فزاعيه لستشهاد الإمام الجواد  ع 

اليوم  تبجي عالجواد عيوني
والشبابه ارد ادك  متوني
............
ياشبابه  عليه دلالي انفطر
شال بالعشرين وباول عمر
صدك ياهلناس غدار الدهر
هواي اعاتب عالدهر  خلوني
...........
حكها عيني  لوبجت  لساده
واذكر  حسين واون لولاده
والكتل والسم صفه الهم عاده
خلها  تذبل من دمعها  جفوني
............
انصيح واويلاه ياغدر العده
يلوج فوك السطح ضل الوحده
والسموم  الحار   جبده  مرده 
والزجيه تصيح بيه   عازوني
...........
تصيح عازوني عاليومه وفجعته
ياشباب  وحيل تكتل  حسرته
يالجواد  اليوم   ونه    ونته
ليش بيك اهل الغدر فجعوني
...........
خلها دمعاتي  تسيل  وياها
والزجيه  مصوبه   بحشاها
والشبابه دم   تهل   عيناها
بهالمصيبه   وين الي يعازوني

.✍ام زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 

السلام عليكم ورحمه الله
سوف اكون بخدمه خدام سيد الشهداء على مدار ثلاث اشهر باذن الله تعالى
لنشر قصائد محرم 1446 على الرابط👇👇
https://tttttt.me/joinchat/AAAAAELdvGssZMurwfLsJA

قصيده للهلال لسان السيدة زينب ع

گلبي يوجعني يخويه بين اهلال الحزن
شفت بي اوجاع كثره راح اضل انحب وون

بيه يخويه اشكال الجروح
شفـــت بيه الگمر مذبوح

كلبي يوجعني ......
❥ـــــــــــــ❁🪶❁ـــــــــــــ❥❥
حسين خويه تدري بيه بعد ما احمل هجر
من كثر ماضكت بس هم صار اسمي ام الصبر
عشت عمري من الطفوله عشته بس هم وقهر

الحيل يابو الحيل خلصان
گلبي من اهمومه تعبان

گلبي يوجعني ،،،،،،
❥ـــــــــــــ❁🪶❁ـــــــــــــ❥❥
شلون گلي حسين باجر لو فكد گلبي الاخو
هوه كافل خدر زينب اخو خيته هالكفو
شلون لو ضيعت طوله مثل اخويه ماا اكو

كفل خدري من المدينه
وهوووه حماي الضعينه

كلبي يوجعني ،،،،،
❥ـــــــــــــ❁🪶❁ـــــــــــــ❥❥
انه هسه جيت امشي من المدينه لكربلا
گلبي ما مطمئن خويه اااه من ارض البلا
انتة تدري بضيم اخيتك وبكلبها الي سله

گضت من القهر روحي
هاجت اعلية جروحي

كلبي يوجعني ،،،،،،،
❥ـــــــــــــ❁🪶❁ـــــــــــــ❥❥
هلال عاشوراء بين والحزن بين وياه
راح افگد بيه هواشم عيـني اعله امصابي ااه
محلا لو ضل يمي اخويه يااخوي ويا حلاااه

دليلي يلوالي وجعني
الحيل وشل خويه مني

كلبي يوجعني

❥ـــــــــــــ❁🪶❁ـــــــــــــ❥❥
قبل لا نختم حجينه خل نسولف عن قبل
علئ ايام الطفوله الي منها مااا امل
جانت العيشه زهيه وكل صعب يصبح سهل


هسه خويه اختلف كلشي
جيت لكن كوة امشي


كلبي يوجعني ،،،،،،
❥ـــــــــــــ❁🪶❁ـــــــــــــ❥❥
للشاعرررة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_٢٧_.


لطميه للهلال


يا شهر عاشور هل الليله
صبّحت بالحزن كل العيله
❥━──➸➽❥💔❥━──➸➽❥💔
يا شهر عاشور هليت ابحزن
بيك بت حيدر بكت تبجي وتون
وكل بنات اهل الرساله اتناحبن
يوم رد للخيم يصهل خيله
❥━──➸➽❥💔❥━──➸➽❥💔
اليوم هليت ابمناحه يا شهر
وبيك مسبيه مشت أم الخدر
عكب اهلهه وين وداهه الدهر
حرمه بالغربه ودمعهه اتسيله
❥━──➸➽❥💔❥━──➸➽❥💔
يا شهر فجعيت بت حيدر علي
اتعاين اعله الترب مطروح الولي
اتكله ماضن ترضه يا خويه انولي
والحمل يوكع ومنهو ايشيله
❥━──➸➽❥💔❥━──➸➽❥💔
يا شهر عاشور هيجت المصاب
اشكم ولي واشكم طفل واشكم شباب
ضلوا ابلا راس نومه اعله التراب
والمصاب اثكيل مالي حيله
❥━──➸➽❥💔❥━──➸➽❥💔
يا شهر لا هلت أيامك وأجت
بيك بنت أهل الرساله اتألمت
اشكد هظم واشكم مصيبه اتحملت
حرمه مسبيه ودمعهه اتهيله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لهلال شهر محرم

-------------------
دمع العين مني اليوم همال
صوب هالكلب من شفت الهلال

*

ملجوم الكلب والدمع يجري
يا هلال المحرم كسر ظهري
خان وي اخوتي وياي دهري
طاح حسين وانا بين الانذال

*

شفت حسين بالحومه يشيعه
والعباس طاح على شريعه
جاسم وي علي حتى رضيعه
وعلى نحورهم تتذرى الرمال

*

طاحو كل هلي فوك الوطيه
وانه مدوهنه بالغاضريه
أصرخ وين ياحامي الحميه
أنه الغاليه ترضالي هالحال

*

مهضومه واحشم وين ابو حسين
يا بويه اخوتي بين الملاعين
بين الذبح بين مصوب العين
كل عزي ودلالي حمل وشال

**

يابو حسين ياوالي اليتامه
دلالي وي هلي خلصت أيامه
اليل شلون لو جلجل ضلامه
من يجمع يبويه هاي العيال

****

محزون الكلب يازينب عليج
اجينه اليوم يم طاهر نعزيج
ونهل الدمع للطاح واليج
ونترجى الشفاعه بجاه الاطفال

****
تمت بفضل الله وعونه بقلم ✍️ خادمة الحسين أم علي الموسوي
غير مبري الذمه من يحذف الاسم وينسبها له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لبداية محرم عن لسان حال الزهراء عليها السلام

مابيه  ادك  عله الضلع   مابيه اجر الونات
احاه يعملت كربله خلت ابكلبي الحسرات

انه  الزجيه ام الحسن / كل ماتم اوياكم اون
مابيه  اجر  الونات
..........
خلصان حيلي على الولد مابيه اجر الونه
كلبي خلص من ونته وعالمنذبح عيننه
احضر واصيحن  بالعزه حسين لاتنسنه  
وايدي عله ضلعي المنكسر اوناتي ايلجمنه

ودموعي عالوجنه جرن / انه الزجيه ام الحسن
مابيه  اجرن  ونات
.............
لوهل دمعكم عاينت  وين  التصب دمعاته
وين اليصيح وينتحب  وعليهه يجر حسراته
انه اكابل  بالعزه    الصاح  وجذب   وناته
اسمع ونين الي يحب   وعله  الصدر  دكاته 

وضلوعي السبعه انحنن / انه الزجيه ام الحسن
مابيه  اجر  الونات
.............
لوعادت ايام الحزن   بكل مجلس اتعناكم
اندب  وادك عالصدر  وانحب وون وياكم
يالمانسيتو  كربله   شلون  الكلب ينساكم
عندي يشيعه مسجله وخدمتكم ومبجاكم 

ابجو الخواته من اجن / انه الزجيه ام الحسن
مابيه  اجرن ونات
...............
زينب غريبه بكربله / ومحد بجه  وياها
حيرانه بهموم الوكت / ومحتاره ابولياها
ايامها تحني الضلع  / وبيها  قست  دنياها
تمنيت من طاح الولي / رحت وكعدت احذاها
 
اسمع بيوم اتصارخن / انه الزجيه ام الحسن
مابيه  اجرن ونات
............
كل حيل مابيه بعد/  حيل  الدهر عذبني
يلجم بضلعي المنكسر / يوم الاصيحن يبني
ذني اليالي  لو  اجن /  براس  الكلب  جووني
نحلان  حيلي عله الولد /  جاوين الي ايعازني

ابجي وياهن لوبجن / انه الزجيه ام الحسن
مابيه اجرن ونات

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
من كتاب المآسي الفاطميه جزء الحادي عشر 

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للخدمه


خدام خدام خدام نبقى لفاطمة


هالجمع يافاطمة متحمسين
سجلي أسماءهم باسم الحسين
هالقسم يا فاطمة لا ترفضيه
ولحقوق الزينب احنا موثقين
ربحان ربحان كلمن يحبك فاطمه
خدام خدام خدام نبقى لفاطمة

احنا باسمك فاطمه نعزي الرسول
على مصاب اللي جرى ابـ بنت الرسول
والمقصر بالعزى عذره شيقول
ما تسجله فاطمه عدها البتول
بالصراط يوقفه فحل الفحول
خسران خسران كلمن يضدج فاطمه
خدام خدام خدام نبقى لفاطمة

هالعزاء وهاللطم ما ينتهي
شيعتك يابالحسن ما تنتهي
احنا اقوى من الجبال التنفني
لو يطب مليون عدنا اجنبي
ما يغير نهجك اسمه يا علي
للموت للموت للموت نخدم فاطمه
خدام خدام خدام نبقى لفاطمة

آنا من اندفن والله بالقبر
حسين بيه بيش قضيت العمر
بخدمة الزهراء وآنا مفتخر
هالجواب يخلي منكر يعتذر
الجنة الجنة تدخلنا احنا فاطمة
خدام خدام خدام نبقى لفاطمة

نقسم بدم الحسين بكربلاء
احنا هذا النهج لا من بدله
هذا مجلس هذا بيده فاطمه
كل يوم كل يوم نبقى نردد فاطمه
خدام خدام خدام نبقى لفاطمة


ناعية الطف


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حصریا محرم 1445
قصیده النزول کربلاء{{رماد اخیامنه}}



لا تـدگ ابکربله صیوانه
حسین تصبح بس رماد اخیامنه

ــــــــــــــــ🏴🏴🏴ــــــــــــــــ

لا تدگ  یحسین لاتبني الخیم
اتضل چثث عالگاع کل اهل الشیم
اخواني من الطف ولا واحد سلم 
مذبحه اتضل عالارض ولیانه

ــــــــــــــــ🏴🏴🏴ــــــــــــــــ

لا تدگ الخیم خویه تحترگ
والحوافر تشبع ابظلعک سحگ
من غصب یبن امي عنک نفترگ 
وتهجم الخیل و ترک اخوانه

ــــــــــــــــ🏴🏴🏴ــــــــــــــــ

تفزع اعلینه الزلم من کل کتر
و یتچوّه ابنار یبن امي الخدر
ترکض ارقیه یخویه و تنهطر
اتنام اهلنه عالثره و صبیانه

ــــــــــــــــ🏴🏴🏴ــــــــــــــــ

تترس البر وتطشر خوتي 
ولا خیم تبقی ولملم عیلتي
تحرگ ابجفني بعدکم دمعتي
وتاکل ابتوت الگلب احزانه

ــــــــــــــــ🏴🏴🏴ــــــــــــــــ

اتکض یخویه النار بذیال العبي
والخدر یهل الخدر گادوا سبي
واحنه ما چنه بنات آل النبي
وبالحبل چتفوهه خویه ایتامنه

ــــــــــــــــ🏴🏴🏴ــــــــــــــــ

تمت بعون الله تعالی
کلمات یاسمین الشموسي
نسالکم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇
https://tttttt.me/Abas747

#الطميه_بديوان_أقل_الوفاء_في_مصائب_كربلاء_الجزء_٥_.


لطميه للعليله عليها السلام


عليش اهل الامروه ضيعيتوني
بيكم رافعه راسي وتذلوني
❥━──➸➽❥💔❥━──➸➽❥💔
أريد اعاتب الديران وانشدهه
ترضون العليله تضل وحدهه
لا والي ولا احبيبه البقت عدهه
آنه الغاليه وانتم رخصتوني
❥━──➸➽❥💔❥━──➸➽❥💔
يا بويه العليله ما فكدتوهه
ليش ابعازت الوليان عفتوهه
وياكم يبويه ما خذيتوهه
مكسور الكلب وانتم هضمتوني
❥━──➸➽❥💔❥━──➸➽❥💔
عفتوني يبويه والنزل خالي
وآنه ابعازتك يحسين يلوالي
ويا فكد العزيز اشلون ذل حالي
ويه اضعونكم جا ما خذيتوني
❥━──➸➽❥💔❥━──➸➽❥💔
مكسوره وعليله وبلنزل وحدي
يوم السافرو ماضل ولي عندي
مهضومة وكسرتوني وحك جدي
تره الفركه طويله وعذبيتوني
❥━──➸➽❥💔❥━──➸➽❥💔
يا محله الأهل يا محله لمتهم
يا وكت الأغروب اشحلوه كعدتهم
يا وسفه على الدنيه الطشتهم
على فكد الأهل يا ناس عينوني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_أئمة_الهدى_الجزء_٦_.


فزاعيه للقاسم عليه السلام


رمله اتصيح يا هلناس
علعريس عازوني
❥━──➸➽❥💔❥━──➸➽❥💔
عازوني عله جسام
جنه اليوم بدر التام
معرس والعرس مادام
وليدي كرت عيوني
❥━──➸➽❥💔❥━──➸➽❥💔
عازوني عله وليدي
اعجن حنته بيدي
عرسه اليوم جن عيدي
بيه الناس هنوني
❥━──➸➽❥💔❥━──➸➽❥💔
رمله تهل دموع العين
معرس والعرس جا وين
صيوانه ينصبه حسين
ابجي ولا تلوموني
❥━──➸➽❥💔❥━──➸➽❥💔
عازوني عله القاسم
هليت الدمع ساجم
عليه التمت الوادم
يوليدي يواسوني
❥━──➸➽❥💔❥━──➸➽❥💔
شفته امخضب ابدمه
ليه جايبه عمه
وانه ابخيمته حرمه
اون وما يسمعوني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حـصـريـاً
#الشاعرة_نورس_الحلفي
#قصيده للهلال
ــ❁ــ❁ــ❁ــ

ياشهر المصايب لاتعذبني
اخافن بيك تتذبح خوال ابني

ــ❁ــ❁ــ❁ــ

ياشهر المصايب جايني بلوعه
تريد تخلي زينب بعد مفجوعه
نشدت حسين عنك هلن ادموعه
چنه يگول بيامك يفارگني
ياشهر المصايب لاتعذبني
ــ❁ــ❁ــ❁ــ

ياعاشور شنهو البيك يجرالي
گلبي يلوج منك عذبت حالي
اشوفه يجر صفنته وحاير الوالي
اضن حسبه بدليله ومايعلمني
ياشهر المصايب لاتعذبني
ــ❁ــ❁ــ❁ــ

انشده شبيك خويه وينضر بعيني
يصبرني شويه لو يسليني
راح لكربله الوالي يوديني
بس هاليوم باجر يرتحل ضعني
ياشهر المصايب لا تعذبني
ــ❁ــ❁ــ❁ــ

چنه اعله السفر ناوي ابواليمه
يگصد للطفوف وينهدر دمه
لبن امي يروحي اليوم متالمه
شفت حسين حيران وكثر وني
ياشهر المصايب لا تعذبني
ــ❁ــ❁ــ❁ــ

هل شهر المصيبه وانخطف لوني
شفت حسين يمي وهلن اعيوني
اخافن لو مشينه العده يهضموني
وانه مدلله والهضمه تلچمني
ياشهر المصايب لا تعذبني
      ــ❁ــ❁ــ❁ــ
بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

~~~~
قصيده للعليله

اخ لو تدرون يهلي  شسوه بيه فراكم
اكعد المغرب واتاني وانتضر يم بابكم
شوكطعتوا هواي بيه
بلكت تردون  إليه

اخ لو تدرون يهلي شسوة بيه فراكم
❥❍❥❃ 🥀꧁꧂🥀❃❥❍❥
        
الليل كاضيته بواجي والبعد ماينحمل
هيجي وني انه عليكم مثل المضيع طفل
هم تجون بيوم إليه ويرد يلتم الشمل
العمر خلصته اذيه
بلكت تردون إليه

اخ لو تدرون يهلي شسوه بيه فراكم
❥❍❥❃ 🥀꧁꧂🥀❃❥❍❥
هيج اليفارك محبه يعيش أيامه بضلام
شما اوصف اشتياقي يعجز لساني الكلام
من جفيتوني ومشيتوا ابد ماعشت بسلام
وينكم يهل الحميه
بلكت تردون إليه
اخ لو تدرون يهلي شسوه بيه فراكم
❥❍❥❃ 🥀꧁꧂🥀❃❥❍❥
المغربيه الخنكه تكتل كلبي مليان بهموم
ليش ايام  النودهم  تخلص ولا ما تدوم
ماضكت راحه بعدهم عيني ماشافت النوم
الوكت داير عليه
بلكت تردون إليه

اخ لو تدرون يهلي شسوه بيه فراكم

❥❍❥❃ 🥀꧁꧂🥀❃❥❍❥
دخيلكم يهل المحنه رجعوا مااريده الوداع
وانتوا تدروني عليله بدونكم عشت بضياع
انتضركم  عشت بأملكم ردو يهلي الي بساع
كون منكم بعدجيه
بلكت تردون إليه

اخ لو تدرون يهلي شسوه بيه فراكم

❥❍❥❃ 🥀꧁꧂🥀❃❥❍❥
كون منكم بعد جيه يهلي تعبتو الگلب
تعاين عيوني الدربكم دمعي بس ليكم يصب
و اتنطر بألامي اونن نار وبضلي تشب
وداعت الله وهاي هيه
بالكت تردون اليه

اخ لو تدرون يهلي شسوه بيه فراكم
❥❍❥
تمت
🖋 كلمات: زينب المحمداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_أقل_الوفاء_في_علي_الأكبر_عليه_السلام_الجزء_٢٥_.


فزاعيه لعلي الأكبر عليه السلام


سهرانه وافز الليل
حس اوليدي اسمعنه
❥━──➸➽❥💔❥━──➸➽❥💔
افزن واسمع اونينه
علرمله غفت عينه
اوليدي اصيح جاوينه
جنه يجذب الونه
❥━──➸➽❥💔❥━──➸➽❥💔
اسمعه ايصيحلي يمه
خلاني ابغرب حرمه
احا ياگلبي اوهظمه
شال امدللي عنه
❥━──➸➽❥💔❥━──➸➽❥💔
افز بالليل مهضومه
احا يلأكبر اويومه
محله امدللي ارسومه
منه گاطعه الضنه
❥━──➸➽❥💔❥━──➸➽❥💔
جنه جايني بلطيف
برگبته يحز السيف
ون او ونته علكيف
يلأكبر بدر جنه
❥━──➸➽❥💔❥━──➸➽❥💔
افز بالليل يلوالي
حال الهظم ياحالي
گعداته اتراوالي
اوليدي منين اجيبنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيل لمسلم ابن عقيل
عله مسلم لنوحن دوم والونات اجربيها
شالو وطول الغيبات مايرجع بعدليها
💦💦💦💦💦
شال وطول الغيبات مايرجع بعدلينه
غريب وماله كل خوان يالفركاك ياذينه
مسلم. ياسفيرحسين عليه اليوم ونينه
هذا قاظي الحاجات والشدات يكضيها
➖➖➖➖➖
حاير واكف عله الباب مابطل من الونه
عمت عيني عله المظلوم ايس ونكطع ظنه
لمن شافته طوعه صاحت جرت الونه
انه مسلم غريب الدار ياطوعه ويحاجيه
➖➖➖➖➖
كالتله يبعد الروح روح الهلك يعيوني
اشرب لاتضل عالباب
والعدوان يولوني
مابيهم رحم وسلام
نيتهم يغدروني
عطشان ويريد الماي
غدروبيه تاليها
➖➖➖➖➖
غدروبيه عدوانه يويلي وطاح بالحفره
عليه ودارت العدوان وحده ومحد ينصره
منهو يخبر المظلوم يجيه اليوم ويحضره
صعدوللقصر يحسين والونه يعليها
➖➖➖➖➖
مارحمو هالكفار لمن عالقصرصعدوه
يجري بس دموع العين.
من عالي القصر ذبوه
مسلم. من تدناله
وعن الكاع ماشالوه
طاح وغارك بدمه والدمعات يجريها
بقلمي ام هاجر الشريفي غير مبري الذمه من يحذف اسمي والتلاعب بكلماتي واسالكم الدعاء من كتاب دمعت زينب الجزء الاول

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للامام الباقر عليه السلام
=======


اعمامه اعلى النعش

مسموم راعيها

ابچي يلموالي ولطم عليها

=======

عمامه على النعش گالولي للباقر

مسموم الامام وابنه بي حاير

والشيعي الموالي من الحزن فاير

عازو ابنيته مفگود واليها

➖➖➖

مطروحه بحزن يعمامته الخضره

ياهو يروح ل ابنه الصادق يخبره

گلب ام الحسن مكسور شيجبره

مكسورة ظلع كل حيل مابيها

➖➖➖

ابو الصادق يون سمته عدوانه

الف ياحيف منه الدار خلوانه

لطمي وعازي الزهره اعلى مولانه

دگي علوجه والزهره عازيها

➖➖➖

عمامه علنعش والشيعه حيرانه

ويگولون ياهو اليخلف امچانه

ابنه الصادق ومعروف برهانه

العتره الطاهره دايم نواليها

➖➖➖

اليوم نعازي الزهره على ابنها

ابچي وانتحب والدمعه اهلنها

لطمن حيل شيعيات عازنها

نهل الدمع وياها ونواسيها

=======
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_أقل_الوفاء_في_مصائب_كربلاء_الجزء_٥_.


فزاعيه للباقر { ع }


اليوم اهل العلم يبجون
للباقر ويردونه
🔹🔹🔹🔷🔹🔹🔹
يا باب العلم والدين
علمك راج الكونين
ابو الصادق عمود الدين
مات وسلهم اعيونه
🔹🔹🔹🔷🔹🔹🔹
والباقر مسه مسموم
حزنان العلم هليوم
ابو الصادق يبحر علوم
والسم غير اللونه
🔹🔹🔹🔷🔹🔹🔹
ابو الصادق يبحر الجود
وشال وللعلم ميعود
واصبح بابهم مسدود
يوم الغمض عيونه
🔹🔹🔹🔷🔹🔹🔹
كل شيعي علي حزنان
كلبه امنل الم خلصان
يا وسفه عظيم الشان
امنلسم انخطف لونه
🔹🔹🔹🔷🔹🔹🔹
الباقر شال من داره
دموع العين تتجاره
يا وسفه طفه انواره
واهله اعليه محزونه
🔹🔹🔹🔷🔹🔹🔹

*تـــمت والـــــفضـــ🤲ـــل لله تعالى*
*بقلم✍المله القديره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حـصـريـاً
#الشاعرة_نورس_الحلفي
#قصيده_لاستشهاد_الامام_الباقر

هوسه

ايام السبي الگضاها وي عمته
طفل جان الامام وهيه حاضنته
خبروها تجي وتنحب بفاتحته
مات الباقر وخلصت بعد قصته

نزلة الفزاعيه

وين زينب ــ مآتم تسويله
الچان مسبي وياها مات الليله

خبرو زينب خل تجي عزايه
بداره تنصب فاتحه واقرايه
علم ماعدها وخبر عن هايه
[خبروها// الباقر ميت]
ــ❁ــ❁ــ❁ــ

خبرو زينب خل تدگ اعزاها
واحنه نتگابل ننوح وياها
عله الباقر مايهيد ابچاها
[مبچيها // مصاب الحيد ]
ــ❁ــ❁ــ❁ــ

ريت زينب حاضره وتنعاله
وصلت الباقر الليله اجاله
مغرب وتنحب عليه اعياله
[حضريله// زينب للباقر]
ــ❁ــ❁ــ❁ــ

مات واحد من سبايه كربله
اليوم بالسم روحه ضلت ناحله
ام عون للباقر دموعج هامله
[يا محزونه// اعلي ونتچ]
ــ❁ــ❁ــ❁ــ

ونتج اعله الباقر ولمصابه
شال هاليله وغلگها ابوابه
وياج يازينب تنوح احبابه
[ونينه // لونينج زينب ]
ــ❁ــ❁ــ❁ــ

بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للباقر ع


ابوصالح نصب ماتم عله اجداده
كظو سم وذبج ياونت الساده
.....
مصيبه وهيجت نيران دلاله
من شافه يلوج وتصرخ اعياله
ذكر سكنه ورقيه بعين هماله
تسيل دموع عينه والحزن زاده
......
بيه هاج الحزن والدمع بعيونه
سمع ونات جده من يكبلونه
وبجه عالحسين من رادو يذبحونه
مايمه هله وفوك الثره اولاده
......
عله الباقر اليوم تسيل دمعاته
وهاج الحزن بيه وزادت اهاته
ذكر يوم المشه ويضعون عماته
هذا اليوم سله ومرد افاده
......

نصب ماتم المهدي وبالكلب ونه
واصوابات بيه وحيل ياذنه
ياونت الباقر هيجت حزنه
مردو جبدته ولاج عله الوساده
.......

نصب ماتم المهدي وكثرت الامه
عله الباقر حزين وذب العمامه
ينادي شيعته تلطم عله الهامه
صار السم عله اهلي والكتل عاده
.......

✍إم زينب كربلاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

💔 اصدار حصري وجديد لطميه ثكيله للامام الباقر عليه السلام 💔


مأسي كربله بعيني شفتها
مصيبه وي مصيبه شاهدتها
شفت هموم والام... من هجمت الظلام
مصيبه وي مصيبه شاهدتها

💔💔💔💔💔💔

مصايب كربله مرت عليه
شفت اجساد عا الغبره رميه
بعيني شاهدتها الغاضريه
جم لوعه ومصيبه... مرت عا الغريبه

مصيبه وي مصيبه شاهدتها

💔💔💔💔💔💔💔

شفت الام وهموم ومصايب
شفت عزاز كلبي بالحرايب
ضل كلبي على اهلي حيل ذايب
ظل مرسوم بالبال... لوعت ذيج العيال

مصيبه وي مصيبه شاهدتها

💔💔💔💔💔💔

مصيبه كربله ظلت على البال
مصيبتنه ثكيله تهد الجبال
ظل صبح ومسيه دمعي همال
ما بطلت نوحي.... ولا طابت جروحي

مصيبه وي مصيبه شاهدتها

💔💔💔💔💔💔

والشده ومصيبتنه الجبيره
زينب هايمه بذيج الضهيره
تحشم وين يابدر العشيره
وخيمنه حركوها ... وعيال السبوها

مصيبه وي مصيبه شاهدتها

💔💔💔💔💔💔

من بعد الخيم والذبح والنار
مجتوفين ادينه زغار وكبار
الصار علينه ماصاير ولاصار
بس نسوان وأيتام ... مشينه بيسر للشام

مصيبه وي مصيبه شاهدتها
💔💔💔💔💔💔

عشت عمري مأسي وشايل هموم
يهل دمعي وحالي دوم مالوم
واخر يوم هذا وچبدي مسموم
چبدي تفطر وذاب ... بحياتي آخر مصاب
مصيبه وي مصيبه شاهدتها

💔💔💔💔💔💔

تمت بأقلام خادمات اهل البيت عليهم السلام

غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له

والعمل مهداة الى روح الامام المهدي المنتظر عجل الله فرجه ونجعلها صدقه جاريه على ارواح اموتنا


✍️ ام حسين العامري

✍️ ام علي الموسوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك