ግሩን ጥፍር ማስተካከል፣ ከገላው ላይ የተወሰነ ቆዳንም ቢሆን ቆርጦ ማንሳት አይፈቀድለትም፡፡ ይህ ብይን የሚመለከተው የዒዱን እርድ በራሱ ወጪ ለማረድ የነየተውን ግለሰብ ብቻ ነው፡፡ ቤተሰቦቹን ብይኑ አይመለከታቸውም፡፡

ሰውየው በቀጥታ እራሱም አራጅ ሆነ፡ ወይም በወኪል ቢያሳርድ ኃላፊው እሱ እስከሆነ ድረስ ብይኑ ይመለከተዋል፡፡ ወኪል ሆኖ የሚያርደውን ሰው ግን ብይኑ አይመለከተውም፡፡

ኡሙ ሰለማህ (ረዲየላሁ ዐንሃ) እንደነገረችን የአላህ መልክተኛ (ሶለላሁ ዐለይሂ ወሰለም) እንዲህ አሉ፡- "የዙል-ሒጃህን ጨረቃ ካያችሁና አንዳችሁም ኡድሑያን (እርድን) ከነየተ፡ ጸጉሩንና ጥፍሩን (ከመቀነስ) ይቆጠብ" (ሙስሊም 1977)፡፡

በሌላ ዘገባ ላይ ደግሞ ‹‹ከጸጉሩና ከሰውነቱ (ቆዳው) ይቆጠብ›› ይላል።

ሌላው ሊታወቅ የሚገባው ነገር፡ እርዱን የነየተ ሰው፡ በዙል-ሒጃህ የመጀመሪያዎቹ ዘጠኝ ቀናት ውስጥ ጸጉሩን ወይም ጥፍሩን ቢቀንስ፡ ከፋራው ‹ካሳው› ተውበትና ኢስቲግፋር ብቻ ነው በማለት ዑለሞች ፈትዋ ሰጥተዋል (ኢብኑ ቁዳማህ፡ አል-ሙግኒይ 9/346)፡፡
አላህ ተጠቃሚ ያድርገን።

Click and Like ➤➤ https://www.facebook.com/Ustaz.Abuhyder
Join us ➤➤ http://tttttt.me/abuhyder

💐💐እንኳን ለ1440ኛው የዒድ አል አደሓ በዐል በሰላም አደረሳችሁ !💐💐


❤️عــــــــيد مـــــــــباركـــــــــ تقبل الله منا ومنكم صالح الأعمال❤️

"የአላህ መለኮታዊ መልካምና ውብ ስሞች" ክፍል 7
☞በኡስታዝ አቡ ሀይደር

Mp3 ዳውሎድ ለማድረግ
➤ https://bit.ly/2KFe4xE

Join us➤ t.me/abuhyder

👉 የአብ ሀይደር መልእክት
ነው አዳምጡት ።

መዳን እንፈልጋለን?
በአቡ ሀይደር
በአላህ ሥም እጅግ በጣም ሩኅሩህ በጣም አዛኝ በሆነው
ምስጋና የዓለማት ጌታ ለሆነው ለአላህ የተገባ ነው፡፡ የአላህ ውዳሴና ሰላም፡ የሰላም አለቃና መምህር ለሆኑት ለነቢዩ ሙሐመድ ይሁን፡፡ ድልና የበላይነት ሐቅን ለማንገስና ሀሰትን ለማርከስ፡ በደልን አጥፎቶ ፍትህን ለማስፈን ዕውቀታቸውን፣ ንብረታቸውን፣ ጉልበታቸውን፣ ጊዜያቸውንና ህይወታቸውን መስዋእት በማድረግ ለሚታገሉት ይሁን፡፡
በአንድ ወቅት ነቢዩ ሙሐመድ (ሶለላሁ ዐለይሂ ወሰለም) ዚል-መጃዝ በተሰኘው የገበያ ማዕከል እለፉ፡- ‹እናንተ ሰዎች ሆይ! ላ ኢላሀ ኢለሏህ በሉ! ትድናላችሁና በማለት ተናገሩ፡፡ የከሀዲያን ቁንጮ የነበረው አቡ ጀህልም በሳቸው ላይ አፈርን እየበተነባቸው፡- እናንተ ሰዎች ሆይ! ይህ ሰው ከሃይማኖታችሁ እንዳያስታችሁ፡፡ እሱ የሚፈልገው አማልክቶቻችሁን እንድትተዉ ነው፡፡ ላትናና ዑዝዛን ከማምለክ እንድትቆጠቡ ነውና የሚፈልገው አትስሙት አላቸው፡፡ የአላህ መልክተኛም (ሶለላሁ ዐለይሂ ወሰለም) ወደሱ ፊታቸውን ሳያዞሩ ዳዕዋቸውን ቀጠሉ፡፡ (ሙስነድ ኢማሙ አሕመድ 16119)፡፡
‹‹ላ ኢላሀ ኢለሏህ›› እንበል!
ብቸኛው የመዳኛ መስመር ነው፡፡ ከዚህ እምነት ውጪ የሆነ በጠቅላላ ዘላለማዊ ክስረት እንጂ ሌላ አይጠብቀውም፡፡ ‹ላ ኢላሀ ኢለሏህ› ማለት፡- ከአንድ አላህ በስተቀር በእውነት የሚመለክ አምላክ የለም ማለት ነው፡፡ አዎ! ሁላችንም የአንዱ አምላክ አላህ ፍጡሮች ነን፡፡ ሁለት አምላክ የለንም፡፡ የምናመልካቸው አማልክት መብዛታቸው አምላክን ከአንድነቱ አይቀይረውም፡፡
አንዱንና እውነተኛውን አምላክ አላህን ማምለክ የነቢያት በጠቅላላ (ሰላም በሁሉም ላይ ይሁን) ሃይማኖታዊ ስብከት ነው፡፡
"ከአንተ በፊትም፣ እነሆ ከኔ ሌላ አምላክ የለምና ተገዙኝ፣ በማለት ወደርሱ የምናወርድለት ቢሆን እንጅ ከመልክተኛ አንድንም አልላክንም።" (ሱረቱል አንቢያእ 25)፡፡
"በየሕዝቡም ሁሉ አውስጥ አላህን ተገዙ፤ ጣዖትንም ራቁ፤ በማለት መልክተኛን በእርግጥ ልከናል…" (ሱረቱ-ነሕል 36)፡፡
"ከባሮቹ በሚሻው ሰው ላይ መላእክትን ከራእይ ጋር በፈቃዱ ያወርዳል፤ (ከሐዲዎችን በቅጣት) አስጠንቅቁ፤ እነሆ ከኔ በቀር ሌላ አምላክ የለም ፍሩኝም ማለትን (አሳታውቁ በማለት ያወርዳል)።" (ሱረቱ-ነሕል 2)፡፡
ይህንን አስተምህሮ የሚቃወም ሰው እሱም ‹የዘመናችን አቡ-ጀህል› ይባላል፡፡ መላእክትን፣ ነቢያትን፣ ጻድቃንን፣ ሰማእታትን፣ ሙታንን፣ ግኡዛን ነገራትን በማምለክ በፍጹም ጀነት አይገኝም!!፡፡
የአላህ ነቢይም (ሶለሏሁ ዐለይሂ ወሰለም) ፡- ‹‹እነሆ ጀነትን ሙስሊም የሆነች ነፍስ እንጂ ሌላው አይገባትም›› አሉ፡፤ (ቡኻሪና ሙስሊም)፡፡
"እላንተ ያመናችሁ ሆይ! አላህን ተገቢዉን መጠንቀቅ ተጠንቀቁት፤ እናንተም ሙስሊሞች ሆናችሁ እንጅ አትሙቱ።" (ሱረቱ አሊ-ዒምራን 102)፡፡
"በርሷም (በሕግጋቲቱ) ኢብራሂም ልጆቹን አዘዘ፡፡ ያዕቁብም (እንደዚሁ ልጆቹን አዘዘ)፡፡ «ልጆቼ ሆይ! አላህ ለናንተ ሃይማኖትን መረጠ፤ ስለዚህ እናንተ ሙስሊሞች ኾናችሁ እንጂ አትሙቱ» (አላቸው)፡፡" (ሱረቱል በቀራህ 132)፡፡
"ጌታዬ ሆይ! ከንግስና በእርግጥ ሰጠኸኝ፤ ከሕልሞችም ፍች አስተማርከኝ፤ የሰማያትና የምድር ፈጣሪ ሆይ! አንተ በቅርቢቱና በመጨረሻይቱ ዓለም ረዳቴ ነህ፤ ሙስሊም ሆኜ ግደለኝ፤ በመልካሞቹም አስጠጋኝ፤ (አለ)።" (ሱረቱ ዩሱፍ 101)፡፡
"የጌታችንም ታምራቶች በመጡልን ጊዜ ከማመናችን በቀር ከኛ አትጠላም፤ ጌታችን ሆይ! በኛ ላይ ትግእስትን አፍስስ፤ ሙስሊሞች ሆነን ግደለን።" (ሱረቱል አዕራፍ 126)፡፡
የተውበት በሩ ከመዘጋቱ በፊት ሁላችንም ወደ አላህ መንገድ እንመለስ፡፡
Join us➤ t.me/abuhyder
Click and Like ➤➤ https://www.facebook.com/Ustaz.Abuhyder

"የአላህ መለኮታዊ መልካምና ውብ ስሞች" ክፍል 9
☞በኡስታዝ አቡ ሀይደር

Mp3 ዳውሎድ ለማድረግ
➤ https://bit.ly/2ZoNAZq

Join us➤ t.me/abuhyder

ዐሹራእ ደረሰ
አሰላሙ ዐለይኩም ወራህመቱላሂ ወበረካቱሁ
ዐሹራእ ምንድነው?
ዐሹራእ ማለት (የሙሐረም ወር) አስረኛው ቀን ማለት ነው፡፡ አሁን ያለንበት ወር ሙሐረም አንደኛው ወር ተብሎ ይጠራል፡፡
ይህ ወር ክብር ያለው ወር ነው
አቢ ሁረይራህ(ረዲየላሁ ዐንሁ) ከነቢያችን(ዐለይሂ ሶላቱ-ወስ-ሰላም) እንዳስተላለፈልን የአላህ መልክተኛ እንዲህ ብለዋል፡- "ከረመዷን ቀጥሎ ከጾሞች ሁሉ በላጩ የአላህ ወር የሆነው ሙሐረም ነው" (ሙስሊም 2812)፡፡
ከሙሐረም ወር ውስጥ ደግሞ አስረኛው የዐሹራእ ቀን በላጭ ቀን ነው፡፡
ለምን ይጾማል?
ዐብደላህ ኢብኑ-ዐባስ(ረዲየላሁ ዐንሁማ) እንዲህ አሉ፡- "የአላህ መልክተኛ ወደ መዲና ሲገቡ አይሁዶችን በዐሹራእ ቀን ሲጾሙ አገኟቸው፡፡ ይህን ቀን የምትጾሙት ለምንድነው? ብለው ሲጠይቋቸው፡ እነሱም፡- ይህ ታላቅ ቀን ነው! አላህ ሙሳንና ተከታዮቹን ከፊርዐውንና ሰራዊቱ በማዳን እነሱን በባሕር ያሰጠመበት ቀን ስለሆነ ሙሳም ለአላህ ምስጋናን ለማድረስ ጾሞታል እኛም እንጾመዋለን ብለው መለሱ፡፡ የአላህ መልክተኛውም፡- ለሙሳ (ወዳጅነት) ከናንተ ይልቅ እኛ የቀረብንና የተገባን ሰዎች ነን እኮ በማለት እሳቸውም ጾሙት ሶሓባዎቻቸውንም እንዲጾሙ አዘዙ" (ሙስሊም 2714)፡፡ ከዛ በፊት ግን በመካ የአላህ መልክተኛ ዐሹራእን ይጾሙ ነበር ነገር ግን ማንንም አላዘዙም፡፡
ጥቅሙስ ምንድነው?
አቢ ቀታዳህ(ረዲየላሁ ዐንሁ) እንደተናገረው የአላህ መልክተኛ እንዲህ አሉ፡- "የዐረፋ ቀን ጾም አላህ ዘንድ ያለፈውንና የሚመጣውን (የሁለት) ዓመት (ትናንሽ) ኃጢአቶችን ያስምራል፣ የዐሹራእ ቀን ጾም ደግሞ ያለፈውን አንድ ዓመት (ትናንሽ) ኃጢአት ያስምራል" (ሙስሊም 1976)፡፡
ዐብደላህ ኢብኑ ዐባስ(ረዲየላሁ ዐንሁማ) እንዲህ አለ፡- የአላህ መልክተኛ(ሰለላሁ ዐለይሂ ወሰለም) የዐሹራእን ቀን የጾሙና ሶሓቦቻቸውን ያዘዙ ጊዜ፡- "የአላህ መልክተኛ ሆይ! ይህን ቀን እኮ አይሁዶችና ክርስቲያኖች ያከብሩታል ሲሏቸው፡ እሳቸውም፡- በቀጣዩ ዓመት አላህ ካደረሰን ዘጠነኛውን ቀን እንጾማለን አሉ፡፡" (ሙስሊም 2722)፡፡
በሌላ ዘገባ ላይ ደግሞ "ከ(ዐሹራእ) ቀን ከፊቱ ወይም ከኋላው አንድን ቀን ጹሙ" ብለዋል (አሕመድ የዘገቡት)፡፡
ያ ዓመት ሳይደርስ የአላህ መልክተኛ ከዚህ ዓለም ተለዩ፡፡ የኢስላም ሊቃውንትም ከዚህ ሐዲሥ በመነሳት የሁዳዎችን ላለመመሳሰል ዘጠነኛውንም ቀን ጨምሮ መጾም ነቢያዊ ሱንና መሆኑን ገለጹ፡፡
መጾሙ ዋጂብ ነው ወይስ ሱንና?
የዐሹራእን ቀን መጾም ሁክሙ ሱንና ነው፡፡ በሒጅራ 2ኛው ዓመት የመጀመሪያው ወር ሙሐረም ላይ ስለነበር የተደነገገው የረመዷን ጾም እስኪደነገግ ድረስ ዋጂብ ነበር፡፡ ከ7 ወር በኋላ ግን በሒጅራ 2ኛው ዓመት 8ኛው ወር ሻዕባን ላይ የረመዷን ጾም ግዳጅነት ሲደነገግ፡ ዐሹራእ ግዳጅነቱ ተሰረዘ፡፡ ይህን በተመለከተ ቀጣዩ ሐዲሥ እንዲህ ይላል፡-
ዓኢሻህ(ረዲየላሁ ዐንሃ) እንዲህ አለች፡- "ረመዷን ሳይደነገግ በፊት ዐሹራእን ይጾሙ ነበር፡፡ ካዕባም የሚሸፈንበት ቀን ነበር፡፡ አላህ ረመዷንን በደነገገበት ጊዜ የአላህ መልክተኛ(ሰለላሁ ዐለይሂ ወሰለም) እንዲህ አሉ፡- የፈለገ ሰው (ዐሹራእን) ይጹመው ለመጾም ያልፈለገ ደግሞ ይተወው" (ቡኻሪይ 1489)፡፡
መቼ እንጀምር?
የሙሐረም አስረኛው ቀን(ዐሹራእ) የፊታችን ሰኞ ነው የሚውለው፡፡ ስለዚህ አላህ ወፍቆት ይህን ዐሹራእን መጾም የፈለገ ከአራቱቱ አንዱን መርጦ ይጹም፡-
ሀ. ከ እሁድ-ማቅሰኞ፡- 9ኛ፣10ኛና 11ኛውን ቀን ማለት ነው፡፡ ይህ ከሁሉም በላጩ ነው፡፡
ለ. እሁድና ሰኞ፡- 9ኛውንና 10ኛውን ቀን መጾም ማለት ነው፡፡ ይህም በላጭ ነው፡፡
ሐ. ሰኞና መቅሰኞ፡- 10ኛውና 11ኛውን ቀን መጾም ማለት ነው፡፡ ይህም ሱንና ነው
መ. ሰኞን ብቻ፡- 10ኛውን ቀን መጾም ማለት ነው፡፡ ዋናው ዐሹራእ ተብሎ የሚጠራውም ይህ ነው፡፡
አላህ ይወፍቀን

Click and Like ➤➤ http://fb.com/Ustaz.Abuhyder

ርጉም ላይ ጭማሪ ያስገቡት ነው ማለታቸው ነው፡፡ አወቅሽ አወቅሽ ቢሏት… የተባለው ተረት ለናንተ ነበር ማለት ነው?

ለማንኛውም ይህ በቅንፍ የገባው ገላጭ ቃል ከነቢዩ ሙሐመድ (ሶለላሁ ዐይሂ ወሰለም) ንግግር የተወሰደ ማብራሪያ እንጂ የተርጓሚዎች የግል ሀሳብ አይደለም፡፡ በሐጀቱል ወዳዕ (የመሰናበቻው ሐጅ) ላይ የአላህ መልክተኛ (ሶለላሁ ዐለይሂ ወሰለም) ካስተላለፉት ሰፊ ትምሕርት ላይ የተወሰደ ነው፡፡ በዚህ የቅዱስ ቁርኣን አንቀጽ ውስጥ ‹‹ምቷቸው›› ለሚለው ቃል ምን አይነት መምታት? የሚል ጠያቂ ቢመጣ ምላሹ ይህ ይህ ይሆናል፡-

"...اتَّقُوا اللَّهَ فِى النِّسَاءِ فَإِنَّكُمْ أَخَذْتُمُوهُنَّ بِأَمَانَةِ اللَّهِ وَاسْتَحْلَلْتُمْ فُرُوجَهُنَّ بِكَلِمَةِ اللَّهِ وَإِنَّ لَكُمْ عَلَيْهِنَّ أَنْ لاَ يُوطِئْنَ فُرُشَكُمْ أَحَدًا تَكْرَهُونَهُ فَإِنْ فَعَلْنَ فَاضْرِبُوهُنَّ ضَرْبًا غَيْرَ مُبَرِّحٍ وَلَهُنَّ عَلَيْكُمْ رِزْقُهُنَّ وَكِسْوَتُهُنَّ بِالْمَعْرُوفِ... " صحيح مسلم 1218: سنن أبي داود 1907
"… እናንተ ሰዎች ሆይ! በሴቶች ጉዳይ አላህ ፍሩ! እናንተ እነሱን በአላህ አደራ ነው የወሰዳችኋቸው፣ ብልቶቻቸውንም በአላህ ቃል (በመልካም ያዙዋቸው በሚለው) ነው ሐላል ያደረጋችሁት፣ እናንተም በነሱ ላይ በቤቶቻችሁ የማትፈልጉትን ሰው እንዳያስገቡ የመከልከል መብት አላችሁ፡፡ እምቢ ብለው ይህን ካደረጉ፡ ህመም የማያስከትልና ያልበረታ ምትን ምቷቸው፡፡ እነሱም በናንተ ላይ ሲሳያቸውን ልትችሉ፣ ልብሳቸውን በአግባቡ ልትሸፍኑ መብት አላቸውና…" (ሙስሊም 1218፣ አቡ ዳዉድ 1907)፡፡

የአማርኛ ቅዱስ ቁርኣን ተርጓሚዎችም በቅንፍ ውስጥ (ሳካ ሳታደርጉ) የሚለውን ከራሳቸው ሳይሆን የጨመሩት፡ የታላቁን ነቢይ የቁርኣን ማብራሪያ በመውሰድ ነው፡፡

4ኛ. አሁንም ‹‹ምቷቸው›› የሚለውን፡- በቀበቶና አለንጋ፣ በዱላና በከዘራ ነው በማለት የተንሸዋረረ ምልከታን ሰዎች እንዳይነዙ ታላቁ የቅዱስ ቁርኣን ተንታኝ ዐብዱላህ ኢብኑ ዐባስ (ረዲየላሁ ዐንሁማ) እንዲህ ብሎ አብራራው፡-

عن عطاء قال: قلت لابن عباس: ما الضرب غير المبرّح؟ قال: السواك وشبهه، يضربها به. تفسير الطبري سورة النساء 34: 9386
አጣእ ኢብኑ የሳር (ረሒመሁላህ) እንዲህ አለ፡- ዐብዱላህ ኢብኑ ዐባስን አገኘሁትና ‹‹ህመምን ያላስከተለና ያልበረታ ምት ምንድነው?›› አልሁት፡፡ እሱም፡- ‹‹በሲዋክና (መፋቂያ) በመሳሰለው መምታት ነው›› አለኝ፡፡ (ተፍሲሩ-ጠበሪይ፡ ሱረቱ-ኒሳእ 34፡ ቁጥር 9386)፡፡

አሁንስ ምን ይዋጣችሁ፡፡ አያችሁ! የምቱ ዓላማና ግብ አመጸኛዋ ሚስት አደብ እንድትይዝ እንጂ እሷን ለመጉዳት እንዳልሆነ ግልጽ ሆነላችሁ?

5ኛ. ደግሞም ኢስላም የተከበረውን ፊት ከመምታት እንድንቆጠብ ያዘናል፡፡ ተከታዩ ሐዲሥም ይህን ያብራራዋል፡-

وعَنْ مُعَاوِيَةَ بن حَيْدَة الْقُشَيْرِيِّ قَالَ : " قُلْتُ : يَا رَسُولَ اللَّهِ مَا حَقُّ زَوْجَةِ أَحَدِنَا عَلَيْهِ ؟ قَالَ : ( أَنْ تُطْعِمَهَا إِذَا طَعِمْتَ وَتَكْسُوَهَا إِذَا اكْتَسَيْتَ أَوْ اكْتَسَبْتَ وَلَا تَضْرِبْ الْوَجْهَ وَلَا تُقَبِّحْ وَلَا تَهْجُرْ إِلَّا فِي الْبَيْتِ .رواه أبو داود ( 2142 ) وصححه الألباني في " صحيح أبي داود " .
ሙዓዊያህ ኢብኑ ሐይደቱል ቁሸሪይ (ረዲየላሁ ዐንሁ) እንዲህ ይላል፡- "የአላህ መልክተኛን (ሶለላሁ ዐለይሂ ወሰለም) አንዳችን ባለቤቱ በሱ ላይ ምን ሐቅ አልላት? አልኳቸው፡፡ እሳቸውም፡- ከምትመገበው ልትመግባት፣ ስትለብስ ልታለብሳት፣ ፊቷን ላትመታት፣ በመጥፎ ንግግር ላትናገራት፣(ካኮረፍካትም) እዛው ቤት ውስጥ ሁነህ እንጂ ላትተዋት›› በማለት መለሱልኝ" (አቡ ዳዉድ 2142)፡፡

6ኛ. አንቀጹ ይቀጥልና ደግሞ፡- ‹‹ቢታዘዙዋችሁም (ለመጨቆን) በነርሱ ላይ መንገድን አትፈልጉ። አላህ የበላይ ታላቅ ነውና።›› በማለት ይዘጋዋል፡፤ አዎ! ወደ ታዛዥነታቸው ከተመለሱ እነሱን ለመጨቆን አላህ ምንም መንገድን አላበጀም፡፡ የበላይነትን ለማሳየት የምንጥር ከሆነ ደግሞ፡ እርሱ ጌታችን አላህ የበላይና ታላቁ አምላክ መሆኑን ማስታወስ እንደሚገባን መከረን፡፡ ይህ ነው የኢስላም አስተምህሮ!!

7ኛ. አሁን ተራው የናንተ ነው፡፡ ኢስላም ሴቶችን ግረፉ ይላል በማለት ‹‹ወደ ገደለው እንግባ›› እንዳለው ሰውዬ: አንድ ቃልን ብቻ ከውስጥ በመምዘዝ ሃይማኖቱን ጥላሸት ለመቀባት የምትሞክሩት፡ በናንተ ዘንድ እንዲህ አይነት አመጸኛ ሴት ስትኖር ምን መፍትሄ መውሰድ እንዳለባችሁ መጽሐፋችሁ ምን ይነግራችኋል? በማለት እኛም እንጠይቃችሁ በተራችን፡፡ እስኪ ከሚናገረው መፍትሔ የምታውቁትን አካፍሉን፡፡ እነዚህን ጥቅሶችስ እንዴት ትፈቱታላችሁ፡-

"ከጠበኛ ሴት ጋር በአንድ ቤት ከመቀመጥ በውጪ በቤት ማዕዘን ላይ መቀመጥ ይሻላል።" (መጽሐፈ ምሳሌ ምእ 21፡ 9)

"ከጠበኛና ከቍጡ ሴት ጋር ከመቀመጥ በምድረ በዳ መቀመጥ ይሻላል።" (መጽሐፈ ምሳሌ ምእ 21፡ 19)

"ከጠበኛ ሴት ጋር በአንድ ቤት ከመቀመጥ በሰገነት ማዕዘን መቀመጥ ይሻላል።" (መጽሐፈ ምሳሌ ምእ 25፡ 24)

"በዝናብ ቀን የሚያንጠባጥብ ቤትና ጠበኛ ሴት አንድ ናቸው" (መጽሐፈ ምሳሌ ምእ 27፡ 15)

"ከደረቅ ሴት ጋር ከምትኖር ከምድር አውሬና ከአንበሶች ጋር መኖር ይሻላል" (መጽሐፈ ሲራክ 25፡16)፡፡ (የኦርቶዶክስ መጽሐፍ ቅዱስ)

ወገኖቻችን! ይሄ ነው መፍትሄው? ይህን ይዛችሁ ነው የኛን የምትተቹት?

8ኛ. በመጨረሻም ለነዚህ ወገኖች የምናስተላልፈው መልእክት፡- እባክችሁ በዕድሜያችሁ አትቀልዱ! በእሳት አትጫወቱ! የዘላለም ህይወት የሚገኝበትን ጀነትን ከፈለጋችሁ አንድ አምላክ ብቻ ወደሚመለክበት ኢስላም በፈቃደኝነት ኑ!

አላህን ላላመለከ፡ በነቢዩ ሙሐመድ ነቢይነት ያላመነና በዚሁ ክህደቱ እምቢ ብሎ የሞተ ሰው፡ ጀነት ለርሱ ዝግ ናት፡፤ ግመል በመርፌ ቀዳዳ ካልሾለከ በስተቀር ወደ ጀነት አይመለስም፡፡ አላህ ሂዳያ ይስጣችሁ ለኛም ጽናቱን ይለግሰን፡፡ ሰላምም ቀጥታን በተከተለ ሁሉ ላይ ይሁን፡፡

"የመጽሐፉ ባለቤቶች ሆይ! በኛና በናንተ መካከል ትክክል ወደሆነች ቃል ኑ፤ (እርሷም) አላህን እንጅ ሌላን ላንገዛ በርሱም ምንንም ላናጋራ፣ ከፊላችንም ከፊሉን ከአላህ ሌላ አማልክት አድርጐ ላይይዝ ነዉ፤ በላቸዉ። እምቢ ቢሉም ፡- እኛ ሙስሊሞች መሆናችንን መስክሩ በሏቸው" (ሱረቱ አሊ-ዒምራን 64)፡፡

Click and Like ➤➤ https://www.facebook.com/Ustaz.Abuhyder

ጌታ አላህ ግን የፈጠረን እሱ፣ ነቢያትን በመላክ መለኮታዊ መጽሐፍትን አውርዶ ህግን የደነገገው እሱ፣ ምድራዊ ቆይታችን ሲጠናቀቅ በሞት የሚገድለንም እሱ፣ በዕለተ ትንሳኤም ሕያው በማድረግ ከመቃብር ዓለም የሚቀሰቅሰን እሱ በመሆኑ፡ ህጌን የት አደረሳችሁት? በማለት እኛን ሊተሳሰበን፡ ከዛም በቸርነቱ ሊያድነን ካልሆነም በፍትሐዊነቱ በእሳት ሊቀጣን የሚችለው እሱ ብቻ ነው፡፡ እናም ወዳጄ! አንተም መሰሎችህም ከዘላለም ስቃይና ቅጣት ወደ ዘላለማዊ ተድላና ምቾት መሸጋገር ከፈለጋችሁ፡ በአንድ አላህ ብቸኛ ተመላኪነት አምናችሁ የነቢዩ ሙሐመድን ነቢይነት መስክራችሁ በኢስላም ጥላ ሥር ልትኖሩ ይገባል፡፡ ከዚህ ውጭ ምንም መዳኛ አልነበረም! የለምም! አይኖርምም! ቻው አላህ ቅኑን ጎዳና ይምራህ!
‹‹ከኢስላም ሌላ ሃይማኖትን የሚፈልግ ሰው ፈጽሞ ከርሱ ተቀባይ የለውም፡፡ እርሱም በመጨረሻይቱ ዓለም ከከሳሪዎቹ ነው፡፡›› (ቅዱስ ቁርኣን 3፡85)፡፡
Join us➤ t.me/abuhyder