هوسات الى دفن الأجساد الطاهره



زينب تنتحب وتصيح اعذروني
ردت احضر دفنكم ما يخلوني
واغسلكم يخوتي بدمعة اعيوني

((بالرمله اوياكم/ كون ايدفنوني ))


ريت اكبوركم خويه اندفن بيه
ماتسوه المره من غير  اهاليهه
اتذل اخلافهم والضيم يالفيهه

((وخلوهه مهضومه ونامو))


شلون اكبورهم بله حفرتوهه
واختهم بالدفن ما حضريتوهه
شلون اجساد اخوتي من دفنتوهه

((نامو بالكاع الوهانه ))


هاليوم  الكلب مابطل  الونه
مايلاح جرحه شلون اشدنه
لحسين وعضيده الدمع اسيلنه

((النوح عليهم سلاني ))


يحله النوح للفكدت الخوان
عليهم من تون يسوون الحنان
كلبي نزف دمه اليوم خلصان

((خلصانه ياروحي عليكم ))


الويلي النوح والون صار سلواي
  نومه  بكربله خليت  ولياي
من سمعيت ابدفنهم بادن اعضاي

((بالطف اندفنو والياني ))



لخادمة الحسين (( ع))العلويه ام اياد لا يجوز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

تميل ويه الهوه زينب على الناگه
تعبانه ولـخـوهـا احسين مشتاگه
.....................................
تـعـبانه العـقيلـه وحـيـل مابيها
مـحنـيـه الضـهر وتـون لهـاليها
هـاي ام عـون يـازهـره تلـگيها

(تـره نـار الشـمـاته حيل حراگه)
💤💤💤💤💤💤
مـن يـوم المصيبه حسل نهلانه
وراحـت لليـسـر زينب الحزنانه
بـدروب المخـطـره تـريد عوانه

(بـعـد ويـه النودهم وين نتلاگه)
💤💤💤💤💤💤
ضـيـم الـمـر علـيـه ماسده مثله
مـصـاب اعزاز گلبي بيه اشخله
وفـوگـاها اليسر والـدرب مندله

(يا عباس ضـعنـك الشمر ساگه)
💤💤💤💤💤💤
تـون ودمـعـة العيـنيـن مـجـريه
عمت اولادڪم يحسين مسبيه
رحـت ميـسـره واحـبـال بيديه

(يخوتي ويه الغرب تكلف الرفاگه)
💤💤💤💤💤💤
صـاحـت يـخـوتي والونه علتها
اگـعـد للـمـشت ڪلفه مصيبتها
تـرضـون الـعـزيـزه تهل دمعتها

(چا وين الڪفلني يكلف افراگه)
💤💤💤💤💤💤
هـاي امـخـدره وشلون ممشاها
زجـر وحـرمـلـه لـلـشـام گــادها
ونـت عـالـهـزل وتـريـد والياها

(مشتاگه لخوها احسين مشتاگه)
...........................................

#الشاعره_ام_اياد


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥اصدار حصري وجديد لطميه للسبي بدايتها هوسه (زينب هدمتها) من ديوان محزوز الوريد 👈 ٧ج خاص للسبي 🔥🔥

توجع حيل توجع حيل مابيه
امشي اعالهزل مجتوفه مسبيه
وعيون الشماته تعاين اعليه
نادت وصحت محد فزع ليه

(نزلت المربوعه)

زينب هدمتها... صعدت الناكه
يانار الشماته... الحيل حراكه
➖➖➖➖➖➖
توجع حيل ياعباس تاذيني
شلون اصعد يخويه ماتحاجيني
عكب جفك يكافل من يباريني
(المحشومه//تصعد عالنوك)
➖➖➖➖➖➖
بيدك صعدتني وعينك اعليه
هسه شلون ياهو اليلتزم بيه
ياخال الولد كوم انتهض ليه
(اعالناكه//يصعب ممشاي)
➖➖➖➖➖➖
شلون اصعد يخويه كلي شلون
اديه مجتفه وورمانه المتون
كلهه شابحه اعليه بالعيون
(اكعد ليها//زينب عباس)
➖➖➖➖➖➖
ياجف اليصعدني على النوك
كلبي اليوم ون وحيل محروك
شفنه الظيم بعد شرايح نضوك
(ويالوعه//ياظيم نشوفه)
➖➖➖➖➖➖➖
زينب بت علي انه الاميره
اعله اظهور الهزل امي اسيره
واليوم النظر المن اديره
(بالحومه//مذبوحه اخواني)
➖➖➖➖➖➖
اصعد عالهزل مجتوفه الايدين
ماضل حيل لاضل شوف بالعين
ناديت وصحت عباس يحسين
(اهل الغيره//اندب هاليوم)

(ميسوره//زينبكم راحت)

(تهد حيلي//والناكه الهزله)

(بعيونه//والشامت ينظر)


تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

# فزاعيه للسبي

زينب من مشت للشام
راسي مـــشه ويــــاها

انه الي كــــفلت زينب
ابو الــــكلفات المجرب
صدكوني اذا اغضب
برمـــشه افني اعداها
🔹🔹🔹🔹🔹
وينه الگال مــڰيوده
ﭼلمته اعليها مردوده
الكافل ڰطعو زنوده
ولكن راســـه يبراها
🔹🔹🔹🔹🔹
وكلمن ڰال وحــدها
وحته حرس ماعدها
بعد فنــــــه يرددها
مهيوبه يزود ولياها
🔹🔹🔹🔹🔹
مهيوبه مشت للشام
وياها الحرم والأيتام
ذلت عرش هالضلام
من اجه ايزيد حاﭼاها
🔹🔹🔹🔹🔹
جبل شامخ فلا تنهز
وكفت وكفه بيهه العز
وخلت الطاغيه يعجز
اختنه وبيهه نتباها
🔹🔹🔹🔹🔹
لبوة حيدره هايه
شجاعه بيها الكفايه
ضلت زينب حمايه
وتحامي ابيتاماها
🔹🔹🔹🔹🔹

تــــمت بقــــ✍🏻لم خادمات أهل البيت عليهم السلام


✍🏻الشـــاعره زهـــــراء الحــــــربـــــي
حســـــينيه الهــــوى

✍🏻الشــاعره سهام المـــالكـــي

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيده للسبي (يا جرح گلبي)*
*((من ديوان📚 مسير الفواطم لإرض المظالم الجزء ٣))*
❥━──➸➽❥❂❥━──➸➽❥❂
ياجرح گلبي ولامثله جرح
شفت بس احزان مامرني الفرح
❥━──➸➽❥❂❥━──➸➽❥❂
ياجرح گلبي ولامثله چبير
رافگيت اجناب ماعدهم ضمير
وبس علي الوجعان وياي واسير
والغريب حسين بالحومه انذبح
❥━──➸➽❥❂❥━──➸➽❥❂
ذبحو حسين وبگيت بلا حسين
وابو فاضل گطعو منه الادين
ماشفت غير المناحه والانين
وراس ابو اليمه على راس الرمح
❥━──➸➽❥❂❥━──➸➽❥❂
راس ابو السجاد شفته اعله الرماح
انشلع سباح گلبي و حيلي طاح
صرت مثل الطير مكسور الجناح
بالحرايب نايمن اهل السلح
❥━──➸➽❥❂❥━──➸➽❥❂
بالحرايب نايمين اعله الثره
ورحت للكوفه غريبه اميسره
وين عني البطل سبع الگنطره
مادره للجلسه طبيت الصبح
❥━──➸➽❥❂❥━──➸➽❥❂
ما دره طبيت ما بين العده
عالنهر خليت جثته امدده
من يخبره ومن يگله اعله السده
والدمع بالعين ضل ماينمسح
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية لمسير السبايا الى الكوفة ( ومحمد بطه اعليهه )


ماضل حيل بيه اوداعت الهادي
اشلون امشي واعوف حسين بالوادي
ماخلاني اودعه استعجل الحادي
يمحمد تصيح ام عون وتنادي


     ( الفزاعية )


يمحمد تصيح ام عون
ومحمد بطه اعليهه


اگعد يالولد صاحت
امك لليسر راحت
بايد حيلهه وطاحت
وخالك مادره بيهه


خالك فايضه ادمومه
وامك طرت الحومه
ماتگعد شهالنومه
تلحگهه وتوديهه


گوم ابساع والحگهه
وامك لاتفارگهه
عالهامه الدهر طگهه
وضيم البين گاضيهه


ضيم البين كاتلهه
ابساع ابساع گوم الهه
المن رايحه گلهه
واتريدك تحاچيهه


واتريدك توادعهه
امك لاتضيعهه
محمد گوم رجعهه
وي حسين خليهه


رجعهه لبو اليمه
خلهه اتبات يم جسمه
ضل امخضب بدمه
ومامدفون واليهه


لامدفون لامشيول
ضل اموذر ومچتول
وامك حايره شتگول
والذباح سابيهه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ختامية سريعة للسبي

نصبت عزه الخوان.... فوگ الناگه
نصبت عزه المظلوم.....فوگ الناگه
نصبت عزه العباس.... فوگ الناگه

امشي بعيده دروب..... فوگ الناگه
ظل عثره المهيوب ..... فوگ الناگه
وبـيا ذنب مـطلوب....... فوگ الناگه
گلبي عليه يذوب ..... فوگ الناگه
بحشاي تسعر نارهم حراگه

خليتـه وبـيا حــال ...... فوگ الناگه
ظل جسمه فوق رمال .. فوگ الناگه
بشمس الظهيره ضال..... فوگ الناگه
والـعزه فوگ اجمـال ..... فوگ الناگه
ايتام تشكي الحـال ..... فوگ الناگه
والحادي طببنا غصب بسواگه

ضليت ادگ علراس ..... فوگ الناگه
والطم على العباس ..... فوگ الناگه
مذبوح راعي الباس....... فوگ الناگه
جدامي اشوف الراس.... فوگ الناگه
هذا الفحل ما بيه حيل فراگه

ضليت ادگ على العين..... فوگ الناگه
يوجع مصاب حسين ..... فوگ الناگه
انصب عزه الطيبين ....... فوگ الناگه
وريحه هلي الماضين ..... فوگ الناگه
ما اظن بعد ويه الولي نتلاگه



انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم


حقيبتك في المجلس
قناتي (وليال عشر)
التي تتضمن محاضرات ومقتل  ونعي وقصائد
وسفرة ام البنين
اسال الله ان يتقبل مني ومنكم صالح الاعمال

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسبي( عباس عالناگه )


رحت أمچتفه عباس عالناگه
والنار أبدليلي أعليك حراگه
❥━──➸➽❥💔❥━──➸➽❥💔
رحت أمچتفه والروس ويايه
وخليتك جسد يا حامل الرايه
أعيال حسين تبچي أتريد حمايه
{ حامي العيله يا خويه أگعد }
❥━──➸➽❥💔❥━──➸➽❥💔
أگعد يا كفيلي اليوم حامينه
وعدوانك سبايه حملو بينه
ما نحمل شتيمه وهضم تدرينه
{ أيهد حيلي عباس السوط }
❥━──➸➽❥💔❥━──➸➽❥💔
فرحان الشمر للشام يسرنه
وأهناك النذل بالجلسه ينطرنه
سكنه أتصيح ما تگعد يالأمچنه
{ أتخلينه نسوان أشلون }
❥━──➸➽❥💔❥━──➸➽❥💔
يا حر الشمس بالدرب ماذيني
وعطشانه اليتامه يا نضر عيني
وليزيد الشمر خويه يوديني
{ للعياله عباس أگعد }
❥━──➸➽❥💔❥━──➸➽❥💔
أگعد لليعيل أعلى الحرم رده
وترضاهه علينه أتجاوز أبحده
زينب يابو فاضل طايحه أبشده
{ أتخليهه وحدهه أم عون }
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ١٣ من شهر محرم الحرام
الموافق / ٢٠٢٥/٧/٩

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  بدايتها نعي لسبي

عله الكيف مشيها يحداي
تراهي نحيله وفاكده الراي
كضو حيلها الماشربو الماي

نزلت الفزاعيه

مشيها  عله هونك  حيل تعبانه
مهظومه وكلبها   مضيع اخوانه
........
يحداي الضعن ارحم المهظومه
اخوها عله وطيه وسلبو هدومه
ضل حسين عاري وتنزف دمومه
راحت عالهزل  والروح  خلصانه
........
ماعندك رحم خايب  يحاديها
مضيعه اخوانها وكل حيل مابيها
وتسعر بالكلب  نيران   اهاليها
تراهي من المصايب غدت نحلانه 
.........
تعبها  الزمان  وضيم   دنياها
خلت عالوطيه اجسد  ولياها
وروس عزازها عالرمح  وياها
يمها حسين دامي ورضو ابدانه
.........
هزله النوك  والهظمات  جتاله
ياذبحت حسين وسبية اعياله
عليها  ضيم حتى الجيبل ماشاله
حتى  عيونها  من الطم عميانه
........
تره هاي عالزينب ياشمر كلفه
مهظومه  وتريد  ازلامها الصلفه
وعباس الكلفلها  منكطع جفه
عمت عين الدنيه شلون خوانه
.........

✍أم زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب المآسي الزينبيه الجزء الثاني عشر
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_٣_.


فزاعيه للشام


درب الشام يتعب حيل
ماتكعد يوالينه
❥━──➸➽❥💔❥━──➸➽❥💔
درب الشام تعبني
ماتدري يخال ابني
دهري اعله الحزن ذبني
اوخوان الدهر بينه
❥━──➸➽❥💔❥━──➸➽❥💔
امشينه والدروب ابعاد
ويانه علي السجاد
اميسر بلحبل ينكاد
واحنه ابهضم ضلينه
❥━──➸➽❥💔❥━──➸➽❥💔
تعبني الدرب يحسين
والسجاد يجري العين
وانتم علثره امطاعين
ماعدكم خبر بينه
❥━──➸➽❥💔❥━──➸➽❥💔
مشيت اودمعتي اتلالي
ايسيره اوبلهضم حالي
الروس امعلكه اكبالي
ماتدري اشجره علينه
❥━──➸➽❥💔❥━──➸➽❥💔
امشيت اويه العده ايسيره
وانه رايحه ابحيره
خليتك يبو الغيره
بس راسك امعلكينه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه رداديه لمولاتي زينب ع



ادكول زينب عونها العدها ولي
من كفلني وكلي خوي ادللي
▪️▪️▪️▪️▪️▪️▪️▪️
وينه سبع الكنطره  ..دكول زينب
العاف اخيته امحيره...دكول زينب
البطفوف امرمره   ..دكول زينب
لا خوان اليمي لا يمي هلي
دكول زينب عونهه العدهه ولي
▪️▪️▪️▪️▪️▪️▪️▪️
راح مني  الغالي..دكول زينب
البظعن يبرالي ...تكول زينب
موتي بعده اشوالي..تكول زينب
راح مني الجان هيبه وكافلي
دكول زينب عونهه العدهه ولي
▪️▪️▪️▪️▪️▪️▪️▪️
اخويه  وبغلاة الروح..تكول زينب
بلسم جان للمجروح...تكول زينب
لمصابه لزيد النوح...تكول زينب
اليحدي منهوا بعده منهو بمحملي
تكول زينب عونهه العدهه ولي
▪️▪️▪️▪️▪️▪️▪️▪️▪️
شنسه منك يالكمر ..تكول زينب
ذاب كلبي وانفطر..تكول زينب
منين اجيبك ياصبر ..تكول زينب
بعد عينك يالاخوا محد الي
تكول زينب عونهه العدهه ولي
▪️▪️▪️▪️▪️▪️▪️▪️
كلبي زايد بالونين..تكول زينب
للاخوا الكلبه حنين..تكول زينب
بعد. وين الكاه وين..تكول زينب
درت عيني للنجف وانخه علي
تكول زينب عونهه العدهه ولي
▪️▪️▪️▪️▪️▪️▪️▪️

تــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للامام الحسين ع على طور
المايلطم على حسين مو شيعي يسمونه
===============
أيد الما تدك لحسين مانتسالم اوياها

ابن حامي الحمه حسين
ننصب ماتمه حسين
نعاهد فاطمه حسين
وبهاذه العهد للموت كلنه عاهديناها
أيد الماتدك لحسين مانتسالم اوياها
=================
بالدم هالعهد حسين
ويبقى للأبد حسين
شنكلهه بعد حسين
وي زينب يزهره انوح زينب مانسيناها
أيد الماتدك لحسين مانتسالم اوياها
==================

وي زينب نون حسين
هاي ام الحزن حسين
من سار الضعن حسين
ضلت تنتحب واتصيح واتحشم بولياها
أيد الماتدك لحسين مانتسالم اوياها
===============+
تحشم ياهلي حسين
ماعندي ولي حسين
اليبره محملي حسين
ترضون العقيله اشلون تترافك اويه اعداها
أيد المتدك لحسين مانتسالم اوياها

==============
رحنه اويه العده حسين
خيمنه امفرهده حسين
والحادي حده حسين
عفنه اجسادكم بالكاع بس الروس اخذناها
أيد الماتدك لحسين مانتسالم اوياها
================
نمتو عالثره حسين
ضحايه امطشره حسين
سبع الكنطره حسين
اضعون الجابهه ابزوده شو ماكام رداها
أيد الماتدك لحسين مانتسالم اوياها
============
ضل عالمشرعه حسين
اجفوفه امكطعه حسين
زينب ضايعه حسين
هوه العاهد اخته اشلون عافاها
أيد الماتدك لحسين مانتسالم اوياها
================

الشاعرة أهل البيت المله ام هجران العمارجيه

ديوان صبر العقيله

الجزء الثالث عشر

غير مبري الذمه من يمحي الاسم او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#السبي

//فزاعية//
/~~~~


تعبني يا خويه السبي
واطفالنه اذوها
ــــــــــــــــــــــ

تعبانه عباس وعلي
وبعازتك آ يلولي
انت الكفلته محملي
اختك سبيه اخذوها


كلساع يوكعلي طفل
درب اليسر ما ينحمل
اطفال كيدوها بحبل
من تعثر يضربوها

بهالحاله گلبي ينمرد
وينك يعباس المدد
انته كفيلي بالشدد
اطفالكم روعوها



بنات ابو اليمه بالرعب
خافن يموتن بالدرب
ميحملن سياط وضرب
المدلله يشتموها

مشونه بسوك العده
واني الاميره معوده
وكلساع طفله فاگده
من التعب تدروها


كلساعه علويه تعثر
وينك يخويه الگمر
وبعطش وحر وقهر
وزغاركم بچوها



تبجي الاطفال مروعه
حشمت سبع المشرعه
وينه الزاجي مرضعه
العزيزه محنتوها


نبضي حسين

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده زينب عليها السلام

تمشي ابزودهه بت اليرهبون
بت الهيبه هـايه واليفرضون
ــــــــــــــــــــــــــــــــــــ
تمشــي ابزودها ومادنگت هام
بت حيدر علـــي ذلت الضلام
ثـــــوره هدمت اقصـور حكام
اخت عباس لا عل العيله متنام

*((ماذلوها // عباس اختك))*
ــــــــــــــــــــــــــــــــــــ
جبل شامخ مشت اختك يعباس
للديوان دخلـت رافعه الراس
تحجي بزودها متهاب الارجاس
بصبرها حيــرت اعقولهه النــاس

*(( ميهوبه // ابزود الكافل))*
ـــــــــــــــــــــــــــــــــــ
من زود الڪفلها شاده احـــزام
تمشي وجن علي من دخلت الشام
وگف حته الهوه ونزلوها الاعلام
ورفت رايـــــــــة العباس جدام

*((ايعرفوها / تربات الزهره ))*
ـــــــــــــــــــــــــــــــــــ
بت حيدر علـــي وفاطمه الزهره
لعليمه العالمه بت سيد العـتره
من امها الزچيه مـــــاخذه شمره
ناموس لرواق العضمه الــكبره

*((شاهينه / مخلف حيدر ))*
ـــــــــــــــــــــــــــــــــــ
مهـيوبــــه ادخلت اخت الصناديد
بخطبتهااخرست كل مجلس ايزيد
صوت الهاشميه جن هزت ارعيد
مثل عباس اخوها اجان العمــــيد

*(( بيه شاره / اسمج يازينب))*
ــــــــــــــــــــــــــــــــــــ
تــــمت بقــــ✍️لم خادمات أهل البيت عليهم السلام
*✍الشاعره زهراء ام حسين الزيداويه*
*✍الشاعره ســـــهـــــــام المالكــــــــي*
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه للسبي

زينــــــب بالخرابــــــه اشــــــلون خلوهــــــه
امورمــــــه امتونهـــــــه بالــــسوط ضربوهه
****
عـــــسه الدنيــــه انفنــــت والارض مگلوبـــه
خرابـــــه امهدمـــــه ســــــــكنت المهيوبـــــه
نيـــــــران الهـــــضم بالگلــــب منــــــــــشوبه
ريـــــــت حــــــــسين والعبـــــاس شـــافوهه
**
حگهـــه مــــــن تـــــون وتعتـــب اخوتهــــــه
ابكــــــل الكـــــــون ماصــــــارت مـــصيبتهه
ذليلــــه وبالخرابـــــه اشــــــلون گعدتهـــــــه
تــــــون واهـــــل المحنــــــه مايــــــسمعوهه
**
يــــاهو اليعتنـــــي وايـــــــروح للحومــــــــه
ايـــــــصيح حـــــسين وايحـشم الجيدومـــه
زينــــــب بالخرابـــــه اليــــوم مهــــــــضومه
اديهــــه امچتفــــــه والگـــــوم شـــــــتموهه
**
اديهــه امچتفـــــه ماتحمــــــل الهـــــــــضمه
تنــــــــادي يـــــــــاعلي ويافاطمــــــــه يمـــه
گعـــــــدت والخرابـــــــه امهدمـــه وظلمـــــه
اجاهــــه الليــــــــل واتريـــــد اليحرســــوهه
***

اتخـــاف أم الحــــــزن والليــــل لــــو جاهــــه
تگعــــــــد للـــــــصبح تحـــــرس يتاماهــــــــه
تعتـــــــب عالكفيــــــــل ولــــــيش ماجاهــــه
جاباهـــــــه بفخـــــــر وبيــــــــسر ردوهـــــــه
****
ردوهـــــــــه بيــــــسر ويـــــــــلاه يــــــــــارده
گعــــــدت بالخرابـــــــــه وتهــــضم الگعــــــده
مـــــــامش بــــــاب بيهــــــه وزينــــب اتـسده
مـــــن تبچـــــــي الفـــــــواطم مـــــا يخلوهــه
*
مايرضــــون تبچـــــي ولـــــو بچـــت حگهـــــه
مـــو طگـــــه الــــدهر كلـــــــساع ويطگهـــــــه
ياعبــــــــاس وينــــــك گــــــوم والحگهــــــــــه
مثـــل أمهــــه الكفــــر عــــــــالعين ســــطروهه
*
ــــــــــــــــــــــــــــــــــــــــــــــــــــــــــــــــــــــ
الشاعرة ام ريام الركابي
من كتاب ديوان الدموع الزينبية

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للسبي للشام(حشمت الكفيل)*
*من ديوان مسير الفواطم لإرض المظالم الجزء٣*
❥━──➸➽❥❂❥━──➸➽❥❂
حشمت الكفيل وماگعد ليه
عنك رايحه للشام مسبيه
❥━──➸➽❥❂❥━──➸➽❥❂
حشمتك يخويه انضر الحالي
عنك رايحه مسبيه يالوالي
عگب عينك تراني منشده بالي
اگعدلي يخويه وشوفني شبيه
❥━──➸➽❥❂❥━──➸➽❥❂
اگعدلي يخويه وشوف حال اختك
لهاذه اليوم يالكفال رادتك
ومن ضيم العليه اهواي عاتبتك
شبيدك والچفوف اليوم مرميه
❥━──➸➽❥❂❥━──➸➽❥❂
شبيدك والچفوف امطرحه بكترك
ليش اتعذرتني ما ردت عذرك
شلون تنام ياعباس شمصبرك
نومك عالشريعه وين تاليه
❥━──➸➽❥❂❥━──➸➽❥❂
نايم عالشريعه ما اضن تگعد
صحت بصوت ردتك بس عليه ترد
وفراگك يخويه للگلب مرد
عگب عينك تعبت وحيل مابيه
❥━──➸➽❥❂❥━──➸➽❥❂
ما ضل حيل بيه وحيلي اتهدم
ردتك للكلافه يابطل تسلم
خذوني اميسره وشبعيت ضيم وهم
من كثر النوايب صرت محنيه
❥━──➸➽❥❂❥━──➸➽❥❂
*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحة الى روح اختي ولأمواتكم:🍃*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لسبي

تهد الحيل طبات الدواوين
اسوه يالعقيله بحالج البين
..................................
هداج الوكت يربات الحيود
يابت السباع التحجي بزود
شبعتي ضيم والعباس مفكود

جنتي مدلله و بزود تحجين
.......................... ........
اه يمدلله حكج تنوحين
راح زماطج وبيمن تزمطين
وعليمن بعد زينب تعتبين
غريبه وفاكده واحد وسبعين
......................................

يهيبه موش الج طبت الديوان
بهمج مادرو يشبول عدنان
الله ايعين كلبج يم الاحزان

جويه ورافكيتي راس الحسين
............................
طبيتي يسيره وتهل عيناج
وراس حسين بالمجلس تلكاج
يانار المصيبه وفكد ولياج

ماعندج ولي وبيمن تحشمين
.....................
لون عباس يدري اصار وياج
ويشوفج غريبه وناحله اعظاج
مهضومه يزينب ليش خلاج

ماعندج اخو وبيمن تلوذين
......................
ام زينب كربلاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسبي
خذوني ميسره يابوي والدمعات بعيوني
واخوتي على الرمل نامو وعافوني
ا=================
صعب درب الاسر يابوي هد حيلي
حزن الجابته امي ذوب دليلي
واكل للعين من دم عالولي سيلي
اضل يم اخوتي العدوان حرموني
ا=================
اوصيمن يبويه عالولي كلي
زينبكم غريبه ويه العده يهلي
عوف الكبر يابو حسين وفزعلي
من ابجي على اخواني يمنعوني
ا=================
ابد ما فرحت بدموعي شماتي
كمت للموت اعدن بيها ساعاتي
جوت كلبي على الوليان وناتي
مهما صار عالحق ما يبعدوني
ا=================
يضل عالحق يبويه ثابت لوانه
نصبر عالجره ومنفرح عدانه
الدنيه تعاطفت بالدمع ويانه
وحك عينك يحيدر ما يذلوني
ا=================
ماذليت رغم الي سده عليه
بس من الحزن يابوي محنيه
من اشوفن راس اخوي ابين اعاديه
يرفعونه برمح عالي ويأذوني
ا=================
ام تبارك الخفاجي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥اصدار حصري وجديد فزاعي سريع بدايتها هوسه للسبي(زينب طبت الكوفه) من ديوان الميدان الزينبي 👈٦ج 🔥

مايدري البطل عباس نايم بالمسنايه
اخته ترافك العدوان يرضه الكافل بهايه
ماكام وكعد لاهزها للرايه
دك صدره لخيته ومنطي احجايه. ابو فاضل

(نزلت الفزاعيه)

مايدري البطل عباس
زينب طبت الكوفه
➖➖➖➖➖➖
ماكام واجه ليها
مايدري الولي بيها
تمشي وي اعاديها
عليها الناس مصفوفه
مايدري البطل عباس
➖➖➖➖➖
مايدري البطل هاليوم
اخته مرافكه هالكوم
من عدها الكلب مالوم
منهه الدمعه مذروفه
مايدري البطل عباس
➖➖➖➖➖➖
حملها ومشه الحادي
مايدري. الورادي
بخته شنهي اسادي
طاحت منه اجفوفه
مايدري البطل عباس
➖➖➖➖➖➖
زينب مشت وي شمات
ضل نايم عالمسنات
مايدري بضعنهه فات
شلون اوياهم يعوفه
مايدري البطل عباس
➖➖➖➖➖➖
مايدري بهضيمتهه
اليوم تسيل دمعتهه
وتحشم بخوتهه
ضعنهه الراح خيشوفه
مايدري البطل عباس
➖➖➖➖➖➖
نام الحلوه علومه
مايدري الجيدومه
اخته تون مهضومه
اخلافه بحبل مجتوفه
مايدري البطل عباس

(مجتفيها//مايدري الهيبه)

(ديوانه//طبت بت حيدر)

(زينب طبت للكوفه//الكافل ماشافاها)

(راحت عالنوك ايسيره//الهيبه وبت الهيبه)


تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك