#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ


يمه اسمع اشحلمانه // جن الخيم عطشانه
واستغربت من المطر
فوك الوكع مطرت حجر
***
يختلف هذا الحلم عن باقي الاحلاام
هاي اول مره اشوفن تعطش اخيام
عيوني ياعباس صعبه ترجع اتنام
مثل عودان السنابل شفت السهام
حرمه شفت ذبلانه // من الركض تعبانه
ومبينه خاطرهه انكسر
فوك الوكع مطرت حجر
***
شنو تفسير الحلم حيرني امره
داسن الواكع حسبت اخيول عشره
مجلب بطرف الحوافر حته شعره
ولا اخو مبين عليه عنده ويحظره

ظل يمة كلش بالي // مبين الواكع غالي
جم حافر بصدره عثر
فوك الوكع مطرت حجر
***
شبهت بالواكع و يمكن عرفته
بس التراب العليه مخرب كشخته
أخ يايمه يون هيجي سمعته
بلا شعور اركض رحت يمه وشبكته

ظليت اكله اوليدي// اوجهه امسحه باأيدي
شايفته جن هذا البشر
فوك الوكع مطرت حجر
***
كبل لا يمشي الظعن عباس اريدك
الخوه تستاهل إذا تنطيهه ايدك
وبعد بيت امن الشعر خليني ازيدك
الشفته هذا البل حلم يمكن عضيدك

دم ينزل اعله عيونه// هواي بحجر يرمونه
بي ركزت جسمه اندثر
فوك الوكع مطرت حجر
***
سهام ساعه أحجار ساعه الدنيه تمطر
وايد من بين الحجر طلعتلي انظر
حيل ذهلتني شفتهه ابلايه خنصر
للخيم مرفوعه بس مدري شتاأشر

لصوب الخيم مرفوعه // كباله مره مفجوعه
والايده خنصرهه انبتر
فوك الوكع مطرت حجر
***
ياابو فاضل هذا حلمي حيل موزين
بكربله دفعت بلة اتصدق ابعين
الفاطمه ودي هديه احله جفين
بالي مو يمكم يبالي يم الحسين

لو ما اشوف احسيني// يانوم اليسد عيني
الحبيته يحلاله السهر
فوك الوكع مطرت حجر
***
تمت _ علاء الزيدي

الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

على القاسم دموع ابعرسه يالزهره
تحنة هامته في زفته ابطبره
@@@
على جسام نوحي يا بنت طه
عروسه ابخيمته للموت خلاها
وچفوف امه ابدمه من راسه حناها
ابزفاف الونه يا زهراء والحسره
@@@
اجه يريد الحرب في نصرت المولى
ويگله امن العسل عندي الاجل احلا
حمل عوذة ابوه وللعرس خله
بطل وارث بطل وفّاي للعِشره
@@@
يودع عمه جسام وبچه عمه
يريحة خوي ناداه وغده ايشمه
يضمه ابلچمة اجروحه ابواليمه
وغشى عليهم حتى طاحوا الغبره
@@@
مشى يازهره ابنچ ثابته اجدامه
مثل بدر السمه واتزينه اعمامه
البرزله يچتله ويكسر اعظامه
شبل من الاسد هاج ونفذ صبره
@@@
الذي زينب لجل عرسه تشب شمعه
نحر كلمن برزله ابمرهفه ايگطعه
لحد ما منه يساره انگطعت الشسعه
اجاله الازدي لاچن طبره ابغدره
@@@
اجاله حسين لاچن شافه عالحومه
طريح يلوج من اجروحه مالومه
نحب يمه ومسح من وجنته ادمومه
انحنى ظهر الحسين وهدته الحسره
@@@
عريس لخدره رده وزفته الجنه
وعليه امه تخضب بالدمه الحنه
تنوح اعليه يبني الما اكو منه
وتشمخ خدها فوگ اجنازته ابعشره
@@@
علي احمد الحمود
٩-٧-٢٠٢٣
مصرع القاسم
تجليبه


الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_خروج_الحسين_ع

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


خروج الحسين من المدينه
------------
خويه يحسين العزيز الغالي
مصرعك يتراوه جَنه أكبالي
----------------
أشعدنه خويه أبكربلا أوليها نسير
ونته تدريبه الشمر مُعدم ظمير
هلمصير أشلون أظلم هلـمصير
ريته جتالك صبح جتالي
----------------
خويه خلنه أولا نروح الكربله
دار غربه أوهاي ماهي المشكله
أنصارك أبحر النصول أمجتله
أوخالي بيت أيتامها أمنـ الوالي
----------------
هذاعبد الله أوعلي أوهذا الكفيل
أوهذا جاسم ياأبن حامي الدخيل
ونته هذا أوسهم المثلث جبيل
كربلائك بددت أمالي
-----------------
جن أشوفنك علا الغبره جسد
والجروح البيك ما ألهن عدد
والشمر جنه علا صدرك صعد
والدمع من الجرالك فالي
--------------
خيلهم تسحك عليك أبيا سبب
هاي صوره أنتابني بيها العجب
وسفه يتكنون بلـ ألقاب العرب
أوهمه خالين الشيم بلتالي
----------------
ياظلم صار أوجره أبهذا الظلم
لا ضلع سالم ولا سالم عظم
والله خويه أحسين ذابحني الهظم
أونار فكدك تلهب أبدلالي
----------------
جن أشوفن كربلا أبدم النحر
حومرت كيعانها أوماي النهر
ولك مشايه أجت تمشي أبصفر
تلطم أودمع المصاب أيلالي
---------------
خادم أهل البيت
الشاعر : أسماعيل الجوراني
الأثنين : 26/9/2016


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ
آنـه العـليلـه والمـرض مــاذيني
والدار وحشه والصدى يحاچيني
راحو هلي وين *** دمعي طفه العين
** 
بهلي من طلعت ابلهم   والظعن يحديه گمر
ظلـت عـيـوني تـراقـب   والـدمع شبه المطر
ويه روحي گمت اسولف  هم يرد يطلع فجر
لـو أظلـن بس أمــانـــــي  عايشـه بـشـم الاثر
جسمــي ناحل وانتظر ملگاهم
وروحي راحت بالظعن وياهم
بيه أشتفه البين *** دمعي طفه العين
*** 
عني من اكفه ظعنكـم    والشمل ماأظن يرد
گمت اصيحن آه يگلبي   لـلمـصـايب دستعـد
سلـوتي اصبـح ونينـي   وخـتـنـگ لمـن أصد
خالـي محرابـك يبويــه   والطفـل مـو بالمهد
تهيج علتي وركض المحاربك
تغيب روحـي مـن اشـم لثيابك
خاويت الــونين *** دمعي طفه العين
***  
دهري وي علتي بعدهم   رسمو اگبالي صور
صورولي أهلي ويعودي   دايـر اعليهـم خطـر
ساعه يرسم سهـم ليـــه   نابت بصدر ونـحــر
ومره يظهر چـف حبيبي   طايـح بكـتـر النهـر
جثـه يـرسم عالوجـه مگلوبه
ومره ترچيه من أذن مسلوبه  
وانظر جمرتين *** دمعي طفه العين
***   
جمره بخيام الفواطم   واخرى تلهب بالعباه
وزينب تشاگف بديهه   لـلمتـن ظــالـــم ولاه
طفله راحت يم ابوهه   شافته فايـض دمــاه
لاذت ابكتـره وتشمـه   بالنحـر تطلب حـمـاه
ترضه يـابـويـه الشمـر يـوليـني
فـوگ صـدرك مـارضه ايخلـيـنـي
وردلي بسطرتين *** دمعي طفه العين
***    
هــذا حـالـي مـن بعـدكـم   عشـتـه بآلآم وقهـر
ليلي يخلص وي دموعي    والصبح انطـر خبر
واكفـه ابـابـي وتــانــــــي   والجدم حدره الجمر
ولـن ابـن حذلـم يـنـادي   گلبي من صوته انفطر
رحت انشده عن ابوي اشلونه
ليش راجع هالظعن من دونـه
أوين الميامين *** دمعي طفه العين
***     
دمعه جاوب من سمعنـي   ونـحـنـه ظهـره بـألــم
أنچان عن عودچ سألتي   ورتي من عندي العلم
راسه فـوگ ارماح دامي   وصدره بالخيل انهشم
وأهلچ اعله الغبره ظـلو   وعالنهـر مطوي العلم
بس عليـل ابهلظعـن تـلـگيـنه
لو نشدتي اعله البقو عذرينه
كلهم مطـاعـيـن *** دمعي طفه العين
***  
لخادم خدمة الحسين ع 
ابو عمار الدراجي 



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

جاي
بثوب العرس عليه
وگمت وفتحت اديه
بعينك شفت منيه

جاي
وگتلك هلا بحبيبي
يمه وعلّه نحيبي
يبني الحزن نصيبي

راح
اتعوف امك الحبيبه..وبعدك تضل غريبه ..وگلبي يضج نحيبه

راح
يذبل غصن شبابك..ياكاشخ بثيابك.. ماينحمل غيابك


بره الخيم
لاتمشي اموت ابدونك
وين آنه اضم اعيونك
وخيل وعطش يردونك  تعااااال

بره الخيم
يذبل جمال ارسومك  
يغير بياض اهدومك
وتذبحني يبني بنومك  تعاااااال

حبيبي ياجاسم حبيبي
°°°°°°°°°°°°°°°°°°°°°°°°°°°°°°°°°°°
طاح
گلبي ورى طلعتك
الباب الخيم تبعتك
وعله الگلب حضنتك

طاح
طولي ل من عفتني
رحت ولجمني حضني
بس انت عندي يبني

نار 
جلمة وداعك هايه..تحرگ گلب أمايه ..من تمشي للمنايه

نار
شي حمله هذا هجرك ..يالأسرتني بعطرك.. لو هب هوى اعله شعرك

گمت او طحت  
يرجفن شجاها اجدامي
بعدك ينور اخيامي 
ضلمه عفتها ايامي  تعااااال

گمت او طحت
إمن بعيد اصد الرسمك
وآنه ودليلي بأسمك
انصيح لاتنسى امك  تعااااال

حبيبي ياجاسم حبيبي
°°°°°°°°°°°°°°°°°°°°°°°°°°°°°°°°°°°
طاال
يبني انتظارك بيه
وذاب الشمع بيديه
وي دمعي ع الوطيه

طاال
طولك يرد وتاني
ومگابله الصواني
وصوت الحرم أجاني

صوت
رد قاسمج تعالي.. وگمت ابدمع يلالي.. صحتك هلا يغالي

صوت
يارمله حل مصابه.. للخيمه عمه جابه ...وحّنه الدمه شبابه

نايم صدگ
وآنه اتاني اعيونك  
بين اهلك يزفونك  
ابلا رحمه ويذبحونك  تعااااال

نايم صدگ
أگعد يجاسم بسك 
محضره الصواني العرسك
عطشانه عيني الشمسك  تعااااال

حبيبي ياجاسم حبيبي
°°°°°°°°°°°°°°°°°°°°°°°°°°°°°°°°°°°

آآآآآه
كل امنياتي راحت
وهلهوله بيه ماتت
رحت وصواني طاحت

آآآآآه
بعرسك تخيب اضنوني
يالبسمك ينادوني
فز خل اشيم اعيوني

ليش
الحز منحرك ما تانه..اتكمّل الفرح ويانه ..وخله العرس عزانه

ليش
ذباحك ابلا رحمه... مايدري فگدك هضمه ..وبس هل ولد عند امه 

ميته ردت
ولا شوفك ابهل حاله   
اتمر فوگك الخياله 
وجسمك تدوس اوصاله  تعااااال

ميته ردت
وماجبتك اتمنيتك 
بسهر وتعب ربيتك  
شي طبني باجر بيتك  تعااااال

حبيبي ياجاسم حبيبي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ
سلماً لمن سالمكم
حرباً لمن حاربكم
،،،،،،،،
كل وجودي ونتمائــــــي
الكم ارخص كل دمائــــي
الدمعه تشرح حب ولائـي
من المهد لليوم معشوگي حسين
والله خالقلي لجل عاشوره عيــن
من اعوفن مجلسه ياناس اضيــع
وابقه تايه لاعقيده ولگو ديـــــــن
ماعوفن مجلســه
چن رحمه اتنفسـه
كل ماتم ارتقــــــي
يم اصاحب الكسه
سلماً لمن سالمكم
،،،،،،
ربي العن من ضلمهــــم
ربي ارحم من خدمهـــم
عمري ريته يگضي يمهم
ربي خليني اضل خادم نصــــــوح
وإخذ روحي لو ردت عنهـــم اروح
ارزقني يارب نار من نار الخيـــــام
وجرح من حسين من ذيچ الجروح
وفقني السادتـــي
عيشني بدمعتـــي
حببني بالعــــــــزه
خل تصبح غايتــي
سلماً لمن سالمكــم
،،،،،،،،
ابچي كل صبح ومسيه
ولحضه ماناسي رقيــــه
وزينب الراحت سبيــــــه
انه شيعي وطينتي من كربـــلاء
من ابو صالح خذت درس العـزاء
ابچي گال اعليك ياجد كل زمــان
بدل دمع العين دمعاتي دمـــــــاء
من المهدي تعلمــــت
عذروني شمانحـــــت
يحسين بكل عــــــزه
صرخاتي شما صحت
سلماً لمن سالمكم
،،،،،،،
دمعة الخادم ثمينــــه
بالعزه من تجري عينـه
الله شريها بمدينـــــــــه
هوه غير حسين يستال نلــــــــــــوع
ونلطم عله اصدورنه ونجري الدموع
على الداسة فوگ صدره الغايــــــرات
بالطم واجب نهشملّه الضلــــــــــــوع
ويانه محزمــــــه
بالماتم فاطمــــــه
والحجه وحيــدره
واملاك اهل السمه
سلماً لمن سالمكم
،،،،،،،،
طايفه انذبحت زلمهم
ونفس كل مهموم الهم
اجر بيه يتقرب الهــــم
كون رمشة عين ماننسه الغريب
عالرمح مرفوع ابو الشيب الخضيب
حسين يستاهل تره لبس ســـواد
والطم والنوح والون والنحـــــيب
وي عابس التحق
وتهنه بهـــــل رزق
هنيالك يامـــــحب
ياذايب بالعشــــــق
سلماً لمن سالمكـــم
،،،،،،،،
لخادم الحسين ع
محمد الفهـــداوي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA