موشح للمشايه الاربعين الامام الحسين عليه السلام


يالنـــويت اتـزور مگطوع النـحر

هذا يمشي اوياك امامي المنتظر

✹✭┈✺✺---- ‌༄✹✭◌‌*

هذا امام المنتظر ايحـي  بيك

رافع ايد للسماء او يدعي إليك

يبچي لحسين ويون ويه بچيك

والگلب نصين لمصابه انـفـطر

✹✭┈✺✺---- ‌༄✹✭◌‌*

انفطـر دلالـــه يا حــاله صـعب

تهمل عيونه على طـــول الدرب

دموع من ادموم فوگ الخد تصب

ايصيح ياجـــدي فدوتك هالعمر

✹✭┈✺✺---- ‌༄✹✭◌‌*

ايصيح زوارك يجدي هل اجت

تمشي من ابيوتها ليك اعتنـت

تلطم اعله الراس ما لحضه هدت

روحها اعله ازيارتك تلهب جمر

✹✭┈✺✺---- ‌༄✹✭◌‌*
اجت وي زينب اتجددلك عهد

اوياك احنه اوياك نادت للابــد

ومنــك انريـــــده يمولاي المدد

ابجاه عباس الوگع فــوگ النهر
✹✭┈✺✺---- ‌༄✹✭◌‌*
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان عج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لاربعين ام الهوسه
..................

جتي الكربله ومحد تلاكه
.....................

ويه الجثه دفنته
وياهه الراس جابته
صاحت يا عزيز اخته
هوسه
جابت راس خوهه وجتي وياهه
.....................

للعباس بهمه
حضري وليدج يا امه
وبلا راس دفن جسمه

وين امه ونلطم وياهه

.................

العرسان وصلت يمهم
اويلي علكت شمعتهم
هلعرسان وين امهم

اليله ورمله تقيم عزاهه
.....................

حضرتهم المسبيه
تقيم لاربعينه
رحتو لو بعد جيه

عيناهه من دم وتهمل عيناهه
...................

ولاطفال من راحو
ويلي من العطش ماتو
هضم وضيم ونالو

جتي وجابت روس وياهه
.................

مشايه كله شيعته
رايت عباس ورفعته
ومواكب كله نصبته

الوفايه تخدم ام علي الوفايه

ام علي السعدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للاربعين

اجه شحاله العليل امن اليسر والشام
يهل المگبره يصيح بگلب معتام
هاكم روسكم هاكم حرم وايتام
(( تصارخ كلهه ومهضومه ))

كل وحده الگبر راحن المضيعات
يمكم ياسباع الكون اجينه انبات
سكنه اتگول ودوني للمسنات
(( وي عمي اتباصر خلوني ))

خلوني افك الگبر واشچيله
وي عمي الحنين اتسامر الليله
من يسمع مراري ينهدم حيله
(( من سوط الظالم تعبانه ))

من سوط العدو ماحرك امتوني
ودوني العجيد الراي ودوني
يزعل من يشوف ادموع بعيوني
(( يغتاض امن ايشوف ادموعي ))

لو شاف الدمع من الهضم فياض
مايرضه الشفيه ويزعل ويغتاض
ابساع ايشيل سيفه ومايگوم براض
(( لو سالم چا هز الحومه ))

يهز الكون والميدان والعسكر
لو عنده زند هيهات يتعذر
هاذه الحيد هاذه السبع هاذه انمر
(( عباس المشهوده افعاله ))

لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للاربعين بطور بحر الطويل


مشتاك الكلب يحسين  يمته ايزور اهاليه
واصل يم عزيز الروح وانصبله  اربعينيه
..................

الدرب طول يخال ابني/ وعليه زادت الالام
وانه  افاركه الوليان /الي شهر وعشر  تيام
عيني ماغفت ليله /  ولاطبك  جفنها  ونام
شلون اينامن عيوني/ وراسك يالولي جدام
ليل انهار اجر حسرات / والدمعات مجريه
.............
وحكك ياضوه عيوني/ ماغمضت ابد عيناي
شلون اتضوك خويه النوم /وراسك يالحنين وياي
يبن امي واجر صفنات / واكولن ماجره بلواي
مااهجع وانام اليل/ وراس حسين بيد اعداي

لمن ارجع عله الوالي /وارد راسه عالراعيه
.............
اريد اوصل خوال ابني / ويمهم اشتكي همي
وانشد وين ابوفاضل / واخوي الجابته امي
واكله اصار بغيابه / ضل بس الدمع سهمي
بكلي ينفض اترابه / واسولف لوكعد يمي
واكله من مرار  اعداك /  روحي اصبحت مكضيه
..........
هم اوصل واشم اثراه/ واشتم ريحت الخوه
مشتاكه عله ملكاهم / وذيج  ايامنه الحلوه
وياهم ابدي اعتابي/ واكلهم  وين  الامروه
عفتوني بهظم وبظيم/ ودهري يالولي اسوه
جم ديوان طبيته  / وجم شامت زمخ بيه
..........

اريد انصب عزاك اليوم/ واكعد عالكبر ونعاك
ادك والطم على عيوني / واجر معاتبي وياك
وكلك من رحت يحسين / يسيره ومانصبت عزاك
اريد ابجي عله امصابك / وعالراسي اهيل ثراك

تريد اتزوركم وتروح / بت امك   المسبيه

✍ام زينب كربلاء غير مبري الذمه من ياخذ الكلام وينسبه له او يحذف الاسم  الجزء الثامن من المآسي الفاطميه  

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للأربعين ( سوت فاتحه ام عون )


زينب عماها امصاب عاشور
وهدم حيلهه والضهر مكسور
راحت اوجوه الچانت اتنور
نصبت عزاهم بين الگبور

      ( النزلة )

بالميدان سوت فاتحه ام عون
تعتب عالنشامه ومايسمعون


نصبت فاتحه بالطف لهلهه
زينب گاضيه ومايل حملهه
لاتبچين ماواحد يگلهه
ناموا بالتراب الماينامون
( ماواحد گام اتلگاها )


ناموا بالثره وموش الهم النوم
نصبت فاتحتهم زينب اليوم
مره اتصيح ماتگعد يجيدوم
ومره اتصيح تنسه الغاليه اشلون
( واشلون اتنام وتنساني )


تنسه الغاليه اشلون اعله بختك
ردتك للحمل شيال ردتك
اجيت اليوم انشدك عن طبرتك
وعينك والسهم واصواب المتون
( يلچمني اصوابك كلساعه )


اصوابك والسهم ماخله بيه
اگعد ياكفيلي وهاك اديه
اجيت احچيلكم ضيم العليه
سبني ومارحم حالي الملعون
( والظالم سبني وشال ايده )


شتمني النذل مارحم حالي
راحن هيبتي وخدري ودلالي
جبت الروس وضعون الغوالي
عافونه ونسونه المايهونون
( احا يفراگ العافونه )


عافونه ونسونه اهل المحنه
ردنه حسين يستقبل ضعنه
يتباچن بناته اليوم اجنه
يلطمن وبلطمهن رجن الكون
( يابويه اتصيح ابنياته )


يلطمن وبلطمهن بچن الگاع
راح الحيل منهن والصبر ضاع
شنهو الراي ياحلوين الاطباع
ترجعون النزلكم لو تضلون
( والدار اتون خليتوها )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لأربعين الامام الحسين ع


شلفايده ..رجعيت يخواني وهلي
شلفايده..باالگبر الگـه انـه الولي
خل ينفظ تراب الگبر
تعبـني بجـفاه العمر
شلفايده .. شلفايده
🏴🏴🏴🏴
رديت من ظيم اليسرتعبانه يخوان
ماواحد اتلگه الاخت وصار عوان
عن ظيمي الشفته انه مدولي ذرعان
سوولي يعزازي الگـلب شو يمكم مچان

شلفايده ..الگيتهم جوه اللحد
شلفايده..ليــه مــاواحد كعد
يانار تسعر كلجمر
تعبني بجفاه العمر
شلفايده..شلفايده
🏴🏴🏴🏴🏴
طبيت يهلي المكبره والحال ياحال
باقـي اثـر سوط السبي وثار الحبال
والعبايه خدر صارت لمت عيال
وانه وياي العليل البس دمع سال

شلفايده..عبالي اشوفنه الشهم
شلفايده..ماهوه شيال العلم
ينضرلي بعيونه الكمر
تعبني بجفاه العمر
شلفايده…شلفايده
🏴🏴🏴🏴🏴🏴
حثيت التراب وصحت يهل الحميه
مشتاكه انـه يـخواني مــا ردو عليـه
تدرون بجفاكم اگـٰـــول شصار بيه
زينب عقيله ام الخدر صارت سبيه

شلفايده…ماردو خواني علي
شلفايده..بعد باالدنيه شلي
سحكينه والله علجمر
تعبني بجفاه العمر
شلفايده..شلفايده
🏴🏴🏴🏴🏴🏴
كعديت بصف الكبر مهظومه ياناس
لاشفت بعيوني الولي لاشفت عباس
طشيته اتراب الحد ولطمته الراس
حسين يالكلك وفه وكلك احساس

شلفايده..حاجيته مارد عزوتي
شلفايده..هم روحي وتجوتي
يحله وياه السمر
تعبني بجفاه العمر
شلفايده..شلفايده
🏴🏴🏴🏴🏴🏴
عمه صحت ابصوت خافت يالعليل
سندني امتوني اتعبت مابيه حيل
خذني صوب المشرعه يم الكفيل
الكمر بـجفاه خفت مايضوي ليل

شلفايده…عتابي خافن يوجعه
شلفايده..خلي بَــــــسّ اودعه
خلص باالهم العمر
تعبني بجفاه العمر
شلفايده شلفايده
🏴🏴🏴🏴🏴🏴

#تمت_✍🏻_ #بـ✍🏻ـقلـم
✍🏻خـادمـة الزهـراءام احمد العبوديه زبير

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للاربعين بطور بحر الطويل


مشتاك الكلب يحسين  يمته ايزور اهاليه
واصل يم عزيز الروح وانصبله  اربعينيه
..................

الدرب طول يخال ابني/ وعليه زادت الالام
وانه  افاركه الوليان /الي شهر وعشر  تيام
عيني ماغفت ليله /  ولاطبك  جفنها  ونام
شلون اينامن عيوني/ وراسك يالولي جدام
ليل انهار اجر حسرات / والدمعات مجريه
.............
وحكك ياضوه عيوني/ ماغمضت ابد عيناي
شلون اتضوك خويه النوم /وراسك يالحنين وياي
يبن امي واجر صفنات / واكولن ماجره بلواي
مااهجع وانام اليل/ وراس حسين بيد اعداي

لمن ارجع عله الوالي /وارد راسه عالراعيه
.............
اريد اوصل خوال ابني / ويمهم اشتكي همي
وانشد وين ابوفاضل / واخوي الجابته امي
واكله اصار بغيابه / ضل بس الدمع سهمي
بكلي ينفض اترابه / واسولف لوكعد يمي
واكله من مرار  اعداك /  روحي اصبحت مكضيه
..........
هم اوصل واشم اثراه/ واشتم ريحت الخوه
مشتاكه عله ملكاهم / وذيج  ايامنه الحلوه
وياهم ابدي اعتابي/ واكلهم  وين  الامروه
عفتوني بهظم وبظيم/ ودهري يالولي اسوه
جم ديوان طبيته  / وجم شامت زمخ بيه
..........

اريد انصب عزاك اليوم/ واكعد عالكبر ونعاك
ادك والطم على عيوني / واجر معاتبي وياك
وكلك من رحت يحسين / يسيره ومانصبت عزاك
اريد ابجي عله امصابك / وعالراسي اهيل ثراك

تريد اتزوركم وتروح / بت امك   المسبيه

✍ام زينب كربلاء غير مبري الذمه من ياخذ الكلام وينسبه له او يحذف الاسم  الجزء الثامن من المآسي الفاطميه  

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للأربعين ( يتلگه الضعن بيهه )


اجت من اليسر زينب لهاليهه
تعبانه وهزيله وحيل مابيهه
سبع الگنطره بيمن يلاگيهه
ازنوده امگطعه وهامته امطبريهه

       ( النزلة )

ماعنده الكفيل ازنود
يتلگه الضعن بيهه


بيش ينزل سكينه
ومگطوعات چفينه
وماخله السهم عينه
ومحتار شيحاچيهه


ضل محتار شيگلهه
ومايگدر ينزلهه
واخته اتريد كافلهه
ايگوم وينشد اعليهه


اتريد الجابهه ايردهه
ايباصرهه ويناشدهه
واعتاب وهضم عدهه
وتعاتب بهاليهه


وتعاتب بولياها
شو محد تلگاها
اشلون حسين ينساها
مايدري شسده اعليهه


بيهه شصار مايدري
ردت والدمع يجري
واتصيح انكسر ضهري
محتامه اعله واليهه


للمظلوم محتامه
طگهه البين عالهامه
اتگول الليل مانامه
افراگ حسين گاضيهه


افراگ حسين دولبهه
ماشاف الشمر سبهه
بالشام الدهر ذبهه
ومحترگات رجليهه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثقيله للاربعين لسان حال السيده زينب عليها السلام
=========


جيتك للگبر بحزان

من الهظم محنيه

راح الحيل خويه حسين

صرت امشي اعلى عوچيه

=========

محنيه الضهر ياخوي وتوچه اعلى عصاتي

حسرات شكثر بلروح
تذوب اجبال حسراتي

اگعد خل اسولفلك
كل هظمي ومعاناتي

وحگ شيبك يماي العين اجيتك حيل مابيه

➖➖👁️‍🗨️➖➖

جيت مگبعه بهموم
ودرب الشام تعبني

گوم وناشد اعلى الحال
ماتگعد يخال ابني

دهري مانصح وياي
بفگد الوالي دولبني

رديت بهظم يحسين
نحيله بدمعه مجريه

➖➖👁️‍🗨️➖➖

شسولفلك يبعد الروح صعبه حيل سالفتي

ماضن بعد عله وظيم مثل احزاني وعلتي

تهدم اجبال خويه حسين لو تسمع بعد ونتي

وجًرن حيل خويه حسين لچمات الدهر بيه

➖➖👁️‍🗨️➖➖

اريد اعتب على الكفال وادري للعتب يسوه

فراگك ياشريچ الروح يخويه بحالي شسوه

على نهر المنايا هناك نسينه چلمة الخوه

اصبر والصبر ياخوي يبيد الحيل تاليه

➖➖👁️‍🗨️➖➖

انشد عن مصاب البين يمن تجري وي انفاسيى

الهوه لو مر يضي العين يجرح گلبي وحساسي

الزمن مارحم بيه دوم ظالم ياهلي وقاسي

هلي راحو ضحايه هناك بلطف وكت ظهريه


=========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للاربعين


رديت من درب اليسر
تعبانه هاي لعايله


والحيل كاضي يالگمر
بحزاني خلصت العمر
مانمت الليل الي اليمر
والراس ويه العايله


غدراني عذبني الوكت
والدمعه من دم وتكت
تعبانه روحي هالگضت
والعين لجلك هامله


عباس انهظ كافلي
رديت خويه لمحملي
لاانت لاگامو هلي
خلصانه خويه وناحله


والراس جبته يالكفل
ياريت يمك هم اظل
مفگود مني جم طفل
هاي لاراضي ام البله


اشكيلك اهموم الگلب
گطعيت جم درب بدرب
ماتگعد تگوم شعجب
رديت ظيم محمله


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراء الجزءالثالث
٧صفر/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للأربعين( والروس أجن وياهه )


هليوم زينب من أجت
والروس أجن وياهه
❥━──➸➽❥💔❥━──➸➽❥💔
هليوم طبت كربله
والروح منهه أمعلعله
چا وين شيخ المرجله
نايم ولا زتاهه
❥━──➸➽❥💔❥━──➸➽❥💔
واليوم عشرين أبصفر
رجعت لهلهه أم الخدر
نزلت أو محدوبت ضهر
وأدموعهه أبعيناهه
❥━──➸➽❥💔❥━──➸➽❥💔
عباس كفال الضعن
رجعتله زينب بالحزن
يا حيره باچر للوطن
منهو اليرد وياهه
❥━──➸➽❥💔❥━──➸➽❥💔
رجعت أتزور أخوانهه
ويابس يويلي اللسانهه
متكفله أبنسوانهه
نام الولي وخلاهه
❥━──➸➽❥💔❥━──➸➽❥💔
يحسين صاحت بلهضم
دخلوني ديوان الزلم
أنه العزيزه وأنشتم
حاچيني يابن طه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٩ من شهر صفر الحرام
الموافق / ٢٠٢٤/٨/٤

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_عبرات_و_أنين_ج٥
قصيدة للأربعين (رديت نحلانه)
❥━──➸➽❥❂❥━──➸➽❥❂
من درب السبي رديت نحلانه
واصيح بصوت يبن امي تلگانة
❥━──➸➽❥❂❥━──➸➽❥❂
مهظومة ونحيلة وحيل مابية
واصيح بصوت يامحروم المية
ماتگعد يخوية اتشوفني شبية
اعثر بالجدم والدمعة جريانة
❥━──➸➽❥❂❥━──➸➽❥❂
اهمل دمعتي وبذيالي اتعثر
اجيت اليوم ازورنك يبو الاكبر
وية جثتك اريدن ادفن المنحر
هالجبته واجيت وروحي خلصانة
❥━──➸➽❥❂❥━──➸➽❥❂
راسك جيت ياخوية ارد ادفننة
واعله جثتك يالغالي اردنة
ويمك يالولي ارد اجذب الونة
روحي لشوفتك يحسين لهفانة
❥━──➸➽❥❂❥━──➸➽❥❂
هاليوم اربعينك صار يالوالي
محتامة اعله شوفك خوية يالغالي
انه والحراير جينة واطفالي
مشتاگين الك انهض يملفانة
❥━──➸➽❥❂❥━──➸➽❥❂
گوم اگعد تلگانة يبوسكينة
من درب اليسر هاليوم ردينة
نجري ادموعنة والهظم غاطينة
منك ياوسافة البين حرمانة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للأربعين
*
إجيت أنصب عزه إعله كبور ولياني
اكومن من كبر وأكصد كبر ثاني
****
إجيت بأربعين أحبابي اتجوه
وأصيحن وينكم ياأهل المروه
نامت بالكبر ياجلمة الخوه
ظل بس الدمع والنوح أذاني
*
نامت باللحد يهلي معانيكم
شمسوي الترب يهل الوفه بيكم
كتلني الشوك للكعده ومحاجيكم
شيردكم بعد يادمعه لاحضاني
*
خويه حسين اصيحن مافزع ليه
من الشام جيتك خويه مسبيه
اعذرني الضعن بي نقص علويه
رقيه ماجبتهه وجيت بأحزاني
*
بردت الكبر من دمعة عيوني
ها يحسين خويه ماشفت لوني
عيوني إمورمه وإمورمه إمتوني
من حر الشمس متغيره ألواني
**
يامذبوح راسك جبته وياي
ارده للنحر عطشان للماي
كوم من الكبر وأعصر إلك عيناي
خل نكعد سوه وإتطفي نيراني
**
اجيت انصب عزه العباس وينه
يم كبره طحت حامي الضعينه
دكوم وياي ردنه للمدينه
ولتشمت يخويه بيه عدواني
**
اريد ألطم عله العباس والجفين
كطعوهه بغدر والسهم صك العين
راسه بالعمد مطبور نصين
راحو كل هلي ياهوه دفاني
***
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للاربعين ( كوم اكعد تلكاهه)


عمت ابنك وچت عليك
كوم اكعد تلكاهه


اچت عليك من الشام
وچابتلك هضم ويتام
اختك هاي يالضرغام
ماينحچي بلواهه


ماتنعد مصايبهه
اچت والشام عذبهه
وفرگاگم مدولبهه
اچت وتسيل عيناهه


اچت وشلون چيتهه
دم تسيل دمعتهه
وماتنوصف حالتهه
حرمه البين سلاهه


حرمه ودولباهه البين
ومنها مورمه المتنين
وتنادي يخويه حسين
رقيه هناك عفناهه


بنتك ماچت ويانه
ضلت غاد حزنانه
اعذرني يملفانه
شبيدي البين وازاهه


من عندي خذاهه البين
شفنه الماتشوفه العين
مارحمونه الملاعين
هواي احزان شفناهه


شافت زينب الهضمه
من عگبك يبو اليمه
اچت اليوم متحزمه
وچابتلك يتاماهه


لشاعرة اهل البيت ع✍️ام عون الحلاويه
⛔ لا أجيز حذف اسم الشاعره
🙏 يرجى احترام الحقوق الاخرين


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للاربعين (وايست يخواني)


هاي هيه ... وايست يخواني
ولابعد واحد يشوف الثاني


ايست يوم الوصلت المگبره
ماشفت بس اللحود امسطره
وين لمتكم هذيچ المزهره
وليش محد گام يتلگاني
هاي هيه ... وايست يخواني


ليش محد گام منكم يخوتي
ينشد اعليه وينشف دمعتي
راحن اوياكم دلالي وهيبتي
صبحت تالي الحزن عنواني
هاي هيه ... وايست يخواني


صبحت فالي المصايب والدمع
والگلب كل يوم بيكم ينفجع
چم حنين الفارگيته وچم سبع
وضيم ياضيم الشمر شبعاني
هاي هيه ... وايست يخواني


ضيم شبعاني الشمر بغيابكم
يلچم اضلوعي چبير اصوابكم
جيت ازورنكم واشم اترابكم
گلبي يابس موش بس الساني
هاي هيه ... وايست يخواني


يابس ومحتام شيبرده الگلب
دولباني افراگكم حار وصعب
وين جيدوم الطليعه والحرب
خل يشوف امن الحبل ذرعاني
هاي هيه ... وايست يخواني


خل يشوف شسوه بذراعي الحبل
وين سبع الگنطره ينزل الحمل
والله اعرفنه حنين ومايمل
اشلون اگول ميسره عافاني
هاي هيه ... وايست يخواني


اشلون اگول يعوفني وبالطف ينام
والضوه بعيني عگب عينه ظلام
من رقيه اليوم جبناله سلام
وعن رقيه ماگعد نشداني
هاي هيه ... وايست يخواني



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للاربعين لشموخ زينب ع عندما رجعت منتصره

بيارغ كون     بت حيدر تلاكيها
اجت والشام  كلبتها عله اهاليها
............
هله بالجايه وعلت رواياها
ياهيبة علي ونصيح  حياها
بهوسات وبيارغ خن تلاكاها
هاي الشيمت بالزود   واليها
..........
الها الزود  زينب بت الهيابه
حطت تاجها بشدت العصابه
ضالم وبحزنها هدت اعتابه
هيبه وكل اهلها تشيمو  بيها
...........
ردت مواسيره ورافعه الهامه
زينب بت ابوها واخت وهامه
هزت عرش اميه وذلت ازلامه
يكون  برايته  الكافل يحيها
...........
اذا عباس مات ونامت عيونه
الج شيعه  يزينب دوم ممنونه
هوسات  والج  بيرغ يشيلونه
هله  بالجايه   والزود  عاليها
...........
بيج تفاخرت  يازينب الشيعه
تمشي كل سنه وتجدد البيعه
يابت الصميده وبت   الوديعه
وتفوز    الخدم لو  سجليتيها

✍ام زينب كربلاء غير مبري الذمه من ياخذ الكلام وينسبه له او يحذف الاسم  الجزء  السادس عشر من المآسي الفاطميه  
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#جديد_وحصرياً_.
#الطميه_بديوان_فرسان_الطفوف_الجزء_١٠_.


لطميه للأربعين( يم الأكبور )


اريد انصب عزيه    يم الأكبور
بلكت بي يفز النحره منحور
❥━──➸➽❥💔❥━──➸➽❥💔
بلكت بي يشوف النام برماله
احا يا فركته بالروح جتاله
اجيت اليوم ليه وجايبه اعياله
《 شجايه اليوم احذاكم 》
❥━──➸➽❥💔❥━──➸➽❥💔
اجيت انعاك وينه الي يساعدني
فز من نومتك واكعد يخال ابني
ما تدري اليسر يحسين عذبني
《 مهضومه اخلاف عيونك 》
❥━──➸➽❥💔❥━──➸➽❥💔
خويه اليوم وين انصب عزيتكم
ولا جادر ولا رايه اثبتلكم
اكعدو يا هلي ذلت عزيزتكم
《 بالهيمه اكعد يالنايم 》
❥━──➸➽❥💔❥━──➸➽❥💔
اريد انصب عزيه لهل الأمروه
اليوم اتريد حكهه مني الخوه
يفراك اخوتي ابدلالي اشسوه
《 هد حيلي افراك الحمل 》
❥━──➸➽❥💔❥━──➸➽❥💔
اريد انصب عزه واحجي ابعداليه
واكلكم يا هلي ردت العلويه
من بعد الخدر يحسين مسبيه
《 مهضومه أم عون اتريدك 》
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA

فزاعيه للاربعين

يحادي النوك عالخوان مر بيه
ازور حسين وانصبله اربعينيه
.................
يم كبر الذبيج ارجوك وديني
اريد عليه اون ويسمع ونيني
مشتاكه عله الخوان تدريني
واكله من اليسر ردت المسبيه
....... . .
من بعد السبي ردت الحزنانه
ومشتاك الدليل ينوح لخوانه
راحت والاخو مانصبت احزانه
وضلت نارها بالكلب سعريه
..........
ردت لبن ابوها بضيمها تكله
تمنت يكعد الوالي وتسولفله
ياهظم الوكت كل حيل ماخله
اكعد شوفني من الضيم محنيه
..........
تمر بحسين وترد عله كافلها
تكعد عالكبر ودموعها تهلها
ياخوان روحي الضيم نحلها
شلون ايام صعبه مرت عليه
..........
هذا حالها وهايه مأ سيها
يشيعه بالدمع كومو نواسيها
بصرخات الحزن زينب نلاكيها
ندك عالراس والدمعات مجريه

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حماسيه للأربعين


اجت زينب .. اجت زينب .. الكربله حزنانه
جابت الراس .. جابت الراس .. اتوصّله الجثمانه
❥━──➸➽❥💔❥━──➸➽❥💔
اجت زينب بت علي اويه اضعونهه
كون اهلهه الساعه يتلكونهه
ركد منهه الحيل ويه اعيونهه
على الناكه .. على الناكه .. امهدهده او نحلانه
جابت الراس .. جابت الراس .. اتوصّله الجثمانه
❥━──➸➽❥💔❥━──➸➽❥💔
اجت يم اكبور اهلهه بس تصيح
نوبه تعثر علكبر نوبه تطيح
اجت تشكي عند اهلهه او تستريح
امنلمصايب .. امنلمصايب .. والهضم ذبلانه
جابت الراس .. جابت الراس .. اتوصّله الجثمانه
❥━──➸➽❥💔❥━──➸➽❥💔
اجت زينب بت علي يم الكفيل
اتكله يلوالي امنلشفته دخيل
اوياي تدري بس يتامه والعليل
اتصيح عباس .. اتصيح عباس .. كافلي ما جانه
جابت الراس .. جابت الراس .. اتوصّله الجثمانه
❥━──➸➽❥💔❥━──➸➽❥💔
يا كفيلي شلون علشاطي نمت
وانه وي ذباح اخيي غربت
ابالي صوتي عليك يلكافل صحت
يا كفيلي .. يا كفيلي .. امخدره تدري آنه
جابت الراس .. جابت الراس .. اتوصّله الجثمانه
❥━──➸➽❥💔❥━──➸➽❥💔
كوم يلي اوياك اجيت الكربله
وابيمينك كومتني امدلله
هسه يم كبرك يراعي المرجله
جيت لحسين .. جيت لحسين .. او جايبه رضعانه
جابت الراس .. جابت الراس .. اتوصّله الجثمانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للاربعين (مهضومات اجيناك)


ياعباس مهضومات اجيناك
فك الباب خل نتسامر اوياك


فك الباب خل نگعد سويه
اشلون تنام عينك ياشفيه
اجت بت والدك زينب سبيه
امهدم حيلهه واتريد ملگاك
ياعباس مهضومات اجيناك


امهدم حيلهه وردت تشوفك
زينب مارضت تمشي وتعوفك
تگول بياكتر دفنو اچفوفك
وصاحت ياحسافه الرمل ضماك
ياعباس مهضومات اجيناك


صاحت ياحسافه اتضمك الگاع
انته الجندلت فرسان واسباع
چا كون العمر ينشره وينباع
بعنه اعمارنه وبيهه اشتريناك
ياعباس مهضومات اجيناك


انبيع اعمارنه ونشريك بيهه
وزينب يابطل تنطيك اديهه
اگعد شوفهه وانشد عليهه
عامي اعيونهه امصابك وفرگاك
ياعباس مهضومات اجيناك


عامي عيونهه بمصابك البين
اجت وتصيح دلوني السبع وين
گلهه اشبيچ خويه وليش تبچين
ونزل اضعون خطارك عله اهواك
وياعباس مهضومات اجيناك


نزل اضعون خطارك بهيده
ملگاك الحلو زينب تريده
نايم ليش ياصنگر البيده
چا وين الكفاله والوعد ذاك
ياعباس مهضومات اجيناك


چا وين الكفاله وذيچ الوعود
انته الماتعطلك عين وزنود
زينب هاي للطف ردت اردود
جابتلك دمع واخذ الدمع هاك
ياعباس مهضومات اجيناك



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك