تون بتك يخويه تريدك اليوم
فزّت لايــبه وتصرخ من النوم
ــــــــــــــــــــــــــــــــــــــــــــــ
فــــــــزّت صارخه وتصيح وينه
توني بالحـــــلم اسمع ونينـــــه
لگيته بس جــــسد ومخذمينه
شعل كلبي يعمه وزاد الهموم
عافاني/شلون الغالي
ــــــــــــــــــــــــــــــــــــــــــــ
هـــــــمّی زاد عمه وياه بلواي
هستوني ابوي  ابهاجسه وياي
وطلعت المتن واحجيله بهاي
ترضاهه الشـــمر ايعت الهدوم
عتاني /واصرخ بويه
ــــــــــــــــــــــــــــــــــــــ
ترضاهه ضربني  وضربته حيل
وخلاني دمعتي ابخدي تسیل
گتله اگعد دردّه اعلینه لیعيـل
تسمعني صحت بويه يمظلوم
العياله/اگعد وارجعها
ــــــــــــــــــــــــــــــــــــــــ
تسمع یاحنیني انت تحــبني
منظر حالتك بــــويه رعبني
بس منحر شفت عمه مردني
زغيره ومااحملها هاي الغموم
هداني/ مصاب الشفته
ـــــــــــــــــــــــــــــــــــــ
عاتبته وحچيت وياه حضنته
وين الراس ماهو اعله جثته
انفطر گلبي يعمه من نظرته
وين اصبع الخنصر گطعته الگوم
اصبع لبچفه/ماشفته
ــــــــــــــــــــــــــــــــــــــــ
تنهد حيل ابوي اشعر حضّني
چنه يگلي  اتوسدي عله متني
غفيت  ومن گعدت ابدونه لنّي
مويدري ابدونه حالي مهضوم
ولاساعه /مااصبر دونه
ـــــــــــــــــــــــــــــــــــــــ

تمت بقلمي والحمد لله
ام حسين المحمداويه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*((القصيدة من ديوان📚مسير الفواطم لإرض المظالم الجزء الرابع))*
*قصيدة لرقيه عليها السلام(عمه يا رقيه)*
❥━──➸➽❥❂❥━──➸➽❥❂
نص الليل تبچين             عمه يارقيه
ابوج حسين مذبوح      ضل بالغاضريه
حاجيني شتريدين ... هلي واهلج بعيدين
مايدرون عنج               مهضومه وسبيه
❥━──➸➽❥❂❥━──➸➽❥❂
ما يدرون عنچ مهظومه وتونين
وتگولين اريدن ابوي الغالي الحسين
اريد اليوم اشوفه واكحل بشوفته العين
ابوچ ابشوگ ردتيه… والمدمع هملتيه
وانه اشلون بيه           عمه يا رقيه
❥━──➸➽❥❂❥━──➸➽❥❂
انه شلون بيه فگدت اهلي والاخوان
ضاعو من اديه كل اخواني الاحنان
ما يتحمل فراگ ‌گلبي حيل تعبان
تعب گلبي ولا هاد ... واهلي عني بعاد
واحملت الاذيه           عمه يا رقيه
❥━──➸➽❥❂❥━──➸➽❥❂
حملت اهواي لوعات والالام ومصايب
يعمه وانتي وياي شفتيهه العجايب
زغيره وما تحملين كل هاي النوايب
طفلة ومايرحموچ… كلساع ويضربوچ
واعليچ شبديه          عمه يارقيه
❥━──➸➽❥❂❥━──➸➽❥❂
تگللها يعمه عليچ انه شبيدي
ريت الذبحو حسين حزولي وريدي
ورقيه تبچي وتگول اريد اليلزم ايدي
اريده الوالي الحسين ... ما ابطل من الونين
خل يحظر اليه           عمه يا رقيه
❥━──➸➽❥❂❥━──➸➽❥❂
جابو راس ابوها وحطو بين اديهه
لگته الوالي مذبوح وما جاوب عليهه
لفظت اخر انفاس من شافت وليهه
شالتهه العقيله ... والمدمع تسيله
ياعظم الرزيه             عمه يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥لطميه حزينه وتوجع القلب  للسيده رقيه عليها السلام 🔥

كأني عن لسان حال السيده رقيه اخذت تسأل عمتها زينب عن الي جره عليهن اثناء السبي طفله لم تتحمل ماجرى عليها

(لطميه ثكيله)

عمه زينب وين ابوي وين اهلنه
عمه هم عدهم علم بل صاير النه
روحي عمه مكدره....سولفيلي عالجره
عمه زينب...عمه زينب
🔥🔥🔥🔥🔥🔥🔥
عمه زينب سولفيلي...عمه شنهاذه المصاب
عمه كلنه امدللات...وكعدونه اعله التراب
عمه من كثر الهظم...عمه يادلالي ذاب
والهظم خلاني....مغيرات الواني
عمه زينب...عمه زينب
🔥🔥🔥🔥🔥🔥🔥
عمه زينب عمه اكعدي...سولفيلي عالجره
من بعد ذاك الدلال....اعله النياك ميسره
حسين اظن مايدري بيه....بلحبال مجرجره
والحبل كصص اديه...حسين اظن مايدري بيه
عمه زينب....عمه زينب

🔥🔥🔥🔥🔥🔥🔥
عمه زينب بالخرابه...عمه زينب كعدونه
والعدو شمتان بينه...عمه ويصدن عيونه
وين اهلنه اليوم عنه...عمه جنهم ضييعونه
وين اهل المرجله...خل يشوفو العايله
عمه زينب....عمه زينب
🔥🔥🔥🔥🔥🔥🔥🔥
عمه زينب عالتراب...عمه زينب شو كعدنه
الظالم بسوطه ولانه....عمه كالساع وضربنه
عمه زينب سولفيلي...عمه شالو وين اهلنه
عمه مايلفونه....بالهظم خلونه
عمه زينب..... عمه زينب
🔥🔥🔥🔥🔥🔥🔥
عمه زينب ارد انشدج....وادري اتزيد الجروح
وين عزي وكل دلالي...عمه بلحظه يروح
ليش من زغري يتيمه...كلبي ياعمه ينوح
والهظم بجاني...وغيرالي الواني
عمه زينب...عمه زينب
🔥🔥🔥🔥🔥🔥🔥🔥
عمه زينب سولفيلي...من الزغر ليش بحزن
مثل ورده وبحديقه....وذبل من عدهه الغصن
عمه من اول اسنيني...عشت بالهم والمحن
ازغيره عمه اعله لمصاب...روحي ماتحمل عذاب
عمه زينب....عمه زينب


تمت✍️ الشاعره والمله ام حسين العامري

من ديوان زينب والطفوف الجزء التاسع

غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه الرقيه ع مربعه
ـــــــــــــــــــــــــــــــــ
رقيه اشلون كعدوها بل اخرابه
تلطم عله الصدر وصيح يا يابه
ـــــــــــــــــــــــــــــــــ
شفتك بل حلم وبويه وبعد عينك
عله راسي مسحت يتيمه تدريني
بعد ذاك الدلال الضلم سابيني
نارك بل كلب يا بويه لهابه
ـــــــــــــــــــــــــــــــــ
عمه اصيح ابويه اشلون اودعنه
بعدني اصغيره ولا ما شبعت منه
نعوفه عله الترب ولموت اتمنا
لا ما ينحمل هل والد اغيابه
ـــــــــــــــــــــــــــــــــ
يابه اصيح ما واحد يحاجيه
من يوم الكفر سلبو تراجيها
شمطلوبه رقيه اويلي عليها
يا دارك يبويه هل غلك بابك
ـــــــــــــــــــــــــــــــــ
عمه اصيح وراس البو انطوها
تشتم من منحره ويلاه شافوها
من فوك الطشت ميته شالوها
واويلا اه يا احسين امصابه
ـــــــــــــــــــــــــــــــــ
كضا العمر سجادها من ضام
يا طول الدرب يدفن الايتام
اتفنها الرقيه ويلطم عله الهام
وشلون الحنين يدفن احبابه
ويلا العلج يا زينب شحملتي
وشكم فاجعه. يم الحزن شفتي
الله يساعدج كم صبر صبرتي
تكتب ام علي ولعين سجابه
ـــــــــــــــــــــــــــــــــ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه بهوسات للسيده رقيه عليها السلام


أتهز الشام .... يا ونت المدلوله
وماتت بلخرابه حسين گولوله
❥━──➸➽❥💔❥━──➸➽❥💔
أتهز الشام بت حسين ونتهه
أو بيهه أتحيرت شتسوي عمتهه
ثلث أسنين سنهه يا مصيبتهه
( وفجعوهه أبراس حسين )
❥━──➸➽❥💔❥━──➸➽❥💔
چانت نايمه وگعدت تون ونه
أو تبچي عالأبو وأتگول أريدنه
وزينب گالت أنه منين أجيبنه
( وبالحومه خلته أموذر )
❥━──➸➽❥💔❥━──➸➽❥💔
من النوم گعدت حيل مشتاگه
ولحسين الشهيد اليصعب أفراگه
أو وياه هالمسيه أتريد الأملاگه
( مشتاگه أتريد أتشوفه )
❥━──➸➽❥💔❥━──➸➽❥💔
طفله ومن أبوهه ليش حرموهه
أزغيره أشتحمل وبلسوط ضربوهه
أو خولي والشمر وأيزيد رعبوهه
( بعيونه يخزرهه الظالم )
❥━──➸➽❥💔❥━──➸➽❥💔
راس حسين جابوه وأجو ليهه
أشفاف الذبلت أبدمعتهه ترويهه
وشبگته وتشمه وأنغمه أعليهه
( المهضومه ماتت هاليوم )
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٤ من شهر ذي القعدة
الموافق / ٢٠٢٣/٥/٢٤


                         https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حماسيه للسيده رقيه عليها السلام


ونت رقيه بالليل وحسين أبوهه أتريده
فزت گلبهه محتام هاليوم چا شيهيده
❥━──➸➽❥💔❥━──➸➽❥💔
فزت حزينه أمن النوم وأتگول وين الوالي
توه أجاني أو شفته أو گعد يعمه أگبالي
وگلتله شوف العدوان بهذلت بويه أحوالي
ولمن حضنته وأبچيت مسح دمعتي بيده
❥━──➸➽❥💔❥━──➸➽❥💔
راويته جرح الأچفوف من السلاسل بلسبي
وگلتله نار الأخيام حرگت يبو سكنه العبي
أو فخر المخدر عمتي سابيهه بعدك الأجنبي
وخليتهه بويه أشلون وي آل أميه أوحيده
❥━──➸➽❥💔❥━──➸➽❥💔
من گعدت أبنتي أتنوح الوالي صاحت وينه
وبچت أخوهه السجاد والعايله وأسكينه
أبنص الخرابه بالليل تنحب الطفله أحزينه
ونت رقيه يا ناس ونتهه حيل أمجيده
❥━──➸➽❥💔❥━──➸➽❥💔
أشلون أسكتهه أشلون بيهه صرت محتاره
يا بابا وينك أتصيح والدمع دم يتجاره
بالطشت جابوا الراس الهه العده الغداره
والله يصبر السجاد راحت الطفله أمن أيده
❥━──➸➽❥💔❥━──➸➽❥💔
الله يصبر السجاد ماتت رقيه أعله النحر
شالاهه بيده هليوم حضنهه والونه يجر
علموت حيل أستعجلت لبنيه أو من الزغر
منهوا اليخبر المظلوم كربله عنه أبعيده
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأحد / ٣ من شهر صفر الحرام
الموافق / ٢٠٢٣/٨/٢٠

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

على رقيه واويلاه.

مهظومه ماتت تنحب اليوم
يابويه اكعدلي يمضلوم
متني يبويه حيل مالوم
كل ضربه اصيح حسين ويلاه


يابويه ما احمل عذابك
عذبني يالغالي مصابك
مشتاك ارجع من غيابك
يالدللتني ردلي بويه.


محتامه اشوفك واحجي الهموم
عندي سوالف ترس الهدوم
لو تتدري بينه شسوو الكوم
جارو علينه ياحسيناه


بويه بضربهم لوعونه
وبلارحم بويه ولونه
عالهزل مشونه وخذونه
نار الدليل تلوج والله

جابولي راسك بالطشت وين
جسمك يبعد الروح يحسين
خليني يمك اجري الونين
والاه وي روحي طلعناه

ام زينب السعداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

رقيه ع
......

يدفان الزغيره عينك اعليها

هاي الطاهره الجرو تراجيها
......

يدفان الزغيره ابهيده وياها

لاتلجم متنها السوط اذاها

ارحم حالها والنار بحشاها

واسياط الشمر تركن اثر بيها
.......

ماتت بل القهر والضيم والهضمه

طفله وشافته مذبوح ابو اليمه

شالت راس ابوها وضلت اتشمه

وماتت من حزنها ومن بواجيها


........

ماتت فوك راس حسين ملجومه

من السوط زركه وحيل مالومه

اه اعليج ياطفله يمضلومه

والله افراك ابوها حيل ماذيها
..........

ماذيها الافراك وهدم اعضاها

الله ايعينها واشعضم بلواها

طفله ويامصاب اتشوف عيناها

ويامحنه اليتيمه المرت اعليها
........

يامحنه اليتيمه البيها مامرت

ضيم الغاضريه من الزغر شالت

شافت راس ابوها بلطشت شافت

وتنضر حالته وهوه يصد ليها
.......

الله ايعين كلب الحوره عمتها

ميته اشلون فوك الراس شافتها

برض الشام ويلي اصير دفنتها

غربه الناس مابيها من اهاليها
........

غربه الناس ماهمه من الاحباب

مدفونه الزغيره ابديرت اجناب

وموش ابدارها بت داحي الباب

بين اجناب وسدها يواليها

..........

ام عمار العيساويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه بدايتها نعي الرقيه ع

تعالن  نون ويه الغرايب
وتريد عونه ام المصايب
ينار اخوانها ونار الخرايب


نزلت فزاعيه

لمصيبة رقيه اليوم
وين  الونت  ويانه
.............
وين  الطمت عله العين
وصاحت اه يبت حسين
وين  اهلج مشو   لاوين
من صحتي   يحزنانه
............
عالصرخت  توالي  اليل
صاحت  والدموع تسيل
ياعمله   التهد    الحيل
عليها    تريد    عوانه
.........
عينن   زينب  بهاليوم
نادت  والكلب مهظوم
اسوت ويرقيه  الكوم
عليها   ام عون نحلانه
..........
يوم  الونت  عالراس
وكامت  تجذب الانفاس
زينب  حشمت  عباس
كون   تعود  ذرعانه
..........
شيرده   عليه اردود
وكتي بالإخوان ايعود
جاكون الاخو  موجود
يشوف اسوت  اعدانه

✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب
المآسي  الفاطميه  الثامن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه بهوسات للأمام الحسن المجتبى عليه السلام


لطمي أعله الحسن لطمه حماسيه
وعيني أم الخدر زينب الحوريه
❥━──➸➽❥💔❥━──➸➽❥💔
عيني أم الخدر بمصاب واليهه
مسموم أرتحل عنهه أو گطع بيهه
ولطمي وياهه والونات عليهه
( وعازيهه زينب ببن أمهه )
❥━──➸➽❥💔❥━──➸➽❥💔
راعي الجود وسفه سمته جعده
طاح اليوم ويلي منمرد چبده
هذا أبن النبي يومه وصل حده
( أيفگدونه سبط المختار )
❥━──➸➽❥💔❥━──➸➽❥💔
شال اليفرش الديوان للخطار
طب للمگبره أو هاليوم سد الدار
وجت فرگته أبگلب العقيله نار
( وشيعوده يا بحر الجود )
❥━──➸➽❥💔❥━──➸➽❥💔
وي زينب تعاي الحسن لطميله
وأنعي أمصيبته المسموم وأبچيله
أو جادر فاتحه أبكل عام نصبيله
( وعينيهه الزهره أو زينب )
❥━──➸➽❥💔❥━──➸➽❥💔
ماننسى الحسن ماننسى أمصابه
وكلنه شيعته يا ناس وأحبابه
ونلطمله أو نهل الدمعه سچابه
( ويانه يوگف بالمحشر )
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٥ من شهر صفر الحرام
الموافق / ٢٠٢٣/٨/٢٢

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للامام الحسن سلام الله عليه


__
للمسموم كل النوح
ولاخته نعازيها.

يستاهل ندك لصدور.
ابو محمد كظه مقهور.
بسم الجبد مفطور.
قصته هاي تاليها/



يعين الله كلب اخته.
تبجي وتنتحب سكته.
من الضيم نخته .
اكعد يابطل ليها/


تبجي عليه عيب تهيد.
ابو محمد مشه البعيد.
غير مرافكه منريد.
فراكه حيل ماذيها/



نام وغمض اعيونه.
شلون اهله يعفونه.
الدار مظلمه ابدونه.
وحشه خلاف راعيها/

دوهنه جبير الدار.
راح وعافنه طشار.
ها يا وكتي الغدار.
بهالعمله التسويها/


ازغار ولاده يردونه.
سراج البيت والعونه.
ياوسفه يفكدونه.
الدنياهم مضويها/

*ناعية الخيام*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_منابر_النور_الجزء_٩_.


لطميه للأمام الحسن عليه السلام


بحر الجود شال اليوم من داره
من عكبه منو اليتلكه خطاره
❥━──➸➽❥💔❥━──➸➽❥💔
بحر الجود شايل والاعزوبيه
عاف اهله وخواته وعاف الابنيه
خطاره تجي واتعود عليه
( خطاره اكعد يلشايل )
❥━──➸➽❥💔❥━──➸➽❥💔
شايل يا حليف الزود والغيره
يا راعي الكرم شايل امنلديره
يا زود الشجاعه وطيب السيره
( يا هيبه لاوين امغرب )
❥━──➸➽❥💔❥━──➸➽❥💔
شايل ياكتر يا راعي الهيبه
يا صاحب الملكه امطول الغيبه
انته البل كرم والزود ترتيبه
( امنلغيره يلتنكط دوم )
❥━──➸➽❥💔❥━──➸➽❥💔
خطارك لفو وين اليحييهم
شلون اتشيل يلوالي وتخليهم
وانته البلعزوبيه تلاكيهم
( من شخصك ديوانك خالي )
❥━──➸➽❥💔❥━──➸➽❥💔
بحر الجود شال وما يرد لينه
منهو الي يحيي وينشد علينه
دارك خاليه الليله وتبجينه
( صبح خالي ديوان العز )
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للأربعين (#يا خو زينب )

يا خو زينب گوم زينب جتي توهه من اليسر
ياخو زينب گوه تمشي جتي محنية ظهر

**🖍🖍

ياخو زينب گوم لختک جتي من درب الهظم
جتي مهمومه بگلبھه گوم صير الهه انته أم
گوم شجيھه يخوھه وكافي گلھه لا تهم
گلھه محنه وگلھه عدت چنتي ما بين الزلم

يا خو زينب گوم ليھه__ومنهه ابد لا تعتذر

_🖍🖍🖍_

ھله بزينب گوم گلھه بشوفتك تهده قليل
جتي علظيم اتوچه بعد ما ظل عدهه حيل
تگبعت بالنوح بعدك وانسمع صوت العويل
جان شي واحد اظنه صوتي يطلع مستحيل

ياخو زينب تالي زينب _يزمخ اعليهه الشمر

✏✏✏

گوم گللھه يختي اشفتي گولي من عناه
وليش متنج لونه ازرگ ليش مشگوگه العباه
خويه بس لا شمر طگچ محد الگلاله لاه

لا تجسر هاي زينب ____حرمه مابين الكفر

_🖍🖍🖍_

گلھه اشمن يلعقيله بالعباه ريحت حرگ
صدگ من غمضت عيني حرگو الخيمه صدگ
وگالو الملعون يذكر اسمي ويزينب يطگ
رادته يذلچ يزينب وانتي ذليتي الخلگ

يا خو زينب گوم گلھه _عفيه بختي ام الصبر

✏✏✏✏_


گوم گلھه گطعي ونچ يالعزيزه وبطلي
انه لو ما أمر الله ياهو يدنه الي
وامره تنخيتي سبيه وما اگول ادللي
جرمه بيه يبقه سبيچ اي وحگ غيرة علي

ياخو زينب گلھه سبيچ جمره تسعر للحشر
يا خو زينب گوم زينب جتي توهه من اليسر
_
* * * للشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للاربعين
تقرأ  ثقيله مربعه
===========


مر  بكربلا  عمه  يسجاد
    
نرد الروس عمه فوگ الاجساد

==========

نرد الراس عمه لجسم الحسين

وابلل شفّته من دمعت العين

عطشان الگلب مفطور نصين

انرش الولي ماي انبرد الافاد

مر بكربلا عمه يسجاد

👆🏻👆🏻👆🏻👆🏻👆🏻

انركب روسهم بلچن يگعدون

وعن حالي وحالك خل ينشدون

اضنهم بلجرالي لا مايدرون

من رحنه سبايا بنص الأوهاد

مر بكربلا عمه يسجاد

👆🏻👆🏻👆🏻👆🏻👆🏻

مر بكربلا واصرخ اجينه

بلكي يسمعك ويفز ولينه

كله بكربلا بويه  نولينه

واحنه للخلگ والدنيه اسياد

مر بكربلا عمه يسجاد

👆🏻👆🏻👆🏻👆🏻👆🏻

مر اعلى الشريعه نشوف عباس

نشكيله هظمنه من الارجاس

نحط يمه الرايه وسيفه والطاس

ونسلّم على الكافل الوراد

مر بكربلا عمه يسجاد

👆🏻👆🏻👆🏻👆🏻👆🏻

گللهم اجت عمتي الحنينه

مكسورة گلب تبچي وحزينه

تريد اتسوي للوالي اربعينه

محد حضر من اهلي الابعاد

مر بكربلا عمه يسجاد


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله حول الاربعين ع طور خل نستراح هنانه



خويه وعلي مشتاكه...هم ترجع ونتلاكه
          الفراك يحرك بالكلب
محتامه اشوف عيونك...يمكن تغير لونك
         متعنيه ما همني الدرب



عيني تهمل كل صباح وكل مسيه
خويه  تعبني  الزمان  وخان بيه
خويه من يوم الرحت ميتات اديه
غمضت  عينك  ولا   تسأل عليه
      اعتب وريد اشكيلك
      مانمت ساعه ابليلك
   بس دمعي مابطل يصب




تهمل   عيوني و اون وحيلي رايح
والدرب جبته  يبعد   اهلي  نوايح
مال يا  خويه الحمل عكبك وطايح
صوتي مبحوح واصيح بصوت صايح
       اجيتك تهل ادموعي
      محنيه حيل ضلوعي
     فراكك عليه شكد صعب



هوايه عديت اليالي وكلبي ذايب
والكلب تسعر يناره من المصايب
يهدم الحيل  ويهد يوم  الحبايب
ياجرحهم يدي بعده وعيب طايب
          يفراكهم ياذيني
       خفف النوم بعيني
    متعنيه عندي شكد عتب



شكد صعب الفراك لو طالت الغيبه
احسب  الايام  و الراح   اشيجيبه
هل سفر يكتل يخويه شهل مصيبه
والله من دونك يبعد اختك غريبه
         يحد الوكت  بنيابه
      وكلها اصبحت طلابه
ونته   اعرف   بحال  الغرب



ساعه  انوحن  ساعه اتذكر  نزلنه
ذيج كعداتك وذيج جموع  اهلنه
أبالي جلماتك يجن  يابو  المحنه
حكي لو ابجي  عمر واسدر الونه
      مهضومه وابجي بحركه
      بالكبر      صار     الملكه
      نتسامر   شلون  ونطب


💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للأربعين نفس طور يبو فاضل مدد للرادود عمار الكناني
*
ياحيدر ياحيدر ياحيدر مدد
**
ياأبو الحسنين زاير احسبني لذبيحك ياأبو الحسنين
ياأبو الحسنين روحي توصل للضريح وتسبق الرجلين
ياأبو الحسنين بجاهك اتسجلني خادم فاطمه لحسين
إتسجلني بالدفتر خادم للخدم
وحسينك ماعوفه أقسم هالقسم
كل عام اتعناله ولراعي العلم
ياحيدر ياحيدر ياحيدر مدد
**
لكربله مشاي بأربعين حسين امشي لكربله مشاي
لكربله مشاي بيدي اشيل الرايه واذكر يمنة الوفاي
لكربله مشاي اذكر المذبوح ضامي لو شربت الماي
قويني وشد حيلي ياحيدر علي
لو تعبت اجدامي ازحف يالولي
لأولادك افديهم بأولادي وهلي
ياحيدر ياحيدر ياحيدر مدد
**
يالدحيت الباب معجزات هوايه عندك يالدحيت الباب
يالدحيت الباب ياحسين بلهفه اصرخ والدمع سجاب
يالدحيت الباب وادري تسمعني الزجيه ويه هالأحباب
احبابك وانصارك وليوم الوعد
وبدمنه انوقعهه للبيعه بعهد
ونصرخ يابو سكينه منعوفك ابد
ياحيدر ياحيدر ياحيدر مدد
**
لزينبك انصار شيعتك يابو اليتامه لزينبك انصار
لزينبك انصار عدنه بيعه للمنيه ويه راعي الثار
لزينبك انصار والله ماننسه السبوهه يالحميت الجار
نتلاكه نواسيهه نوصل كربله
من ردت لأخوتهه الظلو عالفله
واسم الله انكللهه ياميت هله
ياحيدر ياحيدر ياحيدر مدد
**
برفجة الجتال عالهزل مسبيه تمشي برفجة الجتال
برفجة الجتال ويه زين العابدين امجتفه بحبال
برفجة الجتال جابت الروس لأهلهه والدمع همال
تعتب عالعافوهه وتنوح بحزن
وتنادي يخواني مشتاكه واحن
ترضوهه يضربوني ورمولي المتن
ياحيدر ياحيدر ياحيدر مدد
**
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للاربعين بطور بحر الطويل


مشتاك الكلب يحسين  يمته ايزور اهاليه
واصل يم عزيز الروح وانصبله  اربعينيه
..................

الدرب طول يخال ابني/ وعليه زادت الالام
وانه  افاركه الوليان /الي شهر وعشر  تيام
عيني ماغفت ليله /  ولاطبك  جفنها  ونام
شلون اينامن عيوني/ وراسك يالولي جدام
ليل انهار اجر حسرات / والدمعات مجريه
.............
وحكك ياضوه عيوني/ ماغمضت ابد عيناي
شلون اتضوك خويه النوم /وراسك يالحنين وياي
يبن امي واجر صفنات / واكولن ماجره بلواي
مااهجع وانام اليل/ وراس حسين بيد اعداي

لمن ارجع عله الوالي /وارد راسه عالراعيه
.............
اريد اوصل خوال ابني / ويمهم اشتكي همي
وانشد وين ابوفاضل / واخوي الجابته امي
واكله اصار بغيابه / ضل بس الدمع سهمي
بلكت ينفض اترابه / واسولف لوكعد يمي
واكله من مرار  اعداك /  روحي اصبحت مكضيه
..........
هم اوصل واشم اثراه/ واشتم ريحت الخوه
مشتاكه عله ملكاهم / وذيج  ايامنه الحلوه
وياهم ابدي اعتابي/ واكلهم  وين  الامروه
عفتوني بهظم وبظيم/ ودهري يالولي اسوه
جم ديوان طبيته  / وجم شامت زمخ بيه
..........

اريد انصب عزاك اليوم/ واكعد عالكبر ونعاك
ادك والطم على عيوني / واجر معاتبي وياك
وكلك من رحت يحسين / يسيره ومانصبت عزاك
اريد ابجي عله امصابك / وعالراسي اهيل ثراك

تريد اتزوركم وتروح / بت امك   المسبيه

✍ام زينب كربلاء غير مبري الذمه من ياخذ الكلام وينسبه له او يحذف الاسم  الجزء الثامن من المآسي الفاطميه  


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للأربعين



سون بلطم ميدان من ردن لبوسكينه




لطمن حيل عالمنحور
وطلعنه هظم عاشور
وشدنه لطم الصدور

وخل ينعن نساوينه
سون بالطم ميدان من ردن لبوسكينه


زينب نعت للعطشان
جبنه الروس من كوفان
خويه وكامله النسوان

بس ماتت المسكينه
سون بالطم ميدان من ردن لبوسكينه


راحت منهه خويه الروح
حضنت راسك المذبوح
المن خويه حيره انوح

دفناهه وهظم بينه
سون بالطم ميدان من ردن لبوسكينه


وزينب جهبت المحبوب
تكله البي بخت معتوب
الدهر بعدك علي مكلوب

يم ايزيد طبينه
سون بالطم ميدان من ردن لبوسكينه


المثلك ينعتب مرات
الشيخه طبت الشامات
خويه وبالخرابه نبات

وعلينه الحرس حط عينه
سون بلطم ميدان من ردن لبوسكينه

الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥اصدار حصري وجديد لطميه لرجوع مولاتنا زينب يوم الاربعين 🔥


اليوم زينب ردت الولياها

وراس ابو السجاد رد اوياها

ردت تون وتصيح//وين كبرك ياذبيح

كوم يالعباس.... وتلكاها

كوم يالعباس... وتلكاها
✍️✍️✍️✍️✍️✍️✍️

اليوم ردت زينب بحسره وونين

جابت اوياها صدك راس الحسين

مابطل ونهه وكلبهه شكد حزين

اليوم ردت ناحله//كومو يهل المرجله

ضلت بحسره وتهل عيناها

كوم يالعباس... وتلكاها

كوم يالعباس... وتلكاها

✍️✍️✍️✍️✍️✍️✍️
ردت بحسره ومدامع هامله

راس اخوها شلون زينب شايله

شحالهه لمن تصل طف كربله

محد المنهم كعد.//والكلب منهه نمرد

تصيح صوت ومحد السمعاها

كوم يالعباس... وتلكاها

كوم يالعباس... وتلكاها

✍️✍️✍️✍️✍️✍️✍️
تصيح صوت ومحد يحاجيها

ردت بهضمه لعد واليها

اه يزينب يالهضم غاطيها

نادت بحسره والم//وين شيال العلم

رووس اهالهه جاي تبراها

كوم يالعباس... وتلكاها

كوم يالعباس... وتلكاها

✍️✍️✍️✍️✍️✍️✍️

رووس اهلها اليوم وياها اجت

جم مصيبه جم رزيه تحملت

شلونهه بياحال للطف اوصلت

تحشم ومحد سمع//والكلب منهه نفجع

محد المنهم كعد حياها

كوم يالعباس.... وتلكاها

كوم يالعباس... وتلكاها

✍️✍️✍️✍️✍️✍️✍️✍️
محد المنهم تلكه بت علي

وعتذر منهه لكال ادللي

ونت وصاحت اكعدو ياهلي

اليوم ردت للطفوف//وين مكطوع الجفوف

تلكو زينب كومو ياملفاها

كوم يالعباس.... وتلكاها

كوم يالعباس... وتلكاها

✍️✍️✍️✍️✍️✍️✍️

كعدو تلكوها هاي ام الخدر

ناشدوها جايه من ياكتر

ردت الكم ناحله من اليسر

هاي زينب يالكفيل//والدمع منهه يسيل

اه يادرب اليسر اذاها


كوم يالعباس.... وتلكاها

كوم يالعباس... وتلكاها


(تلكوها//يل بيكم غيره)

(وحياها//ماواحد كام)

(كوم وشوفوها//ام عون الردت ليكم)



تمت بفضل الله وعونه✍️الشاعره والمله ام حسين العامري

غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك