قصيده لمولانه الحسين عليه السلام لسان حال السيده زينب عليها السلام
~~
سابع وين سويتي للحسين
وانتي  محيره ابنص الدواوين 
~~
ونتي محيره ومايمج احباب
بس شمات كلبك ع الولي انصاب

يبت حيدر عليج اشعظمه المصاب

ابخرابه كاعده عله الولي تنعين
•───✧◐◐✧──
بخرابه كاعده وضايع دلالج

يفت حتى  الصخر زينب يحالج

كلها ابكربله ضاعت أمالج

بعد ذاكه  الجمع وحدج تضلين 
•───✧◐◐✧──
تضلين ابمناحه وگلب مجروح

وعله ابن امج يحره رايحه الروح

انهدمت بالعجل ياذيج الصروح

دهرج بالچبد خلف نياشين
•───✧◐◐✧──
بسهامه  الدهر صوب دليلج

وعله خال الولد انهدم حيلج

الدمع يابت علي بالل شليلج

اضن اليوم عالوليان تعمين
•───✧◐◐✧──
عينج شابحه صوب المعاره
تذكرين المصاب انتي ابمراه

دمعج من دمه عليهم تجاره

عله اخوانج زيدي انتي بالونين
•───✧◐◐✧──
ون الثاكله وني عليهم

اعزاز الروح الشيعه مضيعيهم

اريد اتعنه بالدمعه اعتنيهم

وصيحن رايتك عباس چاوين

•───✧◐◐✧──

تمت بعون الله بقلمي الأقل خادمة اهل البيت عليهم السلام الشاعره ام ✍🏻زين العابدين لمحمداويه غير مبري الذمه اليحذف الاسماء او يتلاعب بيها


،✍️الشاعره ام زين العابدين المحمداويه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصائد السبي

// حال السيدة زينب ع//
((((لطمية سريعةختام مجلس)))

يا زينب يا زينب يا زينب *2

〰️〰️〰️〰️〰️〰️〰️〰️〰️〰️

ميسورة من كتر لكتر وروس اخوتي جدامي
مدري اسكت يا طفل وتتصارخ انه ايتامي
ووحيده ما عندي ولي وكبالي راس الضامي
يعاين عليه وبالصبر اتحمل اني الامي

وبگلبي الونات ما تخلص الونات
عمري كضه باهات من زغري بالاهات

شفت الاذه من يومي
والقهر صار رسومي
راح امشي بدروب اليسر مقتاده
يا زينب يا زينب يا زينب
〰️〰️〰️〰️〰️〰️〰️


اذكر يخوتي من طلعت من المدينه وياكم
كافلني عباس الاخو ومحله المشي بممشاكم
جيت بمهابه وعزتي وبعيني اني ارعاكم
انة الاخت جا الوالده ومن الحسد ارقاكم

ووصلنه لرض فراك وبيهه يصير فراك
اه يا ارض العراگ شبيه من اذة العراگ
تحرم عليه نومي
والقهر صار ارسومي
دموع الحزن اه يخوتي معتاده
〰️〰️〰️〰️〰️〰️


ردت ابقى يمكم علثره من ودعتكم گوه
فوك الهزل لمن رحت يخواني اعظم بلوه
منظركم يفت الگلب ومنكم كطعت الرجوه
يعزاز روحي ما يضل عندي بعدكم سلوه

مجبوره بممشاي هو غصب ممشاي
حاجوني شنهو الراي ضيعت مني الراي

عدكم يخوتي علومي
والقهر صار ارسومي
شابحه عليكم بالنظر يالساده

〰️〰️〰️〰️〰️〰️

ويايه بس تبجي الحرم عليكم تنوح ايتامي
واني الاصبر العايله والگلب مني دامي
من اذكر عفتكم علترب سوده غدت ايامي
وملزومة انه بالصبر ويا روسكم جدامي

شيسكت ايتامي تتباجى ايتامي
شيكضيهه ايامي مصعبها ايامي

الگلي يخيتي گومي
والقهر صار ارسومي
يصعب عليه كافلي افگاده
〰️〰️〰️〰️〰️

مأجوره يا ام الخدر عل الجره وصار بحالج
محد مثل قهرج عرف ولا اهلج التبرالج
مدلله بت المرتضى واخوتج كلهه كبالج
تتفده اسمج والجره ما جان يوم ببالج

باليسر والشامات ومن شفتي الشمات
وجرعتي للغصات ويلي شكر غصات

وعليج انعه دومي
والقهر صار ارسومي
اندار الزمن وياج سوه الراده

✍🏻#نبضي_حسين
اسألكم الدعاء.

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسبي


ساروا العدوان بضعون الحبايب
وجثة المظلوم ظلت عالترايب

بالدموم امغسله
فوگ ارضج كربله

جثة المظلوم ظلت عالترايب
&&&&&&&&&&&&
ودعتكم من على الناگه يخوتي
سايره ويه الگوم يامعظم بلوتي
وگمت انادي وينه اليسمع نخوتي

گمت انادي بالعجل
گوم وانهض يافحل

جثة المظلوم ظلت عالترايب
&&&&&&&&&&&&&
شلون عفتك نايم بحر الظهر
وماشيه مجتوفه يحديني الشمر
وعذباني خلافكم خويه الدهر

اه ياضيم الگلب
ماشيه خويه غصب

جثة المظلوم ظلت عالترايب
&&&&&&&&&&&
امشي وعيوني تصد للمشرعه
انظر العباس،طاح ابمصرعـه
ويل گلبي والجفوف امگطعه

صحت خويه يالكفيل
حان هليوم الرحيل

جثة المظلوم ظلت عالترايب
&&&&&&&&&&&
صعبه خويه الحرمه ابلايه ولي
العايشه ابعزه ودلاله وتـنـولـي
زينب بهليوم تصرخ يا عـلـي

گوم ياحامي الدخيل
زينب ابلايه كفيل

جثة المظلوم ظلت عالتراسب
&&&&&&&&&&&&
بويه صعدونه على النوگ الهزيل
مجتفه وياي مربوط العليل
گمت احاجي الناگه بينه لاتميل

ماشيه بدرب السبي
علينه محروگه العبي

جثة المظلوم ظلت عالترايب
&&&&&&&&&&&&
✍بقلمي المتواضع خادمة اهل البيت عليهم السلام مله ام علي الاسديه
غير مبري الذمه من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه لسيده زينب عليها السلام سابع الأمام الحسين عليه سلام
==================
وين مجلس سابع تسويله
بدرب زينب دمعها تسيلا
===
حايره ودمعاتها تنزل جمر
حانه على حسين ماعدهه فكر
اتكول مشتاكه اله وكلبي انفطر
تنوح بسكوت الغريبه انحيله
وين مجلس سابع تسويله
هوسه ورباط
زينب ناصبه مجلس على الناكه
===
الفاكده الوالي الحنين مصوبه
اشلون بيها وبالعيال مدولبه
بدرب تنحب وتبجي معذبه
علرمح راسه ويصد للعيله
وين مجلس سابع تسويله
هوسه ورباط
تسيل عيناها محتامه لخيها
===
تكول خليت اخوتي فوك الثرى
ورحت مسبيه وخذت بس منحرى
انعى والحسرات بيه مسطرى
روحي من كثر المصاب انحيله
وين مجلس سابع تسويله
هوسه ورباط
بجت وعيونها يهلن على اخوتها
===
غربت لشام والممشه كلف
راكدت من الشمس ماتنعرف
حسره وهموم وحزن رايه ترف
فراك ولياها صعب شيشيله
وين مجلس سابع تسويله
هوسه ورباط
والشام بعيد وهد حيلي
===
شال نص اليل ياحاديها
غربت ودموعها تجربها
اليوم سابع ونتج زيديها
ماتم بنص الكلب تحيله
وين مجلس سابع تسويله
هوسه ورباط
سبع تيام زينب فاكده الوالي
===
تمت بحمد الله تعالى بقلمي شاعره وخادمه اهل البيت عليهم السلام ملا زينب الطويرجاوي ١٣ ٧ ٢٥ ٠ ٢

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه الدرب للسبي


شلون بحالنه محد رحمنه
درب الشام كلش هم فجعنه


شلون بحالنه طبينه هالسوك
على ظهرالنياك وهايه متلوك
كلب اطفالكم وبناره محروك
يكسر جم كلب هذه وضعنه

درب الشام مانعرف طريجه
هواي جروحنه تدي وغميجه
بس الروس ويانه رفيجه
تباري اطفالنه وتعاين النه


نومه رجالنه وصعبه علينه
حدايه الغرب تتماشه بينه
شدبحبال هالمشدودات ادينه
من حجي الشماته شكدتعبنه


تعبنه الطريج طويل دربه
كلمن يوجعه من لظيم كلبه
خذونه للقصر ياطبته صعبه
نسولف ظيمنه ولروس اهلنه


آه يشام من عنده كظينه
هواي دروب بيها وهالجزينه
لقصر يزيد وبطبته بتلينه
لجلسه دخلنه وهل دمعنه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ السبت2025/7/12
١٦محرم/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نصاري جديد
للعلويه شريفه بنت الحسن
〰️〰️〰️〰️〰️〰️〰️〰️〰️

تعال وياي خل انكابل ام عــــون
ماتت بدرب بت اليرهبـــــــــــون
〰️〰️〰️〰️〰️〰️〰️〰️〰️
ماتت بدرب بت المياميــــــــــــن
وللعلويه زینب هلت العيــــــــــن
مايدري السبع عباس وحسيـــــن

من حکهه العقیله تعمي العيــون
〰️〰️〰️〰️〰️〰️〰️〰️〰️
من حکهه العقیله ادك علی الراس
على الماتت غريبه ابين هالنـــاس
وسفه ماحضر عمهه العبـــــــــاس

وجاشيع شريفه فوك المتــــــــون

〰️〰️〰️〰️〰️〰️〰️〰️〰️
تبچي ام عون وتحشم يالحنــــان
واتريد الشريفه الیوم دفــــــــــان
صدك عازاتهم عازات الخـــــــوان

شحلاهم لو اجو ويه اليدفــــــون

〰️〰️〰️〰️〰️〰️〰️〰️〰️
صدك والله الاخو عازات عازات
شحلاته لو طلع ويه الجنـــازات
على اجتافه يشيعهه النجيبــات

ویهیل التراب ویه الیهیلـــــــون
〰️〰️〰️〰️〰️〰️〰️〰️〰️

هاليوم العقيله تريد الاحبـــــاب
ماتت بت اخوها بين الاجنـــاب
تريد الي يهیل اعلیهه التـــــراب

يجوهه ولدفن ليهه يحضـرون
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ويـن الفاتحه زيـنـب نصبتيها
يا نـسـوان تلطم من عزمتيها
...................................
ويـن الفاتـحـه وقـرايه سويتي
دمـوع العين لـلـولـيـان هـليتي
منـهـو الحاضره ويـاهـا ونيتي

﴿عباتچ بالخرابه المـن فرشتيها﴾
🪹🪹🪹🪹🪹🪹
لا سـوت وثـواب وقـرت نـعـايه
ثـلـث ايـام زيـنـب هـيـه مـلايه
والـنـاگـه تـون خـلـوهـا ويــايـه

﴿گـولـي بـيـا درب عثره ختمتيها﴾
🪹🪹🪹🪹🪹🪹
ڪون مـعـزب الـعـباس بالگهوه
تـدريـنه ڪلف هـذا ابـو المروه
ويـخـدر ادلالـه بڪلـمـة الخوه

﴿عـيـنـچ بـل دمـع والله عميتيها﴾
🪹🪹🪹🪹🪹🪹
تـنصبين الـعـزه زيـنـب العلويه
وامـچ حـاضـره ويـاهـا بـدويه
انتي مـخـدره لا موش مسبيه

﴿هروش البلگلب زينب شلعتيها﴾
🪹🪹🪹🪹🪹🪹
زيـنـب هـاي والـخـوان عافوها
نـامـو عـتـراب وغـرب رفجوها
والله ام الحزن وسفه يطگوها

﴿احنان اهلج يحره من تركتيها﴾
.........................................

الشاعره العلويه ام كنان الهاشمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥اصدار حصري وجديد لطميه بقفلة الهوسه للسجاد عليه السلام (فاتحه للحيد) من ديوان محزوز الوريد 👈 ١١ج خاص للسجاد ع كتاب ناااار 🔥 وشني يحتاج المجلس تجدينه هنا 🔥

فاتحه للحيد... ننصب هالمسه
وبمصابه نعازي... سيدة النسه

➖➖➖➖➖
فاتحه للحيد منصوبه تره
حاضره اويانه تون الطاهره
عالغمض عينه وجبدته مفطره

(ويانه//تون الزهره)

➖➖➖➖➖
عالولي مصيوب كلب ام الحسن
عاش كل عمره بمصايب وبمحن
كل كلب لمصيبته ون وحزن

(عاش بلوعه//كل عمره يون)

➖➖➖➖➖➖
ننصب الماتم نون لمصيبته
اه يزين العابدين وعملته
للمنيه ماكطعهه دمعته

(تهل عينه //لحسين ويومه)

➖➖➖➖➖➖
حك دمعنه اليوم للعابد همل
مات مسموم الجبد ويلي رحل
اه يكلبه شاف جم لوعه وحمل

(والامه//يون من الطف)

➖➖➖➖➖➖
نعازي ام حسين ونهل الدمع
شايل السجاد جبده منكطع
بيرغ الاحزان لاجله يرفع

(تشيلونه//والبيرغ لاجله)

➖➖➖➖➖➖
والعزه منصوب لابن الطاهرين
بهالمسيه شال زين العابدين
نلطم الهامات ونعلي الونين

(وين اللطامه//ادك لمصابه)

(وسعن ميدانه//المات امسم)

(هوسي وونيله//اليوم الشايل هيبه)


تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للسجاد زين العابدين


شبع ضيم وائسر ومات  مسموم

بطفج كربله كلبه انمله هموم

من اثر الجامعه يسايل دموم

  على ايامه نون اليوم)
〰️〰️〰️〰️〰️

مسموم ويون ويذكر  حسين
  منه اليوم سالت من دمه العين

   باله طابعه  ذبحه الجنين

(تحمل مر محد شافه)

〰️〰️〰️〰️〰️
المدينه اليوم للسجاد حزنانه


شال السيد المعصوم ماجانه

شخصه غاب عنه وصدك بجانه
(  الكون ينوح على مصابه)

〰️〰️〰️〰️〰️

يحجي بزود اهله واكف بديوان


  يبدي.بسمله وايه القران

الك صيت يتجدد وانته عنوان

(سجل تاريخ من جدوده)

〰️〰️〰️〰️〰️
يفرض بلحجي وحلوه محاجيه

خله يزيد يرجف وي طواغيه

خبرهم بأصله. ابن  الكباريه

( بعدوانه خل الواهواس)


✍🏻 بقلمي الفقير خادمه البتول المله ولشاعره ام نادين المحمداويه ملكه الحسجه الجنوبيه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسجاد ع
❥❥❥❥ـــــــــــــ❁❁ـــــــــــــ❥❥❥❥

عمه زينب... هسه محتاجج تجيني
عمه زينب... بيدج تغمضيلي عيني

تذكريتج بالمنيه
القصه عشناها سويه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥

عمه زينب وينج انتي ماتجين
كون اشوفج هسه وتغمض العين
وداعتج ياعمه كاتلني الحنين

كون اشوفج يالحنينه
ذاك وكتي وياج وينه
عمه زينب **** عمه زينب
❥❥❥❥ـــــــــــــ❁❁ـــــــــــــ❥❥❥❥

ياعزيزة والدي كونج جريبه
نگعد  انه وياج نبجي يالغريبه
نسولف وننحب عله ذيج المصيبه

نذكر الشام وعذابه
والسبي وذيج الخرابه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥

عمه وعيونج المتعوبه وسهرها
روحي حد الموت مافلت قهرها
لسه اثار الحديد المن يسرها

لسه اثار اعله متني
وانتي ادره بكلشي عني
عمه زينب **** عمه زينب
❥❥❥❥ـــــــــــــ❁❁ـــــــــــــ❥❥❥❥

انه وانتي نفس الاجروح وآلمنه
اثنينه من كربله صاير هضمنه
من ضهر عاشر ابد مو هسه متنه

متنه من شفنه السليب
راسه مشيول وخضيب
عمه زينب**** عمه زينب 
❥❥❥❥ـــــــــــــ❁❁ـــــــــــــ❥❥❥❥

انتهت قصتي يعمه وماحضرتي
وهاي اخر مره ماسمعيتي ونتي
وكت المنازع عليج تهل دمعتي

ببالي مطبوعه الرزيه
وصورتج وانتي سبيه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
الشاعرة نورس الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للسجاد ع
*
علي السجاد متنه لاتلجموه
ابهيده بالنعش يامن تشيعوه
**
تون ام الحسن وتنوح حزنانه
لبن حسين حضرت تلطم ويانه
مسموم الجبد غدروه عدوانه
لابو السجاد بالدمعات واسوه
***
بهداي النعش لمن تشيلونه
بآثار الحديد امورمه متونه
بكيد وجامعه للشام يسبونه
محزوز الوريد ونحره جرحوه
****
بهيده بالعليل التنزف جروحه
من عاشر محرم مابطل نوحه
كل اهله جثث عالكاع مطروحه
اكباله راس ابوه حسين شالوه
*
يادفان بالك كلبه لتلجمه
ينزف هالكلب من شال ابو اليمه
اموذر عالترب بالباريه ايلمه
من كثر السحك بالخيل طشروه
*
من يوم السبي ماينسه عماته
أثر للموت باقي بخده دمعاته
بيده من دفن الزغار اخياته
ينوح وينتحب كل عمره خلوه
*
ياروح التشيل جروح البكلبه
بجم لوعه وظليمه رايح لربه
غريب وبالبقيع امهدمه الكبه
يم عمه الحسن مظلوم دفنوه
*
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( لطميه فزاعيه للسيدة شريفه عليها السلام ))*


مهضومه لشريفه ... اليوم عمتهه
عازي ام الخدر ماتت حبيبتهه
🏴🖤🏴

نعازي اليوم زينب يلمحبين
مهضومه لشريفه وتدمع العين
ماتت بت اخوهه وي الملاعين
من جور العده حانت منيتهه
مهضومه لشريفه ... اليوم عمتهه
🏴🖤🏴

ماتت بلدرب من سوط الانذال
ودمع ام عون علمضلومه همال
ورادت من اهلهه اليوم خيال
بيد اهل الحميه تريد دفنتهه
مهضومه لشريفه ... اليوم عمتهه
🏴🖤🏴

من اهل الحميه تريد دفان
ويحفر بلحد ويعدل الامچان
وبيده يهيل للمسبيه تربان
تنطر بلنشامه وتهل دمعتهه
مهضومه لشريفه ... اليوم عمتهه
🏴🖤🏴

تنطر بلنشامه وما اجوهه
شگد شوغات زينب شوفوهه
اليوم تحيرت ببنيت اخوهه
يشيلون الجنازه رايده خوتهه
مهضومه لشريفه ... اليوم عمتهه
🏴🖤🏴

يشيلون الجنازه تمنت الساده
ويحطون للمضلومه وساده
صغيرونه وسبيه وحالهه تراده
عمت عيني عليهه شلون موتهه
مهضومه لشريفه ... اليوم عمتهه
🏴🖤🏴

عمت عيني عليهه شافت اللوعه
ماتت بلدرب هليوم مفجوعه
ونتهه خفيه وموش مسموعه
وتطر الصخر نصين ونتهه
مهضومه لشريفه ... اليوم عمتهه
🏴🖤🏴


*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للسيده شريفه ع
**
ماتت باليسر بنت الأجاويد
تعبهه المرض والسوط والكيد
****
أنعاهه لشريفه وحيل مابيه
مثلهه بالحبل مجتوفه إيديه
شكد صاحت يعمه لحكي إعليه
من عندي الشمر ماادري شيريد
****
ظلت تنتحب والنوح أذاهه
شافت عالترب مذبوحه ولياهه
روس احبابهه بالضعن وياهه
تبجي ليا نحر مكطوع الوريد
***
شافت بالطفوف امصيبة العاشر
عمهه حسين لمن رضرضه الحافر
ذبحو كل اهلهه والكلب شاجر
مصيوب الكلب بمصاب جم حيد
**
ماتت بالمرض حسراتهه هوايه
عتب بعيونهه تتعاتب ويايه
يعمه وينه عمي صاحب الرايه
وكفال الضعن طايح بلا إيد
**
يابنت الحسن منج اشم عطره
ذكرى من الاخو واخذوهه للذكره
طفو شمعتج فجعوهه للزهره
يم هاشم ونيني إعليج ميهيد
**
دفناج بغرب يالماتت إعليله
علي السجاد ويايه انهدم حيله
نصبنه الفاتحه لمصابج الليله
بالحله وحيده وكبرج بعيد
**
مشه ضعن السبي للشام ودعناج
شريفه يالغريبه صحنه الله وياج
زينب عمتج للموت ماتنساج
نوحي عالهزيله لفكدج يزيد
**
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

في استشهاد الإمام علي السجاد ع

صاح صوت النايبة بوسط السماء
يلله يا شيعة استعدو للعزاء


يلله يا شيعة استعدو للدمع
طايح بسمه اﻻمام و منصرع
يواسي چبده فاطمة بكسر الضلع
يوم عصروها وبده وياها البﻻء


يوم عصروها مثل يوم الچبد
زين العباد بمصابه منمرد
يمه الزهرة تعاينله وتصد
تصيح يبني نادته بعبرة وبكاء


عبرة امه امكسرة بوسط الصدر
تنعه عالمسموم هداها الخبر
يبني دﻻلي بمصابك منفطر
وانا جازوني ييمه بهالجزاء


بفگد اوﻻدي تجازيني العده
كل سهم دهري عليه يسدده
ليش كل هاي الظليمة انشده
ما شفت منك و ﻻ ذرة وفاء


ما وفيت وياي يا دهري وجنيت
چم مصيبة وسط دﻻلي رميت
مو محمد والدي بيه دريت
ليش هذا الجور وي خير النساء


خيرة النسوان نادت باﻷنين
تعنت تشيع امام الساجدين
تعنه وياها امير المؤمنين
ويانه تقرا التعزية شعر الرثاء


نرثي ونجدد حزنه بالمصاب
نلبس بهالنايبة سود الثياب
وبمآتمنه نوزعله الثواب
نذكر ويه مصيبته سلب الرداء


نذكر مصيبة ابوه بكربله
حرگ الخيام وسبيها العايلة
واحسينااه الشعار النحمله
بي ننادي ويرتفع هذا النداء
■□■□■□■□■□■□■□■□■□■
بقلم الشاعرة:
متيمة_الحسين

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( قصيده موشح للامام السجاد زين العابدين عليه السلام ))*


اليوم بلسجاد عازي سكينه
والاخو احزام الضهر تدرينه
🏴🖤🏴

عازي اخته وعمته المهضومه
شايل المسموم يصعب يومه
شاف بعيونه مصاب الحومه
وشاف ابوه بعينه موذرينه
اليوم بلسجاد عازي سكينه
🏴🖤🏴

شاف بعيونه مصايب گربله
وراح مسبي والمدامع هامله
وعور چفوفه الحبل والسلسله
معورات من الحبل جفينه
اليوم بلسجاد عازي سكينه
🏴🖤🏴

راح مسبي وي العقيله عمته
وشاف بعيونه اضربوهه اخيته
اه يمصاب العليل وهضمته
يساعده الله علهضم ويعينه
اليوم بلسجاد عازي سكينه
🏴🖤🏴

شاف چم مصاب وچم لوعه
اليوم بلسم جبدته مفجوعه
رايد احبابه وهله مجموعه
راد وگت الموت يمه حسينه
اليوم بلسجاد عازي سكينه
🏴🖤🏴

تمنه ابوه حسين يمه واخوته
وسطت الاحباب رايد موتته
وتعدل اغطاه العزيزه اخيته
ابد مانشفت دموعه بعينه
اليوم بلسجاد عازي سكينه
🏴🖤🏴

تمنه وگت الموت يمه احبابه
عيونه مانشفت تهل سچابه
يكول اه يابو علي ويمصابه
تلهج باسم الحسين ونينه
اليوم بلسجاد عازي سكينه
🏴🖤🏴


*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين


اطلب منكم تندعولي ان الزهراء تقبل خدمتي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام السجاد عليه السلام( ما فارگ أعيونه )


لليوم الدمع ما فارگ أعيونه
بسم أعداه يلوج ومنخطف لونه
❥━──➸➽❥💔❥━──➸➽❥💔
مسموم أو دمع عينه على أخدوده
وأبداره صبح جثمان ممدوده
شايل عنه أبوه اليحچي أبزوده
وأثار السياط الهسه بمتونه
❥━──➸➽❥💔❥━──➸➽❥💔
ما يبچي أعلى حاله يبچي عالوالي
المنزل من بعد عاشور ضل خالي
بويه أيصيح ما تنشد على أحوالي
وكل أرجاله يمه اليوم يبچونه
❥━──➸➽❥💔❥━──➸➽❥💔
التمو كل بني عدنان يم راسه
السم گسّم چبدته وگاطع أنفاسه
أبو أحساس الحمامه وذبحو أحساسه
ويا وسفه الترف مثله يسمونه
❥━──➸➽❥💔❥━──➸➽❥💔
الله أيعين گلبه الفرگه چتاله
والله أعلى الفراگ أيصبر أعياله
وأبنه الباقر الدمعات تتلاله
بعزيز الگلب وسفه يفجعونه
❥━──➸➽❥💔❥━──➸➽❥💔
خلصت وي علي السجاد تاليهه
والباقر دمعته الفگده يجريهه
شال أجنازته بيده أو مشه بيهه
نچل حسين صحبانه يفگدونه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ١٩ من شهر محرم الحرام
الموافق / ٢٠٢٥/٧/١٥

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده شريفه ع
رباط هوسه

شريفه للحوايج دوم اندبوها
مترد الطلب ونتم تعرفوها

شريفه للحوايج  دوم كظايه
يابنت الحسن اهمومنه هوايه
جينه المجلسج وشلنهه الرايه

[تنطيها.. الصاحت باسمج ]

تنطين الحوايج هاي معروفه
يابنت الحسن التكرم اجفوفه
ناخيتج عله الشده يموصوفه

[تحليها.. لو جانت كلفه]

تحليها الشدايد ولنعم منج
كريمه وبالكرم كلها حجت عنج
مهظومات بالمجلس . يندبنج

[تنطينه... امراد  العاجل]

تنطي مراد ولمحرومه.. ذريه
وتوسل شريفه وصفي.. النيه
وكللها بجاه سكنه ودمعة رقيه

[تفريحنه .. الرايد حاجه]

تفرحين الاجت ولرايد العونه
وانتي ام الكرم وهاي مظمونه
عمج  حيد بالكلفه يندبونه

[ بجفوفه...نتوسل عندج]

بشده تحيرت مولاتي حليها
خادمتج تريد الكلفه تكظيها
طلبتي رايده بيدج توقعيها

[معروفه.. انتي بأفضالج]


✍️مريم العبوديه اسيرة الاحزان

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( فزاعيه للامام السجاد زين العابدين عليه السلام ))*


شدن لطمت السجاد ... والميدان وسعنه
🏴🖤🏴

شدن لطمت المسموم
وعازن زينب وجلثوم
بلسم ميت المضلوم
وتحله عليه كل ونه
شدن لطمت السجاد ... والميدان وسعنه
🏴🖤🏴

وحلوه ولايگه العبره
شاف الماسده بعمره
وگومن عازن الزهره
وخل نهل مدامعنه
شدن لطمت السجاد ... والميدان وسعنه
🏴🖤🏴

عليل تلوگله الدمعه
ويشبه النبي بطبعه
وعازن فاطمه البضعه
هواي هموم صابنه
شدن لطمت السجاد ... والميدان وسعنه
🏴🖤🏴

هواي مصايب ولوعات
ومسبي ويه المسبيات
وراح مرافگ الشمات
وشاف اشگال تدرنه
شدن لطمت السجاد ... والميدان وسعنه
🏴🖤🏴

بعينه شاف ابو مذبوح
شاف شگد هضم وجروح
وللمضلوم ضل ينوح
يون للخيل داسنه
شدن لطمت السجاد ... والميدان وسعنه
🏴🖤🏴

يون للگسرو صدره
ولحسين وگطع نحره
العابد ياعضم صبره
لحد الموت ضل حزنه
شدن لطمت السجاد ... والميدان وسعنه
🏴🖤🏴

العليل شگد هضم شايل
وحيله من المرض مايل
ودمعه عل وجن سايل
وبلسم گضه وبلونه
شدن لطمت السجاد ... والميدان وسعنه
🏴🖤🏴


*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الفزاعيه بديوان بحر الولاء الجزء ١٨


فزاعيه للسيده شريفه عليها السلام


متوفيه شريفه اليوم
ما يدرون ولياهه
❥━──➸➽❥💔❥━──➸➽❥💔
من ضيم اليسر هليوم
ماتت بضعة المسموم
متوفيه ابسياط الكوم
بس اعليل وياهه
❥━──➸➽❥💔❥━──➸➽❥💔
متوفيه شريفه اتريد
دفان امنبوهه الحيد
عمهه ما دره الصنديد
ظل نايم او ماجاهه
❥━──➸➽❥💔❥━──➸➽❥💔
ما جاهه الولي دفان
واهيه اغريبت الاوطان
او كل اعمامهه ابتربان
متخضبه لحاياهه
❥━──➸➽❥💔❥━──➸➽❥💔
من ماتت دربهه اطويل
ميسوره ولا ضل حيل
ماتت بتهم اهل الخيل
ما واحد تعناهه
❥━──➸➽❥💔❥━──➸➽❥💔
ما يدرون اهاليهه
متمحن علي بيهه
اجت اتزور واليهه
اليوم الاجل وافاهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للامام لسجاد ع

متوفي علي السجاد
ابجو يالتحبونه

هذا الشاف ابوه حسين
لا ناصر اله ومعين
تبجي عليه هاي العين
هالليله يدفنونه

هذا العاصر الاحزان
بروحه توجرت نيران
عليل مكيد وجعان
غمضت  تالي اعيونه

يسوه اليوم مبجان
عليه الساده حزنانه
وين اليدك ذرعانه
وين اهله يشيعونه

هذا صاحب السجده
دنه هالموت من عنده
خل يحظر علي جده
للعابد يشيلونه

حسافه. ينجتل بالسم
عليه  الحيل  يتهدم
تبجي عيونه من دم
جادر عزه ينصبونه

وين الواست الزهره
عليه اليوم  متكدره
مجلس  بالعزه  نقره
ونعاون  المحزونه

تمت بعون الله
مريم العبوديه اسيرة الاحزان💔

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك