📜فزاعية للطفل الرضيع عليه السلام

سهم الرضيع أبركبته
يَــــــم الولد روحيله
ــــــــــــــــــــــــــــــ
وصلو الرباب الهه الخبر
عبدالله مكـــطوع النحر
نايم بحر شــمس الظهر
مـــــــــن الشمس فييله
ــــــــــــــــــــــــــــــ
هاي المصيبه اولاجرت
والســـهم بل رگبه نبت
من البچي اعيونه عمت
ايـــــــــريد امه اتلوليله
ــــــــــــــــــــــــــــــ
ريت امه تحضر مصرعه
اخــــر وداع اتـــــودعه
اتشوف الولد والفاجعه
اللـــه المعين اللـــــــيله
ــــــــــــــــــــــــــــــ
اشصاير علي ما شافته
مكطوعه بالنص ركبته
لِحسين جابه الخيمته
امن العطش بايد حيله
ــــــــــــــــــــــــــــــ
امن الماي حرما حرمله
واعيونه ضـــلت هامله
ما ننــسه يومه ابكربله
مـــجلس عزه انسويله
ــــــــــــــــــــــــــــــ
مجلس عزه انصيح ابألم
بالنحر ضل غافي السهم
التمت علي تبچي الحرم
احضـــر يحامي ادخيله
ــــــــــــــــــــــــــــــ
✍🏻تمت بقلم خادمة اهل البيت عليهم السلام ام وليد الموسوي لا اجيز حذف الاسم الفاتحه الى روح والدي ووالدتي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية بقفل الهوسه...


على الهامات. خلن لطمه حسين
يهذا الضحه روحه لنصره الدين



هذا ابن الصميدة المايطخ راس
اخو الهيبه الكفيل الحير الناس
يهذا البالمعارك داك الساس

وبكاع الطف الهم هيبه


شمرة من علي ماخذها وبزوده
ظل وحيد محد وصل لحدوده
محد كابله وهاي اله مشهوده

من حيدر ماخذ شمراته


حسين واسمه ظل عنوان للشيعه
كل عاشور بسمه نجدد البيعه
لو ماهو جا ضعنه فرد ضيعه

ثبت دين الله بدمومه


هذا الضحه بعياله ومشو يسره
لجل الدين يثبت رخص بعمره
مذبوح وسليب توسد الغبره

نواسي الزهره اعله مصابه


نواسي الزجية بدمعه هماله
عالظل عالوطيه مكطعه اوصاله
ثلث تيام محد غسله وشاله

شلون المثله يذبحونه


خادمة الزهراء
الشاعره هالي نور

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله سريعه السيده زينب عليها السلام


طاح كفالج يزينب عالنهر
عاري جسم نايم بحر الضهر
يازينب . يازينب
يازينب. يازينب

➖➖➖➖➖➖
طاح عباسج يزينب مايجي
جان هيبه جان المعد الحجي
انتي محتاره وعميتي من البجي
انتي ايسموج ياجبل الصبر
يازينب يازينب
يازينب يازينب
➖➖➖➖➖➖

خويه صحتي بصوت هاياكافلي
ماسمع صوتج وكال ادللي
وانتي ابزودي اجيتي بت علي
عالشريعه مات ريحان العمر

يازينب. يازينب
يازينب. يازينب
➖➖➖➖➖➖
راح اخيج مايجي يم الخدر
لاتتانينه بعد راح العمر
خلصت ايامه ياجبل الصبر
ضلت اعله الزبن اعيونج تدر

يازينب. يازينب
يازينب. يازينب
➖➖➖➖➖➖
كلفج بيتام صرتي الكافله
انتي قائد صرتي اعله القافله
جنتي مهيوبه وعزيزه مدلله
شبعج هذا الوكت ضيم القهر

يازينب. يازينب
يازينب. يازينب

➖➖➖➖➖➖
ويلي بالله شلون انه تحيرت
من صغر سني هضيمه تمرمرت
زينب انه بت نبي اتعذبت
وتالي عمري يطيح من عندي كمر

يازينب. يازينب
يازينب. يازينب
➖➖➖➖➖➖
تمت بقلم خادمة اهل البيت
الشاعرة
هيلين ام علي الدر الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا 💥💥


#قصيده #مشتركه للنزول في كربلاء. لسان حال مولانا الإمام الحسين "ع"
#####


(نزلو يا عباس)

، قيل على رواية.. بين ما كانت القافلة تسير واذا بجواد الحسين صلوات الله عليه يتوقف ولم ينبعث خطوةً واحدة، وقيل انه استبدله حتا ركب سبعة افراس فكانت على هاذا الحال. هنا سأل إمامنا بابي وامي اصحابه عن اسم الارض وعندما اخبروه بانها كربلاء تنفس السعداء وقال.. اللهم اعوذ بك من الكرب والبلاء
فكاني به يقول لاخيه ابى الفضل

نزلو يا عباس نصبو اخيامنه
هاي گاع البيها ذبح ازلامنه
#####


نصبو يلكافل خيام العايله
اهنا يحل الضيم والهم والبله
بس عثر مهري اعرفتها كربله

واعرفت بيها الهظم وآلامنه
نزلو يا عباس نصبو اخيامنه
#####



بهالاراضي انموت من جدي الخبر
وما يظل والي اليعين ام الخدر
من نطيح وتهجم اعليها الكفر

اتحير باجر بالحرم وايتامنه
نزلو يا عباس نصبو اخيامنه
#####



ااا يزينب راح تجرع يا عذاب
من تشوف اعزازها بدمهم خظاب
آنه ادري ام عون گد هاي الصعاب

بس حنينه ويوجعنها اسهامنه
نزلو يا عباس نصبو اخيامنه
#####


هاي گاع البيها تتگطع نحور
ويجري فوگ اترابها دم البدور
وعالحرم تقسه اعادينه وتجور

واحنه متوذره وذر اجسامنه
نزلوا يا عباس نصبو اخيامنه
#####


اخيامك التنصبها يا راعي الشيم
العده ايشبونها ابنار الخيم
اتحير زينب بين اطفال وحرم

وتنخه احضر علي يا ظرغامنه
نزلو يا عباس نصبو اخيامنه
#####


... تمت باقلام #شاعرات اهل البيت (عليهم السلام) ✍🏻✍🏻 #ازهار_جبار_الجياشي #رِضاب_الاسدي
لا نجيز له وغير مبري الذمة من يحذف اسماءنا او يتلاعب بالكلام وينسب الرثاء له او لشخص اخر، ونسألكم الدعاء لنا ولوالدينا

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعيه جنوبيه🔥 للعباس ع ((زينب الخاتونه))
حال مولاتنه زينب ع عندما تأخر العباس عليها بلرجوع بلماء 👇.




ركضت للنهر    زينب  الخاتونه
وشدت بيرغ العباس بـمتـونـه

...........
ركضت بت علي وتصيح يمجنه
يشنهي اخبار  والينه   وكافلنـه
راح  ايجيب  ماي ومارجع النـه
(( ام عون اتون  // يا واليها ))

...........

الكافل وين  ياهلماي  حاجيني
لايبطي تره  العدوان   توليني
وانه امخدره العباس  يدريني
((الخوه اتلوك // اعله الهيبه ))

.............
ياهيبه وكفيلي  وينها  الرايه
اجيتك ياسبع صوب المسنايه
مو علماي خويه ارجع  اويايه
((ماي اعيوني // عباس اشرب))

.............

عاف الماي  ماراده  ولاضااكه
ونيران العطش ابروحه حراكه
من غيضه يطش الماي  ابراكه
((ياموت احمر // ارحم بينه ))

...........
ويامووت التدنه اعليك هليله
راحت نايحه زينب  وتشكيله
ياعباس شنهي النوم  والعيله
((العيله اتطش // يا حاميها ))






تمتبعون الله

✍الشاعرة زينب المالكي

#من_ديوان_سلاطين_الحومة_الجزء_الثالث_


غير مبري الذمة لكل من يتلاعب بلقصايدة والكلمات ويحذف اسم الشاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للمصرع ( كلنه اوياچ نلطم )


نحيله ام الحزن والضيم نحلهه
وين حسين عنهه اوين كافلهه
بديار الغرب عافوا محاملهه
خل نلطم اوياها اليوم ونگلهه

      ( النزلة)

كلنه اوياچ نلطم ... من تلطمين
يازينب عله العباس وحسين


نلطم حيل مانلطم ابهيده
يازينب عله حسين وعضيده
دم اجروحهم تارس البيده
بالميدان خوانچ مطاعين
كلنه اوياچ نلطم ... من تلطمين


ضلوا بالحرب كلمن بصفحه
وحسين الشمر قرر يذبحه
گاعد فوگ صدره ولچم جرحه
من يذبح عزيزچ وين ترحين
كلنه اوياچ نلطم ... من تلطمين


باچر وين ترحين ابناته
لو شفتي السيوف اموذراته
عافچ بين عدوان وشماته
ونضرات العدو مثل السچاچين
كلنه اوياچ نلطم ... من تلطمين


ونضرات العدو مثل الخناجر
وگلبچ من مرار البين شاجر
يزينب لاتطرين العساكر
مايرضه الشفيه بهاي تدرين
كلنه اوياچ نلطم ... من تلطمين


يزعل لو دره ومايزعل اشلون
طريتي الزلم والخيل يم عون
بالميدان شتدورين والكون
دم واعظام بالميدان تلگين
كلنه اوياچ نلطم ... من تلطمين


بس دم وجنايز مالهن روس
عشر اخيول ضلت فوگهه ادوس
وگلب حسين بالطعنات متروس
امصوب بالسهم وانجسم نصين
كلنه اوياچ نلطم ... من تلطمين


گلبه امن السهم نصين مجسوم
لايگدر يون لايگدر يگوم
امس هيبه واميره وضايعه اليوم
وباچر بالخرايب والدواوين
كلنه اوياچ نلطم ... من تلطمين


من ديوان خيمة الخدام جزء السابع خاص بالوداع والمصرع



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات لفاطمة العليلة (ع)


✦❥※❥※✿✿※❥※❥※✿✿※❥※❥✦

ظـلمه الـدار بويه ابـدون راعيهه
غراب البين ينعه وحزن غاطيهه
ويـن الليوث حيدر ويـن اهاليهه

   ( والدار اتون...... اتبچيني )

✦❥※❥※✿✿※❥※❥※✿✿※❥※❥✦

يبچيني النـزل مـن انـظـره ابعيـني
واذكـرهه الليالي عـمـري وسنيـنـي
عشتهن ويه عمتي وامي وحسيني

       ( واليوم اعليهم...... حزنانه )

✦❥※❥※✿✿※❥※❥※✿✿※❥※❥✦

حـزنـانـه عليهـم راسـي شديته
وانه ادري الابو ما يرجع البيته
دلالـي وجـعـنـي يـوم ودعيـتـه

       ( بالدار الوحدي...... خلاني )

✦❥※❥※✿✿※❥※❥※✿✿※❥※❥✦

خـلانـي وحيده وحالتي حـاله
وبحسره ودمع خطيت مرساله
وگتله العمر خلص گربت آجاله

      ( ومنتظره الطارش...... يلفيني )

  ✦❥※❥※✿✿※❥※❥※✿✿※❥※❥✦

طارشكم بطه وما ظن بعد جيه
ومـا گـلـتـو عليله عـفـنـه لـبنيـه
ونـار افـراگـكـم بحشاي مسريـه

         ( شوفت احبابي...... اطفيهه )

✦❥※❥※✿✿※❥※❥※✿✿※❥※❥✦

تمت والحمدلله ✍🏻 خادمة أم أبيها الشاعرة أم علي الحلفي ( من ديوان مصارع الكرام الجزء الأول) لا أجيز شرعاً حذف الأسم أوتغير الكلمات أهدي ثواب عملي هذا إلى أرواح المؤمنين والمؤمنات وإلى روح المرحوم ( والدي رحمهُ الله)

                   نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

((قصيدة لأولادمسلم ع) )

➖➖➖➖➖➖➖➖

زغيرون الولد رحمه يذباحه

من زغره يتيم وماعرف راحه

➖➖➖➖➖

زغيرون الولد يبن الدعيه

ماترحم زغر سنه خطيه

شنهي تجاوب الزهره الزجيه

حدر ايدك يفرفر طير بجناحه

➖➖➖➖➖➖➖➖

عليمن شاده و مچتف ايديه

كلي بياذنب تكطع وريديه

گلبك من حجر ما ينكسر ليه

وگلب امه عليه مدمه جراحه

➖➖➖➖➖➖➖➖

شعندك ذابحه  يل ما الك دين

المن شاده و  مچتف  الايدين

لامه يرتجي  ويدير     بالعين

يمه يصيحهه وماتسمع صياحه

➖➖➖➖➖➖➖➖

ميل عن رگبته خايب السيف

من بیت النبوه تذبحه ياحيف

اترك هالأمر يا مجرم و عيف

گلب امه علیه نگطع سباحه

➖➖➖➖➖➖➖➖

شذنبه هلطفل يا من تذبحونه

فكو شدادكم عاميهن عيونه

لاسوه جريمه و لا تطلبونه

ولا هو جبير وشايل سلاحه

➖➖➖➖➖➖➖➖

التميتو عليه ذبحه تريدون

بس اموال نيتكم تقبضون

بس الموت تاليها تحصلون

والزرع الزرعته يرد يفلاحه

➖➖➖➖➖➖➖➖

✍#
تــمت بعــون اللــہ
تعالى بقلمي المتواضع خادمة
اهل البيت ام صادق ونسالكم
الدعاء❌غیرمبری الذمه الیحذف الاسم او یغیره❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية و عزائية حماسية من ديوان المغسل بدم الجراح لمولانا القاسم

نزل محرب جاسم لعدوانه
وعاف ياسه وحنته وصيوانه
•———•———•———•
نزل محرب بالطفوف بن الحسن
عان عمه على الشدايد والمحن
شايل السيف ونزل بيهم طحن
و رهب جيش الكفر والخوانة

•———•———•———•
من نزل جاسم رهب جيش الكفر
صارت وجوه العده بالطف صفر
طب عليهم بيده سيفه ومبتشر
الحسن عودي و آنه اجيت امجانه
•———•———•———•
آنه ابن سبط النبي المؤتمن
هذا يومي ويومي منتظره الحسن
كال بويه من يمر كلبك حزن
ضحي بكلشي لاجل مولانه
•———•———•———•
ضحي بروحك لاجل سبط النبي
ضحي لاجل الدين والحق والعبي
خاف عماتك يروحن بالسبي
شلك بدنياتك الخوانه
•———•———•———•
شلك بالدنيا عكب عين الولي
شيل سيفك للمعارة واعتلي
وذكر العدوان بالمولى علي
من يطب وهو فوك حصانه
•———•———•———•
لخادمات العليلة وأبيها
ضُحى سالم و زينب الفياض.
#القاسم
#حصرياً
#زينب_الفياض


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للعليله عليها السلام

اريد اكتب لهنه اليوم مكتوب
واعتب عالمشو ما ودعوني
➖➖➖➖➖➖


اريد اكتب لهنا اليوم العتاب
اناطر جيتك يالغالي عالباب
عليله والمرض صوبني اصواب
اعتب عالمشو وماخذوني

➖➖➖➖➖➖
بقيت بدارهم اجذب الونه
عله احباب الكلب المشو عنه
ماكالو يبتنه اليوم شلنه
اضل بحسره كلبي ولوعوني

➖➖➖➖➖➖
اودي اكتاب ليهم بيد الطروش
اكلهم ها يهنه كلبي مخموش
والتمت عليكم كوم الوحوش
جم اصوب بيهم صوبوني

➖➖➖➖➖➖
عليله وناطره جيتك يالحسين
ولو مرسال منك ها يالحنين
خلص هالعمر بالحسره وونين
ومن كثر البجي راحت عيوني
➖➖➖➖➖➖

عمتي لا بقت يمي و رقيه
عفوني المرض يعيل بيه
وحيده انه بنزلهم هم خطيه
ماكو اخبار من اهلي الجفوني
➖➖➖➖➖➖

تمت بقلم خادمة اهل البيت
الشاعره
هيلين ام علي الدر الساعدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لمسلم ع

•───✧◐◐◐✧───•

لعب جوله لعب

مسلم ماوكف ليهم

•───✧◐◐◐✧───•

بعدوانه لعب جوله

حير ذوله وذوله

ماكدرو يكربوله

كال الليله اصفيهم

•───✧◐◐◐✧───•

مسلم ما يكدرونه

وشحدهم يلاوونه

خطتهم يغدرونه

وبنيته يبجيهم

•───✧◐◐◐✧───•

غريب وبجه عدوانه

قتال سباع ميدانه

شجاع الغيره عنوانه

يريد الگوم ينهيهم

•───✧◐◐◐✧───•

دم اعداه بجاهم

زغار كبار لاواههم

طشرههم وسا واهم

منه رجف طاغيهم

•───✧◐◐◐✧───•

كلهه تشهد افعاله

وشحد التدناله

شردهم الخياله

ماواحد وكف بيهم

•───✧◐◐◐✧───•

فرو مابقو يمه

شايل بلكلب همه

ويفكر ببن عمه

تأمر عليه واليهم

•───✧◐◐◐✧───•

خبر رايد يوصله

ويكله يرد بهله

نيتهم على كتله

لايوصل لاعاديهم

•───✧◐◐◐✧───•

✍#
تــمت بعــون اللــہ
تعالى بقلمي المتواضع خادمة
اهل البيت ام صادق ونسالكم
الدعاء❌غیرمبری الذمه الیحذف الاسم او یغیره❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للعليله عليها السلام( ذاب الگلب ذاب )


ذاب الگلب ذاب      والدمع سچاب
وين عني شالو أبعيد
روحي يا ملگاهم أتريد
ذاب الگلب ذاب
❥━──➸➽❥💔❥━──➸➽❥💔
ذاب گلبي من مشو للغاضريه
والأحزان أخلافهم كثرن عليه
ردو أصيحن يا هلي الكلكم حميه
ردو ليه خوله وأسكينه أو رقيه
بعد ما ضل بيه كل حيل
أختنگ من يجبل الليل
ذاب الگلب ذاب
❥━──➸➽❥💔❥━──➸➽❥💔
للوطن يحبابي ردو لا تبعدون
داركم ضلمه وخليه وتعمي الأعيون
كل عصر أگعد وأناطركم تسيرون
حگي لو أعتب عليكم لا تزعلون
جسد عفتوني بلا روح
والگلب يحبابي مجروح
ذاب الگلب ذاب
❥━──➸➽❥💔❥━──➸➽❥💔
أطلب أمن الله الصبر يهلي أعلى الأغياب
وأمسح أدموعي وأتاني أبعتبت الباب
هلبت أتمرون عالديره يالأحباب
داركم وحشه عليه وسافيه أتراب
يهلي ما أيست منكم
فارشه أبابي أنتظركم
ذاب الگلب ذاب
❥━──➸➽❥💔❥━──➸➽❥💔
من يطر فجر الله يهلي الحد الأغروب
أنتظر وأعيوني مشبوحه أعلى الأدروب
حگه ليفارگ عزيزه أيعيش متعوب
أندعي أصبر مثل صبرك ييعگوب
والدموع أتسيل مني
والهجر زوّدلي وني
ذاب الگلب ذاب
❥━──➸➽❥💔❥━──➸➽❥💔
من أنام أحلم وأفز مرعوبه بالليل
وألم گلبي زايد ودمعاتي أتسيل
حلمي كل ليله أبهلي كلهم مچاتيل
وأعلى جسم حسين يسحگ حافر الخيل
وأحلم أبخيمتهم النار
بيهه شبو ويلي الأشرار
ذاب الگلب ذاب
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ٢٦ من شهر ذي الحجة
الموافق / ٢٠٢٥/٦/٢٣


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لقدوم شهر محرم تقرأ في اليوم الاول
على وزن قصيدة (اجه رمضان)


اجه عاشور والزهراء حزنانه
عالمذبوح والمگطوعه ذرعانه
+++++++
تحضر للمجالس تجذب الحسره
تنحب عالذبيح المنگطع نحره
حضرن بالعزه اوعينن الـزهـره
صيحوابصوت لام حسين عوانه
++++++++
الزهره گاعده اباب الحسينيه
تون وادموعها عالابن مجريه
عالمذبوح محروم امن الميه
تون اعليه ومنها الروح خلصانه
++++++++++
عازوني عالبني المنهشم صدره
ونوا اعليه يشيعه ابحزن وبعبره
ثلث ايام مرمي اموسد الـغبره
لحد غسله ولا فصل اجفانه
++++++++++
اون لحسين لو الاخته المسبيه
وني وياي عيـنيـني يا شيعيـه
اريد ابجي عالبني وحيل مابيه
عالمذبوح واصحابه واخوانـه
++++++++++
ابجي اعالولد لو ابجي لعياله
ماشفنه اليموت ادوسه خياله
نايم بالشمس واميتمه اطفـاله
غـدرت بـيه ياكربلـه الخـوانـه
+++++++++++
✍بقلمي المتواضع خادمة اهل البيت عليهم السلام مله ام علي الاسديه
غير مبري الذمه من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للهلال حصريا
من وزن بحر الطويل،، شوط كربلائي
لسان حال مولاتي زينب عليها السلام 😔💔

〰️〰️〰️〰️〰️〰️〰️〰️〰️

ياشهر الكدر والــــشوم. اشعندك مجبل اعليــه
اهلالك من طلع هاليوم. هيج چم جرح بيــــــه

〰️〰️〰️〰️〰️〰️〰️〰️〰️

ياشهر الكدر والشـــــــوم. اشوفنك علينه اتحــوم ماعاجبني اهــــــــــــــلالك. من هل وطلع هاليـوم
على ابن امي انشعب كلبي وخافن ينذبح محروم

من ماي العذب الحــسين يحرمــــــــونه بني ميه

〰️〰️〰️〰️〰️〰️〰️〰️〰️

مو عايزني ياعاشـــــــور. وبحزانك تچمــــــــلني
انه المرن عليه اشـــــكال. راح احجيلك اسمعـــني
اضلوع الزهره والبــسمار. اوطبرة حيـــدر أذنــي

وچبد المجتبى المسموم. خله اضلوعي محنـــــيه

〰️〰️〰️〰️〰️〰️〰️〰️〰️

شحجي والجروح اهواي. من الهم هالكضت روحي
شتحمل بعد عاشـــــــور. بعدهن يدن اجـــــروحي
وجدامي ليالي اثــــــكال . وشيسكته بعد نــــــوحي

وشيحمله مرار البيــــــن. الفركه ماهي اشـــــــــويه

〰️〰️〰️〰️〰️〰️〰️〰️〰️

وجدامي عذاب وضيم. وعملة كربله والشـــــــــام
وچاياهو اليطفي الــنار. لو وجت علي الخيــــــام
وانه محيره مابيـــــــن. اطفي لو آلم الايتــــــــــام

وانه ازلامي اعله الكاع. احشم ماتجي اليــــــــــــه

〰️〰️〰️〰️〰️〰️〰️〰️〰️

شيحمله مصاب احسين.ـ وشيحملهن اللوعـــــــات
وصواب الكفيل اثكـــيل. لو طاح اعله المسنـــــات
وفراك الشباب اشـــلون. وعبد الطفل لو مــــــــات

جاشنهي الــيصبر الروح من اشوفن کلهه مرمـــیه

〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه القاسم عليه السلام شده
..................

يمه الموت اريده وياك
ويم كبرك يدفنوني
...................

عزيز الروح يا يمه
انه عليك متعلمه
بعد الشمل شيلمه
وليدي وكرة عيوني
..................

انعه ونتحب يا ياب
لو شفت زفة شباب
وبكلبي يضل غياب
وبيا حاله خلوني
.................

جاسم يا بعد امك
كلبي ريت اضمك
شكولن لو اجه علمك
عدوان ومرحموني
...............

اعتب علدهر محواك
لو تنباع بروحي اشراك
وشعندي بعد عيناك
وام الحزن سموني
...............

بعدك ماردت عمري
بكلبي يستعر جمري
متحيره انه بامري
اجري الدمع خلوني
...............

يلقاسم يبعد الروح
خليت الكلب مجروح
يحلاله البجه ولنوح

انه ام علي السعدي خادمكم لتنسوني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  او مربوعه بدايتها نعي  لم البنين  ع
نعي
اليوم  ام   الوفه  جرت  الونه
صاحت من رحل ضعن المجنه
رضعتك  ياولد  غيره   ومحنه
واعرفك  غيور  وبيك   ضنه

نزلت  الفزاعيه


رضعتك  ياسبع    غيره  ومحنيه
يضل  بحماك  خدر اختك العلويه
............
يالكلك  محنه  ومنترس الغيره
من زينب اريدن بالك  اديره
ييمه  اعاتبك  لوضلت بحيره
وصيه هاي من امك  البدويه

.............
نذرتك  من زغر  عباس يالوالي
عله حسين وخواته ماغله غالي
اريدن بيك راس امك يضل عالي
تضل خيمه  عله اختك دوم مبنيه
.........
يبني بشارك  خدر اختك الحره
هاي ام  الخدر وعزيزت  الزهره
ياراضع وفه من  صافي  الدره
من تنخاك زينب  كول مكضيه
.........
توكف ياسبع  والكلفه تكضيها
مهظومه العزيزه  لاتخليها
ذمه بركبتك  زينب  يواليها
بشري وطلبتج  ماتصعب عليه
........
بشري بهاي يمه  ولا  توصيني
يم عباس  خدر  الغاليه بعيني
مايحتاج  لعضيدي  تحشميني
توصلج علومي  وسولفي بيه

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الزينبيه الجزء الاول


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعيه للامام العباس 🔥🔥



دكلــوله يـفز  / شـيال بيـرغـنه
ضلـينـه حـرم ولـيان ماعدنـه
.......... ............

كلوله عضيدي النوم مو يومه
عليك ابداعت الخوه يجيدومه
كـوم ابساع النسوان مهضومه
(امطشريها / اضعونه اليـوم )



كل اضعون اهلنه اليوم طشوها
واختك والحرم  عباس  بجوها
والجانت اميره الكـوم ضربوها
(ام عـــون تـون / يــا والـــيــها)



  هاي امخدره وانت تبـاريها
عجيبه اتنام وبغربه تخليها
عليك امعلمه يحنين تدريها
( وايسموها // اخت العباس)



من بعد الخدر صـيوان ماعدها
وياهو الـعانـها وياهو اليساعدها
واعليها  نشد  كلمن  ايشاهدها
( الخدر انهد/  جفـك وينـــه  )



اكـعد ياسبع والخيم طـفـيها
شيله بيرغك والكوم هد بيها
وصوب اضعونها اركض يواليها
(العايل طكه / ورد الخياله )




✍الشاعرة زينب المالكي

#من_ديوان_سلاطين_الحومة_الجزء_الثالث_


غير مبري الذمة لكل من يتلاعب بلقصايدة والكلمات ويحذف اسم الشاعره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_٢٠_.


فزاعيه لنزول كربلاء


طاري الغاضريه اليوم
بلدلال صوبني
❥━──➸➽❥💔❥━──➸➽❥💔
طاريهه عمه عيوني
اخاف اهلي يضيعوني
والعدوان يسبوني
من شفت اخوتي تبني
❥━──➸➽❥💔❥━──➸➽❥💔
شنهي الكوم الاهوايه
صفت بلامسنايه
ملزوم النهر مايه
واحتارو خوال ابني
❥━──➸➽❥💔❥━──➸➽❥💔
جابوني لرض غربه
والله جيتي صعبه
اخيي راعي الجربه
خافنه يضيعني
❥━──➸➽❥💔❥━──➸➽❥💔
طاريج عمه عيني
اخاف اعداي توليني
وابن امي يخليني
اصيح او ما يجاوبني
❥━──➸➽❥💔❥━──➸➽❥💔
اشوفن كربله فقره
وحسين انحنه ظهره
حاير مهجة الزهره
احاجيه او ميسمعني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثقيله ل ليلة الوداع
=========

عمه صحيلي اخوتي ثنينهم

عندي حچايه ل بيني وبينهم

ارد  اگلهم  مو  قبول
منهو ليشيل الحمول

وين منوانه الصبح من دونهم

=========

عمه صحيلي ابوچ اويه الگمر

ادري باچر ينصبغ ثوبي حمر

ارد اگله شلون لو جانه الشمر

من يطفي الخيمه من ذاك الجمر

لو جره دمهم سيول
منهو ليشيل الحمول

ياهو يحمينه خلاف عيونهم
عمه صيحلي اخوتي اثنينهم

{{{{*●💔●*}}}}

گعدو حاچوني يهل گلبي شلون

مصيبتي صعبه وابد ماضن تهون

ترضه من دم وجمر تجري العيون

باچر اتضل الحريم ابلايه عون

لو  يأسروهم  شگول
منهو ليشيل الحمول

صعبه بيد الكافر يعوفونهم
عمه صيحيلي اخوتي ثنينهم

{{{{*●💔●*}}}}

خذوني وياكم اذا حان الممات

شلون لو حرگو الخيمه والعباة

وانه عندي حرم چاعدمن نبات

وليل ظلمه يخافن اوحوش الفلاة

باچر  اتدگ  الطبول
منهو ليشيل الحمول

شلون ترضون العده يسبونهم
عمه صيحيلي اخوتي اثنينهم

{{{{*●💔●*}}}}

باصروني ياهلي شلون الرحيل

فوگ ناگه عرجه والهودج يميل

وتدري خويه الشمر بيتامك يعيل

والدمه من رگبة اعليلك يسيل

من المرض جسمه نحول
منهو ليشيل الحمول

بلسياط اطفالك يضربونهم
عمه صيحيلي اخوتي ثنينهم

{{{{*●💔●*}}}}

شلون لو باچر خذونه وبلدرب

تشبع النسوان الالام وضرب

ما اضن ترضه حميتكم نطب

حرم مسبيات ديوان  الغرب

هظم متحمله العقول
منهو ليشيل الحمول

والشمر يصرخ علينه وينهم
عمه صيحيلي اخوتي ثنينهم


==========
خادمة ال البيت الحجيه ام علي البصره نسألكم الدعاء

قناة الحجيه ام علي البصره احزان العترة الطاهرة
لانجيز حذف اسم الحجيه ام علي  من قصائدها غير مبرء للذمه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك