#قصائد_السيدة رقية__١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏

  .      🏴بـويـة لا موعـادتـك ☆ أفـرشت ســجـادتـك
😭
ــــــــــــــــــــــــــــــــــــــــــــــــــــــــ
قصيده بحق السيده رقيه (ع)




عمه زينب بالدمع صاحت رقيه
بنار دخان الخيم محتركه اديه
شحجي والموقف صعب
ورم امتوني الضرب
صاحت رقيه



عمه زينب ماشفــت كلشي بحــيـاتي
ازغيره بس من العطش يبست لهاتي
الخيمه حرگوها وطلعت انه وخواتي
اركـض ونار الخيم حرگت عـبــــاتي

ازغيره ما أحمل ضرب واثنين اديه
امچــويــات من الخـيـــم بالغاضريه
ليش شمسويه ذنب
ورم امتوني الضرب
صاحت رقيه
------------------

عـمـه ليش الخيم حرگــوها علينه
وليش بالهـيـمــه يعـمـه امطلعـينه
ناس ماعدهم رحم وامچتـفــيـنـه
اچبير عمه الحبل وازغيرات ادينه

ترفه أديـنــه وابــد ماتتحمل احبال
ليش شمسوين ويروعوها الاطفال
حارمينه من العذب
ورم امتوني الضرب
صاحت رقيه

----------------------------


ازغيره مو مالت درب لا صعدت النوگ
گـوه صعـدوني يعمه وثــوبي محــروگ
انه بنت حسين هـــــاي اعليه مـتـلــوگ
عالزلم مكشوفــه عـمــه وطبت السوگ

الناس من طبينه تتفرج علينــه
وين عمي الجابنه من المدينـــه
بسوگ من بعده اطب
ورم امتوني الضرب
صاحت رقيه



طفله ما أحمل ركض بين الضحايه
اعـثرت چـم مره يعــمــه بالعبايــه
ليش ياعمه الشمر يركـض ورايـــه
أيده مدهـا اعله التراچي وگال هايه

عالــوجــه عمه طحت مشدوه بالي
تمشي وين المثلي والماعدها والي
طحت فوگ اعله الترب
ورم امتوني الضرب
صاحت رقيه

----------------------


سافرت وي الحرم والممشه دمعه
بين دفـعــه ودفعه من الشمر دفعه
كل طريق الشام أبچي وجبته أنعه
والشمر ضربـو رقيه چنت اسمعه

راس ابويه بالطشت جابــو أليه
متت لمن شاهـدت طشت المنيه
ما تحملها الگلب
ورم امتوني الضرب
صاحت رقيه








لاتنسون والدي وابني عباس من الرحمه والمغفره
خادمكم رياض الرسل الجابري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_شهادة_السيدة_رقية_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️أطفال ونسه والگيد هدموا حيله▪️

ــــــــــــــــــــــــــــــــــــــــــــــــــــــــ

#محرم_١٤٤٣
#قصائد_منبريه
#رقية_بنت_الحسين_ع

على راسك يحسين          ماتت رقيه

.........................................

شبكَت الراس  وهون دمعاتهه

تنسمع   مخنوكَه حيل آهاتهه

بجه  حته الريح  من وناتهه

ابراسك اتشم الهوه وحسراتهه

اتريد شَم الطيبين              جابو هديه

على راسك يحسين            ماتت رقيه

.........................................

اتعاتبك  واعتاب زاد  اجروحك

اتكَول ليش اتروح عني ابروحك

وابحضنهه  الراس تسمع نوحك

بيدهه  المجويه  جان اتلوحك

بويه كَالت للحين           تحركني اديه

على راسك يحسين           ماتت رقيه

.........................................

تحجي وي الراس بس  مهمومه

بالجره اعليهه وعلي مهضومه

من  ابوهه  من الزغر محرومه

ياحسين  وصعبه حيل  الحومه

نادتك بويه العين             طفوهه اليه

على راسك يحسين            ماتت رقيه

.........................................

تشهكَ  بأخر نفسهه  بهيده

جان بس منك هواهه اتريده

للطشت راسك هوت متعيده

راسه صاحت هذا جاوين ايده

اتريد جفك يازين                 الهه تجيه

على راسك يحسين             ماتت رقيه

.........................................

ماتت اعله الراس جن مذبوحه

طفله  بس امعدله   ومملوحه

اكَبال  عينك سيدي  مطروحه

والدمع ضل عالرمش مرجوحه

سيف جان الونين             واكبر منيه

على راسك يحسين            ماتت رقيه


الشاعر
ياسر العارضي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يوم الطِفوف إوياكم ******* خويه أروح بِضَعنَك بِروحي أدآفِع عَنَك
صَك الشَهاده مِنَك
(بِلِطفوف بِلِطفوف ) يَحسين آني بِضِمنَك هيجي شِفتني إبظَنَك
أخويه وَأحفُظ أَمنَك
(بِلِطفوف بِلِطفوف ) سيوف تِسأل عَنَك إتريد هي إتطِعنَك
إعليها تِسأل جَنَك
(بِلِطفوف بِلِطفوف )
وِإجيوش إنته ذَليت يوم الطِفوف إوياكم
******* حايِر وَأشوف إخيامَك بيها شِفِت إيتامَك
يِصعَد لَهَب جِدآمَك
(أويلآه أويلآه) خويه وَأشوف إسهآمَك وِإجروحَك إو آلآمَك
كِلها لأجل إسلامَك
(أويلآه أويلآه) مِن وَقَعِت بِأبهامَك صار النَصِر إعلامَك
ذِكرَك يِخَلِـد أيامَك
(أويلآه أويلآه)
للدين رايه عَليت يوم الطِفوف إوياكُم ******* يَحسين حَسره بِصَدري ياخويه وآضِح أمري
وِبحالي الله إليِدري
(عَلِودآع عَلِودآع ) وِبِجِسمي هالسَم يِسري اللـه يِعَلي قَدري
ياخويه خاين دَهري
(عَلِودآع عَلِودآع ) ما ظِنه يِبره كسري عِندي طَلَب ياعُمري
يوميه مُر بِكَبري
(عَلِودآع عَلِودآع )
أفرح لَوَنَك مَريت يوم الطِفوف إوياكم ******* خادم الحسين حاتم ماشاءالله الكاظمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عَظَم اللهُ لك الأجرَ حُسين *********** دِمـــوعنه تُبقـــه لأجِلكُم هامله
بعيد كَبر الحسن ما نوصل إله
إنقيــــم جينه مَأتمه في كربله
(ها هُنا إلمأتَمُ بين الحَرَمين )
عَظَم اللهُ لك الأجرَ حُسين ***********
إنتـــه مرتين إنكِسَــــر مِنك ظَهَر
بالحَسَن مــــره ومره إعله النَهَر
يعني أَول كسره في سابِع صُفر
(وله يَنزُفُ دَمعُ إلمُقلتَين)
عَظَم اللهُ لك الأجرَ حُسين *********** هــــــــاي شيعة حيدره إلمَكنونه
إتشيـــل نَعــش الحَسَن وِيشَيعونه
مــو سِهام النـــــــاس مايِرمونه
وَرِد فـــوك النَعــــش وينِثرونه
(وعلى نَعشِهِ عِطرَ الياسَمين)
عَظَم اللهُ لك الأجرَ حُسين *********** يَم ضِريحــــــك جينه نَعشه إنطَوِفه (نطوف به)
مَدمع الشيعه إلمُصابـــــــه مــا خِفه
حــارت إلكِتاب نَعشـــــــه إتوصِفه
إتصيح هذا إلنعِش لأبن إلمُصطفى
(وَنَطُوفُ بِه مَقطوعَ إليَدين)
عَظَم اللهُ لك الأجرَ حُسين ***********
يــــم ضَريحَك جينه وِإلمَدمَع دِمه
نِدري لاشَك حِضَر حَماي الحِمه
طـــه جَده حضَر وأُمـــه فاطِمه
إلكربله زينب إجت بس بِضِمه
(فَبَدى إلجَمعُ يوآسي البُضعَتين)
عَظَم اللهُ لك الأجرَ حُسين ***********
إمــــرءه جَتـــــي وَرآها كُمَر شاب
رَملـــــه وِإلقاسم إجوإبهل إلمُصاب
حِضرَت إويــــاها سَكينه وِإلرَباب
وإلعَليله وِإلمَرَض مِن عِدها طاب
(وبُكاها قَد عَلا صوتٌ حَزين)
عَظَم اللهُ لك الأجرَ حُسين ***********
مَنظــــــر بِكربله سَر إلناظرين
صوت من إمرءه يِتعاله بِحنين
إستَقبِلتها الزَهره بالنوح وَأَنين
يــاهلا إبجيتِج علينه أُم البَنين
(أَين نَعشُ الحَسن يازَهرآءُ أين)
عَظَم اللهُ لك الأجرَ حُسين *********** ليش كُل الدنيــه على الظالِـــــم سِكوت
بالسُبـــــات إلمُسلمِيــــــــــن إو بالقِنوت
عِلـــه صــوت إلشيعه ما يِعلاها صوت
إيعيش صـوت إلحسن والطاغي يِموت
(يَسمَعُ الصَوتَ جِميعُ إلعالمِين )
عَظَم اللهُ لك الأجرَ حُسين ***********
خادم الحسين
حاتم ماشاءالله الكاظمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


جنون العاشقين


اليوم وكت جنوني عالراس ادگ خلوني
* * * * *
محبوبي گطعو راسه
والصدر حافر داسه
خمدت تراهه انفاسه

بالعشگ لتلوموني
* * * * *

عالغبره ظل يا حاله
ياهو الجمعهه اوصاله
والجسد ياهو الشاله

يهل العزه عينوني
* * * * *

انه الذبيح اْيمامه
حسين بلايه عمامه
وطفله نكتل گدامه

يم سلوتي ودوني
* * * * *

بيمن اخمد ناري
للظل ثلاثه وعاري
دمع المحاجر جاري

عالحالي لتسألوني

* * * * *

حقه الفگد محبوبه
والگوم سلبو ثوبه
غفران حبه وتوبه

هو الامل لضنوني
* * * * *

امشي ورى المشايه
كلمن جنونه ورايه
العشگ موش حچايه

الخادم إنه يسموني
* * * * *

رد الضعن بالعيله
من بعد غيبه طويله
والما لطم يا ويله

ما ابطل تعرفوني
* * * * *

خلوني اواسي الزهره
بمصاب ابنهه ونحره
ما انسه يومه وصدره

لمصابه تجري عيوني
***

✍بقلم خادم الحسين// ع
الشاعر رعد الچريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يبقه العشگ لحسين. وبحبّه متمسكين
لا سنة ولا سنتين. حد المنية حد المنية

ــــــــــــــــــــــــــــــــــــــــــــــــــــــــ


يبو فاضل    يبو فاضل    يبو فاضل
مدد
يبو فاضل     يبو فاضل   يبو فاضل
مدد

*
1

ياخو زينب هاك
روحي تستاهلها روحي حتى بيها الگاك

ياخو زينب هاك
الله لايــحرمـــني منك كون اضل وياك

ياخو زينب هاك
حسرتي ونوحي ونحيبي ولهفة الشباك


دوم ادعي ترزقني  زيارة كربله
اســمعهـا بحساسي   ياميه هله
اتنــومــس بالكافل گــدام المـله

يبو فاضل    يبو فاضل    يبو فاضل مدد
يبو فاضل     يبو فاضل   يبو فاضل
مدد
*

ياعضيد حسين
گلـي شمقدملك اني غير دمع العين

ياعضيد حسين
وينه دليني طريقك يبوفاضل وين

ياعضيد حسين
عمري ماشفت ابحياتي منك انته ثنين

من عطرك انفاسي  يعني انته الهوه
دكــتـــوري اوصلك مـجـــاني الدوه
اشـما اشرب من جودك كلبي ماروه

يبو فاضل    يبو فاضل    يبو فاضل مدد
يبو فاضل     يبو فاضل   يبو فاضل
مدد
*

سيد اعله الماي
انه احــلفـك ياحبيبي ريت تبقى وياي

سيد اعله الماي
بدون جفك انه اضيعن والله اتيه الراي

سيد اعله الماي
كاتب اعله الرايه غيره من اشيل الواي

يازمزم يتفايض  ياجنة عدن
ياقائد بفـعــالك يتباها الزمن
لجروحي والروحي تعنيلي وطن

يبو فاضل    يبو فاضل    يبو فاضل مدد
يبو فاضل     يبو فاضل   يبو فاضل
مدد
***
لوصحت عباس
ليش احس چفوفك انته بس الي حراس

لوصحت عباس
اعيونك اتصد اعله عيني دون هاي الناس

لوصحت عباس
فــتــحت جنتك اليه وهذا ماينقاس

مــــاارهم من دونك يالكلك وفه
شفتك حيدر ثاني غيره وعاطفه
اشـفى بس اوصلك بترابك شفى

يبو فاضل    يبو فاضل    يبو فاضل مدد
يبو فاضل     يبو فاضل   يبو فاضل
مدد
***
اغله من الروح
ماابطل اعليك وني ماابطل النوح

اغله من الروح
بس فقط وحدك تجيني وعني كلها اتروح

اغله من الروح
كل عشك ممنوع عني وهالعشك مسموح

تفتحلي من اجروحك بوابة امل
من الـــــذر تعرفني وباقي للازل
اني اعرف تكصدني  لو يلفي الاجل

يبو فاضل    يبو فاضل    يبو فاضل مدد
يبو فاضل     يبو فاضل   يبو فاضل
مدد

****

الحمد لله والشكر
رحيم الوائلي
2024


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA