#قصائد_مشاية_الاربعين_١٤٤٤_هـ
#مـۄسسـﮫ_مــﻥــبـريۄن_للالـﺢــان

#الناشر_احمد_الـــزوار_c


كل سنة هذا عهدنة 🏴
🥀نجي نزوك ياسندنة
ـــــــــــــــــــــــــــــــــــــــــــــ

قصيدة  لطم(  اربعين الحسين ع) جديد ....




سلام   ......       ياحسين   بأربعينك

سلام   ......    هذا  صوت  العاشكينك
.................................................

ابديلك   سلام       *    ياثالث    امام

بروحي  وبهيام       *     عشرين   ابصفر


اشكر  ربي  حيل    *      والمدمع  يسيل


رازقني   العويل     *      يا دامي   النحر


سلام    ....           لكربلائك   كاصدينك

سلام   ....         هذا  صوت  العاشكينك
.................................................
من  يوم  اربعين    *     كاصد   ياحسين


متعني  بأنين       *      اقره   زيارتك



اواسي  زينبك    *         من   اتعنتك


يوم  امصيبتك    *         صعبه  غربتك


سلام    .....     شكد  احب اني  حنينك

سلام   ....      هذا    صوت   العاشكينك
.................................................
ندخل  للصحن      *      نذكر  هالمحن


من يوم  انسبن     *       ابدرب   اليسر



اعيال    النبي       *       راحت   للسبي


مسيرة   زينبي      *     ذلت  جم  شمر



سلام    .......     عايش  اني   ابونينك

سلام    .......    هذا  صوت   العاشكينك
.................................................
اسلم  عالكمر        *      واتذكر    نهر

ضامي  هالنحر      *     اجفوفه  كطيعه



أقبل   خدمتي        *       أقبل  دمعتي


هاي   ازيارتي       *      ياراعي  الشريعه


سلام   ......     والسهم  جارحها  عينك

سلام   .......    هذا  صوت    العاشكينك
.................................................
بيك  اني  ابتدي    *      حزنك   سرمدي

اول   مولدي         *        الأخر   حياتي



ناري  ماطفت         *       تتلاهب   بقت

عيني  من بجت     *       هاذي  امنياتي


سلام     ....       لان   بالطف  ساحكينك

سلام   ......   هذا  صوت   العاشكينك
.................................................

الخادم  ....   ابو  فدك  الشامي


ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_مشاية_الاربعين_١٤٤٤_هـ
#مـۄسسـﮫ_مــﻥــبـريۄن_للالـﺢــان

#الناشر_احمد_الـــزوار_c


كل سنة هذا عهدنة 🏴
🥀نجي نزوك ياسندنة
ـــــــــــــــــــــــــــــــــــــــــــــ


((جيت مشاي))


جيت مشاي ..
والگلب يحـسين وتحزم
وبالعشگ يسجد للمخيم
ياحبيب الروح والرايه أعله الچتاف

جيت مشاي ..
والدرب بــدموعي مشيته
وفقط بس عباس النخيته
گتله آنه بسدك هيهات ماخاف

ماعدنه بس گمرنه
نمشي وهوه يلمنه .. تاج الراس

هوه العلينه رحمه
كافل كفلنه خدمه .. بس عباس

نــــوماس المواكب بعيون النده
زوار وأجيـــنه والحـــب شاهده
عباس انته رايه فوگ من السمه
تسلم ياگمرنه وروحك صـــامده

جيت مشاي ...

"""""""""""""""""""""""""""""""""""''''''''''''

جيت مشاي ..
اسمك بهمساتي وكياني
لحضه لا مـافارگ لساني
وهلا بزوار الحُسين الكل ينادون

جيت مشاي ..
ورسمك أعله عيوني اشوفه
كعــبةّ الحــب اسمك اطوفه
واسم مولاتي العقيله والدةّ عون

مخلوقه بالعبايه
يــازينب الهدايه .. مولاتي

ام الخـــدر كــريمه
بت حيدر العضيمه .. آهاتي

كل خطوه بضميري امشي ومايلي
أنـــدب فـــــاطمتنه وأنــدب ياعلي
عامـر بالمــجالس عـــامر بالـــــدمع
امشي وياي اخوتي وأنضر كل هلي

جيت مشاي ...

"""""""""""""""""""""""""""""""""""''''''''''''

جيت مشاي ..
والعشگ ماهوه بسهوله
والعشگ سر ومــا اگوله
والمشي درب اليحب نتفاخر بهاي

جيت مشاي ..
والتعب بي لذه الحبيبي
اشكر الله وخادم نصيبي
الف مشكور أعله حبه الماشرب ماي

والذكرى بالمواقف
وأتـــبده بالسوالف .. يسوه العين

يا حالتي بســروري
وبخطوتي حضوري .. درب حسين

دربك بي مـــــواقف شفت الماجره
شايب شفته يبچي وروحه مبعثره
يوزع روحه دمعه وجـرحه بدمعته
گلي روحي فدوه الخـــاطر منحره

جيت مشاي ...

"""""""""""""""""""""""""""""""""""''''''''''''

جيت مشاي ..
يـــارفيف الــــرايه بيميني
وكاتب أعله الرايه حُسيني
ورافع الرايه بشجوني بالسمه تلوح

جيت مشاي ..
والجدم مزورع أعله دربك
كافي من گتلك بـس احبك
ياحلاةّ الحب عذابي وبس مجروح

وأتوسد التــرايب
قدسيتي المواكب .. زاير جاي

وبخطوتي لهيبي
زاير أنه الحـبيبي .. وهل مشاي

الماي شلون أشربه وزينب ماروت
مـــريه وبيـــها دمعه حيل ادولبت
ولا هيه أستـراحت تمشي محدبه
أم (مزهر) يــويلي بحبها اتعذبت

جيت مشاي ...


عبد زينب
محمد الابراهيمي
ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_مشاية_الاربعين_١٤٤٤_هـ
#مـۄسسـﮫ_مــﻥــبـريۄن_للالـﺢــان

#الناشر_احمد_الـــزوار_c


كل سنة هذا عهدنة 🏴
🥀نجي نزوك ياسندنة
ـــــــــــــــــــــــــــــــــــــــــــــ
ذبيح الـغالي حسين
اجيت بيـوم اربعين
الخدم تسمع شكول
حزين كلبـي حـزين

خادم بصف خادم بالممشه واسوني
يعين كلبـج زيـنب كـلـمتهم بعيـوني
كلها تصرخ ضـامي ومسلب واويلي
واني اكلهم عفيه متعوبه وعـينوني

ضيمي وعـذابي وهمي والحـزن
احسيني تحت الحوافر منسحن
صــرت الكــفيـله من بعد الكـفل
ودلالي سـكـتـه خـويه من يـون

كلبي شاب والسبي ماذيني
ـــــــــــــــــــــــــــــــــــــــــــ
نجيب دربي نجيب
حسين انته الحبيب
اريد ياخويه اشوف
جسد دامي وتـريب

هاي انه وخـدامك يحسـيني تعنينه
وجرحك ولـوعاتك يالـغالي تبجـينه
زينب الحيرانه المكسوره المهظومه
تسلام اعله الـكافل وتـقبــل جفـينه

جرحي ونحيــبي ودمعاتي التهل
طـاغي أعــلة اديـها ياذاك الـحبل
ســوك وشـماتة وزيـنـب انـشـتـم
وكــلبــي المصـيبه كـوه يـحتـمـل

كلبي شاب والسبي ماذيني
ـــــــــــــــــــــــــــــــــــــــــــ
نحنيت خويه نحنيت
بجيت ودمعي خفيت
وريـد بعــيــوني صار
يسـيـل بـهـايه دريـت

أشكد بناتك تسئل يمته وللطف نوصل
خويه تعبن كلش بس من ممشه الهزل
واني اسكت بيهن واحميهن من كلشي
كوم ليهن خويه وحاجيهن يـمــعــدل

جرح الضـعينه وجـرحك والـدمـه
مفـطـوره اشعر ليـهـن جـم ســمه
زيـنـب غـريـبه الكـلمة الـتكـسـرك
يالشـابــع اسـهـام اجـروح وضـمه

كلبي شاب والسبي ماذيني
ـــــــــــــــــــــــــــــــــــــــــــ
دمـوع لــيلي دمـوع
مصاب كسر الضلوع
عــزاء يريد الونـيـن
تذوب روحي شموع

عالمـواكب انـظر بالخــدمه ودمـعتهم
شـلون زينب حارت اقراها بحسرتـهم
ذول اهــل الــغـيــره وفــايـه ادريـهـم
فاطمه بالمحشر يحسيني التحضرهم

اليـبجي الضعوني وكـلبه منكسر
يـوم الــقـيامــة هـوه الـيـفــتـخر
أشكر سعـيهم شــكرآ يــالــخــدم
واسيتو زينب دستو اعــله الجمر

كلبي شاب والسبي ماذيني
ـــــــــــــــــــــــــــــــــــــــــــ
سلام ابـدي السـلام
حسين دمعه الكلام
جريح كلبي ويـنوح
خـيـام مـاكـو خيـام

طحت فـوك ترابك لعيـونك مـشتاكة
خويه تـدري الـفركة ماتـرحم حـراكة
عذبتني الغـربه والـناس لـما تخــجل
تالي زينب تمشي بلا هودج عالـناكة

بربـعينك جيـتك وزيـارة اقـراها
زينبك مكسوره ودمعتها بعيناها
ياجرح مايبرد وضلوعك لجماتي
الدهر تدري بختك ياخويه أذاها

كلبي شاب والسبي ماذيني
ـــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي


ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_مشاية_الاربعين_١٤٤٤_هـ
#مـۄسسـﮫ_مــﻥــبـريۄن_للالـﺢــان

#الناشر_احمد_الـــزوار_c


كل سنة هذا عهدنة 🏴
🥀نجي نزوك ياسندنة
ـــــــــــــــــــــــــــــــــــــــــــــ

القصيدة الثالثة للمشايه

للمشايه

يا طريق الجنه
گاصدك واتعنه

تشفعلي يحسين
....
كلي لهفان واجيتك
بامك الزهره انتخيتك
لا تردني جاي بيتك
هايم وانت الهويتك

عاشگ ومحبوبه
حيل احب دروبه

عمري بي اتمنه
يا طريق الجنه

تشفعلي يحسين
.....
حطني واحسبني بعبيدك
ماد ايد مدلي ايدك
لو قبلت اصبح سعيدك
كلشي ابيعن بس اريدك

وكل عمل بعمالي
يعشگك يالغالي

خطوه الك أدنه
يا طريق الجنه

تشفعلي يحسين
....
حلمي اشوفك مو بالعيون
بكيفك انت اختارلي شلون
ولو طيف وي اليحلمون
سيدي والله ممنون

كون بس تبرالي
بيها اعيش امالي

شلون املن منه
يا طريق الجنه

تشفعلي يحسين
....
نفس بنفاس اليزورك
طيف ولهان عله نورك
خيط بعلوگت انذورك
كلشي اصيرن بس اجورك

حلم واحله احلامي
يسوه كل ايامي

ولو ذرت حنه
يا طريق الجنة

تشفعلي يحسين
....
ع الجدم مشاي غايه
عندي بيها وبيدي رايه
وي الامام المهدي هايه
عبد عنده للنهايه


بس اشوف ارسومه
بنضرتي الملجومه

ولهوه شمنه
يا طريق الجنه

تشفعلي يحسين
.....
حيدر عيسى البديري

ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_المشايه_والاربعين

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




رجوع السبايا لكربلاء
#شور

يـبو فاضل يبو فاضل .. يـبوفاضل يبو فاضل .. يبـو فاضل يبو فاضل
خويه جيتك يبو الغيره . خويه من الشام اسيره . يبو فاضل يبو الغيره
********
خويه مـن سـبيـي اجيتك جايبه هموم ويتامه
لاتـگلي يبــو الـيمه الحـــمد لله عالسـلامه
بالسبي ميته عساني وماسمـعت انه الملامه
امـضه من اسياط اميه الخلـت ابمتني علامه

يبو فاضل يبو فاضل .. يبوفاضل يبو فاضل .. يبو فاضل يبو فاضل
اسبوني من ديره لديره . خويه من الشام اسيره . يبو فاضل يبو الغيره
**********
خويه تذكر مـن جبتني چـنت اميره ابمحملي
اتحفني من اربع جهاتي اتگلي يختي اتدللي
لو تشوف اختك يخـوها من سـبوها بت علي
عالنهـر صـدت عيونـي واصـرخت ياكافــلي 

يبو فاضل يبو فاضل .. يبوفاضل يبو فاضل .. يبو فاضل يبو فاضل
الچانت ابظلك اميره . خويه من الشام اسيره . يبو فاضل يبو الغيره
**********
والله عذبني مسيـري منـين يابو فاضل ابدي
خاف اجرحك من اگلك الشمر بضـعوني يحدي
انه رحـت ابلا محامي للـسير ياخـويه وحـدي
وينك اصرخ ياكفيلي صبـر ماظل والله عندي

يبو فاضل يبو فاضل .. يبوفاضل يبو فاضل .. يبو فاضل يبو فاضل
موسهل دربي مسيره . خويه من الشام اسيره . يبو فاضل يبو الغيره
**********
انتـه من نـبرة كلامي تدري سـبيي هوايه جارح
وما اجـيت اعتب والومـك خـويه دلالــي مسامح
حـقك اتگـلي يــزيــنب ليـش متغـيره الـملامح
ابوجهي من شفت السواده هذا من الظربه واضح
يبو فاضل يبو فاضل .. يبوفاضل يبو فاضل .. يبو فاضل يبو فاضل
النظر المن اديره . خويه من الشام اسيره . يبو فاضل يبو الغيره
**********
خويه عالناگه وذكرتك اشگد صحت وينك كفيلي
والله محتـاجه وجـودك ياگـمر شـو ماتجــيلي
تدري حتى الناگه وَنت خويه من سمعت عويلي
كافي يازينـب بواچي اتـگلي هدمتيلي حيلي

يبو فاضل يبو فاضل .. يبوفاضل يبو فاضل .. يبو فاضل يبو فاضل
محنتي والله چبيره . خويه من الشام اسيره . يبو فاضل يبو الغيره
**********
والله كثره همومه گلبي شلون ابين لك مصابه
مـن عـگب عـزي ودلالي سكـنوني بالخـرابه
والله يابو الغـيره اخجـل انه اشـرحلك مصابه
راح اگلـك شغله وحـده نـيمــونه عالــترابه

يبو فاضل يبو فاضل .. يبوفاضل يبو فاضل .. يبو فاضل يبو فاضل
رحلتي چانت خطيره . خويه من الشام اسيره . يبو فاضل يبو الغيره
**********
تمت والحمد لله في 21/ 12/ 2013
خادم الحسين حيدر تركي الكربلائي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

الرادود امير الموسوي