يمكن تكون حكاية بسيطة بس معرفش ليه مسببالي سعادة
من سنة بالظبط
كنت احتاجت حد يصلحلي الدش
وجه شاب قالي ان محتاج حاجة اسمها LNB
معرفش دي إيه بس قالي مش هيشتغل من غيرها
واخد تمنها 90 جنيه غير التركيب والتوصيل
اللي حصل ان بمجرد ما مشي
الدش رجع تاني باظ ومابينطقش
اتصلت بالشاب اللي لسة مصلحه فونه مكانش بيرد
البواب اتبرع وجابلي واحد غيره
صلح تاني واخد فلوس تاني وقالي القطعة دي ملهاش لازمة ومش شغالة
قولتله فكها
خدتها في ايدي وانا نازلة ومكانش في دماغي ان اتخانق ولا ازعق ولا اي حاجة
دخلت المحل لقيت الشاب اللي ركبها قاعد
من فضلك القطعة دي مكانش ليها لازمة عندي وكمان مش شغالة وانت اخدت تمنها
يلا ياست امشي من هنا انا خلصتلك شغلك وخلاص
معرفش ازاي بكل هدوء وده عكس طبيعتي تماما حطيتهاله عالمكتب وقولتله اتفضل انا مش عايزاها ومش مسامحة في تمنها ومشيت
امبارح بس وبعد مرور سنة
لقيت حد بيرن الجرس
وبينهج علي اخره من السلم
انت مين جاي لمين
انا عايز مدام نور انا بتاع الدش
انا مطلبتش بتاع دش امشي بسرعة لاطلب البوليس
يا مدام صلي عالنبي بوليس ايه انا بقالي ساعة ادور علي بيتك البواب قالي انك عزلتي
وبتدور عليا ليه
حضرتك فاكرة لما ركبتلك دش و lnb جيتي رجعتيها وقولتي مش عايزاها
اه افتكرت
والله العظيم يا مدام كل ما تحصلي حاجة وحشة افتكر وانتي بتقولي مش مسامحة في تمنها
وآخر حاجة امبارح وقعت من الموتوسيكل كنت هموت
رجعت المحل طلعتها وجربتها لقيتها شغالة فرجعتها وجبتلك تمنها لو سمحتي خديه
طب خلاص خدهم انا نسيت والله وخلاص مش زعلانة
لا يا مدام حضرتك قولتي مش مسامحة ومن يومها مكسبتش اتفضلي خديهم ارجوكي
الغريب انه لما جاب الفلوس دي كنت لسة دافعة فواتير مية وكهربا ومافيش معايا ولا مليم ورجليا تعباني مش قادرة انزل لحد اي ATM
سبحان الله لسة في ناس بتخاف لما نقولهم مش مسامحين
والله العظيم حدث بالفعل
#نور_مانجا
┏━♥━━━🍃━━♥━┓
彡💐 @AboAliAlheh 💐
┗━♥━━━🍃━━♥━┛
من سنة بالظبط
كنت احتاجت حد يصلحلي الدش
وجه شاب قالي ان محتاج حاجة اسمها LNB
معرفش دي إيه بس قالي مش هيشتغل من غيرها
واخد تمنها 90 جنيه غير التركيب والتوصيل
اللي حصل ان بمجرد ما مشي
الدش رجع تاني باظ ومابينطقش
اتصلت بالشاب اللي لسة مصلحه فونه مكانش بيرد
البواب اتبرع وجابلي واحد غيره
صلح تاني واخد فلوس تاني وقالي القطعة دي ملهاش لازمة ومش شغالة
قولتله فكها
خدتها في ايدي وانا نازلة ومكانش في دماغي ان اتخانق ولا ازعق ولا اي حاجة
دخلت المحل لقيت الشاب اللي ركبها قاعد
من فضلك القطعة دي مكانش ليها لازمة عندي وكمان مش شغالة وانت اخدت تمنها
يلا ياست امشي من هنا انا خلصتلك شغلك وخلاص
معرفش ازاي بكل هدوء وده عكس طبيعتي تماما حطيتهاله عالمكتب وقولتله اتفضل انا مش عايزاها ومش مسامحة في تمنها ومشيت
امبارح بس وبعد مرور سنة
لقيت حد بيرن الجرس
وبينهج علي اخره من السلم
انت مين جاي لمين
انا عايز مدام نور انا بتاع الدش
انا مطلبتش بتاع دش امشي بسرعة لاطلب البوليس
يا مدام صلي عالنبي بوليس ايه انا بقالي ساعة ادور علي بيتك البواب قالي انك عزلتي
وبتدور عليا ليه
حضرتك فاكرة لما ركبتلك دش و lnb جيتي رجعتيها وقولتي مش عايزاها
اه افتكرت
والله العظيم يا مدام كل ما تحصلي حاجة وحشة افتكر وانتي بتقولي مش مسامحة في تمنها
وآخر حاجة امبارح وقعت من الموتوسيكل كنت هموت
رجعت المحل طلعتها وجربتها لقيتها شغالة فرجعتها وجبتلك تمنها لو سمحتي خديه
طب خلاص خدهم انا نسيت والله وخلاص مش زعلانة
لا يا مدام حضرتك قولتي مش مسامحة ومن يومها مكسبتش اتفضلي خديهم ارجوكي
الغريب انه لما جاب الفلوس دي كنت لسة دافعة فواتير مية وكهربا ومافيش معايا ولا مليم ورجليا تعباني مش قادرة انزل لحد اي ATM
سبحان الله لسة في ناس بتخاف لما نقولهم مش مسامحين
والله العظيم حدث بالفعل
#نور_مانجا
┏━♥━━━🍃━━♥━┓
彡💐 @AboAliAlheh 💐
┗━♥━━━🍃━━♥━┛