#قصائد_للسبي__١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🏴  ‏
چـانـت بالـخـدر والـهـيـبـه مـصـيـونه
هــاي الـرخـصلـهـه الـكـافـل اعـيـونـه 💔😔
  .      🏴
ــــــــــــــــــــــــــــــــــــــــــــــــــــــــ

كأنُ العقيله ..
في ليلة الحادي عشر عندما ذهبت الى الحسين وفي طريقها أليه مابين القتلى واذا احدهم يمسك ردائها نضرت أليه واذا بولدها .. قالت له


يمه هدني .. بالي مشغول بخوالك
يمه هدني .. لا تـعـطلني بـســؤالك
يــمـه زيــنــب ما أهــدچ
حسين لودمعه اعله خدچ
"""""""""""""""""""""""""""""""""""

لاتعثر جـــدمي وتـــــــزيد ونيني
آنه امــــــك مابرد لجلك حنيني
بس خوالك يبني كلش شاغليني
يمه هـــدني ولاتگـــــلي ماتجيني

وين ادوره .. يمـــه دليني بحبيبي
وين أدوره .. هلبت ويسمع نحيبي
يُـــــــمه ليش الدنيا ضدچ
حسين لو دمعه اعله خدچ

"""""""""""""""""""""""""""""""""""

مـــــــابرد گلبـــي ينيـران بغليلك
بياكتــــــر دليني يوليـدي بخليلك
بس اشوفه ومن ارد عدله اجيـلك
وما اعوفك يالولد وبروحي اشيلك

وينه خالك .. يُــــــــمه أشرلي بصبعك
وينه خالك .. يبني يالمسحوگ ضلعك
خيــــل خيل بصدره ودچ
حسين لودمعه اعله خدچ
"""""""""""""""""""""""""""""""""""

اسمعني يازرعي العشت عمري بكبرته
حسين اخـــــوي ودللاني وچــــني بته
أمّـــــن الطفوله وشيبينه ومــــاتركـتـه
ايصيحــــلي كله العزيزه بعمري عشته

عشنه دنيا .. والحزن صار المعاني
عشنه دنيا .. ومـــانسيته ومانساني
ياهـــــــو ظل يايمه عندچ
حسين لودمعه اعله خدچ
"""""""""""""""""""""""""""""""""""

ارد أشوفه أخذيني يايمه الحبيبچ
ارد اصيرن يمـــكم واسمع نحيبچ
أرد أروح وياچ أوديـــــچ وأجيبـچ
يا عليله وعالرمل طـــايح طبيبچ

وياچ اروحن .. أرد أشوفن خالي يمه
وياچ اروحن .. من تشمينه أرد أشمه
وآنه حد الخيــــــمه اردچ
حسين لودمعه اعله خدچ

"""""""""""""""""""""""""""""""""""

أرد اصيحن خويه يبن امي الزجيه
بلچن من الموت چلمـــه يرد عليه
كون اسمعه يصيحـلي زينب أُخيه
كون بيدچ جايبه الطـفله رقيـه

أرد اشمها .. تشبه امي وجرح خدها
أرد اشمها .. وأرد اخلي الروح عدها
مــــــن الظلام تلوذ سدچ
حسين لودمعه اعله خدچ

عبد زينب
محمد الأبراهيمي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_للسبي__١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🏴  ‏
چـانـت بالـخـدر والـهـيـبـه مـصـيـونه
هــاي الـرخـصلـهـه الـكـافـل اعـيـونـه 💔😔
  .      🏴
ــــــــــــــــــــــــــــــــــــــــــــــــــــــــ


(شلون الحال)


شـلـون الـحـال زيـنـب يـخـت الحسين

                                     *---------------*---------------*

ادري الــشــام مـا لــچ بـيـهــه عـوانــه
مــدري شـلـون گـلبـچ حـامـل احـزانـه
يـخــت حـسـيـن والـلـه الدنيا خَــوانـه

مــن راح الـخـدر صـــرتـــي بـدواويـن

                                     *---------------*---------------*

كـلهـه الناس غـربـه وغيـره مـعـدومـه
زيـن وضـل صـبـر عـنـدچ يمـظـلـومـه
مـالـومـه الـدمـع مـن يـجـري مـالـومـه

مـوتــچ يـــم أخـوتـــچ ادري تـــرديــن

                                     *---------------*---------------*

الشامـت مـن نشد عـن حالـچ شـلـونـه
وشـافـچ بالسبي وهـدمـچ گـلب لـونـه
يـزيـنب هـاي كـلـفـه وانتي مـصـيـونـه

يـبـت حـامــي الـحــمــه ومشيّد الـدين

                                     *---------------*---------------*

وسفـه النـاس كـلـهـه اعـليـچ مـلـتـمـه
وتـنـشـاف الـمـره عـنـد العـرب زحـمـه
سـبــيـه أم الـخـدر يـا مصعب الـكلـمـه

حملتي اشــگـد حچي عـگـب الميامين

                                     *---------------*---------------*

طبيـتي الـقـصــر والـبـي زلــم كـلـهـه
بـصـعـب حــال حــره وراح كـافـلـهـه
الـمـثـلـچ كــون واحـد مـايـصـد ألـهـه

حـيـف اعــلـــه الــزلــم مجلس تطبين

                                     *---------------*---------------*

يـربـات الـخـدر تــالـي الــخــدر هـايــه
كــفـيلـچ حـيـف  راح وراحـت الــرايـه
عليچ اشگد ثكيله وصـعبـه الـحـچـايـه

صـعـبـه شلون شامت مـن تــسـمـعـيـن

                                     *---------------*---------------*

✍خـادم زينب ع
الشاعر رعد الجريخي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_السجاد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️أطفال ونسه والگيد هدموا حيله▪️

ــــــــــــــــــــــــــــــــــــــــــــــــــــــــ


استشهاد الامام السجاد ع

(شوط كربلائي)

يالباقر وصيه اوصيك / لون غمضّت هاي العين
طش فوگي يبويه تراب / من گبر الغريب حسين
1
عشت والعايش بجرحه دمعته تنومس بعينه
والمثلي يشوف امصاب يدّور عل اجل وينه
انه وعالم طفوفي ذاك عله الونه تخاوينه
بيه كربله شخلت
روحي امن الحزن ملت
منيتي هل مسه حلت
يبويه موتي اتمناه / لاوين الصبر لا وين
2
مات الحيل وعيوني تموت اوياي احسنّها
حياتي بلا بچي اعله حسين يبويه ما اريدنها
بقت عندك وصيتي هاي بوفاتي ارد اعيشنها
الگبر حسين بالعبره
تعنه وخاطرك كسره
وجيب اتراب من گبره
كون اتراب بي دمّه / وتطشه اعليه كونك زين
3
علامه اعله الگبر خليت يبويه لمن ادفنته
نجيع الدم لون شفته نحره اهنانه وسدته
وتلگه اعله الگبر دمعات تره هذا الدمع لخته
حين امن السبي جينه
اعتنينه الگبر والينه
شكثر دمعات هلينه
اثر دمعات زينب هاي / تراها اعله الگبر للحين
4
حين اتگوم عن حسين تعنه الكافل الحره
وحين اتشوف جود اعليه انه حدره ادفنت صدره
حظن جوده بلايه چفوف او ودع عيليته بنظره
بس بعين عاينها
وحده السهم حاظنها
وزينب من سمع ونها
گل حسين خليني / بمچاني وغطي هالچفين
5
يبني للمخيم روح ولو ما تلگه بويه اخيام
ولكن عالترب تلگه رماد وفوگه كثره اسهام
وحبال اعله الرمال تشوف بيها اتچتفت ايتام
ما ظنك نسيت الصار
تچتفنه زغار اكبار
ويخطفنه لهيب النار
مشينه بنوگ صوب الشام / سبايه ابيا ذنب ماشين
6
بس اخر نفس هذا وبعدها يختفي صوتي
اسم حسين الفظنّه وريدن يعتني موتي
سلام اعله الذبيح اوصيك تكتب فوگ تابوتي
بعد ما غمظت عيني
بتراب حسين غطيني
اريدن هيچي تچفيني
وقره ازيارة المضلوم / بعد الغسل والتچفين
****

الشاعر اياد الديراوي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصاگد_شهادة_الامام_السجاد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️أطفال ونسه والگيد هدموا حيله▪️

ــــــــــــــــــــــــــــــــــــــــــــــــــــــــ

قصيده للإمام السجاد عليه السلام


انه المذبوح انه المجروح
انه الما فارك ادموعه
على الضامي على الدامي
على السحگوهن ضلوعه

@@@@@@@@@

كل عمري انگضه بحزان وصاحبت الدمع والهم
عشت بالطف اجروح اكلاف منها الحيل يتهدم
شفت بعيني ابوي حسين شيبه امخضبينه بدم
بگلبي ماطفت لليوم تشب نيران المخيم

لهب مضروم يسعر دوم
يشب بالاه والوعه

@@@@@@@@@@@

عليل اشگد نحيله اعضاي الشفته كدر اسنيني
على الغبره ابوي حسين شفته مگطع بعيني
شفت يمه الزچيه اتنوح ونين بهمه ياذيني
من اجروحه تكلي حسين چنه اتغير احسيني

بضلع مهشوم عليه اتحوم
وتون بونه مسموعه

@@@@@@@@@@@@

بحصيره لملمتها اعضاه دفنته مگطع بگبره
شوسد عالترب محتار خده وباقي بس نحره
وسمعته ايصيح يوليدي الما كمل سنه بعمره
عبدالله الرضيع اوياه خليته على صدره

بسهم مصيوب طفل ويلوب
رضيع وروحه مفجوعه

@@@@@@@@@@@

شسولف والجروح إهواي حته من الهواي أكثر
وبطف كربله اخت حسين بيهن بقت تتعثر
ومصاب الشدهلي الراي وخله روحي تتحير
عكب راعي الوفه العباس زينب وسفه تتيسر

الخدر مسبي انجرح گلبي
واحس انفاسي مگطوعه

@@@@@@@@@@@@

مصاب المثله ماكو امصاب حته من المصاب أصعب
اشوف ام الخدر ويلاه إلبيها الخدر يتحجب
أسيره امشبكه بحبال ووسفه اعله الهزل تركب
والكثر تجرح الوجدان بديوان الشماته اتطب

تضل الروح عليله اتنوح
نوحي بحسره مسموعه



تمت بعون الله
خادم ال البيت موسى الجيداوي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصاگد_شهادة_الامام_السجاد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️أطفال ونسه والگيد هدموا حيله▪️

ــــــــــــــــــــــــــــــــــــــــــــــــــــــــ

استشهاد الامام علي ابن الحسين السجاد عليهم السلام

يامولاي يابو الباقر
يامولاي يابو الباقر
@@@@@@@@@@
طف كربله لمعذبك
جرح لحسين مشيبك
مكسور منك خاطر
والحزن كاطع كلبك

كسراتك دمعاتك حسراتك .. بيهن نار
حركنك هظمنك لجمنك .. يل محتار
ادخيلك احجيلك وابجيلك .. مدمع حار

محتار كلبك شيبنه احزانك
من كربله متغيره حيل الوانك
طف المصيبه اه شيب روحك
عمرك كضه تبجي ذبح قرانك

او قرانك مكطعينه
فوك الرمل رامينه
عالرمح راسه الغالي
يبجي دمه مخلينه

يامولاي يابو الباقر
@@@@@@@@@@
بعينك خيم محروكه
وضلوع هم مسحوكه
جرحك يسولف خدر
بحبل اليسر مشبوكه

ركضتهن طيحتهن صيحتهن .. وين الحيد
ضلينه. احتارينه انشدينه .. بحبل يزيد
جمرتهن حسرتهن كسرتهن .. لا متهيد

وتصدك عليهن يل مريض بدمعه
وتشوف عمتك بالحزن متلوعه
اوتصيح عمي يعباس انضرهن
عكبك حرمنه يل كفل منفجعه

طيحت كمر بعيونك
واعداك ميرحمونك
حبل اليسر بيدينك
حرك الخيم بظنونك

يامولاي يابو الباقر
@@@@@@@@@@
عندك صبر من حيدر
من تنضر اعلل خدر
جن علي وشاف الزهره
منها الضلع يتكسر

مهظومه ملجومه مصدومه .. هالنسوان
مدمعهن يحركهن عذبهن .. سوط الخان
اتصدلهن تبجيلهن جلمتهن .. وين الجان

عباس راح الجان خيمت عزنه
حبل الهظم عكبه خذانه وردنه
اجفوف منه اطيح ما معقوله
دمع المصايب عكبه عاش بخدنه

يلشفت ذبح احسينك
شيطفي جمر اونينك
ماكو ضماد الجرحك
يلتبجي طول اسنينك

يامولاي يابو الباقر
@@@@@@@@@@
ضيم الخرابه بروحك
ماكو عدد لجروحك
يبن الحسين الضامي
معشوكك أصبح نوحك

بل حسره وياكسره جم عبره .. تجوي الروح
جرحنك ذبحنك من ونك .. عاش نوح
يلغالي بدلالي او بخيالي .. ليك اجروح

رايد اواسي اجروحك الماطابت
بديرة مصايب عين منك ذابت
اصعب مواقف دنيتك معروفه
اعليكم نضرها الناس روحك شابت

اه العليل ودمعك
يجرح العالم وضعك
تنضر عليه عماتك
والنذل ويلي يدفعك

يامولاي يابو الباقر
@@@@@@@@@@
ليلة وفاتك حلت
والدنيه بيها نكسرت
اه البقيع او جرحه
جم سمه لجلك لطمت

جم حركه جم شهكه بالفركه .. صرنه دموع
عايفنه ابدمعتنه صيحتنه .. الكل مفجوع
نحجيها وندريها الهم بيها .. كسر اضلوع

يامن نضرها اضلوع ابوه مطشره
واعيونك منالبجي صارت حمره
اني اسيرك عبدك اني ادخيلك
حسراتي خلهن للحسين او نحره

يا فاجعه الما صارت
بل سبي روحك حارت
معصوم او مجتفينك
الحزنك مدامع ثارت

يامولاي يابو الباقر
@@@@@@@@@@
تمت بعون أسد الغالب
العبد الذليل علي الكعبي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_السبي_محرم1443

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️آه من درب السبي... لوع بنات النبي▪️

ــــــــــــــــــــــــــــــــــــــــــــــــــــــــ


يامولانه .. يامولانه
يابومحمد .. يامولانه
@@@
ياذكرى الطف ودمعاته
ونوحه اونّه وي آهاته
انته الباقي من (هيهاته)
ونهجك للذل ما خلانه
@@@
ثبت الدم ابدمعاتك
وخلدت احسين ابدعواتك
والمؤمن ذاته من ذاتك
ومايسوه لولاك إيمانه
@@@
بالحق راسم اعظم منهج
وهذا كتابك بالحق يلهج
يامن بيك الهم يتفرّج
وگلبك لحظه ما ينسانه
@@@
يا دمعه امن الطف هماله
ويالنحرك طابع اغلاله
عفيه ابصدرك وي دلاله
يا مأسور ابچف عدوانه
@@@
بعيونك ما نشفت عبره
ابگد ابچاها صارت حمره
عالمذبوح وگطعوا نحره
وظل عاري بالطف جثمانه
@@@
شايل گلبك چم امصيبه
يكفي وشفت الشيبه خضيبه
واخدور السووها انهيبه
وايتامك تركض حيرانه
@@@
كل تفصيل العاشر بالطف
شايل كربه ودمعك ما جف
يلي اعله الهزلات امچتف
وامتونك تشگف سيطانه
@@@
چبدك من السم اتفطر
لو من رمح الشايل منحر
يلي ابلاگبه ولا منور
گبرك ماخلوا حيطانه
@@@
من يُسرك مدري تتألم
لو من گبرك حيف امهدم
اغلالك شدت عالمعصم
لو عالگبر الخالي امچانه
@@@
طبيت امگيد للكوفه
ومحد ناشد فكوا اچفوفه
وهذا لحال ألهسه انشوفه
والعافت امرك خسرانه
@@@
علي احمد الحمود
٢٣-٨-٢٠٢١
شهادة السجاد

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg