#قصائد_استشهاد_الامام_الباقر_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جعفر الصادق 🕊

ـــــــــــــــــــــــــــــــــــــــــــــــــــــــ


في وفاة الإمام الباقر (ع)

آهات آهات .. خلّصِت دِنيِتي
آهات آهات .. عالسبي او عمِّتي

& & & & &

والله يا شيعه ابمدامع خلّصِت عمري
او حتى بعد الموت يلهب ظل جَمُرقَهْرِي
ما نسيت ابكربله المات او صِرَخ صدري
او على مظلوميتي شاهد ظل هَدِم كبري

دمعات دمعات .. اتسولِف ابقِصِّتي
آهات آهات .. خلّصِت دِنيِتي

& & & & &

آنه كل عمري أنوح او ألطُم او أنحَب
كلبي من كثر الجروح الشالْها اتعذّب
و اللي يسألني اعله روحك يا جَرِح أصعب ؟!
آنه اَكِلّه ابلا تردُد طَكـ متِن زينب

لوعات لوعات .. عمْتي كِل محنتي
آهات آهات .. خلّصِت دِنيِتي

& & & & &

آنه لـ آخر يوم عِشْته او روحي مختنكه
أذكر اللي اعله الهِزِل صعدت بلف شهكه
ما تغادر عيني والله امتونْها الزركه
و الخِيَم لمَّن غدت بالنار محتركه

جمرات جمرات .. زينب ابمهجتي
آهات آهات .. خلّصِت دِنيِتي

& & & & &

صِرِت أركُض ويه ليتام ابظهر عاشر
أتِّجِه لاوين حاير و الكلب شاجر ؟!
ابعيني شفْت ايتام ماتت من وره الحافر
و السِّلَم منِّ الحَوافر موته ظل ناطر

حسرات حسرات .. سِرْكَت الـ بسمتي
آهات آهات .. خلّصِت دِنيِتي

& & & & &

جدي شفته ابكربله و بآخر اَنفاسه
صلّت اعليْه البَواتر و الحَجَر باسه
شاهَدِت بعيوني صدره امن الشمر داسه
او بَعَد ما حَزِّ النحر خله ابرُمُح راسه

من مات من مات .. حلّت امصيبِتي
آهات آهات .. خلّصِت دِنيِتي

& & & & &

ابَّالي صورةْ جف كِطِيعه او شيبه مدميه
او ظلت ابعيناي صورةْ طفله مسبيه
جفها ترفه و الحبل ما عنده حِنِّيه
او على رِقّتْها العدو جَرِّ الها ترْجِيه

صرخات صرخات .. تعتِلي ابدمعتي
آهات آهات .. خلّصِت دِنيِتي

& & & & &

خادم الباقر (ع) : إبراهيم الدريس

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+tVfRCNCfpmJlMGRi
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_استشهاد_الامام_الباقر_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جعفر الصادق 🕊

ـــــــــــــــــــــــــــــــــــــــــــــــــــــــ
استشهاد الامام محمد الباقر عليه السلام (ميمر)

الباقر يشاهد كربله وماضيها
من البال ابد ماينمحي طاريها
دنياه من دنياها للموت ماينساها
من البال ابد ماينمحي طاريها
★★★★★
چف القدر كاس الفرح چافلها
ماوفّه للناس الگبل چافلها
رب السمه بذاك الوكت چافلها
مكتوب بالطف هذا يحصل بيها

الباقر يشاهد كربلا وغربتها
والعين ابد مافارگت دمعتها
الباقر حمل بلواها للموت ماينساها
من البال ابد ماينمحي طاريها

★★★★★
الدنيا الغدرفوگ الوجه شاملها
عتره انولت ليل السبي شاملها
زينب مشت درب الحزن شاملها
والباقر بعينه الهظم صد ليها

الباقر يشاهد زينب ولوعتها
اتلم الحرم ماتنوصف حيرتها
گباله الشمر سبّاها للموت ماينساها
من البال ابد ماينمحي طاريها
★★★★★
الباقر جروحه بالدمع لايمها
من لام دنياه ماتود لايمها
لاعدها زينب من اخو لايمها
بس العليل بدمعته يباريها

الصور كلها من تمر اگباله
چم شده مرت ماتفارگ باله
هاي الشدد شافاها للموت ماينساها
من البال ابد ماينمحي طاريها
★★★★★
بأمة ثمود اصبح مثل صالحها
الباقر بعلمه اهل الجهل صالحها
الناس الي ماتعرف ابد صالحها
اتهدم الديانه وبالعلم يبنيها

تحمل نوايب ماتمر ابواحد
مذبوح جده اگبال عينه يشاهد
الصوره عاش وياها للموت ماينساها
من البال ابد ماينمحي طاريها
★★★★★
مثل النبي بالناس ياما داره
صارت محط اهل المعارف داره
العلم كون وگام بالچـف داره
من عزم زينب كل شدد ماحيها

من نهر صبر ام الحزن يتروه
بقوة عزمها على الحزن يتگوه
بزينب يظل يتباها للموت ماينساها
من البال ابد ماينمحي طاريها

الشاعر حسن لعيبي الحريشاوي



▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+tVfRCNCfpmJlMGRi
▪️كروب الالحان رقم 2
https://tttttt.me/+eAjWA-W1XTk5MmYy

بصوت. مسلم المطيري

الباقر يشاهد كربلا وماضيها

كلمات الشاعر
حسن لعيبي الحريشاوي

#قصائد_استشهاد_الامام_الباقر_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جعفر الصادق 🕊

ـــــــــــــــــــــــــــــــــــــــــــــــــــــــ


يدور اهلي الصفت منهم خليه
خلصوا عيلتي بالغاضريه
@@@
انا الباقر وحالي بلهموم
وصارت عيشتي يحسين مظلوم
گلبي بكربله ياناس ملچوم
حتى بيوم غمضتني المنيه
@@@
مظلوم واون عالرح مظلوم
وحزاني صفت عالصدره مهشوم
صح چبدي انخذم من زود لسموم
لاچنها فده لبن الزچيه
@@@
هالروح اطلعت بالنوح والوال
ماباقي بعد من اهلي لرجال
كلهم عفرتهم بين لهوال
طف الغاضري بعظم رزيه
@@@
في طيبه خلت كل المنازل
بس باقي ذكر بدموعي سايل
عن الجامعه وحز السلاسل
لمن للدعي العيله سبيه
@@@
غمضت النظر من آخر انفاس
وانا بحسرتي مذبوح لحساس
انعى بوعلي والغالي عباس
وألطم عالوذر بثنين اديه
@@@
من ولد الدعي عانينه لشجان
وسلطان انتهى وياخذها سلطان
وعالمر حالتي من آل مروان
وخاتمت العمر سم واذيه
@@@
علي احمد الحمود
٤-٧-٢٠٢٢
شهادة الباقر ع

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+tVfRCNCfpmJlMGRi
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴 لهف نفسي لغريباً
. به الدهر خان 🏴
ــــــــــــــــــــــــــــــــــــــــــــــــــــــــ

الكوفه اصبحت اهل الفيل
متاني الأمر عزرائــــيــــــل
بس مسلم يصيح بصـــوت
يمطر عليهم سجيـــــــــــــل
،،،،،،
من سرفن اردانــه
ضل يغلي بـركانــه
يستنگي ضل بيهم
ومدنكه عدوانــــه

بي من علي ملوحه
ابسلهم ايلوحـــــــه
وبصارمه يرســــــل
الوادي صقر روحـه

مسلم شبيه العبـــــــاس
غيره وشجاعه ونوماس
وعمامته حب حسيــــــن
تاج ولبسها اعله الـــراس

راواهم بسيفه الويـــــــــل
الكوفه اصبحت اهل الفيل
،،،،،،،
گلهم علي عمـــــي
يموت اليصل يمي
اله اشلع عيونـــــه
الرايد سفك دمـــي

انسابي معروفـــــه
خل تسمع الكوفـــه
موقف اريد اتــــرك
حته العمه يشوفــه

راح اني أترك عنـــوان
يقراه يضل كل انسان
انه ابقه ونتو تموتـون
هيجي بصريح القـرأن

يذكرني يبقه كل جيــــــل
الكوفه اصبحت اهل الفيل
،،،،،،،
حسين اشتره انفاسي
وتملك احساســــــــــي
وانه شلت حـــــــــــبه
ياوادم براســــــــــــــي

انتم ندبتولــــــــــــــــه
أقدم كتبتــــــــــــــــوله
من تنگضي الدنيــــــــه
كل چلمه مسؤلــــــــــــــه

عن سيفي وين تـــــــفرون
موهينه بينه تغـــــــــــدرون
القاضي سيفي اعله الروس
صَدر أحكام تموتـــــــــــــون

ما يسلم البينه ايعيـــــــــل
الكوفه اصبحت مثل الفيل
،،،،،،،
راح احكم بـصارم
متحمس وعــــازم
كتبوا وصـــــاياكم
يا ارذل الـــــــوادم

اسحگ جحافلكــم
ولوحدي انازلكـــــم
مومستواي انتـــــم
مجبور اقاتلـــــــكم

انه العشت بين ابطـــال
اكسر خشم كلمن عـــال
مسلم وبن عم حسيــــن
موجرمقان وبقـــــــــــال

من صولته كلها تميــــــــل
الكوفه اصبحت مثل الفيل
،،،،،،،
يدري بمگيدتهـــم
وعليها شردهـــــم
نص المعسكر طاح
منه بحفيرتهـــــــم

محد گرب صوبـــه
وما حركو ثوبــــــه
باسو رجل مهـــــره
يامسلم اتوبــــــــــــه

تهلهله طوعه تحيــه
بعمه علي من تناديه
يترك السيف بيمنــــا
يلزم الفارس يرميـــه

الروس اوصلت نجم سهيل
الكوفه اصبحت مثل الفيـل
،،،،،،

لخادم الحسين ع
محمد الفهـــداوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_لستشهاد_مسلم_ابن_عقيل_ع_١٤٤٤_هـ
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c


🏴مـسـلمـ گآل لجل حسـين
آقدمـ روحي آول ضـحية 🏴ـــــــــــــــــــــــــــــــــــــــــــــ.

((بويه مسلم))



مـــن شبــت النار بخيمنه
أحنه ركضنه
مــچويه الچفوف التلمنه
بهيمه بعدنه
والرمح بويه براس عمنه
ياهو اليردنه

بويه مـسلــم هـذا عاشر
هـــذا بـي نـار وبــواتـــر
الطايح اتسحگه الحوافر
ماكو رحمه ولا خــواطر


بويه بويه بويه ..
بويه حــافر يسـحگ
وأحنه نركض نشهگ

بويه بويه بويه ..
نركـض ونــتـعثـر
وأنته بويه أتصور

بويه مسلم بويه ...

"""""""""""""""""""""""""""''''''''''''"""""

وجيوش هداده عليهن
وشلون بيهن
مذبوح يــاويلي وليهن
عالي بچيهن
بزينب يلوذن وبعبيهن
ياسوط اديهن

ويه زينب من ركضنه
بـويه عــالتله صعدنه
صاحت ولحگ علينه
ضعنه بويه من نزلنه

بويه بويه بويه ..
كــربـــله دَخانه
زلم ماكو ويانه

بويه بويه بويه ..
طحنه وتــأذينه
أحنه وشسوينه

بويه مسلم بويه ...

"""""""""""""""""""""""""""''''''''''''"""""

أنسلبت عّمايم والخواچي
وحتى التراچي
يـاهـوّ الـنـگـلـه ونـحـاچيّ
بس البــواچـي
بمتونه انكسرت عـواچي
بويه وبواچي

لا گـمـر ضـل ويـضويّ
بويه يالتدري شنسوي
بس عليل وگوه يمشي
والعطـش مـحـد يرَوي

بويه بويه بويه ..
أرماد المـخيَم عـمانه
ياهوّ اليّسكت ضمانه

بويه بويه بويه ..
كربله يــابــويــه بــلوه
غِيره ماكو ماكو نخوه

بويه مسلم بويه ...

"""""""""""""""""""""""""""''''''''''''"""""

صار العصر واحدنا عطشان
والــدنيا دخان
وعفنه أبن عمك بويه عريان
وللخيل ميدان
خيرين ماكو ومــاكو عربان
يابويه عدوان

والـعــطـش يَبَس دمعنه
دنــيا ليــل وبـويـه تـهنه
ماكو صوت وكلها سكته
ومحد ينــادي بــ أسمنه

بويه بويه بويه ..
خايفين أتـشابگينه
وين عمتنه الحنينه

بويه بويه بويه ..
ماكو عمتنه الچبيره
بالحبل صارت أسيره

بويه مسلم بويه ...



عبد زينب
محمد الابراهيمي

ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

بصوت. مسلم المطيري

بويه مسلم بويه

الشاعر محمد الابراهيمي

#قصائد_شهر_محرم_الحرام_١٤٤٤_هـ
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

🏴عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين🥀
😭 مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ💔
ـــــــــــــــــــــــــــــــــــــــــــــ

#_ليلة_مسلم_بن_عقيل(عليه السلام)
#_أعظم_الله_لنا_ولكم_الأجر
#_نزله
:::::::::::::::::::::::::::::::::::::::::::::::::::::::::::::::::

مسلم دخل والكوفه صال اعليها
والـقـاده حـارت ياهـو هذا البيها

:::::::::::::::::::::::::::::::::::::::::::::::::::::::::::::::::::

وصّـل رسـالـه مـن حـبـيـبه الغالي
غير الحُسين اولا شخص يحلالي
افديله روحي اوبالنـفـس مـابـالي
بـس الـغـدر شـيمـتهـم او للـتـالي

روجه اعله روجه الكوفه ومخليها
والـقـاده حـارت ياهـو هـذا البـيها

:::::::::::::::::::::::::::::::::::::::::::::::::::::::::::::::::::

زلـزل قـصرهم مسلـم وما هـمّـه
شمـرة مـحـمد ماخذ او من عمّه
محـد وصلّـه ياهـو يـوصـل يـمّه
كـلـمـن تـقـدم مـا تـعـيـنه جـدمه

صاح آنه مسلم كوفتي اواليها
والقاده حارت ياهو هذا البيها

:::::::::::::::::::::::::::::::::::::::::::::::::::::::::::::::::::

كـلـمـن يـشـوفـه مـا كـدر يتـقـدم
يـرجـع ذلـيـل ابجـيّــتـه يـتــنـدم
اليمشي خطوه بخطوته ما يسلم
خيل اوزلمهـم صاح ويـن وحشّم

جـيبـولي عسكر كـال إلا افنيها
والقاده حارت ياهـو هذا البيها

:::::::::::::::::::::::::::::::::::::::::::::::::::::::::::::::::::

موقف مثيله مـا حصل بالكوفه
قـائد واميـر وتالي كـلها اتعوفه
هيـبة علـينه مـن يـهـد انـشوفه
وين اليخزره بكـلبه تبقـه خوفه

خزره وتموّوت خزرته اموصيها
والقـادة حـارت ياهو هذا البيها

:::::::::::::::::::::::::::::::::::::::::::::::::::::::::::::::::::

هـيـبة عـقيـل وهـاشـمـيه اعلـومـه
قبل الطفوف الكوفه صارت حومه
يـشبـه علـينـه واضـحات ارسـومه
سيفـه ابيـمينه ومستعد مـن يومه

عـيده الحرايـب لـو سمـع طاريها
والقـادة حـارت ياهـو هـذا البيها

:::::::::::::::::::::::::::::::::::::::::::::::::::::::::::::::::::
ونسألكم الدعاء
لخادم أهل البيت(ع):علي فائز الخفاجي
#_محرم_الحرام
#_1444
ياحسين
احنه غير حسين ماع

ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


 
عليله     واناشـد عن خواتي
عليله     وامـوت ابذڪرياتي
عليله     يــرب يگـرب مماتي

لو جره اعليه نهر ما يطفي ناري
موتي ارحملي يرب من انتظاري
من بعدهم اصبحت مقبرتي داري
والليالي صارت اتطوف ابمزاري
يربي     حرت والحيره حيره
يربي     تظل محـــــنه چبيره
يربي     اخـــذ منــــي حياتي

بويه اســـــــمك والله مشتاگه الفضه
ابدگت الباب آنه اموتن لحضه لحضه
والگلـــــب عايش احسه ابلايه نبضه
تترك ابنيتك وحـــــيده اشلون ترضه
عجيبه     رحل ابن الزچيه
عجيبه     وفلا يسـأل عليه
عجيبه     فگدت امخدراتي

اشما ادير العـــين يابـــويه اشوفك
وتمسح الدمعات حسيت ابچفوفك
يلي لو ترجع اظل عمـري اطوفك
واترك انفاسي وحــياتي ومااعوفك
يبويه     وحگ طيحت شبابك
يبويه     صعــــب والله غيابك
يبويه     تـــــلاشــــن امنياتي

ارجع ارجــــع ياهـوه حته اشمك
روحي افــــرشها وساده بويه يمك
ابگلبي يابوسكينه لوشــفتك اضمك
لا تخليني وحـــــــيده ابداعت امك
يدهري     الحزن طاح اعله بابي
يدهري     نهش گـــــلبي مصابي
يدهري     امــــوتن ڪـل رجاتي

ماتت ابنيتك تــره مـن ودعتها
وباليتم حـس الگلب يالفارگتها
بين غربتها ومرضها ضيعتها
للمناية سلمتها من عفتها
تردلي     وتــــــرد ليّه حناني
تردلي     اعيش ابهــــالاماني
تردلي     اضل ادعي ابصلاتي

 
بويه ڪـــــل غايب يرد لمن يسافر
وآنه اگول اليـوم ترجع مدري باچر
ليش عــــن ابنيتك اتـــروح وتهاجر
آنه كل عمري اظل مكسوره خاطر
يغالي     لفــت روحي المنايه
يغالي     وحـــگ يوم السبايه
يغالي     ابرجوع اهلي نجاتي
^^^^^ـــــــــــــــــــــــــــــــــــــــــــــــــــــ^^^^^
وليد المندلاوي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

بصوت. مسلم المطيري

عليله. واناشد عن خواتي

كلمات الشاعر. وليد المندلاوي