#قصائد_المشايه_والاربعين

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




رجوع السبايا لكربلاء
#شور

يـبو فاضل يبو فاضل .. يـبوفاضل يبو فاضل .. يبـو فاضل يبو فاضل
خويه جيتك يبو الغيره . خويه من الشام اسيره . يبو فاضل يبو الغيره
********
خويه مـن سـبيـي اجيتك جايبه هموم ويتامه
لاتـگلي يبــو الـيمه الحـــمد لله عالسـلامه
بالسبي ميته عساني وماسمـعت انه الملامه
امـضه من اسياط اميه الخلـت ابمتني علامه

يبو فاضل يبو فاضل .. يبوفاضل يبو فاضل .. يبو فاضل يبو فاضل
اسبوني من ديره لديره . خويه من الشام اسيره . يبو فاضل يبو الغيره
**********
خويه تذكر مـن جبتني چـنت اميره ابمحملي
اتحفني من اربع جهاتي اتگلي يختي اتدللي
لو تشوف اختك يخـوها من سـبوها بت علي
عالنهـر صـدت عيونـي واصـرخت ياكافــلي 

يبو فاضل يبو فاضل .. يبوفاضل يبو فاضل .. يبو فاضل يبو فاضل
الچانت ابظلك اميره . خويه من الشام اسيره . يبو فاضل يبو الغيره
**********
والله عذبني مسيـري منـين يابو فاضل ابدي
خاف اجرحك من اگلك الشمر بضـعوني يحدي
انه رحـت ابلا محامي للـسير ياخـويه وحـدي
وينك اصرخ ياكفيلي صبـر ماظل والله عندي

يبو فاضل يبو فاضل .. يبوفاضل يبو فاضل .. يبو فاضل يبو فاضل
موسهل دربي مسيره . خويه من الشام اسيره . يبو فاضل يبو الغيره
**********
انتـه من نـبرة كلامي تدري سـبيي هوايه جارح
وما اجـيت اعتب والومـك خـويه دلالــي مسامح
حـقك اتگـلي يــزيــنب ليـش متغـيره الـملامح
ابوجهي من شفت السواده هذا من الظربه واضح
يبو فاضل يبو فاضل .. يبوفاضل يبو فاضل .. يبو فاضل يبو فاضل
النظر المن اديره . خويه من الشام اسيره . يبو فاضل يبو الغيره
**********
خويه عالناگه وذكرتك اشگد صحت وينك كفيلي
والله محتـاجه وجـودك ياگـمر شـو ماتجــيلي
تدري حتى الناگه وَنت خويه من سمعت عويلي
كافي يازينـب بواچي اتـگلي هدمتيلي حيلي

يبو فاضل يبو فاضل .. يبوفاضل يبو فاضل .. يبو فاضل يبو فاضل
محنتي والله چبيره . خويه من الشام اسيره . يبو فاضل يبو الغيره
**********
والله كثره همومه گلبي شلون ابين لك مصابه
مـن عـگب عـزي ودلالي سكـنوني بالخـرابه
والله يابو الغـيره اخجـل انه اشـرحلك مصابه
راح اگلـك شغله وحـده نـيمــونه عالــترابه

يبو فاضل يبو فاضل .. يبوفاضل يبو فاضل .. يبو فاضل يبو فاضل
رحلتي چانت خطيره . خويه من الشام اسيره . يبو فاضل يبو الغيره
**********
تمت والحمد لله في 21/ 12/ 2013
خادم الحسين حيدر تركي الكربلائي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

الرادود امير الموسوي

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ
لِسَيدِّي وَلائي   
لا يَنقَضي عَزائي
حَتى ظهُور القَائم
***                              
إنتـه ماتِحتَـاج مِن عِندي المِحبـَّــه
وشـِنهي حَاجَاته الذي البَاري يحِبـَّه
آنا مِن أَهـوَاك أرفَـع نَـفسِـي رتبـَــه
وامشي وَاثِق للمَعالي وگاعي صَلبه
أُمسِي منَ الأكَابر   
وأكسَبُ المَفاخر
بِـدءاً بلَا اِنتهاءِ       
لِسيدِّي وَلائي  
                  ***                                          
إنتـه تَاج الرَاس بـي مِرتفِـع سُـوگي
والعَـشيره الّي يرِف بِيـرَغها فـُـوگي
لَافِــتة حبّي اِكتَـــبتها بـدَم عِـرُوگي
حسـين حِزبي وكتلِتي وتيّار شُوگي
لصَاحبِ السِياده   
شَوقٌ منَ الوِلاده
يَجري معَ الدماءِ      
لِسيدِّي وَلائي  
                  ***                                       
دَرب تَوفيقي ونَجاحي شلُون اَضَيعَه
وحَالي يلفِــيلَه الفقر ويسُوء وَضـعه
وأنَه ابجيب حسين اَمِد چَفي واطَلعه
امحَمِّل بخَيرَات تِملي السِـمه السَبعه
ذا واهبُ العَطايا      
وشَافعُ البَرايا
دَوماً لهُ ثَـنائي          
لِسيدِّي وَلائي  
                  ***                                       
فَضـل منـَّـك تقـبَـل امقَصِّر يجيلَـك
ويلفظ اسمَـك وبگلُب مُذنب يشيلَك
ولأن نُـور الله وسَبيل الحَـق سَبيلك
كُـون أتوَضـَّـه ابدِمَاي امنَ اعتِـنيلك
تدُوسُني الحُوافر  
جسماً كَيومِ عاشِر
مَثلكَ في العَـراءِ      
لِسيدِّي وَلائي  
                  ***                                        
بمَجلس حسين الذي هَيَّمني عِشگه
ربِّي إلهِمني البَچي وإرزِقني شَهگه
اوَّفِــق الچَفــين لِـمرِادَف الدَگــَّــه
حَته اُوگـف بالحَشر وظلُوعي زَرگه
مُوَاسـياً عَقـيله   
سَارَت على الهَزيله
بالضَرب والعَـناءِ     
لِسيدِّي وَلائي  
                     ***                                        
لليَـقـين البـَــاقي بسـنين الخَديعَـه
حُجـَّـة اَلله النَازِح  ابدِنيَـه الوِسِيعه
نِقسِم بطَبرِة عَلي وضَـلع الوِديعَـه
عَـزَه حسين انبِـيع كلشي ومانبـيعَه
سَنُكمل المَسيره    
للحظَـة ِالأخيرَه
ثأراً  لـكربلاءِ       
لِسيدِّي وَلائي
-----------------------------
لقمان البدران


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ
(عمت الساده)


صـعـدت فـوگ هَـزلـه عـمـت الـسـاده

                    *---------------*---------------*

هــاي الـچـان عـبـاس الـيـبـاريـهـه
ضلـت بالـدمـوع وحـيـل مـابـيـهـه
اديهه امچتفـه والـشـمـر سـابـيـهـه

اسيـره مـچـتـفـهـه للحـره مـوعـاده

                    *---------------*---------------*

مـالـومـه الـيـنـوح الـيـوم مـا لـومـه
زيـنـب يـاخـلـك بالضيـم مـهـضومـه
كـافلهه واخـوهـه امسلـبّـه اهـدومـه

طـلـوعـوهـه سـبـيـه الـعـدو نـاده

                    *---------------*---------------*

عـافـاهـه الكفـيـل وضـلـت بـحيـره
شـيـرده خـدرهـه وراح ابـو الـغـيـره
مـجـروحـه العقيله وشوفـهـه اديـره

اذاهـه الـضـعـن الـشـمـر مـن گـاده

                    *---------------*---------------*

مـايـبـرد گـلبـهـه ويسـعـر ابـنوحـه
عـگـب حسـيـن والعباس مجروحه
مثلهم بـالحـزن يـاحيـف مـذبـوحـه

راح الـخـدر ذاك وراحـت امـجـاده

                    *---------------*---------------*

كافلهه انـكـتـل والـرايـه مـلـفـوفـه
مـاترجع بـعـد الـجـربـه وچـفـوفـه
مشـاهـه الـوكـت مسبيـه لـلـكـوفـه

وعلّيهه الشـامـت بكلمات يـتـمـاده

                    *---------------*---------------*

تـالي الشـيـب بالحسرات مـحـتـاره
لـلـمـوت وگـلـبـهـه مـاطـفـت نــاره
ويـمـهـه أتــذبحـو حسيـن ونـصاره

ويـتمـرجـل  عـدوهـه ومـالـه رداده

                    *---------------*---------------*

✍خـادم زيـنـب ع
الشاعر رعد الجريخي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ
شور
السيده زينب اتوصي العلويات


يــعِــثـرن يــعِــثـرن     خـاف الـنـوگ يـاعـمـه يعثرن
أحــــذرن أحــــذرن     وحده اطيح بـالـهيمه أحذرن

                              *---------------*---------------*

                  بـــاچــر عـالــهــزل نـركـب
                  ويـصيـر الــوضــع أصـعـب
                  أصـبـرن والـصـبــر مـريـود
                  كــافــلــچ تــــره مـخـضـب

أذكـــــرن أذكـــــرن     وصيتي هــاي لاتنسن أذكرن

                              *---------------*---------------*

                  اطـفــال وحـــــرم نــطـلـع
                  وشـتّايـم بـالسـبـي نـسمـع
                  يـعـمـه اهـواي أوصـيـچـن
                  مـاعـدنــه ولـــي ويــفــزع

تـكـسـرن  تـكـسـرن     صعبه خاطري وكلبي تكسرن

                              *---------------*---------------*

                  طـــبـــع الـهــزلـه تـتـعـثــر
                  وبــعـيـــد الـطــريـج وبـــر
                  چـلـبـن يـا بـــعــد روحـــي
                   بــلـدان أشــكــثـر نــفــتــر

يـنـظـرن يــنــظـرن     عيون الناس لوطحتن ينظرن

                              *---------------*---------------*

                  مـــاظـلـت وسـيـلـه وحـل
                  الـحـامـــي أبـدمـه مـغسّـل
                  التطيح اشـلــون اصعدهـه
                  وحبل بـچـفوفي مــاينحـل

تـصــيـرن تـصـيـرن     اسيرات الـزلــم باچر تصيرن

                              *---------------*---------------*

                  تسـمـعـن جدنـه يـتـشـتـم
                  ويــزيــد الـــحــزن والـهـم
                  يـمـشـونه بـضـرب وسياط
                  وحـتى الـطـفلـه مـاتـسـلم

يـوجــرن يــوجـرن     ادري اسياطهم عـمـه يوجرن

                              *---------------*---------------*

                  بـاچــر ويــلــي يـا ويـلــي
                  نـهـاري أيـشـابــه لـ لـيـلـي
                  شــسـوي وآنـه مـچـتـوفـه
                  ومـدامـعچـن تـهـد حـيلـي

تــــمـــرّن تـــمــــرّن     يـم اجسـاد أهــالـيـنـه تـمـرن

                              *---------------*---------------*

✍خادم السيده زينب (ع)
    الشاعر رعد الجريخي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_المشايه_والاربعين

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁






صُبّي الدمِع يا عين .. للغاضريه
رد الضعن يحسيــن .. للغاضريه
رجعت حرم وايتــام ... من بعد ضيـــــم الشام
للغاضريه ... للغاضريه
1
رجعت عزيزة روحك اويه الآلآم
تحديها دمعات الحزن و الحسره
شافت عذاب و ضيم مِنِّ الظـُـلام
زينب حبيبة حيـدرة و الزهـــــره
شافت فجايع بالدرب درب الشام
و أعظمها راسك علرمح و تنظره
شلون اقبَـلِت يا حيـــــــد .. زينب سبيه
راحت العِنـــــــــــــدِ ايزيد .. زينب سبيه
و الجفن لا ما نـــام ... من بعد ضيم الشام
للغاضريه ... للغاضريه
2
زينب إجتلك يا شهيد وعبــــرات
خنگتها و هموم اليُســـــر ملتمه
شاهد يخوها و استمـع للآهــــات
عن گبرك اتدوِّر تِـريــــــد اتشمه
وصلت العنـده و الدمع بالوجنات
و تصيح فدوه للفدانـــــــه ابدمه
و ابهجير الأوجــــــــاع .. عفـــرت خدها
شالت اتراب الگـــــــاع .. عفـــرت خدها
وتشتكيــــــلك آلآم ... من بعد ضيم الشام
للغاضريه ... للغاضريه
3
ناحت و لطمت خدها وَيّه النِسوان
كل وحده منهن عدها ذِكره و ذكره
رمله اعله جاسم تنتحــب يا شبان
ذكرت زفافه وحنِته ابدم نحــــــره
وليلى اعله لكبر دوهِنتها الاشجان
چم طبره جسمك شحتِمَل چم طبره
وين ابو فاضِـــــل ويـــــــن .. زينب اتنادي
مني خـــــــــذاك البيـــــــــن .. زينب اتنادي
يا كفيلي الضرغــام ... من بعــد ضيم الشام
للغاضريه ... للغاضريه
4
ما بين دمعات الحَـرم لـــــن آهـات
حتى الصخر ينفـــت لوَن يسمعهن
و التفتن وشافن حليـــف الحسرات
شافن علي السجّـــاد گــــرّب يمهن
يبچي او يگل الجابر اعله الطعنات
يا عم يجابر شرد اسولـف عنهـــن
لو چنت حاضــــر چـــــان .. شفت العجايب
عالجره اعله العطشــــــان .. شفت العجايب
من دعاة الإســـــلام ... من بعد ضيــم الشام
للغاضريه ... للغاضريه
5
يا عم يجابر شرد اگولن عالصار
وآنه العليل الشاهِدت موت احمر
تدري العساكر حاوطونه الاشرار
من كل كتر وبعيني شفت المنظر
شفت اخوتي يا جابر ازغار اكبار
مابين مذبوح وسليب امــــــــوذر
والذي ما انســــــــــــاه ... سبيِ الحراير
للأبـــــــــــــــــد لا والله ... سبيِ الحراير
خلتِكِتـْبه الأقــــلام ... من بعد ضيم الشام
للغاضريه ... للغاضريه


زكي الياسري النجفي
✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مشاية_الاربعين_١٤٤٤_هـ
#مـۄسسـﮫ_مــﻥــبـريۄن_للالـﺢــان

#الناشر_احمد_الـــزوار_c


كل سنة هذا عهدنة 🏴
🥀نجي نزوك ياسندنة
ـــــــــــــــــــــــــــــــــــــــــــــ
رغم النواصب **نبني المواكب
ونتعنه كبرك سيدي للغاضريه
.............................

كصد حشد متعينه الزلم
بحر نحر كطعتها ونعم
فخر بشر يانعم الاسم

لحسين الاف اعتنت واعلى الجدم مشايه
ذاك الي ناصب موكبه وذاك الي شايل رايه
للموت تبقى شعيتك مولاي الك وفايه

يحسين اشهد ما ذلينه


لعزنا وفخرنا ***نجدد عدهنا
ونتعنه كبرك سيدي للغاضريه
.............................

زلم حرم تحبيلك حبي
اكصدت مشت ياخلفة نبي
طلع دمع للراحت سبي

اعالراس تطلم شيعتك واعلى الجدم ممشاها
الاف رفعت رايتك مو واحد الشالاها
بظلع امك ادينه القسم للگبه نتعناها

قررنا حسين اله انزوره

نكحلها عينك ****يوم اربعينك
ونتعنه كبرك سيدي للغاضريه
.............................
عشگ صدگ سودنها البشر
كهل طفل يگصد للنحر
علم فهم يشرحلك صفر


شياب واطفال افزعت متحزمه الزوارك
ياحسين بصبي النظر انبيته خطارك
حتى الجنين البالرحم يتحلفلها ابثارك

وسط اگماطه ويريد ايهد

وينه اليعادي ***وحده الايادي
ونتعنه كبرك سيدي للغاضريه
.............................

الطلع منع شوماله نفس
انحجب عجب يمكنه اندهس
الخدم سلم والباقي انطمس

خسران دنيه اوخره الما معتنيه او زاره
الخدمة والگاصد مشي اليتركها والله اخساره
البنار باچر لو وگع بالخدمه تبرد ناره

كلمن زاره سلطان اصبح

براسه العلامه ***تاج الخدامه
ونتعنه كبرك سيدي للغاضريه
.............................

الصدر شمر ياهوه الربح
انهشم نعم بالسيف انذبح
لچن وهن شالاه الرمح

امتيهين كل ضنهم وهم وحسين هوه الرابح
فوگ الرمح يقره الكهف مولنه واحد طالح
شوف المناير والگبب بالغيم هل تتناطح

حتى اترابه يتقدس ضل

يرخص عمرنه ***للغالي صحنه
ونتعنه كبرك سيدي للغاضريه
.............................

ابو اسد البزوني


ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA