لطميه مربعه لسيده زينب ع في وداع اخوانها ليله العاشر من محرم الحرام على طور الجنوبي
==================
اليله وداع يازينب بلخيام
باجر عشريعه الكافل ينام
احا احا احا احا احا
مصوبينه راسه بعامود
===
شدي احزامج وكومي المصاب
ودعي حسين يازينب والحباب
عكب عينه رغد بلعيش ماطاب
تشوفينه باجر على الغبره
هوسه ورباط
ووداع حسين الهد حيلي
===
كون اليل بوداعه تكضينه
شتسوين اخيج لوغفت عينه
تونين وحزن دمعج تهلينه
نار فراكهم صعدت على الهام
هوسه ورباط
والهم لحسين اتكولينه
===
اليله خيامكم تزهي ب الاخوان
باجر حايرات بين عدوان
لوطاح الحمل والدهر خوان
يزينب والهضم والضيم جدام
هوسه ورباط
وابن امج هاري تشوفينه
===
اجاها حسين ويكلها ويوصيها
عيالي بركبتج زينب اخليها
تحاجي حسين والدمعات تجريها
تنحب زينب وتلطم على الهام
هوسه ورباط
يبن امي اخلافك ذلينه
===
تعناهه الكفيل وصاح يازينب
جفوف وعين لجلج ترسن الملعب
اشلون على النهر كافلها لوغرب
الضيم اخلاف اهلها محزم احزام
هوسه ورباط
تنعى بهيده من ضيم الطف
===
خلص ليل الوادع وزينب تحوم
من خيمه لخيمه تكع وتكوم
تصيح احا يبن يمضلوم
تعنت يم اخيها محمله الألم
مخليني عدمن يحسين
هوسه ورباط
وحسين على اخته تهل عينه
===
تمت بحمد الله تعالى بقلمي شاعره وخادمه اهل البيت عليهم السلام ملا زينب الطويرجاوي ٥ ٧ ٢٥ ٠ ٢

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات جنوبية للأمام الحسين ( ع)

✦❥※❥※✿✿※❥※❥※✿✿※❥※❥✦

ملعون الشمر صاعده على صدره
وبسيفه النذل گاعده يحز نحره
وين الطاهره لحسين ختنظره
ظامي وينذبح ما ضايگ الگطره

( دين النبي جده ..... لا تهدونه  )

وآميه اعليمن ما تشربونه
دين النبي جده
يا ذنب الجنه وهيچ تجازونه
دين النبي جده
راسه عالرمح عالي تعلگونه
دين النبي جده
وينظر عيلته وتتدامع عيونه
دين النبي جده
يشاهدهه غريبه اخته المحزونه
دين النبي جده

( حيرانه..... زينب من بعدك )

✦❥※❥※✿✿※❥※❥※✿✿※❥※❥✦

حيرهه الدهر وجروحه هوايه
واجت المصرعك يالاخو عنايه
ومن ظيم اللفاهه ليك شچايه
طحت اهنه واخوك اعلى المسنايه

( لو مشوا ضعنهه ..... من يباريهه)

لا وليانه عدهه وتنغر اعليهه
لو مشوا ضعنهه 
بس عدوانكم تفتر حواليهه
لو مشوا ضعنهه
وچلمات الشماته حيل تاذيهه
لو مشوا ضعنهه
يسألوهه عليك اتشمتوا بيهه
لو مشوا ضعنهه 
بت ليث الحرايب وين اهاليهه
لو مشوا ضعنهه

( المهيوبه  .....  شافت لوعات )

✦❥※❥※✿✿※❥※❥※✿✿※❥※❥✦

هوايه لوعات احملت زينب تره
ولاشدهن يوم عاشر ما جره
شاهدت خوت عمرهه اعلى الثره
بلايه روس وبس جثث متوذره

( ياحسين ابن امي  .....  عاين الحالي )

وارخصت الولد تدري الولد غالي
ياحسين ابن امي
مالي عين اشوفك عاري اگبالي
يا حسين ابن امي
وجروحك ينزفن دمه يالوالي
ياحسين ابن امي
يا ونك صدع ياخويه دلالي
ياحسين ابن امي
كون اوياك صار الشمر چتالي
ياحسين ابن امي

( اتخلوني ..... بين الشمات )

✦❥※❥※✿✿※❥※❥※✿✿※❥※❥✦

تمت والحمدلله ✍ خادمة أم أبيها الشاعرة أم علي الحلفي (من ديوان مصارع الكرام الجزء الأول) لا أجيز شرعاً حذف الأسم اوتغير الكلمات

                       نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول يوم العاشر



موش الاوليه. ام عون تعبانه

من طاح الولي. وفزعو الصيوانه



اختكم كاضيه وكل حيل مابيهه
وكتلها افراكم كلش يهاليهه
موش الاوليه النوح كاضيهه
ومضيعه الولي والروح خلصانه


تعبانه يخويه ويومكم هدني
وعميه اخلافكم كلش خوال ابني
ادور مالكيت الجابني يردني
لو نايم اريده يكوم ويانه

ويانه يكوم وياخذ حموله
تعبانه عله اخوها الزين كلوله
وعتاب وحجي من عدهه ودوله
كضت عمة وليده وحيل نحلانه


مابيهه وعليكم ماگضه ونهه
وموش اختك هذيج النوح كاتلهه
شالت كل اهلها وغربت منهه
وبعد هيهات يرجع ذاك ملكانه



خلص حيلها وتكول مهظومه
ومن فكد الولي ظليت مالومه
مريضه اخلافهم واحتار بل گومه
وماظل حيل عدي وروحي حزنانه



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له من ديوان طف الزهراء الجزء الثلاثون

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

١٤٤٧ - للرضيع

((رضيعچ انذبح والمن تلولين))


رباب ابنچ گضى بالنبله هالحين
((رضيعچ انذبح والمن تلولين))

ورجع مكسور وابيا حاله لحسين
((رضيعچ انذبح والمن تلولين))

تلگي اوليدچ ابحسره والاونين
((رضيعچ انذبح والمن تلولين))

رگبته امصوّبه وما يفتح العين
((رضيعچ انذبح والمن تلولين))

وإذا تبچين ابچي من تنوحين
((رضيعچ انذبح والمن تلولين))

بعد ميطيب جرحه ولا تدورين
((رضيعچ انذبح والمن تلولين))

ترى الي ايموت ميرد تالي تدرين
((رضيعچ انذبح والمن تلولين))

وإذا صرتي أسيره امقيده تمشين
((رضيعچ انذبح والمن تلولين))

ترى راسه على رمحه تشوفين
((رضيعچ انذبح والمن تلولين))

گضى عبد الله وابدلاله جرحين
((رضيعچ انذبح والمن تلولين))

على احسين وعليچ اجروحه باقين
((رضيعچ انذبح والمن تلولين))

📝 #الشاعرة_الملاية_زينب_المؤيد
📚 #إصدارات_المؤلفة_٨٩_كتابا

تمت بحمد الله تعالى
*ونسألكم الدعاء لتعجيل الظهور*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  للحسين ع عن لسان حال زينب ع

بهداي  ويه  المنذبح
ياحافر   الخياله
.........
بالج  تسحكين  الضلع
والنحر  توه  منكطع 
وسهم المثلث ماطلع
(بضلوعه / الحافر نابت)
........
مصيوب ودمومه جرت
خافن  جروحه  تعورت
اسمع  ضلوعه  تكسرت
(وعورتيه/ الخيل شمالج )
.........
ماشفتي  جرحه الموجعه
والسهم  محد    طلعه
مطروح اخوي  بمصرعه
(عالجروحه /  الخيل ادوس)
........
اه يامصاب الماسده
حسين جثه   مدده
ويلوج  محد   كعده
(مارحموه / عاليش الميت )
........
الله  وكبر   ياخلك
حسين بالخيل انسحك
والصدر ويضهره انطبك
(كطعتيه /  أوصال ابن امي)

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب   المآسي الزينبيه الجزء الحادي عشر
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للمقتل..

عباس طايح عالنهر وتگطعن جفينه


بالعمد صابو هامته وبالســـــهم طفو عينه
عباس طايح عالنهر وتگطعن جفينه

ضال نايم بحر الشمس عينه تصد لحسينه
عباس طايح عالنهر وتگطعن جفينه

وبســــهام ضربو جربته وكل مايها امبدينه
عباس طايح عالنهر وتگطعن جفينه

وطفال تصرخ بالخيم عمي العطش ماذينه
عباس طايح عالنهر وتگطعن جفينه

العبــاس متحــــير بقه بيمــن يرد لسكينه
عباس طايح عالنهر وتگطعن جفينه

لا ماي بالجــربه بقه ولا يســـرته وليمــينه
عباس طايح عالنهر وتگطعن جفينه

وطفاله تنطـــــــــر جيته ايرد الهم امتانينه
عباس طايح عالنهر وتگطعن جفينه

تبجي اليتـامه وحشمت وين الگمر والينه
عباس طايح عالنهر وتگطعن جفينه

كلها تنادي بالخــــــــــــيم عباس مارد لينه
عباس طايح عالنهر وتگطعن جفينه

ورياگنه صارت خشب حـر العطش ماذينه
عباس طايح عالنهر وتگطعن جفينه

صاحو يزينب لو رجع مــــــن النهر خبرينه
عباس طايح عالنهر وتگطعن جفينه

راح الكفيل البي مسد عل علگمي موذرينه
عباس طايح عالنهر وتگطعن جفينه

دارو عليه من كل كتر يا وســفه ومگعينه
عباس طايح عالنهر وتگطعن جفينه

باخر نفس راعي الوفه ويصـد لخيته بعينه
عباس طايح عالنهر وتگطعن جفينه

حركو اخيام العايله وصـــاحن منو يطفينه
عباس طايح عالنهر وتگطعن جفينه

✍الخادم
كامل السعيدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعي حصريا
للوداع،،،، نصاري 😔👇
〰️〰️〰️〰️〰️〰️〰️〰️〰️

اليله اوداع ويه الهاشمیــــــــات
ولتمن علی احسین العزیـــــزات

اليله وداع زينب والعزيزيـــــــــن
تگول امودع العباس وحسـيــــن
وبس اليله وباجر مرحليــــــــــن

ومن حکی علیکم اجر ونــــــات
〰️〰️〰️〰️〰️〰️〰️〰️〰️
خویه افراکم یرید عــــــــــــــوان
حکی اعلیکم من ابچی یالاخـوان
صدک باجر اضل بغير وليـــــــان

ولوصار العصر جا عدمن انبـــات
〰️〰️〰️〰️〰️〰️〰️〰️〰️
لو صار العصر وجلجل الــــــــيـل
وانتم عالترب كلکم مجاتيــــــــل
من هسه يخويه راكد الحيــــــــل
ـ
ویاکم کضینه ایام حلـــــــــــوات
〰️〰️〰️〰️〰️〰️〰️〰️〰️
بس اليله وياكم يالاحنــــــــــــان
يهد اوداعكم يكتل يخــــــــــوان
صدك باجر عرايه على الـــــتربان

وعنكم نمشي لديار البعـــــيدات
〰️〰️〰️〰️〰️〰️〰️〰️〰️
خويه اوداعكم هدالي المتـــــون
لليله لصبح ماتغفه العـيــــــــون
ولو طر الفجر خافن تروحـــــون

وحرايمكم تضل باجر يتيمـــات
〰️〰️〰️〰️〰️〰️〰️〰️〰️

بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_٢١_.


لطميه للوداع


باچر تهجم العسكر     على حسين
اضل ابچي واصيح اهلي مشو وين
❥━──➸➽❥💔❥━──➸➽❥💔
باچر نبگه وحدنه
لا زلمه يضل عدنه
وبعيده بلد جدنه
تضل اهلي على الغبره مطاعين
❥━──➸➽❥💔❥━──➸➽❥💔
نضل نسوان لا والي
ابغربه والعرض غالي
هذا اوداعنه التالي
بس نسوان مابين الملاعين
❥━──➸➽❥💔❥━──➸➽❥💔
ابچي ابحرگه هليله
اشوفنه يشد خيله
الليله التمت العيله
عساني بلعمه اولا اتشوفك العين
❥━──➸➽❥💔❥━──➸➽❥💔
هل عدوان مرجونه
اشعدهم واشيطلبونه
الهم ثار يردونه
باچر يبگه جثه بلميادين
❥━──➸➽❥💔❥━──➸➽❥💔
باچر من يساعدنه
نضل انوح وحدنه
بس ادموعنه ابخدنه
والعدوان تحرگ هلصواوين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

……
لطمية
للطفل الرضيع عليه السلام
طور
(سلامات)
……..
دلالات …طفل ابو اليمه انفطم
علامات …..والفطام ابلا رحم
طفل ابو اليمه انفطم من منحره
هل الفعل يوم السقيفه قرره
دلالات
علامات
…..
هلجره مثله مُحال
هذا واقع لو خيال ….جاوبوني
طفل وصغير يصير
ينذبح شنهو الدليل ….خبروني
ليش وشذنب الاطفال
بالسلم لو بالقتال ….عجبوني
للاطفال الاحترام
والمحبه والسلام ….انصفوني
يهلناس ….هلطفل جده النبي
يهلناس ….انذبح بيد الناصبي
مثل قصة هلطفل ما ظن جره
هلفعل يوم السقيفه قرره
دلالات
علامات
…..
انه ابو اليمه الحسين
جدي سيد المرسلين وانه سبطه
والابو حيدر علي
للنبي هو الوصي اوباب حطه
امي مرأة الاله
بيها ايبن رضاه اوبيهاسخطه
بينا الباري يجود
اوبينا اوجد هلوجود احنه خطه
هدايات ….احنه الكل الخلگ
اشارات…. بيها دين الله انوجد
ذبح طفلي حقد طغمه كافره
هلفعل يوم السقيفه قرره
دلالات
علامات
…….
احنه قبسات الانوار
احنه مشكاةالاغيار …. احنه سره
احنه ايات الوجود
احنه عنوان العهود….. انفذ امره
ارتضينه ما يشاء
يجري اعلينه القضاء اوما نأخره
انطينه للباري عهود
بالارواح احنه نجود امره يجره
قرابين…..بينه تحكم كلمته
قرابين….. اوما نخالف حكمته
يعلم الباري بوليدي اشجره
اوهلفعل يوم السقيفه قرره
دلالات
علامات
…….
الطفل عنوان النقاء
بيه يتجلى الصفاء …. حبه رحمه
الدين وفرله الامان
ابكل زمان ابكل مكان ….امن الله نعمه
ألأمه تربيته وقاء
بيه مقبول الدعاء…… حسن اسمه
جم سنه هو امير
اومن بعدها كلوزير….. اوبيها علمه
عجيبه …. أگلوب مابيها رحم
عجيبه…. صبو اعلينه الالم
اطفالي ياربي گضت متمرمره
اوهلفعل يوم السقيفه قرره
…..
الطفل عبدالله انذبح
گلبه الظامي انجرح …. شنهو ذنبه
حسين شاله بين اديه
ايداعبه ايعاين عليه ….. ابنحره حبه
صاح يا قوم الظلال
اسگوه من ماي الزلال … يبس گلبه
هلطفل ماله ذنب
انسكه من دمه اليصب…. او گضه نحبه
يزينب … خويه اخذيه للطفل
يزينب….ايگلها والمدمع يهل
والسهم يا خويه صوب منحره
اوهلفعل يوم السقيفه قرره
…..
الحاجة ام احسان الخاقاني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة مربعة وفزاعيه للحسين

من ديوان #انوار_الشفاعه_جزء_الأول

{ مستهل القصيدة }

ثجيله الفاتحه — وتريد عوانــه
منصوب العزه لحسين واخوانه

•───✧◐◐◐◐✧───•
ثجيله الفاتحه ومنصوب چادرها
بثواب الحسين الليله نحظرها
فواتحكم الزهره تجي وتنظرها
تدك عالراس عالمذبوح حزنانه

•───✧◐◐◐◐✧───•
منصوب العزه لحسين ابو اليمه
تحلاله المناحـه غارك بدمــه
وين الفاكده تتكابل اويه امــه
تنوح اويه الزچيه حيل نعبانه

•───✧◐◐◐◐✧───•
فواتحكم يشيعه من تنصبوها
باأسم حسين والكرار خلوهـا
تنفعكم ليوم الحشر تلكوهـا
هنياله اللطم يلكاه بميزانـه

•───✧◐◐◐◐✧───•
لطمتنه لهل زينب لطمناهــا
ونقره الفاتحه والهم هديناها
الله يساعد ام عون اعله بلوها
فكدت كل اهلها وبقت حيرانه

•───✧◐◐◐◐✧───•
وين الفاكده خلتجي فزاعـه
تدخل وسطة الميدان هالساعه
وتلطم للحسين الداسو اضلاعه
وبنص العزه خل تلطم اويانــه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه للرضيع ع



يفرفح گام // بيديّه الزغيرون
ضربته ليش بالمنحر يملعون


گولو بياذنب ابني تصوبوه
يفرفح مثل طير بحضني خلوه
بدال الماي من دم نحره رووه

ويابس ريجه//عطشان ابني



يغمض عينه ويفكها عليه
يگلي بيا ذنب جتني المنيه
انومك بالحد ويلي المسيه

((متنام بحضن //الوجعانه))



شلل بيدك يكون الصوبيته
گلب أم الزغيّر مرمريته
شربة ماي لبني مانطيته

((وتاليته //عطشان اتموته))



جبته ماي اشربنه وارجعه
گلي بيا ذنب نحره تگطعه
مات ابني وفجعني شلون فجعه

((رديته // لخيامي ابدمّه))



رديت الطفل سابح ابدمه
كل ظنها رويته وفرحت امه
تگلي اوليدي جيبه وخل انومه

((وانصدمت // من شافت حاله))

ـــــــــــــــــــــــــــــــــــــــــ


الشاعره رسل الإبراهيمي
ونورس الحلفي
ورضاب الاسدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للوداع (( هذا حسين ))


هذا حسين روحي امعلگه بروحه
خافن من اودعه يفزن اجروحه


روحي بروح اخوي حسين مشدوده
ياليلة وداعه امكدره وسوده
بالسبعين الف وگفوا عله احدوده
وعينه امساهره وللحرم مشبوحه
هذا حسين روحي امعلگه بروحه


عين اعله الحرم والثانيه اعليه
يودعني ويوصيني بغواليه
خاف يروح ويعيل الشمر بيه
احلف دين مابطل بعد نوحه
هذا حسين روحي امعلگه بروحه


انوحن طول عمري النوح ماعوفه
وحق چف الكفيل وغاليه چفوفه
ودعت الحنين اوداع ملهوفه
بعتاب وهضم وادموع مسفوحه
هذا حسين روحي امعلگه بروحه


بدموع وهضم ضليت اودعنه
اشمن منحره وبشوگ احبنه
عن سيف الشمر چا وين اضمنه
ونبلة حرمله بالخاصره اتلوحه
هذا حسين روحي امعلگه بروحه


باچر ينطعن بالخاصره وگلبه
وذيچ الگوم كلهه امحزمه الحربه
مصيبه امصيبته وياغربته غربه
وكل انصار ابو السجاد مذبوحه
هذا حسين روحي امعلگه بروحه


ماكو انصار ضلت عد ابو اليمه
بس هاي المسيه ايبات بخيمه
باچر بالحوافر ينسحگ جسمه
واشوف اجنازته امگطعه ومطروحه
هذا حسين روحي امعلگه بروحه


اعوف اجنازته مطروحه اخليهه
والعدوان مايرضون اغطيهه
اگله اشلون تنسه اختك يواليهه
وانت الخوتك بالطيب مملوحه
هذا حسين روحي امعلگه بروحه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*((من ديوان 📗 عبرات وأنين في رثاء الطاهرين الجزء الثالث))*

*قصيدة للسيده زينب تخاطب أخيها الحسين*
❥━──➸➽❥❂❥━──➸➽❥❂
الف  و تسعمية  جرح  بيك
لاجرح حتى اكعد واداويك
خويه يحسين الخيل داست فوك صدرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
حسين مكسور الضلوع وخيل اميه داسته
يوم شفته ايلوج اخيي والشمر حز رگبته
خويه ريت العين عميه ولاالمنحر شافته
زينب بمعصبها گامت جرح اخوها شدته
خويه يحسين اشلون بعيوني انظرك
خويه يحسين جم سهم نابت ابظهرك
شباقي بيك ...  شباقي بيك
❥━──➸➽❥❂❥━──➸➽❥❂
لملمت خويه اليتامه وتاهن أبين الزلم
وشفت چم لوعه ومصايب عشت بالهم واﻷلم
وحملت كل النوايب خويه من شتم وهظم
ردت حيدر كون حاظر يحمي وياي الحرم
خويه يحسين شلون اشوف بعيني نحرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
خويه يمصابك فجعني آه يمحزوز النحر
والدمه من عيني ينزف على الرأس الي انطبر
ومنذبح يا خويه شفتك عاري والسيف انشمر
الدرع والسيف ضلن والعضيد اعله النهر
خويه يحسين ريت أبو فاضل يحظرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
يا حسين أطفال تنحب تاهت تريد الولي
وأنه يا عباس وحدي من يباري محملي
من بعد عينه بهظيمه وصرت احشم كافلي
راح حماي الضعينه و عني راحو كل هلي
خويه يحسين مو جرح واحد واجبرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
جرح فوگ الجرح جسمك يا جرح تتحمله
وظل رضيعك عالغبره الچان صدرك شايله
وأنه مهظومه وحزينة ولعيالك كافله
ايتامكم ضلت تنادي منين اجتنه كربله
خويه يحسين اذتني هاي ايام هجرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
حسين عاري الجسم عفتك خويه عنك وارحلت
والا طفال اتصيح باسمك وانه وياها صحت
هذا يبچي ايصيح بويه وسكنه محنيه وبچت
ريت حاضر يبو الحمله ايشوف ناري الوجرت
خويه يحسين هدم افادي يكسرك
خويه يحسين چم سهم نابت بظهرك
شباقي بيك ... شباقي بيك ❥━──➸➽❥❂❥━──➸➽❥❂
*بقلم ✍🏻 شاعرة اهل البيت*
*العلوية مريم النور نسألكم الدعاء الفاتحه إلى روح اختي ولامواتكم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه يوم العاشر للحسين ع

الدنيه دموم صبت من كطع راسه
لزم شيبه الشريف وبالرجل داسه
..........
هذا يانحر ياضالم اتشيله
هذا الجان وحي الله يلوليله
الدنيه غيمت والكون يبجيله
(اهتز كونه / الباري عليك)
........
هذا حسين وبن المرتفع شانه
خص بأية التطهير ربه وطهر ابدانه
كلبته عله الكفه وكطعت شريانه
(عله مصابه / دم سال الكون )
........
صيحو الله وكبر ماجرت هايه
حسين بن النبي ومفسر الايه
كطعو منحره وركبته مدمايه
(ويه ادماه / الكون أمطر دم)
.......
دنيانه عليه اليوم مرجونه
هذا مصاب لافوكه ولادونه
نصيح بياذنب راسك يكطعونه
(وهوس بيه / الظالم شاله)
..........
زينب ماسده ولاصار بلواها
يمها ركبت المظلوم شالاها
شال عمامته وعالترب ذباها
(وأم عون اليوم / شضل بيها )
..........
تركض والحرم ركضن الركضتها
وخيول المشت لحسين شافتها
تكسر بضلع واسمعت كسرتها
(ياخيل بهون / عله ضلوعه)

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب   المآسي الزينبيه الجزء الحادي عشر
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح لمصرع الامام الحسين عليه السلام (اليوم زينب)


اليوم زينب حيل ماضل بيهه
والسيوف اتناوشن واليهه


السيوف اتناوشنه والسهام
صارت الدنيه حزن كلهه وظلام
نار لهابه تشب بين الخيام
اشلون تطفه ومحد يطفيهه
اليوم زينب حيل ماضل بيهه


تسعر النار وتشب وماطفت
لاكفيل ولاخيم زينب صفت
عين ابو السجاد بالحومه غفت
عالتراب اجنازته اموزعيهه
اليوم زينب حيل ماضل بيهه


الجنازه اعله التراب اموزعه
ايعينهه الله اليوم زينب ضايعه
تسحگ النار وتجر الفاجعه
وين ماتمشي العدو ايلاگيهه
اليوم زينب حيل ماضل بيهه


وين ماتمشي تلاگيهه العده
زينب وشافت مصاب الماسده
حسين مسلوب العمامه والرده
وانذبح مايگدر يحاچيهه
اليوم زينب حيل ماضل بيهه


انذبح واشلون يحچي الينذبح
طاح بين انذال وخيول وسلح
وانوخذ راسه وتعلگ عالرمح
يعاين اطفاله ويون اعليهه
اليوم زينب حيل ماضل بيهه


ايعاين اطفاله سبايه اميسره
ينلچم گلبه الحنين ومنحره
وزينب تگله عفتني امحيره
گوم خويه العيلتك حاميهه
اليوم زينب حيل ماضل بيهه


گوم يبن امي لبناتك شوفهه
الحبل والسوط لاح اچفوفهه
اشلون مابين الشماته تعوفهه
ياحسافه اتنام وتخليهه
اليوم زينب حيل ماضل بيهه



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_٣_.


فزاعيه ليلة ١١ محرم


حدهه ويه اخوي حسين
فلت خوتي الليله
❥━──➸➽❥💔❥━──➸➽❥💔
ضيع خوته وياي
تيهني ابين اعداي
وينك يلكلت بحماي
اكعد واحمي العيله
❥━──➸➽❥💔❥━──➸➽❥💔
حدهه اليوم يبن امي
يلخليتني ابهمي
ماواحد بكه يمي
حملي منهو ايشيله
❥━──➸➽❥💔❥━──➸➽❥💔
ابن امي تعذرني
ماكلي يعمت ابني
بلخوه تطالبني
او عكبي ظلت اذليله
❥━──➸➽❥💔❥━──➸➽❥💔
حدهه اليوم خوتنه
وابن امي تعذرنه
يدري ابكينه وحدنه
من ضيم السده انحيله
❥━──➸➽❥💔❥━──➸➽❥💔
يدري بس حرم وايتام
واعيونه اشلون اتنام
جرح الكلب مايلتام
بس المدمع اتسيله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( موشح للوحشه ))*


اليوم بت حيدر الحره شحالهه
بلمعاره مذبحين ارجالهه
🏴🖤🏴

اليوم زينب بلغرب مهضومه
خوانهه بلحرب كلهم نومه
مذبحين وروسهم مهشومه
ولا خيم ضلت تضم عيالهه
اليوم بت حيدر الحره شحالهه
🏴🖤🏴

داويه الخيمات ماضلت خيم
اليوم ضيم الحره واصل للعضم
من بعد خوانهه شكد تنهضم
خلاف واليهه العدو يبرالهه
اليوم بت حيدر الحره شحالهه
🏴🖤🏴

من بعد عباس يهضمهه الشمر
الدنيه خانت بلعقيله ام الخدر
عل هزل مجتوفه تمشي لليسر
بيهه مايدري شسده گفالهه
اليوم بت حيدر الحره شحالهه
🏴🖤🏴

علعقيله الحيد مايدري شسده
ولادره بخيام اخيته مفرهده
ومادره العباس جتفوهه العده
ضيعوهه وبس لطم يحلالهه
اليوم بت حيدر الحره شحالهه
🏴🖤🏴

بلغرب ضلت وحيده بت علي
لا اخو يمهه ولا يمهه ولي
تكول بين عداي عافوني هلي
طايحه حمولي ومحد شالهه
اليوم بت حيدر الحره شحالهه
🏴🖤🏴

حشمت محد گعدلي الليله
طاح حملي الحمل ياهو يشيله
و فاره بنص المعاره العيله
والهزل گادوهه من احبالهه
اليوم بت حيدر الحره شحالهه
🏴🖤🏴

شلون ترضوني اروح عله الهزل
ايدي مجتوفه ويجروهه بحبل
وين ابو فاضل تمنيته عدل
جان حد هاي الزلم حطالهه
اليوم بت حيدر الحره شحالهه
🏴🖤🏴

*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

جنوبيه للوحشه {{ويعيل بالعيله}}..😭

وين البي يفز ويعيل بالعيله
وحشتكم جرح ما يلتم بليله
❥❥❥ـــــــــــ✿🪶✿ــــــــــــ❥❥❥
وين البي وشالة حيل ظلتله
يگويهه ويگوم لأخته نادتله
گد جروح جسمه احاه ونتله

وهو البالحوافر هدموا حيله
(( امسلبيه ** الحيل اليوم ))
❥❥❥ـــــــــــ✿🪶✿ــــــــــــ❥❥❥
عال اليل بيه وموش عدوانه
وحشتكم عمر ماتنفل احزانه
گلبي امچتلين يشوف خوانه

والشامت يگول هواي حنيله
(( ما تلگينه ** واليج لا ))
❥❥❥ـــــــــــ✿🪶✿ــــــــــــ❥❥❥
تعثرت بجسم واحد موذرينه
عاينت ولگيته الغالي ابوسكينه
اشبگه منين شو ملعب مسوينه

وصوا خيلهم عالصدر هوسيله
(( مكسريهه **وضلوعه احاه))
❥❥❥ـــــــــــ✿🪶✿ــــــــــــ❥❥❥
يحرگون الخيم من گتله ونالي
وجنه يگول زينب هذا يا حالي
وبالج عالعبايه يصيح واطفالي

وبعيونه يصد يبجيلي وابجيله
(( ووناته ** گعدتني اگعاد ))
❥❥❥ـــــــــــ✿🪶✿ــــــــــــ❥❥❥
هدت حيلي وناته وطحت يمه
يم اوصاله اونن بس ردت شمه
صابغهه الضلوع وماوگف دمه

وهليله الدمع يا عيني غسليله
(( بتربانه ** ملچوم حسين ))
❥❥❥ـــــــــــ✿🪶✿ــــــــــــ❥❥❥
#الشاعرة الملة هاجر الزينبية
لا اجيز الحذف او التلاعب بالكلام ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده_للوحشه_من_ديوان_مسير_الفواطم_ج٣
❥━──➸➽❥❂❥━──➸➽❥❂
وحشه هالليله علينه         حسين خويه شلون بينه
لاخيام ولا حنين                     بالبراري ضايعين
انسبينه وانولينه               حسين خويه اشلون بينه
❥━──➸➽❥❂❥━──➸➽❥❂
انسبينه وانولينه                 حرگت اعداكم خيمنه
وين نشكي وين نمشي        عالرمل نامت زلمنه
حسين خويه مادريتو          انهضمنه وانظلمنه
الدمع بالعين هالي     ...       بين غربه وماكو والي
وصلت النار العبينه              حسين خويه اشلون بينه
❥━──➸➽❥❂❥━──➸➽❥❂
وصلت النار لعبينه           وين هالليله نروح
اعتنيت الگمر نايم           ويمه ضليت انه انوح
نومه كل اهلي واخوتي        ومابگت بيه ابد روح
مالي حيل نكسر ظهري   ...     بحالتي بس الله يدري
الكفلني انطفت عينه            حسين خويه اشلون بينه
❥━──➸➽❥❂❥━──➸➽❥❂
الكفلني انطفت عينه       نام مرمي اعله الشريعه
العمد صوب جبينه          وضاگت اعلينه الوسيعه
وين اروح بهالفواطم       والحرم عندي وديعه
كلفيتوني بحرمكم     ...    خويه بس الليله يمكم
صحنه اگعدو وحشمينه        حسين خويه اشلون بينه
❥━──➸➽❥❂❥━──➸➽❥❂
صحنه اگعدو وما گعدتو        وما سمعتوه العتاب
يمكم گعدنه وبچينه            وما سمعناه الجواب
صعبه حيل علينه كلش        آه يا فرگه الاحباب
صعب ما يراد الفراگ      ...    روحي الكم حيل تشتاگ
گومو يالخوان لينه               حسين خويه اشلون بينه
❥━──➸➽❥❂❥━──➸➽❥❂
گومو يالخوان لينه         ننخه ماواحد يگوم
هاي ساعات الكلافه        وهاي ساعات اللزوم
ماسمعتونه نعاتب          نبچي وانوح ونلوم
نصرخ ومحد سمعنه   ...    العتب بيمن نفعنه
امن السياط امورمه ادينه         حسين خويه اشلون بينه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده ليلة الحادي عشر من محرم
*
كسرن خاطري إبنيات الحسين
و مايدرن ابوهن وين ماوين
****
كسرن خاطري من عتبن إعليه
ابونه حسين راح وما إله جيه
يعمه شعطله وكت المغربيه
اجيبلهن صبر يهل الوفه منين
****
شكلهن راس ابوجن بالرمح صاعد
وجسمه اعله التراب امسلب الوالد
ويانه الضيم هاي الليله متواعد
وباجر باليسر للكوفه ماشين
****
اطفال ويتامه ابلا ولي ظلن
من حركو خيمنه خافن وفرن
غريبات وعليه كلهن إلتمن
واهلنه عالترب كلهم مطاعين
****
لاذن بالعبايه إمحركات اجدام
داسن عالجمر من فرن من اخيام
بنات حسين دارت بيهن الايام
جانن بالخدر متشوفهن عين
****
ياعمه اسمعن هاي الحجايه
باجر للسبي ترحون ويايه
كفال الضعن عباس والرايه
ظل اعله النهر وابلايه جفين
****
ماعندي كلب احجي شنو صاير
رقيه تموت اذا تدري الجره بعاشر
من حسين كلشي ماخذ الحافر
لا ضلع البقه ولاخنصر ايمين
****
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك