ميت وانتــہ تشيلــہ
🕊▃▃▃▃▃▃▃▃▃▃▃▃🕊
بقــلم شاعــرة اهـل البيــت ام زهراء الڪعبي
🕊▃▃▃▃▃▃▃▃▃▃▃▃🕊
♦️♦️♦️♦️♦️♦️♦️♦️♦️♦️♦️♦️♦️♦️
الناشر // عالي مقامي
غير مبري الذمه يحذف اسم الناشر من القصيده
———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




ثكيله لنزول الحسين عليه السلام بكربلاء*

*لاتنزلوني ،،،، لاتنزلوني*
ابكربله يحسين لاتنزلوني*

*خويه رجعوني ،،،،خويه رجعوني*
*للمدينه ابساع خويه رجعوني*


.........................................

لا تنزلونه محملي يحسين
خويه ياعباس عالحرب ناوين
من تعوفوني وين اروحن وين
خويه لاتخفون گلي اشناوين

هودجي خلّيه والضعن رد بيه
لاتضيعوني أنا والنسوان لاتضيعوني
................................................
شوف رجف گلبي من وصل ليها
تخونكم يحسين خاف تاليها
الخاطر الزهراء مانحط بيها
تنهظم زينب شلكم اعليها

عالهظم مگدر ياابو الأكبر
مايرحموني خويه والعدوان مايرحموني
.........................................

مارحم عدها كل بني اميه
اتريد ذبح حسين وترجع اعليه
اتسلب النسوان وتچتف ايديه
وتالي ما تالي اروح مسبيه

خوية ياعباس لاتدگ الساس
يذلن اعيوني عگب چفینك ايذلن إعيوني

.........................................

انت نور العين والضوه ابدربي
خويه ريت اليوم ايسلمك ربي
گلبي ياعباس ماركد گلبي
لمن ابهالگاع نزلت رچبي

أنظر الخُوان والدمع جروان
لاتخلوني ويالعده ابهالگاع لاتخلوني
.........................................

ويالعده يحسين لاتظل زينب
ابحظن ابو السجاد ذبت المعصب
تگله خل انشيل والدمع ینصب
بن سعد وسنان لیکم اتگرب

لملم اخیامك ورجع ازلامك

يالوعدتوني وگلتو بحمانه يالوعدتوني
.........................................

یالگلت بحماي ياكفيل انته
گلها ابو فاضل مايعوف اخته
إتگله للديران نرتحل يمته
ريت گبل الیوم ياگمر ميته


ولااشوف الگوم تذبح المظلوم

ليش جبتوني الكربله الگشره لیش جبتوني
.........................................

*ام علي رضا الشريفي الحسيني*
🔮🔮🔮🔮🔮🔮🔮🔮🔮🔮🔮🔮🔮🔮


الناشر // عالي مقامي
غير مبري الذمه يحذف اسم الناشر من القصيده

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




ثكيله لنزول

لا تنزلوني ،،،،لا تنزلوني
بكربله يحسين لاتنزلوني
ردوا اضعوني ،،، ردوا اضعوني
خايفه منها ردوا اضعوني
❥━──➸➽❥❂❥━──➸➽❥❂
لا تنزلوني بهالارض يحسين
روحي مالومه وبس اهل العين
خاف افگدكم يخوتي الطيبين

لا تخلوني لا تخلوني
وحدي يالوليان لا تخلوني
❥━──➸➽❥❂❥━──➸➽❥❂
لا تخلوني وحدي يالوليان
للوطن ردني خويه يا ريسان
من وصلت الها والگلب وجعان

تهمل عيوني تهمل عيوني
ما نشف دمعي تهمل عيوني
❥━──➸➽❥❂❥━──➸➽❥❂
مانشف دمعي يصب عالوجنات
مختنگ صدري وبس اجر حسرات
خايفه بيكم تغدر الشمات

من تعوفوني من تعوفني
خويه اشوف الضيم من تعوفوني
❥━──➸➽❥❂❥━──➸➽❥❂
راح اشوف الظيم وامشي مسبيه
ما يخلوني يمك شويه
والزلم والخيل تفتر عليه

ما يرحموني ما يرحموني
يضربوني بسوط ما يرحموني
❥━──➸➽❥❂❥━──➸➽❥❂
يضربوني بسوط يخوتي الارجاس
واضل محتاره والطم اعله الراس
ساعه انادي حسين ساعه يا عباس

ماتسمعوني ماتسمعوني
وانتم منومين ماتسمعوني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور
🌺🌺🌺🌺🌺🌺🌺🌺🌺🌺🌺🌺🌺🌺
الناشر // عالي مقامي
غير مبري الذمه يحذف اسم الناشر من القصيده

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




ثكيله لنزل الى كربلاء

من جاب العيال، ،،،، من جاب العيال
ابن امي طب الكربله
جاب الحرم والعايله
وفراكه جتال، ،،،،،، من جاب العيال
┄┉❈«💔»❈┉┄
جاب العيال الكربله بشهر المحرم
ومن نزل بيها ابوعلي حيله تهدم
ابهذا الشهر نزل عياله وبنى المخيم
خويه ياشيال العلم
بكربله ماكو شهم
┄┉❈«💔»❈┉┄
زينب تكول اشلون انزل عيالي
طبيتها ومنها انمرد دلالي
لوظاله باارض المدينه اشوالي
ولااشوفها بيها كدر
وتحمل اهات وقهر
ولاينذل الحال، ،،،،، وفراكه جتال
┄┉❈«💔»❈┉┄
ادري انهظم وعيالك ادولبني
ابسوطه الشمر ياحسين من يضربني
اخوي الكفلني اشلون يخلص مني
عباس تولانه العده
وانتم اجساد امدد
ورفج الجنال، ،،،، وفراكه جتال
┄┉❈«💔»❈┉┄
هذا الشهر حمل حسين اعياله
طب كربله والدمع منه هاله
الدنيا كلشي بخوتي مياله
تغدر بخوتي وبهلي
وعباس الكافل محملي
والدمع همال، ،،،، وفراكه جتال
┄┉❈«💔»❈┉┄
عمه علي خلينه نشبع منك
ادري تروح بكربله انت وعمك
عمه علي اتعذرت مني چنك
ظل طريح اعلى الثرى
ودمك عالتربه جرى
وكطعت الامال، ،،،،، وفراكه جتال
💠💠💠💠💠💠💠💠💠💠💠💠💠💠
الناشر // عالي مقامي
غير مبري الذمه يحذف اسم الناشر من القصيده

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




قصيده لنزل الى كربلاء


هاي الغاضريه، ،،، صاح ابن الزجيه
بيهه ينكطع نحري
ودمي عالثرى يجري
هاي الغاضريه، ،،،،، هاي الغاضريه

هاي ارض الكرب والموت، ، هذي ارض الاحزان
وهنا مذبح اصحابي، ،، وانه انذبح عطشان
وهنا تحرك اخيامي، ،، وتتسلب النسوان
وتبقى جثتي أرميه
هاي الغاضريه
┄┉❈«💔»❈┉┄
جدي هنا وعدني وكال، ،، بالطف يذبحوني
والخيل على صدري اتجول، ،،، بعد مايسلبوني
وراسي عالرمح ينشال، ،، وبالبر يتركوني
وتسحكني بني اميه
هاي الغاضريه
┄┉❈«💔»❈┉┄
كوم اليدعون الاسلام، ،، اتحلل بذبح حسين
وحتى اليرضع ايذبحوه، ،، لاذمه ولادين
وراسي ينهدي للشام،،، ببلاد المسلمين
واختب ااحوراء مسبيه
هاي الغاضريه
┄┉❈«💔»❈┉┄
وهنا مصرعي وكبري، ،، وهنا سبي العيال
وللشيعه مزار اصبح، ،، وليه اتشد الرحال
ومصيبة كربله تبقى، ،، تتناقلها الاجيال
وتبجي وتلطم عليه
هاي الغاضريه
┄┉❈«💔»❈┉┄
واخوي عالنهر مذكور،،، يبقى عالشريعه
مضروب ابسهم بالعين، ،،، واجفوفه كطيعه
مايرجع ابد بالماي، ،،، وأيروي رضيعه
فوگ المشرعه ارميه
هاي الغاضريه
♦️♦️♦️♦️♦️♦️♦️♦️♦️♦️♦️♦️♦️♦️
الناشر // عالي مقامي
غير مبري الذمه يحذف اسم الناشر من القصيده

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————





ثكيله للنزول بكربلاء
وزن الخدري

ابارض الغاضريه ،،، كل اهل الحميه

نزل ضعن النشامه
او رايات الكرامه

ابارض الغاضريه
__🏴

نزل ضعن العقيله ابأرضج نينوايه
تدري تنسبي اهنا واخوتها ضحايه
جنها الـنايبه اتدور واتحوم المنايه

نزلت دمعة العين
صاحت يالميامين

والـونه شجيه
ابارض الغاضريه

ام سـ✍🏻ـجاد العسكري

__🏴
تهل الدمعه من دم وتــعاين ع الاخوان
تدري هنا يروحـون عرايا فــــوگ تربان
وتضل اعليهم تنوح وتمشي ويه عدوان
نار الگلب تــــــسعر
كسرها شلون يجبر
تصرخ يالزجيه
بارض الغاضريه
ام عــــــــــ✍🏻ــــلي البابلي
__🏴
نزلت غاضريه تبجي بدمع سجاب
اشوفن جن اهلنه دمهم صاير خضاب
ويساره نروح منهم نودعهم يالاحباب
فراك اهلي كتلني
عليهم زاد وني
اويلي شهل رزيـــه
ابارض الغاضريه

الشاعره ام روكان الشمري
__🏴
نزلنه بارض الاطفوف ودگينه خيمنه
باجر كل هلي تروح محد يبقه النه
وشوف ارماح وسيوف ويتطشر شملنه
وعدانه مهوسين
شالو راس الحسين

وانه شلون بيه
بارض الغاضريه

✍️ام حسين الحسني
__🏴
برضج كربلايه ترؤح اهلي واخوتي
واصيح بصوت يحسين محد سمع صوتي
عساني ويالاحنان ريت ايصير موتي
ولا ابقه وحيده
ودروبي بعيده
والونه خفيه
بارض الغاضريه
✍️ام احمد الهاشمي
__🏴
عگب اوجوه الأحنان صبح مظلم نزلنه
تضل ابرگبتي ايتام تبجي وتجر ونه
وانادي خويه يحسين بعد اكطع الضنه
انادي ومايسمعون
باختكم هم تمرون

واشوفنكم رميه
بأرض الغاضريه

زيـ✍🏻ــنـب خـضـر الـواســطيـة
💝💝💝💝💝💝💝💝💝💝💝💝💝💝

الناشر // عالي مقامي
غير مبري الذمه يحذف اسم الناشر من القصيده
———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




ثكيله لنزول الى كربلاء

رجعونه الوطنه....یا کافل ضعنه
مـاريــدن هـالاديار
شوگلبي اشتعل نار

يا کافل ظعنه
┉❈❥ًً💠(🌐)💠 ❥❈┉

يبو فاضل يخويه يا چفیلي...گلبي صار نصین

مـن هاي المنازل وگع حیلي...حاطونه الملاعین

خــايف من عوارضها دليلي...اعلیکم یا میامین


اخاف اتمیل دنیاي...وافگدكم یولیاي


واظــل ابـولیة اشرار
شو گلبي اشتعل نار
یــــا کافـــل ظـعـنـه

✍العلويه ام ضيغم المحنا
┉❈❥ًً💠(🌐)💠 ❥❈┉

يبن عودی تگطع گلبی وذاب.. من ابنیت الاخیام

خاف ابگه غریبه بین الاجناب... ماترحمنی لیام


وانته یاچفیلی فوگ الترا....وانه بگلبی اسهام

حملی اعله المتن مال....ومحـتـاره ابهالــعـیال

♦️هنا ضیفی بعد شطر♦️

وانوح گلبی محتار
شوگلبی اشتعل نار
یـــا کافـــل ظـعـنـه

✍🏻المیرزا ام لیلی الخاقانی

┉❈❥ًً💠(🌐)💠 ❥❈┉

شو گلبي انمرد من شفت الطفوف...حس گلبي بلهيبه

خافن تهجم العدوان ونشوف... صیوانی نهیبه

جیش اگبل علینه ارماح وسيوف...خاف امشي غريبه


علی ابن امي دلیلي صار ملهوف...خاف ابگه غریبه

خاف امشي سبيه...ویحدي الشمر بیه

منــهـو الياخذ الثار
شوگلبي اشتعل نار
یـــــا کافــل ظـعنه

✍️ ام صادق المنصوري
┉❈❥ًً💠(🌐)💠 ❥❈┉

ويحدينه الشمر والدمعه بالعين٠٠وين اهلج يگلّي

اخلاف اوجوهكم ننطي الوجه وين٠٠وانا اثگيل حملي

من هسه انخمش گلبي يالحسين٠٠ردني الديرة اهلي


حاجيني يرجواي...ماريد البلد هاي

من هـسه الفكر حار
شو گلبي اشتعل نار

یا کافـــــل ظــعـنه

*_الشاعـرة ام مهـدي العيـداني_*
┉❈❥ًً💠(🌐)💠 ❥❈┉

ردني للنزل يابعد روحي...وکل عزها واملها

ادري كربله اتزيد جروحي...
يخنگني نزلها

گلبي يخاف منها وكثر نوحي...عالوليان كلها


یا زهره تعالي اویاي صیحي...والدمعه نهلها

گـرّّب حتف الاخوان
یا یمـه الدهـر خــان

اهنا ضیمي والاخطار
شــو گلبي اشتعل نار

یا کافــــــل ظـعـنـه

*ام منــــ✍ـــذر الحجار*
┉❈❥ًً💠(🌐)💠 ❥❈┉

لزمت كلبي يخويه ورفت العين...يوم العثر مهره

يبو فاضل يخويه عاين حسين...ليش ايده على ضهره

اسمعه ينعى نفسه ويخفي الونين... گلي شنهو أمره

والعسکر علینه انـدار صوبین... متحزم ابغدره


يدهري اتهدم حيل...اون ومانمـت ليلي


مني اتهدم الحیل...اخافن دنیتي اتمیل

وافگـد هـاي الاقمـار
شـو گلبي اشتـعل نار
یا کافـــل ظـعـنه

✍️العلويه ام مرتضى الموسوي
┉❈❥ًً💠(🌐)💠 ❥❈┉

📍📍📍📍📍📍📍
📍📍📍📍📍📍📍
الناشر // عالي مقامي
غير مبري الذمه يحذف اسم الناشر من القصيده

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————



ابو ذيات بحق الامام الحسن(( ع)) على لسان السيده زينب ع



راسـك لـيـش عـن جـسـمـك يفصلون
اذبـحــوك وگــامــو بـأمـري يفصلون
مـتى الــعــدوان يـبـن امـي يفصلون

الــدمـك والاثــر ســوط الـعـليـة
*-------------------*--------------------*

ابـد مـا نـاعـي بـمصـابـك يغالي
مثـل حـر الـجـمـر گـلبـك يغالي
الـخـيـل شـلـون داسـنـك يغالي

وذر وتـروك بـيـك الاعـوجـيـة
*-------------------*-------------------*
✍خـادم الـحسيـن ع
الشاعر رعد الجريخي
.
.
.
#الناشرالحُسيني_حسين_جاسم_الطائي


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_محرم الحرام ع
باجر من يطيح حسين    وين حسين دليني

——————————




*قصيدة للنزول الى كربلاء(ردو اضعوني)*
من ديوان📚 مسير الفواطم لأرض المظالم جزء ٥
❥━──➸➽❥❂❥━──➸➽❥❂
لا تنزلوني لا تنزلوني
بكربله يحسين لاتنزلوني
ردو اضعوني ردو اضعوني
خايفه منها    ردو اضعوني
❥━──➸➽❥❂❥━──➸➽❥❂
لا تنزلوني بهالارض يحسين
روحي مالومه وبس اهل العين
خاف افگدكم يخوتي الطيبين

لا تخلوني          لا تخلوني
وحدي يالوليان لا تخلوني
❥━──➸➽❥❂❥━──➸➽❥❂
لا تخلوني وحدي يالوليان
للوطن ردني خويه يا ريسان
من وصلت الها والگلب وجعان

تهمل عيوني   تهمل عيوني
ما نشف دمعي تهمل عيوني
❥━──➸➽❥❂❥━──➸➽❥❂
مانشف دمعي يصب عالوجنات
مختنگ صدري وبس اجر حسرات
خايفه بيكم  تغدر الشمات

من تعوفوني  من تعوفني
خويه اشوف الضيم من تعوفوني
❥━──➸➽❥❂❥━──➸➽❥❂
راح اشوف الظيم وامشي مسبيه
ما يخلوني يمك شويه
والزلم والخيل تفتر عليه

ما يرحموني    ما يرحموني
يضربوني بسوط  ما يرحموني
❥━──➸➽❥❂❥━──➸➽❥❂
يضربوني بسوط يخوتي الارجاس
واضل محتاره والطم اعله الراس
ساعه انادي حسين ساعه يا عباس

ماتسمعوني     ماتسمعوني
وانتم منومين ماتسمعوني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy