*قصيدة للمسير من ديوان📚 عبرات وأنين الجزء الثاني*
❥━──➸➽❥❂❥━──➸➽❥❂
*عماني حسين يوم الحمل ضعونه*
*ماشي الكربله ويدري يذبحونه*
❥━──➸➽❥❂❥━──➸➽❥❂
ماشي الكربله والعين هماله
أبو السجاد ظل خايف على عياله
واخته بالضعن تمشي بيا حاله
اخافن هالعده باچر يهظمونه
❥━──➸➽❥❂❥━──➸➽❥❂
سدرنه الضعن ولكربله ماشين
لديار الكدر ماخذنه اخوي حسين
ودع گبر أمه وظل يهل العين
يا زهره  ييمه الگوم يسبونه
❥━──➸➽❥❂❥━──➸➽❥❂
يدري حسين موته بأرض الطفوف
ويگطعون من عباس  الچفوف
هذا البيه كفايه مخوف الخوف
تاليها بعمد رأسه يصيبونه
❥━──➸➽❥❂❥━──➸➽❥❂
من سار الضعن والروح خلصانه
وزينب خايفه اعله حسين وخوانه
تصيح دخيل يا عزنه ويملفانه
رجع هالضعن ياخويه ردونه
❥━──➸➽❥❂❥━──➸➽❥❂
رجع هالضعن يا خويه ما أريده
وماخذني يخويه دروب البعيده
ريض بالحمل لا تمشي بهيده
تصيح بصوت خويه لا اتتيهونه
❥━──➸➽❥❂❥━──➸➽❥❂
*بقلم ✍🏻خادمة اهل البيت*
*الشاعرة العلويه مريم النور الفاتحه الى روح اختي وﻷمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للقاسم ع نفس طور فقره ويتامه للحاج باسم الكربلائي
*
دارت هالأيام وفاركني جسام
حركولي هالروح وي حرك الخيام
****
دار الزمن يبن الحسن مارحم بينه
وإنته وأنه جنه سوه شراع وسفينه
كل ليله ونجوم السمه تسمع حجينه
يغار الهوه لمن تمر نسمه علينه
سهم القدر لاح وأكشر المصباح
راح الولد راح وي حرك الخيام
*
ربيتك بكسر الظهر ياواحد أمك
خوفي جنت لاتنحسد بعيوني أضمك
يامن جمالك فاطمي والقاسم إسمك
تاليهه بسيوف الغدر وذرولي جسمك
والزفه اوهام باتت بالأحلام
شمعاتك تذوب وي حرك الخيام
*
أمك يبن كلبي جنت تكبر أريدك
وأتخيلك وأتأملك تدفني بيدك
ماحسبت كبلي متت وحزو وريدك
ياعمري التبده ومشه كلي شيعيدك
شيرد السنين بيادمعه بالعين
ضيعت الآمال وي حرك الخيام
****
عمرك مثل عمر الورد يبني يمظلوم
مالحكت ليوم العرس والزفه يايوم
إسم الله عله طولك صحت ماتكدر تكوم
سهام ونبل ابدال الشمع والحنه الدموم
راسك يريسان يرتفع بالزان
وحركو الصيوان وي حرك الخيام
***
يبني رحت عنك غصب وجتالك وياي
راسك مشه ويايه وجنت وناتي بهداي
جبدك تفطر بالعطش وبحسرة الماي
يالقاسم آنه لشوفتك عطشانه عيناي
عطشانه العيون للمايرجعون
كلي اصبر شلون وي حرك الخيام
***
عفتك عله حر الرمل جثه رميه
آ ياذبيح ابلا دفن فوك الوطيه
هضموني يمه بروحتك أمشي سبيه
بسوطه الشمر يضرب وأنه أشكف بديه
عمتك والاطفال يجرونه بحبال
والشمر جمال وي حرك الخيام
***
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للنزله (( خايفه اعله اخوانهه ))


اليوم زينب ... خايفه اعله اخوانهه
من مصايب كربله وميدانهه


اليوم زينب خايفه ومهضومه
من مصايب كربله والحومه
گوم ردني اتصيح ياجيدومه
كلهن التمن عليهه احزانهه
اليوم زينب ... خايفه اعله اخوانهه


الحزن ملتم عليهه والهضم
واستعدت للمناحه واللطم
يامصاب امصابهه يحني العظم
من هجم بيت الزمان الخانهه
اليوم زينب ... خايفه اعله اخوانهه


من هجم بيت الزمان البيهه دار
جاب زينب للمصايب والمرار
ياكفيلي اتصيح ماريد اعتذار
گوم رجع هالحرم لوطانهه
اليوم زينب ... خايفه اعله اخوانهه


گوم رجع هالحرم لنزولهه
ياكفيلي وياكفيل احمولهه
بالحرب صيوان لاتبنولهه
خاف باچر يحترگ صيوانهه
اليوم زينب ... خايفه اعله اخوانهه


مايضل صيوان باچر لاخيم
گوم رجعنه يشيال العلم
حلوه عينك خاف يمردهه السهم
يابعد عين اختك وذرعانهه
اليوم زينب ... خايفه اعله اخوانهه


يابعد عيني وبعد هاي الچفوف
ليش جبتوني واجيتو للطفوف
ضيم وافراگ ويسر چني اشوف
اشلون بالنسوان ياريسانهه
اليوم زينب ... خايفه اعله اخوانهه


اشلون بالنسوان من تگضي الحرب
يانويه اتروح تلزم يادرب
خويه خويه وحالهن باچر صعب
من يعوفن جثتك بمچانهه
اليوم زينب ... خايفه اعله اخوانهه




✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( فزاعية للامام الحسين عليه السلام ))*


ذبينه الچفافي عليك
يوم الطحت مولانه
*📝📝*

گلمن ذاب چفيته
وناصب فاتحه بيته
وماننساه الضحيته
بدمك ثبتت دين الله واركانه
*📝📝*

ماننساك ابد يحسين
بدمك ثبتيت الدين
شمنسوي تره مقصرين
منوافيك ياعزنه ويملفانه
*📝📝*

منوافيك شنسوي
ينار مصيبتك تجوي
نريدك بلكبر تضوي
تحضرنه بگبرنه وموش تنسانه
*📝📝*

نار مصيبتك تسعر
فوك الترب ومطبر
ومنك منگطع منحر
عليك ارض وسمه يحسين حزنانه
*📝📝*

موشيعه تره الينسوك
ثلث تيام ماشالوك
مخضب بلدمه خلوك
تسحك عل جسد خيول مرجانه
*📝📝*

بيك نعازي الزهره
نريد الميت تحضره
تنور وحشته وگبره
نريدك للمحب تشفع يرجوانه
*📝📝*



*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_٣٠_.


لطميه لأم البنين عليها السلام


ساعد الله أم البنين      فاگده اليوم الحنين
والده وتنشد عليهم      من يودي أخبار ليهم
حسين يا كرة العين      فاگده اليوم الحنين
❥━──➸➽❥💔❥━──➸➽❥💔
آنه امكم وانشد عليكم تجون
آنه امكم مشت روحي أويه الضعون
آنه امكم وانتو الي نور الاعيون
آنه امكم والبعد لا ما يهون
داري خلوانه عليه     وينكم يهل الحميه
وين غربتو لوين      فاگده اليوم الحنين
❥━──➸➽❥💔❥━──➸➽❥💔
ردو ليه افراككم والله صعب
ردو ليه عفو اديار الغرب
ردو ليه ضاعت امكم بلدرب
ردو ليه وحدي ما ضلي محب
ريت يلفوني ابضعنهم     شالو ولا خبر منهم
وين يمه امغربين     فاگده اليوم الحنين
❥━──➸➽❥💔❥━──➸➽❥💔
فاركتكم واني ما احمل سهر
فاركتكم وانتو اغلا امنلعمر
فاركتكم غصب وازاني الدهر
فاركتكم ريت تلفون ابشهر
شلتو من اكبال عيني     ريت ابو الأكبر يجيني
اويه الضعن شايل حسين    فاگده اليوم الحنين
❥━──➸➽❥💔❥━──➸➽❥💔
ودعتكم وانتو رحتو ويه الضعن
ودعتكم والأعيون اشكد بجن
ودعتكم والكلب ضل بس يون
ودعتكم والمحامل غربن
اربعه راحو سويه     اخذتهم ابساع المنيه
اليابلاد امحملين     فاگده اليوم الحنين
❥━──➸➽❥💔❥━──➸➽❥💔
ابكيت وحدي ولا احد ينشد عليه
ابكيت وحدي لازمه فراش المنيه
ابكيت وحدي عگب عباس الشفيه
ابكيت وحدي وما اندل الغاضريه
راح حيلي من عكبكم     ما تفاركني صوركم
آه يا عملت البين      فاگده اليوم الحنين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مهداة للحسين عليه السلام
=========


مشه خال الولد

     والدار  سداها

خويه عشرتك للدوم ردناها

=========

ياخال الولد مانحمل افراگه

تسعر نارهم بلگلب حراگه

عافانه ومشه والروح مشتاگه

ماضنن يخويه بعد نتلاگه

شيعوده // يهلال الغرب

💎💎💎💎

خلاف عيونهم وحشه منازلهم

عافونه ومشو للدار شيردهم

وبنص الگلب علّگت صورتهم

ظلمه وخاليه وتون يحجرتهم

ومحزونه // والحجره اتون

💎💎💎💎

يادار الولي جيتچ تلگيني

عتاب محمله وهموم تدريني

على الراحو طبگ يادار عازيني

وعازيني // يادار عليهم

💎💎💎💎

مشه خال الولد ويطول الغيبه

راح الما اضن مثله مره تجيبه

شهم يمعدل ويازين ترتيبه

ومحلاها // خوتهم حلوه

💎💎💎💎

راح الچان هيبه وخيمه لسراري

عمود البيت اخوي وياسگف داري

تسعر بلگلب خال الولد ناري

ولهابه // يانار اخواني

💎💎💎💎

يوم الفارگتني طاحت احمولي

من يوم الرحت گامو يتچولي

اروحن فدوه لطولك بعد طولي

ومديوره // يافدوه لطولك


=========
خادمة ال البيت الحجيه ام علي البصره
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

للعليله.( ع)


ليلة وداعك ثكيله
تعوفني وانه عليله

شلون هان اعليك يابويه عفتني
ويه. خياتي يريتك حملتني
بعدك. ايام. وليالي هاجمتني

المرض خلاني نحيله

والله من يجبل عليه الليل وحدي
ارسم اصوركم على الحيطان وابجي
احچي ويه الصور بس ماترضه تحچي

فراگكم لا مالي حيله

بويه تدري بالمريض يريد يمه كل هله
وانه عفتوني وحيده وبلمرض متعلعله
الدمعه مانشفت يبويه عله الوجنه سايله

مدمعي خلص وشيله

گلبي حيل اشتاگ ليكم ياهلي وياعزوتي
يمي اريدنهن خواتي ينشفلي دمعتي
خاف مانتلاكه بويه وخاف اموت بحسرتي

گلبي شيبرد غليله



شاعرة اهل البيت ام الفواطم الحمراني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه نزول كربلاء

ذني مدللات حسين والعباس جاباهن
نزلن بالطفوف اليوم والهم نزل وباهن
............
نزل كل خواته ودك صواوينه
وضعن اخته العقيله حاطه بعينه
يكلها اخوج جا شنهي التأمرينه
بنات حسين هاي الروح تفداهن
...........
اجه حسين ويكله ياكمر هاشم
دك خيمة بناتي وخيمة القاسم
انه ادريك انته عله الوفه عازم
اخوك بشاربك يا سبع خلاهن
..........
اريدك زينب بجفك تنزلها
وبيدك ياوفي تنوخ محاملها
تدك صدرك يراعي الزود وتكلها
تراهن خايفات تروح ولياهن
...........
يخويه أمن بناتي الرعب ماخذها
وسكينه العزيزه روح سكتها
يكله لمت الجيمان رعبتها
امسح ياشفيه دموع عيناهن
............
اجه العباس يم زينب يحاجيها
ويكلها خيمتج حراس تحميها
وحمولج يخويه تكفلت بيها
شحده اليوصل خيامج ويدناهن
...........

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الزينبيه الجزء الاول

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٧
قصيدة للنزول(بالحومه نزلنه)
❥━──➸➽❥❂❥━──➸➽❥❂
نزلنه اليوم بالحومه نزلنه
كلنه امدللات بجال اهلنه
باجر مايظلون/عالغبره يطيحون
يوگع عالنهر كافل حملنه
نزلنه اليوم بالحومه نزلنه
❥━──➸➽❥❂❥━──➸➽❥❂
گعدنه بكربله وحطينه الضعون
نبچي بحرگه والدلال محزون
باچر كل زلمنه هنا يطيحون
وعالغبره جثثهم من يموتون
يظلون اعله التراب/واحنه بولية اجناب
نناشدهم ومحد يگعد النه
نزلنه اليوم بالحومه نزلنه
❥━──➸➽❥❂❥━──➸➽❥❂
بهاي الأرض ذبحتكم يالحنان
ضحايه امددين وعله التربان
وگلب ام الخدر مهضوم حزنان
تفگدهم سويه آل عدنان
وتظل محتار بينه/وما يبطل بچينه
عالوليان كل همنه وحزنه
نزلنه اليوم بالحومه نزلنه
❥━──➸➽❥❂❥━──➸➽❥❂
احنه مدللات بزودهم دوم
يرحون ويظل الگلب ملچوم
كل وحده اعله ابنهه تبچي دموم
واتدور عليه والحيل مهدوم
احا يا فگد الأحباب/منه الگلب ينصاب
بموتتهم تره تموت المحنه
نزلنه اليوم بالحومه نزلنه
❥━──➸➽❥❂❥━──➸➽❥❂
يموتون الذي نحبهم سويه
عباس الگمر ينطفي ضيه
چفوفه تطيح مدري بيا نويه
وراسه يعاين لسكنه ورقيه
يگلهن ردتن الماي/وانه انطفت عيناي
وطايح عالارض وسفه علمنه
نزلنه اليوم بالحومه نزلنه
❥━──➸➽❥❂❥━──➸➽❥❂
وزينب تنتحب وتنادي يحباب
ردوني لوطنه آيالاطياب
صعب اعليه ما احمله هالامصاب
ما اگدر اشوفن گص الارگاب
وروس معلگه بأرماح/ومرافگه الذباح
نكضيه الدرب ونه اعله ونه
نزلنه اليوم بالحومه نزلنه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

١٤٤٦ النزول بكربلاء
الطور اختياري

يل وصلتوا الكربلا * الله گلكم يا هله
عالتراب الغاضريه * تنكتب أعظم رزيه
واستعدوا للبله * واستعدوا للبله
&&
يا أبواليمه اللي ماشي اويه الحبايب
واصل ابأرض البلايه والمصايب
استعدوا للمذابح والنوايب
وباقي أيام ونحركم عالترايب

واستعدوا للذبح * والرؤوس اعله الرمح
وجينه لتراب المنيه * تنكتب أعظم رزيه
واستعدوا للبله * واستعدوا للبله
&&
لمن ابهاي الأرض صارت خيمكم
حضرت اتون ابدمعها الزهره أمكم
تدري ابهاي الأرض يكثر ألمكم
بس ليالي ويجري ابلا رحمه دمكم

تحضر الكم فاطمه * بيدها اتلم الدمه
والله ايعين الزچيه * تنكتب أعظم رزيه
واستعدوا للبله * واستعدوا للبله
&&
يالتنصبون الخيم رحموا العقيله
لو وگع منها حملها من يشيله
لا يگعدوها بعدكم عالهزيله
ولا تصير امن الي اتشوفه نحيله

من يطگها الناصبي * تذيل ابدرب السبي
صعبه لو گالوا سبيه * تنكتب أعظم رزيه
واستعدوا للبله * واستعدوا للبله
&&
استعدوا الهل الأرض شدوا عزكم
باقي أيام ويطيح اهنا علمكم
ما يهم الموت ولتفكروا ابألكم
كون بس الله الي يتقبل عملكم

تضحيتكم تنقبل * تنكتب بأعظم سجل
كل شي يتوقع بيديه * تنكتب أعظم رزيه
واستعدوا للبله * واستعدوا للبله
&&
استعدوا للبلايه تجري كلها
بالعوالم ما حصل أبداً مثلها
بت علي العدوان تالي اتشوف ظلها
وتشمت ابحالتها من يوگع حملها

والنوايح تعتلي * تغترب باقي هلي
وتنضرب بنتي رقيه * تنكتب أعظم رزيه
واستعدوا للبله * واستعدوا للبله

📝 #الشاعرة_الملاية_زينب_المؤيد

ــــ
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للنزول


المن جبتني لكربله
يحسين رد ضعوني

رد الضعن والعايله
المن جبتنه لكربله
بيها المصايب والبله
بيها العده يسبوني

لاتبني بيها خيمتي
اخسر بارضها خوتي
منهو الينشف دمعتي
يهل الرحم حاجوني

بيها الذبح بيها الغدر
زينب كلبها ينكسر
عكب المعزة والخدر
عدوانك يشتموني

تدري باراضيها الدمة
ياخوي راعي الموزمة
اعليك امنه فاطمة
لديرة هلي ردوني

باجر ونيني ينسمع
جدامي راسك ينرفع
يحسين حضرت الدمع
ارويك ماي عيوني

خادمة الزهراء
الشاعرة هالي نور


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للنزله (( والموت طب گدامه ))


طب الغريب الكربله
والموت طب گدامه


طب وعرفته ينچتل
خال ابني مايرجع عدل
بالحومه والمصرع نزل
وبالطف يدگ اخيامه


بالطف نصب صيوانه
واتلگته عدوانه
گلبي دوت نيرانه
وليلي بعد مانامه


مانام بعيوني سهر
ملگه تلگاني القهر
باچر يطيحن عالنهر
بيرغ وچف وهامه


باچر يروح اعضيدي
عالمشرعه من ايدي
واشلون اضل اوحيدي
وحسين يرخه احزامه


احزامه يرخه وينولي
وحسين وصاني بعلي
اشلون اشوفه بالخلي
اموزعات اعضامه


اموزعات اضلوعه
لو شفته اضل مفجوعه
خيل وزلم مجموعه
وياهو اليحامي ايتامه


باچر تضل ابلا حمه
ايتامه بالبر هايمه
هالشهر شهر الموزمه
وكلهن مرار ايامه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للمسير {{وين يردون}}.. 💔

اليوم الهواشم وين يردون
عباس ليش يشد بالضعون
وزينب تهل عيون وعيون
❥❥❥ـــــــــــ✿🪶✿ــــــــــــ❥❥❥
تمسح دمعهه بجف اديهه
واتباوع ابحسره الوليهه
ارض الغدر متعني ليهه
❥❥❥ـــــــــــ✿🪶✿ــــــــــــ❥❥❥
عباس من كض العبايه
بسترج يكللها الوصايه
جاب الگمر غيمه حمايه
❥❥❥ـــــــــــ✿🪶✿ــــــــــــ❥❥❥
تبجي وتگله ما اعوفك
جفي حلف يبقه بجفوفك
عباس لااا مذبوح اشوفك
❥❥❥ـــــــــــ✿🪶✿ــــــــــــ❥❥❥
يجاوبها العباس (ع)

يكلها..
ماريدج تشوفين عيني
بيها السهم عالي ونيني
لو ماكو ادي لاتنتخيني
❥❥❥ـــــــــــ✿🪶✿ــــــــــــ❥❥❥
بيمن اهد وادي طاحن
فدوة الج والماي راحن
وادري خواتي علي ناحن
❥❥❥ـــــــــــ✿🪶✿ــــــــــــ❥❥❥
عذريني مكتوب انتفارگ
والغيره والشيله اتشابگ
يم النهر مطلوب الج حگ
❥❥❥ـــــــــــ✿🪶✿ــــــــــــ❥❥❥
بأقلام شاعرات الحسين (ع)
#الشاعرة رسل الابراهيمي
#والشاعرة هاجر الزينبية..
لا اجيز الحذف او التلاعب بالكلام ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه مربعه الوصول السيدة زينب عليها السلام مع عيالات اخيها الحسين عليه سلام الى كربلاء
================
وصلت كربلاء زينب السلطانه
تصد لخوانها والروح خلصانه
===
طبت كربلاء وبنو خيم بيها
وعباس الحنين الي يباريها
يم هودجها والرايه يعليها
تصد له وعينها من البجي عميانه
===
هوت وعيالها وحسين كاللها
هاي الأرض خويه كون ننزلها
وعباس الفحل نزل محاملها
يبني خيامها وحول بميدانه
===
طبو كربلاء وشافوها مضلمه
بجت حيل العزيزه وبلكلب هضمه
من صدت لخيها تصيح يايمه
لايبقى طريح ابن امي بمجانه
===
ونت والحزن غير معانيها
زينب حايره والبين غاطيها
تدري بكربلاء مفكوده اهاليها
وتروح ميسره وي يزيد وعوانه
===
حسافه يطيح حملي على الصخرجيه
ويروح الجان خيمه وكاعده بفيه
اضلن حايره والنوبه مسبيه
عكب عينك يخويه محد ويانه
===
بعد شنكول والوالي مضيعينه
نام على التراب وغمضت عينه
عسا لا طال عمري وكصرت سنينه
احا يحسين ياعزنه ويملفانه
===
تمت بحمد الله تعالى بقلمي شاعره وخادمه اهل البيت عليهم السلام ملا زينب الطويرجاوي ٢٨ ٦ ٢٥ ٠ ٢

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعليله ع


شالو اعزاز الگلب/ والدمع من دم يصب

اه يلعزاز اه يلعزاز


شعنده وياي الدهر ماخله والي

وحدي ضليت بنزل مضلم وخالي
بعد شيردهن علي ذيج الليالي

جان ابوي يگلي بحضني تعالي

يضمني بحضنه الحنين/عنده جنه مدللين

اه يلعزاز اه يلعزاز

@@@@@@@@@@

يادهر ليش الاهل مني خذتهم

عني ليش احباب دلالي بعدتهم
عزاز حيل عله الگلب وشنسه منهم

عليه مانشدو ولا ودو خبرهم

مااجه منهم خبر / وگلبي بلفرگه نگسر

اه يلعزاز اه يلعزاز

@@@@@@@@@@


ماوصل منهم خبر جنهم نسوني

مادرو من البجي راحت عيوني
ليش شمسويه يهلنه تضيعوني

وانه مااحمل هجر وتهجروني

بعد ماضلي صبر / نار گلبي تستعر

اه يلعزاز اه يلعزاز

@@@@@@@@@@


انتو تدورني عليله وكلبي مالوم

هواي عني تاخريتو صار جم يوم
عله مرض يابويه چملتوني بهموم

ادري فرگتگم يهلنه تطول وتدوم

بعد شيردهم الي / اخ يافرگة هلي

اه يلعزاز اه يلعزاز

@@@@@@@@@@


اخ يفراگ الاحبهم يعمي العين

مانصف بيه زماني الزمن موزين
الله وياگم يهلنه يل بعيدين
بسلامه تمنى ترجع بويه يحسين

ليه ترجع مااضن / ورفگه رافگني الحزن

اه يلعزاز. اه يلعزاز

@@@@@@@@@@

كلمات ام عون الحلاويه


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للنزلة


للحومه رحت يحسين     حاچيني شلك بيهه
گلبي ينفطر نصين      من ينجاب طاريهه
ذيچ الخيل واهل الخيل     تتراكض بواديهه
( شعدهه التمت     خيل وخياله )


كلهه اتجمعت يحسين     ذيچ الخيل واهل الخيل
اخاف اعليك من عدهم     انته الگلب وانته الحيل
نيتهم يذبحونك    المن جاي خل انشيل
( اشلون اتأمن بيهم     كلهم غداره )


اشلون اتأمن بعدوان     وتخيم بديرتهم
نية صلح ماعدهم    نية غدر نيتهم
گالولك نصير اوياك     ونكروا ذيچ چلمتهم
( اتحذر منهم     راسك يردونه )


اتحذر من هذوله الناس     لاتنزل بواديهم
وحق جدك يغدرونك     شيمة زلم مابيهم
كلهم صبحوا ضدك     امن اولهم لتاليهم
( وشيل اضعونك      وارجع عن ذوله )


ارجع عن هذوله ابساع     يامظلوم طاوعني
گبل لاينكطع راسك     والذباح يدفعني
ماعايز حزن گلبي     دخيلك لاتضيعني
( وگلبي املوع     ماعايز لوعه )


ماعايز دليلي اهموم     والبيه يكفيني
اصواب الباب والمحراب     ابد مافارگن عيني
وعالمسموم دمعي يسيل     ليل انهار تدريني
( انوب اصوابك     شيسوي بحالي )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للنزول {{ قصة وجعنه }}.. 😭
لسان حال السيدة زينب عليها السلام:

نزلنه بكربله اليوم
وجبل حسيت الهموم
بدت قصت وجعنه ...

صحت يحسين محروس
تخيلت السبي وروس
وامغرب ضلعنه .....
❥❥❥ـــــــــــ✿🪶✿ــــــــــــ❥❥❥
نزلنه الكربله كل حيل مابينه
الضعن كامل وصل وبخير اهالينه
مدري شمالنه والحزن غاطينه

تخيلنه أحنه عاشور
نلم بضلوع الصدور
نزل هامل دمعنه ....
❥❥❥ـــــــــــ✿🪶✿ــــــــــــ❥❥❥
بأجر عالترب قران يتمزگ
وكمر يم الفرات وجربه تتشگگ
وعلويه يطگوها وتصيح الحگ

يربي گلبي موجوع
بعدها بخير الضلوع
واحس من هسه ضعنه....
❥❥❥ـــــــــــ✿🪶✿ــــــــــــ❥❥❥
بعدهه بخير اخوتي مامشت عني
بنص ضلوعهم كل يوم الي تلمني
گلبي شبيك خايف ما تكض وني؟

بعدك گلبي مرتاح
ماسامع ولي صاح
وفوگ النهر ونه..
❥❥❥ـــــــــــ✿🪶✿ــــــــــــ❥❥❥
دگ خيامه واهتز شاربه بصفي
وگلي ابخوة العباس وابچفي
ماتنزل دموعج لو رحت حلفي

وهوه يدگ بالخيام
گلي اشويه الايام
العشناهه ابمحنه..
❥❥❥ـــــــــــ✿🪶✿ــــــــــــ❥❥❥
عيون اخواني مو همه التحاجيني
يقره عيونهم كل لحظة فص عيني
واكض گلبي واگله شبيك يحسيني

مارد گتله يحسين
للعباس الونين ؟؟
وراح نضيع كلنه..
❥❥❥ـــــــــــ✿🪶✿ــــــــــــ❥❥❥
بأقلام شاعرات الحسين (ع)
#الشاعرة رسل الابراهيمي
#والشاعرة هاجر الزينبية..
لا اجيز الحذف او التلاعب بالكلام ❌


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه حماسيه للعليله عليها السلام( ما حملاني )


أشلون ينساني حسين ما حملاني
أفراگه هدملي الحيل والله وعماني
❥━──➸➽❥💔❥━──➸➽❥💔
أفراگه هدملي الحيل لا ما أحمله
فدوه بويه وياك أخذني أگله
الفارگ هله يا ناس بالدنيه شله
صبت أدموعي أدموم من دعاني
❥━──➸➽❥💔❥━──➸➽❥💔
أبيوم وعدني أو شال لأرض المنيه
لا رجعلي ولا گال بنتي خطيه
تخنگ أو تگضي الحيل والله المسيه
نوحي والون بالليل ما فارگاني
❥━──➸➽❥💔❥━──➸➽❥💔
عني شالو لعزاز وأنه عليله
وجسمي من الأوجاع گوه أشيله
ساعة أفراگ أشلون صارت طويله
وأخ منك ناديت آه يا زماني
❥━──➸➽❥💔❥━──➸➽❥💔
أشلون ينساني حسين وأيروح عني
وي خواتي الجيدوم شو ما أخذني
أيست منه اليوم وأنگطع ضني
ولحگت هالأضعون بس رجعاني
❥━──➸➽❥💔❥━──➸➽❥💔
رجعاني وأدموع عيني تلالي
گتله بس شوف الدار خليته خالي
أنه بتك يحسين أرجع يغالي
للغرب لا لتروح وأبگه أنه أعاني
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

السبت / ٢ من شهر محرم الحرام
الموافق / ٢٠٢٥/٦/٢٨


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مزدوجه بهوسات للقاسم ابن الحسن (ع)


زيدي النوح يارمله والــونين

ابنج صابته اسيوف الملاعين


""":::""""""::::"""":::"""":::""""

جاسم طاح يـارمله على الغبره
وخيول الاعـادي هشمت صدره
عليه حسين عمه منحني ضهره
شال ابنج يرمله وغمضت العين

(( امطبر جسمه // وبلگوه ايشيله ))

""":::""""""::::"""":::"""":::""""

جـــــــابه ومدده مابين الحباب
ون اعليه ودمع العين سجاب
عمه حسين ينده ڰــومو يطياب
امغمض العين ومسبل اليـديـن

(( خلاه بالخيمه //وون اعليه ))

""":::""""""::::"""":::"""":::""""

لفتله عَمِـتَه والعــيـن هـمـــالــه
گلي يبو اليمه جاسم اشحالــه
امدد شافته ومگطع اوصـالـــه
بعمد راسه تهشم منجسم نصين

(( هد حيلي // امصاب القاسم))

""":::""""""::::"""":::"""":::""""

علــيه التمـــــن ابــلهفـــه الفواطم
شافنه ابدمـــه امـغســل ونايـــــم
ابهظم صاحن وا ويلي على القاسم
عمت عين المنيه التاخذ الحلـــوين

(( من اخضابه // عريس اتحنه))

""":::""""""::::"""":::"""":::""""

من خضابه تحـنه جاسم اليــوم
ظل اعله الارض سابح بالـــدموم
ومتغيره يـوسفه ذيج الرســـوم

(( وسفه اعليه // المات امحسر ))

""":::""""""::::"""":::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*

لاأجيز حذف الأسم
نسالكم الدعاء بتعجيل الفرج لصاحب الزمان ((عج )

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك