#قصائد_السيدة رقية__١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏

  .      🏴بـويـة لا موعـادتـك ☆ أفـرشت ســجـادتـك
😭
ــــــــــــــــــــــــــــــــــــــــــــــــــــــــ
الچانت اميره
طلعت اسيره
وبلا عشيره
زينب تصير

—————

بچت بت فاطمه الزهره
          الشمس من عدها خجلانه
الشمس ماشايفه زينب
                      وهسه منها ذبلانه
الشمس تدري ابوها الچان
                    چبير وعالي سلطانه
وهسه شو غريبت حال
                    أوحيده بعيله حيرانه
بنت الصميده
طلعت وحيده
وهيه العقيده
زينب تصير
—————

عتبت عالشمس زينب
                  ابن طه ترى المنحور
ماغبتي يشمس الله
              وخفيتي شويه من النور
رحمي ابن امي هالساعه
              وخلي موقف بعاشور
طاح من المهر عطشان
               وبس مهره عليه يدور
هاي العجيبه
جانت حبيبه
هسى غريبه
زينب تصير
—————

السند ولبيت ابوالسجاد
                   وهسه راح مني البيت
ولفه بس المهر ليّه
                       وبدمعي اله هجيت
اشوف دمومه ودمومك
                 نهدم حيلي وعليه بجيت
أسأله وگلبي يتگطع
                      شو خالي عَلَّي رديت
يكبر مصابي
شاهد عذابي
دگالي بابي
زينب تصير
—————

عزيزة گلب اخوها حسين
                     وعزيزة فاطمه الزهره
تجمعها الحرم وايتام
                      تصبرهم على اليجره
على حسين الفكر مذهول
                   تشوفه تريد بس نظره
وعلى وجها وگع ياحيف
                   وشمر هيچي يحز نحره
حيرني امره
واني أ نظره
وشلون انصره
زينب تصير

—————


وحگك ياضوه عيوني 
                    من شفتك على الغبره
من التله لعد جسمك 
                      سوده مابقت شعره
شَيّب راسي ياخويه
                    ومن گلبي طلع صبره
يالچنك رسول الله 
                    وبجسمك الف طبره
الچانتله حضره
وهالدنيا گمره
وتاليها نصره
زينب تصير
كلمات لمـلا أحمـد الـسالـمي
—————


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_الامام_الحسن_المجتبى_ع_١٤٤٤_هـ
#مـۄسسـﮫ_مــﻥــبـريۄن_للالـﺢــان

#الناشر_احمد_الـــزوار_c



ويلي عالمات بسم جعده 😭
🥀💔مارحمته ومردت جبده 🏴
ـــــــــــــــــــــــــــــــــــــــــــــ

في وفاة الإمام المجتبى (ع)

على لسان السيدة زينب (ع)

إلغياب اشكد أليم
لا تسافر يالكريم

لا تعوف اجفوفي بيد الغاضريه
روحتك معناها زينبكم سبيه

لا تسافر يالكريم

& & & & &

إلغياب اشكد أليم اويعني صفعه
والفُكَد محبوبه لازم محني ضلعه
لو رحت صوت الكلب منهو اليسمعه ؟!
إنته شمعه اوبعد عينك ماكو شمعه

لا تسافر يالحنين
اعليك يبن امي الحسين

خويه إرحم هاي دمعاتي الجريه
روحتك معناها زينبكم سبيه

لا تسافر يالكريم

& & & & &

من تغيب الدنيه عندي اتظل كئيبه
اوهاي روحي اتصير يا خويه غريبه
المصيبه اشلون تتركني ابمصيبه
وانته ما تقبل أون يمك عجيبه

خويه لو عني تغيب
الـ جرحي ما ينفع طبيب

لا تخلي الغُرُب تتشمَّت عليه
روحتك معناها زينبكم سبيه

لا تسافر يالكريم

& & & & &

جبدي خويه ابطشتك الأحمر فُطَرته
آنه كل ظني الأخو ما يجرح اخته
كبل موتك كبرك امهدّم نظرته
اوثاني منحر ينكطع كبرك عرفته

دمعي مو بس عالغياب
عالكبر لو ظل تراب

مرقدك ثاني جسد يبكى ابوطيه
روحتك معناها زينبكم سبيه

لا تسافر يالكريم

& & & & &

عني لا ترحل عليك امي الزجيه
لأنْ منِّ اتغيب اَصير آنه سبيه
أنظر انحور اودِمَى بالغاضريه
اوعلى راس احسين أصد ماتت رقيه

ابغيبتك تبدي الطفوف
اورحله كلها اسياط اوخوف

الهذا خلها اوياك تاخذني المِنيه
روحتك معناها زينبكم سبيه

لا تسافر يالكريم

& & & & &

إختك امن اتروح .. بالطف يضربوها
اوآل اميه ابكل جساره ايسلِّبوها
روس اُخُوتك بالسيوف ايكطِّعوها
اوعالرماح السُّمُر تالي يرفعوها

الهذا اَكلك لا تروح
صعبه أحمل هالجروح

ما أريد أسمعها كلمةْ (خارجيه)
روحتك معناها زينبكم سبيه

لا تسافر يالكريم

& & & & &

بعدك اختك ما يكِف مدمع أَلَمها
اوتنضرب بسِّ الكِفَلها ماهو يمها
يالحسن بالطف هَلَك تلهب خِيَمها
اوعالأرض يا وسفه خويه يجري دمها

كبُل مَيْحِلِّ الرحيل
أرد أكلك عالهزيل

اوعلى طبَّةْ يالحسن ديوان اميه
روحتك معناها زينبكم سبيه

لا تسافر يالكريم

& & & & &

خادم زينب (ع) : إبراهيم الدريس

ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_الامام الحسن_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴الى البقيع أبعث سلامي كل يوم
الى متــى يظل ضريحهَ مهدوم 🏴
*
ــــــــــــــــــــــــــــــــــــــــــــــــــــــــ

❇️ قصائد الامام الحسن عليه السلام

#وزن #تجليبة



المُصابك يبو محمد روحي مفجوعه
اودليلي اعليك من دم تهمل دموعه
--------------
جمر حسراتي يدوي بشهگة الأنفاس
اودمع عيناي يظهِر لوعة الإحساس
لو ما صوت وني ما تراني الناس
نِحَل جسمي المصاب وشدّة اللوعه
-------------
نِحل جسمي المُصابك ما بگالي ظِل
وسالت روحي ويّه المدمع اليهمل
چتِل سبط النبوه بيا شريعه ايحل
وأسرار النبوه بيه مجموعه
--------------
أسرار النبوّه اتودّعت عندك
يكفي لون گلنه المصطفى جدك
وسمّ اعداك حين اللي سره ابچبدك
سره ابچبدة أصول الدين وفروعه
--------------
يبو محمد أصول انت وفروع الدين
وشمسك يل حسن ما تخفه عن كل عين
عجيبه تحجب انوارك غيوم البين
يمن لجلك شمس هل كون مرفوعه
-------------
عظيم الشان يا من مثلت عودك
ابجهادك وبحكمتك سيدي وجودك
شموع الدين چانت تضوي بوجودك
ابغيابك طفّوا لدين النبي اشموعه
----------------
ابغيابك طفوا انوار الفخر والزود
واغتالوا ابچتلك رحمة المعبود
سدَوا سيدي اعلى الناس بحر الجود
وبحر الجود انت الچنت ينبوعه
---------------
آ يا حسرة الوفّاد بغيابك
تجي و بچفوف لهفتهه تدگ بابك
اويردّ الهه الجواب الناعي بمصابك
الحسن راح وبعد هيهات لرجوعه
----------------
اوتِظَل مهضومة عگبك سيدي الايتام
تشوفك يل حسن سلوتهه بالأحـلام
تصبّح عگب شمسك مظلمة الأيام
اوعگب عينك زهور الأمل مگطوعه
----------------
عقيل الكاظمي / دمشق



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_الامام_الحسن_المجتبى_ع_١٤٤٤_هـ
#مـۄسسـﮫ_مــﻥــبـريۄن_للالـﺢــان

#الناشر_احمد_الـــزوار_c



ويلي عالمات بسم جعده 😭
🥀💔مارحمته ومردت جبده 🏴
ـــــــــــــــــــــــــــــــــــــــــــــ


استشهاد الامام الحسن ع
////




وي عثرة الناگه عثر
وغيّر موازينه الدهر
عاشور يوم ويبتدي
يالحره من سبعه صَفَر


ــــــــــــــ ❁ ❁ ❁ ـــــــــــــــ


من بعد جرح المرتضى عالمجتبى حقد انعلن
ويابت علي بغض بعلي دارت الدنيه اعله الحسن
اسهام النعش كبرن حقد وارماح صارن واعتلن
والصوّبن نعش الحسن بنحر الحسين اتمايلن


سم جعده مو حده الچبد
سم جعده للمنحر صعد
سم جعده بخيامج مشه
سم جعده بالشام استقر


ــــــــــــــ ❁ ❁ ❁ ـــــــــــــــ



اصل الذبح سم واتضح هالموقف بگبر النبي
لوما منع دفن الحسن ماعرفت اجدامچ سبي
شفتي الحسن لونه انخطف صحتي يناري اتلاهبي
واتحضرن ويه الخيم باچر حرگچن يالعبي

ونفس الدمه المتخثره
باچر تسيل اعله الثره
ويسيل دم المجتبى
لو گطعوا لجاسم نحر


ــــــــــــــ ❁ ❁ ❁ ـــــــــــــــ



اسلم ، ابن ظاهر ، وهب  ، عابس وسبعين العزم
انصار ضحوا بالنفس ثبتوا ولا زلوا جدم
وللحسن ما صح هالعدد بي غيره غيرت هالزلم
فكرة الثوره بلا وفه بچف الخيانه تنهدم

لوما الخيانه تتضح
ما ينعرف معنى الصلح
چف الحسن چف حيدره
ويا فارس الچفه عُبر


ــــــــــــــ ❁ ❁ ❁ ـــــــــــــــ


دينار ابو سفيان اله بگلب الطمع سطوه وطمع
والحسن چبده المنمرد ما سممه غير الجشع
والهزّه چف سلطه وفلس والما قنع يوم وشبع
بخيمة أُميه اللي دخل ندريه بيا موقف طلع


شيعة بني سفيان ، أسم
لكل ناس تسكت عالظلم
وحب علي وولده اكبر بخت
الداس البخت تالي ايعَثَر


ــــــــــــــ ❁ ❁ ❁ ـــــــــــــــ


انصاف المواقف مُتعِبه وصاحبهن يعاشر ندم
(الما واضح) يعيش العمر .. بنعش الحسن عايش سهم
الما بيّن بصوته الرفض  تنشاف بفعاله الـ(نعم)
والمو دوه لسم الچبد ، فعله اتضح جمرة خيم


تتوضّح بهالحب صفه
بين الوفه والمو وفه
حبهم صُبح جنة عدن
الما عاشه عايش في سقر


ــــــــــــــ ❁ ❁ ❁ ـــــــــــــــ



✍️سعد هادي الشمري✍️
ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_الامام الحسن_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴الى البقيع أبعث سلامي كل يوم
الى متــى يظل ضريحهَ مهدوم 🏴
*
ــــــــــــــــــــــــــــــــــــــــــــــــــــــــ
جديد صفر ١٤٤٥

السيدة فاطمة بنت الإمام الحسن عليه السلام تنعى أباها
نظمت في ٢٦ محرم ١٤٤٥

بويه بويه لا تغمّض عينك

بويه بويه مد إلـي چفينك

آنـه بـنـتـك فاطمه خاف أصير اميتّمه
ــــــــــــــــــــــ
بـــويــه جيتك لـن لقيتك
ويـــلــي بـفراشك طريح
مــــا أصـــــدّق هـالتِمَدّد
إنـــتــــه يـــالـوالد أصيح ؟
يــــاسـنـدنه ويــــاعمدنه
ويــادوى قـلـبـي الجريح
افتح لي عينك يالونينك
خـــلّـــه دمـعـاتي تسيح

اعليك أقسم يا أبـو الحنيّه

بـضلع فاطم بويه رد اعليّه

إروي روحي امن الضمه خاف أصير اميتّمه
ــــــــــــــــــــــ
لــيّـه إنـهـظ خـل أشمَّك
بـــويــه يــاريــحـة علي
يــا أمــاني جيت أكلمك
مـــا أحـــد غــيـرك إلـي
ردت أسمع حين أضمّك
هـــا يــا بــنـتـي اتدلّلي
ابوسط حجرك خلني بويه
يـــا مــلاذي او مـوئلي

بِذْنَه هِمْسَتْ فدوه عمري اسنينك

هــا يـغـالـي صِــدْ لِي بَسْ ابعينك

والجبينك ألثمه خاف أصير اميتّمه
ــــــــــــــــــــــ
فـــتـح عينه او إلـها أشّر
ولــــــزمت إيــــده بالألم
آه يـــابـويـه لونك أصفر
او كلّك أوجـاع أو هظم
لـيـش قـلـي يـابن حيدر
اشـفــافـك امغطّيها دم
لن جوابه ابطشت لقشر
قـطـع چـبدي الفتها سم

ابصغر سنّي وافجعوني ابيومه

أثــــره بويه چـبـــدتـه مسمومه

وناحت الحاله السمه خاف أصير اميتّمه
ــــــــــــــــــــــ
واعــلــى ابـوها بقت تنحب
ودارت ابــــــداره الــنــظــر
الطشته مـرّه الهامه تضرب
وتــلـــطـــم الــچبده الصدر
والأخـــوهــــا إجـــت زينب
وبــــالـمـشـي ويـلــي اتعَثِر
شــلـــون ملقه بداره يقرب
ومــــوقــــف ايفتّ الصخر

هـذي إخته الشوفته ملهوفه

وعنده بنته مــاتـريـد اتعوفه

اتصيح ياحامي الحمه خاف أصير اميتّمه
ــــــــــــــــــــــ
شلــون حـاله من تلاقت
فـــاطـــمـــه بـام الحزن
هذي تبچي وهذي حنّت
بــالـــكــدر لجل الحسن
الچبد إخوها إخته أنّت
وبـــالـــجـــرالـه اتلوّعن
والنـــوايـب كثره عدها
وبـــــالـمــآسـي اتقابلن

وتدعي فاطم بالّذي ضاهدها

ايـقـوم سالم بالعجل والدها

ابقيت حوله حايمه خاف أصير اميتّمه
ــــــــــــــــــــــ
احـشـاه تفطّر من سمومه
وضــجّـــت اعياله ابحنين
ولــلــوصـايا حــيـن يومه
قـــــرب أبـــدى بــــالأنين
الـبنته فاطم بكـل همومه
قـــلــهــا يـــابـنـت الأمين
چن أشوفچ وسط حومه
ويّـــــا زيـنــب تـنـسـبـين

بآخر أنفاس يبچي عالمسبيّه

وعقبه خلّف لــلــمــآسي ابنيّه

وبالبراري هايمه خاف أصير اميتّمه
ــــــــــــــــــــــ
مـــات أبــوهـا وماتلمها
الأرض والجسم ارتعش
واحتضنها حسين عمها
واعـلـى حالتها اندهش
راح عــزها وزاد غمها
حــيــن شـالوه ابنعش
وبوداعه اتشوف يمها
كــربـلـه ونـار وعطش

أمــس أضمّه وچــنــت أزيــح آلامه

اليوم أشيعه وصرت أشيل إسهامه

كل حياتي مظلمه خاف أصير اميتّمه
ــــــــــــــــــــــ

تمت بحمدالله ومنّه في ١ صفر ١٤٤٥
نظم خادم السيدة الزهراء عليها السلام
ياسين جواد العبد الرضا


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi