#الثانويه_العاميه ..
زى انهارده من اربع سنين كنت داخل على اهم امتحانات فـ حياتى او *الى كنت فاكرها اهم امتحانات فـ حياتى* و هى الى هتحدد مستقبلى و تدخلنى كليه القمه الى بحلم بيها من صغرى , المهم كنت ساعتها حرفيا خايف جدا من الامتحانات و مرعوب لدرجه ان قبل اول يوم امتحان العربى بليل قبل م انام عيط من كتر الخوف .. متخيل ؟!
دخلت الامتحان و خلصت و كل المواد و خلصت الثانوى وبس .. لغايه اما النتيجه ظهرت !!! صدمه عمرى جبت 90% .. بجد عمرى م انسى اللحظه دى ف حياتى , و عمرى م انسى كلام كل واحد قاله فـ وشى او وراء ضهرى ..
ف الوقت دا انا مكنتش شايف قدامى ولا عارف اروح فين ولا اجى منين , تايه حرفيا مش عارف اعمل اى حاجه ولا عارف الطريق الى كان كله نور قلب مره واحده و بقى ضلمه .. طب هخش كليه ايه انا معرفش حاجه غير الكليه الى انا عاوزها .. الدنيا كلها اتسدت قدامى حرفيا .
جيت قعدت بليل لوحدى و باصص للسماء و مش عارف اقول ايه غير انى بعيط ان حلمى و حلم امى متحققش .. و بقيت اشكى ربنا , ليه عملت فيا كدا ؟ انا عملت الى عليا و ذاكرت و اجتهدت بس ليه ؟ و ليه غيرى الى معملش الى عملته و جاب اعلى منى ؟؟
المهم نمت و صحيت تانى يوم ربنا هدانى شويه و قعدت افكر .. هل لو كنت دخلت الكليه الى انا عاوزها هجيب فيها تقدير ولا هبقى مميز فيها ولا كنت هفشل ؟
المهم اسئله كتير و كنت بحاول اجاوب نفسى بالمنطق .. لغايه اما فتحت النت و قعدت اكتب عن الكليات كلها و اشوف مميزات كل كليه و عيوبها و قعدت تقريبا حوالى اسبوع بحاول افهم كل حاجه عن كل كليه لغايه اما جيت ف يوم صاحى م النوم قولتلهم انا هدخل تجاره .. كله بلا استثناء بنظره تعجب قالولى تخش تجاره مع نظرات من الفشل و التعجب و حاجات كتير !! .. قولت اها هى دى الى هدخلها .. و كتبتها ف الرغبات رقم 1 يعنى جيالى وش .
حقيقى و بامانه تقريبا دا كان اهم قرار اخده ف حياتى لوحدى و الحمد الله احسن قرار و انجح قرار خدته .. دخلت الكليه بعد م سمعت كل انواع الكلام الى ممكن تسمعهم و يخلوك
تقع قبل م تبدء تجربه او حلم جديد , دخلت الكليه و كل سنه كنت بجيب تقدير احسن من الى قبله و اثبت نفسى و انزل تدريب و انزل اشتغل .. انا حقيقى لو كنت دخلت الكليه الى كان نفسى فيها مكنتش هعمل ربع الى عملته ف #تجاره سواء ف تقدير او مجهود او تغير ف شخصيتى او نجاح عموما .. و حقيقى انا فخور انى فـ #تجاره
الخلاصه من الكلام و الموضوع دا كله .. حاول بقدر الامكان متشدش نفسك اوى ولا تخلى اعصابك تعبانه قبل الامتحانات انت عملت الى عليك و الباقى عند ربنا عارف انت هتدخل كليه ايه و هتعمل ايه فيها .. انت تعبت طول السنه و عملت الى عليك خش الامتحان زيه زى اى امتحان عادى دخلته ف حياتك قبل كدا و ان شاء الله هتجيب المجموع الى انت عايزه و تخش الى نفسك فيه , و لو ربنا موفقكش ف الثانوى تأكد انه شايلك الافضل و الاحسن ليك .. و حقيقى كل الى بقوله حقيقه و دى تجربتى الشخصيه و الحمد الله ربنا موفقنى ف حياتى و ف دراستى و هتخرج السنادى ان شاء الله بتقدير تراكمى كويس جدا يساعدنى اقدر اشتغل شويه .. و قبل كل دا تأكد مليون ف الميه ان مفيش كليه احسن من التانيه .. كل الكليات مهمه و كل الكليات صعبه و كل الكليات مطلوبه .
اسف ع الاطاله .. ربنا يوفقكم جميعا ان شاء الله ♥
زى انهارده من اربع سنين كنت داخل على اهم امتحانات فـ حياتى او *الى كنت فاكرها اهم امتحانات فـ حياتى* و هى الى هتحدد مستقبلى و تدخلنى كليه القمه الى بحلم بيها من صغرى , المهم كنت ساعتها حرفيا خايف جدا من الامتحانات و مرعوب لدرجه ان قبل اول يوم امتحان العربى بليل قبل م انام عيط من كتر الخوف .. متخيل ؟!
دخلت الامتحان و خلصت و كل المواد و خلصت الثانوى وبس .. لغايه اما النتيجه ظهرت !!! صدمه عمرى جبت 90% .. بجد عمرى م انسى اللحظه دى ف حياتى , و عمرى م انسى كلام كل واحد قاله فـ وشى او وراء ضهرى ..
ف الوقت دا انا مكنتش شايف قدامى ولا عارف اروح فين ولا اجى منين , تايه حرفيا مش عارف اعمل اى حاجه ولا عارف الطريق الى كان كله نور قلب مره واحده و بقى ضلمه .. طب هخش كليه ايه انا معرفش حاجه غير الكليه الى انا عاوزها .. الدنيا كلها اتسدت قدامى حرفيا .
جيت قعدت بليل لوحدى و باصص للسماء و مش عارف اقول ايه غير انى بعيط ان حلمى و حلم امى متحققش .. و بقيت اشكى ربنا , ليه عملت فيا كدا ؟ انا عملت الى عليا و ذاكرت و اجتهدت بس ليه ؟ و ليه غيرى الى معملش الى عملته و جاب اعلى منى ؟؟
المهم نمت و صحيت تانى يوم ربنا هدانى شويه و قعدت افكر .. هل لو كنت دخلت الكليه الى انا عاوزها هجيب فيها تقدير ولا هبقى مميز فيها ولا كنت هفشل ؟
المهم اسئله كتير و كنت بحاول اجاوب نفسى بالمنطق .. لغايه اما فتحت النت و قعدت اكتب عن الكليات كلها و اشوف مميزات كل كليه و عيوبها و قعدت تقريبا حوالى اسبوع بحاول افهم كل حاجه عن كل كليه لغايه اما جيت ف يوم صاحى م النوم قولتلهم انا هدخل تجاره .. كله بلا استثناء بنظره تعجب قالولى تخش تجاره مع نظرات من الفشل و التعجب و حاجات كتير !! .. قولت اها هى دى الى هدخلها .. و كتبتها ف الرغبات رقم 1 يعنى جيالى وش .
حقيقى و بامانه تقريبا دا كان اهم قرار اخده ف حياتى لوحدى و الحمد الله احسن قرار و انجح قرار خدته .. دخلت الكليه بعد م سمعت كل انواع الكلام الى ممكن تسمعهم و يخلوك
تقع قبل م تبدء تجربه او حلم جديد , دخلت الكليه و كل سنه كنت بجيب تقدير احسن من الى قبله و اثبت نفسى و انزل تدريب و انزل اشتغل .. انا حقيقى لو كنت دخلت الكليه الى كان نفسى فيها مكنتش هعمل ربع الى عملته ف #تجاره سواء ف تقدير او مجهود او تغير ف شخصيتى او نجاح عموما .. و حقيقى انا فخور انى فـ #تجاره
الخلاصه من الكلام و الموضوع دا كله .. حاول بقدر الامكان متشدش نفسك اوى ولا تخلى اعصابك تعبانه قبل الامتحانات انت عملت الى عليك و الباقى عند ربنا عارف انت هتدخل كليه ايه و هتعمل ايه فيها .. انت تعبت طول السنه و عملت الى عليك خش الامتحان زيه زى اى امتحان عادى دخلته ف حياتك قبل كدا و ان شاء الله هتجيب المجموع الى انت عايزه و تخش الى نفسك فيه , و لو ربنا موفقكش ف الثانوى تأكد انه شايلك الافضل و الاحسن ليك .. و حقيقى كل الى بقوله حقيقه و دى تجربتى الشخصيه و الحمد الله ربنا موفقنى ف حياتى و ف دراستى و هتخرج السنادى ان شاء الله بتقدير تراكمى كويس جدا يساعدنى اقدر اشتغل شويه .. و قبل كل دا تأكد مليون ف الميه ان مفيش كليه احسن من التانيه .. كل الكليات مهمه و كل الكليات صعبه و كل الكليات مطلوبه .
اسف ع الاطاله .. ربنا يوفقكم جميعا ان شاء الله ♥