#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــتشيع الزهراء ع

اويلاه يفاطمة
اويلاه يفاطمة
ــــــــــــــــــــــ

ناده علي ودمعة يصب .. اويلاه يفاطمة
سافرتـي وبعـيد الدرب.. اويلاه يفاطمة
مجروح يالزهرة الگلب..  اويلاه يفاطمة

وعيوني صاباها العمه .. اويلاه يفاطمة
ــــــــــــــــــــــــــــــــــــــــــــــــــــــــــ

شيعها بالليل ويون .. اويلاه يفاطمة
مصعبها ساعات الدفن .. اويلاه يفاطمة
يادنيا صرتيلي سجن .. اويلاه يفاطمة

وبعد الزچية مظلمة.. اويلاه يفاطمة
ـــــــــــــــــــــــــــــــــــــــــــــــــــــــــ

روحك عفتها ياعلي .. اويلاه يفاطمة
ورديت وحدك منثني .. اويلاه يفاطمة
بهذا العزاء الفاطمي .. اويلاه يفاطمة

يانار بيه ضارمة .. اويلاه يفاطمة
ــــــــــــــــــــــــــــــــــــــــــــــــــ

يالزهرة ماريد العمر .. اويلاه يفاطمة
وماريد اصبح عالهجر .. اويلاه يفاطمة
بضلوعي ياريت الكسر .. اويلاه يفاطمة

وانتي التمسحين الدمه ..اويلاه يفاطمة
ـــــــــــــــــــــــــــــــــــــــــــــــــــــــــــ

يابيت موحش ياوسف .. اويلاه يفاطمة
عالباب حزنك هل وگف .. اويلاه يفاطمة
وياي دهري مانصف .. اويلاه يفاطمة

وروحي اعلى همها معلمه ..اويلاه يفاطمة
ــــــــــــــــــــــــــــــــــــــــــــــــــــــــــ

كل يوم من بعدچ سنة .. اويلاه يفاطمة
من صابچ الطاغي شجنى ..اويلاه يفاطمة
صاباني من صاب الظنة .. اويلاه يفاطمة

والمحسن بسهم نرمه .. اويلاه يفاطمة
ـــــــــــــــــــــــــــــــــــــــــــــــــــــــــــ

والشيعة بسمچ تنتفض .. اويلاه يفاطمة
لاسمة تلمها لا ارض .. اويلاه يفاطمة
بت النبي وحبچ فرض .. اويلاه يفاطمة

وانتي الفخر والمرحمة .. اويلاه يفاطمة


الشاعر فاروق الغنامي



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
السلام على ام ابيها


ليلي اخلصه بس اوون ومگابل الباب
هلبت تطب ام الحسن ونسه انه لمصاب
مريلي لو نسمة هوه مخنوگ ابو اتراب
---------------------------------
يوميه اگعد للفجر ولباب صاير علتي
انضر خيالج منرسم ع الباب اگولن جتي
يم الحسن كسر الضهر اعرفته لمن رحتي
وسوالف الحلوه گضن نوح ودمع سالفتي

رديلي لو مره ابحلم وطيب الجروح
بس بالأسم باقي علي امشي بلا روح
طبع اليفارگله محب ابدمعه مفضوح
----------------------
بالحجره اگعد ونتضر هسه تطب اعليه
من يقضتي گمت انه افز الزهره شو ماهيه
اشتاگ وشبگ شيلتج والشوگ ياكل بيه
وحضن اثيابج وستجن بي رحية الزجيه


من رحتي مايغفه الجفن ومزاعل النوم
ليلي اخلصه بس بجي وحجي ويه الهدوم
هم ترجع الزهره الي ياربي لو يوم
---------------------------------------------------------
ابگلبي غصرت لوعتج وگدام ولدي امكابر
ولليل لو هوود عليِّ ابجي بجي الماصير
ابين رجليه احط راسي وضل امساهر
مثل اليتيم ابلايه ام يالزهره اكسر خاطر


ونيتلج ونت طفل لحضن امه معتاز
يا ام ابوهه إنتي ومي وكل العزاز
يناعج گلبي اومن ونيه لحضه ماجاز
----------------------------------------------------------------
وشلت عيني امن الدمع گمت ابجي انه اجفوني
مو راسي شاب اعله المشت ابيضت انه اعيوني
من رحتي كل حيلي رحل وعله المشي ايگودوني
امبين عليِّ فاگدلي خل اب ممشاي هدله امتوني

ما حصل الخلتج كفو يسد فركتج هاي
جنت انه اعيش بجنتچ.من عشتي وياي
من صلفت عيون الوكت هضمتني دنياي
-------------------------------------------------------
جا ليش اليفارگله خل روحه تضل مختنگه
ويعيش كل عمره يوون واطييبه جلمت ملگه
ما اشتهي شم الهوى عگبج وابجي ابحرگه
يم بيتي طولتي عليِّ اشسوت ابحالي الفرگه

بيه خلص كل الحجي كل حجيي مشتاگ
هدم اوعظم باقي انه سل جسمي الفراگ
لون الحزن مابطلت واعليه شو لاگ
---------------------------------------------------------
علي سليم الحسناوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
قصيدة بحق الزهراء عليها السلام على طور (خيرة الله من الخلق ابي)


خيرةُ اللهِ ومِن صلبِ النبي
أحرقوا الدارَ عليها الظالمين
===================
لم يخافوا اللهَ جيشاً اقبلوا
إنها الحربُ عليكم معلنين
===============
أحرقوا الدارَ على خيرِ النسا
فاطماً قالوا (وإن) قالَ اللعين
==================
دفعوا البابَ ولاذت خلفَهُ
عَصروها أسقطوا منها الجنين
==================
ومضى المسمارُ في أضلاعِها
فاطماٌ صاحت ايا فضة اسندين
===================
قُتل المُحسنُ هيا أسرعي
إحمليهِ عني صاحت بأنين
====================
أيُ ذنبٍ قد بدى مني لكم
وتجازوني إنا بنتُ الأمين
===================
تقضي كُلَ الليلِ تشكو ألماً
لم تَذُقْ طعمَ الرُقادِ منها عين
====================
حسنٌ ثم حُسينٌ جــــنبُها
زينبٌ كانت تئنُ كلَ حين
==================
منزلُ الزهراءِ امسىٰ مظلماً
غاب عنهُ نورُ أُمِ الحسنين
===================
وعليُ الدمعُ أدمى جَفْنَهُ
يبكي مَنْ كانت لهُ خيرَ مُعين
===========≠=======
كسرت مِنهُ الفؤادَ عندَما
مرَ فوقَ الضلعِ بالغُسلِ اليدين
====================
شابَ منهُ القلبُ والجَفْنُ معاً
يعتريه الشوقُ دوماً كلَ حين
====================
أسالكم الدعاء رائد الاسدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
هي فاطمه ..قوس الصعود وسرُ ربٍ مبهمي
هي فاطمه ..رسمُ الاله وغيرها لم يرسمي
هي فاطمه ..شوقٌ تكلل اسمه ثغر فمي
هي فاطمه .. لو لم تكن ماكان في الدنيا علي

هي فاطمه .....

حرز نازل قبل لا يبدي الضوه
هوه هيه بدونها يموت الهوه
الزمرد اخذ من برگعها صيت
ماسة الله وصاغها الحيدر لوه


منها كلشي اتفرع ...... فصل واصل ومنبع

مولاتي يازهراء

...................................

هي فاطمه..عجزت عقول الكون عن ادراكها
هي فاطمه.. من نورها خلق الضياء لبدرها
هي فاطمه.. ماعد في اصل السنين عمرها
هي فاطمه .. مرج البحار ملتقاً في سرها

هي فاطمه ......

الكوكب الدري ومشكاة السمة
الروح والريحان فرع بفاطمه
الصفات اتجلت بنور البتول
لكل نبي الزهراء جانت ملهمه

الزهره سوره وايه …… وللرسول مرايه

مولاتي يازهراء

………………………………………….

هي فاطمه …. نورٌ ومن نورٍ وفحوى فصلت
هي فاطمه …. مشتقت من نفسها مافسرت
هي فاطمه …. كانت ولازالت تنير وازهرت
هي فاطمه …. تلك التي عدت بالف ٍقدرت

هي فاطمه …………..

ليلة القدر وعظيمه بكل حرف
ولذلك محد يحدها ا بوصف
الخدمها من صدگ عنده مقام
الوحيد العنده وي الله عرف

والخدمها الزهره …… بالحشر مت عبره

مولاتي يازهراء

………………………………………..

هي فاطمه ….. حزن النبي وجرح قلبه الاولي
هي فاطمه ….. اهات في روح الولاية تعتلي
هي فاطمه ….. قدس الجلالة نصها والمجملي
هي فاطمه ….. تسبيحة الخلد وصوت للعلي

هي فاطمه …………………

التجلي الاقدس وشئن الجليل
والوحيده المايصحلها بدليل
حجة الله اعله الحجج ام الجلال
المثبته والواضحه بدون الدليل

بلا ادله انعرفت …… بيها كلها اتشرفت

مولاتي يازهراء
………………………………..

الاقل شرفاً
كرار اللامي
#محرم فاطمه


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
عن لسان العقيلة زينب تخاطب
ابيها امير المؤمنين عليه السلام
بعد استشهاد أمها الزهراء عليها السلام

اه يابويه    شلون بيه        
امي راحت   من اديه
وهذا گلبي المنفجع    معاشر جفوني الدمع
  اه يابويه        اه يابويه
★★★★★
اه يبويه راحتي   حسره عليه
ريت گبل  امي لفت  روحي المنيه
ماي عيني غفله.     راحت من اديه
امي راحت سلوتي  الزهرة الزچيه

ماتردلي     طال الغياب
وبحسرتي  هلگلب ذاب
مثل ميذوب الشمع        معاشرجفوني الدمع
اه يابويه      اه يابويه
★★★★★
اه يابويه  وحشتي      اليوم شكبرها
ياسمه اتراب الارض      اصبح گبرها
اثمنطعش يابويه.        ماكمل عمرها
راح اعيش ابلوعتي    واصبر صبرها

من بعدها    شلون ارتاح
خذت مني     كل الافراح
بعد كسرات الظلع.     معاشر جفوني الدمع
آه يابويه   آه يا بويه
★★★★★
اه يابويه   چنه مايلتم شملكم
ريت روحي ماتضل لحظه بعدكم
بجنه روحي. تعيش محله أيامي يمكم
ريت عمري فدوه يابويه العمركم

بعد شحمل      حسره وفراگ
احزان عمري  انطبگن اطباگ
دنيا مابيها نفع     معاشر جفوني الدمع
اه يابويه    اه يابويه
★★★★★
شفت امي بعيني من كسرواضلعها
صابره على الصار. سلوتها دمعها
الحجر من ونها تصدع من سمعها
وردتك هلبين.     يابوبه  گطعها

فارگتني         ام الاطياب
گبل راسي     هلگلب شاب
شفت گلبي المنصدع.     معاشر جفوني الدمع
اه يابويه   اه يابويه
★★★★★
من بعدها حالي يصعب چنت ادري
من بعدها ينملي     شوغات  عمري
وگفت الدنيا تشوف     شلون يجري
دمعي الماطفه ناري   وصار جمري

امي تالي     ا نگطع  ونها
بيت واصبح    خالي منها
الوصل حبله منگطع     معاشر جفوني الدمع
اه يابويه   اه يابويه

الشاعرحسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ

   هذا صوت اليرتفع   يالِثارات ؛؛؛ الضّلع
                     ***
 باچــر بيوم القيامـــه الباري ينصب محكمه
 والقضــــاء يكون عادل بيد جبّار السّــــــمه
 صــوت من عرش الجـــلاله يرتفع يافاطمه
 بيش تبدين الشّكايه من العصابه المجــرمه
     والخلائق تستمع   يالثارات الضّلع
                     ***
 تبدي بچفوف الكفاله وتجري دمعه الهامله
 وياها كل الكون يبچي وتبدي صفحة كربله
 يا إلـــــه الكــــــون عدلك تطلب ابهالمسأله
 فاطمه بأنّه التّأنها او يضج ويّاها المــــــله
     بالسّماوات السّبع    يالثارات الضّلع
 ومن بعد للباري تظهُر فاطمـــــه بدمع اليسح
 بساحة المحشـــــــر بديها راس ابنها المنذبح
 مانشف دمّـــــــه يتجاره امجرّح براس الرّمح    
 جثته الطّبره اعله طبره ألف وتسع ميّة جرح    
      والنّوايح ترتفع   يالثارات الضّلع
                     ***
او ويّه طفل حســـين تطلب ثار محسنها الوگع       
خلف باب الـــــــدّار لمّــــه الظّالم اعلـــيها دفع
بحظن أبوه عبدالله غافي بالسّهم نحـره انگطع
 ومحسن البسمار صابه إبرَحِمْ فاطمته انصرع
     والهم اتهل الدّمع   يالثارات الضّلع
                     ***
  وبعد يامنظـر رهيب بســـــاحة المحشر يمـــر
  منظر الخيل اعله ابنها وهيّه تسحگ بالصّـدر
  او ويّه چبد الحسن تظـــهر چبد ابنها المنفطر
  وي أثر چف السّـــطرها تراوي ضلع المنكسر
      وياه خنصر منگطع     يالثارات الضّلع
                        ***
   بيها رب الكـــــون يقسم محكـــمة نون وقلم
   الكل جنايه الباري عـــــدها ويل عُبّاد الصّنم
   المارعوا للهادي قُـــــربة بلا ضمير و لاذمم
   هجموا اعلـــــه الدّار بعده وجرّعوا فاطم ألم
    شلون بابچ يندفع     يالثارات الضّلع
                     ***
                                        الشّاعر
                                            أبو سجّاد الجعفري
                                      24 جمادى الاولى 1438هـ            

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ
الفاطميه
الامام علي يتكم عند دفن الزهراء
.
.
.

رديت وانـه ابگلبي حسره
والبيـت بـي ريحـة الزهره
امنتذكر .. اتحـسـر .. اتــنطـر
المــوت

__

السمه احـس طاحت عليه وهدمت بنياني
انــه مــن طبــيت بــيتي ومــحد اتلــگاني
صحت يافاطمـه وينــچ والـصـده حاچاني
تــوَك الزهــره ادفنــتــها گــال لـي وبچاني

انهاريت ماضل حيل بيه
وَنيـت عــالزهـره الزچيه
واتـعـثر .. اتحـسر .. اتنــطر
المــوت

__

چــنت مــن بيــتي اطـبه اتــرد الــي عافــيتي
هسه احـسن روحــي تطــلع لو دخلـت البيتي
الله وحده هـــوه يـــدري ويعــلم ابوضــعيتي
امنيتي بس الموت هسه اوين احصل امنيتي

اتمنيت يخلص هسه عمري
وياريت يــمها ايصير گبري
وما اگدر .. اتحـسر .. اتنــطر
المــوت

__

امـن انظـر الوجه الزچـيه فاطمه گدامي
لــو جـبل طـايـح عــليه انـسه كـل آلامي
راحت وراحـت وراهـا فرحـتي واحلامي
عـلي وبـگد رحـمــة الله للـوديعـه ضامي

مديت دمــعاتي عـــلى الباب
وخطيت حزني بوجه التراب
واتطشر .. اتحــسر .. اتنــطر
المــوت

__

سورة الاحــزان اقــره واشهگ ابهالسوره
انه كل مابيتي اطـبه والگه طافي ابنوره
زهرتي راحت يوسفه اضـلوعها مـكسوره
وبالگبــر حسيـت بيها عالوجـه مسطوره

خليت فوگ اخـدودها ادموع
وناديت بلكي اتطيب الضلوع
اتصور .. اتحسر .. اتنطر
المــوت

__

لمــن زيــنـب ناشــدتنــي ويــن امـــي رايـــحه
الاعمه شاف دموع عينــي من كــثر ماواضحه
اعليها كلشي گمت اسمعه اوياي يقره الفاتحه
ابكل ركن من بـيتي اسمـع صوت ونه ونايحه

احتاريت زينب شرد اگلها
حسيت هالمحنه اشـثگلها
واتوذر .. اتحسر .. اتنطر
المــوت
__
تمت والحمد لله
حيدر تركي الكربلائي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi