#شهــادة الأمام علي
#طور (تدري لو متدري )

داري غربه .. أمست من بعد غيابك
داري غربه .. بويه شگد صعب مصابك

شايل هالمسيه .. ياعظم الرزيه
❉❉----------❉❉----------❉❉----------❉❉
ياعظم ليلة مصابك يابعد ناسي وهلي
من عكب شخصك يوالي انحب ومحد الي
اسمع الليله عتابي واحكم انته ياعلي
يالجنت للدين رحمه ياولي ونعم الولي

بويه حسره .. داري بغيبتك حزينه
بويه حسره .. طيفك مايمر علينه

دهري شسوه بيــه .. يا عظم الرزيه

❉❉----------❉❉----------❉❉----------❉❉
فاركتني وعمري خلّص والفرح ماله اثر
يالجنت اول وتالي ماكو مثلك بالبشر
وشلت صبري برحيلك ربي دنطيني الصبر
ماتت ايامي وسنيني وانتهى وياك العمر

هم تجيني .. افرح من تمر يغالي
هم تجيني .. نوحي بروحتك حلالي

يا هم العليــه .. ياعظم الرزيه
❉❉----------❉❉----------❉❉----------❉❉

انته مني وانه منك لاتخليني بدمع
شوفتك تسعدلي كلبي وبغيابك ينفجع
چلمة اليا بويه زينب لا بعد ما تنسمع
راح اذوب بدمعي بويه مثل ما يبچي الشمع

كلبي جمره .. تشتعل من اذكرك
كلبي جمره .. يالخلص هسه عمرك

بيد ابن الدعيه .. ياعظم الرزيه

❉❉----------❉❉----------❉❉----------❉❉
حالتك تصعب عليه فراكك اليحني الظهر
انته ياشمعــــة حياتي انتــــه ياكل العــــمر
فدوه الك عمري وحياتي فدوه الك حتى النظر
انلجم كلبي يبويه من طلع وكت الفجر

عمري أحزان .. ساعة ماتت الزچيه
عمري أحزان .. جرحك اشخله بيـه

ياحامي الحميــه .. ياعظم الرزيه

❉❉----------❉❉----------❉❉----------❉❉
عمري بس ظيم انته تدري وخلص اهات وحزن
من بعد عين الزجيه عشت احزان ومحن
المصايب بيه حلن كعدن بسـدي وبجن
يادهر هونك عليه بحيل طعناتك أجن


بويه بويه .. ظلت زينبك وحدها
بويه بويه .. انته الي چنت سندها

دمعاتي جريه ..ياعظم الرزيــه

❉❉----------❉❉----------❉❉----------❉❉
تمت بحمد الله
1/6/2018
✍🏻آلــــّ؏ــلّويِـــــه آلّمٌوسويِــــــﻫ
❌لاإجيــز حذف الأسم❌

https://tttttt.me/joinchat/AAAAAELdvGssZMurwfLsJA