#قصائد_استشهاد_الرسول_(ص)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      استأذن الموت وخذاك ــ ويتــم العـــــالم وراك
*
ــــــــــــــــــــــــــــــــــــــــــــــــــــــــ
((أنه الزهره))


حزن شلت بدليلي ودمع مسفوح
عيـــــون ومو دمع تبچي النواضر

يبو طول الجميل وليش مطـروح
غِــبت بس بنضـــرتي دوم حاضر

ألـــك جبـــريل يبچي وآدم ونوح
وعلي الكرار ضل بالصفنه حــاير

أنه الزهره وصحتلك بويه لتروح
خواطر تنكـسر مـــامش جـــوابر

اسمـك عــــالمآذن عنـــبر يفوح
وشخصك باللحد چـندوب اكابر

بـــــويه بروحتك مايــبطل النوح
كون نشــــيل نســـكن بــــالمگابر

بعدك ماشفت ضل گلبي مجروح
عيوني اعله الدرب ضليت انــاطر

ارجع شــــوف بيه انهدمت صروح
تهدم بيتــي كــــون ويــــاي حاضر

على بابــــي الچنـت تشتمه وتروح
اجو بسيــــوف ورمـــــاح وخنــاجر

اجو دفعو الباب وصـــوتي مبحوح
بسمـــــك حشـــمت رد العــــساچر

على الحايط عصرني بدفعت اللوح
وبــــــالبسمــار كســـرها الخـــواطر

ضلوعي اتكسرن والــ عــــلي مابوح
اخافن حــيدرى يســــوي المـــجازر

ولكن لــــــو اصيـــــح اتزيد الجروح
صحت يافضه محسن طـــــاح صابر


عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_الرسول_(ص)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      استأذن الموت وخذاك ــ ويتــم العـــــالم وراك
*
ــــــــــــــــــــــــــــــــــــــــــــــــــــــــ
للرسول الاكرم (ص)

الليله الزهره اتودعه
واعله الـوالـد تنـعـه
وتنادي بـيـا دمعــه
يابويه يابويه

العاشت روحه بين الناس گعـدت يمه بالــدمعـــه
الزهره اتگله احچي وياي خل اشبع حچي وانعه
يسمعها ويحس محتار الـزهـره ورايده اتسمعه
يحرك بيها صوته احساس أبــوهــا گبل لتودعه
تنـظـرله وتـتأمــل
وتشم بي لا ترحل
ابنيتك مـــا تتحمل
يابويه يابويه


خل نسمع وحي الارواح من تتـلاگـه حنيه
الزهره والنبي روحين يتلاگـن ابـفـد نـيـه
لا تحرمني نظراتك يبويه وعــايـــن اعليه
خليني بــوداع المــوت اشبـع منك اشويه
بين وداعك روحي
تنزف گام جروحي
ادري تحس بنوحي
يابويه يابويه


النبي حاچاها آخــر صوت ويعايــن مــدامعها
راد الدمعه يمسحها بخدها وأيــده يـرفـعـهـــا
رفعها وذكر چف ملعون الخد الزهره يصفعها
بـيـن الباب والحــايــط لمن گــام يــدفـعــهـــا
ودمـوعــه التجــاره
تنـظـرلـه ومحـتـاره
اتگـله وتسعـر ناره
يابويه يابويه

خاف ايسولف الأخــبــار ألها ويشرح بعبـره
خاف ايجيب طاري النار والباب وألم عصره
خاف المحسن ايمر بيه ويحچي عنه ويذكره
ضل ساكت وينظر گام الخدها ويذكر السطره
مــا راد أيــأذيهـــا
يدري اشصاير بيها
والــزهـره يحاچيها
يابويه يابويه


سلم للقدر مـابـيــن روحـــه من الجسد تطلع
و روح الزهره عالمسموم بين الآه والمدمع
آخــر كلمه نـتـلاگــه گلها وفــاطمـــه تسمع
وعيون النبي بحسرات ألها أيـعـايــن وتدمع
عاينها بنظراتــه
ويهلن دمعاتـــه
ودعها بحسراته
يابويه يابويه




لاتنسون والدي وابني عباس من الرحمه والغفران
خادمكم رياض الرسل الجابري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_الرسول_(ص)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      استأذن الموت وخذاك ــ ويتــم العـــــالم وراك
*
ــــــــــــــــــــــــــــــــــــــــــــــــــــــــ
قصيدة بلسان حال الزهراء عليها السلام ، تنعى أباها المصطفى صلّى الله عليه وآله وسلّم ...
ـــــــــــــــــــــــــــــــــــــــــــــــــــــــــــ


أويلاه غاب نور المصطفى
أويلاه غاب نور المصطفى

ـــــــــــــــــــــــــــــــــــــــــــــــــــــ


آنه فاطم يابو فاطم
من عفتني بنوحي

للمآسي سلمتني
وللهضم وجروحي

چنت أبويه وچنت اخويه
وأنت توأم روحي

يالچنت لسراري كهفي
ونته مسمع بوحي

لچن آه شوفي منك ما اكتفى
أويلاه غاب نور المصطفى

ــــــــــــــــــــــــــــــــــــــــــــــــــــ

مِن جمالك من وصالك
مِن عَذِب بسماتك

مِن سكونك من هدوءك
مِن درر چلماتك

عيوني ما شبعن يطه
ولوقع خطواتك

بالأمان أشعر عليّة
من تگع نظراتك

عفتني وي جروحي النازفة
أويلاه غاب نور المصطفى

ـــــــــــــــــــــــــــــــــــــــــــــــــ

من چنت يا بويه تدخل
وبحنانك داري

أشعر بخير وسعادة
يا كهف أسراري

تمشي جدامك رحمتك
يا جلال الباري

كون اشوفن وجهك آنه
ليلي ويه انهاري

حياتي عگبك اعليها العفى
أويلاه غاب نور المصطفى

ــــــــــــــــــــــــــــــــــــــــــــــــــــــ


غادرتني بويه وَدري
عگبك يظلموني

أمّتَك نكروا وصيتك
بويه ما حشموني

جاروا عليّة بفعلهم
وبالضلع صابوني

شِعلَوا النار علبابي
ومِن فدك حرموني

يتيمة دمعي بالدم اذرفه
أويلاه غاب نور المصطفى

ـــــــــــــــــــــــــــــــــــــــــــــــــــــ


تدري بعدك آنه تالي
يالنبي محزونة

مِن شفت جور السقيفة
وحيدر يظلمونه

صُبّت ٱعليّة المصايب
وبابك يحرگونه

بيت مهبط للملائك
قسراً ايدخلونه

جنيني غدر أُمتَك يخطفه
أويلاه غاب نور المصطفى

ــــــــــــــــــــــــــــــــــــــــــــــــــ


بقلم الاستاذ / ستار عذاب الحچامي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_الامام_الحسن_العسكري_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
ـــــــــــــــــــــــــــــــــــــــــــــــــــــــ





لاستشهاد الامام الحسن العسكري عليه السلام (ملمع    بين قوسين فصحى )

(لاوقت للتَصَبُرِ . آه لِفَقْد الْعَسْكَرِيّ )
★★★★★
مرت عليه شگد فتن
مسجون ياجنة عدن
بقيود واغلال امتحن 
مظلوم     مولاي  الحسن
من الزمن    واهل  الزمن    
مظلوم        ايامه  گضن
( دمعي جرى   لما جرى     اه لفقد العسكري )
★★★★★
غدر وخيانات اشتمل   
عمر الورد عمره ذبل
اثلاثين عمره  ماوصل  
شاف الشدايد  واحتمل
ينظر  على بدر اكتمل   
لأهل الأرض هو الامل
( للمرتجى   نور الدجى       اه لفقد العسكري )
★★★★★
للطاعته عليهم فرض
اهل الظلاله تعترض
ضاگت عليه طول وعرض  
من جورهم   هاي الارض
لاعهد       عدهم  ينحفظ   
السابع ظهر   هذا البغض
(  قد اظهروا     مااظمروا     اه لفقد العسكري )
★★★★★
اهل العلوم اتحيروا  
لمن اجوه وناظروا
بأنوار علمه اتاسروا  
بهاي العلوم اتاثروا
اهل التسلط من دروا   
جم خطه للشر دبروا
( هم اهلها    وحبلها    اه لفقد العسكري )
★★★★★
بالسم لفاه المعتمد    
بأفعاله وبهذا القصد
نظرة حقد لمن يصد
ناتج انانيه وحقد
يعرف بعلمه ويعتقد   
من نوره  قائم ينولد
  ( كهف الورى    وناصرا    اه لفقد العسكري )

الشاعر حسن لعيبي الحرسشاوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_الامام_الحسن_العسكري_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
ـــــــــــــــــــــــــــــــــــــــــــــــــــــــ




ابدمعه والحسره .. انعزي الزهره
عالامام العسكري .. عالامام العسكري
@@@
الضنه غالي اعله امه والاعز ولد الولد
وحيف بالجده اذا ما ضنوة من عدها انفگد
وهالمسيه للزچيه امصيبه صارت للابد
بالغرب فگدت ضناها وگلبه بالسم انمرد
…
چبده منفطره .. وانگضه عمره
عالامام العسكري .. عالامام العسكري
@@@
العسكري عن دار جده للغرب گوه خذوه
وتالي عدوان الزچيه ابدار غربتها أذوه
من بني العباس وسفه چف الى الزهره لووه
وگلب منها بهالمصيبه ابنار حسرتها چووه
…
حزن بالحوره .. ضلع منكسره
عالامام العسكري .. عالامام العسكري
@@@
هم سجن هم گيد حصّل هم عذابات وغرب
ابخان كل صعلوك وسفه چان بالمسكن غصب
المعتمد اجرامه اصبح عالنبي وآله حرب
منترس گلبه نفاق وتنبض اعروگه نصب
…
ابملكه وغروره .. اتعصب ابجوره
عالامام العسكري .. عالامام العسكري
@@@
چبد بومحمد يولي من أذى السم انفطر
او ويه چبده امن الزچيه ضلع بمصابه انكسر
شاب بعده وعمره توه حيف حفروله الحفر
وابمصابه المهدي ظهره منحني طول الدهر
…
وسده ابگبره .. وطاح بالحفره
عالامام العسكري .. عالامام العسكري
@@@
شاليواسي المهدي حاله وهو وحده بالحزن
يروح سامره المسيه وعالگبر يوگف يون
ومطر من اعيونه ينزف مو مدامع تنهتن
وآه يصرخ بالمصيبه وحنة الفاگد يحن
…
المهدي بالعبره .. روحه منفطره
عالامام العسكري .. عالامام العسكري
@@@
اليوم كلنه انواسي فاطم ويّه يوسف فاطمه
ونرفع الرايه ابعزانه فوگ عالي للسمه
ونعقد ابدمعه سخيه بهالمصيبه مأتمه
والعزه للمهدي يطلع في مواكب لاطمه
…
بالگلب جمره .. لخاتم العتره
عالامام العسكري .. عالامام العسكري
@@@
علي احمد الحمود
٢٩-٩-٢٠٢٢
شهادة العسكري ع


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_الامام_الحسن_العسكري_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
ـــــــــــــــــــــــــــــــــــــــــــــــــــــــ





قصيدة في استشهاد الإمام الحسن العسكري عليه السلام ،،،،،،،


مِنّ الحِزن آيات نِقراهَا بالدمعات
للمهدي هذا اليوم وِلوَالِده المظلوم

ــــــــــــــــــــــــــــــــــــــــــــــــــــــ

بالحزن خَلّص عمرنا
ٱويَ الألم إلنه علاقة

ٱويَ الفرح عدنا خصومة
ٱويَ الهضم النه صداقة

حالة الفاگد حبيبه
الله يعلم بٱشتياقه

ويلي عالعاش الظلامة
والحقد بَوسَع نطاقه

يا وسفه خير الناس سَمّوا بنو العباس
وبلا جرم محكوم ولوالده المظلوم


ــــــــــــــــــــــــــــــــــــــــــــــــــــ


عاش ابو محمد حياته
صابر وما لحظة ناسي

شگد سِدَت عالهادي قَبله
مِن نُوايِب مِن مآسي

بالجَبُر فرضوا إقامة
واتهامه بالسياسي

تِحصِي أنفاسه الحكومة
ومنعوا الشيعة تواسي

وهِدمَوا ضريح حسين مِن عنده ممنوعين
شاهَد غُصص وهموم ولوالده المظلوم


ـــــــــــــــــــــــــــــــــــــــــــــــــــــ

صعبة چانت كل ظروفه
وبعده بَيّام النضارة

واكتوت نفسه بحسرته
وهو في طور الغضارة

تقلد بعلمه الامامة
وبالفكر نال الامارة

وهايه للطاغي بزمانه
تعتبر أخطر إشارة

وبسجنه والتضييق ولداره بالتطويق
من كل محب محروم ولوالده المظلوم

ــــــــــــــــــــــــــــــــــــــــــــــــــــــــــ

مِن بعد هاي المظالم
كِرهت السلطة بقاءه

كِسفَت الشمس بمَغيِبَه
والارض فِقدت ضياءه

وطَوّل الليل بظلامه
واختفت نفحة دعاءه

لازم ينول الشهادة
وللعُلا حان ارتقاءه

بالسم تذوب احشاه والطاغي من سَمّاه
فُرحت شِرار القوم ولوالده المظلوم

ـــــــــــــــــــــــــــــــــــــــــــــــــــــــــــــــ

ضَاگتِ الوَسعَة بأهلهه 
وظَلمَة  سامَرّا برَحِيلَه

ناحَت  السبعَة  علَفَگدَه
وكِل عَفيفَة وكِل أصِيلَة 

أضحَت الأمّة  بغيابَه
وَاهِنَة  وجِدّاً  عَليلَة

چَان أبو محمد أمَلهَه 
وحَلّت النكبة  الثجيلَة

چَن طَه عَنهُم رَاح     وعَاف برَحِيلَه ٱجرَاح
دَمعِ الوِسَف مَسجوم    وِلوالِدَه المَظلوم

ـــــــــــــــــــــــــــــــــــــــــــــــــــــــــــ


احنه وبهاي المصيبة
نهتف بونّة شجية

سيدي الله يعينك
صاحب الطلعة البهية

والدك يالمهدي غادر
ظَلّت الدمعة جِرية

شيعتك جَينه نواسي
بالرياض العسكرية

رغماً على الأعداء في أرض سامراء
صَرحِ الحَسَن معلوم ولوالده المظلوم

ــــــــــــــــــــــــــــــــــــــــــــــ

بقلم الأستاذ / ستار عذاب الحچام

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA